Fréttir
   

Miðengi
Fréttir 2017
fréttir 2016
Fréttir 2015
Fréttir 2014
Fréttir 2013
Fréttir 2012
Fréttir 2011
Frettir 2010
Fréttir 2009
Fréttir 2008
Fréttir 2007
Fréttir 2006
Fréttir 2005
Fréttir 2004
Fréttir 2003

 

 

 

 

5. júní 2018

Búin að vera rosalega löt við að uppfæra en eins og alltaf lofa ég bót og betrun sjáum til...

         Stússaðist aðeins á Selfossi í dag, Dóri og Sandra skelltu sér norður að horfa á Marel í dóm en mér fannst hann nú bara fá rosalega flotta dóma, en svo er yfirlitið á föstudaginn sjáum hvernig það fer. 

4. Júní 2018

         Við Aron skelltum okkur á Selfoss í morgun en þurftum að sækja glussaslöngu fyrir Bjössa, fórum svo einn hring að skoða hryssurnar.  Ég fór svo í bæinn eftir hádegið en ég átti tíma hjá taugalækninum mínum í spjall en svosem ekkert nýtt í gangi bara passa uppá að ég eigi nóg af lyfjum þar til næst.


2. júní 2018

           Hæra kastaði um miðjann daginn og nú fékk ég bleikálótta hryssu undan Brynjari frá Bakkakoti þannig að nú eru bara Nös og Vænting eftir.

1. júní 2018

           Spraka kastaði í dag og nú kom móálótt kannski litförótt hryssa undan Glampa geri ég ráð fyrir. 

31. maí 2018

          Þá eru hryssurnar aftur komnar i gang og Krafla kastaði í morgun en það kom álóttur hestur undan Glampa frá Kjarrhólum

26. maí 2018

         Kosningar í dag en ég fór að vinna þar smá með kvenfélaginu, bara gaman að því, karlarnir hér fóru í hina árlegu karlaferð og kusu utankjötstaðar í gær, svo nú er bara að krossa fingur og vona að þetta fari nú vel. 

22. maí 2018

         Hildur kastaði í dag en það kom móskjóttur hestur sem Sigga á en hann er undan Glampa frá Kjarrhólum 

21. maí 2018

         Folald númer þrjú kom í morgun en hún Ljúfa sem Guðni Reynir og Sigrún eiga kastaði og það kom brúnn hestur undan Svaka frá Miðsitju. 

20. maí 2018

         Hér var haldin útskriftarveisla og gott ef það mættu ekki um eða yfir  sextíu manns, maturinn alveg æðislegur og mjög gaman. 

19. maí 2018

          Útskriftardagurinn hennar Söndru í dag, ekkert rosalega heppin með veður en það gleymdist alveg í gleðinni yfir að vera búin með þennann áfanga, til lukku elsku Sandra okkar. 

18. maí 2018

Sigga á afmæli í dag til lukku með daginn elsku Siggan okkar.

         Við Bjössi brunuðum af stað norður að Hólum eftir hádegið með strákana hennar Siggu en Sandra er að útskrifast á morgun svo við ætlum að vera fyrir norðan og fylgjast með því.  Gekk rosalega vel noður með drengina og ekkert vesen sem betur fer.

17. maí 2018

          Við Sigga fórum á kvenfélagsfund í kvöld og bara gaman en tengdamamma fór ásamt mömmu og pabba noður á Hóla en við Bjössi ætlum þangað á morgun með strákana en Sigga verður skilin eftir heima að vinna. 

16. maí 2018

        Folald númer 2 kom í dag en það er svart hestfolald undan Kolskör og Marel en Gróa og Toni eiga þetta folald. 

15. maí 2018

Þorbjörn Óðinn orðinn fimm ára til lukku með daginn ömmugull

13. maí 2018

           Fyrsta folaldið kom í dag en það var hún Lísa sem var fyrst en það kom leirljós blésótt hryssa undan Marel sem Dóri og Sandra eiga. 

12. maí 2018

            Fórum út á Borg að ganga frá húsinu en vorum svo heppin að finna Ingu Dóru og Hemma úti á tjaldstæði ekki slæmt að fá þau með sér í frágang ásamt okkur sem komum héðan að heiman, Geiri og Ási í ömmukoti komu og gengu frá hljómsveitarpallinum, Marinó kom og hirti restina af hljómsveitagræjunum og húsið bara klárt fyrir skólann seinnipartinn takk allir fyrir hjálpina.

11. maí 2018

          Afmæli aldarinn var í kvöld og vá hvað ég var ánægð með veisluna fullt af skemmtilegu fólki sem mætti og ég naut mín í botn,  Helgi Björns mæti og dansaði uppá borðum og söng eins og engill, maturinn lukkaðist þvílíkt vel og Stuðlabandi var bara æði, takk allir fyrir að gera daginn ógleymanlegann. 

6. maí 2018

          Letidagur í dag eins og oft áður bara verið að undirbúa afmælið í hausnum hehe en þetta fer allt að skýrast, mikið verður þetta nú gaman og fullt af frábæru fólki sem ætlar að koma og gleðjast með mér. 

4. maí 2018

            Skaust á Selfoss í morgun, fór svo eftír hádegið og hitti Láru úti í Félagsheimili, og fór svo í Ártanga að hitta Eddu og skoða blóm fyrir afmælið,   það er annað hvort hvítt eða bleikur litur en hugsa að þetta sé ekki rétti bleiki liturinn en sjáum til.  Nú Jonni, Linda og Ingþór kýktu svo hér í kvöld og við sulluðum saman bláum drykk sem verður í fordrykk, en þetta einfalda er nú alltaf best.

3. maí 2018

            Kýkti á merarnar en ekki mikil breyting nema hvað að ég gat ekki betur séð en að Katla væri í látum ekki gott það.  Kýkti svo til Piu í heilun voða notarlegt verð ég að segja.

2. maí 2018

            Fór í bæinn í dag í jarðaförina hans Björns Guðmunds en Inga og Helga í Vaðnesi fóru með mér, við fórum svo í Costco áður en við fórum heim.  Hittum fullt af sveitungun í jarðaförinni eins og við var að búast. 

1. maí 2018

             Dóri fór með Dyljá og Dal í prufu til Viðars í dag, og ég fékk svo sms um að ég ætti að skrá þau bæði í kynbótadóm í byrjun júní svo það er ansi spennandi verð ég að segja.   Kýkti svo á hryssurnar og orðin nokkuð viss um að það er fyl í Hildi en um daginn var bara stálmi öðrumegin og ég var aðeins hrædd um  að þetta væri gömul júgurbólga en nú er kominn stálmi báðumegin, og eins er farið að aukast undir Lísu líka þannig að þetta er mjög spennandi.

28. apríl 2018

             Fórum á Ræktun 2018 í Ölfushöllinni þetta var rosalega gaman en Dóri var þar með Hólanemum og var á Dal og gekk bara ljómandi vel. 

27. apríl 2018

              Matarklúbbur á Stokkseyri í kvöld gaman eins og alltaf takk fyrir okkur kæru vinir. 

19. apríl 2018

             Við Inga fórum á Selfoss í morgun með Siggu strákum og heimsóttum Völu ömmu og Gústa afa og kýktum svo í opið hús á Selfossi bara gaman að því.  Annars bara allt við það sama og sumarið vonandi að koma enda sumardagurinn fyrsti í dag.  Dóri fór svo með Dalinn í Ölfushöllina en annað árið á Hólum verður með sýningu þar á Ræktun 2018 í lok apríl en það verður gaman að sjá það. 

17. april 2018

           Fór á Selfoss eftir hádegið með tengdamömmu en það er löng helgi framundan og frí í leiksklóla og skóla þannig að drengirnir allir eru heima í löngu helgarfríi.

16. apríl 2018

           Var mætt uppá spítala klukkan átta í morgun í lyfjagjöf en loksins slapp ég í gegn og fékk lyfið en fræa upphafi þess að ég byrjaði á þessu lyfi í des 2016 þá er búið að festa mér samtals um fjóra mánuði en þetta var lyfjagjöf númer þrjú.  Það var byrjað á að dæla i mig sterum nú og svo allsskonar lyf og að lokum Mapthera en ég held að ég hafi nú sofið mestallann tímann rumskaði á hálftíma fresti þegar blóðþrystingurinn var tekinn.  Var svo komin heim uppúr klukkan þrjú sem var bara ansi gott.

15. apríl 2018

             Fermingarveisla í dag hjá Ísak Mána, mikið flott veisla eins og við var að búast takk kærlega fyrir okkur. 

14. apríl 2018

            Skelltum okkur á opnun í Gallerí Fold á sýninguna hennar Hrafnhildar Ingu og vá hvað þetta eru flottar myndir, mikið gaman að þessu. 

10. apríl 2018

           Nú fer að styttast í afmælið mikið er ég spennt, held og vona að það komi fullt af  fólki, er farin að hamstra kjúkling og bjór hehe já og ýmislegt fleira, þetta verður eitthvað en vonandi tekst mér að fá að vita fjöldann nokkurnveginn svo ég verði nú með nóg af öllu. 

8. apríl 2018

          Við Þorbjörn Óðinn fórum með Gústa afa og Völu ömmu í afmæliskaffi til Tótu og Dóru í dag bara gaman af því.

mars 2018

        Búin að vera ansi löt að uppfæra undanfarið og man svo ekkert hvað er búið að vera í gangi en hér kemur brot af því 

29. mars 2018

         Foreldrar Söndru komu í dag og fórum við með þeim ásamt Dóra og Söndru á Jesus Crist tónleikana í hörpu í kvöld og vá hvað var gaman, mikið flottir tónleikar.

28. mars 2018

          Dóri og Sandra komin í páskafrí en eftir páskana fer Sandra aftur norður en Dóri byrjar í verknámi hjá honum Viðari Ingólfs en sjálfsagt lærir pjakkurinn eitthvað þar.  Ég brunaði svo í bæinn í dag ásamt Ingu en ég átti tíma hjá ofnæmislækni, auðvitað er ég ekki með neitt ofnæmi en Bjössi var að vona að ég væri með ofnæmi fyrir hundum og köttum hehe en svo heppinn var hann ekki.

23. mars 2018

       Fór í endajaxlatöku í morgun og gekk bara ljómandi vel, svo vonandi fer ég nú að sprækjast og fæ svo lyfið mitt í apríl.

19. mars 2018

        Fór til Hauks taugalæknis í dag, hann er lét sér detta í hug að ég væri svona léleg þar sem ég er alltaf með sýkingu út af endajaxli og það dugar til þess að öll gömlu MS einkennin gera vart við sig.  Þannig að ég fæ ekki lyf fyrr en búið er að taka endajaxlinn svo nú er bara að sjá til en það var líka háls-nef og eyrnarlæknir sem kýkti á mig og fann auðvitað ekkert að mér.       

1-15 mars 2018

Tenerife

          Tvær vikur á Tenerife og ekkert smá gaman verð ég að segja höfðum það rosalega gott í góðra vina hópi, ég var dekurð eins og prinsessa hehe takk fyrir frábæra ferð kæru vinir.

26. febrúar 2018

         Enn rok og rigning en samt ekki eins slæmt og í gær, var bara löt heima í dag en báðir strákarnir og Sigga voru öll veik heima í dag en vonandi komast þau nú í vinnu og leikskólann á morgun. 

25. febrúar 2018

           Malín og Jóga kýktu hér við í morgun en Malin átti eitthvað af hundagrindum hér og gotkassa.  Við Inga fórum svo eftir hádegið og sóttum strákana en ekkert smá rok á leiðinni.  Nú Lárus kom svo hér við í kvöld og mældi fyrir spápum sem hann ætlar að henda hér upp á meðan við erum á Tenerife

24. febrúar 2018

          Fórum á Hundur í óskilum á Hótel Selfossi en við vorum sex sem fórum, við Bjössi, Sigga, Inga, Ási og Bjarki.  Byrjuðum á að fá okkur að borða á Kaffi Krús og vá hvað þetta var skemmtilegir tónleikar eða sýning eða hvað við viljum kalla þetta, mikið helgið og gott ef sum okkar verða ekki með harðserrur i maganum á morgun. 

23. febrúar 2018

          Ansi löt við að uppfæra og er alltaf að lofa að laga þetta en ekkert gerist hehe, hér rignir bara eins og enginn sé morgundagurinn, og svo er rok með þessu líka en vonandi ferð nú veðrið að lagast. Kýkti á Selfoss í morgun en þessir dagar sem ég fer á Selfoss eru nú bara ónýtir á eftir, þó svo ég geri nú ekki mikið, en er annars farin í að breyta smá hér nú og svo er von á spápum í herbergin í næsta mánuði eða á meðan við  erum á Tenerife, verðu gaman að koma heim og sjá hvernig þetta kemur út.  Við Bjössi kýktum aðeins á  Gróu og Tona í kvöld alveg útrúlegt hvað ég er seig hehe 

         Annars er Vala frænka búin að vera í allskonar rannsóknum á sjúkrahúsi þar sem hún er alveg ónýt í maga og það sem þeir gefa helst úr er Mígreni í maga en man að Guðni Reynir fékk einsusinni svona greiningu en þá sagði heimilislæknirinn að mígreni í maga væri það kallað þegar þeir finna ekkert út úr þessu.... en sjáum hvort ekki verður hægt að koma lagi á stelpuskottið. 

18. febrúar 2018

            Seldi tvær merar í blóð um daginn og þær voru sóttar í dag en það er nú ekki alltaf veður í svona ferðalög endalausar lægðir og læti en þetta slapp til. 

17. febrúar 2018

            Fórum sjö saman upp í Borgarnes í þrítugsafmælið hans Stebba en það vorum við Bjössi, Dóri og Sandra, Sigga og Bjarki og Sigrún, þetta var rosalega gaman en vorum komin heim um tvö leitið.  Strákarnir fóru og gistu hjá Guðna Reyni og fannst nú ekkert smá spennandi að fara það gekk líka svona ljómandi vel. 

           Dóri og Sandra kýktu svo á graðhestinn minn hann Ása og leist líka svona ljómandi vel á hann þannig að það verður eitthvað sem þarf að vinna í honum áfram svo ég ákvað að láta þau hafa sitthvor 26%  í folanum og nú þurfa þau alveg að sjá um allt sem honum við kemur en ætla að eiga Dal áfram alein  hehe

16. febrúar 2018

            Matarklúbbur hér í kvöld og rosagaman mættum öll nema Þóra Beta en alltaf gaman að hittast og borða saman.  Dóri og Sandra komu heim og Bjarki var hér líka bara gaman nú og Sigga var auðvitað heima með strákana sína. 

15. febrúar 2018

            Fór í Laugarás í morgun með Bjössa, ég þurfti orðið eitthvað af vottorðum og lyfjum, fórum svo beint á Selfoss og náði að skila öllum þessum vottorðum á rétta staði og gera næstum allt sem ég þurfti að gera. 

14. febrúar 2018

            Átti tíma hjá ofnæmislækni í bænum í dag en ákvað í gær að fresta tímanum þar sem spáin fyrir daginn í dag var ekkert spennandi og það stóðst var voða ánægð með að þurfa ekkert að fara. 

12. febrúar 2018

            Ætluðum í Laugarás í morgun en allt ófært og eða lokað svo við frestum því bara fram á fimmtudag.

10. febrúar 2018

            Leiðindarveður í dag og allt lokað en höfðum það nú bara gott hér heima. 

9. febrúar 2018

            Enn og aftur komin föstudagur, við Inga fórum suður um hádegið með strákana, ágætt að geta verið á ferðinni í björtu, komum svo aðeins við í Costco á heimleiðnni og vorum komnar heim um fimm leitið.  Spáin ekki spennandi en svo er bara að sjá hvort þetta gengur eftir. 

7. febrúar 2018

            Fékk agalega slæmsku í tönn um daginn samt ekki tannpínu og fékk sýklalyf fór svo í morgun til að láta laga þetta enda orðin góð en samkvæmt myndatöku er ég enn með bullandi sýkingu og ekkert gert fyrr en seinnipartinn í mars og meiri sýklalyf sem gerir ekkert til  þau fara ekkert illa í mig.

             Nú og svo fóru Marel og Dalur í spattmyndatöku í byrjun árs og báðir komnir með grænt S í worldfeng sem er bara snilld. 

3. febrúar 2018

          Þorrablót í hesthúsinu í dag og útreiðar, ég var nú ansi löt og hafði það bara gott hér heima með strákana.  Sigrún veiktist í morgun og var mikið kvalin og send með sjúkrabíl á Selfoss, rétt náði að ræna strákunum hennar og fara með þá heim tíl mín áður en hún var borin út í sjúkrabíl en niðurstaðan var sú að þetta voru blöðrur á eggjastokk sem spurngu en þetta er víst mjög kvalarfullt.  Hún kom nú samt heim í kvöld full af verkjalyfjum og vonandi gengur þetta hratt yfir.

2. febrúar 2018

            Þorrablótsnefndin hittist hér í mat á lokafundi og allir mikið sáttir komum ekki út í mínus og þá er takmarkinu náð. 

29. janúar 2018

           Við Inga skutluðumst í Costco í dag og fórum svo og sóttum strákana til Arnars, en Sigga auðvitað að vinna og ágætt að ég geti skutlast þetta. 

28. janúar 2018

           Dóri og Sandra brunuðu norður í dag, við Bjössi og Sigga fórum svo út á Borg að ganga frá eftir þorrablótið ásamt nefndinni og Láru, þetta gekk ótrúlega hratt og vel fyrir sig nú er bara að klára pappírsvinnu og þá er þetta frá. 

27. janúar 2018

             Annar í þorra í dag, fórum í graut til Jonna og Lindu eins og alltaf bara gaman af því.   Einhverjir fóru svo á hestbak en bara rólegur dagur hjá mér.

26. janúar 2018

             Mikið um að vera í dag, við Elaine fórum með strákana suðureftír um hádegið og þaðan skutlaði ég henni uppá flugvöll með hvolpana en það gekk bara eins og í sögu og var svo heppin að ættbækurnar voru tilbúnar niður á félagi svo við gátum sótt þær í leiðinni. 

            Tók svo Þóru svo með í heimleiðinni en komum aðeins  við í ríkinu en brunuðum svo heim en það er þorrablótsdagurinn stóri í dag.  Blótið gekk líka svona ljómandi vel allt  tóks eins og best var á kosið og rúmlega það, mikið gott að þetta er nú samt búið. 

25. janúar 2018

            Kýktum aðeins  í Þingborg í dag bara gaman að því eins og alltaf svo smá stúss á Selfossi en annars bara tekið því rólega.  Haukur taugalæknir hringdi svo og samkvæmt MRI eru engar breytingar í gangi svo það er blóðprufa og hugsanlega sterar framundan en sjáum til.

24. janúar 2018

           Elaine kom með flugi í morgun en ég sótti hana uppá flugvöll.  Mikið gott og gaman að hitta hana loksins eftir öll þessi ár en ansi langt síðan hún kom hér síðast. 

23. janúar 2018

         Fór með hvolpana tvo sem eru að fara til Ameríku á föstudaginn í dýralæknisskoðun en það eru bara þessir tveir eftir heima og allt eins og það á að vera. 

19. janúar 2018

          Hringt í mig í gær af Borgarspítalanum og á tíma í MRI í dag kl  13.30 og auðvitað stökk ég á það fór í bæinn og bauð tengdamömmu í bíltúr en hún heimsótti Immu frænku á meðan ég bara í þessu stússi.  Fæ svo niðurstöðu eftir helgina, vonandi kemur eitthvað út úr þessu nú annars verð ég bara svona áfram hvort sem er.   Bjarki kom svo hér í kvöld og mikið spáð í þorrablótsskemmtiatriði og vá hvað ég held að þetta verði gaman.

16. janúar 2018

          Talaði við Hauk taugalækni í dag og við vorum sammála um að ég mætti nú vera skárri, hann ætlar að panta tíma í MRI sem allra fyrst og sjá hvað er í gangi, vonandi bara í næstu viku, en eftir það verður staðan tekin og spurning um stera eða hvað en sjáum til.  Þorrablótsnefndarfundur í kvöld og þetta er allt að koma, held að þetta verði bara gaman.

15. janúar 2018

          Letidagur í dag eins og svo oft undanfarið, mamma og pabbi kýktu í heimsókn og spöruðu mér ferð á Selfoss en voða gott að geta látið eftir mér að vera bara heima.  Er svo bara mikið með hugann við þorrablótið en undirbúningur á fullu og gengur bara vel finnst mér. 

14. janúar 2018

          Jæja er nú ekki alveg hætt að blogga en búin að vera ansi löt undanfarið, þetta heitir líklega ms kast það hljómar allavega betur en leti hehe, nú er meira en ár síðan ég byrjaði á nýju lyfi en mér finnst það ekkert vera að virka en svo er spurning hver staðan væri ef ég hefði ekki verið á neinu lyfi kannski bara mikið verri en nóg um það.

         Her er held ég allt við það sama,  en ætla að halda uppá fimmtugsafmælið mitt í vor sem á að verða þvílíkt partý hehe, annars er víst þorrablót fyrst og við Bjössi og Sigga í nefndinni og undirbúningur á fullu þetta verður vonandi eitthvað....

        Við Bjössi fórum að sækja strákana til Keflavíkur í dag en leiðindarveður og öllu lokað á eftir okkur vorum bara heppin að sleppa heim en reyndar var suðurstrandarvegurinn opinn og hefði svosem verið vit að nota þá leið svona almennt.

     

[Miðengi] [Forystusauðurinn Harrý] [Kringlumyri] [Gestabók] [Fréttir] [Um okkur] [Kersins kennel] [Hestar/Horse] [Niðjatal Ólafíu] [Sumarhúsafréttir] [Sleppitúrar/vorferðir] [Links/Hlekkir] [E-mail]