31. des 2014

             Skaust á Selfoss í morgun en nú er Una mín komin 5 vikur af 9 og lítur ekki út fyrir að vera hvolpafull, svo ég fór með hana í sónar.  Þegar Skvísa var komin 3 vikur var ég nokkuð viss um að það væru hvolpar í henni en var orðin nokkuð viss um að Una væri tóm, en viti menn Ásdís sónaði tíkina og ég hélt hún ætlaði bara aldrei að hætta að telja hehe tíkin semsagt full af hvolpum, svo nú er bara að krossa fingur og vona að ég fái nú kyn og liti eins og mig langar helst í.  Verslaði svo smá það sem vantaði.

          Arnar kom svo austur strax eftir vinnu, Gunni Har var mættur tímanlega enda ekki eftir neinu að bíða heima hjá honum, Guðrún Lára og Óðinn komu svo austur nú mamma og pabbi og tendó voru svo öll hér í mat við vorum samtals 13. Étið yfir sig að venju.  Þorbjörn Óðinn í banastuði dansaði var mjög kátur.  Fórum svo á brennuna á Borg og horfðum á flugeldasýninguna.  Þörbjörn Óðinn vakti svo til háltvö og mikið stuð á honum. 

30. des 2014

            Fór strax eftir hádegið út á hreppsskrifstofu að kvitta á pappíra, nú sótti svo Bjössa svo hann gæti tekið L-200 bílinn heim frá Selfossi og svo var brunað á Selfoss að versla fyrir áramótin, Gunni Har var svo mættur í kaffi þegar ég kom heim.   Kjartan Gunnar mætti svo í kvöld til að járna einhver hross nú ekki alveg klár á hvaða hross það eru en nóg til svosem.

         Ætla svo að fara í fyrramálið með Unu í sónar er er nú ekki viss um að hún sé hvolpafull en það kemur í ljós á morgun vona ég. 

29. des 2014

           Við Brúney skelltum okkur í bæjarferð í dag,  en Baldvin fór með okkur.  Sótti þau niður í Vaðanes og ekkert smá mikil hálka á Vaðnesafleggjaranum, hér reyndar líka en samt ekki nærri eins hált og niður í Vaðnes.  Áttum alveg frabæra ferð en reyndar biluðu rúðuþurrkurnar á bílnum hans Dóra svo sá  bíll var skilinn eftir í Kópavoginum en við fórum bara á bláa bílnum hennar Siggu heim.  En bara frábær dagur og takk fyrir daginn Brúney og Baldvin.

28. des 2014

          Fengum aleilis skemmtilega heimsókn í gærkvöldi en Gróa, Toni, Stebbi og Hildur komu í heimsólk en þau höfðu verið í mennigar og leikhúsfer í bænum og komu svo austur í gistinu mikið gaman að sjá og fá þau í heimsókn,  setið frameftir nóttu í spjalli, mikið gaman og takk fyrir komuna.

          Skaust svo á Selfoss í morgun ásamt Ingu, kýktum aðeins í Krónuna og sóttum svo Dóra en  hann var á Selfossi með strákunum.  Adam kýkti svo í kaffi hér og svo kom hún Sandra með fríðu föruneiti, vinafólk og börnin semsagt með að koma og skoða hvolpana, það var svo orðið spurning um að daman tæki bara alla holpana með sér og tíkina líka en benti henni nú á að það væri bara einfaldara að skilja stelpuna eftir ;) en það varð úr að stelpan fór heim og tíkin og hvolparnir urðu eftir en nú er niðurtalning í 22 jan þegar þau geta sótt hvolpinn sinn.

        Fór svo uppá bæ og sat hjá strákunum í smá stund á meðan foreldrarnir skelltu sér á hestbak, vissi bara ekki af þeim Aron Rafn að leika sér með allt dótið sitt og Árni Kristinn alsæll ef hann fær nóg að drekka, og fékk svo smá lúr.

        Stuðbolinn hann Þorbjörn Óðinn vaknaði ekki fyrr en um hádegi eins og undanfarna daga en mátti ekkert vera að því að leggja sig í dag og var bara sofnaður um átta leiðið í kvöld þannig að það næst smá regla á hann áður en áramótin skella á og allt snýst við en það gerir svosem ekkert til, er í fríi í leikskólanum fram á nýjárið.

         Árni Kristinn kýkti svo í smá ömmu og afa kúr en krakkanir voru að koma úr jólaboði á Selfossi og ákvaðu að drífa sig með Aron í fjárhúsið að gefa fénu, en Aron Rafn fullur af orku eftir allt jólastússið, bara gaman að því.

         Heyrði svo í Gunna Har í dag en hann er bara alls ekki nógu góður eftir áreksturinn um daginn, og er frekar lítið á ferðinni, en er aðeins með svima en hann kemur nú hér á gamlárskvöld þó svo ég verði að sækja hann svona ef hann treystir sér ekki til að keyra.

          Við Brúney erum svo að fara í bæjarferð á morgun, vonandi verður þokkalegt verður, og allt gangi sem best hjá okkur. 

27. des 2014

Bensi bróðir er 45 ára í dag, til lukku með daginn þinn

         Frekar kalt í dag, sem kemur sér ágætlega þar sem ég á hangikjöt sem ég kem ekki enn í kistuna svo það er bara úti í bíl þar til það kemur þýða eða losnar pláss í kistunni.  Inga kom við í dag og eins komu mamma og pabbi við.  Annars  bara allt í rólegheitum, eldaði léttreykta lambahamborgarahryggi í kvöldmatinn og vá hvað þetta var gott hefði kannski átt að sjóða þá áður en ég setti þá í ofn en þeir voru svona í saltara lagi en mér fannst þeir bara æði.  Buðum Sigrúnu, Guðna Reyni og strákunum í mat hef bara ekki séð Aron síðan fyrir jól en hann var mikið kátur að vanda og strákarnir kátir að hittast. 

26. des 2014

            Bætti aðeins í snjóinn í nótt, hugsa að það megi nú ekki mikið blása svo það verði ekki allt ófært en hefur sloppið til í dag allavegana.  Fór í morgun út að Bjarnastöðum og sótti restina af hangikjötinu mínu.  Kom aðeins við hjá Hönnu Kötu í heimleiðinni.  Nú svo kom Kjartan Gunnar hér og sótti sófa og stóla og fór með að Villingarvatni.  Dóri fór svo á Selfoss í kvöld með strákunum en þeir ætluð að hittast hjá Kjartani og fara svo á barinn.  Annars bara rólegheit í dag.

25. des 2014

           Fór í morgun og sótti mér hangikjöt í kofann til hennar Gunnu, tóku tvö læri og þrjá hryggi en Arnar skellti lærunum í rúllur sem ég sauð svo og vá hvað þetta var gott, allir sammála um að þetta var mikið betra en framparturinn sem ég átti og var reyktur í viðurkenndir kjötvinnslu.  Sækjir svo hin fjögur lærin á morgun þar sem þetta var greinilega orðið alveg tilbúið, en veit nú ekki alveg hvað ég á að koma þessu fyrir þar sem allar kistur og frystiskápar og hólf eru full en sjáum til hvað mér leggst til. Nú fórum svo í súkkulaði og kökur í kaffinu til Ingu alltaf jafn gott hjá henni. 

´      Gurra frænka kom svo ásamt sínum manni og syni hans að skoða hvolpana.  Var svo með hið árlega jólaboð í kvöld, hangikjöt með tilheyrandi en gleymdi reynar að kaupa laufabrauð ;( en svo komu Arnar og Höddi með pate sem þótti rosalega gott.  Það var svo spilað hér fram yfir miðnætti og mikið gaman,  en það voru krakkarnir sem voru að spila, það var dregið í lið en Sigga og Ingi Sveinn voru saman í liði, Sigrún og Rakel, Dóri og Steinar og svo Arnar og Sævar Ingi sem stóðu uppi sem sigurveigarar en þau hin voru nú kom á það að það hefið verið svindl í gangi en ekki veit ég neitt um það.  Takk öll sem komuð fyrir frábæra kvöldstund langt síðan það hefur verið svona góð mæting og setið svona lengi.

24. des 2014

         Gleðilega hátíð kæru vinir

          Fékk far með Jonna á Selfoss og ætlaði að sækja restina af stólunum og L-200 bílinn  sem átti að vera klár eftir viðgerð, en viti menn gamli vildi ekki í gang en Jonni gat komið stólunum í bílinn hjá þér þannig að þetta slapp allt til. 

          Hinkruðum efitr að Arnar kæmi heim úr vinnunni og höfðum möndlugjöf en það var spilið Bezzerwizzer, Dóri vann sem hefur ekki gerst lengi lengi þannig að hann var aldeilis klátur, en þetta er mikið skemmtilegt spil.

         Áttu svo yndislega kvöldstund, mikið gaman að því hvað Þorbjörn Óðinn var rólegur en hann áttaði sig samt á að það væri einhvað spennandi í pökkunum, og lék sem með allt dótið sem hann fékk en mjúku pakkana var hann nú ekki mikið að skoða.  Maturinn tókst svona ljómandi vel en mér fannst nú bæði kjötið og sósan ekki eins og vant er en krakkarnir sögðu þetta alveg eins og það átti að vera þannig að eins og mig var farið að gruna er bragðskynið að rugla í mér þessa dagana.

23. des 2014

         Við fórum í skötu á Borg í dag en Lions klúbburinn er með skötuveislu þar en við Bjössi, Sigga, Inga og Jonni fórum saman, Dóri ákvað að vera heima með Þorbjörn Óðinn.  Skatan var rosalega góð, takk fyrir mig.  Nú aðeins tiltektarstúss hér heima en fór svo á Selfoss seinnipartinn og náði að klára að verlsa allar jólagjafirnar og allt sem ég átti eftir að versla í mat og drykk fyrir hátíðana.  Sótti svo hluta af stólunum en sækji restina í fyrramálið. 

22. des 2014

          Fórum í bæinn í dag það er að segja ég, Þorbjörn Óðinn, Sigga og Inga,  Þorjörn Óðinn fór til ömmu sinnar í Kópavoginum á meðan við þrjár fóru að klára jólainnkaupin, byrjaði á að sækja hundafóður, svo var farið á Smáratorg sem var bara geðveiki, enda stoppuðum við ekkert þar, svo fór Sigga í Elkó, brunuðum svo í Korputorg sem er allt annað mál nóg af bílastæðum og næstum rólegheit.  Keypi stóla í eldhúsið handa okkur Bjössa í jólagjöf og get svo sótt þá á Selfoss seinnipartinn á morgun, bara nokkuð sátt við stólana.  Fórum svo í Toy´sarum og náðum í slatta af dóti.  Held við höfum náða að klára allt sem við þurftum í borg óttans.  Sóttum svo drenginn sem var búinn að vera eins og engill hjá ömmu sinni og brunuðum austur.

21. des 2014

          Við Gunni skelltum okkur á Selfoss í morgun en okkur vantaði orðið ýmislegt í kotin.  Gunni fékk svo litla bílinn hjá Bensa að láni en hann þurfti jú að komast heim enda víst von á gestum til hans skildist mér. 

       Fór svo á Snæfoksstaði og fékk jólatré hjá skóræktinni fékk þetta líka fallega tré, bara gaman að því.  Steini kom svo við með dagatölin, sem eru ekkert smá flott en annað árið í röð sem það er Kersins hundur á forsíðunni ég er að sjálfsögðu agalega montin með það :) en það er  nú einhvað af Kersins hunum inní dagatalanu líka :)

      Hvolarnir dafna þvílíkt vel og blása út. 

20. des 2014

          Þar kom að því að ég varð veik, en gubbupesin náði í mig í nótt en kenni Tysabri-inu um en það svæfir jú ónæmiskerfið.  En hristi þetta af mér í morgun enda má ég ekkert vera að þessu. 

          Í dag var svo verið að hleypa til alltaf dálítið at í kringum það, en Guðni Reynir er búinn að raða hverri einustu kind undir hrút svo það þarf að draga þær allar í sínar krær.  Eg dröslaðist í fjárhúsið að reyna að gera gang og gat svosem staðið í hliði.

         Annars er Sigga búin í prófum en er nú samt að vinna í BS ritgerðinni en held að fyrstu skil séu í byrjun janúar. 

19. des 2014

          Gunni hringdi í mig um miðjann dag en þá var búið að keyra aftan á bílinn hann, höldum að bíllinn sé ónýtur en það á eftir að koma í ljós en Gunni slapp ótrúlega vel, samt allur úr lagi gengin en ég sótti hann niður á sjúkrahús þegar búið var að skoða hann en ég fór bara með hann hingað heim enda ekkert gott að vera bíllaus en hér get ég þó skutlað honum ef þarf. 

          Annars var ég hjá Árna Kristni í dag á meðan Sigga og Sigrún fóru með stóru strákana á jólaballið, held þeim hafi bara þótt gaman en mér fannst allavega voða notalegt að vera heima með minnsta manninn. 

           Sigga og Þorbjörn Óðinn fóru svo í bæinn en ritgerðarstúss á Siggu en Þorbjörn Óðinn ætlar að passa ömmu sína og afa í Kópavoginum á meðan en Arnar er að vinna. 

18. des 2014

           Fór í bæinn í dag en það er Tysabri dagur í dag.  Inga fór með mér en fór í Kringluna á meðan ég var í lyfjagjöf en ég kýkti svo í Kringluna líka en fann ekkert að ráði það sem mig vantaði.  Fannst heilmikill snjór og krapi á götunum í bænum en þetta slapp nú allt til, gleymi líka ýmislegu sem ég ætlaði að gera en þetta slapp nú allt til. 

17. des 2014

         Drengurinn loks að braggast.  En þá er Guðni Reynir lagstur í ælupest.  Var nærri búin að gleyma að athuga með sæðinu á forystukindunum en það slapp til en þær voru báðar að ganga svo er bara spurning hvort borgar sig að sæða aftur á morgun en Auður á Hömrum sæddi þær fyrir okkur.  Sigga kom svo heim í dag, en Þorbjörn Óðinn var ansi kátur með að hitta hana en hún er farin að vinna að BS ritgerðinni sinni sem á að skila í byrjun janúar. 

16. des 2014

          Þorbjörn Óðinn svaf þokkalega í nótt og er allur að koma til vona ég.  Svaf samt ansi mikið í dag en aðeins farinn að leika sér.  Skaust svo á Selfoss seinnipartinn til að kaupa barnamat sem ég er búin að finna út að hann vill þannig að nú ætti þetta veikindastúss að vera búið í bili.  Sigga fór svo í síðsta prófið eftir hádegið í dag en var komin uppí háskóla vel fyrir hádegi þar sem spáin var nú ekki spennandi fyrir Reykjavík um miðjann daginn en þetta slapp nú allt til.

15. des 2014

          Gengur hægt að lagast hjá Þorbirni Óðni en hann grætur mikið en loksins orðinn hitalaus.  Fórum með hann í Laugarás í morgun og fengum sterkari stíla en gáfum honum einn í dag og honum leið bara mikið betur.  Sigga fór svo í bæinn í dag en hún fer í síðasta prófið á morgun en spáin er nú ekki spennandi svo það borgar sig að vera komin í bæinn í tíma.  Gunni Har kýkti svo við en vorum að stússast í að gera tvo hrútshausa klára til að senda í uppstoppun fyrir norðan.

14. des 2014

            Þorbjörn Óðinn svaf bara alveg til ellefu held ég en fékk þá galdradrykkinn í pela og sofnaði bara strax aftur og svaf til hálf þrjú þannig að það hann ætti að vera útkvíldur en frekar slappur, var samt rosalega duglegur að borða í dag þannig að nú er þetta vonandi allt að koma.  Gunni Har kýkti svo við í kaffi og kom með þessa líka flottu köku sem féll aldeilis í kramið , takk fyrir okkur. 

13. des 2014

          Þorbjörn Óðinn mikið veikur í nótt en þegar ég mæli hann var hann kominn í 40.7 en í morgun var hann kominn niður í 39.2 sem er nú samt mikill hiti, mikið pirraður í allann dag borðaði lítið og drakk ekki mikið og orðinn hálf þurr.  Fékk galdrauppskrift hjá Gróu en það er að sjóða einn líter af vatni og setja eina teskeið af salti og eina matskeið af sykri útí og gefa honum þetta annað hvort blanda þetta í djús eða bara drekka þetta beint.  Settum þetta í pela í kvöld og viti menn þó svo að hann væri löngu hættur á pela þá virkað þetta sem betur fer og allt annar fór meira að segja að leika sér smá, en var nú samt ansi pirraður í nótt.

        Annars byrjaði ég á því í morgun að fara með kjöt til hennar Gunnu í reyk, eftir hádegið kom svo Gurra frænka og Óli sambýlismaður hennar í heimsókn, ég fór svo um kaffileitið út að Snæfoksstöðum að hitta á hana Valgerði á Húsatóftum. Þannig að það er svosem búið að vera nóg að gera í dag,  Sigga að reyna að læra undir próf svo við reynum að hafa ofan af fyrir litla kútnum, en hann er nú orðinn hitalaust held ég bara.

       Kjartan Gunnar kýkti svo í kvöld alltaf gaman að hitta hann. 

12. des 2014

            Þorbjörn Óðinn var alveg hitalaus í dag en mikið pirraður en í kvöld þá rauk hitinn allt í einu upp og var komin í 40.2 þannig að við fórum aftur með hann á Selfoss en var sagt að líklega tæki það pencilínið bara þennann tíma að virka, svo nú er bara að krossa fingur og vona að þetta fari að lagast og að hann finni ekki til bara ömurlegt að gera ekkert gert þegar hann er svona kvalinn litla skinnið. 

          Fór á Selfoss í morgun með Ingu skutlaði svo Aroni í leikskólann, en það var svo foreldar og ömmu og afa kaffi í leikskólanum seinnipartinn sem ég kýkti í bara gaman. 

11. des 2014

            Bjössi er nú aðeins að lagast en Dóri var ómögurlegur í morgun en dreif sig í vinnu um hádegið.  Ansi gekk líka hægt að ná hitanum niur í Þorbirni Óðni, en þegar hann var komin í 40.2 C var haft sambandi vil lækni og farið með hann á bráðamótökuna á Selfossi þar sem Egill skoðaði hann, en það kom í ljós að hann var með bæði hálsbólgu og eyrnarbólgu í öðru eyranu, þannig að ekkert annað að gera en að setja hann á pencilín, en það var þó gott að það er komin skýring á þessum mikla hita í svona marga daga en þetta er búð að vera síðan á mánudag og hitinn heldur að hækka, en nú ætti þetta að fara að lagst svo vonandi nær hann að kýkja í leikskólann eftir helgina.  Arnar og Guðrún Lára skutust austur en Arnar byrjar að vinna klukkan sex á morgnana allt jólafríið þannig að það er ekkert vit annað en að vera í bænum þar sem ekki er hægt að treysta á færðina þessa dagana,  annars bara þokkalegt veður í dag,  mamma og pabbi kýktu svo aðeins við og Inga rölti yfir. 

10. des 2014

          Þorbjörn Óðinn enn veikur og nú er Bjössi lastur líka nú og Sigga er ansi léleg.  Fór með Sirúnu og stákana í Laugarás í morgun en strákarnir áttu að mæta klukkan níu í eftirlit, en það koma bara rosalega vel út, skutlaði Sigrúnu svo á Selfoss en þau ætluðu svo að koma heim með Guðna Reyni í kvöld.  Það passaði að þegar ég var komin heim þá var bara komið leiðindarveður.  Og var bara bylur hér langt fram á kvöld.  Guðni Reynir, Sigrún og strákarnir voru svo bara á Selfossi í nótt enda ekkert vit að þvælast með strákana út í þetta veður. 

       Jónína á dagdeild tauga hrindi svo í dag og ég fæ tíma í Tysabri þann 18 des, þannig að það er nú ágætt, en ekki gott ef það líður og langt á milli lyfjagjafa. 

9. des 2014

           Fór með Aron í leikskólann í morgun, fór svo um hádegið með tengdó á Selfoss, annars bara allt við það sama en Þorbjörn Óðinn enn veikur og með hita í dag og byrjaði svo aftur að kasta upp í kvöld þegar hann var sofnaður, ekki gott elsku litla skinnið en gott að klára þetta fyrir jólin.

          Dóri fer svo í aðgerð eftir sléttann mánuð eða 9. jan en þá á að laga brotið, en hann er byrjaður í sjúkraþjálfun.

          Nú svo fékk ég hringingu af dagdeild tauga, en eins og mig grunaði þá er engin lyfjagjöf á fimmtudaginn þar sem það er verkfall, svo nú er bara að vona að það verði hægt að troða okkur sem áttum að vera þann dag inní dagskrána, en örugglega flestir dagar fullsetnir, nú og ef þetta er eins og undan farin ár þá er lokað á milli jóla og nýjárs svo þeir sem áttu að fara í lyfjagjöf þá færast líka til þannig að þetta er heilmikið púsl. 

8. des 2014

          Þorbjörn Óðinn orðinn veikur byrjaði að gubba í gærkvöldi og morgun, er svo líka slæmur í maga og kominn með hita.  Sigga fór svo í próf í morgun, og gekk bara vel, ég þurfti svo að bruna í bæinn en átti tíma hjá Alberti Páli taugalækni, bara þetta hefðbundna eftirlit,  en ég er að sjálfsögðu betri en ný og bila aldrei.  Var svo komin heim áður en leiðindarveðrið skall á en held það hafi nú verið mun verra í bænum en hér fyrir austan.  Gunni kýkti svo í kaffi svona áður en veðrið skall á. 

7. des 2014

          Rosalega flott verður í dag, Bensi og Bjössi fóru í þjóðgarðinn ásamt slatta af fólki en held það hafi náðst ca 19 kindur þar af áttum við þrjár þannig að þetta smá skilar sér heim. 

6. des 2014

          Gunni Har kom aðeins í kaffi í dag.  Ansi mikill snjór orðinn en snjórinn er enn kyrr á sama stað og ekkert fjúk, sem betur fer.  Dóri alltaf að stússast í hrossum, og gengur bara vel.  Annars bara allt við það sama. 

5. des 2014

          Hrossin sem voru niður á Hrauni komu heim í dag, ansi gott að eiga ekki eftir að koma þeim heim en þau voru bara komin heim um hádegið.  Nú svo er bara búið að snjóa slatta.   Nú svo voru öll lömbin og veturgamla féð bólusett með þrígilda bóluefninu í kvöld og allt féð fékk líka ormalyf, þannig að það er allt að gerast. 

4. des 2014

          Fór uppí Haga um hádegið og sótti kjötið mitt, og að venju er þetta bara ofboðslega gott, Sigga mikið kát að fá þetta til að narta í við próflesturinn en Arnar ekki eins kátur að vera í vinnu í bænum á meðan Sigga fékk smakk en það kláraðist nú ekki allt.  Kom svo við uppá bæ hjá Sigrúnu og Árna Kristni og knúsaði hann aðeins.  Skaust svo á Selfoss í augnablik og uppí sveit aftur til að sækja strákana í leikskólann.  Nú það var svo eitt stykki bilaður strætó hér við Kerið og leiðinlega mikið inná veginum nú og svo frostþoka í þokkabót þannig að hann sást nú ekki vel, en Dóri sagði að hann hefði verið þarna í morgun og mátti ekki miklu muna að hann lenti í vandræðum þar sem ökumenn bíla sem voru að fara þarna framhjá ákvaðu allt í einu að þeir þyrfti nú að stoppa eða einhvað, en þetta slapp nú allt til, en sá svo í kvöld út um gluggann að þarna voru komin tækji eða allavega blikkljós þannig að vonandi er búið að fjarlægja bílinn því þegar ég sá hann voru ekki einusinni blikkljósin á en þau voru þó á í morgun sagði Dóri.  Annars búið að vera tölvert frost í dag og snjórinn á sínum stað.  Nú og svo vorum við að heimta en skjátan sem Guðni Reynir hefur verið að svipast um eftir í kringum Kaldárhöfðann var örugglega orðin leið á að bíða eftir að vera sótt og skilaði sér með hrútana sína að Klausturhólum í dag.

3. des 2014

         Við Arnar fórum með strákana í leiksólann í morgun, ég fór svo á Selfoss fyrir hádegið og tók Sigrúnu og Árna Kristinn með mér, stússaðist aðeins á Selfossi en var svo komin heim um hádegið.  Sótti svo Aron í leiksólann en Sigga og Arnar höfðu sótti Þorbjörn Óðinn um hálf þrjú þar sem hann var að fara í eins og hálfs árs skoðun og sprautu :( en það gekk nú bara vel, drengurinn svo fínn eins og við vissum.  Seinnipartinn fórum við Inga og sóttum Sirrý en það var semsagt jólafundur kvenfélagsins sem var haldin hjá Guðrúnu Þórðar á Selfossi, ekkert smá flottur fundur eins og von var á, veitingarnar flæddu um allt þannig að maður var orðin afvelta af ofáti.  Nú og ekkert smá flott húsið þeirra bara snilld.  Takk fyrir okkur. 

       Annars er komin snjór, en svo er bara spurning hvort hann verður einhvað áfram eða hvort hann fæst til að vera kyrr og blási ekki mikið það væri æði. 

2. des 2014

        Hvolparnir dafna ekkert smá vel, blása út og múkkar ekki í þeim.  Skaust á Selfoss í morgun og sótti kálfafóður og ormalyf í rollurnar, svo er bara spurning um að finna tíma til að koma þessu í rollurnar.  Eftir hádegið þá kýkti ég upp í Haga til hennar Stínu maður er allt of latur við að kýkja í kaffi og fer auðvitað ekki nema eiga erindi er á greinilega allt of sjaldan erindi.  Stal svo Aroni þegar ég kom heim, og fékk að hafa hann þar til Guðni Reynir sótti hann en Sigga og Arnar sóttu svo Þorbjörn Óðinn.  Annars ekki mikið spennandi veður í dag, útkoma og undir kvöld fór að élja líka en vonandi ekkert sem festir.  Gunni Har kýkti svo í kaffi og eins komu mamma og pabbi líka. 

1. des 2014

       Aron á afmæli í dag og orðinn þriggja ára ekkert smá flott það.  Í tilefni dagsins var hann heima að dúllast með mömmu sinni.  Ég hringdi svo í bæinn í bæklunnarskurðlækninn til að athuga hvernig væri með að fá tíma fyrir Dóra þar sem ekkert var að gerast fannst mér og viti menn vegna veikinda datt út tími í dag kl hálftvö þannig að við Dóri brunuðum bara í bæinn og náðum þessu sem var nú ekki slæmt. Reyndar var nú engin beiðni komin en þegar ég hringdi í morgun bað ég þær á í móttökunni að kalla allavega eftir myndunum af brotinu sem voru teknar um daginn.   Læknirinn sem heitir Illugi var hálf hissa á  að drengurinn skildi vera svona mikið snúinn held ég og ekkert kvartað, en Dóri á að byrja í sjúkraþjálfun á föstudaginn hjá Trausta, og svo er bara aðgerð, held að Illugi hafi ætlað að reyna að koma honum að þann 16 des en það er ekkert annað að gera en að brjóta þetta upp og laga, hefði þurft að negla þetta strax skildist mér á honum, en það er eitt bein styttra en það á að vera og svo auðvitað handleggurinn snúinn og beyglaður.  Illugi sagði orðrétt að það yrði að laga þetta svo hann gæti stjórnað hesti og skeint sér hehe en þetta er vinstri handleggurinn og Dóri er örvhentur.  Svo nú er bara að krossa fingur og vona að drengurinn komist að í aðgerðina sem fyrst en auðvitað er aldrei góður tími hann má ekkert vera að þessu og þó svo hann verði kominn í jólafrí þarna þá eru það bara hrossin hér heima sem hann ætlar að eiga við.

30. nóv 2014

       Arnar brunaði í bæinn um hádegið en hann fer í próf í fyrramálið svo það er um að gera að koma sér ef veðrið verður nú leiðinlegt í fyrramálið.  Þóra fór svo suður en ég skutlaði henni á Selfoss um hádegið en sonur hennar var á ferðinni og tók hana með uppá Skaga.  Bjarki og Hjalti afmælisstrákur voru svo hér í dag en Hjalti fór um kaffileitið.  Gunni Har kýkti hér við en þá var veðrið ekkert orðið svo agalegt.  Sigga, Dóri og Bjarki voru svo að spila hér í kvöld mikið gaman hjá þeim. 

29. nóv 2014

        Fórum í afmæli til Ingu Dóru í kvöld, ekkert smá flott afmæli, ég fór á Transporter bílnum og tók Bjössa, Þóru, Ingu, Reyni og Sirrý með mér og Jonni og Linda komu svo með heim. Takk æðislega fyrir frábæra veislu Inga Dóra mín.  Var svo að koma heim um hálf þrjú leitið og sá þá að strákaormarnir voru ekki heima, svo ég hringi í Dóra en þá voru þeir á Fróní á Selfossi, svo það passaði bara að fara og sækja krakkana, enda allt gamanið búið á Selfossi, og í fyrsta sinn held ég bara var ég stoppuð af löggunni og látin blása, svosem verið stoppuð áður þegar ég er að skutlast með fólkið mitt en semsagt látin blása í fyrsta sinn en það slapp nú til, fannst nú eins og bíllinn sem var á eftir mér hefði ekki sloppið eins vel þó svo ég viti nú ekkert um það. 

28. nóv 2014

         Fór og paraði Unu í dag og gekk bara eins og í sögu, held ég sé ekkert að eltast við að para hana aftur en þetta hlítur að duga.  Stússaðist svo aðeins á Selfossi eins og gengur.

27. nóv 2014

        Skvísa ákvað að nú væri nóg komið og skaut úr sér fimm hvolpum eftir hádegið, hvolparnir voru frá 250-320 gr þrír rakkar og tvær tíkur, frekar heillitir og fínir hvolpar.  Þetta gekk bara ljómandi vel hjá henni og við alsælar með hvolpana.

26. nóv 2014

        Paraði Unu í dag svo það er von á hvolpum um 29. feb svona ef allt gengur eins og það á að gera, svo er bara að krossa fingur. 

25. nóv 2014

        Fór með Unu á Selfoss í pavó og ormalyf og fengum einn gamlann höfðingja til að fara í prufu svona til að sjá hvort hann væri nothæfur en því miður er hann það ekki ansi spælandi en maður á greinilega ekki að bíða með að nota þessa höfðingja þar til næst ;( Þannig að plan B eða C þarf að fara í gang.  

24. nóv 2014

        Aron Rafn fór ekki í leikskólann í dag en Þorbjörn Óðinn fór og mikið kátur með það.  Seinnipartinn var svo nokkrum rolluskjátum slátrað heima þannig að þá er það búið.  Brúney og Gunni Har kýktu svo í kaffi hér í dag. Bjarki, Hjalti Pétur og Sverrir voru svo mættir í slátrun ásamt heimafólkinu þannig að þetta rokgekk bara,  við Sigga vorum svo heima með alla strákana en Sigrún tók að sjálfsögðu þátt í slátrun.  Fengum svo  mannskapinn heim í kvöldmat, takk fyrir hjálpin þið öll.

23. nóv 2014

         Er ekki frá því að ég sé aðeins að lagast, enda kominn tími til.  Við Sigga fórum svo á Selfoss seinnipartinn hellingur sem vantaði orðið eins og gengur.  Annars bara rólegheitadagur. 

22. nóv 2014

         Var virkilega að vona að ég yrði orðin skárri í dag svo ég kæmist í afmælið hennar Þóru en er enn bara full af kvefi og með hitavellu svo ég var bara heima, en Þorbjörn Óðinn var heima með mér þannig að ég var nú ekki ein heima.  Sigga og Guðni Reynir komu svo heim um ellefu leitið en restin af mannskapnum kom með rútunni en það var semsagt rúta uppá skaga.  Skildist á mínu fólki að þetta hefið verið alveg rosalega gaman og allir mikið sáttir með kvöldið.

         Jonni og Bjössi fóru svo með eitt folald á folaldasýninguna og gekk bara vel skildist mér en þeir voru nú ekki alla sýninguna þar sem það þufti að drífa sig í afmælið :) 

21. nóv 2014

          Búin að vera hálfveik alla vikuna, en tók nú samt upp gæs í matinn í kvöld og bauð tengdó í mat, en Höddi og Magga ætluðu líka að koma en svo þurfti Höddi að vinna á morgun þannig að þau komu ekki.  Maturinn var ekkert smá góður, gef mig ekkert með það að gamla góða aðferðin sem er bara heilsteikt gæs með salti og pipar er bara best held meira að segja að mitt fólk sé bara sammála allavega ekkert smá sem Þorbjörn Óðinn var hrifinn af gæsinni og ekki þótti þeim stutta vera að fá rauðkál með og vildi helst borða það úr hnefa hehe          

18. nóv 2014

         Fór á Selfoss í dag með Sigrúnu og Árna Kristinn en Sigrún þurfti til tannlæknis, kýkti í kaffi til Huldu bara gaman.  Sótti svo strákana í leikskólann, en nú er Aron Rafn kominn með hita litli karlinn en þeir bræður eiga víst tíma á morgun í Laugarási.  Annars bara allt við það sama, Una farin að lóða, og bara tvær vikur í að Skvísa komi með sína hvolpa.  Annars þarf ég að fara að skoða mig um varðandi rakka handa Unu en hver veit hvað mér dettur í hug.  Solla kýkti svo í heimsókn í dag með fullann poka af fötum sem eru orðin of lítil á Úlla, en passar á drengina hér held að allir hafi fengið einhvað, takk fyrir þetta mín kæra. 

17. nóv 2014

         Skutlaðist á Selfoss með bláa bílinn en hann þarf smá viðhald svo hann rúlli nú í gegnum skoðun en held það sé nú ekki mikið.  Inga sótti mig svo en við kýktum að eins í Bónus og Hagkaup.  Gunni Har kýkti svo í kaffi.  Sótti svo drengina í leikskólann en Þorbjörn Óðinn hefur ekki mætt alla síðustu viku en var bara kátur með að hitta vinkonur sínar en var víst orðinn aðeins pirraður seinnipartinn.

16. nóv 2014

         Farið í Gölt í dag með einhvað af eldir hrossum og yngri hross tekin heim í staðinn.  Ég fór svo ásamt Ingu á jólabingó hjá Kvenfélaginu en var að hjálpa til en keypti tvö spjöld sem Vala og mamma pössuðu fyrir mig en vann ekkert en það var rosalega mikið af flottum vinningum en hefði mátt vera fleira fólk.

15. nóv 2014

         Brúney og strákarnir mættu hér í morgun ásamt Hjalta Pétri að rýja féð.  Gekk bara ljómandi vel, svo komu þær Emilía og Júlía ásamt vinkonum síðnum að kýkja á hross, komu með fullt af glaðning handa mér eins og alltaf :)

         Fórum svo seinnipartinn í bústaðinn til  Óðins og Guðrúnar Láru, Þorbjörn Óðinn hitalaus en einhvað pirraður en fer nú vonandi að braggast en hann er ekki duglegur að borða heldur, og kominn með leiðinlegann hósta.  Fengum svo ekkert smá flottann mat bara gaman, en Guðni Reynir, Sigrún og Árni Kristinn komu líka og svo við og Dóri, Sigga og Arnar með sinn gullmola og svo komu Styrmir og Selma, mikið gaman og takk æðislega fyrir okkur.

14. nóv 2014

        Aron sem er búinn að vera veikur heima fór í leiksólann í dag en Þorbjörn Óðinn hitalaus þar til í kvöld þá rauk hann upp aftur.  Sótti svo Aron í leiksólann en Brúney kýkti í kaffi eftir vinnu, Þorbirni Óðni fannst nú ekki leiðinlegt að hitta vinkonu sína og skreið uppí fangið á henni og svaf þar í rúmann einn og hálfann tíma.  Mikið spjallað en á morgun á að rýja lömbin og veturgamla féð.

        Guðrún Lára og Óðinn komu svo í kvöld en þau eru í bústað hér úti í Ásgarðslandi og tóku drenginn með sér en Sigga og Arnar fóru á árshátíð í Bláa lónið með vinnunni hans Arnars. 

13. nóv 2014

          Sigga brunaði í skólann í morgun en var svo komin aftur heim um hálftíu en Þobjörn Óðinn er enn veikur en orðinn hitalaus.  Ég fór svo í bæinn í Tysabri en Inga skellti sér með og heimsótti Rúnu í þessari ferð.  Vorum svo komnar aftur heim um þrjú leitið, en það er jú nóg að læra hjá Siggu en farið að styttast í prófin. 

11. nóv 2014

          Þorbjörn Óðinn enn með hita í dag og nú fór hann yfir 39 C en samt ótrúlega sprækur, svo sótti Guðni Reynir Aron í leikskólann þar sem hann var orðinn veikur.  Annars bara rólegheit, Bjössi og Guðni Reynir fóru svo Austur í girðinu og sóttu þar tvær skjátur sem áttu nú að vera komnar heim, en held að það vanti fjórar ær ca.

          Valgerður á Húsatóftum kom svo aðeins við hér í kvöld alltaf jafn gaman að hitta hana.

10. nóv 2014

           Þorbjörn Óðinn var bara með hita í morgun svo ekki fór hann í leikskólann í dag, Guðni Reynir var heima í dag og skutlaði Aroni í leikskólann.  Sigga var svo komin heim um hálf tólf í dag.  Það var svo verið að slátra hér eftir hádegið í dag en ég fór uppá bæ að passa Árna Kristinn á meðan Sigrún fór að hjálpa til við slátrunina.  Fór svo og sótti Aron í leikskólann, bakaði svo vöfflur handa liðinu þegar það var búið að slátra.  Þannig að það er lítið að róast.  Annars var Jói í Mjóanesi að smala í gær og þar fengum við tvílembu og svo staka rollu þannig að nú eru bara ca 4 eftir en skilst nú að ein skjátan sem náðist í garðinum í gær hafi verið að nást í þriðja sinn í haust, reyndar ekki frá okkur, þannig að það er alveg ómögulegt að segja hvað vantar ef þetta fer strax aftur.   

9. nóv 2014

Arnar á afmæli í dag orðinn 24 ára til lukku með daginn þinn

          Letidagur í dag, bara verið að dunda við að rúlla öllum hnífapörum í gegnum uppþvottavélina og þvo dúkana en annars bara verið að gera ekki neitt.  Bjössi og Guðni Reynir skutust út í Mjóanes en þar áttum við tvílembu en þar var líka fé frá Klausturhólum og Eyvindartungu svona fyrir utan heimaféð. 

8. nóv 2014

           Byrjaði á að gera kjúklingasúpu í gær sem ég kláraði svo í morgun þannig að hér var opið hús í kjúklingasúpu í allann dag, seinnipartinn fóru svo allir uppá bæ að taka til og skila borðum og stólum út á Borg.  Krakkarnir voru svo að spila hér langt fram á nótt mikið gaman. 

7. nóv 2014

          Við Inga fórum á Selfoss um hádegið svona að klára síðustu útréttingarnar fyrir Sviðaveisluna.  Eftir hádegið kom Ási svo og sá um hina ýmsustu snúninga og svo var farið í að brytja niður rófur.  Sirrý kom svo og hjálpaði okkur.  Hjalti Pétur og Bjarki komu svo líka og Gunni Har þannig að það var bara ansi gaman eins og alltaf. Sigga, Arnar og Þóra komu svo saman austur.   Guðrún Lára og Óðinn mætti svo seinnipartinn og Gróa og Toni komu líka þannig að það var orðið ansi vel mætt úr okkar húsi.  Sviðaveislan tókst líka svo rosalega vel, eins og alltaf bara gaman, maturinn frábær og alveg passlegur en mátti ekki vera mikið minna en samt smá afgangur af öllu, held samt að sauðfjárbændur þurfi að fara að rækta hausa bara með neðri kjálkum hvernig sem það liti nú út.  Held að Þorbjörn Óðinn hafi verið yngstur eða eins og hálfs árs og Siggi frá Bjarnastöðum elstur þannig að það var ansi breiður aldurshópur mættur en þannig á það jú að vera.  Held svo að síðustu gestirnir hafi farið heim um hálf fjögur, takk öll fyrir komuna.

6. nóv 2014

         Þegar ég var búin að sækja strákana í leiksólann og skila Aroni heim til sín þá brunaði ég í bæinn með Þorbjörn Óðinn og tók Ingu með, við hittum svo krakkana við Litlu Kaffistofuna og skiptum um bíl við þau þannig að þau fóru með barnið austur en við Inga fórum í bæinn og í Rekstrarvörur að versla inn fyrir sviðaveisluna en Sigga hafið farið og sótt kartöflumúsina fyrr í dag. Við fórum svo til Guðrúnar Láru og kýktum svo á Konukvöld hjá henni Önnu Kristínu, alltaf jafn flott hjá henni.  Svo var brunað aftur austur með smá viðkomu á Selfossi.  Þegar ég kom svo heim voru Dóri og Bjössi að passa og nýbúnir að skipta á kúkableyju hehe en Sigga og Arnar fóru á þing út á Borg varðandi framtíð skólamála, held þau hafi bara verið mikið sátt þegar þau komu heim og margt fróðlegt sem þau komust að. 

5. nóv 2014

          Aðeins betra veður í dag en í gær en ekkert smá sem getur rignt.  Nú svo fer sviðaveislan að skella á og nóg að gera að taka við pöntunum en held að það stefni bara í fleira fólk en í fyrra þetta verður nú bara gaman. 

4. nóv 2014

       Það er nú búið að vera frekar leiðinlegt veður í dag, slydda og svo snjókoma, en samt ekkert í raun sem festi.  Sótti svo strákana í leiksólann og rændi Aroni en Sigrún er hálflasin, ég sagði Aroni það og hann ætlaði bara að fara í Helgu hús en þegar hann vissi að mamma hans var veik vildi hann bara sækja hann Árna Kristinn líka og fara með hann í Helgu hús svo mamma hans gæti nú sofið, þvílkur gullmoli þessi drengur.  Sigrún og Árni Kristinn komu svo seinnipartinn í mat en Sigga kom með þau heim en hún kom við hjá þeim þegar hún kom úr bænum, voða gaman að hafa alla krakkana hér heima.   

3. nóv 2014

        Við Bjössi fórum með strákana í leikskólann í morgun, nú en svo var bara letidagur hjá mér, enda veitir nú ekki af að fara að búa sig undir næstu helgi en alltaf einvhað um að vera.  Við Inga kýktum svo uppá bæ á Sigrúnu og Árna Kristinn, held það hafi bara verið leitdagur hjá þeim líka enda þurfum við öll svoleiðis daga.  Nú Sigga og Arnar voru svo komin heim til að sækja strákana í leikskólann, og Brúney kýkti svo í kaffi seinnipartinn.  Það er svo að tosast pantanir í sviðaveisluna en held að þetta verði bara flott eins og alltaf en nú verður þetta semsagt í hesthúsinu þar sem plássið var orðið tæpt í fjárhúsinu.

2. nóv 2014

        Ungi maðurinn fékk nafnið sitt í dag en hann heitir Árni Kristinn

          Í dag var aldeilis stór dagur litli maðurinn fékk nafnið sitt í dag en Guðni Reynir hélt á honum undir skírn og Sigrún sagði okkur nafnið mikið falleg athöfn en Séra Egill skírði mikið gaman og fullt af gestum en þetta var haldið hér hjá okkur sem var bara gaman, við Sigga sáum um kökurnar Hulda sá um brauðtertur og heita rétti og við tengdamamma bökuðum pönnukökur já og svo smurðum við flatkökur með hangikjöti, og Dagný kom svo með skúffuköku, nú og svo var líka skírnarterta þannig að maður át á sig gat einn ganginn enn.

1. nóv 2014

        Fórum í dag á skyndihjálparnámskeið en Kvenfélagið bauð uppá námskeið sem var á Borg en við borguðum kr 1000.- og fengum kaffi og með því ekkert smá flott framtak hjá félaginu en við mættum 7 frá Miðengi en svo voru þrír til viðbótar, verð nú að segja að ég átti bara ekki orð yfir því hvað sveitunginn var slakur að mæta eiginlega bara skömm að því, en takk æðislega fyrir okkur þetta var ekkert smá flott og lærdómsríkt algjörlega frábært framtak hjá Kvenfélaginu. 

         Bakaði svo fjóra marensbotna í dag fyrir skírnina þannig að þetta er allt að gerast.

        Fékk svo að passa litla gullið hjá Guðna Reyni og Sigrúnu Elvu en þau fóru á slúttið í SS, Aron var svo og hugaði um afann og ömmuna á Selfossi, drengurinn bara yndislegur í alla staði,  við Sigga sendum svo Dóra og Hjalta Pétur uppá bæ að sækja vögguna handa drengnum, og þeir brunuðu af stað en ansi fannst okkur þeir lengi á leiðnni hingað aftur keyrðu á 10 held ég bara skildi þetta bara ekki en þetta skýrðist allt þegar þeir loks komu heim þá var skýringin sú að þetta tók svo mikið pláss í bílum og þeir gátu ekki lokað afturhurðinni alveg þannig að Hjalti Pétur varð að halda í hurðina svo hún myndi ekki opnast nú þegar drengirnir komu heim þá dróu þeir heilt barnarúm út úr bílnum, en og sjálfsagt hafa þeir þurft að færa vögguna til að koma rúminu framhjá henni en nú hef ég grun um að þeir þekki muninn á vöggu og rúmi þessar elskur. 

31. okt 2014

Tengdapabbi á afmæli í dag til lukku með daginn þinn

           Við Sigrún fórum á Selfoss í morgun alltaf einhvað sem maður á eftir að græja fyrir skírn. Dreif mig í plokkun og litun sem hefur nú bara ekki gerst í magar mánuði.  Brunaði svo aftur á Selfoss um sex leitið en ég fékk send 60 kg af rófum í sviðaveisluna en hún Birna sem býr á Norðu Hvoli sendi mér rófurnar og Jenný vissi um far frá Höfn þannig að rófurnar eru komnar í hús en það kostar örugglega handlegg að láta senda sér þetta með flutningabíl, takk fyrir alla hjálpina með þetta. 

         Nú svo var matarklúbbur hér í kvöld mættu allir nema Birgir og Mæja, þetta var bara rosalega gaman eins og alltaf, Jóa og Snæbjörn voru með klúbbinn með okkur en við höfðum hangikjöt í matinn svona aðeins að undirbúa sig fyrir jólaátið hehe

29. okt 2014

          Fór á Selfoss í morgun, en það var komið að þessari árlegu krabbameinsskoðun, kýkti í Fóðurblönduna, og Nettó, kom við á Sýsluskrifstofunni, og hjá mömm og pabba en náði þessu öllu á mettíma. 

               Þá er litli maðurinn bara orðinn hitalaus, en enn með hósta en laus við horið þannig að nú held ég að þessi törn sé búin hjá honum.  Gunni Har kom svo í dag og mikið var sá litli kátur en þeir eru orðnir miklir félagar, og Þorbirni Óðni finnst nú ekki leiðinlegt að sitja í fanginu á Gunna. 

28. okt 2014

         Þrjá lambhrúta heimtum við í dag en þeir höfðu strokið úr Kertúninu og voru á leið niður í Vaðnes.  Annars er litli stubburinn bara veikur búinn að vera með um 39 stiga hita í dag og hósta og hor en vonandi er þetta síðasti dagurinn í veikindum. 

26. okt 2014

Hún tengdamamma á afmæli í dag til lukku með daginn þinn

         Léleg í dag en hvað um það, við Bjössi kýtkum uppað Kaldárhöfða í dag þar sem Guðni Reynir sendi okkur að leita að einni flekkóttri með tvö flekkótt lömb.  Sáum fyrst fjórar hvítar kindur í Kaldárhöfða, fórum svo og kýktum á Miðfellshraunið sáum ekkert þar en í bakaleiðinni sá ég nokkar í viðbót í Kaldárhöfða.  Þurftum að smala túnið heima svo það var brunað í það en fengum svo Gunnu til að kýkja á þessar ca 8 sem við vorum búin að sjá í Kaldárhöfða en þeim hafði fjölgað einhvað og voru orðnar allavega 15 og sumar lengra í burtu en aðrar.  Nú Jonni og Arnar fóru með okkur en þetta fé var nú ekki alveg á því að láta ná sér en þó náðist tvílemba frá Björk með tvo hrúta þannig að ég reikna með að það verði farið fljótlega og þá jafnvel með hross og reynt að ná þessu, nú og kannski hefur því fjölgað hehe

      Þegar við komum heim fórum við í afmæliskaffi til Ingu bara gott takk æðislega fyrir okkur. 

25. okt 2014

          Var byrjðu að elda um hált tíu í morgun en örugglega um 15 manns sem ég gaf að éta en fór með matinn út í hesthús svo mannskapurinn gæti haldið áfram að smala sem fyrst en Austurgriðingin var smöluð fyrir hádegið og Hraunið eftir hádegið.  Þetta gekk bara ljómandi vel en örugglega einhvað samt eftir en ekki mikið hugsa ég veit ekki alveg hvort Guðni Reynir er búinn að fara yfir bókhaldið. 

          Guðrún Lára kom svo austur og hjálpaði mér með drenginn enda veitti svosem ekki af froeldrarnir að smala og ég að snúast í mat og var líka svo heppin að fá að líta eftir minnsta manninum á meðan Sigrún fór og kýkti  í fjárhúsið eftir smalamennskuna. 

        Nú var svo með hangikjöt í kvöldmatinn en það var hér heima, kjötið alveg snilld, en var nú orðin dálítið þreytt eftir daginn verð ég að segja, byrjaði á því í morgun að vakna með mígreni en gat nú tekið lyf við því en svo var gamall svimi að taka sig upp seinnipartinn ekki fundið fyrir svoleiðis einkennum í nokkur ár allavega ekki svona mikið en það lagaðist nú allt saman.

      Takk þið öll fyrir alla hjálpina í smalamennskunni og hér heima.

       Dóri og Hjalti fóru svo á Árshátíð Trausta sem var í Aratungu þetta árið en finnst nú að þetta mætti vera á örðum tíma allavega erfitt fyrir þá sem eru með fé og að smala allt haustið að vita hvernig staðan á smalamennskunum er en það er svosem alltaf einhvað sem er í gangi ekki einfalt að eiga við það. 

24. okt 2014

            Fór á Selfoss í morgun með Sirúnu og strákana og skildi þá eftir hjá Huldu.  Sótti svo hangikjöt sem ég átti í Krás.  Eftir hádegið fórum við Inga svo í heimsókn til Helgu í Vaðnesi, alltaf gaman að koma þangað.  Nú seinni partinn var svo túnið smalað og Guðni Reynir valdi svo ásetningsgimbrarnar, og viti menn ótrúlega margar mislitar sem urðu fyrir valinu en það var nú samt ekki valið með það í huga.  Og ekki fannst mér nú heldur leiðinlegt hvað voru útrúlega margar með mínu marki, og líklega allar mínar úr af grárri kind sem ég fékk gefins hér um árið frá Jóu og Snæbirni á Syðri Brú. 

22. okt 2014

           Pabbi kýkti hér í morgun en hann var að athuga með sumarbústaðinn. 

            Þegar Dóri kom heim úr vinnunni í kvöld kom hann með hestakerru og hest, en hann semsagt fór í hestakaup  og ætlar svo að fara með tryppi frá mér í staðinn, hehe var reyndar búin að segja honum að hann réði þessu alveg bara gaman að þessu.  Skaust á Selfoss í hádeginu en alveg ótrúlegt hvað smá skutl getur tekið langann tíma.

19. okt 2014

            Túnið smalað í dag en það fóru held ég 40-50 lömb í SS í dag þannig að þetta smá tosast en féð fór svo bara aftur í  túnið, Gunni Har kýkti svo aðeins við í dag, nú mamma og pabbi kýktu líka en þau komu með Dóra og Hjalta Pétur heim en þeir laumuðust á ball á Selfossi í gærkvöldi.

18. okt 2014

          Fór ásamt Gunna Har og Brúney að Hofsstöðum í dag en þar var haldinn hrútadagur, fórum Uxahryggina en sáum ekkert fé á afréttinum en slatta af fé í Þjóðgarðinum en hann var líka smalaður í dag.  Gunni kom með tvær gimbrar suður en þetta var bara gaman eins og alltaf.  Nú það gekk líka ljómandi vel að smala þjóðgarinn en held að það hafi verið um 180 kindur sem náðust nú og slatti útigengið þannig að nú eiga einhverjir auka fullorðna hrúta ;) ekki slæmt ef einhver hefur gleymt að setja hrút á hehehe 

         Kjartan Gunnar og Magga kýktu svo við hér í kvöld mikið gaman að spjalla við þau alltaf bara yndislegt. 

17. okt 2014

          Aron fór í leikskólann í morgun en Þorbjörn Óðinn fékk að fara með foreldrunum í bæinn og heimsækja ömmu sína.  Ég fór svo á Selfoss fyrir hádegið, en svo bara letidagur þar til ég sótti Aron í leikskólann, vorum svo bara hér heima að dúlla okkur.  Guðrún Lára kom svo austur nú og eins krakkarnir.  Gunni Har kom svo seinnipartinn en við erum að fara vestur í fyrramálið þannig að nú er allt að verða klárt í þá ferð en það á svo að smala þjóðgarðinn á morgun hvernig sem farið verður nú að því án okkar Gunna ;) og ekki nóg með það heldur ætlum við að ræna Brúney og taka hana með okkur vestur ;) þetta verður bara gaman hjá okkur get bara ekki beðið. 

16. okt 2014

            Fór með Aron í leikskólann í morgun en Þorbjörn Óðinn var kominn með hita höldum að það séu tennurnar að angra hann.  Bæði Sigga og Arnar voru svo að fara í próf í dag og ég í lyfjagjöf þannig að við Inga tókum drenginn með okkur í bæinn og Sigga gat verið með hann í Kópavogi fram að hádegi svo þetta reddaðist allt saman.    Inga fór svo og heimsótti Immu frænku en ég komst í kaffi og með því hjá henni þegar ég sótti Ingu.  Vorum svo komnar tímanlega heim til að sækja Aron.  Gunni Har kýkti svo við en Bjössi, Bensi, Reynir, Siggi á Hömrum og Kjartan Gunnar fóru svo innað Söðulhólum en þar var vitað um fimm kindur sem sáust um daginn en í gær voru þær orðnar níu.  En þegar þeir fóru inneftir í dag að sækja þær voru þar orðnar nítján.  Þar átti Gunni Har forystukind en það vantaði lambið undan henni við áttum svo tvær veturgamlar og lamb.  Hamarar áttu fimm kindur og Eyvík hefur þá átt tíu kindur ekki slæmt það.

         Brúney kýkti svo líka í kaffi bara gaman að því, takk fyrir komuna mín kæra. 

15. okt 2014

           Fór með strákana í leikskólann í morgun, fékk svo heimsókn í morgun en Maren var að kynna einhvað fyrir mér, en annars bara búið að vera letidagur hjá mér í dag, Sigga og Arnar voru svo komin heim til að sækja drengina þannig að ég er bara búin að horfa á sjónvarpið og hafa það gott í dag.

            Austurleitin fór svo inná afrétt í dag að smala austurafréttinn, einhvað af fé frá Jóa náðist víst við Tjaldarfellið en á því svæði en svo voru held ég um níu kindur við Söðulhólana sem verða vonandi sóttar í fyrramálið. 

14. okt 2014

         Einar Óli á afmæli í dag orðinn tvítugur til lukku með daginn þinn Einar Óli minn

          Skutlaði strákunum í leikskólann í morgun, kýkti svo í morgunkaffi til Hönnu Kötu,  mikið gaman að því en morgunkaffið entist fram yfir hádegið ;) nú svo skaust ég á Selfoss, náði í ostinn minn og snérist aðeins.  Sótti strákana svo í leikskólann, en Sigga og Arnar voru komin óvenju snemma heim í dag.

         Nú svo er búið að ákveða skírnardag en það á að skíra litla manninn 2 nóv, en hann dafnar bara rosalega vel, drekkur og sefur og er bara yndislegur. 

13. okt 2014

           Starfsdagur í leikskólanum í dag þannig að við Þorbjörn Óðinn vorum bara að dúlla okkur hér heima, en Arnar var nú líka heima.  Það var svo hestaleiga í dag en hótelið á Nesjavöllum sendi nokkra til að fara á bak.  Skaust aðeins á Selfoss í dag, nú og við Sigga kýktum svo á Sigrúnu, Aron og litla manninn en þau hafa það bara svona ljómandi gott.

 12. okt 2014

           Farið í Kaldárhöfðann í dag, en þar áttum við sex ár með lömbum og Gunni Har átti eina tvílembu.  En þrjár af ánum okkar höfðu verið keyrðar inná afrétt þannig að nú vantar ellefu ær af fjalli, en þessar þrjár sem ekki fóru á fjall voru veturgamlar og stungu af.  Gunni Har er nú samt líklega búin að heimta ja nema honum vantar forystuána sína sem fór á fjall spurnig hver hún hefur farin núna, en það var flakk á henni í fyrra. 

11. okt 2014

            Held að það hafi verið um 30 hausar sem við fengum innan af afrétt í gær, en í heildina voru þetta einhvað yfir hundrað stykki sem náðust í gær.  Fengum svo tvílembu í Klausturhólum og fimm hausa í Eyvindartungu þannig að eftir daginn í dag vantar 14 afréttarkindur en stefnan er tekin á Kaldárhöfðann á morgun.   Hjalti Pétur smalaði heiðina með Bensa en karlarnir hér fóru niður að Gölt og sóttu eins og níu merar sem eru fæddar 2010 og 2011 en Dóri ætlar að byrja að temja yngri árganginn og halda áfram með þann eldri.

          Svo kýktu Ási og Bjarki og heimsóttu krakkana en það átti nú að vera spilakvöld hjá krökkunum en er nú ekki viss um að það hafi verið spilað mikið en Þorbjörn Óðinn stjórnar þessu öllu saman :) 

10. okt 2014

            Byrjaði daginn á að fara með Aron í leikskólann, fór svo heim og næsti rúntur var með Þorbjörn Óðinn í Laugarás en hann er bara orðinn sprækur fór svo með hann í leikskólann, kýkti svo á Sigrúnu og litla manninn, en hann er bara yndislegur.  Nú svo var brunað á Selfoss, snúist aðeins þar og aftur kýkti ég á litla manninn.  Gunni Har kýkti svo við í kaffi. Sigga og Arnar voru svo komin heim til að sækja strákana í leiksólann.  Nú svo kýktu Freydís, Fannar og Úlfur Myrkvi í heimsókn enginn smá sjarmör sá stutti bara yndislegur.

            Nú af smalamennskunni inná afrétt er það að frétta að Sverrir og Gunna fóru hlaupandi/labbandi, en Gunna er með fína hunda og ekki veitti af, og Sverrir hleypur eins og enginn sé morgundagurinn svo þetta virkaði held ég bara vel.  Mamma og pabbi voru á bílum, Bjössi, Jonni, Bensi, Kjartan Gunnar og Auður voru svo á hestum.  Það var alveg ótrúlega mikið fé og rétt náðist að koma því í aðhald fyrir já eða í myrkri, en öllu sem náðist komið á kerrur og keyrt hingað heim í Miðengi, og inní fjárhús en þessu verður bara réttað seinni partinn á morgun en líklega á annað hundrað kindur en enn svosem ótalið en það kemur í ljós á morgun, en gráu kindurnar mínar náðust allavega einhvað af þeim, veit nú samt ekki með Sunddrottninguna mína en hún skilaði sér ekki í fyrra en allavega fékk Jói eina útigengna þannig að enn er von. 

9. okt 2014

          Aron var heima í fæðingarorlofi hjá mömmu sinni og litla bróður í dag en Þorbjörn Óðinn fór í leikskólann.  Ég kýkti svo til Sigrúnar og fékk Aron lánaðann á meðan ljósmóðirinn var með ungbarnaskoðun.  Annars bara lítið um að vera en það er þó verið að skipuleggja smölun á vesturafréttinum á morgun en nóg er af fé þar skilst mér.   

8. okt 2014

           Fór með Þorbjörn Óðinn í leikskólann í morgun, var svo rétt komin heim þegar Auður hringdi og vantaði skrifara í lambadómunum hjá henni og í Eyvík, bara gaman að því, það passaði svo að við kláruðum í Eyvík rétt fyrir fjögur þannig að ég náði að skutlast eftir strákunum og náði þeim á réttum tíma en Guðný og Kristinn höfðu skutlað Aroni í leikskólann.

           Guðni Reynir, Sigrún og litli maðurinn komu svo heim seinnipartinn, en ég fer klárlega að skoða litla manninn aftur á morgun, maður vill jú helst horfa á hann alltaf en verð nú að gefa foreldrunum smá næði líka hehe

         Mamma, pabbi og Kjartan Gunnar keyrðu svo uppmeð Vörðu og  inná afrétt og fært allann hringinn, ekki neinn snjór að ráði þannig að ég held að það eigi að fara og sama á föstudaginn, þau sáu slatta af fé á vesturafréttinum og mjög innarlega líka fyrir innan skýli þannig að það þarf að ná því sér hugsa ég.

7. okt 2014

Drengur fæddur klukkan 07.16 til hamingju Guðni Reynir og Sigrún

           Fór um hálfeitt í nótt að kúra hjá Aroni þar sem Sigrún og Guðni Reynir fóru á fæðingardeildina,  en það fæddist drengur klukkan 7.16 í morgun, 4040 gr og 52 cm.  Við brunuðum svo á Selfoss þegar ég var búin að koma drengjunum í leikskólann.  Ekkert smá flottur drengur sem við hittum þar, og mikið stoltir foreldrar enda mega þau sko alveg vera það.  Sigga og Arnar sóttu svo drengina í leikskólann en við Aron, Sigga og Hulda kýktum svo seinnipartinn á litlu fjölskylduna.  Það var alveg yndislegt að sjá hann Aron skoða litla bróður sinn, hann var svo blíður og passasamur sagði mömmu sinni meira að segja að hún þyrfti að passa höfuðið á litla bróður, svo fékk hann að hafa hann í fanginu og fór svo varlega með litla gullmolann sinn, bara yndislegt sá á eftir að vera duglegur að hjálpa til kannski bara aðeins of ;)  Aron Rafn varð svo eftir hjá Kristni og Gunýju en hann ætlaði að vera í dekri þar í kvöld og nótt ;)

          Gummi í Hólum var svo að smala í og við Búrfellið og þar græddum við helling af fé, fékk tvílembingana undan forystukindinni minni, en Karlotta forystukind var löngu komin, svo komu þarna þrjú önnur lömb og sex ær tvær lambæ, svo voru geldir gemlingar þarna líka en skildist á Guðna Reyni að það vantaði einn botnóttann hrút í þennann hóp.  En golsótta gengið sem vantaði kom þarna held ég örugglega. 

6. okt 2014

         Ansi hvasst hér í dag, fór með strákana í leiksólann og fékk svo líka frábæra heimsókn í dag en hún Sæunn á Lágafelli kom í morgunkaffi bara gaman.  Inga kýkti svo við og eins kom Gunni Har, en hann er búinn að vera á ferðalagi með Hrútavinafélaginu en þau fóru á Raufarhöfn, nú svo eru tveir hrútar á leið suður sem honum áskotnaðist í ferðinni, bara gaman að því, en Jóhannes á Gunnarsstöðum er að koma með fé suður á land. 

        Bjössi og Reynir kýkti svo innað Sandkluftavatni og á Hoffmannaflöt í morgun og held að þeir hafi séð allavega 23 hausa þar af einn fullorðinn hrút í fjarska spurning hvort þar sér forystusauðurinn Harrý á ferð en hann var að langt frá að Bjössi hélt nú að það væri ekki hann en maður getur jú haldið í vonina 

        Nú og ekkert bólar á barninu hjá Sigrúnu og Guðna Reyni en nú er hún komin 40v + 4 dagar en finnst þetta nú bara orðið ágætt, en Dóra varð á orði að hún stæðist greinilega engar tímaáætlanir og ef hún væri lestarstjóri þá væri löngu búið að reka hana. 

5. okt 2014

          Bara rosalega fínt verður í dag, ætluðum jafnvel að kýkja á Flötina og Tröllhálsinn en Bjössi steig á nagla í gær og er ekki til mikils gagns í hlaupum, Guðna Reyni viljum við nú ekki fara með inná fjöll þar sem barnið hlítur að fara að koma, nú og Gunna var að smala heima hjá sér og gekk ekki eins fljótt og vel og vonir stóðu til svo þessu var bara frestað.

         Bauð svo mömmu og pabba í mat í kvöld en ég átti gæsir í frysti og ekkert smá góður matur takk fyrir Svenni frændi en þú ert bara bestur. 

4. okt 2014

         Mikið um að vera hér í dag,  mætti góður hópur af fólki hér í hádegismat en ég var búin að sjóða hangikjöt, en það er semsagt verið í stórframkvæmdum uppá bæ en það er verið að taka stóru skemmuna í gegn sem er við hesthúsið en það er verið að breyta því í reiðhöll nú og svo á sviðaveislan að vera þar en plássið var orðið frekar lítið í fjarhúsinu.  það var verið að  rífa, mála, og smíða samt hellingur eftir held ég.  Guðrún Lára og Óðinn komu og hjálpuðu mér með Þorbjörn Óðinn en foreldrarnir voru uppá bæ að gera og græja.  Elva Lillian og Jaki komu svo í heimskókn ekkert smá gaman að fá þau og ég taka nú ekki um hvað Þorbjörn Óðinn var kátur með að hafa þau.  Sótti svo pizzur fyrir allann hópinn á Selfoss nú og svo var horft á bardagann hans Gunnars Nelsons í sjónvarpinu, ótrúlega flottur strákur þó svo þetta hafi nú ekki tekist í þetta sinn en stóð sig samt rosalega vel. 

3. okt 2014

Mútta á afmæli í dag til lukku með daginn þinn.

         Þetta líka fína veður í dag, reyndar ansi kalt en allavega ekki rigning og ekki mikið rok.  Fór ásamt tengdó í Laugarás í morgun með Þorbjörn Óðinn en hann er með hálsbólgu og smá roða í eyra, hann fékk sama lyf og um daginn en vonandi nær hann þessu úr sér fljótlega, ekkert svosem óhress almennt en gengur illa að sofa sérstaklega á daginn nær sér bara í smá lúra. Við Arnar skutluðumst svo á Selfoss seinnipartinn og sóttum okkur eins og einn sófa en er aðeins að reyna breyta í sjónvarpskróknum.  Annars bara allt við það sama ekkert bólar á barninu en það verður allavega komið fyrir jólin...

2. okt 2014

         Frekar leiðinlegt veður í dag, fór með Aron í leikskólann en Þorbjörn Óðinn enn með leiðindarhósta svo hann var bara heima, enda svosem ekkert mál að hafa hann heima þegar svona stendur á.  Settur dagur í dag hjá Sigrúnu en ekkert bólar á barni en samt búið að vera óvenjumikið af samdráttarverkjum í dag, en róðast svo í kvöld skildist mér.  Nú það voru svo sem 71 lömb í SS í dag, meðalþyngd slátrunar var 16.8, fita var í 6.65 og gerðin í 8.46 sem er bara flott, en þetta eru svosem bestu hrútlömbin sem eru farin en fullt af fínum gimbrum sem eiga eftir að fara. 

1. okt 2014

           Fór með Aron í leikskólann í morgun og skutlaði svo Sigrúnu í mæðraskoðun, en skráður dagur er á morgun hjá henni, hún fékk líka nálastungur bara flott.  Skildi hana svo eftir á Selfossi fór með bílinn hennar Siggu í smurningu og var komin passlega heim svo Sigga gæti brunaði í skólann.  Þorbjörn Óðinn enn með hósta svo það er eina vitið að hafa hann heima fyrst það er hægt.  Krakkarnir voru svo komin heim um þrjú leitið.  Kertúnið smalað og tekin á milli 60 og 70 lömb sem fara svo í sláturhús á morgun.  

30. sept 2014

             Fór með Aron í leikskólann í morgun, Þorbjörn Óðinn með leiðinlegann hósta svo hann er bara heima.  Fór svo beint úr leikskólanum að Bjarnastöðum að skoða lömbin hennar Gunnu og keypti eins og einn agalega fínann hrút í leiðinni en hann er undan Saum sem er víst agalega spennandi þetta árið, en þetta er 86 stiga lambhrútur og bróðir hans fór líka í 86 stig báðir með 18 fyrir læri og bak ef ég man rétt, bara flott.  Um tíu leitið var svo hringt frá leikskólanum og Aron búinn að kasta upp, svo ég klæddi Þorbjörn Óðinn upp og dreif Ingu með í bíltúr en Sigrún var nýkomin á Selfoss til mömmu sinnar svo við sóttum Aron og brunuðum með hann á Selfoss, vonandi var þetta bara tilfallandi og hann verður vonandi orðinn góður á morgun, en þá er Sigrún að fara vonandi í síðustu mæðraskoðunina í bili, en hún er skráð 2 okt svo krílið má nú alveg fara að koma.  Sigga kom svo heim um fjögur leitið en Arnar þarf að vinna seinnipartinn þannig að hann kom ekki austur með henni, ég brunaði svo á Selfoss að ná í hleðslutæki fyrir símann hans Dóra og með tíkina aftur í pörun sem gekk bara glimrandi vel.   

         Ekkeret smá vitlaust veður hér í kvöld, þrumur og eldingar og í látunum sló meira að segja rafmagnið út, lekaliðinn hjá okkur, Bensa og Jonna slóu allir út en hjá Reyni og Guðna Reyni já og fjósið tolldu inni. 

          Fengum svo línubrjót af Botnsheiði en hún kom fram í Svarthamarssrétt, þetta var rolla með flekkótt lamb sem var 19.9 kg og fór í U3 ekki slæmt það, en agalegt að tapa rollunni. 

29. sept 2014

            Byrjaði daginn á að fara með strákana í leikskólann, nú svo fór ég ásamt Bjössa og Reyni að Björk með þrjá hrúta í dóma en karlarnir skildu mig bara eftir með hrútana þannig að ég var að reyna að gera smá gagn og gat tekið að mér að skrifa,  bara gaman og átti bara eftir að dæma hrútana frá Björk og Gunnu á Bjarnastöðum þegar ég var sótt þar sem það var kominn tími á að sækja drengina í leiksólann.  Fengum flekkóttann kollóttann hrút með 85,5 stig svo var veturgamall með 84 stig og svo aðalhrúturinn hans Gunna Har mórauður ferhyrntur sem fékk 84,5 stig þarf af 18 fyrir læri og 9 fyrir malir bara flott.  Þegar heim var komið þá brunaði ég með Skvísu í pörun og viti menn lokst tókst þetta og tíkin á degi 18 allavegana, svo er bara að krossa fingur og vona að hún komi með hvolpa.  Nú svo var eldað í mannskapinn þannig að það var heilmikið gert í dag.

28.sept 2014

          Þorbjörn Óðinn búinn að vera aðeins kvefaður og pirraður í dag, en við Bjössi, og Sigga og Þorbjörn Óðinn fórum í afmæliskaffi til mömmu og Kötu á Selfoss í dag, Arnar var að vinna Dóri fyrir norðan í Laufskálarétt og Sigrún ekkert mjög spræk í dag og eðlilega var Guðni Reynir heima að hugsa um sína konu.  Bjössi og Guðni Reynir fóru samt á rúntinn í morgun og náðu slatta af fé, og náðu svo tveimur veturgömlum hrútum og einum lambhrút sem við vorum að spá í að láta dæma.

27. sept 2014

          Karlarnir hér búnir að vera að gera og græja í hesthúsinu en það er verið að rífa innanúr stóru skemmunni sem er við hesthúsið og það á að breyta þessu í reiðhöll, sem verður þá líka rosa hentug fyrir sviðaveisluna þar sem þetta er orðið það margt fólk að ekki veitir af plássinu.  Arnar svo að vinna á morgun svo hann fór í bæinn í dag, Magga, Kjartan Gunnar, Bjarki og Ási kýktu svo í kvöld bara gaman.

         Guðni Reynir og Sigrún röltu svo uppá Kálfshólakerið í kvöld en það er farið að styttast í skráðann dag en samkvæmt sónar er von á barninu 2 okt, vonandi þurfa þau ekki að bíða lengi. 

26. sept 2014

          Heilmikið flandur á mér í dag, byrjaði á að fara með strákana í leikskólann, svo fórum við Sigrún á Selfoss en hún fór í mæðraskoðun og ég fékk að fara með ;) þetta lítur allt svona ljómandi vel út og næsta skoðun 1 okt ef barnið verður ekki komið.  Nú um hádegið fór ég svo með Skvísu og rakkann sem ég ætlaði að nota til Ásdísar en það kom svo í ljós að það er ekki hægt að nota rakkann þar sem engar sæðisfrumur voru í boði.  Fann þá í fljótheitum plan B og brunaði með tíkina þangað en líkega er hún ekki komin á tíma ennþá.  Nú svo brunaði ég í leiksólann að sækja strákana, skilaði Þorbirni Óðni heim en fór svo með Aron á Selfoss þar sem það er pabbahelgi og hann á leiðinni í bæinn.  Buðum svo Huldu og Gunnari já og Guðna Reyni og Sigrúnu og Siggu og Arnari í mat í kvöld  bara gaman.

25. sept 2014

         Reyndi að para tíkina en ekkkert gekk svo það á bara að fara með þau á Selfoss á morgun til Ásdísar og sjá hvað er í gangi. 

23. sept 2014

          Búinn að vera heilmikill þeytingur á mér í dag en samt næstum ekkert verið gert, en sumir dagar eru bara svona.  Sigga var komin heim uppúr þrjú og sótti strákana í leikskólann, ég skutlaðist aðeins uppí Laugarás, en náði ekki að fara á Selfoss eins og til stóð. 

22. sept 2014

          Fór með Aron í leikskólann í morgun en Þorbjörn Óðinn svaf næstum ekkert í nótt svo hann fékk bara að sofa út en líklega er þetta einhvert tanntökuvesen á honum.  Fór svo á Selfoss með Skvísu til dýra en hún er að lóða og svo agalega vond lykt af henni.  Þetta þótti nú einhvað skrítið en fannst samt ekkert að henni þannig að hún fékk til öruggis pencilín en líklega tilbúin í pörun um miðja vikuna, Undramundur er nú samt viss um að tíkin sé klár, svo ég reikna nú með að kýkja með hana á morgun.  Fór svo eftir hádegið á Selfoss, en þufti að snúast á ótrúlega marga staði en allt hafðist þetta nú og kýkti svo í smá kaffi til Huldu en við Sigrún sóttum svo strákana í leikskólann.   

21. sept 2014

           Búið að rigna mikið í dag, ekkert stúss í rollum hér nema Bjössi og Dóri sóttu tvö lömb frá okkur í Klausturhóla.  Gunni Har kýkti aðeins við en hann var á leið suður í brúðkaup. Heyrði í Gunnu í dag og hún sá fullt af fé á Miðfellshrauninu, Efri Brú og Syðri Brú þannig að það þarf að fara og taka það fé svona þegar veður og tími er til, já og mannskapur líka.   Annars bara allt í rólegheitum. 

20. sept 2014

           Vaknaði í morgun fyrir klukkan sex þar sem Gunni Har ætlað að skutla Bensa inn að Dímon og ég ætlaði að gefa karlinum kaffi áður en hann færi en viti menn hann var farinn þegar ég vaknaði, en hann var kominn til baka um hálfníu og fékk þá kaffið.  Ég brunaði svo af stað um níu leitið með Bjössa, Jonna, Ingþór og Hjalta Pétur inná Hofmannaflöt en það átti semsagt að smala þokusvæðið sem var smalað síðasta sunnudag.  Hér heima voru svo strákarnir og verkefni dagsins að setja nautin inn.  Þegar ég kom heim um hádegið þá var mér sagt að fyrsta orustan hefði tapast, en það ætti að reyna aftur eftir hádegið.  Nú það tókst eftir hádegið með því að fara á L-200 bílunum og hafa Dóra á pallinum og bíða bara eftir mannýga nautinu og láta þá elta en nautið er alveg snarvitlaust og fer vonandi bara í sláturhús fljótlega.

            Smalamennskan gekk svo bara vel en held að það hafi verið um 200 fjár sem náðist í Kringlumýri þar áttum við nokkrar skjátur og eins Gunni Har en held að Vaðnes hafi grætt heilmikið í þessari smalamennsku.  Nú hér millilenti svo óskilahundur en sem betur fer var hann örmerktur og hægt að hafa uppá eiganda hans sem kom svo og sótti hann.  Smalarnir komu svo hér heim um kvöldmatarleitið en Arnar var búin að elda handa liðinu en Jonni og Ingþór mættu líka í mat.  Nú svo komu Kjartan Gunnar og Magga ásamt Ragga og Helgu á Fossi í heimsókn hér í kvöld mikið spjallað og viti menn aðalega um hross, mikið gaman og takk æðislega fyrir komuna.

19. sept 2014

           Fór með Siggu í morgun með strákana í leikskólann.  Smalamennskunni á Efri Brú og Kaldárhöfða var svo frestað fram að hádegi þar sem það var svo mikil þoka í kringum Búrfellið, svo Bjössi ákvað að kýkja aðeins ínná Hoffmannaflöt en við Sigrún fórum með ásamt Hjalta Pétri, Kjartani Gunnari og Gunnu.  Eftir smá leit og heilmikið rölt náust 16 hausar, ekki þó gráu kindurnar fimm sem eru þarna einhvernstaðar.  Við áttum þrjár tvílembur , Gunni Har einn gemling, einn línubrjótur var úr Borgarfirðinum og svo fimm hausar frá Auði á Hömrum. 
           Við brunuðum heim með þessar enda farið að bíða eftir okkur í smalamennskuna á Efri Brú og Kaldárhöfða.  Hringi í Gunna Har og plataði hann til að koma og skutla línubrjótunum í SS og báðum hrútlömbunum okkar sem komu.  Nú svo var bara brunað aftur af stað nú með hesta, en Bensi, Bjössi og Hjalti Pétur fóru í þessa smalamennsku frá okkur, skutlaði þeim út á Miðfellshraun en fór nú svo bara aftur heim en Gunni var kominn heim svo við náðum að fá okkur smá kaffi en svo brunuðum við aftur af stað. 
         Smalamennskan gekk svona líka rosalega vel, það varð meira að segja að kalla út auka vagn til að flytja fé en þetta voru örugglega á þriðja hundrað fjár.  Ákveðið var að bruna bara með allann hópinn í Klausturhólarétt og rétta þar.  Björk og Klausturhólar áttu stæðstu hópana, en held að flestir hafi fengið fé þarna þó var ansi fátt frá Mjóanesi og lítið sem ekkert frá Auði á Hömrum þannig að það var nú ágætt að við náum þessi á Hoffmannalöt í morgun.  Við áttum fjórar tvílembur og tvo gemlina.  Ég, Arnar, Sigrún og Guðni Reynir ástam Aroni fórum í Klausturhólaréttina já og Gunni Har auðvitað líka.  Nú við Arnar vorum komin heim uppúr átta en það var svo mæting í innflutningspartý hjá Sverri og Karítas þannig að við mættum þar.  Guðrún Lára var svo heima og passaði gullmolann.  Guðni Reynir og Sigrún mættu líka en Sigrún búin að vera á fullu í allann dag, á þeytingi út um allt en nú eru tæpar tvær vikur í settann dag.
        Gunni Har gisti svo hjá okkur þar sem hann ætlar að skutla Bensa inn að Dímon í fyrramálið en það á jú að smala fyrir innan á morgun en spáin er mjög góð og fullt af fé sem þarf að ná.  Ég fer svo og skutla slatta af körlum inná Hofmannaflöt í fyrramálið.

18. sept 2014

          Fór með strákana í leikskólann í morgun, sótti svo Sigrúnu og skildi hana eftir á Selofssi en hún var að fara í mæðraskoðun en ég fór í bæinn í Tysabri.  Það gekk bara ljómandi vel eins og alltaf, kom aðeins við í Rekstrarvörum og sótti hundafóður var svo komin á Selfoss uppúr tvö.  mæðraskoðunin kom bara vel út hjá Sigrúnu en nú eru tvær vikur í barnið, getum bara ekki beðið en annað víst ekki í boði ;)

        Bjössi og Bensí fóru svo í Selflataréttina í dag að gera og græja þar. 

        Guðni Reynir, Sigrún og Aron komu svo og kýktu í kvöld, en Sigga ætlaði að reyna að klippa Þorbjörn Óðinn en þetta er nú meira mál en það lítur út fyrir að vera en Sigrún er svo ansi dugleg við þetta og hún klippti drenginn og nú eru allar krullurnar farnar en þær fóru nú ekki í ruslið spurning um að eiga lokkana allavega einhvað af þeim. 

17. sept 2014

        Byrjaði daginn á að fara með strákana í leikskólann þeir voru bara kátir með það.  Þegar ég kom heim lét nágrannakona mín mig vita frá tveimur lömbum sem voru komin út fyrir  girðinguna uppá Kertúni en Bjössi og Bensi fóru í að koma þeim á sinn stað.  Nú svo voru réttir í Klausturhólarétt þar áttum við tvílembingshrúta en rolluna vantar ennþá og svo gimbur en rollan sem á hana kom í Klausturhólum í gær þannig að þrír hausar komu úr réttunum sem er nú ekki mikið.  Eftir hádegið fóru Bjössi og Bensi og sóttu sex kálfa sem er hið besta mál.  Sótti svo stákana í leikskólann en Þorbjörn Óðinn mátti bara ekkert vera að því að koma með mér heim svo mikið að gera að hlusta á tónlist og dansa svo ég þurfti að fara fara þrjár ferðir inn að sækja hann áður en ég komst með hann út, Aron var alveg hissa á þessu hehe

        Bjössi og Bensi brunuðu inní Gatfell og ætluðu að sækja hnakk sem átti að hafa orðið eftir þar en þeir fundu hann ekki en sáu einhvað af skjátum en þó ekkert rosalega mikið en Auður og Kolli fóru á Austurafréttinn í gær og sáu allavega hundrað hausa svo það á að reyna að ná því á laugardaginn ef vel viðrar en það var svo mikil þoka þegar þetta var smalað að það náðist nú eiginlega ekkert fé.  En hnakkurinn fannst nú samt en hann var í hestakerru sem var komin hér heim þannig að það er hið besta mál.

        Búið að rigna dálítið í dag en ekkert úrhellir þó, spurning hvernig veðrið verður á morgun en er að fara í Tysabri í borg óttans á morgun. 

16. sept 2014

        Sigga þurfti ekki að mæta fyrr en um hádegið í skólann í dag svo hún skutlaði drengnum í leiksólann og kom með Kjartan Gunnar með sér til baka þar sem hann fékk far með okkur í réttina í Kringlumýri.  Hulda, Sigrún og Aron skelltu sér í réttina bara gaman að því en við áttum held ég fjórar ær og þrjú lömb sem er nú ekki mikið.  Bættum Bjarkarfé á kerruna hjá okkur en Bensi fór svo í Eyvindartungu og safnaði saman fé þar held að hann hafi tekið bæði Hamra og Eyvíkurfé en við áttum ekkert þar. Áttum svo tvílembu á Björk en þau smöluðu saman hjá sér í dag og ca 12 hausar í Klausturhólum en Bjössi og Guðni Reynir fóru í kvöld og sóttum það fé þannig að ansi held ég að það verði fátt í Klausturhólarétt á morgun.  Vantar bæði lömbin mín undan Karlottu sem er forystukindin mín en hún kom þegar austurgirðingin og Búrfellsmýrarnar voru smalaðar og ég var að vona að lömbin kæmu í Klausturhólum en það er ómögulegt að segja hvar og hvort þau skila sér. 

15. sept 2014

        Byrjaði daginn á að fara með strákana í leikskólann komst svo að því þegar ég var að koma heim að rúllan sem var í Kringlumýri fyrir fjallhrossin væri ónýt svo við Gunni brunuðum inneftir með rúllu.  Fórum svo ásamt Dadda inná Hoffmannaflöt og fengum Palla í Vaðnesi og Gunnu frá Bjarnastöðum til að bruna með okkur en ég var að vona að skjáturnar sem voru á flötinni við réttina væru þar svo Gunna og Snúður gætu náð þeim inní rétt.  Auðvitað létu rollurnar ekki sjá sig, en settum þessar sem voru í réttinni á kerruna og vagninn, var svo ópeppin eða klaufsk að mér tókst næstum að festa Raminn, hafði þó vit á að stoppa áður en allt færi á kaf og tókst að hringja á Gunnu og Palla sem voru komin með það sama.  Eftir miklar pælingar og smá tog þá gekk ekkert en ég vissi að bíllinn væri ekki fastur og það væri sjens að bakka svo ég bað Palla bara um að athuga hvort hann hefði ekki lag á þessi þar sem ég tali víst að ég myndi festa bílinn, nú þetta tók hann ekki nema augnablik bakka smá og kominn uppá veg með bílinn drengurinn, vissi að ef þetta væri hægt gæti Palli reddað mér takk fyrir það Palli minn, þú klikkar ekki.  Fórum með féð í Kringlumýri og vorum komin heim uppúr hádegi. 

      Við Sigga sóttum svo stákana í leikskólann, og svo var eldað fyrir fjallmenn en held að þeir hafi komið um sex leitið hingað heim í mat, var búin að elda 4 læri sem var nú meira en nóg í 9 karla sem mætti hér í mat.  Spurði Dóra minn þegar þeir voru komnir niður á Búrfellsveg hvort það væri mikið fé og svar sem ég fékk var að báðar kindurnar væru farnar að renna að réttinni :) en held að þær hafi ekki verið margar.

14. sept 2014

          Byrjuðum á að bruna inní Gatfell í morgun, sáum að það voru fimm skjátur á Hoffmannaflöt og svo voru fimm gráar á leiðinni inní Gatfell og svo tvær hvítar sem karlarnir vissu af.  Í bakaleiðinni sáum við þær hvítu en þær gráu voru horfnar hef grun um að ég eigi þær persónulega.  Þegar við komum svo niður á Flöt voru þessar fimm orðnar ca 10 en komnar í Goðaskarðið svo við létum karlana vita að það væri fullt af fé þarna.  Bjössi hringdi svo eftir hádegið og þá voru komnar 50 skjátur inní réttina á Flötinni.  Við vorum passlega búin að raga féð sem kom í gær hér heim svo það var brunað af stað, en þegar Daddi, Guðni Reynir og Sigrún komu að þjóðgarðinum þá fór að koma einhver hljóð í vagninn og svo var L-200 að stríða þeim einhvað þannig að vanginn varð eftir, við Gunni vorum svo á Ram með kerruna þannig að það var farið inná Flöt og hestakerran fyllt.  Þarna átti Kolli eina útigengna með lamb með sér ekki leiðinlegt það.  við áttum svo nærri fulla kerru.  En þegar við komum á Flötina sáum við Gunni þessar fimm sem við höfðum séð um morguninn þannig að þær eru enn eftir og þessar gráu vantar líka. 

       Það gekk svo ljómandi vel held ég að smala í Mjóanesi allavega komu þrír fjárvagnar af fé í Kringlumýri.  Það á svo eftir að sækja resina af fénu á Flötina en það verður vonandi hægt á morgun en það er búið að laga fjárvagninn okkar. 

      Annars fengu smalarnir rosa fínt veður kannski fyrstu tvo tímana og svo kom þoka...Bjössi hringdi og orðinn rammvilltur en elti bara rollunrnar sem hann var með sem enduð svo í Mjóanesi en Bjössi var nú búin að ná áttum áður en hann fór langt af leið.

       Við Gunni sóttum svo matinn sem hún Áslaug í félagsheimilinu hafði eldað, mikil ánægja hjá smölunum með matinn enda bara veisla. 

13. sept 2014

           Farið af stað snemma í morgun með menn og restina af hrossunum.  Hjalti Pétur, Dóri smiður og Bensi fóru í Skjaldbreið en restin af mannskapnum smalaði niður á Hofmannaflöt, gekk bara nokkuð vel, hellingur af fé allaveg vel yfir hundrað allavega fullur vagninn í Vaðnesi, Mjóanesvagninn fullur líka og fjárvagninn okkar tók líka slatta en hann er nú dálítið minni en hinir vagnarnir, sá að mig persónulega vantar nú slatta af fé sem ætti eða allavega mætti mæta í Hoffmannaflatarréttina en hver veit nema þær skili sér í Kringlumýri eða Mjóanes.  Veit nú samt að það er ekki hreinsmalað hugsa að þetta svæði gæti alveg þolaði nokkrar smala í viðbót.  Vorum komin óvenju snemma heim þetta árið eða bara uppúr sex en stundum hefur nú verið farið að skyggja þegar við förum af stað frá Hofmannaflötinni en þetta semsagt gekk bara ljómandi. 

12. sept 2014

           Skutlaði Aroni í leikskólann  í morgun, en Þorbjörn Óðinn fór með foreldrum sínum í Laugarás en hann er allur að lagast en var nú samt eins og hann væri aðeins að kvefast aftur í morgun.  Ég skrapp svo í Vaðnes með smá viðbót af kjöti í súpuna.  Eftir hádegið fórum við við á fjórum bílum með hestakerrur  í kofann hjá Borgfirðingum en þetta voru 18 hross en þar höfðu Borgfirðingar skilið eftir smá hey handa okkur takk fyrir það.  Sá fullt af fé á leiðinni inneftir en það var stór hópur alveg við afleggjarann inná Uxahryggi en sé nú venjulega ekki svona mikið fé þar.  Arnar og Þorbjörn Óðinn fóru með mér ásamt Gaur en Bensi, Jonni og Bjössi fóru allir á bílum þannig að það voru 18 hross sem eru komin inneftir en restin fer í fyrramálið með smölunum.

         Sá svo í fjárvís að við áttum línubrjót í Oddstaðarétt hef ég grun um rollan var nú bara rétt rúmlega 14 kg og í P1  en lambið var nú þokkalegt en rollan var árgerð 2012 svo ekki var aldurinn að angra hana.

11. sept 2014

           Heilmikið að snúast í dag, við Sigrún byrjuðum á að fara með strákana í leikskólann, fórum svo uppá Skeið og heimsóttum  Valgerði á Húsatóftum ekkert smá flottir hvolpar sem hún er með.  Svo var brunaði á Selfoss en Sigrún var að fara á brjóstagjafanámskeið þar,  ég sótti svo strákana í leiksólann og Sigrúnu á Selfoss, og brunaði svo heim.

9. sept 2014

           Fór á Selfoss í morgun en átti tíma hjá augnlækni, hann hafði að sjálfsögðu bara aldrei skoðað manneskju með svona góða sjón svo það er bara misskilningur hjá mér að ég sjái illa hehe,  allavega kom þetta bara vel út og ekkert breyst í nokkur ár. 

8. sept 2014

            Drengirnir fóru í leikskólann í morgun, ég fór svo á Selfoss og fór með Raminn í skoðunn sem fékk grænann miða en hef nú grun um að því verði kippt í liðinn hratt og vel.  Er svo farin að sauma eins og eitt teppi, en drengurinn er jú fæddur og kominn heim.  Annars er búið að rigna fyrir allann peninginn og gott betur í dag, ekkert smá en bara fínt að það er ekki fjallferð núna en það verður farið á fjall um næstu helgi svo vonandi verður fínt veður þá. 

7. sept 2014

            Fénu sem var smalað hér í gær var smalað saman í dag og sorterað, finnst nú vanta ansi mörg lömb en einhvað gæti nú hafa endaði í Klausturhólasmalamennskunni bíð spennt eftir að þau reki saman.  Annars tók nú ekki langann tíma að raga féð enda fullt af fólki að hjápa til takk fyrir það.  Þorbjörn Óðinn er svo búinn að vera ráðsmaður í Kópavoginum en kom heim seinnipartinn, klárlega búinn að láta sjana við sig alla helgina :)

6. sept 2014

           Þá er smaladagurinn mikli runninn upp.  Það var byrjað á að smala Búrfellsmýrarnar en Klausturhólafólkið rak í Klausturhóla og okkar fólk hér heim.  Þetta gekk bara rosalega vel, allavega var mér sagt það enda við örugglega með á milli 15 og 20 smala.   Nú mannskapurinn var svo kominn í mat um tvö leitið en ég gerði bara grítu sem ég fór með út í hesthús handa liðinu.  Svo var farið út í Hraun að smala fannst það nú ganga frekar hægt enda trén orðin svo há og þétt að þetta er nú bara að verða ófært, þetta gekk bara ágætlega líka en frétti þó af rollu með hrútlambi sem var að gera Jonna og Bjössa lífið leitt og held að sú hafi orðið eftir og eins rolla með gimbralambi en það skipti nú minna máli.  En lambhrúturinn sem ekki skilaði sér í fyrra haust kom en hann gekk greinilega úti í vetur.  Held að smalarnir hafi verið komnir heim uppúr fimm en þá fór ég með Lasange út í hesthús mikið minna mál að láta fólkið éta þar.  Takk fyrir alla smalahjálpina þið öll.  Sverrir og Karítas kýktu svo við hér með krakkana í dag ekkert smá sem krakkarnir hafa stækkað.  Tókst svo að koma mínu fólki heim fljótlega eftir matinn en kýktum svo til Dóra og Lísu, aðeins farið að spá í Herning 2015 en þar verður heimsmeistaramótið nú og svo er jafnvel verið að spá í að fara á Fjörurnar, mikið gaman takk fyrir okkur.

5. sept 2014

           Þorbjörn Óðinn var heim í dag með mömmu sinni en er nú allur annar samt. Skrapp svo uppá bæ til Sigrúnar og klárði að mála einn vegg fyrir hana en það var nú ekki lengi gert.  Við Sigrún og Inga fórum svo á Selfoss í kringum hádegið, byrjaði á að fara með bílinn hans Guðna Reynis í skoðun, fór svo og sótti kjöt í SS, fór með hluta af því í Krás, skilaði inn örmerkingarpappírum og verslaði smá í Krónunni.   Arnar var svo kominn heim úr skólanum á milli hádegis og kaffis en hann tók Þóru með sér, Gróa og Toni eru svo líka komin :) en við fórum svo í afmæli til Hafdísar í kvöld.  Það var ekkert smá stuð, Sigga skutlaði hluta af fólkinu en ég kom svo með restina á Transporternum held allavega að það sé rétta nafnið.  Fór svo tvær ferðir með fólkið heim í nótt.  Takk fyrir okkur Dísa mín þetta var bara gaman. 

4. sept. 2014

          Þorbjörn Óðinn bara veikur í alla nótt og mamma hans var heima með hann en hún fór með hann í Laugarás og hann er með veirusýkingu, hálsbólgu og í eyrunum, en Reynir og Inga fóru með þeim þar sem þau voru bíllaus.  Við Sigrún skutluðum svo Aroni í leikskólann, Sigrún fór svo á Selfoss en það var mæðraskoðun í dag og allt í rosalega góðum málum hjá þeim, Guðni Reynir var svo í SS í dag.  Ég aftur þurfti að vera komin í MRI í bæinn klukkan 9.20 og var mætt alveg á mínútunni en þetta var nærri klukkutíma prógram.  Fór svo í Erlingssen og hitti á Svenna frænda, kom svo við í Virku, sótti svo hundamat, fór í Rekstrarvörur og svo í ríkið.  Kom svo við í Bónus í Hveró á leiðnni heim en held að ég hafi verið komin heim um tvö leitið.  Gunni Har kýkti svo við hér í dag.   Er samt ansi þreytt þessa dagana en held alltaf að það fari nú að komast regla á dagana en það er alltaf einhvað og þessir dagar þegar lítið er um að vera þá liggur maður bara og nennir ekki neinu.

3. sept. 2014

Freydís og Fannar eignuðust strákinn sinn í morgun til hamingju með gullið ykkar.

          Gekk ljómandi vel í leikskólanum hjá stráunum í dag en svo seinnipartinn hér heima var Þorbjörn Óðinn orðinn alveg ómögulegur og grét bara þetta var alveg ómögulegt allt saman fannst honum, þannig að jafnvel að horfa á Frosen í sjónvarpinu dugði ekki til. 

2. sept 2014

         Skutlaði drengunum í leikskólann í morgun og gekk bara vel.  Hulda og Sigrún kýktu svo í morgunkaffi.  Nú frétti svo að Freydís okkar væri búin að missa vatnið og á leið í bæinn vonandi tekur þetta nú ekki allt of langann tíma hjá henni en alltaf gaman þegar fjölgar.  Gunni Har kýkti svo við hér í dag, ég fór og smalaði túnið með Bjössa, Guðna Reyni og Reyni en ég var nú svosem bara á bílnum en það kom svo sláturbíll og sóttu nokkra hausa í SS.  Sótti svo strákana í leikskólann.

1. sept 2014

         Við Þorbjörn Óðinn erum búin að vera að dúlla okkur hér heima í dag, en það var starfsdagur í leikskólnanum í dag, en nú held ég að fara að koma svona rútína á þetta allt saman sem er bara gott.  Skaust svo á aðeins á Selfoss og Hveró þegar krakkarnir voru komin heim.  Við Bjössi fórum líka út á tún að reyna að taka myndir af tryppunum það gekk nú ekkert allt of vel tryppið sem átti að mynda var alltaf svo sperrt og flott en stóð alltaf á bak við hin tryppin nú og svo var þarna einn boli sem var frekar ósáttur við að hafa bílinn á túninu og hljóp bölvandi á eftir bílnum, þannig að ansi oft þurfum við að bruna af stað til að fá kvikindið ekki á bílinn, spurning um að leifa bola að hjóla í traktórinn eða L-200 en vil síður fá hann á Raminn minn.

        Bjössi og Reynir sóttu svo Nös sem er búin að vera hjá Sjálf svo er bara að vona að það sé fyl í henni,  nú og svo eru allar hryssurnar hans Flemmings komnar í hesta en það eru ellefu hryssur þannig að það verður slatti af seinköstuðum folöldum næsta haust ef allt heldur. 

31. ágúst 2014

          Dóri fékk sms klukkan níu í morgun um að hann mætti mæta í úrslitin í töltinu sem áttu að byrja um klukkan tíu.  Þannig að hann átti aldrei sjens á að komast í tíma en svo var mótinu frestað fram að hádegi, en veðrið var nú bara snarvitlaust þannig að hann var alveg búinn að blása það af að mæta.  Sáum svo að úrslitinum var bara alveg frestað en svo er alveg búið að blása þau af þannig að það verður bara verðlaunaafhending annað kvöld en held að hann mæti nú ekki í það en sjáum til. 

30. ágúst 2014

          Dóri fór í morgun í Mosó að keppa á sumarsmell Harðar held ég það heiti.  Byrjaði í töltinu með Óperu og sáum svo á netinu að hann lenti í 5 sæti þannig að hann var kominn í úrslit þar.  Hann fór svo seinnipartinn með Óperu og Skjálfta Hrinu í fjórgang þar fékk Ópera annað sætið og Skjálfta Hrina 5 sæti með 6.13 sem er rosalega fínt en þetta er hennar fyrsta keppni.  Þegar Dóri og Bjössi voru svo komir heim um kvöldið sáum við á netinu að hann var allt í einu dottinn niður í 6. sæti í töltinu, frekar skrítið þar sem keppandinn sem var allt í einu komin þarna fyrir ofan hann var ekki með sína sýningu um leið og hinir og var ekki einu sinni skráður.  Dóri hringdi mjög ósáttur í mótstjórann,og gékk þær skýringar að viðkomandi hefði óvart verið skráður í vitlausann flott, en þegar Dóri fór að skoða það þá var knapinn bara hvergi skráður en hrossið var skráð í annann flokk með annann knapa.  Ekki gott.

         Freydís og Fannar kýktu svo við hér í dag, en Freydís er komin fimm daga framyfir settann dag svo drengurinn hlítur nú að fara að láta sjá sig, Ási og Bjarki komu líka, nú svo voru Guðni og Sigrún hér líka að skottast,  Guni Har kýkti líka við svo það er engin lognmolla hér.

26. ágúst 2014

          Strákarnir að aðlagast í leikskólanum en það gengur nú betur með Aron en þetta er allt að koma vona ég, en það er nú betra þegar Þorbjörn Óðinn vaknar sjálfur á morgnana, en honum finnst agalega gaman að vera úti. 

25. ágúst 2014

        Það var klárað að keyra heim allar rúllur í dag, svo nú fara karlarnir örugglega að telja saman rúllurnar svona svo maður vit nú hvort það er komið nóg af heyjum en það er pottþétt komið nóg af heyjum en mætti samt vera meira að heyjum í útigangshrossin.  Sigríður og Hjölli á Fossi komu svo í heimsókn í dag en þau eru í bústað hér úti í Ásgarði, mikið gaman að fá þau takk fyrir komuna. 

24. ágúst 2014

          Rólegheitadagur í dag, komin rigning og bara letidagur hjá mér allavegana.

23. ágúst 2014

           Tveir aukagemsar voru hér í morgun þegar ég vaknaði en samt eiginlega ekki aukagemsar því ég á nú heilmikið í þeim.  Mamma og pabbi komu að vestan í dag með slatta af berjum.  Manuela kom í heimsókn alltaf gaman að hitta hana.  Guðrún Lára og Óðinn komu svo í heimsókn, Gunni Hár kýtki við þannig að það er nú nóg um að vera í kotinu.  Gestur kom svo og lagaði traktórinn og skilaði bílnum sem er alveg klár fyrir haustið ekki slæmt það þarf bara að fara að koma því í verka að fara með bílana í skoðun en geri það í sept held ég. 

22. ágúst 2014

           Við Inga skutumst á Selfoss eftir hádegið, nú og svo ætlaði ég að ná í raminn en hann var ekki alveg klár en kemur vonandi heim á morgun betri en nýr.  Krakkarnir fóru svo í kveðjupartý til Ragga og Guggu í kvöld, vona gaman skildist mér.

21. ágúst 2014

           Kláraðist að rúlla niðurtúnið í dag þannig að nú er búið að heyja allt hér heima í dag.  Held að þá sé bara smotterí eftir í útiheyskap.  Nú hryssan hans Bensa er köstuð og líklega er þetta hryssa en allavega er það rautt og stjörnótt skilst mér. 

20. ágúst 2014

            Fór í bæinn í Tysabri í dag, gekk bara vel eins og alltaf en ekkert komið út úr blóðprufunni minni ennþá en það hlitur að verða komið næst þegar ég fer í lyfjagjöf.  Annars bara sól og gott veður en finnst nú samt vera farið að kólna og komið haust í loft. 

18. ágúst 2014

           Strákarnir fóru í leikskólann í dag en það var fyrsti dagurinn hjá þeim og ekkert smá gaman skildist mér en held nú að mömmu hjartað í henni Siggu eigi nú eftir að vera aumt fyrstu dagana en Sigrún er nú orðin vön.  Búið að vera rosa flott veður hér í dag en samt aðeins kalt ef maður er ekki í sólinni.  Nú svo eru karlarnir farnir að slá niðurtúnið þannig að það ætti nú að klárast að slá það á morgun og fínt ef það næðist nú að rúlla áður en eldgosið skellur á sem verið er að spá í Vatnajöklinum en á nú svosem ekki von á að það eigi eftir að agra okkur allavega verða önnur svæði örugglega í verri málum, en sjáum til hvernig það fer.

17. ágúst 2014

           Rólegheita dagur í dag, var meira að segja allt í einu alein heima sem gerist nú næstum aldrei.  En það stóð nú stutt.  Krakkarnir fóru í bæinn, en svo kom Dóri heim frá Hellu en hann hafði verið þriðji inní A úrslit bæði í tölti og fjórgangi í gær og í dag reið hann semsagt úrslit í báðum greinum á merinni sinni og viti menn hann laumaði sér uppí annað sætið í báðum greinum.  Mikið motnin af honum.  Sótti svo eina kerru af hrossum í Þrándarholt en þar voru Gandar og Gúbbar að klára sína hestaferð.  Gestur fór svo og sótti rest bæði menn og hesta.  Jón Bjarni kom svo og sóttir hryssuna sína en hann var að smala saman merum hér á suðurlandinu.

16. ágúst 2014

           Við Þorbjörn Óðinn fórum  uppúr níu heim í morgun.  Var nú alveg hissa miðað við hvað voru margir bílar hér hvað var sofið í fáum sófum bara Ási og Bjarki.  En það fór svo að tínast inn fólk undir hádegið en þá voru einhverjir í hýsinu og einhverjir sváfu bara í bílunum sínum, en það var nú samt sofið í öllum rúmum.  Fólkið fór svo að tínast heim til sín fram eftir degi.  Gunni Har kýkti svo aðeins við.  Magga og Kjartan Gunnar kýktu líka við í kvöld bara gaman að því.  Nú Dóri og Hjalti fóru á Hellu en Dóri er að keppa á Suðurlandsmóti Yngri flokka á merinni sinni, en hann varð 3 inní A-úrslit í fjórgang með 6.33  og líka 3 inní A-úrslit í töltinu með 6.57 þannig að það er aftur mæting á morgun.

15. ágúst 2014

           Allt á fullu hér í dag að undirbúa innflutningspartý hjá Siggu og Arnari, það gekk bara ljómandi vel.  Arnar og Haffi voru svo komnir uppúr seinnipartinn og hjálpuðu okkur en það þurfti að færa til nokkur húsgögn en allt hafðist þetta nú samt.  Við Þorbjörn Óðinn fórum svo yfir til tengdó þegar við vorum búin að gera kjúklingasúpuna, en vorum búin að snýkja okkur gistingu þar.  Held að það hafi bara verði fín mæting í partýið hjá krökkunum, og jafnvel einhverjir mætt sem þau þekktu ekki en fylgdu einhverjum vinum.

        Bjössi fór svo af stað í hestaferð í dag með Göndum og Gúbbum, en held að það eigið að fara um á Gnúpverja og Hreppamanna afrétt en það verður endað í Þrándarholti aftur á sunnudag. 

13. ágúst 2014

              Við Sigrún fórum á Selfoss í morgun og Þorbjörn Óðinn fór með, hann varð nú ansi þreyttur fljótt þannig að þegar  við vorum búin að  fara einn hring í Rúmfatalagernum þá sofnaði hann bara á öxlinni á mér á leiðnni út í bíl, þannig að það var ekkert annað að gera en að fara með hann heim en hann svaf í fjórann og hálfann tíma í dag.  Sigga kom svo heim seinnipartinn en þetta var síðasti vinnudagurinn hennar.  Sirrý og Jóhanna mamma hennar kýktu svo við hér í dag, mamma og pabbi komu líka við. 

           Bjössi lagði svo af stað í hestaferð í dag en það var riðið uppí Þrándarholt en hann kom svo heim í köld.   Brúney kýkti svo við í kaffi alltaf gaman að því. 

12. ágúst 2014

          Sigga og Guðrún Lára kláruðu að þrífa íbúðina í bænum í dag þannig að nú er bara eftir að skila lyklunum.   

11. ágúst 2014

          Í bjartsýniskasti ákvað ég að fara út með Þorbirni Óðni og hélt að hann myndi bara sitja góður úti en það var nú ekki þannig hann hljóp yfir til langömmu og langafa síns, það hljóp hann um allt planið og svo örugglega þrjá hringi í kringum húsið hjá þeim og mátti varla vera að því að stoppa til að smakka berin varð að mata hann á þeim á ferð.  Svo rauk hann niður afleggjarann og alveg niður á veg, enginn smá fart á honum það verður nú ekki leiðinlegt hjá honum næsta mánudag þegar leiksólinn byrjar. 

10. ágúst 2014

           Sigga að vinna frá átta til átta í dag en mikið var hún kát þegar hún kom heim í gærkvöldi og sá hvað var búið að gera mikið í íbúðinni þeirra.  Það er svo búið vera að stússast í kringum hey og vélar í dag en það er nú ekki beint búið að vera þurrkur í dag. 

9. ágúst 2014

           Bakaði smá fyrir Kvenfélagið í morgun, Sigga fór að vinna klukkan ellefu en hún á vakt í dag frá ellefu til ellefu.  Guðrún Lára kom svo til að hugsa um drenginn, ég var komin út á Borg ásamt tengdamömmu um eitt leitið, og eins fóru Guðni Reynir, Sigrún og Arnar en þau voru með hestaleigu þarna sem gekk rosalega vel.   Guðrún Lára og Þorbjörn Óðinn komu svo líka út á Borg þegar hann var vaknaður en mér sýndist það bara vera full vinna að fylgja honum eftir hann vildi helst hlaupa um allt og vill helst ekkert láta leiða sig.  Bjössi er svo búinn að vera að heyja í Gelti í dag.  Arnar og Styrmir sáu svo um að grilla í kvöld en þeir ásamt Selmu kýktu svo í lækinn i kvöld og sú nú eitthvað af fisk en náðu engu enda of seint á ferð og farið að koma myrkur.  Guðrún Lára kom svo íbúðinni í flott stand á meðan.  Dóri, Ási, Hjalti og Raggi voru svo hér fram á kvöld en skelltu sér svo á Sumar á Selfossi. 

8. ágúst 2014

           Í dag flutti Arnar svo formlega austur, Dóri og Hjalti brunuðu í bæinn með hestkerru og sóttu fulla kerru af búslóð en þó er nú eitthvað smá eftir en það er þvottavélin og þurrkarinn,  og svo eitthvað smálegt sem krakkarnir taka væntanlega á mánudaginn.  Það verður svo heilmikið um að vera á morgun en þá eru Grímsævintýri á Borg sem er nú ekki neitt smá :)  Nú svo ætla Styrmir og Selma að koma autur og Guðrún Lára ætlar að vera með Þorbjörn Óðin. 

7. ágúst 2014

           Þá er Sigga líklega formlega flutt austur og Arnar kemur á morgun en þau eru að dunda við að tæma íbúðina í bænum, nú og svo þarf að koma öllu dótinu fyrir....Sigga og Bjössi brunuðu í bæinn og sóttu einn farm af dóti en um að gera að nota Transporterinn á meðan engin sæti eru í honum.  Þegar þau komu heim aftur þá brunaði ég niður í Flóahrepp og sótti eina hryssu frá Bergi en nú er verið að safna þeim  saman í eina ferð vestur.  Ási og Hjalti kýktu svo við en Júlía er að fljúga heim á morgun ;/  Guðni Reynir, Sigrún og Aron komu líka við nú svo rétt kýkti hún Sanda hér við en vonandi geta þau komið og stoppað smá næst.

6. ágúst 2014

        Fór til tannlæknis í morgun nú þegar það var búið kom ég aðeins við hjá Magga og Sirrý,  sótti svo tengdamömmu og við fórum út á Borg að hjálpa aðeins til við tombóluundirbúning þetta verður nú ekkert smá flott og alveg rosalega mikið af vinningum fullt af dóti sem ég verð að vinna ;)

      Karlarnir kláruðu svo að keyra heim rúllurnar af Ormstöðum þannig að nú eru allar rúllur komnar heim og menn farnir að huga að næsta þurrk og að hafa vélarnar klárar en held að næst verði slegið niður í Gelti.

5. ágúst 2014

             Fór á Selfoss í morgun og sótti transpoerterinn en Jonni var búinn að taka sætin úr honum en við Sigrún vorum svo komnar í Njarðvík um fjögur leitið að sækja rosalega flottann sófa sem þau voru að kaupa.  Nú svo var dollukynning hér um kvöldið en held að við höfum verið 14 með henni Valgerði sem kom að kynna bara gaman.  Maður sér alltaf eitthvað sem maður verður að eiga ;) 

4. ágúst 2014

           Karlarnir fóru bara snemma út að Ormsstöðum að rúlla en þetta náist bara ansi vel þurrt.  Þetta voru 159 rúllur sem er nú bara ljómandi, en eitthvað bilaði nú múgavélin en þeir fengu lánað vél hjá Auði á Hömrum til að klára þetta,  næsta skref er svo að slá á Gelti en það verður vonandi í vikunni en það þarf jú að koma vélunum í stand áður en það verður hægt.  Við Sigrún kýktu svo aðeins á Selfoss á foreldar Sigrúnar og keypum auðvitað ís í heimleiðinni, Gunni Har var svo kominn í heimsókn þegar við komum heim alltaf gaman að hitta hann. 

          Bjössi kýkti   svo á hryssurnar en það eru þrjár ókastaðar ennþá en vonandi fara þær nú að kasta. 

3. ágúst 2014

          Jæja þá viðraði til snúnings á Ormsstöðum og snúið tvisvar í dag.  Krakkarnir á rúntinum það er að segja á milli Kúakróks og hér heima.  Sigga og Þorbjörn Óðinn fóru svo í bæinn í dag en Sigga er á morgunvakt í fyrramálið þannig að það er ekkert annað að gera en að fara í bæinn.

          Gurra kýkti svo í lækinn í dag og viti menn haldið þið ekki að hún hafi veitt einn lax en annar sleit hjá henni held miðað við myndir að þetta hafi verið við Urriðafossinn en fiskurinn var ca 4 pund og sá sem slapp á svipuðu róli.  Þannig að það er alveg óhætt að fara að skoða í lækinn svona ef eitthver nennir. 

2. ágúst 2014

           Skutlaði Sigrúnu á Selfoss í dag í ausandi rigninu þannig að ekkert var snúið á Ormsstöðum í dag en vonandi lítur þetta betur út á morgun.  Hýsið fór svo í Kúakrók og mikið gaman þar í kvöld Geiri í Klausturhólum spilaði á gítarinn og mikið stuð skildist mér en við Þorbjörn Óðinn vorum bara heima en hann fór með mömmu sinni í Kúakrók í dag og fannst held ég bara gaman ekki seinna vænna en að skella sér á útihátið.

         Fékk svo rosalega skemmtilega heimsókn í kvöld en Anna og Ragnar komu ásamt Gurru frænku og Dagný frænku og svo Dönsk vinkonu Dagnýar takk æðislega fyrir komuna mikið gaman að fá ykkur í heimsókn en maður hittist allt of sjaldan. 

1. ágúst 2014

          Fór á Selfoss í morgun ásamt tendamömmu en ég átti eftir að versla helling sem ég og gerði.  Nú krakkarnir komu svo austur seinnipartinn og einir þrír vagnar mættu í Kúakrókinn, en Bjössi ætlar að fara með hýsið niðureftir í fyrramálið.  Þegar Bjössi ætlaði að fara að snúa snemma í morgun komst hann að því að það hafið bara ringt helling þarna austur á sveit í nótt svo það var ekkert snúið í dag.

31. júlí 2014

         Eilífðin sem er tún á Ormaatöðum var  slegið í dag en ekkert snúið en sjáum til á morgun. Held að þetta séu rúmlega 20 ha og bara slatti af grasi á þessu.

30. júlí 2014

           Við Júlía fórum á Selfoss í morgun og komum við á fullt af stöðum,  en fórum í raun ekkert í matvöruverslun gerum það á morgun.  Það er búið að rúlla á Stóru Borg en þar erum við með lítið tún held að það hafi komið um 11 rúllur af því í fyrra en um 30 núna, Bensi fór svo og rúllaði fyrir Vaðnes menn  og fór þaðan að rúlla á Snæfoksstöðum en við erum að heyja þar, veit nú ekki hvort hann náði að klára í kvöld ef frétti örugglega af því í fyrramálið.  Gunni Har kýkti svo við í kaffi, Inga rölti yfir nú og ég búin að vera á flandir uppá bæ að hugsa um hundana þar á meðan Guðni Reynir og fj eru á ferðalagi.

        Ákvað svo að fara ekkert með meri undir Aron núna þar sem fyljunarhlutfallið er það slæmt að þetta er ekkert nema kostnaðurinn, en auðvitað hefði maður nú getað verið heppin og fengið fyl en svo var ég ekki með neina meri á lausu en vonandi veður þetta betra næsta ár. 

29. júlí 2014

         Við Júlía fórum í bæinn í dag að sækja dót hjá Siggu og Arnari en þetta er nú allt smá saman að koma hjá þeim en þau þurfa að skila íbúðinni í bænum 15 ágúst.  Það er komin þessi líka blíða enda var slegið á Stóru Borg og Snæfoksstöðum í dag, svo er bara vona að þetta náist en veðurspárnar eru ansi misjafnar. 

28. júlí 2014

         Enn rignir allavega hér hjá okkur en það er von í þurrk á morgun.  Guðni Reynir, Sigrún og Aron fóru vestur á Patreksfjörð í dag og ætla að vera fram undir helgi þetta verður bara gaman hjá þeim vonandi fá þau bara gott veður og vonandi verður Guðni Reynir rólegur hehe 

27.  júlí 2014

         Var nú aðeins á röltinu í nótt að reyna að reka mannskapinn í bælin en gekk nú frekar hægt, kom þeim síðustu í bælið um níu í morgun eftir að hafa gefið þeim að éta.   Það var annars rosalega mikið renneri á fólki hér í dag.  Hanna Kata kom í heimsókn og kýkti í bolla fyrir Siggu ekkert smá flott, Daddi kýkti við, Kjartan Gunnar kýkti líka við,  Hjalti, Ási og Haffi gistu hér líka þannig að það er engin lognmolla, Guðni Reynir kýkti líka við en hann og Bjössi fóru svo í hestaleigu.    Dóri og Hjalti smöluðu svo saman hrossunum þar sem Jonni, Sverrir og co eru að fara í Kringlumýri í kvöld.  Borgþór og GEnný kýktu svo við en Borgþór batt um tærnar á Siggu, en hann hélt hún væri kannski frekar brákuð en brotin sem er nú líklega betra.  Við fórum svo út að borða í kvöld en ég ákvað að nú skyldi kýkt á Minniborgir þar sem hún Lára er að elda, flottur matseðill og fullt af pizzum en engir hamborgarar sem er bara ágætt allstaðar hægt að fá þá enda pöntuðum við öll pizzur nema Sigrún sem fékk sér kjúklingasaltat ekkert smá stórir skammtar og rosalega var þetta gott, eigum klárlega eftir að fara þarna oftar og verðið bara rosalega flott alls ekki dýrt, takk fyrir okkur.

        Fékk svo hringinu en fína flotta folaldið mitt undan Tinnu og Ugga var víst bara dautt í stóðhestagirðinunni frekar leiðinlegt það en svona getur þetta bara verið. 

26. júlí 2014

          Fór rétt fyrir tíu í morgun og sótti Englendina í Grímsborgir en þau voru að fara í hestaleiguna, þegar ég fór vorum bara við Guðrún Lára og Þorbjörn Óðinn vöknuð en þegar ég kom aftur heim rúmlega tíu var nú farið að lifna yfir mannskapnum, þó ekki Siggu þar sem hún var með agalegt mígreni og fór ekkert að skána fyrr en undir kvöld.  Hjalti Pétur kom svo seinnipartinn, en hann ásamt Bjössa, Júlíu og Arnar fóru í reiðtún en þau fóru og heimsóttu Hermann og Lilju í bústaðinn,  bara gaman allir komu alsælir heim en Arnar var svo rosalega óheppin að hann var bitinn af Skógarmítli en hann sá kvikindið svo það fór ekkert á milli mála, hann náði nú samt kvikindinu og líklega oddinum líka en þarf að láta líta á þetta eftir helgina held ég.  Haffi kom svo í heimsólk, og eins komu Freydís og Fannar.

25. júlí 2014

        Skaust eftir bjór í hádeginu á meðan drengurinn svaf hjá afa sínum.    Guðrún Lára og Óðinn komu svo seinnipartinn með fullann bíl af dóti frá krökkunum, Sigga, Arnar og Júlía komu svo á Klettsbílnum líka með fullt af dóti þannig að þetta er allt að gerast.  Mikið gaman að vera búin að fá Júlíu heim en hún er búin að vera með hljómsveitinni Sólstafir þar sem hún fékk að hjálpa til við að gera myndband það varður mikið gaman að sjá það þegar það verður klárt.   Siggu tókst að bráka eða brjóta á sér tá á næturvaktinni þar sem hún var að smala hrossaflugum en einn þjónustuþeginn gat enganvegin sofið með hrossaflugur í herberginu.  Hefði nú verið gaman að sjá til hennar í þessari smalamennsku.   Nú það va svo heilmikið gert í bílskúrnum þannig að þetta er allt að koma.  Eldaði svo kjúklingasúpu og gúllassúpu handa mannskapnum en Guðni Reynir og Sigrún komu líka í mat.  Nú og Ási kom bara gaman.  Það gisti svo allur hópurinn ja nema Guðni Reynir og Sigrún sem fóru heim enda ekki langt að fara.

24. júlí 2014

         Fór á Selfoss fyrripartinn og sótti listana sem vantaði til að klára í bílskúrnum.  Verslaði svo slatta,  skaust svo með Guðna Reyni og Bjössa uppí Ása að eltast við rolluskjátu sem var að þvælast þar, en við fórum yfir hellinga af girðingum í vor en líklega hafa sumarhúsaeigendur ekkertkýkt á þeirra megin við lækinn.  Gunni Har var svo kominn í kaffi þegar ég kom heim, ég bauð honum svo í mat til tengdamömmu en hún eldaði nautalifur fyrir þá sem það vildu.  Fór í bæinn seinnipartinn og sótti drenginn, þar sem Sigga er á fara á næturvakt í nótt og þau koma svo austur á morngun með fullt af dóti en ég fór á klettsbílnum og skildi hann eftir.

23. júli 2014

        Var komin í bæinn á fína Klettsbílnum um níu í morgun byrjaði á að sækja hillur sem mér áskotnuðust, nú svo var það brask dagsins en ég skipti á felgum sem ég fékk fyrir hund, og borði held að það sé snókerborð frekar en biljardborð en þetta er allt eins í mínum huga.  Fór svo í Álfaborg að ná í smá veggdúk til að setja inní glugga í bílskúrnum, nú svo var það lyfjagjöf, en ég átti von á að fá niðurstöðu úr blóðprufu en það er ekki enn komið að utan, svo ég verð bara að bíða í fjórar vikur enn eftir niðurstöðu.  Fór svo í Hagkaup aðeins og hitti þar á mann sem var að skoða bílinn til kaups en ég slepp allavega austur.  Brunaði svo austur borðinu komið inn og við Bjössi skelltum okkur svo í fimm ára afmæli hjá henni Elvu Lillian ekkert smá flott eins og alltaf, takk fyrir okkur.  Nú þegar heim var komið var borðinu komið fyirr í stofunni og Bjössi og Dóri prufuðu borðið held þeim hafi ekkert leiðst. 

22. júlí 2014

         Skaust á Selfoss í dag en við Bjössi fengum lánaðann bíl hjá Jonna svo ég gæti sótt dót í bæinn en ég bara að braska eitthvað.  Eftir hádegið komu svo hjón hér í heimsókn en þau eru frá Noregi og eiga íslenska hunda.  Gunni Har kýkti svo við og svo komu Magga og Kjartan Gunnar í kvöld en það er verið að vandræðast með örmerkingu á sláturhrossi en við reddum því. 

21. júlí 2014

Pabbi á afmæli í dag orðinn 67 ára held ég bara til lukku með daginn gamli minn

         Hér er búið að vera að rúlla í allann dag en Austurtúnið var allt undir, í fyrra fengust 139 rúllur þarna en núna voru þær 230 ekki leiðinlegt það.  Það var nú svosem ekki þurrkur í dag og ringdi uppá bæ en hér hjá mér og úti á túni var þurrt svo þetta slapp til. 

        Anna Dóra hringdi svo í mig en það var verið að sóna frá Múla frá Bergi en þar eru bæði Hæra og Krafla en þær eru báðar með fyli, 21 og 24 dagar ;)  Nú hlítur Hæra að koma með vindótta hryssu handa mér.

20. júlí 2014

         Vorum komin heim uppúr fjögur í morgun, enda svaf ég til að verða ellefu.  Júlía var hjá Siggu og Arnar í nótt svo það er nú gott en held hún fari á morgun eða á mánudaginn með Sólstöfum og fær að hjálpa til að við að gera video held ég.    Bensi og Guðni Reynir fóru svo að slá í morugn og slóu allt Austurtúnið, held þeir hafi verið búnir um níu í morgun en svo fór dagurinn bara í að snúa.  Skaust aðeins á Selfoss með tengdamömmu en annars er ég bara búin að vera löt í dag.  Gunni Har kom í heimsókn og Hjalti Pétur er búinn að vera að setja upp loftlista í allann dag held ég, takk fyrir það.

19. júlí 2014

          Uppúr þrjú í dag þá lögðum við af stað vestur en stefnan tekin á 100 ára afmæli Gróu og Tona já og útskrift Gróu var líka í vor þannig að þetta var heljarinspartý.  Fengum bílinn hjá Kletti þannig að ég gat farið með fullt af fólki, en við Bjössi fórum og Dóri, Inga og Reynir, sóttum svo mömmu og pabba, fórum svo í bæinn með dót til Júlíu sem er að koma með flugi í kvöld en hún hirðir þetta upp hjá Siggu, sóttum svo Hödda og Möggu og svo bar bara brunaði vestur.  Þetta var ekkert smá flott afmæli takk æðislega fyrir okkur.  Fórum af stað heim uppúr miðnætti held ég.  Þegar ég var rétt komin framhjá Hreðarvatnsskála þá stoppaði löggan mig en það var ball með Bjögga Halldórs í Hreðarvatnsskála, löggan benti mér að að ballið væri í hina áttina og hvort ég vildi ekki snúa við og losa mig við fólkið... hélt nú samt áfram og löggan lét það gott heita.

16. júlí 2014

                Byrjaði á bútasaumsteppunum í morgun og gekk bara ágætlega búin að klippa allt niður og byrjuð að sauma.  Sigga og Þorbjörn Óðinn komu svo seinnipartinn en Sigga var á morgunvakt í morgun og fer svo næst á kvöldvakt á föstudagskvöldið.  Hestahópurinn sem kom svo hér í gær fór af stað seinnipartinn en Jonni, Bjössi og Ingþór fylgdu þeim en það hefur bara aldrei verið svona mikið í vatninu þetta voru nættir því 50 hross og það var rekstur.  Það gekk víst illa að koma hrossunum af stað en allt hafðist þetta fyrir rest en skildist að það hefði þurft að sundríða síðasta spölinn, fólkið var víst alveg rosalega ánægt en hef nú grun um að þetta gleymist nú ekki alveg í bráð.  Þau komu svo með skó og föt í þurrkun en þetta þornar vonandi eitthvað í nótt nægur er nú gólfhitinn hér.

        15. júlí 2014

                    Fór á Selfoss í morgun og sótti fullt af hurðargereftum sem við ætlum að nota sem loftlista í bílskúrinn,  kom svo við hjá Tryggingarstofnun og kláraði fullt af svona smotteríi.  Heyrði í Gunnar Har í morgun en nú eru þau á Raufarhöfn og þvílík blíða bara ekki leiðnlegt það.  Spurning hvort þau geta ekki komið með smá blíðu suður.  Það komu svo kátir Hreppamenn hér ríðandi í kvöld en á morgun er stefnan að fara yfir vatnið vonandi fá þau bara þokkalegt veður.

14. júlí 2014

             Allt að gerast en rafvirkjinn kom í dag og búinn að græja allt sem ég mundi eftir að þurfti að gera.  Það ætlar svo bara ekki að hætta að rigna reyndar heldur maður öðru hverju að það sé að koma þurrkur en svo kemur skýfall, get þó alltaf þurrkað þvottinn á snúrunum  þar sem það er þak yfir þeim, en ekkert sem bendir til að það sé óhætt að fara að slá eins og það er nú orðið sprottið.

         Er svo nokkuð viss um að Dóri komi heim á morgun allavegana ekkert heyrt um að fresta fluginu en það verður voða gott að fá hann heim.

         Inga kýkti svo við hér í kvöld og Birgir Leo kom aðeins við í dag og sótti eitthvað sem hestamannafélagið á og ég fann hér uppí skáp en það er verið að vinna í að safna saman því sem félagið á.

13. júlí 2014

             Gunni Har brunaði ásamt vinafólki af stað í ferðalag í dag, held að stefnan hafi verið tekin á Höfn í dag og svo fara þau áfram á Raufarhöfn á morgun þetta verður örugglega rosalega gaman og vonandi fá þau bara gott veður.  Maggi Kjartans kýkti svo aðeins í kaffi, krakkarnir fóru suður og nú erum við bara ein í kotinu.  Dóri sendi mér línu í gær og bað mig að athuga með að fá að fljúga heim á þriðudag sem var ekkert mál, svo er bara að sjá hvenær og hvort hann skilar sér heim :)

         Kýktum svo í Þrastalund með tengdó smá dekur við sig eftir helgina :)

12. júlí 2014

Rétt fyrir miðnættið fjölgaði hjá Sæunni og Bjögga en það komu tvíburar strákur og stelpa til hamingu og til hamingju Jenný og Borgþór með ömmu og afahlutverkið þetta er best í heimi

             Byrjaði daginn á að fara til Braga á Ökrum og henda örmerki í einn hest, fór svo í Haga en þar var einn hestur sem þurfti að örmerkja líka.  Eftir hádegið komu svo Óðinn og Guðrún Lára en nú var tekinn skurkur í að koma bílskúrnum í íbúðarhæft ástand.  Brunaði á Selfoss og sótti málingu, en dagurinn fór svo í að koma þessu í stand og ekkert smá sem var orðið fínt í lok dags, málað skúrað sett upp eldhúsinnrétting nú og rafvirkinn er svo væntanlegur á mánudaginn að klára líka bara gaman.  Inga og Reynir röltu svo yfir allir mikið sáttir eftir framkvæmdir dagsins. Takk fyrir alla hjálpina. 

10. júlí 2014

             Brunaði í bæinn í morgun ásamt tengdamömmu, sótti mér hundafóður og fór svo og keypti í bútasaumsteppi en ekki seinna vænna en að byrja því það eru fjögur teppi sem ég þarf að gera fyrir haustið og fyrstu tvö börnin ættu nú bara að fæðast á næstu dögum.  Fórum svo Mosfellsheiðina heim en við komum við á Heiðarbæ að sækja mér kjúlla og vorum komnar heim uppúr eitt.

            Gunni Har kýkti svo við og eins komu Guðrún Lára og Óðinn.  Sigga fór svo á kvöldvakt og kemur ekki aftur austur fyrr en seinnipartinn á morgun. 

9. júlí 2014

           Hér komu þrjár konur í heimsókn en þær eru hundakerlingar úr Ameríkunni.  Mamma og pabbi kýktu líka við.

            Skildist svo að Guðni Reynir hefði séð útigenginn veturgamlann hrút hér úti í hrauni en hann sá hann í haust hér úti í gryfjum en svo fannst hann aldrei en greinilega hefur hann leynst í hrauninu því hann sást í dag. 

8. júlí 2014

          Skaust á Selfoss  eftir hádegið, Guðrún Lára kýkti svo við hér eftir hádegið nú og Gunni Har kom líka í kaffi en ég var svo heppin að hann kom og lagði alla hnífana mína á enda kominn tími til en þeir voru aðeins farnir að vera leiðinlegir við mig.

       Bjössi búinn að vera að keyra heim rúllur og Bensi búinn að vera að stækka hlaðið fyrir mig, og bara heilmikið að gera hjá Guðna Reyni í hestaleigunni.

       Vala kom svo í heimsókn en hún þarf nú að fara að leika við frænda sinn svo þau þekkjist nú vel þegar hann byrjar í leikskólanum í haust. 

7. júlí 2014

         Vaknaði um fjögur í morgun og skutlaði Dóra uppá flugvöll en hann skrapp í Danaveldi að leika sér.  Náði svo að hitta á Önnu Dóru og Jón Bjarna áður en þau brunuðu af stað.  Sigga var svo á næturvakt og var komin heim uppúr níu í morgun.  Skrapp svo í sjoppuna að leita mér að kartöflum og náði í nokkrar, kom svo við hjá Svanhvíti og Ingvari en þar voru heldur engar kartöflur tilbúnar en þetta sem ég á verður bara að duga fram að næstu Selfossferð.  Nú Guðrún Lára og Óðinn eru svo í bústað hér ekki fjarri og þau kýktu við á okkur bara gaman að því.

        Bjössi og Guðni Reynir fóru svo og sóttu Kötlu og Óperu hans Dóra í Austurkot en Katla fór í girðinuna með folaldsmerunum og þá kom nú í ljós að Nös er köstuð en líklega er það bleikálótt en meira síðar um það en reikna með að hún verði handsömuð á morgun.

6. júlí 2014

          Það var bara ansi gott að vakna heima í morgun.  Guðni Reynir og Bensi kláruðu að rúlla um hádegið en það var svo svo farið að rigna seinnipartinn, held að það séu fleiri rúllur af öllum túnum ennþá allavega enda veitir svo sem ekki af aldrei nóg hey.

          Sigga og Arnar komu svo í fyrra fallinu heim en Sigga er að fara á næturvakt í kvöld.  Bjössi og Dóri komu svo seinnipartinn og Anna Dóra og Jón Bjarni fljótlega á eftir þeim.  Gunni Har kýkti svo hér í dag og við borðuðum öll saman hér í kvöld humar og tryppafille en Guðni Reynir, Sigrún og Aron komu líka í mat, bara skemmtileg vika að baki, þó svo að veðrið hafi nú ekki alveg verið skemmtilegt. 

5. júlí 2014

           Þegar hér var komið sögu var þolinmæi mín á þrotum hehe ekki alveg mitt uppáhalds veður.  Hvað um að ég ákvað að fara bara heim seinnipartinn og tók Þorbjörn Óðinn og Sól með mér.  Það var ekkert smá rok hér heima en Bensi og Guðni Reynir voru búnir að slá helling enda var spáin bara fín þegar það var slegið en nú var semsagt komið hellings rok og bara rigning í kortunum nema á morgun, þannig að þegar lyngdi í kvöld byrjuðu þeir að rúlla.

4. júlí 2014

          Búið að vera ansi leiðinlegt verður á landsmótinu en ég er nú bara búin að vera mikið inní hýsi og hlusta á útvarpið og vita hvað er í gangi.  Nú við vorum í stæðum þar sem ekki var rafmagn en sólarsellurnar á hýsinu voru bara að virka ótrúlega vel, þó var nú eitt kvöldið sem miðstöðin fékk ekki nóg rafmagn til að fara af stað en það þurfti bara smá sólarglætur til að fylla á aftur var eiginlega alveg hissa hvað það þrufti stuttann tíma með sól að fá nægt rafmagn.

       Fór svo í morgun fyrir hádegið með Dóra og Bjössa heim en Dóri fór í Laugarás og ætlaði að reyna að fá minna gipsi en fékk það nú ekki en það var eitthvað búið um það aftur held ég. 

       Sigga, Arnar og Þorbjörn Óðinn voru svo heima en Sigga kom heim af næturvakt í morgun.  Bjössi og Dóri brunuðu svo aftur á Hellu en ég fór með krökkunum og tók vagninn hans Bensa fyrir Lísu og Dóra.  Var svo heppin að vera heima þegar hún Ólöf kýkti í heimsókn mikið var nú gaman að hitta hana aftur, takk æðislega fyrir komuna. 

1. júlí 2014

         Tolldi nú ekki mikið uppá velli bara rok og rigning og var svo heppin að hún Sól vinkona mín var alveg til í að fara með mér út í hýsi.  Brunaði svo í bæinn um hádegið en var komin í blóðprufuna fyrir klukkan þrjú og gat svo verslað smá og fór svo til taugalæknisins en þetta var nú bara venjubundið eftirlit svona að sjá hvernig ég hefði það og athuga hvort ég væri með nóg af lyfjum sem ég á jú nóg af enda tek svo lítið af þeim.  Brunaði svo austur kom við heima og fór í sturtu og sótti meira af fötum.  Það var svo búið að fresta öllu á Hellu þegar ég kom til baka, en við nældum okkur í einn næturgest en hún Björk okkar fékk að gista svo hún þyrfti nú ekki að taka strætó heim og koma svo aftur í fyrramálið.  Við Björk og Sól horfðum svo á eina Múlan mynd í tölvunni bara gaman hjá okkur. 

30. júní 2014

          Hafdís frænka mín kýkti aðeins við hér í morgun en hún var að fá snældurnar hennar Halldóru ömmu til varðveislu en hún ætlar að fara að prufa sig áfram með að spinna þannig að það er bara frábært að þær skulu vera komnar í notkun.  Skaust aðeins á Selfoss í morgun en það þrufti að græja aðeins með bílinn.   Nú svo var bara brunað austur á Hellu á Landsmót.  Þrýstijafnarinn af grillinu var settur á hýsið og viti menn það vikrar allt eins og nýtt.
       Sigga, Arnar ogÞorbjörn Óðinn komu svo og við horfðum á Dóra keppa en hann fékk 8.31 í einkunn og stóð sig bara rosalega vel en hann er jú handleggsbrotinn og svo var hann svo ótrúlega óheppin að vera fyrstur inná sem er víst bara ávísun á að komast ekki áfram enda hækkuðu einkunnir eftir því sem leið á. 

        Bensi og tengdapabbi brunuðu svo með Lísu í sónar fyrir okkur Dóra og viti menn hún er með 19 daga fyli við Sjáf ekki leiðinlegt það. 

29 . júní 2014

            Ansi gott verður í dag.  Við Bjössi brunuðum austur á Hellu með hýsið í dag en Jonni og Linda fóru líka með sitt hýsi þannig að nú er maður búin að koma sér í stæði en svo virkaði miðstöðinn ekkert en okkur datt í hug hvort það væri ekki bara þrýstijafnarinn og á morgun förum við með annar jafnar og sjáum hvort þetta fer ekki að virka.  Arnar grillaði svo í kvöld og ekkert smá gott hjá honum.

28. júní 2014

             Það styttist í landsmótið en Jonni og Bjössi brunuðu austur á Hellu og tóku frá tjaldstæði eða beitarhólf fyrir hestamannafélagið en þetta verður bara æðislegt rosalega flottur staður svo er bara að vona að veðrið verði til friðs.

             Sigga, Arnar og Þorbjörn Óðinn komu svo austur í dag, en það ver verið að skera smá kjöt og svo var farið á hestbak en Haffi,  Kiddi og Tinna komu austur og skelltu sér með krökkunum á hestbak. 

27. júní 2014

              Túnið smalað í dag en það má keyra féð inná afrétt á morgun, tók Gaur með og hann stóð sig líka þvílíkt vel gegndi alveg og ekkert mál að hafa stjórn á honum þannig að næsta skref er bara að þjálfa bendingarnar. 

            Dóri fór svo í Laugarás og ætlaði að reyna að fá mina gifs og viti menn það tókst samt ekki eins lítið og hann vildi en allavega mun þægilegra, hann brunaði svo í Austurkot og fór á merina sína og gekk bara vel.

            Gunni Har kýkti svo seinnipartinn og Kjartan Gunnar kom svo við í kvöld.

26. júní 2014

             Dóri fór í Austurkot í dag og prufaði að fara á hestbak, gekk bara ágætlega en var bara inni í reiðhöll held ég, svo er bara að vona að hann fái eitthvað þægilegra á morgun þegar hann fer í Laugarás. 

25. júní 2014

             Bæjarferð í dag byrjaði á að sækja mér 5 lítra fötu af kartöflusalati svona fyrir landsmótið, nú svo var það lyfjagjöfin sem gekk agalega vel en fannst ég nú bara heppin að sleppa lifandi uppá spítla því öll ljós og Miklubraut og á Bústaðarvegi blikkuðu bara gulu en þetta semsagt slapp til.  Fór svo og kýkti á Guðrúnu Láru og Þorbjörn Óðinn en alltaf mikið gaman hjá þeim og drengurinn alltaf kátur held ég bara.  Sótti svo landsmótsarböndin þannig að nú fer þetta allt að skella á.

         Gunni Har var svo mættur í kaffi þegar ég kom heim.  Milla kom svo með krakkana að skoða hvolpinn en auðvitað féllu þau fyrir honum og fóru með hann heim.  Adam kýki svo í kvöldkaffi bara gaman að því aldrei lognmolla hér sem betur fer. 

           Dóri fór svo með Kötlu undir Dynjandi í dag en hann má víst keyra þó hann sé bortinn allavega var löggan spurð þannig að það er nú í góðum málum. 

.

24. júní 2014

               Ekkert smá sem hefur ringt hér í dag, fór á Selfoss og tók Dóra með en fór með hann í pössun í Austurkot, nú kláraði svo allt sem ég þurfti að gera á Selfossi og sótti drenginn. 

23. júní 2014

               Það tókst að rúlla hér áður en það fór að rigna en svosem enginn þurrkur í dag.  Það hringdi svo maður sem á bústað hér í Kerhrauni sem er uppí Seyðishólum en hann var búinn að handsama tvö lömb sem voru á þvælingi þarna en þau voru móðurlaus.  Alveg magnað að ná svona lömbum en þau voru bara spök og ekkert mál að ná þeim.  Guðni Reynir vissi strax hvaða rolla átti lömbi en hann sá hana lamblausa fyrir þó nokkru hún hefur örugglega troðið sér í gengum girðinu og skilið lömbin eftir helvísk... svo lömbin fóru bara í túnið.

22. júní 2014

              Þetta fína veður í dag,  búið að snúa út á túni og vonandi næst þetta á morgun.  Bjarki fór og viðraði Dóra og fór með hann uppá bæ til Guðna Reynis og Sigrúnar en þar var bolti í gangi eins og allstaðar.

21. júní 2014

               Það var nú bara ausandi rigning hér í morgun og því ekkert snúið, það bíður bara til morguns.  Við Bjössi, Sigga, Dóri og Þorbjörn Óðinn fórum svo að Stóra Hofi og kýktum á fólkið sem var í útilegunni, og grilluðum með Jonna og Lindu, vorum svo komin heim um hálftólf gamla settið og Þorbjörn Óðinn en Sigga og Dóri voru búin að redda sér fari og komu um hálftvö leitið en þau höfðu uppá Bjarka í heimleiðinni alltaf gaman að því. 

20. júní 2014

                Sigga og Þorbjörn Óðinn komu austur þegar Sigga var búin að vinna.  Það er nú bara eins og maður sjái mun á drengnum vikulega alltaf að verða flíknari og flínkari. 

               Það er búið að slá fysta túnið en að venju var það Kertúnið sem var slegið, komið ágætt gras á það allavega á hluta af túninu en eins og áburðurinn hafi nú ekki alveg lent allstaðar og minna gras á parti en það er nú bara stundum þannig. 

19. júní 2014

              Birgir kýkti hér í kaffi í morgun mikið gaman að því, svo komu Brynhildur og Loren komu svo í heimsókn líka.  Nú Svenni dýralæknir kom og sónaði þrjár hryssur og allar tómar svo að eftir hádegið brunuðum við Inga með Hæru og Kröflu vestur að Bergi en þær fóru báðar undir Múla frá Bergi, komum reyndar við í Eyði Sandvík og tókum eina hryssu með sem var að fara vestur í tamningu.  Jonni fór svo með Hildi í graðhest en það er leirljós foli sem Bragi á held ég örugglega.  Við Inga vorum svo komnar heim um ellefu leitið eftir frábæra ferð vestur alltaf jafn gaman að koma að Bergi takk fyrir okkur. 

         Nú þegar ég svo kom heim þá var hér fullur poki af ástarpungum og kleinum já og þetta líka rosalega flotta og góða brauð, takk fyrir okkur Gunni minn, en hann á það til að baka já eða allavega kemur stundum með bakkelsi ;) 

18. júní 2014

             Við Inga brunuðum í bæinn í dag en við kýktum aðeins á Siggu og Þorbjörn Óðinn, nú fórum við í Eirberg en þar sótti ég eitthvern poka sem passar utan um gifsið hans Dóra svo hann komist nú í sturtu. 

17. júní 2014

Afmælisdagurinn hans Kidda af í dag en hann hefði orðið 98 ára í dag, magnaður maður sem við söknum endalaust.

             Karlarnir fóru og sóttu folaldshryssurnar í dag það er að segja þær sem á að sóna eða fara með undir hesta á næstu dögum.  Svo fengum við skemmtilega heimsókn en Palli og Hugrún komu með krakkana og Mána vinnumann en þau komu með bílinn hans Dóra og voru að líta á sjúklinginn.

             Guðni Reynir, Sigrún og Aron komu svo í heimsókn í kvöld og komu með köku handa sjúklingnum nú og svo var bolti í sjónvarpinu sem þau létu sig hafa að horfa á hehe 

 16. júní 2014

Hann Reynir Már á 25 ára afmæli í dag til lukku með daginn þinn kæri vinur.

        Mikið um að vera  í dag og ekki allt jafn skemmtilegt, en byrjaði á að fara á Selfoss eftir hádegið, en þar gekk allt vel, svo kom hún Guðný Dóra í heimsókn sem var mikið gaman.  Sótti svo Aron uppá bæ en hann kom í pössun sem var nú líka rosagaman, en hann var rétt komin hingað þegar Dóri hringdi og bað mig að sækja sig uppá spítala því hann væri örugglega handleggsbrotinn.  Bjössi passaði Aron og ég brunaði uppá spítala, það kom svo í ljós að drengurinn er handleggsbrotinn og fékk gipsi en þetta er á milli olboga og úlliðs, drengurinn mikið fúll yfir þessu ansi fúll.  En  hann var búinn að vinna sér inn keppnisrétt í ungmennaflokki á Landsmóti en spurning hvernig það fer, en hann er nú ekki bjartsýnn.  Nú svo þegar við komum heim fór ég að skoða facebook og sá þar í fréttum að stelpan sem er búið að vera að leita að í Fljótshliðinni er hún Ásta sem er stelpa sem ég þekki en þetta er alveg ömulegt, þetta er svo yndisleg stelpa, vonandi finnst hún sem fyst.  Nú svo var hringt frá sjúkrahúsinu í Dóra og honum sagt að mæta aftur niður á sjúkrahús þar sem þau sáu að brotið var ekki sett rétt saman.  Bjössi fór með hann og ég var með Aron, Það gekk ekkert að deyfa strákinn svo það endaði með því að hann var svæfður.  Held samt að sálinn sé meira brotin en handleggurinn.  Þannig að þetta er búinn að vera viðburðarríkur dagur.

15. júní 2014

          Jæja þá er komið að því að ömmugullið farið að mæta í pössun hjá ömmu sinni í Kópavoginum, en hún er komin í sumarfrí.  Fannst nú húsið ansi tómlegt þegar krakkarnir voru farin í bæinn með allt dótið hans en hann á eftir að koma um helgar alveg klárlega. 

14. júní 2014

          Brunaði á Selfoss uppúr níu í morgun en við Bensi fórum í Byko að ná okkur í girðingarstaura, vorum ansi framarlega í röðinni og fengum því staura en er nú ansi hrædd um að fullt af fólki hafi farið fíluferð því það voru bara 3000 staurar í boði á agalega fínu verði, skildist mér og eitt búnt á mann en það voru semsagt 200 staurar og því bara 15 fyrstu sem fengu staura, ég hefði nú svosem getað keypt eitt búnt sjálf og Bensi annað en maður kunni nú ekki við það en það er slatti sem þarf að girða eins og alltaf.

         Nú eftir hádegið þá kýkti ég aðeins á bland.is en ég kýki nú ekki oft þar en þar semsagt sá ég að það var verið að gefa eldavél með bakarofni og viti menn ég nældi mér í hana og brunaði í bæinn á bílnum hans Bensa og sótti græjuna þannig að þá er það komið í bílskúrinn nú þarf ég bara að snúa enn o aftur uppá rafvirkjann.

13. júní 2014

           Skrapp á Selfoss í hádeginu að sækja bjór og treo hehe já og smotterí sem vantaði en svo var farið í vatnið seinnipartinn.  Guðrún Lára kom austur fór með mér, Ingu og  Þorbirni Óðni niður að vatni sem var bara gaman. Okkur taldist til að þetta árið hafi farið um 66 ca í vatnið og gekk bara ágætlega reyndar nokkrar biltur á leiðinni heim en ekket alvarlegt held ég.  Samt spurning hvernig fólk verður í krokknum þegar þau vakna á morgun.  Það var svo dálítið rennerí á fólki hér í kvöld en Guðrún Lára gisti nú eins Gummi Óskars og svo Raggi og Gugga :) en það er nóg pláss í húsinu.

12. júní 2014

            Fór á Selfoss þegar krakkarnir voru komin heim og verslaði fyrir helgina, gleymdi nú samt slatta svo ég skrepp bara aftur í hádeginu á morgun.

11. júní 2014

           Skaust á Selfoss í hádeginu og sótti mér ost og ýmislegt sem vantaði orðið í ísskápinn en þó ekki nærri allt sem mig vantað.  Mamma og pabbi eru farin vestur og hef nú grun um að þar sé blíða eins og alltaf.  Við Þorbjörn Óðinn fórum aðeins út að labba í dag, hann fékk líka að fara út í móa að skoða sig um leiddist það svosem ekkert.  Nú Dóri kom frekar seint heim en hann var á Miðfossum með Palla en þar var verið að sýna kynbótahross, en þetta er síðasta vikan sem þau eru sýnd svo er bara yfirlit og þá kemst það nú nokkuð á hreint hvaða hross fara á landsmót. 

10. júní 2014

           Fékk skemmtilega heimsókn í dag en hún Auður Valsd kom hér en hún býr í Kanada og er þar með Íslenska hunda, kindur hænur held ég örugglega og svo nautgriparækt.

          Nú svo er maður farin að spá í landsmót og tjaldstæði en það verður nú dálítið spennandi að vera bara á sérmerktu Traustastæði en þar er reyndar ekkert rafmagn en held það eigi ekki að skipta okkur máli, en þetta gæti orðið voða gaman.

          Sigga kom svo austur eftir vinnu að knúsa gullmolann sinn en hann var voða kátur að sjá mömmu sína.

          Fékk svo þá hugmynd að láta stækka bílaplanið hér í norður og búin að fá slatta af uppgreftri sem var tekin úr grunni hér nálægt, svo nú er bara að fá möl yfir þetta en fannst planið aðeins of stutt þegar maður er að bakka á stórum bíl.

          Er svo búin að vera að fylgjast með kynbótasýningunni á Miðfossum, á netinu en Dynjandi sem Dóri átti fór í 7.94 svo er bara að vona að hann detti í fyrsu verðlaun eftir yfirlitið.  Eins var ég að fylgjast með Bergshrossunum sem eru bara frábær. 

9. júní 2014

            Eftir hádegið fórum við tengdamamma til Guðrúnar og Guðmundar að Hamri en þar fékk ég helling af fjölærum sumarblómum, takk æðislega fyrir mig nú er bara að koma þessu niður. 

        Dóri fór í morgun í aðra umferð í úrtöku fyrir landsmót og er komin með 8.34 inná landsmót í ungmennaflokki sem er nú bara flott, hann fór svo í A flokkinn seinnipartinn en þar klikkaði skeiðið en Bjarni Bjarna fer fyrir Trausta þar held hann hafi verið með 8.47 sem er bara flott það verður gaman að fylgjast með Traustastrákunum okkar á landsmótinu á Hellu í ár.  Nú Sigga og Bjössi fóru og horfðu á A flokkinn og komu við í Austurkoti og sóttu Lísu og folaldið hennar en Dóri fór með Lísu undir Sjálf og fær þar klárega leirljóst bara spurning um kyn og hvort það dettur inn blésa.

         Sigga og Arnar fóru svo í bæinn í kvöld en Þorbjörn Óðinn varð eftir í sveitinni en Sigga er að vinna frá átta til átta á morgun en kemur svo austur og fer ekki að vinna fyrr en klukkan 12 á miðvikudaginn. 

8. júní 2014

           Fór um hádegið til Hönnu Kötu en við skelltum okkur með þrjá hunda í augnskoðun.  Allir hundarnir flugu í geng þannig að nú þarf ég ekki að fara með Unu fyrr en eftir 25 mánuði sem er nú gott því ekki finnst mér nú gaman að þvælast þetta. 

            Bjössi kom svo heim úr karlaferðinni í dag og mér heyrðist á körlunum að það hefði verið rosalega gaman.

             Siggu gengur bara vel í nýju vinnunni og finnst þetta rosalega spennandi.  Lærir helling um geðsjúkdóma þannig að þetta ætti aldeilis að hjálpa henni varðandi framhaldið í skólanum, en svo verður bara spurning um hvað hún velur að læra innan sálfærðinnar en  það er nú smá tími í það en hún klárar BS næsta vor.

             Anna Dóra og fj fóru svo vestur í dag en Jón Bjarni kom svo aftur í kvöld en á morgun á að ferja restina af hrossunum vestur skilst mér en það byrjar sýning á Miðfossum á morgun, það verður nóg að gera hjá mér í tölvunni að fylgjast með hrossunum sem eru að fara í dóm í vikunni. 

7. júní 2014

          Dóri fór í úrtöku fyrir landsmót í ungmennaflokki í dag, var reyndar einn fyrir Trausta en kom út með einkuninna 8.26 þannig að hann er kominn á landsmót en hann ætlar nú samt að fara í seinniumferð á mándaginn bara til að æfa sig meira og fá kannski hærri einkunn.  Á morgun fer hann svo með Jaka í A-flokksúrtöku en þar verður Bjarni Bjarna líka að keppa sem er hið besta mál. 

         Bjarki og Haffi komu svo í kvöld alltaf gaman að hafa dálítið af fólki í húsinu :)  Nú markaði eitt lamb í dag en held að það séu tíu skjátur eftir en Guðni Reynir er búinn að helda þeim út í tún.

         Bjössi er svo í karlaferðinni og gengur bara vel.

          Sá svo í WF að hann Gammur frá Hemlu II er kominn á landsmót en ég á hryssu undan honum ekki slæmt það ;) 

6. júní 2014

          Anna Dóra, Jón Bjarni og Sól fóru snemma í morgun en hrossin þeirra fóru á yfirlit í dag og eftir þessar sýningar eru þrjú af fimm hrossum komin í fyrstu verðlaun ekki slæmt það.  Bjössi fór svo í hina árlegu karlaferð í dag og ekkert smá flott veður sem þeir fá held ég en þeir leggja af stað frá Selfossi, og fara í Auðsholt, svo fara þeir á morgun í Kringlumýri og koma heim á sunnudaginn.
        Hér er svo komin hvolpur sem ég þarf að finna heimili fyrir en hann er undan Nætur Snata, hvolpurinn heitir Prins og afskplega prúður og góður, orðinn þriggja mánaða svo nú hefst leitin að heimili fyrir hann.
         Sigga og Arnar komu svo heim um sexleitið og allt sett á fullt svo við yrðum nú komin í útskriftinaveisluna hjá honum Hjalta Pétri en hann er semsagt orðinn smiður ekki leiðinlegt það.  Þetta var glimrandi flott takk fyrir okkur HP og fj. 

5. júní 2014

           Skaust í bæinn í morgun og var komin þangað uppúr tíu, en Sigga var að fara að finna klukkan tólf svo ég brunaði með strákinn austur, en nú styttist í að Guðrún Lára verði komin í sumarfrí og þá verður nú stuð á því heimilinu þegar Þorbjörn Óðinn fer að hjálpa ömmu sinni í Kóp, mikið verður gaman hjá þeim. 

4. júní 2014

          Fór á Selfoss í dag og verslaði helling held ég bara.  Anna Dóra hringdi svo í kvöld en þá voru þær mæðgur búnar að næla sér í far hjá Kjartani Gunnari sem var að járna fyrir vestan, og voru komin hér rétt fyrir miðnætti, mikið gaman að fá þær í heimsókn.

3. júní 2014

          Fór í bæinn um hádegið með Þorbjörn Óðinn en við fórum í Kópavoginn skildi drenginn eftir þar hjá ömmu sinni og brunaði svo austur í Holtsmúla að ná í allskonar dót.  Engar smá rigningar búnar að vera í dag, og sól á milli en þvotturinn á snúrunni þornaði nú samt þar sem hann er undir þaki.

       Bjössi sagði mér svo að folaldið undan Eldinu væri hestur en folaldið var búið að festa aðra framlöppina í plastbrúsa svo þeir náðu folaldinu og losuðu það held að þetta folald fái nafnið Brúsi en ekki hvað.... 

2. júní 2014

         Bjössi kýkti á hryssurnar í dag og Elding er köstuð en þar ætlaði ég að fá moldótta hryssu en fékk jarpt folald kyn ekki vitað ennþá.  En allavega lifandi og sprækt folald.  Markaði allt sem var ómarkað í fjárhúsinu í morgun, var svo annars bara heima með gullmolann þar sem Sigga byrjaði að vinna í dag hún var bara sátt með daginn en þetta er voðalega spennandi vinna held ég og nýtist henni í náminu. 

1. júní 2014

Siggi á Villingarvatni fermdist í dag til lukku með daginn þinn Siggi minn.

          Fólkinu farið að fækka í kotinu eins og gerist nú oft á sunnudögum.  Ég fór svo í fermingu í Úlfljótsvatnskirkju bara gaman og falleg athöfn.  Fór svo í veislu í Vaðnesi og ekkert smá flott takk fyrir okkur.

           Nú sauðburður er langt komin en gengur samt frekar hægt þessa síðustu metra. Held að það séu á milli 15 og 20 eftir og bara einn gemlingur svo vonandi fer þetta nú að klárast. 

31. maí 2014

          Fór fyrir hádegi og kaus og kaus auðvitað rétt, allavega fyrir mig.  Nú Miðegismenn og konur skelltu sér svo á hestbak í dag og held bara að mannskapurinn hafi komist í fína ferð á milli skúra en það er búið að rigna duglega hér.  Sigga fór svo í Ártanga með Jonna og Lindu í kvöld þegar þau komu svo heim þá fylgdu þeim nokkrir stákar það er að segja Bjarki, Geiri og Steinar sem voru á leið á Selfoss og nýttu sér farið en ekki hvað. 

30. maí 2014

            Skutlaði Aroni og Sigrúnu á Selfoss í morgun en Guðni Reynir var upptekin í fjárhúsinu.  Eftir hádegið kom svo Lísa og gelti tvo fola, en ekkert komið niður í aðra tvo og svo eru þrír sem ekki á að gelda.  Fór svo á Selfoss og verslaði og sótti Sigrúnu og Aron.  Gunni kom hér og hjálpaði okkar að marka allt sem ómarkað var.  Bragi og Davíð komu og tóku skurk í bílskúrnum þannig að þetta er allt að gerast.

         Gróa og Toni komu svo í kvöld, en Toni kom á hjólinu,  Sigga, Arnar og Þorbjörn Óðinn komu svo í dag og Heida kom svo líka og allir gistu,  Jón Bjarni er svo hér líka en held að hann og Dóri hafi setið á spjalli til hálffjögur í morgun  og að sjálfsögðu var talað um hesta og hestamenn en ekki hvað, bara gaman.

29. maí 2014

           Búin að vera rosalega löt í dag sofa bara eins og ungabarn, en tókst nú samt að örmerkja eins og fjögur folöld, en Bjössi og tengdapabbi fóru með Hæru undir Aron fyrir mig svo er bara að krossa fingur og vona að hún haldi nú ef ekki þá ætla ég með hana undir einhvern snillinginn frá Bergi, sé svo bara til hvað maður gerir með Aron í haust en ætli merin haldi ekki fyrst ég er með plan B.  Krakkarnir fóru svo í bæinn seinnipartinn en Arnar er að byrja að vinna á morgun, en þau koma svo aftur austur á morgun. 

28. maí 2014

Einar Óli var að útskrifast úr FSu í dag til lukku daginn þinn elsku Einar Óli og ekkert smá flottur vitnisburður sem hann fékk.

          Bjössi ýtti við mér í morgun en þá var Lísa köstuð og folaldið hafið verið fast á milli þúfna en það slapp nú til, það sást svo vel til hennar héðan úr eldhúsglugganum, ég hafði kýkt á hana í gærkvöldi og nokkuð viss um að hún væri nú ekki alveg komin að köstun en ég fékk semsagt leírljósa blésótta hryssu undan Konsert frá Korpu, mikið sátt með þetta folald eins og þau öll svosem.

         Fór svo í bæinn en það er Tysabri dagur í dag og gekk bara vel en er ansi þreytt þessa dagana var frekar lág í blóðþrýsing í fyrri mælingunni uppá spítala svo ég skellti í mig smá slatta af nammi og kaffi og viti menn seinni blóðþrýstingsmælingin var enn lægri, svo það er nú ekki að undra þó ég sé frekar þreytt þessa dagana. 

         Fórum svo í útskriftarveislu til Einars Óla bara flott eins og von var takk fyrir okkur. 

27. maí 2014

           Fór og markaði helling í fjárhúsinu í dag og núna í kvöld held ég að það séu innan við 50 ær óbornar og um 10 gemlingar en ansi magir geldir gemlingar þetta árið sem er nú ekki gott.  Sigga og Þorbjörn Óðinn fóru svo í bæinn í dag en koma aftur austur á morgun en ég fæ far með þeim þegar ég verð búin í lyfjagjöfinni. 

        Búið að vera ansi gott veður í dag, búið að setja út fullt af fé, ég er búin að setja nokkrar plöntur niður fyrir framan húsið, held að allt sem ég fékk á Sólheimum um daginn sé bara lifandi en er ekki eins bjartsýn á rósirnar sem við fluttum ofan af bæ en það verður bara að koma í ljós svosem ekki spennandi jarðvegur hér mestmegnis möl og grjót og smá mold.

         Bjössi fór svo ásamt flestum á tofunni á framboðsfund sem K listinn boðaði til á Gömlu Borg gaman að frétta hvernig sá fundur gekk en frekar líflegt í þessari sveit fyrir kosningar eins og alltaf held ég bara.

          Ekkert bólar svo á iðnaðarmönnunum en er að bíða eftir að bæði smiðurinn og rafvikrinn klári allavega að þeir haldi áfram til að byrja með en það hlítur að koma laus stund hjá þeim. 

26. maí 2014

         Guðni Reynir hringdi um fjögur í nótt en það var fast í rollu svo ég tók bara morgunvaktina þá, kýkti á hryssurnar og sá þær ekki.  Nú Bjössi kýkti svo á hryssurnar um hálfníu og þá var Katla köstuð en Dóri á þetta folald og fékk jarpann hest.  Hringdi svo í Braga til að athuga hvort hann væri ekkert farinn að kýkja á Tinnu sem ég fékk lánaða en ég hélt hún yrði fyrst að kasta og viti menn um kaffileitið fékk ég senda mynd af brúnni hryssu með rautt folald bara gaman að því. 

            Fór svo á Selfoss eftir hádegið, en um kaffileitið var Katla ekki enn orðin heil, þurfti svo að draga úr rollu og gemling en gekk ekki sem best með gemlinginn fann strax að það var eitthvað snúið þó svo ég væri með báðar framfætur og haus, nú og þar sem Katla var ekki orðin heil hringdi ég í dýralæknaþjónustuna og Unnur var komin með það saman, hugsa að hún hafi bara verið nýlögð af stað þegar hryssan heilgaðist en gemlingurinn beið bara eftir henni.  Hún var nú nokkuð viss um að lambið væri dautt og var farin að huga að keisara þegar þetta small og viti menn lambið náðist lifandi og gemlinguinn bara ótrúlega sprækur og mjög sáttu með lambið sitt, bara frábært takk fyrir þetta Unnur mín. 

25. maí 2014

           Síðustu menn og konur fóru að sofa um hálfsjö í morgun en ég fór á fjárhúsvakt klukkan fimm í morgun og heilmikið að gera rollurnar bera bara eins og enginn sé morgundagurinn.   Komumst ekkert í að marka svo það verður ansi mikið að marka á morgun.  Svaf svo af mér A-úrslitin sem voru um hálf tíu í morgun en þar vann Dóri fjórganginn,  Sigga og Bjössi fóru svo og horfðu á úrslitin í töltinu og þar endaði Dóri í öðru sæti og fékk svo bikar fyrir fjórgangsgreinar þar sem hann stóð eftstur þar.

      Jón Bjarni kom svo hér seint í kvöld en hann ætlar að gista hér á meðan hann er að stússast í kynbótahrossum. 

24. maí 2014

          Töltið á henni Óperu var svo í dag og þar var Dóri í öðru sæti inní A-úrslitin þannig að það verður strembinn dagur hjá þeim á morgun.   Hér var innflutningspartý í kvöld og gekk bara svona ljómandi vel, fullt af fólki á milli 40 og 50 manns held ég, og rosalega gaman takk æðislega fyrir að koma og gleðjast með okkur.   

23. maí 2014

          Dóri var að keppa á Óperu sinni í fjórgang í dag á móti á Selfossi og er fyrstur ásamt öðrum inní A-úrslit, til lukku með það. 

             Hildur kasaði í morgun en aldrei þessu vant átti hún ekki rauða hryssu heldur kom brún hryssa núna.  Fór á Selfoss eftir hádegið ásamt Siggu og við sóttum Þóru á rútuna.  Þegar við komum svo heim fóru allir á framboðsfund hjá C listanum, flestir fóru ríðandi en við Þóra, tengdamamma og Linda fórum á bíl og tókum Þorbjörn Óðinn með bara gaman að þessu létt og skemmtilegt. 

22. maí 2014

          Fór og markaði fyrir hádegið hellingur sem við mörkuðum og sauðburður gengur bara vel, mikið tílembt miðað við í fyrra sem er bara gott.  Fór svo á Selfoss eftir hádegið en þrufti svo að drífa mig heim þar sem gemlingur gat ekki borið gekk bara ágætlega að ná lambinu sem var frekar stórt.  Fór svo aftur á Selfoss seinnipartinn og tók þá Sigrúnu með heim, en það passaði þegar við komum heim að það var kind sem ekki gat borðið en sú var með tvö og fyrra lambið ákvað að koma með dindill fyrst svo það gekk nú ekki en lömbin náðust bæði lifandi.  Krakkarnir búin að skera allt kjötið en dagur hefur mestmegnis farið í að hakka og pakka. 

21. maí 2014

         Við fengum frétt um að við ættum rollu við Kaldárhöfða í morgun og að hún væri með grátt lamb.  Brunuðum af stað náðum lambinu strax en rolluskjátan var bara leiðinlegt og skellti sér yfir ána og húkti þar inní helli og hellings straumur í kring, Jóhannes í Klausturhólum kom svo að reyna að hjálpa Guðna og Arnari en ég var farin heim að sinna rollunum.  Rollann vildi auðvitað ekkert bíða eftir því og fór nokkrar ferðir yfir ána skildist mér og fyrir rest sáu þeir hanna ekki en höfðu nú grun um hvar hún væri svo Guðni Reynir skellti bara merki í lambið og speppti því hef nú grun um að þetta hafi runnið saman bara spurning hvar hún finnst í haust ef hún þá skilar sér. 

       Sigga og Arnar eru svo búin að vera að mála og skera kjöt í dag, alltaf nóg að gera hér á bæ.  Ég fór svo á Selfoss og sótti mér frystikistu og slatta af matvöru eins og gengur. 

20. maí 2014

Sigrún fór í 20 vikna sónar í dag og bumbubúinn bara svo fínn, þau ætla ekki að fá að vita kynið svo við bíðum bara þar til í haust en hún er skráð 2 okt.

        Fór í fjárhúsið klukkan fimm í morgun og þar voru fjórar tvílembur ansi gott bara.  Nú kýkti svo á hryssurnar og ekkert folald.  Bjössi lét mig svo vita í hádeginu að Hæra væri köstuð en það var kominn bleikur hestur, ansi ljós en ég held að hann sé nú ekki vindóttur svo ætli hann fái ekki að heita Bara Bleikur, sé nú samt ekki að Dóri verði kátur með það.  Nú sauðburður gengur bara vel.   Gunni kýkti við í dag, eins kom tengdamamma í kaffi,  Daddi vinnumaður farinn í bæinn en hann þarf víst að mæta í sína vinnu þar.  Bjössi og tengdapabbi settu upp snúrur fyrir mig bara snilld takk fyrir það.  Sigga búin að vera að mála og Arnar að skera kjöt svo það er nóg að gera.

19. maí 2014

         Fór uppá bæ í morgun og markaði slatta af lömbum og skaust svo eftir hádegið aftur en það var fast lamb í gemsa en þar vantaði báða framfætur en þetta gekk hratt og vel að ná lambinu og það var sprelllifandi og gemsinn voða sáttur með lambið sitt.  Skaust svo á Selfoss en Arnar þurfti að komast á rútuna en hann kemur aftur á morgun þurfti að gera og græja eitthvað með Styrmi bróður sínum.  Annars gengur sauðburður bara ljómandi vel svona mestmegnis.  Kýkti á hryssunar í dag og heldur farið að styttast í fyrsta folaldið en veðja á Kötlu fyrir eða um helgina en sjáum til. 

18. maí 2014

Sigga okkar á afmæli í dag orðin 24 ára til lukku með daginn elsku Sigga okkar.

         Við Þorbjörn Óðinn erum búin að hafa það agalega gott í dag, mamma og pabbi kýktu við í heimsókn og litli maðurinn sofnaði í fanginu á langaafa sínum í hádeginu.   Nú hestaferðafólkið byrjaði á að koma heim um kaffileitið það er að segja þeir sem voru á bílum, svo smá kom fólkið heim, en það var stoppað á Litla Hálsi og Sigga kom í bíl þaðan til að hjálpa mér með strákinn og matinn en þegar hestafólkið kom svo heim mættu allir í kjúklinasúpu um eða yfir 30 manns hefi nú viljað hafa aðeins meiri súpu en svona er þetta bara vantaði ekki mikið uppá.

17. maí 2014

        Miðengismenn fóru í sína árlegu vorferð í dag, en það á að ríða út í kringum Hveragerði og gista svo að Hjarðarbóli.  Inga og Þóra voru hér í morgunkaffi eftir að liðið var farið, Daddi og Gunni Har kýktu svo líka í kaffi og Hanna Kata kýkti líka við.  Við Þorbjörn Óðinn ætlum semsagt að vera heima í dag en þurftum að skjótast uppá bæ seinnipartinn þar sem það var snúið lamb í gemling.  Þorbjörn Óðinn heimsótti Sigrúnu og Aron á meðan við  Guðni Reynir náðum lambinu frá gemsanum en það var með keppta afturfætur en þetta semsagt tókst ótrúlega vel og lambið lifði.

     Nú Sigga er svo búin að fá út úr öllum prófunum og stóðast allt en hún var nú smeik um eitt prófið en fékk þar 7.5 en meðaleinkuninn var víst 5.8 svo hún má nú vera ansi sátt og getur aldeilis haldið uppá það í kvöld já og svo á hún afmæli á morgun. 

16. maí 2014

           Afmælisveisludagur í dag en það var haldið uppá eins árs afmæli Þorbjörns Óðins í kvöld en drengurinn var bara rosaklátur og tók á móti á milli 45 og 50 manns held ég bara þetta semsagt tókst rosalega vel takk öll fyrir komuna. 

15. maí 2014

         Þorbjörn Óðinn á afmæli í dag og orðinn 1. árs til hamingju með daginn elsku drengurinn okkar

          Krakkarnir komu úr bænum um hádegið en afmælisdrengurinn fór í einsárs sprautu og skoðun í morgun og kom svona agalega vel út, seinnipartinn var hann nú svo orðinn dálítið aumur en vonandi verður hann bara sprækur á morgun þegar við höldum uppá afmælið hans.

        Við Inga skutumst á Selfoss í morgun, nú Gunni Har kýkti í kaffi og svo kom Eva með ýmislegt í garðinn minn í kvöld en ég skelli því niður á morgun.

        Það gengur bara ekkert í sauðburði allavega ansi hægt en þetta hlítur að fara af stað um helgina. 

14. maí 2014

         Krakkarnir héldu áfram að spasla og mála í morgun en eftir hádegið fóru þau í bæinn en Þorbjörn Óðinn á að mæta í 12 mánaða skoðun á morun og sprautu.  Gunni Har kýkti við í dag, Daddi kom líka í kaffi, nú og Bragi kom og sótti sér verkfæri en á von á honum aftur á morgun að græja tröppuna í stofuna.  Nú svo hringdi Auður á Hömrum seinnipartinn en það hafði fréttst af fé við Sandkluftavatn.  Bjössi, Jonni, og svo Gunna og Gunni frá Bjarnastöðum fóru innúr ásamt þrem hundum og komu með sjö kindur heim, fjórar frá Miðengi, tvær frá Vaðnesi og einn hrút frá Hömrum svo við gerum nú ráð fyrir að það sé þetta sé ekki allt gelt en féð í finu standi.  Gunna og Gunni kýktu svo við í kaffi eftir smalamennskuna.

      Nú ansi lítið að gerast í sauðburði en það bar ein rolla í gærkvöldi og svo ekkert fyrr en einn gemsi í kvöld svo ég geri ráð fyrir að það verði hellingur að gera um helgina :) 

13. maí 2014

Haldið þið ekki að við Bjössi eigum silfurbrúðkaupsafmæli í dag og Guðni Reynir 25 ára skírnarafmæli ekki slæmt það.

         Fór á Selfoss í morugn og sótti hundamat, fór með pappíra í tryggingarnar og svo fór ég í húsasmiðjuna en nú var ég að finna út hvað er best og ódýrast að kaupa sem gólflista já og jafnvel loftalista og viti menn það sem er líklega málið er hurðagereft.  Nú eftir hádegið fór ég  og sótti Hönnu Kötu og við brunuðum á Flúðir að kýkja á hvolpana ég var komin að Helgastöðum held ég þegar ég fattaði að ég fór lengir leiðina, en það gerði svosem ekkert til.  Hvolparnir eru bara æði og eins gott að ég sé ekki að fá mér hvolp því ég gæti alls ekki valið, það kæmu líklega tveir rakkar og tvær tíkur til greina og ótrúlegt en satt þrjú flekkótt hehe.

12. maí 2014

          Jæja þá er sauðburður formlega hafinn, byrjaði á þrílembu en það voru tvö af þremur lömbum dauð, svo kom tvílemba og svo gemsi með eitt lamb þannig að þetta er allt að gerast.

        Fór á Selfoss í morgun, fór í húsasmiðjuna og krónuna aðalega það er alltaf eitthvað að snúast, sótti svo klukkuna mína í viðgerð og hitti konu sem er kölluð Cathy og er frá Wasington held ég bara, en hún heimsótti mig hér fyrir nokkrum árum bara gaman að því.  Þegar ég kom heim var Bragi búinn að smíða dálítið svo nú er í raun allt klárt fyrir málingu held ég bara allavega vonandi þarf ekki að saga meira inni. 

11. maí 2014

          Voða fínn dagur hér í dag enda á ég líka afmæli orðin 46 ára, hér var dálítið  rennerí á fólki í dag, mamma og pabbi kýktu við og tengdamamma kon líka.  Brúney og Eva komu ríðandi hingað ásamt manni sem ég held að heiti Elli en hann hélt bara í hrossinn á meðan dömurnar komu og fengu kaffi og köku en Eva var nú send með smá köku út handa karlinum.  Gunni Har kom svo með þennann líka flotta blómvönd.  Við horfðum svo á myndina Gamlinginn sem skerið út um gluggann, bara skemmtilegt.   Nú og helgargestirnir fóru svo í bæinn eftir hádegið.  Næsta veisla er svo á föstudaginn en þá á að halda uppá afmælið hans Þorbjörns Óðins en hann verður eins árs á fimmtudaginn. 

10. maí 2014

          Sigga og Arnar voru komin uppúr hádegi.  Dóri fór svo og keppti í B-úrslitum bæði í tölti og fjórgang og í fjórgang tókst honum að komast uppí A-úrslit ekkert smá flott hjá honum svo er bara að sjá hvernig þetta fer á morgun.  Guðrún Lára og Óðinn komu svo seinnipartinn og komu með þennann flotta blómvönd nú og eins kom Hjalti Pétur en þau voru boðin í mat og eurovison partý hér í kvöld en þau voru hér á haus alla páskahelgina að hjálpa okkur að flytja, takk fyrir frábært kvöld kæru vinir. 

9. maí 2014

            Við Sigga grunnuðum megnið af nýju veggjunum í bílskurnum fyrir hádegið og vorum ekki lengi að því.  Við Sigga fórum svo á Selfoss strax eftir hádegið að versla smá.  Bjössi var heima að passa afastrákinn.  Sigga fór svo í bæinn en það er próflokadjamm skilst mér og óvissuferð í vinnunni hjá Arnari svo gullið fær að vera í sveitinni.

          Dóri fór svo í bæinn að keppa og komst í B úrslit í tölti á merinni sinni svo það er bara frábært hjá honum þannig að morgundagurinn fer bara í að hrossast í bænum.   

8. maí 2014

            Skaust á Selfoss eftir hádegið og skildi bílinn hans Guðna Reynis eftir og tók bílinn hans Dóra heim en kominn tími á aðhlynningu á þá.  Tók Sigrúnu svo með mér aftur uppí sveit.  Bragi og Davíð smíða enn og þetta gengur bara ótrúlega vel, Gunni Har kýkti svo við í kaffi.  Fór svo með kvennfélaginu í bæinn á vorfund en það var hittst á Hallveigarstöðum í bænum bara gaman að því, við Inga tókum Olgu sem býr á Hraunborgum og Ásdísi sem býr í Öndverðarnesi með okkur.  Á fundinn mætti svo Sigga Kling mikið skemmtilegt og bara ansi góð mæting yfir þrjátíu konur mættu.  Nú mikið rætt um jarðskjálfa á leiðinni heim og viti menn þegar ég labbaði innúr dyrunum hér heima þá kom þessi líka fíni skjálfti líklega uppá 4.1 en allt rólegt eftir það.  Sigga og Þorbjörn Óðinn voru komin austur þegar ég kom heim en þau ætla að vera hér í nótt.

7. maí 2014

            Fór í bæinn í morgun en Sigga var í síðasta prófinu í morgun, fannst nú á henni að þetta hefði mátt ganga betur en við vonum bara það besta.  Nú ég brunaði svo austur og tók L-200 bílinn sem var í viðgerð og skildi bílinn hans Dóra eftir en það þarf víst að laga hann eitthvað.  Var svo komin heim uppúr hádeginu.  Dóri fór svo í bæinn að keppa á nýju merinni sinni á Reykjavíkurmeistaramótinu og komst í B-úrslit sem er nú ekki leiðinlegt á svona stóru móti með einkuniinna 6.27 sem er nú bara nokkuð gott.  Gunni Har kýkti svo við en hann er búinn að marka lömbin sín við skellum svo Selen í þau á morgun og þá geta þau farið út enda bara orðið smá grænt allavega nóg fyrir eina tvílembu.  Bjössi er svo búinn að bera skít á túnin en það voru haugar komnir út á tún sem átti eftir að bera á túnin. 

6. maí 2014

           Bragi og Davíð komu í morgun og byrjuðu að smíða allt að gerast.  Gunni Har kýkti svo hér um kaffileitið.  Nú svo horfði ég á Eurovision og sá Pollapönkarnana komast áfram bara flott. 

5. maí 2014

         Skaust á Sólheima í morgun til hennar Særúnar að ná mér í nokkur tré til að hafa hér sunnan við húsið, en fyrir valinu urðu fjórar plöntur af Runnamuru, sex plöntur af hélurifsi en þar koma dökk rifsber og átta plöntur af kirtlarifsi sem eru með rauð rifsber sýnist mér á netinu, svo er bara að sjá hvort þetta lifir og það komi ber ;) en þetta verða örugglega rosalega flottir haustlitir.  Bíllinn var reyndar rafmagnslaus þegar ég ætlaði af stað en ekkert vesen á honum þegar hann var kominn í gang.  Var komin heim fyrir hádegið.  Tókst að pota niður nokkrum trjám en restin beið þar til Bjössi gat komið restinni niður.  Nú það var sett grasfræ í nýja túnið í dag en reyndar var þetta ekki nærri nóg af fræi svo það þarf að sækja meira á morgun.  Bragi og Davíð komu svo hér seinnipartinn og héldu áfram að innrétta bílskúrinn.  Gunni Har kýkti svo við og eins komu Sigrún og Aron aðeins ;) 

4. maí 2014

          Sigga heldur áfram að læra undir próf  en það er bara eitt próf eftir sem verður á miðvikudaginn.  Ég skrapp aðeins uppá bæ á enn fullt af drasli þar en nú er það bara þvottahúsið sem er eftir.  Sigrún og Hulda kýktu aðeins við, mamma og pabbi komu líka.  Nú og svo komu Brúney og Siggi en Brúney tók að sé að greiða nokkra flóka úr töglum og var ekki lengi að því takk fyrir það þetta var alveg frábært.  Svo kýkti Gunna í kaffi í kvöld mikið spjallað og eins og svo oft mikið um hunda og kindur já og smá um sveitarstjórnarkosningar en þær fara nú að skella á. 

3. maí 2014

           Heilmikið rennerí á fólki hér í dag, uppúr hádegið komu Guðrún Lára og Óðinn,  Nonni Dodda kom svo og rafvirkjaðist dálítið hér, nú Sverrir, Karítas og krakkarnir komu svo hér og sóttu restina af dótinu sínu allavega því sem var í bílskúrnum, svo nú er bara trampolínið eftir  hef ég grun um.  Fór svo í pizzavagninn og sótti pizzu í kvöldmatinn.  Brúney kýkti hér og Gunni Har kýkti hér líka.  Nú Bryndís kom svo hér með sófasettið sem krakkarnir eru að kaupa ekkert smá flott það og á eftir að vera fínt í bílskúrnum hjá þeim, svo nú er bara að klára að smíða í bílskúrnum svo hægt sé að byrja að mála. 

2. maí 2014

          Sigga og Arnar fóru snemma í bæinn í morgun, Arnar að vinna og Sigga í próf nú og Þorbjörn Óðinn var hjá okkur bara gaman að því.  Kolla kýkti við hér í dag en hún er í bústaðnum þessa dagana mikið gaman að sjá hana.  Sigrún og Aron kýktu svo við hér í dag.  Bjössi og Arnar héldu svo áfram að gera pallinn fínann og ekkert smá sem þetta er að verða flott.  Nú Dóri er svo búinn að selja garðhestinn sinn sem er bara frábært og allir bara mjög sáttir skilst mér, en Dóri fékk meri uppí klárinn.  Á morgun er svo stefnan tekin á keppni í Mosó held ég örugglega en Dóri og Palli eru að fara skildist mér. 

1. maí 2014

         Rennerí á fólki hér í dag eins og svo oft en Inga kýkti við nú og svo komu Linda og Kristín líka við.  Gunni Har kýkti líka hér í kvöldmat en eftir hádegið fórum við Inga til hennar nöfnu minnar í Vaðnesi en hún er búin að vera að útbúa matarstell handa mér ekkert smá flott læt fylgja mynd með.

30. apríl 2014

          Í dag var Tysabri dagur og ég fór í bæinn um hádegið komst ekki í lyfjagjöf fyrr en um tvö leitið en mikið af fólki í lyfjagjöf í dag þar sem það var verið að vinna upp páskana.  Inga fór með mér í bæinn en við vorum komnar austur um sex leitið held ég kannski aðeins fyrr en við komum við í Bónus í Hveró á heimleiðinni.  Sigga, Arnar og Þorbjörn Óðinn voru meira að segja komin á undan okkur austur.  Gunni Har kýkti líka við.  Klettsmenn fóru svo á hestbak hér í kvöld held að það hafi bara verið gaman ekki heyrt annað allavega. 

28. apríl 2014

          Fór í bæinn í morgun og var mætt til Siggu uppúr átta en fyrsta prófið hennar var í morgun.  Það gekk bara ljómandi vel ég var svo komin austur uppúr hádegi en þá passaði að Bragi og Davíð voru mættir til að smíða í bílskúrnum, gluggarnir komnir í og vonandi verður hægt að klára að loka bílskúrnum í dag þannig að þetta er allt að gerast.  Kjartan Gunnar var svo að járna í kvöld takk fyrir það Kjartan minn en hann kýkti svo við í kvöldmat bara gaman að því. 

27. apríl 2014

          Frábært veður í dag, enn og aftur sótti ég slatta af dóti uppá bæ í dag og nú sér ég fyrir endann á flutningunum forstofan og þvottahúsið eftir annað bara komið þar til annað kemur í ljós hehe.  Hjalti Pétur kom hér í dag og Sverrir kom svo hér líka með krakkana en þeir tóku niður bílskúrshurðina en ég veit ekki betur en að búið sé að selja hana svo nú er bara að fara að smíða á fullu en ég sé að það verður ekkert smá flott útsýni sem krakkarnir fá úr bílskúrnum en stofuglugginn verður þar sem hurðin var. Sigga er svo búin að vera að lesa undir próf í dag en fyrsta pófið er í fyrramálið en ég skutlast í bæinn í fyrramálið og passa á meðan hún fer í prófið. 

26. apríl 2014

            Enn einn blíðudagurinn sem er jú bara frábært.  Heilmikið stússast í hrossum nú og Dóri og Arnar byrjuðu á að laga til hér fyrir framan húsið þetta verður rosa fínt þegar þetta klárast.  Eitthvað var nú farið á hestbak hér á bæ, já og slatti að gera í hestaleigunni, nú og Gunni Har kýkti við og eins kom hún Guðrún Lára með myndir sem hún er búin að finna ramma utanum fyrir mig, bara flott takk æðislega fyrir hjálpina.   Ási og Bjarki komu svo hér í kvöld og voru að spila við Siggu og Dóra bara gaman að því.

25. apríl 2014

            Skaust á Selfoss í morgun og sótti smá málingu og fleira.  Eftir hádegið fóru Sigga og Bjössi í bæinn að sækja Arnar og eina frystikistu sem við áttum þar.  Dóri var svo að keppa í uppsveitadeildinni í kvöld en þetta var lokakvöldið og hann lenti í 8. sæti í einstaklingskeppninni og fékk þessi flottu verðlaun nú og Bros liðið sem hann var að keppa fyrir lenti í öðru sæti sem er bara rosalega flott.  Það var svo farið á hestbak hér í kvöld og Hulda kýkti hér við á meðan svo komu Ingþór, Inga og Reynir og Lísa og Dóri komu líka við bara gaman að því, Dóri kom svo ekki heim fyrr en um eitt í nótt og allar sofnaðir þá.

24. apríl 2014

            Við Inga fórum út á Borg um hádegið en það var afmælis-vöfflukaffi og bingó þar í dag hjá Kvenfélaginu og bara flott, voru til rúmlega þrjú og bara gaman.  Sigga skellti sér svo í bíó með Ása, Freydísi og Fannari en hún er búin að vera að lesa í allann dag og hefur bara gott afð því að rétta aðeins úr sér.   Gunni Har kýkti við í dag og eins mamma og pabbi.  Nú held að Kjartan Gunnar hafi kýkt við og járnað smá en ég hitti ekkert á hann í þessari ferð.  Dóri fór var svo að vinna fram að hádegi í dag held ég of fór svo í Þorlákshöfn en þar var hann að dæma mót og gekk bara vel og var nokkuð sáttur held ég bara

23. apríl 2014

           Fór út á Borg í morgun með leikskólaumsóknir fyrir Aron Rafn og Þorbjörn Óðinn en þeir fara í leikskólann í haust það verður bara gaman hjá þeim. Fór á Selfoss með tengdó eftir hádegið en þurfti í Húsasmiðjuna að ná borga nokkrar spýtur, já og versla ýmislegt svosem.  Sigga og Þorbjörn Óðinn voru svo komin í sveitina þegar við komum heim en nú er prófalestur að skella á svo það er ágætt að læra í sveitinni.   Nú Sverrir kom svo með timbrið í kvöld og Karítas og krakkarnir komu líka en þau tæmdi bílskúrinn þannig að nú er bara að selja og taka niður bílskúrshurðina og fara að framkvæma.

22. apríl 2014

            Enn standa flutningar yfir en þetta hlítur að fara að klárast endalaust af kössum sem koma hér í hús.  Fór á Selfoss eftir hádegið en það þurfti að versla inn vantaði orðið ýmislegt eins og gengur.  Gunni Har kýkti svo við í kaffi, og Inga og Reynir röltu yfir í kvöld.  Vala kom svo hjólandi í heimsókn en hún hjólaði líka hingað í gær orðin rosalega dugleg að hjóla finnst mér. 

21. apríl 2014

           Enn er ég að flytja dót, þetta á eftir að taka margar vikur en held að það sé nú bara eftir að ná í dót í eldhúsið og kannski eitthvað í þvottahúsið.  Gunni Har kýkti svo við hér í dag og Sverrir kom líka við að sækja ýmislegt sem hafði gleymst þannig að þetta er svona víða.  Jonni og Linda kýktu svo við og eins komu Adam og Hafdís í heimsólk í kvöld bara gaman ;) 

20. apríl 2014

         Sváfum bara svona ljómandi vel á nýja heimilinu, dagurinn tekinn snemma og farið að gera og græja enginn morgunmatur til í húsinu en það var þó til brauð og svo var bara rúllað uppá bæ og eitthvað sótt í ískápinn þar.  Það var svo ekki slegið slöku við og undir kvöld var búið að ganga frá öllu sem komið var í hús og skúra útúr, Guðrún Lára var eins og hvítur stormsveipur hér um húsið takk æðislega fyrir hjálpina.  Það er meira að segja búið að hengja upp myndir og bara allt klárt en á svo eftir að fara uppá bæ og sækja fullt af dóti en þetta er nú samt langt komið.  Sigga og Arnar fóru svo í bæinn seinnipartinn og Guðrún Lára þegar hún var búin að skúra útúr.  Þannig að í kotinu erum við Bjössi og Dóri og Hjalti Pétur. 

          Gaur er nú aðeins að sætta sig við flutningana en kisa fór út í nótt og var búin að koma sér fyrir í sófanum uppá bæ hjá Guðni Reyni og Sigrúnu, en þetta á eftir að taka smá tíma hef ég grun.

           Sverrir og Karítas eiga svo eftir að tæma bílskúrinn en eftir helgina ætti að vera hægt að fara að smíða smá allavega að taka niður bílskúrshurðina og selja hana.

            Nú fyrstu lömbin komu svo í dag en Gunni Har á þau en þau eru undan kind sem kom seint úr Hrafnabjörgunum í vetur en hann fékk hrút og gimbur. 

19. apríl 2014

         Ég byrjaði aðeins að mála í morgun, en var svo heppin að Jonni var tilbúinn að draga mig að landi með þessa málingarvinnu og var bara að mála í allann dag held ég takk kærlega fyrir ;)  Guðrún Lára kom svo úr bænum og tók aldeilis til hendinni svo þetta gekk bara rosa hratt og vel, fullt af fólki að keyra dót á milli og svo var verið að stafla og skipuleggja.  Við Guðrún Lára laumuðum okkur aðeins niður í Vaðnes til hennar Helgu og skoðuðum diskana sem hún er að brenna fyrir mig og ekkert smá flottir get ekki beiðið eftir að taka þá í notkun.  Það tókst svo að gera herbergin nokkuð klár svo við gátum gist í nýja húsinu okkar í nótt gaman gaman. 

18. apríl 2014

         Arnar Daði sótti krakkana í dag.  Hulda, Gunnar og Sigrún Elva komu svo við í dag og Aron Rafn var með þeim ansi langt síðan ég sá hann síðast.  Karítas og Sverrir eru svo að fara að flytja og eru víst að mála á fullu á Selfossi.  Það var svo farið í páskareiðtúr seinnipartinn en svosem ekkert endalaust hægt að bíða eftir betra verðri.    Það var ansi góður hópur sem fór ríðandi að Snæfoksstöðum til Magga og Sirrýar en mannskapurinn en þegar mannskapurinn kom aftur heim þá áttum við Þorbjörn Óðinn smá hangikjöt  sem við gátum gefið fólkinu en Brúney og Helga nafna mín í Vaðnesi komu sem var rosalega gaman.  Auk okkar þá mættu Sveinn og Kristín, Gestur og Krissa, Hulda og Ingþór held ég örugglega það var svo mikið rennerí á fólkinu að ég var nú ekki alveg með á nótunum,  Hjalti Pétur, Kjartan Gunnar og Steinnunn voru líka á svæðinu nú og heimafólkið, Sigga og Arnar, Dóri, Bjössi og Jonni komu líka og örugglega eitthverjir fleiri.  Nú þegar aðeins var farið að fækka fólkinu þá kom Apavatns Sigga ásamt frænku sinni nú og þegar þær voru farnar komu tveir strákar sem ég ég man nú ekki alveg hvað heita en Sigmarsson frá Stangarlæk var annar og hinn Helensuson frá Kolsholti.  Nú Magga hans Kjartnas Gunnars kom svo og sótti Kjartan og drengina tvo, bara gaman að þessu, held að það hafi nú verið komin ró á húsið um tvö leitið enda kominn tími á það því það eru flutningar á morgun.

17. apríl 2014

          Vinir Arnar og Siggu komu í gærkvöldi en það eru þau Hildur, Haffi, Arnar Daði, Kiddi og Tinna og mikið stuð á mannskapnum, held að síðustu menn hafi ekki farið að sofa fyrr en uppúr sjö í morgun og vaknað uppúr átta svo það var stuttur lúr.  Annars bara letidagur í dag, skaust þó á Selfoss en auðvitað vantar alltaf eitthvað.  Arnar Daði fór svo í bæinn með Tinnu sem er búin að vera ansi veik í dag, hiti og alles ekki gott.  Dóri var svo að vinna í dag en kom heim seinnipartinn og kominn í páskafrí.  Kjartan Gunnar kom svo og járnaði Dynjandi, ég fór nú snemma að sofa en held að krakkarnir hafi vakað eitthvað frameftir, og að venju sofið í öllum hornum en mér finnst það bara frábært vill helst hafa fullt hús af fólki alltaf :)

16. apríl 2014

          Þá er ég farin að huga að flutningum, aðeins að taka til og pakka smá en mamma kom í dag og við tókum baðherbergið í gegn og búið að pakka næstum öllu sem fer með okkur úr baðherberginu.  Nú og svo held ég bara áfram á morgun að taka til og pakka en á föstudaginn er stefnan að fara að mála eitthvað smá.

       Krakkarnir komu svo úr bænum í dag og verða í sveitinni um páskana, en nú fer að styttast í próf hjá Siggu svo ég geri ráð fyrir að hún ætli að læra smá í páskafríinu.

       Dóri fór svo með graðhestinn sinn og Alísu í Austurkot í dag, en það var smá úttekt á þeim og bara nokkuð sáttur þegar hann kom heim ja eiginlega bara mjög klátur með hrossin sín.

       Það var svo farið í reiðtúr hér í kvöld en félagar hans Sverris komu til að fá að fara á hestbak held að þetta sé bara orðið árvisst. 

15. apríl 2014

          Fór á Selfoss í morgun og held ég sé búin að versla fyrir páskna og keypti smá málingu svona ef ske kynni að ég geti málað smá um páskana.  Gunni Har kýkti svo í kaffi.  Nú og undir kvöld var svo kominn bylur og leiðindarveður en þetta er vonandi bara páskahretið sem klárast þá bara fljótt.

        Guðni Reynir og Bjössi fóru svo í Káldárhöfða í dag en þar hafði sést kind, þeir fundu hana nú bara í garðinum heima á bæ eða allt að því en þetta var kind fædd 2008 og frá Mjóanesi, leit nú út fyrir að eiga sögu um að mæta seint heim til sín. 

14. apríl 2014

           Skaust á Selfoss í morgun með eins og eina þvottavél í viðgerð allavega svona að láta líta á hana. Rétt náði niðurúr áður en það fór að rigna en ég var á L-200 svo það hefði nú rignt duglega á vélina annars.   Nú svo kom ég við Búnaðarskrifstofunni til að fá bók til að skrifa rollurnar inní svona fyrir sauðburð en við Guðni Reynir byrjuðum á að skrifa inní bókina í dag.   Ekkert farin að undirbúa flutninga ja nema bara í kollinum á mér en þarf nú að fara ða koma eittherju í verk því tíminn flýgur áfram.

13. apríl 2014

          Krakkarnir og Þóra fóru fóru í bæinn fyrir hádegi en Sigga, Arnar og Þorbjörn Óðinn fóru í fermingarveislu í bænum í dag.  Gunni Har kýkti svo í kaffi hér í dag, Daddi kýkti við og Ingþór kýkti líka við.  Bragi kom svo og við fórum að mæla út hvað þyrfti af efni í bílskúrinn í nýja húsið svo hægt væri verði að útbúa íbúð þar fyrir Siggu og fj.  Nú við fórum svo í Þrastalund og fengum okkar að borða í kvöld ásamt Dóra, Jonna, Lindu, Ingþór, Huldu og Elvari maturinn rosa góður fengu svo humarsúpu í forrétt og ís í eftirrétt algjör snilld takk fyrir okkur. 

12. apríl 2014

          Gunna kom hér eftir hádegið og heilsaði uppá Gaur og Arnar, svona aðeins að stilla þá saman sem tókst bara svona ljómandi vel, þeir eiga ábyggilega eftir að verða flottir saman en auðvitað þurfa þeir að sinna þessu sem þeir eiga örugglega eftir að gera.  Inga kýkti hér við í dag og mamma og pabbi kýktu líka við.  Skaust svo út í sjoppu að ná í það sem ég hafði annað hvort alveg gleymt að kaupa eða kláraðist bara fyrr en ég átti von á eins og gengur. 

11. apríl 2014

         Fékk far á Selfoss með Bensa en við Inga sóttum L-200 bílinn sem var í viðgerð.  Gerði enn eina tilraunina til að flytja gamla símanúmerið sem var skráð á Bjarka yfir á Guðna Reyni, þetta er nú ekki einfalt kerfi stákarnir eru alltaf að fylla út pappíra en nú vona ég að þetta sé að verða komin en þegar  við flytjum og Guðni Reynir og Sigrún flytja þá verða þau með gamla símanúmerið sem afi og amma áttu en það er 482-2666.

        Gunni Har kom í kaffi og Sigga og fj komu svo austur og tóku Þóru með sér en við fórum svo í matarklúbb á Bíldsfell en fengum agalega góðann mat eins og alltaf, vorum svo komin heim eftir miðnættið man nú ekki alveg hvenær samt.

10. apríl 2014

         Fór á Selfoss í morgun og tók mömmu með í bæinn, fórum svo til Siggu en hún þurfti að skjótast í skólann en pabbi bara í rannsókn uppá spítala og var búinn og kominn til Siggu þannig að við litum eftir drengnum á meðan Sigga fór í skólann og skaust að skrifa undir ráðningarsamning í sumarvinnunni sinn.  Þegar krakkarnir voru svo komin heim fórum við í afmæliskaffi til Tótu frænku en Tóta á afmæli í dag og Dóra átti afmæli í mars svo þetta var svona sameiginlegt afmæliskaffi.  Alltaf gaman að hitta fólkið sitt.  Takk fyrir mig en ég át á mig gat eins og svo oft þegar kökur eru í boði ;) 

9. apríl 2014

          Var komin austur um kaffileitið, þá var Gunni Har mættur í kaffi, Guðni Reynir og Sigrún voru bæði heima en það var mæðraskoðun hjá þér í dag og allt í góðu þar.  Tengdamamma kýkti svo líka við og mamma og pabbi kýktu líka við. 

8. apríl 2014

        Fórum eftir hádegið í Kópavoginn að heimsækja Guðrúnu Láru og Óðinn, hittum Styrmi og Selmu þar líka og fengum svona líka frábærta kjúkklingarétt að borða takk fyrir okkur. 

7. apríl 2014

            Brunaði í bæinn í dag í MRI sem gekk agalega vel eins og alltaf.  Þegar ég var búin þá kvaddi ég og var næstum búin að segja ,,góða helgi'' en fannst ég nú átta mig í tíma og hugsaði með mér að það væri jú bara miðvikudagur svo það var nú ágætt að ég varð mér ekki til mikillar skammar.  Fattaði svo þegar ég var komin til Siggu að það væri nú bara mánudagur, en ég hef þó þá afsökun að ég er yfirleitt uppá spítala á miðvikudögum svo ég hef semsagt smá afsökun er ekki orðin alveg rugluð. 

6. apríl 2014

           Skelltum okkur í þriggja ára afmæli til Sigmundar Jaka í dag en hann átti afmæli í gær,  snilldarveisla, bara eins og flottasta fermingarveisla, bara gaman.  Annars er ég búin að vera ansi slæm af mígreni í dag, bara pillur og spratur til skiptis til að halda sér gangandi.   

5. apríl 2014

         Við Þorbjörn Óðinn og Guðni Reynir vorum heima í dag restin af fólkinu fór í Menningarferð Goða. Guðni Reynir fór svo með fólk í hestaleigu í dag og gekk bara vel.   Inga kýkti svo við í dag. Og Bjarki og Hjalti komu líka við en Hjalti kom svo aftur undir kvöld og ætlaði að sækja Kjartan Gunnar en þeir enduðu nú bara á sófanum hér.  Nú mannskapurinn kom nú frekar seint heim fannst mér, Styrmir og Selma komu aðeins við og fóru á hestbak með Arnari og gekk bara vel en farið að dimma svo þau fóru nú ekki langt.  Skilst að menningarferðin hafi bara verið skemmtileg og allir alsælir með ferðina.

4. apríl 2014

          Skaust á Selfoss eftir hádegið.  Gunni Har kom svo við hér eftir hádegið en hann er á leið í ferðalag austur að Smyrlabjörgum það verður örugglega mikið gaman. 

          Það kom maður að skoða Svörtu Gránu og leist bara vel á og ætlar að fá að tala hana í bæinn í prufu vonandi gengur það bara vel. 

         Hrossaræktardeild Goða var svo með byggingardóma hér í dag en Halla Eygló kom og stigaði fullt af hrossum.

         Krakkarnir komu svo úr bænum og auðvitað var farið á hestbak. 

3. apríl 2014

        Gunni Har er 79 ára í dag og ótrúlega sprækur til hamingju með daginn þinn elsku Gunni okkar

        Var komin á Engjó uppúr níu í morgun en nú á að fara lokayfirferð á húsið, mamma og pabbi komu og hjálpuðu með og svo koma Cloudia nýji eigandinn en hún ákvað að mála allt svo hún vildi ekkert láta þrífa of mikið.  Fór með henni í Húsasmiðjuna að kaupa málingu en hún vildi endilega fá mig með svona þarsem henni finnst hún ekki alveg nógu örugg með Íslenskuna, en þetta tókst bara ljómandi vel.  Bjössi og Guðni Reynir komu svo á L-200 og sóttu alla fjársjóðina sem voru undir súð en það var fullur pallur af listum aðalega held ég en Bjössi ætlar að fara yfir þetta og fara svo með í gáminn það sem ekki nýtist.

        Öllu fénu var svo gefið ormalyf hér í dag þannig að þá er það frá.  Nú og við buðum svo Gunna Har í mat í kvöld í tilefni dagsins og horfðum svo á Biggest loser bara gaman en ég dottaði nú aðeins yfir sjónvarpinu. 

2. apríl 2014

         Byrjaði á að fara á Selfoss í morgun og náði mér í fisk en hef ekki pláss í kistunni þannig að ég tók fiskinn með í bæinn og setti í kistuna hjá Siggu.  Eftir hádegið fór ég svo í Tysabri það var bara heilmikið að gera því ég átti að mæta klukkan eitt en komst ekki að fyrr en hálftvö og skilst að þetta verði enn þéttari dagskrá á spítalanum næst þegar ég fer en þá er uppsafn af Tysabri fólki sem ekki kemst í lyfjagjöf um páskana en það gerir ekkert til fyrst maður veit að þessu.
         Fór svo og sótti Guðrúnu Láru í vinnuna og við fóru að velja lit til að setja á logoið mitt sem hún Helga í Vaðnesi ætlar svo að setja á diskana mína, þetta veður ekkert smá flott fundum rosafallegann bláann lit.

       Nú og svo er það aðalfréttin en í kvöld skrifuðum við undir kaupsamning þannig að nú er þetta bara alveg klár erum að kaupa húsið þeirra Sverris og Karítasar,sem er semsagt Miðengi 6, samkvæmt kaupsamingi fáum við afhent 1 maí en held að það verði nú kannski eitthvað fyrr. Læt fylgja mynd af höllinni, nú svo er bara að bíða eftir pappírum svo Guðni Reynir og Sigrún geti keypt okkar hús bara spennandi.

1. apríl 2014

         Kom við á Engjó þegar ég kom úr bænum í dag, allt að verða klárt en það á að afhenda húsið 4. apríl þannig að þetta verður allt orðið agalega fínt þá.  Var annars ansi léleg í hausnum í morgun langt síðan ég hef fengið svona leiðinlegt mígrenikast en nú er það búið en á örugglega eftir að verða léleg næstu daga en þetta gengur yfir nú og svo er það Tysabri á morgun.

30. mars 2014

           Fórum í morgun á Engjó og  sóttum fullt af dóti, enn er nú samt eitthvað sem á eftir að kýkja yfir.  Eftir hádegið fórum við Inga í bæinn í fermingarveislu en það var verið að ferma hann Þorgeir hjá Jósep og Regínu.  Þetta var hin flottasta veisla eins og við var að búast.  Nú svo þegar við vorum komnar heim þá var hún Alísa komin með vott af hrossasótt og Svenni kom og gaf henni eitthvert sull, hryssan var orðin skárri í gær vonandi nær hún að hrista þetta af sér.  Bragi kom svo hér og tók myndir af hrossum en sá að það er komin mynd af Dynjanda inná facebook og eins af Svörtu Gránu en hún er til sölu.

29. mars 2014

          Heilmikið stússast í hrossum í dag.  Veðrið alveg frábært.  Gunnar og Hulda komu hér í mat í kvöld og voru að skoða sig um á bænum enda krakkarnir að fara að flytja uppí sveit.  Inga og Reynir kýktu svo við.  Sá svo að það voru ekkert smá flott norðurljós í kvöld.  

28. mars 2014

          Kjartan Gunnar og Baddi mættu hér í morgun og voru að hjálpa Guðna Reyni að rýja.  Siggi kom svo eftir skóla og Brúney eftir vinnu.  Ég skaust svo á Selfoss með tengdó eftir hádegið það er alveg sama hvað maður verslar ég gleymi alltaf eitthverju og nú var það mjólkin sem ég gleymdi en Sigga og Arnar komu með mjólk austur þegar þau komu.  Gunni Har kýkti svo við í kaffi.  Krakkarnir fóru svo á hestbak þegar þau komu úr bænum og svo fóru Bjössi, Reynir, Sigga og Arnar á Flúðir að fylgjast með Dóra keppa en held að það hafi verið fimmgangur í uppsveitadeildinni í kvöld 

27. mars 2014

          Guðrún Lára, Sigga og Þorbjörn Óðinn komu hér í dag en það er verið að skipuleggja húsnæði bara spennandi.  Sigga fékk svo hringingu um að mæta í atvinnuviðtal á mánudeginn, en svo bara hringt í hana í kvöld, og henni sagt að hún væri búin að fá vinnuna sem hún sóttu um og fór í viðtalið útaf um síðustu helgi já og aftur á mánudaginn.  Þetta er rosaspennandi en þetta er semsagt í Laugarásnum í bænum og er meðferð og endurhæfing fyrir byrjandi geðrofssjúkdóma, þetta er rosa spennandi og leggst vel í Siggu, nú og svo gerir þetta svo mikið fyrir hana varðandi námið, allt svona telur þegar kemur að því að fara í framhald eftir BS námið.

       Við Vala fórum svo í leikhús í kvöld og sáum Bróðir minn Ljónshjarta sem var sýnt í Litla leikhúsinu við Sigtún á Selfossi rosa gaman takk fyrir okkur. 

26. mars 2014

         Sigga var í skólanum fram að hádegi, en þá fór ég austur, verslaði aðeins í Krónunni og kýkti svo í kaffi til Sigrúnar og Huldu. 

25. mars 2014

         Sigga fór í skólann í morgun og eftir hádegið fórum við og heimsóttum Guðrúnu Láru ég fór reyndar aðeins fyrr því ég þurfti að fara og ná í tölvuleik fyrir Dóra, þakkaði svo fyrir mig í búðinni og bauð góða helgi hehe var beint á að það væri bara þriðjudagur.....

         Nú og þar sem ég var í bænum skellti ég mér á aðalfund fjár og hjarðhundadeildarinnar, þetta var bara gaman. 

24. mars 2014

          Var komin í bæinn fyrir hádegi, byrjaði á að koma við hjá konu sem ég fékk leikgrind hjá vá þvílíkur munur og Þorbjörn Óðinn alsæll.  Sótti svo flakkarann í viðgerð, en hann var í raun ónýtur en var í ábyrgð, en þeir björguðum gögnum sem ég er nú ekki viss um að ég myndi borga fyrir aftur,  flakkarinn fullur af allskonar, og allt sem var búið að setja í möppur og flokkar er út um allt allar myndirnar ómerktar, verður helling vinna að koma þessu í lag.

      Sigrún og Guðni Reynir fóru svo í sónar eftir hádgið í bænum og loksins er komin dagsetning á erfingjann en það er 2 okt, getum bara ekki beðið mikið er þetta nú gaman, allt að gerast. 

       Það var svo hóaði í Siggu aftur í atvinnuviðtal sem er mjög spennandi nú er bara að krossa fingur og vona að hún fái vinnuna. 

        Við Þorbjörn Óðinn fórum svo að heimsækja hana Áslaugu á meðan foreldrarnir fóru í ræktina.  Hittum Áslaugu í hesthúsinu sem bara bara gaman og litli gullmolinn eins og engill eins og alltaf. 

23. mars 2014

          Krakkarnir fóru í bæinn uppúr hádegi en spáin var ekkert spennandi fyrir seinnipartinn.  Skaust svo í kaffi í Vaðnes en nú er verið að spá í diska, mjög spennandi hugmynd sem ég ætla að reyna að koma í framkæmd með hjálp Helgu nöfnu minnar.   Nú svo koma Guðni Reynir og Sigrún heim í kvöld eða þau eiga að lenda um ellefu leitið, spurning hvort þau gista svo hjá Siggu og Arnari eða koma yfir heiðina í nótt og enda á Selfossi en það fer nú bara eftir veðri.  Bragi kýkti hér við í dag en við erum búin að gera hesta/smíðadíl nú og Gunni Har kýkti líka við.

22. mars 2014

Sigrún á afmæli í dag og orðin 21 til hamingju með daginn þinn elsku Sigrún mín

       Þetta var ansi stór dagur í dag, Sigga og Arnar skutust í bæinn en Sigga fór í atvinnuviðtal fyrir sumarvinnu.  Sverrir tók upp eitthvað af videoum af hrossum og svo var riðið út.  Slatti af kjöti skorið og horft á fótbolta, en aðalfólkið var í London.  Guðni Reynir og Sigrún eru semsagt í London, Guðni Reynir var búinn að athuga hér heima með miða á Chelsea leikinn en fékk ekki svo í gær þegar hann var kominn út fór hann á Chelsea hótelið og spjallaði við dyravörðinn sem þekkti strák um leið og sá reddaði miðum á leikinn fyrir þau.  Þau sáu klárlega ekki eftir að hafa farið á leikinn en Chelsea vann Aresenal 6-0 það dugði þó ekki til að Liverpool stelpan félli fyrir Liverpool en svo vann víst Liverpool ansi stórt í dag líka.  Eftir leikinn fóru þau í London Eye og mér skilst að þegar þau voru þar efst uppi þá fór Guðni Reynir á skeljarnar og krakkarnir eru trúlofuð :=) þau fengu fullt af klappi en London Eye er útsýniststaður svona eins og Parísarhjól, þau fengu klapp og alles en held að hver bás eða klefi tekur ca 15 manns þetta er klárlega ógleymanlegt, til hamingju með daginn ykkar elsku Guðni Reynir og Sigrún. 

21. mars 2014

         Skaust austur Ormsstöðum í morgun til hennar Guðnýjar að sækja mér smá sykursaltað svínakjöt.  Eftir hádegið fór ég svo á Selfoss, kýkti í kaffi til Huldu mömmu hennar Sigrúnar, kom svo við hjá Sverri þar sem ég plataði hann til að skanna inn pappíra sem þurfti svo að senda á Laugarvatn til byggingarfulltrúans,  verslaði smá í krónunni og sótti svo skeifur fyrir karlana.  Gunni Har kýkti svo við hér seinnipartinn, Sigga, Arnar og Þorbjörn Óðinn komu svo líka austur en það var víst ansi blint á leiðinni austur en þetta hafðist nú allt saman.   

20. mars 2014

         Guðni Reynir og Sigrún komin til London en þau fóru í bæinn í gær og gistu hjá Siggu og Arnari en spáinn var nú ekkert spennandi svo það var ágætt að þurfa ekki að fara yfir heiðina í nótt.

       Við Bjössi fórum á Selfoss í dag en nú var semsagt kominn tími á að skrifa undir kaupsamninginn á Engjó en Sverrir er semsagt búinn að selja húsið fyrir okkur, líst voða vel á kaupendurnar en þau eiga örugglega eftir að gera þetta rosalega fínt og flott verður spennandi að sjá hvort þau taka garðinn í geng.  Nú annars er bara verið að reyna að temja eitthvað af þessum hrossum nóg er víst af þeim, en svosem dálítið af spennandi hryssum sem  við eigum, en Adamsdóttir, Aronsdætur, Dugsdóttir, Ágústínusardóttir og Sporðsdóttir já og Illingdóttir þetta er nú ekki amarlegt og svo á Dóri graðhest sem er undan Tón frá Ólafsbergi ætla rétt að vona að einhvað af þessu komist nú í þokkalega í gengum dóm í vor. 

19. mars 2014

Guðni Reynir á afmæli í dag orðinn 25 ára til lukku með daginn þinn Guðni minn.

         Kom austur í dag ca um kaffileitið, kom aðeins við í krónunni og verslaði smá.  Gunni Har kýkti við í kaffi, Kjartan Gunnar var að járna og kýkti svo við og Brúney kýkti líka við hér.  Guðni Reynir og Sigrún eru svo á leið í afmælisverð til London bara gaman hjá þeim, en þau koma svo aftur heim á sunnudagskvöldið.

18. mars 2014

        Við Þorbjörn Óðinn kýktum til Guðrúnar og Óðins í dag, Þorbjörn Óðinn er aldeilis kominn á fullt skrið, og fannst bara æði að komast um allt hús á fullri ferð held að hann hafi afrekað að skríða inní hvert einasta herbergi í húsinu og skoða sig um, enginn smá munur á einni vikur, en hann fór nú ekki mikið um fyrir viku, svo nú er friðurinn búinn :) 

16. mars 2014

           Krakkarnir komu held ég ekki heim fyrr en undir morgun, þannig að það verður örugglega sofið frameftir í dag.  Annars bara þokkalegt veður en þó éljagangur.  Heyrði í utanlandsförunum í morgun og bara gaman hjá þeim enda ekki von á öðru svosem. 

15. mars 2014

Kristín á afmæli í dag og búin að ná mér í bili þar til í vor til lukku með daginn þinn mín kæra

          Frelar leiðinlegt veður allavega ekkert spennandi að fara á hestbak skilst mér.  Eftir hádegið skelltum við Sirrý okkur á vinnufund hjá kvennfélaginu, líst bara nokkuð vel á.  Krakkarnir fóru svo á Engjó í kvöld en það var semsagt kveðjupartý en það er búið að selja húsið og á bara eftir að skrifa undir, sem verður væntanlega gert í næstu viku. 

14. mars 2014

         Skaust á Selfoss og sótti þurrkarann minn úr viðgerð.  Verslaði inn fyrir helgina og var komin heim um kaffileitið.  Krakkarnir komu svo úr bænum eftir kaffið en færðin var bara fín.  Guðni Reynir fór svo á Selfoss eftir að hafa gefið rollunum sínum.  Held að það hafi ansi margir farið á hestbak hér í kvöld en ótrúlegt hvað það er bjart lengi orðið, enda svosem hvítt yfir. 

13. mars 2014

         Skaust á Selfoss í dag með þurrkarann í viðgerð.  Kom aðeins við á Engjó og hitti Hjalta sem var heima.  Gunni Har kýkti svo í kaffi.  Veðrið aðeins risjótt, snjór og slydda en samt ekkert kalt þannig að það er nú ekki víst að þessi snjór tolli mikið. 

12. mars 2014

          Fór um hádegi og hitti Hauk Hjalta taugalækni, lá bara vel á honum og ég fæ að vera á Tysabri áfram, leifið mitt rennur út á morgun sá hann þannig að hann sækir um nýtt.  Hann sýndi mér svo um hvað þessi blóðprufa snérist sem ég fór í um daginn en þar var niðurstaðan 0.9 og miðað við hvað ég er búin að vera lengi á Tysabri (búin að fá lyfið 51 sinni) þá eru semsagt 0,04% líkur á að ég fái heilabólgu svo það er nú ekki mikið.  Var svo komin heim um kaffi leitið.  Búið að vera fínt veður en nú er farið að snjóa og snjóar bara grimmt undir kvöld. 

11. mars 2014

         Við Þorbjörn Óðinn heimsóttum Guðrúnu og Óðinn seinnipartinn á meðan foreldrarnir fóru í ræktina en nú á að taka á því.  Annars bara allt í rólegheitum. 

10. mars 2014

          Fór í bæinn í morgun en Sigga þarf í skólann í dag, veðrið bara ágætt svona fyrripart dags en frekar leiðinlegt seinnipartinn. 

9. mars 2014

        Sigga og fj fóru í bæinn um hádegið, Dóri fór svo að dæma folaldasýningu með Palla eftir hádegið.  Gunni Har kýkti við í dag.

        Aron litli er kominn með ælupest þannig að hann er fjarri góðu gamni, en held að kvótinn hans hljóti að vera að verða búinn.  Annars bara snjóað smá í dag en ekkert að veðri svosem, sérílagi fyrir svona innipúka eins og mig.   

8. mars 2014

         Skutlaði Sigrúnu og Aroni á Selfoss um hádegið og ætlaði að taka Þóru Betu á rútunni en hún var rétt lögð af stað úr bænum þegar heiðinni var lokað þannig að hún komst því miður ekki með okkur á leikritið í Aratungu í kvöld.  Vorum svo mætt í matinn um sex leitið en það endaði bara með því að við vorum 7 sem mættum.   Sáum svo leikritið Barið í brestina sem var rosa skemmtilegt þar sem allir fóru á kostum og mín gamla skólasystir hún Heiða var í aðalhlutverki og þvílíkt flott eins og við var að búast.  Held að við höfum verið komin heim um ellefu leitið takk fyrir okkur þetta var æði. 

7. mars 2014

         Það hefur aðeins bætt í snjóinn en enn enginn blásur að ráði.  Kjartan Gunnar kom í dag og járnaði fyrir Dóra en Dóri er nú ansi aumur í handleggnum en vill samt alls ekki verkjalyf.  Gunni Har kýkti svo við í dag, og allir krakkarnir komnir heim þannig að það eru bara allir heima.  Það var svo aðalfundur Goða í Hólmarshöllinni í kvöld en Miðengismenn fóru með þrjár hryssur úr okkar ræktun og riðu í nokkrra hringi svona bara til gaman og gekk bara vel held ég. Alir komnir snemma heim og bara rólegheit í kotinu. 

6. mars 2014

        Aðeins hefur bætt í snjóinn hér og rosalega fallegt að horfa yfir, logn og smá frost og allt hvítt.

 Byrjaði daginn á því að fara að Hömrum og skrifa fyrir Auði og Sigga en það var fósturvístatalning í fénu þar í gær.  Alltaf gaman að því, frétti af fósturvísatalningu fyrir norðan þar sem sónarnum var skellt á tíkina á bænum og 4+ hvolpar á leiðinni, það voru kannski mistök að taka tengdadótturina ekki með í talningu en þau eiga ekki sónar fyrr en 24 mars og ég frekar óþolinmóð að vita dagsetningu og hvort það séu nú fleiri en eitt allavega er daman orðin ansi myndarleg.  Eftir hádegið fór ég svo í bæinn með Dóra en hann fór í aðgerð en það var tekinn af honum fæðingarblettur fyrir nokkrum árum og nú var aðeins að koma litur í örið aftur svo bletturinn var aftur tekinn en það var lýtalæknir sem tók þetta og lagaði örið í leiðinni.  Við stoppuðum aðeins hjá Siggu og Þorbirni Óðni ég passaði drenginn og Sigga skutlaðist með Dóra í aðgerðina á meðan.

       Nú svo kýktum við Bjössi aðeins á Sverri og Karítas, Jonni kýkti hér við og horfði á meistaradeildina með Bjössa og Dóra. 

5. mars 2014

         Fór í Tysabri eftir hádegið í dag og gekk bara vel, brunaði svo bara austur seinnipartinn en það var nú ekki orðið eins leiðinlegt veður og ég átti von á.  Karlarnir fóru svo í Hólmarshöllina með ein fjögur hross en þeir voru að sjá hvernig þau kæmu út inní reiðhöllinni en það á að sýna eitthvað af hrossum á aðalfundi Goða sem verður bara gaman, vona bara að fólkið mæti með eitthvað af hrossum.

        Krakkarnir fóru svo með Þorbjörn Óðinn til læknis í dag en hann er búinn að vera hálflasinn í 10 daga, og það kurrar ansi mikið í honum en sprækur annars, nú læknirinn skoðaði hann og það er ekkert ofaní honum og eyrun fín þannig að ef hann fær ekki hita þá er hann bara í góðum málum ;) 

4. mars 2014

           Við Sigga og Þorbjörn Óðinn fórum til Guðrúnar Láru í eftir hádegið sá stutti rosa kátur að hitta ömmu sína eins og alltaf.  Krakkarnir þurftu svo að snúast eitthvað,  en ég Þorbjörn Óðinn lagði sig og ég beið eftir að hann vaknaði sem var nú ekki fyrr en  um hálf sjö, enda var hann ekki alveg til í að sofna snemma í kvöld bara partý hjá honum og mikið stuð. 

3. mars 2014

           Aðeins spáð og spöglerað í húsbyggingu hér í morgun,  fór svo með Skódann í skoðun en hann flaug í gegn.  Fór  svo um hádegið í bæinn með Þorbjörn Óðinn en Sigga var í prófi í morgun og gekk bara vel. 

2. mars 2014

        Fór á Selfoss í dag og kýkti á Huldu, Gunnar og Sigrúnu en svona lokapæling á teikningum áður en það verður rokið í að teikna á fullu.  Var svo heppin að komast í bollukaffi ekkert smá flott og takk fyrir mig. 

        Þorbjörn Óðinn aðeins pirraður í dag en nú erum við farin að finna fyrir tönninni og gott ef það er ekki sprungið fyrir annarri í neðri góm, nú svo er hann líka með kvef litli karlinn en ótrúlega hress samt sem áður. 

1. mars 2014

        Sá í morgun þegar ég var að gefa Þorbirni Óðni grautinn sinn að það er sprungið fyrir fyrstu tönninni. loksins orðinn 9 1/2 mánaða.  Það var svo heilmikið farið á hestbak hér í dag, ég bakaði slatta af bollum og Gunni Har kom í bollukaffi en hann hafði verið í bíltúr, fór inná Hofmannaflöt en hvergi rollu að sjá, hann kom svo við í Mjóanesi en Jói var búin að kýkja aðeins í garðinn og klárlega fé þar en það vill ekki láta sjá sig enda vonrblíða úti.

      Sigrún hans Guðna búin að vera að vinna í allann dag, en þetta er vinnuhelgi hjá henni.  Skutlaði Siggu, Dóra og Helgu í Klausturhólum á Selfoss í kvöld en þau ætluðu að kýkja á Bjarka og Ása held ég veit ekki með Hjalta hvort hann var heima eða hvað, þannig að það er alltaf nóg að gera. 

28. feb 2014

          Vorum boðin í mat til Magga og Sirrýar í kvöld ásamt Bensa og Kristínu, Jonna og Lindu, Ingþór og Huldu og svo Sveini og Kristínu.  Matarboðið var í tilefni þess að nú eru þau komin með lögheimili í sveitarfélaginu sem er bara algjör snilld.  Maturinn var algjört æði eins og við var að búast.  Takk fyrir okkur.  Sigga og Þorbjörn Óðinn komu svo í sveitina en nú á að læra fyrir próf sem er á mánudaginn en hef nú ekki miklar áhyggjur af því þetta virðist ganga ljómandi vel hjá Siggu. 

27. feb 2014

         Fórum af stað rétt fyrir hádegið og kýktum í bæinn á Siggu og Þorbjörn Óðinn hann er nú aðeins slappur en ber sig agalega vel.  Brunuðum svo vesur í Búðardal en þar er Toni að opna bílaverkstæði, já og stálsmiðju held ég allavega er þetta rosaflott ekkert smá stórt hús og bara æðislegt í alla staði, brunuðum svo af stað suður aftur og vorum komin heim um hálfníu.  Fórum á Raminum, og ákváðum að mæla eyðsluna og þegar heim var komið stóð mælirinn í 12,1 held að það sé vel ásættanlegt á svona stórum bíl, með smá rúnt í Reykjavík og upp og niður Hellisheiði, Bröttubrekku já og Mosfellsheiði þannig að ég er alsæl með bílinn, verst hvað ég fæ orðið lítið að vera á honum, en Dóri er ansi duglegur að nota bílinn,  hef hann grunaðann um að þrufa að flytja eins spítu á dag hingað uppí sveit og þá það stóra að hún kemst ekki í hans bíl hehe bara snilld hjá honum.

26. feb 2014

         Var komin austur uppúr hádeginu, og það fyrsta sem ég sá hér á hlaðinu var Óðinn fóðureftirlitsmaður, svo ég fann til gæðastýringarmöppuna svo allt væri nú klárt.  Þetta slapp allt í geng en ansi eru orðnar miklar reglur, en þetta slapp nú samt til, skilst að það sé bara sett í pott allir bæirnir og svo dregið úr hverjir eru heimsóttir, þannig að við vorum dregin út í ár en það verður ekki farið á alla bæi skildist mér.  Þannig að það er ekkert víst að það verði komið aftur hér að ári.  Á morgun ætlum við svo að kýkja í Búðardal til Gróu og Tona en þar er verið að opna nýja fyrirtækið þeirra, bara spennandi. 

25. feb 2014

         Enn fá krakkarnir ekki tíma í sónar þetta er alveg magnað og báðar ömmurnar orðnar ansi óþolinmóðar að fá að vita dagsetningu já eða bara í hvaða mánuði er von á barni.  En set inn fréttir um leið og þær berast.  Þorbjörn Óðinn er aðeins slappur já og pabbi hans líka mikið kvef og leiðindi en vonandi er þetta nú að rjátalst af þeim en Guðrún Lára kýkti við í dag og ekkert smá sem drengurinn var kátur að sjá ömmu sína.   Siggu gekk bara ljómandi vel í prófinu í dag sem er bara frábært.

24. feb 2014

       Fór í bæinn seinnipartinn í dag, en Sigga fer í próf á morgun og ég ætla að knúsa drenginn á meðan. 

23. feb 2014

         Fólk vaknaði missnemma hér í dag held að það hafi verið að tínast framúr alveg framundir kaffi þeir þreyttustu.  Nú ég skutlaði Þóru á rútuna og Hjalti Pétur fékk far á Selfoss notaði tækifærði og náið í konudagsköku, og vá hvað þetta er góð kaka.  Gunni Har kýkti svo við, Kjartan Gunnar kom líka og svo droppaði Brúney við í kaffi líka, þannig að það er svosem engin lognmolla í kotinu frekar en vant er.  Allir krakkarnir svo farnir nema Dóri sem sefur nú oftast heima hjá sér.  Fór svo snemma að sofa enda alveg búin með orkuna mína. 

22. feb 2014

          Tengdamamma kýkti hér við í dag, nú og Miðengismenn og konur fóru í þorrareiðtúrinn á Selfossi í dag held að það hafi verið keyrðir 7 hestar á Selfoss þannig að þetta var slatti af fólki héðan.  Sigga og Sverrir voru svo fyrst heim með eina kerru af hrossum.  Gróa, Toni, Stebbi og Hildur komu svo en þau voru að koma í afmælið hans Kjartans Gunnars.  Allur mannskapurinn fór svo í afmælið hans Kjartans Gunnars og litli Þorbjörn Óðinn fór með.  Við fórum svo heim um tíu leitið en ég sótti svo þá sem vildu koma heim uppúr eitt en Guðni Reynir og Sigrún voru þá komin heim og litlu eftir litla manninum sem var sofnaður.  Snilldarafmæli var mér sagt, tókst rosavel og ofsalega gaman.

21. feb 2014

Það er orðið opinbert að það er von á barni hjá Guðna Reyni og Sigrúnu enda farið að sjá á stelpunni svo það er ekki eftir neinu að bíða með að segja frá, dagsetning kemur síðar, en ágúst gera þau ráð fyrir. Þetta er bara æðislegt.

         Gunni Har kom hér við í morgun en hann er búinn að vera á Sparidögum á Örkinni ásamt eldriborgurum úr Grímsnesinu og víðar að, tengdó vor þar líka og allir rosakátir með þetta eins og alltaf.  Fór svo á Selfoss og sótti Þóru sem kom með rútunni. Guðni Reynir, Sigrún og Aron Rafn komu svo heim um kaffiletið. Fórum svo í matarklúbb í Klausturhólum en við héldum klubbinn ásamt Gumma og Leifu, vorum með bjórkjúkling, þetta tókst rosalega vel eins og alltaf, næstum full mæting en Mæja var að vinna en allir aðrir gátu mætt.  Vorum svo komin heim uppúr miðnætti en þá voru Sigga, Arnar og Þorbjörn Óðinn nýkomin heim. 

         Dóri keppti svo í uppsveitadeildinni í kvöld og viti menn hann lenti í fjórða sæti sem er bara flott en að þessu sinni var hann á Tón frá Austurkoti. 

20. feb 2014

          Fór á Selfoss til tannlæknis í morgun, og kýkti svo í kaffi til Huldu mömmu Sigrúnar, en Guðni Reynir og Sigrún voru heima bara gaman að því mikið spjallað eins og alltaf. 

          Annars svosem lítið um að vera, ja nema það var brotist inní tvo bústaði hér í Kjarrenginu um síðustu helgi eða mánudag ekki alveg klár á dagsetningunni frekar ömurlegt það og vonandi nær löggann í rassgatið á þessu liði en maður er nú samt ekki bjartsýnn á það. 

19. feb 2014

Kjartan Gunnar hálfsextugur í dag allavega reiknast Guðna það út en stákurinn er þrítugur til lukku með daginn þinn elsku vinur.

         Ansi hvasst í dag var að koma úr bænum en fór yfir heiðina uppúr hádegi en þá var nú veðrið alveg í lagi, fékk svo flottann ferðafélaga en hún Hulda María fékk far með mér en hún var á leið til Huldu ömmu sinnar en það er víst vetrarfrí í skólanum þessa dagana.

          Afmælisbarnið kýkti svo við hér í dag, og ber aldurinn bara vel. 

18. feb 2014

           Aðalfundur Sauðfjárræktarfélagsins Barms var í kvöld en ég var í bænum og missti af þessu og þetta fór alveg fram hjá Guðna Reyni.  Hann Lukku Láki okkar fékk víst 5 sæti í veturgömlu hrútunum en hann er bæði kollóttur og flekkóttur en félagið hér er það lítið að það er ekki sér flottur fyrir kollótt eða mislitt.  Þannig að þetta er bara flott. 

17. feb 2014

              Rollan drapst úr Hvanneyrarveiki í gær, og það sem er merkilegt við það finnst mér er að mamma hennar drapst líka úr Hvanneyrarveiki, en það var ca árið 2011 og tvær gimbrar undan rollunni hafa líka drepist úr Hvanneyraveiki og þrjár af fjórum drepist 16 en ekki allar í sama mánuði.  En það eru nú samt ekki allar dauðar af þessu kyni en sjáum til hvað verður.  Nú svo voru hrossin sótt sem voru í Gölt en þar vantar eina rauðstjörnótta hryssu frekar fúlt svo ef einhver hefur séð rautt mertryppi á þvælingi þá endilega að hafa samband.

16. feb 2014

           Gunni Har kýkti við hér í dag en hann er á leið á Sparidaga á Hótel Örk, tengó kýktu líka við, annars er ég nú bara búin að láta fara vel um mig í sófanum mínum lesa smá og hafa það gott er í eitthverju letistuði í dag.  Skildist að eins og eitt vatnsrör hefði gefið sig í hesthúsinu.  Nú ein rolla með Hvanneyrarveiki en held að hún sé dauð á nú eftir að heyra betur í Guðna með það en hann er farinn á Selfoss er hjá sinni konu eðlilega og krúttsprengjunni honum Aroni Rafni.  Hjalti Pétur kýkti aðeins við hér að sækja jakkann sinn sem hann tapaði á þorrablótinu en jakkinn hafði orðið eftir í rútunni.

15. feb 2014

           Mamma og pabbi kýktu við í dag en karlarnir hér fóru og sóttu slatta af ofnum uppí bústað.  Ég og tengdamamma fórum svo uppúr hádegi með hvolpinn uppá völl, var nú búin að hafa smá áhyggjur af þessu hvernig þetta myndi ganga, en fólkið sem sótti keypti hvolpinn kom frá Amsterdam lenti 15.20 og brunaði í gegnum fríhöfnina og tók smá toll handa mér, þau gripu svo hvolpinn og innrituðu hann en þau áttu svo flug út klukkan 17.00 en þetta gekk bara eins og smurt.  Við fórum svo til Siggu og Arnars og þaðan fórum við í Egilshöllina í keilu, en Jonni og Linda komu með allt sitt fólk og Höddi, Magga og Ingi Sveinn, við Bjössi með okkarhóp og tendó mættu þetta bara bara gaman.  Þorbjörn Óðinn stóð sig eins og hetja sat í fanginu á mér og hagaðist bara ekki, horfði bara á og kippti sér ekkert upp við lætin í pabba sínum, svona þegar vel gekk,  mitt lið skiptist á að spila fyrir mig og mér gekk bara rosalega vel 3 fellur held ég bara sem er rosa gott miðað við að lyfta ekki litla fingri.  Hópurinn kýkti svo aðeins í Langagerði en ég fór á Skógarveginn með ÞÓA sem var bara í stuði.  Sótti svo Bjössa og Dóra þegar Sigga, Arnar og Sævar Ingi voru komin á Skógarveginn,  vorum komin heim uppúr eitt í nótt held ég örugglega.

         Dóri var svo að keppa á Alísu í unghrossaflokki en gekk nú ekki nógu vel skildist mér en Traustamenn og konur röðuðu sér í efstu sætin á mótinu í fullorðins flokk held ég, Loga menn og konur þurfa nú að fara að spíta í lófana :) en þetta var vetrarmótið en held að þetta séu þrjú mót.

14. mars 2014

          Krakkarnir allir heima í dag, en Bjössi, Sigga og Arnar fóru svo í Fákasel ásamt Jonna, Lindu og co þar sem Sævar Ingi á afmæli í dag, skildist að þetta hefði bara verið gaman, ekki margt fólk, og greinilega gert fyrir útlendinga en semsagt bara flott.  Allir snemma að sofa í kvöld. 

13. feb 2014

         Það gekk bara vel hjá Dóra að komast í bæinn í gær þökk sé GPS ;) hann fór svo til læknis í morgun sem vill endilega laga örið eftir fæðingarblettinn sem fyrst, honum finn eins og það sé að koma litur í þetta aftur svo Dóri á tíma í aðgerð 6 mars held ég örugglega.  Nú varðandi tvíburabróðirinn sem þarf að kýkja á þá er það annar læknir sem sér um það. 

         Skildist á Dóra þegar hann kom heim að það hefði verið rosa stuð á þeim frændum í gær, Þorbjörn Óðinn var algjörlega í essinu sínu og fannst Dóri rosa skemmtilegur, Ási var líka í heimsókn og ekki þótti drengnum það leiðinlegt heldur, gaman að geta hlegið að tveimur gaurum, allavega mikið stuð á þeim stutta.

12. feb 2014

           Allt við það sama í sveitinni, þó er það að frétta að við þurftum að láta svæfa hundinn Skjóna vegna þess að hann fékk ítrekuð flogaköst sem er bara agalegt.  En svona getur þetta verið.  Annars er Dóri á leið í bæinn í kvöld og ætlar að gista hjá Siggu og Arnari en hann þarf að kýkja til læknis á morgun í bænum, eins gott að senda hann með GPS tækið svo hann komist nú á leiðarenda, verra ef hann endar norður í landi en hugsa nú að hann myndi átta sig þegar hann sæi göngin já og jafnvel fyrr.  Gunni Har kýkti svo við í kaffi í dag. 

8. feb 2014

            Hér var riðið út í dag eins og flesta aðra daga, vinur Arnars og hans kona komu og fóru á hestbak en Sigga verður víst aðeins að bíða með að fara á hestbak.  Kjartan Gunnar kýkti við, mamma og pabbi komu líka við, nú svo var boltinn í sjónvarpinu hér í allann dag og gott ef allir  voru ekki bara kátir ja nema ég kannski sem vil nú gjarnan horfa á eitthvað annað en bolta en svona er þetta bara. 

7. feb 2014

            Sigga var bara nokkuð spræk í  dag en orðinn dálítið lúinn í kvöld, krakkarnir komu austur nú og þegar ég fór austur eftir að Arnar kom heim úr vinnunni þá sótti ég tengdamömmu til Rúnu en hún er flutt í íbúð í Árskógum og ekkert smá flott.  Við komum svo við í Krónunni áleiðinni heim.  Nú Engjó er kominn á sölu og það kom fólk í dag að skoða sem leist bara vel á skildist mér á Sverri, þannig að hver veit hvað verður en svo eru krakkarnir að fara að byggja sér hús hér það er að segja Guðni Reynir og Sigrún þetta verður nú bara gaman. 

6. feb 2014

            Sigga og Arnar voru mætt uppá spítala uppúr sjö í morgun en Sigga var á leiðinni í keiluskurð þar sem það fundust annars og þriðja stigs frumubreytingar í krabbameinsskoðun, aðgerðin gekk bara vel og hún komin heim uppúr hádegingu, Arnar var svo á rúntinum í kringum Siggu en við Bjössi vorum með Þorbjörn Óðinn  á meðan Arnar sótti Siggu en nú má hún ekkert halda á barninu í viku sem verður örugglega erfitt hjá henni en hún getur kúrt í hann þó svo honum henti nú ekki að vera mikið kyrr.  Guðrún Lára og Óðinn kýktu svo við hjá krökkunum seinnipartinn.  Mikið gott að þetta er búið.  Heyrði í fréttum að það stæði jafnvel til að byrja þessa krabbameinsskoðun ekki fyrr en konur eru orðnar 26 ára,  ef sú regla hefið verið komin á laggirnar hefði Sigga ekki farið fyrr en eftir þrjú ár í skoðun spurning hvort þetta hefði ekki verið orðið eitthvað verra þá.

5. feb 2014

             Búin að vera í bænum og í dag er það Tysabri, fékk að vita niðurstöðuna úr blóðprufunni þar sem 0,7 er lítil hætta á heilabólgu og 1,5 er það mikil hætta á heilabólgu að fólk er látið hætta á Tysabri, mín niðurstaða var semsagt 0,8 :) sem er bara rosalega flott svo ég fæ að vera áfram á Tysabri, svo þegar ég kom heim til Siggu og Arnar voru Freydís og Fannar í heimsólk alltaf gaman að sjá þau :) 

2. feb 2014

         Við Þorbjörn Óðinn fórum nú í fyrra fallinu að sofa.  Klukkan hálffimm í morgun var enn fólk á ferli og þá í pottinum en það voru Kjartan Gunnar og Steinunn.  Gróa og Toni kýktu svo við í morgunkaffi áður en þau vóru vestur, gerði svo talningu í hádeginu og eftir að hafa kýkt í öll herbergi þá taldist mér að enn væru í kotinu 13 fullorðnir og svo aðal maðurinn hann Þorbjörn Óðinn.  Sigga, Arnar, Þorbjörn Óðinn og Þóra fóru svo í bæinn uppúr hádeginu, Kjartan og Steinunn fóru líka á svipuðum tíma, Kjartan kom svo aftur í kvöld og sótti Bjarka og Hjalta, Sigrún og Guðni Reynir fóru svo á Selfoss um kvöldmatarleitið þannig að við Bjössi vorum orðin eftir ein í kotinu með Dóra. 

Reikna svo ekki með að geta uppfært næst fyrr en næsta föstudag þann 7 feb en skal reyna að leggja á minni það sem mér finnst merkilegt þangaði til.

1. feb 2014

       Annar í þorra í dag, hafragrautur og tilheyrandi hjá Lindu og Jonna svo far farið á hestbak og endað á að koma hér inn í kjúklingasúpu bara frábær dagur og tókst allt bara ljómandi vel held ég.  Ingþór og Hulda kýktu og eins Adam og Hafdís.

31. jan 2014

          Gróa og Toni komu austur í dag, Sigga, Arnar, Þorbjörn Óðinn og Þóra komu líka en það var semsagt þorrablót í kvöld.  Held að það hafi verið tæplega tuttugu manns sem fóru á blótið héðan en ég var svo heppin að gera verið heim með Þorbjörn Óðinn.

30. jan 2014

Hann Toni er fimmtugur í dag til hamingju með daginn þinn kæri vinur

           Tengdamamma rölti hér niður á bæ í morgun.  Fórum svo á Selfoss eftir hádegið og aftur er ég búin að versla fyrir helgina hehe en ætla að vera með kjúklingasúpu hér á laugardaginn en ætla að útbúa súpuna á morgun og á þá von á að þegar mitt fólk komi heim af blótinu þá verði súpan smökkuð til svo það er eins gott að gera bara helling. Fyrir 40 manns hehe en þetta eru svoddan úlfar en mér leiðist nú ekkert að gefa fólki að borða.  Brúney kýkti svo við hér í kaffi, Sigrún og Aron komu svo með Guðna Reyni heim en fóru svo aftur niðrúr í kvöld.

29. jan 2014

          Var komin austur um kaffileitið, kláraði að versla fyrir helgina hélt ég en auðvitað gleymdi ég slatta eins og alltaf.  Gunni Har kýkti svo við í dag.  Nú svo var ég í blóðprufu um daginn en það var verið að mæla títernum (eða hvað þetta nú heitir) en það er hversu miklar líkur séu á því að jákvæðni úr vírusprófinu fari illa, þar sem 0,9 eru litlar líkur og 1,7 eru ,,miklar'' allavega það slæmt að maður verður að hætta á Tysabri.  Heyrði semsagt af einni sem fór í þessa blóðprufu um leið og ég og hún búin að fá sína niðurstöðu sem var 2,9 sem er mjög slæmt og hún þurfti að hætta á Tysabri og er nú í undirbúningi undir Gylenía.  En aftur að mér, ég semsagt hef ekkert heyrt veit reyndar um aðra sem hefur heldur ekkert heyrt, kannski þurfum við að bíða þar til við eigum að mæta aftur í lyfjagjöf en sú sem fékk þessa slæmu niðurstöðu átti tíma hjá lækni í gær eða dag, sem sagði henni þetta.  Þannig að ég er bara búin að ákveða að fá mælingu undir 0,9 en fer semsagt í lyfjagjöf næsta miðvikudag og þá fæ ég að vita þessa tölu.

28. jan 2014

         Við Þorbjörn Óðinn kýktum í Kóp í dag til Guðrúnar Láru, alltaf gaman að því drengurinn alltaf þægur og góður, annars bara litið um að vera.

27. jan 2014

         Síðasti sjens að festa sér miða á þorrablótið í kvöld skilst mér og ég ætla rétt að vona að mitt fólk sé búið að ganga frá sínum málum.  Annars bara allt við það sama, frostlaust en hef nú samt trú á að það sé dálítil hálka úti.

26. jan 2014

           Kýkti aðeins í Vaðnes í dag, alltaf gaman að koma þar í kaffi.  Gunni Har kýkti við í dag, og bara ekkert að frétta hjá honum, nú  ég skaust svo aðeins til Magga og Sirrýar og fór á L-200 bílnum en svo þegar ég ætlaði heim aftur fór bíllinn ekkert í gang svo Bjössi sótti mig og ætlar bara að sækja bílinn á morgun. 

25. jan 2014

         Það fór illa fyrir Trítlu litlu hér í morgun en setti hana út eins og vant er en svo skilaði hún sér ekki inn, Bjössi fann hana svo út við hesthús þar sem hún var greinilega slösuð hef hana grunaða um að hafa verið að atast í hrossunum, brunaði með hana á Selfoss í myndatöku þar sem kom í ljós að hryggurinn var ekki í lagi ekki beint brotin heldur gengið mikið til, og var hún svæfð í framhaldinu.  Ætli hún hafi ekki viljað fylgja litlu Hjartadrottningunni sinni sem hún var svo hænd að en sú stutta kvaddi fyrr í vikunni, bara ömurlegt allt saman en þær eru þó saman í dag.

         Sigga kom svo austur að sækja drenginn, nú mamma og pabbi kýktu við, tengdamamma kýkti líka við og svo kom Malín hér eftir að hafa sýnt hvolp á hvolpasýningunni en hvolpurinn er undan Undramundi ansi snotur tík.  Dóri fór svo á ML ball sem var haldið á Borg held ég, rumskaði svo í nótt við heilmikið spjall og hélt að Dóri væri bara að taka við sjálfann sig en þá kom Hjalti með honum heim og greinilega mikið sem þeir þurftu að spjalla. 

24. jan 2014

         Bóndadagurinn er í dag til hamingju með daginn allir mínir menn

          Skaust á Selfoss í morgun, Sigga fór svo í bæinn uppúr hádeginu en Þorbjörn Óðinn fær að gista í sveitinni en foreldrarnir koma aftur á morgun.  Gunni Har kýkti svo við, var nú aðeins skakkur en hafði dottið í hálkunni á Selfossi.  Við buðum svo Gunnari og Huldu foreldrum Sigrúnar í mat í kvöld tókst bara ljómandi vel takk fyrir komuna en Sigrún, Aron, Guðni Reynir og Dóri voru líka heima. 

23. jan 2014

        Sigga og Þorbjörn Óðinn komu austur í morgun, Sigga þurfti að kýkja til læknis í Laugarási svo við fengum að hafa gullmolann.  Slatti af hrossum hreyfði í dag eins og næstum alla daga.  Birgir Leo kýkti svo við en það er verið að spá í teikningar á húsi. 

22. jan 2014

         Kom austur uppúr hádeginu, og bara rigning, fannst eins og túnin væru farin að grænka en vonandi er það vitleysa í mér.  Gunni Har kýkti svo við í kaffi, Kjartan Gunnar kom líka og svo Kýkti Hanna Kata í kvöld þannig að það er alltaf eitthvað um að vera í kotinu.  Bjössi og tendapabbi fóru uppað Fossi í dag að sækja eins og einn nautkálf. 

21. jan 2014

           Við Sigga fórum með Þorbjörn Óðinn í átta mánaða skoðun og sprautu í dag, drengurinn bara flottur þyngist og lengist eins og hann á að gera, fékk örugglega 10.  Fórum svo til Guðrúnar Láru, en stefnan er að kýkja á hana á þriðjudögum því þá er hún búin um hádegi í vinnunni.  Gaman að því hvað hún sér mikinn mun á einni viku en nú er strákurinn ekki kyrr þar sem hann er settur niður heldur farinn af stað svo nú má ekki líta af honum. 

20. jan 2014

          Lítið að frétta gekk frá ættbókunum á hvolpana í dag, þannig að þær ættu að kom uppúr mánaðarmótunum vonandi.  Þorbjörn Óðinn hitalaus en enn með aðeins sýkingu í auganu og ekki duglegur að borða, eer samt búinn að fatta að það er ekkert gaman að vera kyrr svo hann verður orðinn út um allt áður en maður lítur af honum.  Guðni Reynir alltaf að vinna í SS sem er bara gott mál, það munar um hvern daginn sem hann hefur vinnu. 

19. jan 2014

          Þorbjörn Óðinn aðeins rauðeygður í dag en enginn hiti, spurning hvort hann nær að hrista þetta af sér.  Krakkarnir fóru svo í bæinn með Þóru eftir hádegið.  Kjartan Gunnar kýkti við í dag, Gunni Har kýkti líka við þannig að það er svosem aldrei lognmolla í Miðengi sem betur fer.

18. jan 2014

          Afmælisdagurinn hennar Helgu ömmu í dag en hún hefði orðið 99 ára í dag.  Allt við það sama í dag, nema hvað Þorbjörn Óðinn er orðinn hálflasinn, kominn með smá hósa og stýrur í augað, og hita, hann hefur held ég aldrei fengið hita áður nema smá vellu í krinum bólusetningu og eins þegar hann fékk ælupest.  Við fórum svo í matarklúbb á Stokkseyri til Bigga og Mæju, það mættu allir í þetta sinn en það gerist nú ekki oft þetta tókst bara rosalega vel takk fyrir okkur.  Vorum komin heim um hálftvö í nótt held ég. 

17. jan 2014

         Hér komu ameríkanar að skoða hvolpinn líst bara ljómandi vel á þau. Mamma og pabbi kýktu svo aðeins við.  Fór svo með hvolpinn í seinni parvó hitti fullt Íslenskum hundum með eigendum bara gaman að því.  Gunni Har kýkti svo við.   Svo komu allir krakkarnir heim og Þóra kom með Siggu og Arnari. 

16. jan 2014

         Skaust á Selfoss í morgun, fór á pósthúsið með slatta af bréfum, sótti ostinn minn í mjólkurbúið, svo  var að tryggingarstofnun, fór með klukkuna Kalla úr í viðgerð, og kýkti svo aðeins í krónuna þetta var nú eiginlega alveg nóg fannst mér var samt komin heim fyrir hádegið og bara búin að láta fara vel um mig síðan.  Kjartan Gunnar kýkti aðeins við og járnaði Emma og Brynju þannig að þá eru þau klár. Annars bara allt við það sama hláka sem er nú ekki gott en gott ef ekki kom traktór hér heim í dag og sandaði hlaðið hér aldeilis flott þjónusta.

15. jan 2014

        Fór uppá spítala í morgun en nú var það blóðprufa en ég er semsagt jákvæð fyrir eitthverju, en það er semsagt ekki gott að vera jákvæður í þessu tilfelli svo nú fór ég í mælingu sem segir hversu jákvæð ég er semsagt betra að vera lítið jákvæður í þessari blóðprufu, svo er bara að krossa fingur og vona að ég sé eins neikvæð og hægt er svo ég fái nú að halda áfram á Tysabri.  Var svo framyfir hádegið hjá Siggu að leika við Þorbjörn Óðin svo hún gæti lesið smá, var svo komin austur um kaffileitið sem passaði alveg því bæði Kjartan Gunnar og Gunni Har kýktu í kaffi.  Guðni Reynir og Sigrún komu svo með Aron í fjárhúsið en fóru svo aftur á Selfoss í kvöld en Dóri er heima hjá okkur allavega. 

14. jan 2014

        Brunaði til Siggu og Þórbjörns Óðins í morgun en Sigga þurfi svo ekkert að fara í skólann það var víst hægt að sjá það á netinu.  Við Sigga og Þorbjörn Óðinn fórum svo að heimsækja ömmuna í Kóp afinn var svo kominn heim til að horfa á landsleikinn í handbolta.  Ég fékk svo aftur gistingu í Kópavoginum aldeilis flottheit á mér og takk fyrir mig þetta er bara æði, komin með herbergið hans Arnars :)

13. jan 2014

        Sigga fór í bæinn í morgun og í skólann við Þorbjörn Óðinn fórum svo eftir hádegið í bæinn, enda lá okkur ekkert á, skilaði svo af mér barninu og borðaði með þeim áður en ég fór til Guðrúnar Láru og Óðins en fékk gistingu þar. 

12. jan 2014

        Sigga og Þorbjörn Óðinn ætluðu í bæinn í dag og ég með þeim en um hádegið þegar við ætluðum að leggja í hann leist okkur ekkert á færðina já eða aðalega spánna og förum bara í fyrramálið.  Held að það hafi nú verið fært framundir kaffi en ekki mikið spennandi og við voða fegnar að vera ekki á ferðinni.  Guðni Reynir, Sigrún og Aron fóru heldur ekki á Selfoss í kvöld og Gunni Har kýkti við og var kyrrsettur þannig að það er óvenju margt heima núna á sunnudagskvöldi sem er nú bara notalegt. 

11. jan 2014

        Búið að snjóa helling, Sigga og Þorbjörn Óðinn komu austur uppúr hádeginu, Inga kýkti líka við.  Emilía og Júlía komu líka en þær eru Þýskar og eiga Álfsson hér.  Karlarnir hér voru búnir að hreinsa afleggjarann hér svo það var alveg fólgbílafært hingað heim.  Fór svo í Pizzavagninn í kvöld en það höfum við ekki gert óralengi.  Annars bara rólegheit í kotinu.

10. jan 2014

         Rólegheit í dag, seinnipartinn fór svo að snjóa og það ekkert smá.  Við Bjössi, Dóri, Jonni og Linda kýktum svo í heimsókn til Magga og Sirrýar í kvöld, nú og Björk var líka heima, rosalega gaman að kýkja og ekkert smá flott húsið orðið.  Það snjóaði bara stanslaust og orðinn ansi mikill snjór þegar við komum heim um hálfeitt.

9. jan 2014

          Skaust á Selfoss eftir hádegið kom við í Vaðnesi í heimleiðinni og pakkaði hangikjötinu mínu.  Auður og Sverrir fóru svo inná afrétt í dag og um kaffileitið hringdi og komin með sex kindur en þau fóru á fjórhjólum, við brunuðum svo inná Hoffmannaflöt en þau komu með féð þangað í næstum alveg svarta myrkri, sex kindur tvílemba frá Eyvík, rolla og lamb frá Hömrum hef grun um að hitt lambið hafi komið um daginn og svo ein rolla frá Kjartani Gunnari, kaupakind að vestan.  Held að kindurnar hafi verið við Söðulhóla allavega hluta af þeim, þannig að ekki eru þær eftir en enn á þá eftir að kýkja í Tröllhálsinn og  Víðikerin en þar gætu nú verið Miðengiskindur.

8. jan 2014

           Fór í Tysabri í morgun gekk bara vel að venju komst líka að því að ég á eftir að fara í blóðprufu sem segir mér hvort það séu meiri eða minni líkur á að ég fái heilabólgu.....það er semsagt blóðprufa sem þarf að senda erlendis og tekin líklega næsta miðvikudag en það þarf að senda þessa blóðprufu erlendis næstum samdægurs og safna saman slatta af fólki sem á eftir að fara í þessa blóðprufu.  Fer líklega í þessa blóðprufu næsta miðvikudag.

      Við Sigga heimsóttum svo Kollu voða gaman að kýkja á hana, heimsóttum svo Báru og fj en Gróa er þessa dagana í borg óttans en hún er nú alveg að klára hjúkkunámið ekki leiðinlegt það.  Ég var svo komin austur um hálfátta í kvöld.

      Auður og Sverrir stefna svo á að fara inná afrétt á fjórhjólum á morgun og athuga hvort þau sjá kindur þar. 

7. jan 2014

Dóri á afmæli í dag orðinn 19 ára til hamingju með daginn þinn Dóri minn

          Fór í bæinn um hádegið, kom aðeins við hjá Siggu og litla gullmolanum en Guðrún Lára var það í heimsókn líka bara gaman.  Tengdó komu svo og sóttu mig en ég fór með þeim í jarðaförina hennar hennar Gústu frænku.  Kom svo aftur til krakkana og verð hér í nótt en er að fara í lyfjagjöf í fyrramálið, svo það tekur því ekki að rjúka austur í kvöld til að fara aftur í bæinn á morgun. 

6. jan 2014

           Lítið um að vera hér í dag,  Guðni Reynir kom heim með Sigrúnu og Aron í kvöld en Dóri á afmæli á morgun þannig að við vorum með smá afmælismat í kvöld þar sem ég er að fara í bæinn á morgun og kem ekki aftur fyrr en á miðvikudaginn en þá fer ég í Tysabri. 

5. jan 2014

         Skaust á Selfoss um hádegið en átti fisk þar sem ég sótti ekki leiðinlegt það.  Annars rólegheitadagur í dag,  frétti þó að Klausturhólafólkið var að heimta kind með lamb sem ekki hefur sést síðan hún var lamb vorið 2012, með henni var ómarkað lamb, hrútur frá Mjóanesi, og hrútur frá Eyvindatungu, þannig að lengi er von á einni, svo var fullt af förum í þjóðgarðinum held að held að þessar kindur hafi verið við gamla Þingvallabæinn.  Sigga, Arnar og Þorbjörn Óðinn fóru svo suður í dag, Sigga loksins með allar einkunnir í hús og allt náðist og meira að segja ein nía í réttarsálfræði, ansi seig stelpan. 

4. jan 2014

         Sótti Sigrúnu í vinnuna um hádegi og kom við á bókasafninu í leiðinni.  Gunna og Gunni á Bjarnastöðum komu svo og sóttu Söru forystukind sem er búin að vera hjá Heimi, og komu með hangikétið mitt í leiðinni ekkert smá sem það er flott.

          Krakkarnir komu svo úr bænum í dag og fórum við svo í árlega þrettándaboðið til mömmu og pabba í kvöld fengum nautasteik ekkert smá flott takk fyrir okkur.  Skutlaði svo Dóra í Austurkot en hann er ráðsmaður þar þessa dagana.  Það er flughált þarna niðurfrá og þegar Dóri fór út úr bílnum sagið ég honum að detta ekki sem hann lofaði, það passaði þegar hann steig út úr bílnum sá ég hann bara hverfa undir bíl sá bara handlegg, hann meiddi sig nú ekkert en þetta fannst mér agalega fyndið, svona fyrst hann kom heill út úr þessu.

3. jan 2014

          Skaust á Selfoss og sótti dekk á L-200 kýkti aðeins á bókasafnið líka.  Bensi skutlaði svo Auði, Gunnari, Kolla og Eika innúr með sleða, en Auður og Gunnar röltu svo af stað og fundu kindurnar, 15 kindur skildst mér, þau sáu svo för eftir eina til en þegar komið var í Ingólfshólf voru kindurnar orðnar 16, við Bjössi, Gunni Har og Jói í Mjóanesi biðum þar og tókum féð en Gunni Har átti eina kind, Auður átti fjóra hausa þarf af þrjú sæðingarlömb, Kolli átti þrjá hausa en átta kindur voru svo frá Vaðnesi, enginn Harrý :/ en það munar um hverja og eina sem næst.  Annars bara allt við það sama held ég bara ekki von á krökkunum austur fyrr en á morgun. 

2. jan 2014

         Jæja þá held ég að það sé búið að skipuleggja morgundaginn en Bensi fer í Selholt í fyrramálið og sækir Eika, Auði og Gunnar og Hömrum og Kolla í Eyvík, tekur svo kerru og tvo snjósleða og kannski einhverja hunda líka, skutlar svo hersingunni uppí Gjábakka en þaðan fara þau á sleðunum uppí Hrafnarbjargarháls.  Jói í Mjóanesi ætlar svo að koma með kerru í Ingólfshólf og sækja féð en við gerum nú ráð fyrir að Hamraþrjóskan komi með féð þangað ef ég ekki Auði rétt.  Reikna með að við Bjössi förum svo líka uppí Ingólfshólf og tökum á móti ,,safninu'' þetta verður bara spennandi að sjá hvort féð finnst og hægt veður að koma því til byggða en hugsanlega er Harrý forystusauður þarna í hópnum og mér svona heyrist að það sé frekar galli en kostur allavega miðað við hvernig hann hagaði sér í haust en honum til varnar þá er hann nú bara veturgamall og unglingar eiga það nú til að hlaupa af sér hornin.   

1. jan 2014

Kæru vinir gleðilegt ár megi nýja árið verða enn betra en það sem var að líða.

Bjössi minn á afmæli í dag orðinn 51 árs til hamingju með daginn gamli minn

           Finnst það dálítið merkilegt að á facebookinu mínu eru tvær konur sem eiga afmæli í dag og eru báðar fæddar 1963 eins og Bjössi en það eru þær Brynja Tommer og Sólrún hans Svans merkilegt.

         Skutlaði Bensa á Selfoss í hádeginu að sækja bílinn hans en hann ætlaði að skutla Auði og co inná fjöll svo hún gæti smalað smá en þegar Bensi var kominn heim með bílinn þá kom í ljós að bíllinn var nú ekki alveg eins sprækur og til stóð þannig að hann fór ekkert af stað með þau á svo eftir að frétta hvort einhver hafi farið inná afrétt að ná í féð en eins og veðrið er vona ég að enginn hafið farið af stað.  Ég sótti svo Dóra á Engjó og fór með hann heim.  Krakkarnir fóru svo í bæinn seinnipartinn og Guðni Reynir og Sigrún fóru á Selfoss þegar þau voru búin að gefa í fjárhúsinu.

     Rafmagnið fór svo af hér um fimm leitið held ég fór svona smá saman af á torfunni þar til allt rafmagn var farið held að rafmagnið hafi komið á aftur um hálfátta ekki samt alveg með það á hreinu en fréttir á RÚV voru allavega búnar en gat horft á myndina sem var á eftir fréttunum.