2009

10. okt 2009

           Gekk svona ljómandi vel að smala í dag, smalarnir standa í þeirri trú að það hafi ekkert orðið eftir, en Guðni Reynir hefur nú trú á að það séu allavega þrjár kindur eftir í hrauninu, vantar reyndar hana Gunsu mína líka sem á að vera í hrauninu en Gunsa hefur ekki sést síðan í sumar, hún er semsagt mórauð ferhyrnt, og á flekkóttann ferhyrntann hrút.  Gunsa er kind sem ég fékk hjá henni Gunnu á Bjarnastöðum. 

       Fengum svo níu hausa í gær en Bjarkarhjónin, Gunna og Kolli voru að eltast við kindur inná Völlum og við Dímon, þar náðu þau gráflekkóttir gimbur sem ég hélt að væri lengst inná afrétt ennþá, mikið kát með að gimbrin skuli vera komin, líklega slapp rolluskjátan en þá vantar hitt lambið en hugsa að það sé nú kannski dautt en ekki gott að segja.  Bjarkarhjónin komu svo með einlembu í gærkvöldi sem hafði líklega komið í Eyvindartungu.

       Held að það hafi svo verið um 32 sem voru hér í gærkvöldi í kvöldmat, Bensi og Kristín voru  búin að elda í mannskapinn og svo bara langborð úti í skemmu, ekki leiðinlegt það. 

9. okt 2009

           Jæja þá fer nú að koma að því að smala og vita þá endanlega hversu mikið vantar af fé.  Ansi mikið lauslátarok í dag en mér var sagt í gær að það væri rok sem lætur lausa hluti fjúka....liggur ljóst fyrir þegar búið er að segja manni þetta.

     Skaust á Selfoss fyrir hádegið, rétt að athuga hvort ríkið væri nú opið eða þannig.  Fórum seinnipartinn uppí skógræktargirðinguna hjá JL en þar er kind  búin að vera á vappi og hangið við túngirðinguna hjá okkur í dálítinn tíma, reyndar hefur hún nú horfið þegar farið er af stað að sækja hana en hún semsagt náðist í gær en þetta var tvílemba úr Klausturhólum, þannig að þetta fer nú allt að skila sér vona ég.

       Fyrir hádegið á morgun verður svo túnið smalað, við Guðni reynum að ragast í því fé um og eftir hádegið ásamt því fólki sem ekki fer að smala hraunið, en hraunið verður semsagt smalað eftir hádegi.

8. okt 2009

          Fórum að leita að Spólu í þjóðgarðinum, fundum bara fullt af skjátum, náðum meira að segja fjórum gripum sem voru nú bara á rölti á malbikinu á milli Kaldárhöfða og Efri Brúar, þær voru nú líklega bara á leið heim þessar elskur. 

7. okt 2009

          Virkaði rosalega gott veður í dag en ansi kalt þegar maður stakk út nefinu.  Held að ég sé bara búin að vera heima í dag nema hvað ég fór rúntinn á túninu í morgun og svo aftur í kvöld að athuga með féð.  Bjargaði einu stykki örugglega 100 kg + hrút áðan en hann var semsagt afvelt á túninu, fullorðinn hrútur sem var nú ansi ruglaður þegar hann var kominn á lappir, hann átti reyndar ekkert erfitt með að standa og halda jafnvægi en hann skalf svo mikið aumingjans karlinn þegar hann var kominn á lappir og vildi ekki einusinni éta.  Fór svo aftur ca hálftíma seinna að athuga með hann og þá var hann kominn á beit svo ég reikna nú með að hann verði í lagi. 

      Það komu svo 16 manns í hestaleiguna hér seinnipartinn og gekk bara vel, en fannst á mínu fólki að það hefði verið ansi kalt, held samt að það hafi bara verið -4° en svona fyrst á haustin finnst manni þetta agalega kalt. 

6. okt 2009

          Svona líka ljómandi gott veður í dag, skilst að það hafi snjóað ansi víða í nótt en ekki hér, og held að það hafi verið næstum frostlaust í dag.  Fór á Selfoss en það vantaði eitthverja bolta í framkvæmdirnar úti í fjárhúsi en þar var steyptur fóðurgangur um daginn og nú er verið að gera allt klárt fyrir helgina en fyrir þá sem ekki vita þá er heimasmalamennska hér um helgina.  Veðurspáin er bara góð og þetta verið klárlega ansi gaman.

5. okt 2009

            Fór austur í Árbæ í morgun að sækja Örnu sem var hjá Aron, hún var því miður ekki með fyli en er að fara að byrja í látum, henni verður þá ekki haldið þetta árið, en tekin inn í vetur og svo sjáum við til.

          Kolli í Eyvík kom svo hér í dag með tvílembu sem hann fann við Stangarlækinn, þetta var skjáta sem hafði verið keyrð innfyrir Dímon þannig að hún hefur aðeins tekið vitlausa stefnu á leið sinni heim.

4. okt 2009

           Fórum einn rúnt hér í kring í morgun að athuga með kindur já og Spólu en sáum ekkert bitastætt.  Eftir hádegið kýktum við svo í kaffi til mömmu og pabba en seinnipartinn kýkti svo Adam og Hafdís við með tvo gaura og eins kýkti Ingþór við með björg í bú, ekki veitti nú af. 

3. okt 2009

Mamma á afmæli í dag, til hamingju með daginn elsku mamma :)

           Frábært veður í dag, en reyndar dálítið kalt.  Fórum að kýkja eftir kindum í dag og henni Spólu, fundum slatta af kindum en enga Spólu.  Sjálf áttum við þrjár ær og fjögur lömb.  Þetta gekk bara ljómandi vel enda fullt af mannskap.

2. okt 2009

         Hér var allt hvítt í morgun, hefði nú eiginlega átt að druslast í bæinn í dag í jarðaförina hana G. Ben en var eitthvað léleg í morgun.

        Nú við fengum tvílembu í Borgarfirðinum hún kom í Stór-Ás-rétt en það stóð allavega á blaðinu frá MAST þar sem tilkynnt var um línubrjót, þessi kind var keyrð innfyrir Dímon og hefur greinilega tekið kolvitlausa stefnu, sé nú svosem ekkert eftir henni enda orðin 10 vetra, líklega orðin elliær og hennar tími kominn. 

      Á morgun er svo stefnan tekin í þjóðgarðinn að athuga hvort þar sjást kindur og eins hvort Spóla er að sóla sig þar eða þannig. 

1. okt 2009

         Gummi hringdi í morgun og búinn að handsama Brjáluðu Flekku, ótrúlegt en satt en líklega eldist Gummi betur en Flekka.  Við fórum af stað að hjálpa honum að reka saman það fé sem sást þarna í kringum Búrfellið og gott ef það voru ekki 26 hausar sem náðust og í þriðja sinn á tveimur vikum ca er búið að hreinsmala þetta svæði, ja allavega næstum því, en núna var örugglega ekkert eftir það gefur þeim skjátum sem eru inná heiði færi á að koma sér í fjallið...

          Annars bara lítið um að vera, Spóla lætur ekki sjá sig en hver veit nema hún átti sig, fór uppí Reykholt að sækja krakkana í kvöld og það var bara þessi fína snjókoma bæði á Borg og á Hæðarenda þannig að líklega ætti féð nú að tosast heim og Spóla líka. 

30. sept 2009

           Við fórum inná afrétt í dag að reyna að handsama nokkrar skjátur, héðan fór ég Bjössi og Sverrir, Kolli í Eyvík mætti þarna með traktór og vagn ásamt Sillu og Tóta, svo voru þarna Siggi og Gunnar á Hömrum á hestum, já og Jói í Mjóanesi.  Við fengum 29 hausa :) aðeins kom frá Jóa og held að restin hafi verið frá Auði á Hömrum held að þetta hafi verið á milli 70 og 80 hausar í heildina.  Veit að okkur vantar samt um 7 ær með lömbum þarna innan að en þetta var nú samt ansi góður dag.

29. sept 2009

         Rólegheit í dag allavega hjá mér, Maggi og co komu í dag að ná sér í hesta til að fara með norður en það á semsagt að fara í stóðrétt.  Nú svo eru smiðirnir búnir að vera að slá eitthverju upp úti í skemmu en það á semsagt að steypa eitthvað á morgun.  Svo eru málarar búnir að vera að mála úti í ,,fjósi" eða hesthúsi í dag þannig að nú er  búið að mála loftið sem betur fer.  Já og svo er bara verið á leið inná afrétt á morgun til að athuga hvort hægt sé að ná sér í nokkrar kindur.

28. sept 2009

          Fór í  bæinn í dag að hitta taugalækninn minn, hann ætlar að senda mig enn og aftur í MRI og er mjög ákveðinn í því að ég eigi að komast á Tysabri, held að honum finnist ég mun verri en mér sjálfri finnst hehe en það væri verra ef því væri öfugt farið.  Nú svo hitti ég nokkrar góðar konur á kaffihúsi já eða eiginlega ekki kaffihúsi því við hittumst á maður lifandi og ég hugsa að þar fáist ekkert kaffi. 

27. sept 2009

          Fórum í morgun að Syðri Brú en þar sáust nokkrar kindur, Gummi í Hólum fór mætti líka á staðinn, þetta voru 7 kindur sem allar náðust fyrir rest, eitt lamb frá Gumma, þrjú frá Eyvík og þrjú frá Björk.   Það passaði þegar þetta var komið á bílinn þá sáum við að það voru aðrar sjö hærra í fjallinu svo það var gerður leiðangur til að ná þeim kindum.  Það gekk nú ekki eins vel, féð sást síðast uppá toppi á fjallinu, eins voru fjórar kindur sem fóru í átt að Syðri Brú, þá var lítið að gera annað en að snúa sér að næsta hóp en þar voru átta kindur sem náður eftir heilmikil hlaup og klifur, tvær til viðbótar náðust svo í túngarðinum á Búrfelli en það voru kindur frá okkur.  Fjórar voru svo teknar í túninu á Hæðarenda þannig að 21 haus var það fyrir rest sem var handsamaður, þær eru þá allavega ekki eftir, nóg eftir samt.
         Nú það var svo letidagur hjá mér allavega seinnipartinn, búin að gera nóg í dag þó svo að ég hafi nú gert minnst af því sem gert var.

26. sept 2009

           Fór aftur í bæinn í morgun með Tíbrá og gekk vel að para hana þannig að ef allt gengur upp koma hvolpar hér í lok nóv.

         Fór svo seinnipartinn inní Ingólfshólf en Jonni, Bjössi, Ingþór og tengdapabbi fóru inná afrétt að leita að Spólu, Spóla fannst ekki en þeir fundu slatta af kindum og ég fór semsagt með kerru til að taka hestana heim svo þeir gætu tekið kindurnar.  Það náðust um 20 kindur og allar frá Auði, það munar um þennann hóp en ég á nú von á að það verði smalað þarna í vikunni.   Það er víst kominn slatti snjór þarna innfrá svo það er nú ekki seinna vænna að koma búfénaði til byggða.  Þegar við vorum svo á leið heim þá sáum við hrossaskít á malbikinu fyrir ofan Gjábakka, það er inní Þjóðgarði, það er þá spruning hvort eitthver var á útreiðum í slyddunni í þjóðgarðinum í dag eða hvort þarna var hross eitt á ferð, hver veit nema Spóla sé í Þjóðgarðinum....ekki gott að segja og vonandi getum við farið þarna á morgun og kýkt á þetta svæði.   Nú svo var hring af 5. brautinni í kvöld en þar var kind á röltinu ásamt lambi þannig að á morgun verður kýkt á það líka svo framarlega sem hægt verður að komast inní hverfið, já eða redda sér lykli.

24. sept 2009

          Hér var verið að steypa í dag, verið að gera fóðurganga í fjárhúsinu þetta  verður agalega flott held ég bara.
        Valli kýkti hér í morgunkaffi langt síðan hann hefur sést og gaman að sjá Tungnamenn öðru hvoru.
        Fór svo til Reykjavíkur seinnipartinn en það var semsagt kominn tími á að para Tíbrá, það gekk svona ljómandi og ekkert smá flottur hundur sem ég notaði, enn flottari en mig minnti.
        Nú og svo er það bara að keyra rúnt um túnin hér kvöld og morgna og snúa rollunni hans Guðna Reyni við en held að það sé alltaf sama rollan afvelta.  Hún var tvisvar afvelta á þriðjudaginn og svo aftur núna í kvöld, já og svo var hún afvelta um daginn líka,,, orðin mjög flínk í að verða afvelta en ekki búin að læra að bjarga sér úr þessari klípu.

        Nú og svo er nú full vinna að fylgjast með föngunum í Kringlunni á netinu en þar er hann Stefán Dal, Búðdælingur og stendur sig með sóma, ef hann sést ekki í mynd er nokkuð öruggt að maður heyrir í honum hehe hann á eftir að standa sig vel í þessari keppni. 

22. sept 2009

        Fór aftur á Selfoss í morgun, fyrst fór ég með hvolpinn hennar Cathy í dýralæknisskoðun til að fá alla pappírana sem þarf nú svo var það MBF að sækja mjólkurvörur og svo uppá spítala að skila mælitækinu.  Á heimleiðinni fór ég svo einn rúnt um túnið að athuga hvort eitthvað væri afvelta og nú fann ég eina rollu sem leggur það í vana sinn að hafa allar lappir uppí loft á haustin, hún var bara í fínu lagi þegar ég var búin að snúa henni við.

       Það fóru svo tvö lömb frá okkur í sláturhúsið á Sauðárkróki í dag, búin að komast það því undan hvaða kind þessi lömb eru en það er kind sem var keyrð uppfyrir Dímon í sumar  eins og undanfarin ár, venjulega hefur hún nú bara alltaf komið sjálf heim, en nú er hún líkast til dauð því lömbin voru undanvillt og ég get ekki ímyndað mér að rolla sem þekkir sig á fjalli fara að villast innúr og alla leið í Borgarfjörðinn.

        Nú og ekkert bólar á Spólu, hún er ekki í stóðinu hans Bjarna Þorkels, sem er þarna inná Völlum og svo er eitthver kona búin að vera á göngferð inná afrétt, Kerlinu og Hlöðuvöllum og ekkert sé til hryssunar konan sá samt fullt af kindum en semsagt ekkert hross.  

21. sept 2009

             Fór á Selfoss í morgun en átti að mæta uppá sjúkrahús og fá eitthvert mælitæki sem ég verð með á mér í sólahring, rosa gaman.  Nú annars lítið að frétta nema hvað GR já og Miðengismenn fengu lambhrút hjá Bjarna á Þóroddsstöðum, hrúturinn var 85,5 stig en á eftir að fá betri sundurliðun á því veit samt að hann er með 9 fyrir bak og 18 fyrir læri.  Bjössi sótti semsagt hrútinn núna í kvöld og hrúturinn lítur bara svona ljómandi vel út eins og von var á svosem.

20. sept 2009

            Bara ausandi rigning í dag, fór í morgun og kýkti yfir túnið og allt í góðu þar, fór svo Búrfellshringinn að kýkja eftir hryssunni en sá hana ekki, sá ekki mikið af fé en sá þó eina tvílembu á Ásgarðsmýrunum fyrir neðan veg og var svo heppin að hafa kýki og sá að Þetta var Miðengiskind, hringdi í Bjössa og GR og þeir ruku af stað með Voða og Gutta og voru ekki lengi að ná kindinni, þetta var þá kind sem hafði verið keyrð innað Dímon og líklega lent vitlausu megin við fjallið á leið sinni heim.
         Í kvöld var svo hringt í Bjössa frá Stóra Kropp í Borgarfirðinum en þar áttum við tvö lömb, líkast til undanvillt þau fara svo bara beint í sláturhús á Sauðárkróki. 

19. sept 2009

         Frábært veður í dag og dagurinn notaður til þess að smala Búrfellið, Miðengismenn smöluðu svo hingað heim þegar Búrellið var búið,  það fóru hellingur af smölum bæði á bílum, hlaupandi og svo á hestum.   Sigga og Freydís drifu sig á hestum í smalamennsku, Bjössi, tengdapabbi, Adam og Sverrir voru líka á hestum Bensi, Jonni og Pabbi voru á bíl, nú svo fór ég líka á bíl með mömmu og tengdmömmu og tveir stubbar sem fylgdu Adam voru settir inní bíl og látnir hlaupa líka, þetta gekk bara ótrúlega vel allt saman og ekki mikið fé eftir í Búrfellinu, en sjálfsagt eiga eftir að koma fleiri kindur í fjallið ofanúr heiði.  Klaulsutrhólfólkið smalaði svo heim til sín því fé sem þangað vildi renna og gekk bara nokkuð vel líka held ég.

18. sept 2009

         Heilmikið um að vera í dag, það var smalað í kringum Efri Brú og Syðri Brú og smalaðist bara þokkalega, á meðan var verið að smala skaust ég suður að sækja hvolpinn hennar Cathy sem var að koma að norðan.  Yndislegur hvolpur og gullfallegur.
        Var bara nýlega komin heim þegar Bjössi hringdi og Dóri var eitthvað meiddur í putta eftir slagsmál við kind, svo ég fór með Dóra uppí Laugarás þar sem Gylfi myndaði strákinn en það er þumallinn sem er eitthvað að stríða Dóra.  Líklega er hann nú ekki brotinn en tognaður, var settur í spelku og á svo að mæta aftur í myndatöku og skoðun í næstu viku.  Dóri er örfhentur og auðvitað er þetta vinstri hendin sem honum finnst henta afskaplega vel þar sem hann getur ekki skrifað hehe

      Nú svo var komið að því að fara á réttarball en við Bjössi fórum og allir krakkarnir, Freydís, Sævar og Steinar, tengdpabbi nú og svo komu Adam, Hafdís og Nonni Dodda frá Selfossi þannig að þetta var nú bara nokkuð góður hópur.  Það var bara mjög gaman en ég var að koma heim með restarnar uppúr klukkan fimm í morgun held ég og ekki seinna vænna þar sem það á að fara að smala meira. 

17. sept 2009

           Fór í bæinn í dag er á námeiði í jafnvægisæfingum, fannst ég eiginlega ekkert þurfa á þessu að halda eða þannig og fannst ég bara nokkuð góð í þessum æfingum þar til sjúkraþjálfarinn fór nú fram á að þegar ég stend kyrr á ég að hafa fæturnar saman, ekki standa gleið, jæja það er nú svosem ekkert mikið mál en þá fór hún fram á að tærnar væru beint fram, má semsagt ekki vera útskeif, þetta slapp nú alveg til þá átti ég að horfa uppí loft sem mér fannst nú ekkert mikið mál en svo átti ég að loka augunum......uss það heldur enginn jafnvægi í svona stöðu eða hvað?? allavega ekki ég endilega prufið þetta er viss um að þetta er ekki einfalt þó svo maður sé ekki með MS.

        Annars lítið um að vera, ekkert bólar á Spólu og þó eru ansi margir búnir að kýkja vel í kringum sig og Ólli Fjalar meira að segja búinn að fara inná afrétt en ekkert sést til hryssunar, Óli sá samt fullt af kindum en það kemur svosem ekki á óvart, miðað við hversu slakar heimtur voru í réttunum. 

16. sept 2009

         Rok og rigning í morgun en ég druslaðist nú samt í réttirnar, held að það hafi tekið nákvæmlega 26 mínútur að rétta.... þetta var ansi fátt fé.  Held að við höfum átt um 16 hausa af ca 120-130 sem fóru á fjall, frekar slæmar heimtur en það var svosem sama sagan hjá öllum held ég, ja nema kannski hvað línubrjótar úr Þingvallasveit voru óvenju margir.
         GR fór svo með eina kind og lömbin hennar í SS eftir réttirnar og fór í vinnuna, þar átti hann svo eina einlembu sem hafið komið fram í Hvalfirðinum held ég, línubrjótur semsagt, þannig að það eru eitthvað af girðingum ekki alveg í lagi.

        Nú eftir hádegið fóru Sigga og Bjössi á rúntinn að kýkja eftir Spólu en það sást ekkert til hennar, finnst nú að hún mætti alveg fara að skila sér heim.

       Eins fóru Dóri og Bjössi að sækja Kötlu sem var hjá stóðhesti, það sást nú ekki fyl í henni en mér skildist að það hefðu verið um 30 hryssur í seinna gangmáli hjá klárnum þannig að það er nú ansi mikið finnst mér. 

14. sept 2009

          Ömurlegt verður í dag, fjallmenn fengu rok og rigningu og enga smá rigningu, nú og aðeins þoku hef ég grun um líka en ekkert sem var til vandræða.   Það smalaðist kannski þokkalega í dag en ansi illa í gær og fyrradag og líkast til þarf að smala þetta allt aftur því það varð mikið af fé eftir.  Nú hryssan er enn ófundin og ekki hefur hún ráfað heim ennþá en vonandi verður hún fundin fyrir næstu helgi, trúi ekki öðru en að hún rambi heim. 

13. sept 2009

           Mikil þoka og mikil rigning búin að vera í dag.  Nú af Spólu er ekkert að frétta en þó sáust för inná afrétt eftir eitt hross í dag og ef það er eftir Spólu þá er hún á leið heim, kannski hún verði koimin á morgun, hver veit.  Nú smalamennskan inná fjöllum gekk illa ja eða gekk kannski vel þar til það kom þoka og þeir sem höfðu smalað nær tvöhundruð kindum komu í kofa með nánast enga kind.  Skildist á þeim sem reyndi að telja féð sem kom í Kringlumýri að það hefði verið rétt rúmlega 100 hausar, líklega aldrei verið svona slakt. 
        GR fór og kýkti í Laugardalsréttina og eins í Mjóanes og gott ef hann er ekki búinn að sjá um sex kindur af 52 sem voru keyrðar á fjall.  Held að hann hafi vissu um annað eins það er að segja aðrar sex sem eru inná afrétt og sást til á "nýsmöluðu" svæði, þannig að það verður spennandi að sjá hverjar heimturnar verða í réttunum á miðvikudaginn.
          Fór svo inní Kringlumýri í kvöld með Siggu, Jonna og tengdó, fórum með mat handa vesturleitinni, já og skildum Jonna eftir ásamt þremur hrossum, vonandi tekst að smala eitthvað af fé á morgun en klárlega er ansi mikið eftir inná afrétt sem skilar sér ekki núna.

12. sept 2009

          Í morgun keyrði ég fjallmenn inná Línuveg en þar byrja þeir að smala, veðrið alveg þokkalega þó virtist nú vera þoka og rigning á stöku stað, tókum hestana af annarsstaðar semsagt ekki á stöku stað.  Ég fór nú svo bara heim með minn jeppa og kerruna.  Frétti svo af fjallmönnum uppúr hádegi en þá höfðu Bjössi og Dóri verið svo ansi óheppnir að móturhjól fældu hestana þeirra þegar þeir voru stopp inní Kerlingu og klárnarnir hlupu útí loftið með öllum reiðtýgjum.
        Það var víst keyrt og hlaupið og fyrir rest náðist einn hestur með hnakki og GR skellti sér á bak og fór á eftir hinum hestunum, hann náði svo tveimur klárum en Spóla var nú ekki á því að láta ná sér og sást síðast á hlaupum í átt að Skjaldbreið. 
         Það er svo sem ekkert að frétta af hryssunni nú og af smalamennsku þá sáust víst eitthverjir tugir fjár á hinu nýsmalaða svæði,,,,kannski hryssunni verði bara smalað í eftirleit ásamt öllu þessu fé. 

11. sept 2009

          Ótrúlega sem ég er búin að vera löt að uppfæra síðuna, hangi samt í tölvunni og hef í raun ekkert betra að gera en þetta gleymist bara enda svosem ekkert um að vera í raun.  Sigga er orðin þokkalega spræk aftur en hún fór í skólann í gær og í dag þannig að hún ætti nú að vera orðin þokkaleg.

         Eitthvað af fólki fór í réttir í dag, það eru þá réttirnar hjá Hrunamönnum og Gnúpverjum sem kýkt var í, vonandi ringdi ekki eins mikið þar og hér en það rigndi ansi mikið fyrripartinn en núna seinnipartinn þá er þetta búið að vera betra.

         Bjössi og Guðni sktluðust svo með fjallmenn áleiðis í dag eða inní Skógarhóla, sá hluti af mannskapnum sem fór inní Gatfell í dag fékk líklega ágætt veður allavega var veðrið betra þarna en hér.  Nú restin af fjallmönnunum fer svo í fyrramálið og byrjar að smala vonum bara að það verði gott veður á fjallmenn. 

8. sept 2009

         Þá fer að styttst í fjallferð  held að þeir fari héðan á laugardagsmorgun, held að héðan fari fimm á hestum og tveir eða þrír í bíl en þeir á bílnum eru bara að fara sér til gamans.   Vonandi verður veðrið gott en spáin er allavega góð hvað sem verður þegar til kemur.

7. sept 2009

            Sigga orðin veik vonandi er þetta bara smá flensa en ekki gott að segja.  Nú ég skaust svo í bæinn í dag stoppaði stutt. 

6. sept 2009

         Bjössi og tendó fóru norður í morgun að sækja Hæring, mikið var nú klárinn kátur þegar hann sá  bílinn koma, hann kom hlaupandi á móti bílnum og beið svo bara við hliðið eftir að vera sóttur þessi elska.  Hann var svo settur hér í girðinuna með bræðrum sínum Tintron og Hvata það voru engin læti í þeim bara mikill leikur.  Annars bara lítið um að vera. 

5. sept 2009

            Krakkarnir fóru suður með rútu í dag, Hvatarliðið var að halda uppá að fótboltinn væri  búinn já eða bara fara saman í bæinn, nú svo var stefnan tekin á Ljósanótt, sótti samt Siggu og Sævar í bæinn í kvöld þar sem Sigga var komin með mígreni og Sævar notaði tækifærið fyrst það var far heim.  GR og Dóri komu sovo heim um þrjúleið í nótt og nokkuð sáttir nema hvað það ringdi þarna suðurfrá. 

4. sept 2009

           Fór rúnt um túnið í morgun svona að kýkja á hross og kindur og allt í góðu lagi.  Leira Lísudóttir er enn að koma mé á óvart og komin með gráa bletti framan á brjóstkassann, setti mynidr á henni í albúmið.   Skaust svo eftir hádegi á Selfoss en það þurfti víst aðeins að fara í ríkið og kýkti í Bónus í leiðinni.   Annars bara rólegheit. 

3. sept 2009

          Sé að gærdagurinn hefur dottið út hjá mér, man svosem ekkert eftir að hafa gert nokkuð frekar en vant er en fór þó niður á tún í rigningu að horfa á hundana.

         Í dag fór ég í bæinn á námskeið eða ég veit nú ekki alveg hvað það kallast allavega aðeins að koma lagi á jafnvægið hjá mér hvernig sem það nú tekst til.   Seinnipartinn voru svo hundarnir æfðir en ég var eitthvað löt og nennti ekki niður á tún, þetta var síðasta kvöldið og nú ættu kindurnar að vera komnar heim til sín að Hömrum, mikið held ég að þær hljóti að vera kátar.

         Það var svo verið að sóna hér í sveit í dag, sónað frá Brag frá Túnsbergi og gott ef ekki var sónað líka frá Tón frá Austurkoti, hef svosem ekkert frétt hvað kom út úr þessu nema hvað hryssan hennar Cathy sem var hjá Tón er allavega með fyli og komin hér heim. 

1. sept 2009

           Fór í morgun með hana Örnu í Árbæ en hún er að heimsækja hann Aron frá Strandarhöfði, nú er bara að korssa fingur og vona að hryssan fyljist en á svosem ekki von á öðru,

          Seinnipartinn var svo farið út á tún að æfa hundana, Gunna mætti og svo komu Gummi og Kolli líka, þetta gekk bara rosalega vel og mér fannst ég sá mun á Gutta hvað hann er allur að koma meira til.  Á svo von á að það mæti enn fleiri á morgun en þetta er bara gaman. 

31. ágúst 2009

         Ansi mikið búið að vera um að vera hér um helgina.  Landskeppni smalahundafélagsins var hér um helgina og tókst svona ljómandi vel, veðrið var líka gott þó svo það væri aðeins rok en ekkert sem skipti máli.  Held að allir hafi bara verið sáttir við frábæra helgi.   Eftir keppnina fóru svo sveitungarnir út á tún að æfa sig með sína hunda og gekk bara vel, hefðum að sjálfsögðu unnið ef við hefðum tekið þátt hehe

        Í gær fórum við svo í skírn og skírnarveislu hjá Sverri og Karítas, litla daman fékk það fallega nafn Elva Lillian mjög fallegt og hljómar vel.

         Í kvöld mættu svo sveitungarnir aftur að æfa sig á kindunum hennar Auðar, þarna mættu Siggi og Auður að sjálfsögðu með Gunnar Birgi, Gunna á Bjarnastöðum og Kolli í Eyvík nú og svo Inga og Bjössi og Björk, Guðni Reynir var svo dreginn niður á tún með Gutta.  Svo komu þeir Reynir og Bjarni líka, þetta var bara mjög gaman og stefnan að hittast aftur á morgun með hundana.  

27. ágúst 2009

              Alveg yndislegt verður sérstaklega í morgun, logn og þurrt já og svona haustveður.  Fór með hryssuna hennar Kollu á Selfoss í morgun, langt síðan ég hef séð Kollu en hún semsagt kom svo og sótti hryssuna.  Adam kom svo hér í kvöld að sækja hestana sína og uppgvötvaði að það var draghaltur hestur austur í girðingu, þetta var reiðhesturinn frá Dóra og Lísu en Dóri kippti klárnum með sér í bæinn og vonandi getur Lísa komið klárnum í lag já og fundið út hvað er að. 

26. ágúst 2009

              Þetta fína veður í dag svona á milli þess sem kom úrhellisrigning.   Fór á Selfoss seinnipartinn í klippingu, það tók nú ekki langann tíma, var eiginlega alveg að renna á rassinn með að fara en búin að vera ansi léleg sérstaklega fyrripart dags en skárri seinnipartinn.  Nú svo komu hér 59 kindur frá henni Auði á Hömrum en nú er allt að gerast í undirbúningi fyrir smalahundakeppnina sem verður hér um helgina, mjög spennandi og verðurspáin líka ansi góð, vonandi stenst hún bara.

25. ágúst 2009

             Fór á Selfoss í morgun en þurfti að fara til tannlæknis.  Nú í hádeginu hringdi Anna Dóra og bæði Þrúður og Hæra sónaðar með fyli þannig að við Bjössi fórum vestur á Snæfellsnes, að Hömluholti og sóttum hryssurnar, Þrúður með 20 daga gamalt fyl og Hæra með 21 dags gamalt fyl, nú er bara að bíða fram á næsta sumar og sjá hvað kemur.  Tókum svo eina hryssu frá Kollu með okkur suður.  Folaldshryssurnar voru alsælar með að komast í túnið eða ég held það allavega en þær höfðu það nú aldeils fínt fyrir vestan, kannski er það ég sem er meira alsæl með að fá þær fylfullar heim og getað skoðað folöldin þeirra heeh 

24. ágúst 2009

           Nú byrjaði Sigga í skólanum í dag, síðasti veturinn hennar í Fsu, held að hún hafi fengið ágæta stundaskrá og sjálfsagt spennt að byrja.  Annars svosem lítið um að vera Dóri byrjaði fyrir helgi í skólanum og GR fer held ég tvo daga í þessari viku í sláturhúsið en hann verður að vinna í réttinni þar eins og í fyrra.

         Við Sigga fórum svo í Laugarás eftir hádegið, verið að reyna að koma lagi á magann hennar Siggu og breyta lyfjunum hjá mér, er með allt of háann púsl og það þykir ekki gott, svo það á að prufa annað lyf kannski það dugi betur.

      Nú og svo á að sóna frá Sporði á morgun en Hæra og Þrúður eru hjá honum, ef þær hafa fengið fljótlega eftir að þær komu í  girðinguna ætti það að sjást en annars eru þær nýlega búnar eða að byrja í látum vonandi eru þær bara báðar með fyli. 

23. ágúst 2009

            Fór snemma í morgun suður á hundasýninguna, skildi auðvitað alla dómana eftir hjá Lindu já nema þennann eina um Undramund sem ég tók heim í gær.  Set bara dómana inn þegar allir eru komnir á blað hjá mér.  Nú en semsagt Undramundur fékk agalega fína umsögn og ekkert sett úr á hann í raun en hann þótti samt aðeins gelgjulegur sem er nú alveg rétt.  Var bara mjög sátt við dómana, annar dómarinn sagði reyndar að hann væri aðeins ljós í kringum augun, en hinn dómarinn talaði um að pigment væri í góðum lit...auglitinn sjálfann töluðu dómararnir ekkert um en hann er með ansi gul já eða græn augu en það er erfitt að átta sig á hvað er "réttur" augnlitur í mórauðum hundi þar sem svo fáir þekkja þennann lit í raun. 
         Nú svo er það hún Tíbrá, hún fékk Very Good í gær semsagt bláann borða þar sem hún var dottinn alveg úr feldi hehe en í dag fékk hún Exelent semsagt rauðann borða og talað um að hún væir með mjög góðann feld en greinilegt væri þó að tíkin væri að fara úr feldi.  Fékk annast mjög góða umsögn hjá báðum dómurunum enda bara flottust ;-)  mjög sátt við dómana en frekar þreytt eftir helgina,  finnst reyndar ekkert gaman á þessum sýningum en hitti samt fullt af skemmtilegur fólki. 

22. ágúst 2009

             Veit ekkert hvað ég gerði í gær en í morgun fór ég á hundasýningu og gekk svona þokkalega, fer aftur á morgun og þá skal ég reyna ða skrifa inn dómana sem Tíbrá og Undramundur fengu, er ekki búin að lesa dóminn sem Tíbrá fékk í dag en hún fékk aðra einkunn þar sem feldurinn var eftir heima,,, get svosem ekkert gert í því en sjáum hvort dómarinn á morgun geti dæmt tíkina feldlausa en fyrir um tveimur árum held ég fór ég með hana feldlausa á sýningu og þá fékk hún meistaraefni.  Nú Undramundur fékk þennann líka fína dóm en á eftir að þroskast aðeins enda svosem bara hvolpur og dálítið gelgjulegur.

               Sviðaveisla

              Það er semsagt komin dagsetning á sviðaveisluna, og nú man ég að Maggi og Sirrý komu í gær og þá var semsagt settur dagur á sviðaveisluna en hún verður föstudagskvöldið 6 nóvember, uppi er hugmynd um að sjóða jafnvel saltkjöt ásamt sviðunum það er jú sama meðlætið en þetta verður að sjálfsögðu auglýst vel og vandlega þegar nær dregur.  Já og auðvitað kemur Maggi og heldur uppi stuðinu eins og honum einum er lagið. 

20. ágúst 2009

            Byrja á bestu fréttunum en litli frændinn er að braggast og orðinn hitalaus, þannig að vonandi er þetta yfirstaðið, þannig að Þetta er ansi góður dagur :)

           Nú ég gleymdi alveg að segja frá því í gær að GR var í sumarlátruninni en það fóru sex lömb héðan í sumarsláturn og viti menn meðalvigtin var 17,42 sem er nú ansi gott og gerðin 8,50  nú við sendum líka fáeinar ær og eitthvað af sauðum og geldfé þannig að það fóru um 15 hausar.

         Við fórum svo í leikhús í kvöld en við áttum fjóra miða á Hellsibúann og við hjónakornin fórum og tókum tvær karlrembur með okkur þá Dóra og Geir, held að þetta verk hafi fallið í ansi góðann jarðveg og þeir skildu þetta allt saman og voru svo sammála, enda varla annað hægt þegar málin eru sett svona fram. 

19. ágúst 2009

            Skaust á Selfoss um hádegið, en eftir hádegið komu Ásta María og Linda að kýkja á undrið hann Undramund og hana Tíbrá en það er semsagt að styttast í hundasýningu.

       Sá svo á facebook að lítill frændi úr föðurættinni minni  er svo mikið veikur og er á sjúkrahúsi, við biðjum fyrir honum og vonum að hann verði farin að braggast á morgun.  Hann er með heilahimnubólgu og mikinn hita :(

18. ágúst 2009

          Gott ef mér finnst ekki aðeins vera farið að hausta. Hér var smalað saman fáeinum kindum og lömbum, og farið með í SS í dag en það er fystir dagur í sumarslátrun á morgun og GR verður í réttinni þar í haust.

       Búið að rigna slatta núna seinnipartinn en annars var þurrt í morgun, lítið svosem að frétta hér, en semsagt farið að hausta allavega svona í kollinum á mér, og mér finnst það bara ágætt búin að fá nóg af þessari gulu sem er búin að vera hér í allt sumar finnst mér. 

17. ágúst 2009

             Bjössi er  búinn að vera að mála gruggana að utan í dag, og er bara næstum búinn, það er bara norðurhliðin á húsinu sem er eftir já og svo timbrið sem er við þakið man nú ekki hvað það er kallað en það er semsagt spíturnar sem jólasérían er hengd á.

        Ég fór svo á Selfoss seinnipartinn að versla, mikið saknaði ég nú Þóru þegar ég var komin með alla pokana inn og þurfti að ganga sjálf frá því sem ég keypti, Sigga hjálpaði mér reyndar en þegar Þóra var hér mátti ég helst ekki koma nálægt því að ganga frá og mikið var það nú notalegt. 

      Gleymdi að uppfæra í gær og í dag er ég búin að gleyma hvað var um að vera í gær svo það getur nú varla hafa verið merkilegt en man þó að það var aðeins rennerí á fólki hér. 

15. ágúst 2009

            Vaknaði ansi snemma í morgun eða bara um fimm leitið, og hafði ekki farið að sofa fyrr en klukkan að verða þrjú, ekki gott það en er semsagt enn að fá hugmyndir um það hvenær best er að éta lyfin mín og er alveg að komast að því hvenær er best að éta þau ekki....nú og ef ég ét þau alls ekki þá sef ég bara næstum allann sólahringinn en hvað um það, ég get bara sofið í vetur.    Fór semsagt að sækja Siggu og Freydísi en þeim vantaði að koma heim og auðvitað sótti ég þær.  Tók því svo varla að fara að sofa því stefnan var tekin á Vallamótið og samkvæmt útsendir dagskrá átti það að byrja 9:30 og auðvitað vorum við mætt þá.  Mótið gekk svona ljómandi vel, Dóri keppti í unglingaflokki og fékk 8.10 í forkeppninni og var annar inní úrslit en þar fékk hann 8.27 en datt samt niður í þriðja sætið, þetta er nú samt ansi góður árangur en hann var á honum Valíant sem hún Linda á.  Nú svo tók hann þátt í B flokki á Kubbi og þar varð hann fjórði inní úrslit með 8.20 vann sig svo uppí þriðja sætið úr úrslitunum og endað held ég með 8.23 en man það nú samt ekki alveg.  Svo náði hann fjórða sæti á Spólu í 150 m skeiði en Neisti  vildi ekki liggja hjá honum í 250 m skeiði.  Þetta  var í alla staði ansi góður dagur og mikið sáttur Dóri sem kom hér heim eftir langann dag.

    Bjössi, tengdapabbi, Bensi og Adam komu svo ríðandi heim af Vallamótinu, held að þeir séu komnir en mér fannst ég heyra í þeim úti, nú og krakkarnir fóru svo á Hellu en þar er ýmislegt um að vera í kvöld. 

14. ágúst 2009

            Fór í bíltúr með GR eftir hádegið inná afrétt svona að sjá hvort við ættum kindur þar og hvar þá, sáum tvær sem við áttum klárlega en sáum ansi góðann slatta af fé þarna innfrá og þær virtust hafa það ansi gott. 

13. ágúst 2009

            Fór austur á Hellu í dag með Dóra en hann ákvað að taka þátt í mótinu þar, það gekk bara ágætlega.  Nú þegar við komum heim passaði það að Lísa dýralæknir var komin til að gelda, sónarkskoða og örmerkja já og kýkja á Grána.  Það var hægt að gelda annann folann sem átti að gelda en það var ekki komið nema eitt eista í hinn folann.  Þokkadís var sónuð en það var ekki fyl í henni og hún því sett hjá Tintron vonandi gengur það.  Nú og Klemmi var örmerktur og svo var Gráni skoðaður en það er líkast til spatt sem er að angra hann aumingjans karlinn og hann því tæplega á vetur setjandi, en Gráni er alltaf svo mikið sprækur og líflegur að ég held að það sé ekki gerandi að láta hann lifa þegar hann getur ekki hreyft sig eins og honum líkar best. 

12. ágúst 2009

          Byrjaði daginn á að fara með GR í röntgen, hann er líkast til ekki brotinn bara tognaður, er nú ekki frá því að hann sé meira að segja að skána núna þegar líður á daginn, aðeins farinn að tilla í löppina svo þetta verður nú vonandi fljótt að ganga yfir.

        Fór svo í bæinn í dag, byrjaði reyndar að snúast á Selfossi og fór á fullt af stöðum sem ég þurfti að fara á, pósthúsið, hestabúðin og TRS en þetta finnst mér nú bara hellingur já og Apótekið.  Fór svo í bæinn en átti tíma hjá lækni sem er staðsettur í Kringlunni, tókst að kaupa mér kjötharmar í leiðinni en svoleiðs verkfæri er held ég bara ekki til á Selfossi.  Nú og svo var það Rúmfatalagerinn en manni vantar alltaf eitthvað smálegt þar og Bónus í Hveró á leiðinni heim.  Held að ég hafi samt verið komin heim um hálffjögur ekki seinna allavega.

       Líklega er svo komið folald niður á Hrauni er þar er hryssa sem hann Kjartan á, Bjössi taldi sig sjá rauða hryssu með brúnt folald en það á ekki að vera til þarna svo líklega er Silfra köstuð en þarf nú að kanna það betur. 

11. ágúst 2009

            Í dag fóru Bjössi og Sigga austur í Rangárvallasýslu og sóttu hann Tintron, hann er að sjálfsögðu fínn og flottur eftir sumardvölina og vonandi kom flott vindótt folöld undan honum á ári.

         Guðni Reynir var að spila fótbolta í kvöld og tókst ekki betur til en að ég þurti að sækja hann á Selfoss og fara með hann á slysadeildina þar en hann er líkast til tognaður á ökla en hann á að fara í röntgen í fyrramálið og þá skýrist þetta en hann er nú tæplega brotinn samt en ég krossa bara fingur og vona að þetta sé  ,,bara"  tognun. 

10. ágúst 2009

            Letidagur í dag, fór samt út á tún að taka myndir af folaldinu honum Klemma en ansi er hann nú fallegur, og svo fallega skjóttur líka.   Dóri er svo á reiðnámskeiði hjá henni Hugrúnu í Austurkoti en hestamannafélagið hér er alltaf með reiðnámskeið fyrir Vallamótið. 

9. ágúst 2009 

Jonni á afmæli í dag, til hamingju með daginn ;)

          Fórum af stað vestur á fimmtudaginn og byrjuðum á því að stoppa hjá Gróu og Tona í Búðardal en við gistum hjá þeim.  Inga og Reynir voru komin í Búðardal þegar við komum.  Fengum frábærar móttökur og ekki nóg með það heldur var líka logn í Búðardal, alveg satt.  Við gistum svo í hjá Gróu og Tona og fórum af stað vestur í Tálknarfjörð uppúr níu um morguninn.  Vorum komin í Tálknarfjörðá milli eitt og tvö á föstudeginum.  Tókum því bara rólega þar, á laugardeginum fóru Bjössi, pabbi, Ingþór og Þóra í stangveiði, þau komu með slatta af afla heim og mikið sáttur og sæll hópur enda búin að vera á sjó í þrjá tíma en upphaflega ætluðu þau að vera í ca einn og hálfann tíma.  Fórum svo út að borða um kvöldið og fengum frábærann mat.  Í  morgun fórum svo  á Rauðasand en ég verð að segja að það eru ansi brattar brekkur á þeirri leið og ég er mikið fegin að vera búin að fara þetta og þurfa ekki að fara þetta aftur, en rosalega er nú fallegt þarna.  Vorum svo komin heim uppúr átta í kvöld og þá var auðvitað farið beint út á tún að skoða nýja foladið hans Bjössa en þetta er rauðskjóttur hestur sem hann fékk og ég held að hann tolli bara rauðsljóttur en verði ekki grár. Ansi flott og mikið stórt folald.

5. ágúst 2009

          Loksins fór að rigna hér að eitthverju viti en svo er rosalega gott veður á milli, sjálfsagt veitti gróðrinum ekkert af vætunni.  Nú annars svosem lítið að frétta, allt að verða klárt fyrir ferðina vestur þannig að líklegast uppfæri ég ekkert fyrr en á sunnudag eða mánudag næst, svo bara góða helgi.

         Bætti aðeins inná síðuna, en uppfærði væntanleg folöld 2010...ekki seinna vænna en að hafa það allt á hreinu. 

4. ágúst 2009

Linda á afmæli í dag, til hamingju með daginn vinkona :)

          Í dag fóru Bjössi og Dóri austur í Hemlu að sækja hryssuna hennar Helgu Rósar sem var hjá Klæng og sú hryssa er með fyli ekki leiðinlegt það.  Svo fóru þeir að Álfhólum að sækja hryssu sem Cathy á og fóru með þá hryssu undir Tón frá Austurkoti.

        Við Þóra fórum á Selfoss aðeins að versla og fara í bankann, frekar mikið að gera allstaðar enda kannski ekki skrítið eftir svona stóra helgi. 

      Nú og svo er stefnan tekin á Tálkafjörð um næstu helgi, við Bjössi förum, Þóra og Ingþór og Hulda nú og svo ætla tengdó líka að fara vestur.  Förum á fimmtudagskvöldið af stað og stefnan tekin á Búðardal og gist þar og á föstudagsmorgun á svo að bruna af stað á Tálknafjörð, vonandi verður gott veður, en þetta er alveg yndislegur staður. 

3. ágúst 2009

           Enn bara blíða en blikur á lofti...eða er það ekki orðað þannig, allaveg gæti varið að rigna.   Lísa dýralæknir kom í dag og örerkti folöldin sem eftir voru hér heima, og dyttaði að hinum ýmsu hrossum, já og gaf Glampa pensilín en hann er allur að lagast.    Folunum var svo smalað heim og gott ef megnið af útilegumannskapnum hjálpaði ekki til en þetta var ekki alveg að gera sig en tókst fyrir rest.

         Nú og svo fannst Sóley hryssan hans Bensa loksins, en það var búið að fara nokkrar ferðir út í hraun að leita að henni, hún semsagt kom í leitirnar í gær og hefur líklega kastað á föstudag eða laugardag, þarna kom brún hryssa, Bensa eitthvað farið að förlast með að eignast bara rauð hross.

         Cathy bauð okkur svo út að borða og við fórum átta saman í Rauða Húsið á Eyrabakka, þetta var alveg yndislegt kvöld og komu allir saddir og sælir heim já og uppgefnir líka eftir langa helgi.  Maturinn var algjörlega frábært.  Takk fyrir okkur. 

2. ágúst 2009

            Enn er fjör í króknum sem betur fer, rosalega gott veður en fór að kólna ansi hratt fannst mér þegar leið á kvöldið.  Ég fór ekki niðureftir fyrr en seinnipartinn, en nóg svosem um að vera hér heima.  Var framundir miðnætti og bara gaman.

1. ágúst 2009

         Búið að vera frábært veður í dag, fórum í Kúakrók en þar byrjaði ratleikur klukkan tvö í dag, rosalega skemmtilegur leikur sem allir gátu tekið þátt í, þurftu ekki að hlaupa um allt, heldur réði það úrslitum hvernig hóparnir stóðu sig í þrautunum, mjög gott skipulag og tókst rosalega vel.
          Um fimm leitið var svo keppni á hestum, þar voru verðlaun fyrir besta búninginn, en þau verðlaun fengu annarsvegar Sverrir sem var Pocahontas og hinsvegar Dóri og Steinar í gerfi Magnúsar og Eyjólfs.  Verðlaun fyrir fíflagang en þau hlaut Sverrir, verðlaun fyrir bestu tilþrifin fékk Dóri, Ingþór vann svo bjórreiðina en það sullaðist ekki dropi úr glasinu hans, heyrði nú Jonna gala að það væri ekki skrítið þar sem Ingþór var á frúarhestinum,  en ég sá nú ekki betur en að Jonni væri líka á frúarhestinum en kom þó bara með hálft glas í mark, nú  og Jonni fékk svo bikar sem Miðengismeistari en hann var í gerfi Eiríks Fjalars sem stóð sig með stakri prýði, hver hefði jú trúað því að Eiríkur Fjalar gæti setið hest.
         Við grilluðum svo humar í króknum í kvöld og þegar ég segi við grilluðum á ég við að Borgþór gerði og gæjaði humarinn og ég  tók eftir hvernig þetta er nú gert, og svo grillaði Borgþór, en ég semsagt held að ég gæti þetta alveg hjálparlaust núna.  Þetta tókst svona ljómandi vel, humarinn frábært og allir sáttir og sælir eftir matinn.
          Um níu leitið var svo verðlaunaafhendingin og um ellefu leitið var kveikt í varðeldi, en ég var nú búin að lauma mér heim áður en kveikt var í, orðið gott í bili fyrir mig.

            Nú ég sá svo í morgun að Glampi var ekki eins og hann átti að sér, skalf hér úti í sólinni og var varla skottið þegar hann lötraði á eftir Guðna Reyni.  Rölti yfir í næsta hús þar sem ég vissi að Lísa dýralæknir var og hún kýkti á aumingjans karlinn og mældi hann en hann reyndist með yfir fjörtíu stiga hita, semsagt bara drulluveikur, fékk pencilín en líkast til er þetta eitthver vírus eða veira man ekki alveg.  Svo er bara að vona að hann verði fljótur að ná þessu úr sér og að hinir hundarnir verði nú ekki veikir líka, hvað veit maður svosem.

31. júlí 2009

            Búin að vera heima í dag, ekkert flakk hreinlega.  Það er orðið þó dálítið af fólki í króknum og verður meira á morgun.  Meira að segja ég fór niður eftir og það var bara gaman, krakkarnir skelltu sér allir á hestbak í kvöld ótrúlega dugleg held að þau hafi verið um 10 sem fóru á bak en ansi var kalt fannst mér þegar þau komu til baka.  Við Þóra drifum þau hér inní heitt kakó , allir mættu nema Dóri, hann þurfti að fara aftur á hestbak, aðeins að þjálfa Valíant fyrir eitthvað...

30. júlí 2009

             Fórum í morgun niður á Hraun að skoða tryppin og allt í góðu þar held ég bara.   Eftir hádegið fórum við Þóra og Sigga á Selfoss, svona að gera og græja fyrir helgina, en klárlega er nú samt ýmislegt ógert en það kemur þá bara í ljós.

      Seinnipartinn skutlaði svo Bjössi henni Kötlu undir Þröst frá Hvammi en samkvæmt sónar í gær er hún að byrja í látum á næstu dögum og Þröstur fer í girðinguna á morgun skildist mér.  Vona bara að hún fyljist um leið. 

       Nú undir kvöld var komin ansi myndarlegt tjaldborg í Kúakrók og allt stefnir í að það verði slegið met hér í Króknum, ég segi nú bara Eyjar hvað... 

29. júlí 2009

           Fórum snemma í morgun í Bláa lónið, fórum fjórar ég og Sigga og Cathy og Júlía vorum fram yfir hádegi og það var rosalega gaman, fórum allar í nudd og höfðum það rosalega gott.  Nú þegar heim var komið þá var hún Þóra okkar auðvitað búin að fara um húsið með tuskuna og allt glansandi fínt, held að ég skutli henni bara ekkert á strætó, bara beta að hafa hana hér :)

         Lísa dýralæknir kom svo í dag og sónaði þrjár hryssur, Lísa hryssa er með fyli við Dug, Nös með fyli við Illing en Katla er fyllaus og að detta í að  byrja í látum þannig að ég reyni að koma henni í hest í fyrramálið.  Þannig að þetta er ansi góður dagur þegar á heildina er litið :) 

28. júlí 2009

          Enn og aftur verið á rúntinum, fór á Selfoss en þurfti að snúast smá, fórum svo seinnipartinn í hestabúðina með Cathy og þaðan í Austurkot að skoða hryssuna hennar þar.    Á morgun er svo stefnan tekin á Bláa Lónið, held að ég sé bráðum búin að flakka meira á viku en á heilum mánuði svona ef ég miða við venjulegann mánuð. 

27. júlí 2009

          Ansi mikið rok í dag, Bjössi og Dóri fóru í Árbæ að sækja hryssur sem voru hjá Aron, Önnu Dóru og Jóns Bjarna  hryssa var með fyli en Katla mín var sónuð tóm en samt ekki alveg að marka því hesturinn er búinn að vera 5 vikur í hryssunum og þær sem hafa fyljast síðasut tvær vikur fengu ekki staðfestingu þannig að það er ennþá sjens að hún sé með fyli.

      Eftir hádegið fórum við vestur, ég, Dóri, Júlía, Cathy og Þóra.  Fórum með hryssuna sem Anna Dóra og Jón Bjarni eiga, fórum svo með Þrúði undir Sporð og Hæra fór svo undir Ugga eða Soprð, gat ekki alveg ákveðið mig en fæ svo bara fréttir af því hvar hún lendir.  Ansi hvasst þarna fyrir vestan en ekkert agalegt samt, vorum komin heim um átta leitið held ég, klár í að bíða eftir jarðskjálftanum sem kom svo ekkert en hann hlítur að koma fyrir rest.  

26. júlí 2009

           Ekki laust við að sólin sé í smá pásu í dag, það ringdi aðeins en samt ekkert að ráði miðað við hversu mikla rigningu þarf.

         Fór í  bíltúr í dag með Dóra, Julia og Cathy, fórum að skoða Geysi og Gullfoss, þau lentu nú í æfintýri við Gullfoss en það röltu þarna um  og fylgdu bara fólkinu, nú mér skildist það "allir" hefðu farið yfir eitthvern spotta en auðvitað á víst ekki að gera það en þau semsagt fylgdu bara hinum en þá kom þarna vörður og pikkaði þessi þrjú út og ekki nóg með að þau voru skömmuð heldur reyndi viðkomandi að rukka þau um 55.000 kr á mann fyrir að fara þarna, frekar skrítið þar sem það var ekkert skilti og allir hinir sem fóru þarna voru ekki stoppaðir, en þetta slapp nú samt til, þau þurfti ekki að borga og voru ekki sett í fangelsi.  Hef samt aldrei heyrt um þetta hvað þá svona upphæð í sekt.

       Stefnan svo tekin á Snæfellsnesið á morgun með hryssur í graðhesta en fyrst þarf að fara austur í Rangárvallasýslu að sækja hryssur sem eru hjá Aron og fara með eina fyrir hann Kjartan undir hann Möller sem er í Sandhólaferju held ég. 

25. júlí 2009

            Hef grun um að síðustu afmælisgestirnir hafi farið um hálfsex í nótt allavega skutlaðist ég þá, rosalega var kalt fannst mér og mælirinn á bílnum sagði -4 C° enda var líka héla á rúðunni, hver hefði trúað þessu um hásumar, ekki að þetta skipti okkur neinu máli en hef nú meiri áhyggjur af þeim sem eru að rækta korn og grænmeti, vona allavega að kartöflurnar hafi þolað þetta.  Hvað um það ekkert við þessu að gera.

        Hér var svo farið á hestbak í dag, svo var grillað hjá Jonna og Lindu og bara ansi vel lukkaður dagur hjá okkur öllum já og afmælið líka rosalega vel lukkað. 

24. júlí 2009

          Vaknaði snemma og fór út á flugvöll að sækja Cathy og Júlíu en þær voru að koma með flugi frá Boston klukkan 6:30 í morgun, þetta gekk bara ljómandi vel.  Annars lítið sem ég er  búin að vera að gera í dag, jú sótti svo Þóru á Selfoss seinnipartinn en nú eru allir að verða klárir í afmælið hans Ingþórs. 

         Karlarnir hér fóru svo niður á Hraun að sækja hryssuna hans Kjartans sem á svo að fara undir Möller og svo tóku þeir eitt tryppi líka heim sem leít ekki nógu vel út.  Lísa kýkti á hana og líklega er tryppið svona ormaveikt, en þetta tryppi kom hér í vor frekar magurt en fékk ormalyf áður en það fór út en það hefur bara ekki dugað vonandi nær það sér á strik núna.

           Svo fórum við í afmælið hans Ingþórs sem var hér úti í skemmu, rosalega gaman og fleiri fréttir á morgun þegar ég vakna og sé hvort enn sé afmæli í gangi  ;) 

23. júlí 2009

Í dag á hann Ingþór afmæli og heldur uppá hálfrar aldar afmæli á morgun til hamingju með daginn.

22. júlí 2009

Karítas er tvítug í dag :) til hamingju með daginn
og hún notaði daginn í að koma heim af fæðingardeildinni með litlu skottuna þeirra Sverris. 

            Ég skaust á Selfoss eftir hádegið og þegar ég kom heim fórum við að heimsækja Sverri og Karítas og skoða litlu skottuna, ansi mannaleg lítil dama, og svo vær og góð.

          Í kvöld fór ég svo út á tún að skoða folöldin sem komu heim í gærkvöldi.  Ansi er nú að koma skrítinn litur undan folaldahárunum á henni Leiru Lísudóttur.  Folöldin eru nú annars oft dökk um nasirnar en finnst þetta nú vera aðeins hærra uppá hausinn en nasirnar, bíð spennt að sjá hvernig það verður þegar það er gengið meira úr.  Var að vona að það væri bæði bleikt og leirljóst, og yrði þá dálítið gult svo blésan sæist almennilega en það er nú frekar eins og það sé að verða mórautt hehe mjög spennandi og vonandi verður blésan sýnileg hvernig sem liturinn verður fyrir rest.  Ætti nú að sjá þetta betur eftir 2-3 vikur vona ég. 

21. júlí 2009

Pabbi á afmæli í dag, til hamingju með daginn :)

            Norðurfararnir voru komnir heim um ellefu í morgun, Bjössi hefði verið kominn fyrr ef honum hefði tekist að koma fólkinu af stað fyrr, veit nú ekki alveg hvað lá svona á, allt í góðu hér heima allavega.

           Eftir hádegið fóru þeir Jonni og Bjössi í Pulu að sækja Nös sem var hjá Illing og Lísu sem var hjá Dug.  Báðar sónaðar tómar skildist mér en er nú ekki alveg að samþykkja það miðað við hvenær þær köstuðu, held að báðar séu nýbúnar í látum svo ég hélt að það væri ekki hægt að sjá það.  En auðvitað er ekkert víst að þær séu í látum eins og bókin segir.  Þokkadís t.d sem ætti að halda ca á degi 9 eftir köstun er byrjuð í látum og það á degi 5 svo það er engu að treysta.

         Annars lítið um að vera,  er alveg að fara að gera svo margt, held bara að ég verði sprækari á morgun og þá skal nú allt gert sem gera skal....eða hvernig var nú máltækið ,,aldrei að gera neitt í dag sem þú getur látið annann gera á morgun"  held að kannski verði það bara þannig. 

20. júlí 2009

             Bjössi, Guðni Reynir, Sigga, tengdó og mamma og pabbi fóru norður í morgun, ætluðu að keyra yfir Arnarvatnsheiðina og koma niður í Miðfjörðinn, kýkja svo í Huppahlíð.  Það á svo að gista hjá Halldóru og Kalla í Reykjaskóla.  Hef nú grun um að mitt fólk verði ekki lengi á leiðinni heim en fannst nú í morgun áður en þau lögðu af stað að Bjössi væri strax farin að hugsa um að drífa sig heim.

         Hér heima er svo bara allt við það sama, dálítill gestagangur, verið að vasast í hestaleigunni og ég að pirra mig á þessum hita sem er úti.

         Á morgun á svo að fara í Pulu og sækja Lísu og Nös en þær voru hjá Dug og Illing, hef  grun um að báðar séu fyllausar en það á eftir að skýrst betur, kannski nýbúnar í látum svo það er smá sjens en kannski ekki byrjaðar aftur í látum þannig að þá er enginn sjens en veit meira um þetta á morgun.            

19. júlí 2009

            Í nótt fæddist þeim Karítas og Sverri lítil dama, ekkert svo lítil samt 3530 gr og 51 ca.  Og að sjálfsögðu gullfalleg. Við óskum þeim innilega til hamingju.

         Annar bara ekkert að frétta í dag enda svosem ekkert sem getur slegið þessari frétt út :) 

18. júlí 2009

           Fórum fyrir hádegi af stað inní Landmannahelli,  vorum sex sem fórum, ég og Bjössi, Höddi og Magga og Ingþór og Hulda.  Gekk ljómandi vel og ekki annað að sjá en að mannskapurinn hefði það ljómandi gott þarna innfrá.  Flestir fóru svo í reiðtúr um miðjann daginn en hluti af körlunum fór að veiða.  Reyndar þegar við komum inneftir þá var hluti af fólkiu þegar farið að hjálpa veiðimönnum að athuga með fisk, og bara ansi góður afli sem þeir komu með eim skildist mér.   Það hittist svo þannig á að það voru aðeins skrúrir öðruhverju en bara einusinni kom hellidemba og það var einmitt þegar menn og konur voru á hestbaki eða að veiða.   

       Hugsa að klukkan hafi verið farin að ganga ellefu þegar við lögðum af stað heim, það passaði akkúrat þegar við duttum inní símasamband þá náði Sverrir á okkur en þá voru þau Karítas á leið á fæðingardeildina.  ÉG var vo heppin að vera búin að heyra símann hennar Lindu hringja inní skála þrátt fyrir að það þyrfti að standa á ákveðnum fermetra þarna úti til að ná sambandi svo ég prufaði að hringja í Lindunúmer en vissi samt að sambandið væri það lélegt að hún næði ekki að svara.  Við snérum við svona til öryggis en þetta með símann svínvirkaði Jonni greinilega hlauðið út þegar hann sá að við höfðum verið að reyna að ná á hann, þau semsagt fréttu að barnið væri nú að koma og við sluppum við að keyra alla leið inneftir aftur.  Nú og svo er bara að sjá í fyrramálið  hvort það verður komið barn :)  Ég er voða spennt og vonandi gengur þetta passlega hratt og ljómandi vel.

      Klukkan var svo farin að nálgast eitt þegar við komum heim og síminn hafður á koddanum svo ég fái nú fréttirnar um leið og eitthvað er að frétta.  Við sluppum alveg fram hjá Heklu en auðvitað er maður farin að bíða eftir því að hún gjósi það er víst ábyggilega óumflýjanlegt að hún blási bráðum.

17. júlí 2009

            Enn einn molludagurinn.  Hvað um það fór á röltið með Siggu út í hraun en hún hafði séð armband eða úr í eitthverrjum reiðtúrnum og vildi sækja það.  Hún gekk nú næstum beit að þessu og þetta var karlmannsúr sem er búið að liggja þarna nokkuð lengi, kominn jarðvegur yfir það að hluta og úrið gekk að sjálfsögðu ekki en hver veit nema það sé í góðu lagi.

         Freyja og Páll komu hér í dag að sækja hryssuna sína og tóku nokkra lokka úr hrossum sem nota á í eitthverjar rannsóknir, ekki leiðinlegt það.

        Á morgun á svo að fara í Landmannahelli og athuga ástandið á hestamönnunum sem þar eru á ferð, þekki nú svosem mitt fólk og klárlega er mannakapurinn í fínu formi eins og alltaf. 

16. júlí 2009

             Fór út um sjö leitið í morgun að kýkja á Þokkadísi og viti menn komið folald, raublésótt/grá hryssa undan Illing.  Ansi snotur bara.

             Fór svo á Selfoss eftir hádegið að ná í eitt og annað, ætlaði svo í Húsasmiðjuna en komst bara hreinlega ekki þar sem búið var að loka götunni og ég fann bara enga aðra leið að húsinu, komst reyndar inní potrið en það dugar nú ekki svo ég tók bara stefnuna á BYKO og fékk það sem mig vantaði þar.

          Bjössi og Bensi keyrðu slatta af rúllum heim í morgun og fara svo aftur í fyrramálið en það er bara ekki verandi úti á malbiki eftir klukkan 10 á margnana þar sem umferðin er svo mikil og menn svo óskaplega stressaðir, æða bara fram úr án þess að spá neitt í hvort það er bíll á móti, þeim liggur greinilega lífið á.

15. júlí 2009

            Búið að rúlla allt á Hæðarenda sem var slegið þannig að nú er allt hey komið í rúllur og á bara eftir að keyra Hæðarendarúllurnar heim.  Heilmikið að gera í hestaleigunni í dag, Sigga fór með þrjá hópa í klukkutima hvern.

         Það var svo heilmikið rennerí á fólki hér í dag, fyrst kom Silla og co en hún þurfti stað til að leifa Heklu og Gýg að hlaupa um á svona án þess að þau kæmust í skepnur eða gerður sumarhúsafólk skelfingu lostið.  Yndislegir hundar og þeir hlupu hér nokkra hringi á niðurtúninu.  Nú Ingþór sá ég  bregða hér fyrir, og svo kom hún Elísa frænka með hóp af krökkum, hópurinn sem kom núna var nú meira spenntur fyrir því að fá að fara á hestbak heldur en hópurinn sem hún kom með í síðustu viku, en það fengur allir að fara einn hring inní gerði, það þarf nú ekki mikið til að gleðja þessi börn, en þetta tókst ljómandi vel held ég bara. 

         Nú svo eru það hryssurnar en núna  gat ég skoðað þær vel í kvöld og ansi er komið mikið undir Þokkadís, það var nú ekki kominn dropi á spenann á henni en yrði samt ekki hissa þú það yrði komið folald í fyrramálið, nenni bara ekki aftur út á tún í kvöld til að athuga hana aftur.

         Svo er ég  búin að uppfæra niðjatalið hennar Ólafíu ömmu en eftir því sem ég kemst næst þá er það afkomandi númer 140 sem fæddist í gær.  Þarf nú samt að láta hvern legg lesa þetta yfir og sjá hvort eitthvað vantar.

         Bjössi og Jonni fóru svo ríðandi frá Ósabakka og í Pulu í dag, hugsa sér að heyskapur skuli  verða orðinn svo vélvæddur að menn geta bara stundað útreiðar á meðan er verið að rúlla en Guðni Reynir sá um að múga og Bensi rúllaði.  

14. júlí 2009

           Þegar ég kýkti á facebook í morgun sá ég að ég hafði eignast frænda en hún Steinunn dóttir Halldórs frænda átti semsagt strák númer þrjú :) til hamingju með það.   Nú er það Karítas næst, vona hennar vegna að þetta fari nú að koma.

         Nú svo eru það hryssurnar en enn er ég að bíða eftir að Þokkadís kasti en ég ætlaði að athuga núna í kvöld hvort það væri farið að leka úr henni en það er svo stygg meri þarna að þetta hljóp allt út í loftið áður en ég gat skoðað neitt.  Vona bara að ég nái að skoða folaldið nýkastað svo ég viti nú kynið.  En það stendur semsagt til að fá rauðskjótta hryssu sem veður ekki grá.  Nú og ef folaldið er einlitt rautt má það alveg verða grátt hehe

         Af heyskap er það að frétta að allar rúllur hér heima eru komnar á sinn stað og Bensi for á Hæðarenda og sló þar eitthvað sem þarf svo að snúa á morgun og vonandi hægt að rúlla það seinnipartinn á morgun eða á fimmtudaginn fer svona eftir hvernig heyið lítur út og eins veðurspáin. 

13. júlí 2009

            Hundadagar byrjuðu  í dag og samkvæmt trúnni á víst að vera  eins veður í dag alveg til höfuðdags sem er held ég 29 ágúst.  Nú hér var sól og hiti í dag en komu aðeins skúrir seinnipartinn já eða frekar skúr sem í raun gætti ekkert.  stéttin náði ekki einsusinni að blotna.  Ef ég segi bara fyrir mig þá vil ég ekki svona veður í svona langann tíma eiginlega strax  orðin þreytt á þessum hita.

       Nú af rúllumálum er það að frétta að það er búið að keyra allt heim af Austurtúninu, Nýræktinni og Kjarrtúninu þannig að folaldshryssurnar eru komnar austur í tún já og þessar óköstuðu.  Nú verður aðeins meira mál að fara og kýkja á hryssurnar, sér í langi þar sem nautin gætu verið þarna á röltinu og maður heypur nú ekki langt ef þeim dettur í hug að heilsa uppá mann, en Raminn getur nú kannski verið við höndina.

12. júlí 2009

           Þá er  búið að rúlla allt hér heima og Bjössi og tengdapabbi fóru af stað í morgun að taka saman rúllur á meðan Bensi kláraði að rúlla.   Bensi fór svo uppá Efri Brú til Óla að rúlla fyrir hann, en það ætti nú að klárast á morgun hugsa ég.

         Það er búið að vera heilmikil umferð af fólki hér í dag, svosem séð fátt af því en orðið vör við að mikið af fólki hefur verið á vappi í kringum hesthúsið.

         Nú veðrið er allaf eins hehe mikil sól og heitt en samt er ég nú ekki frá því að í dag hafi verið dálítil gjóla þannig að það var nú hægt að finna stað úti þar sem var ekki algjör steik sem  betur fer.

11. júlí 2009

           Ýmislegt búið að vera að gera í dag, lítið samt í heyskap, reyndar var niðurtúninu snúið og svo var það múgað þannig að það er klárt í  rúllun á morgun.  Skaust í bæinn í dag en hann Stefsstells Prins er kominn með nýtt heimili og er í þessum skrifuðum orðum í flugi á leið til Ameríku.

         Annars  bara lítið um að vera held ég, kýkti reyndar á hryssurnar og nú getum við átt von á Illingsfolaldinu hvenær sem er held ég bara, á samt eftir að kýkja á hryssna aftur fyrir nóttina en hver veit..allavega verður hún köstuð fyrir næstu helgi hehe 

10. júlí 2009

           Rúlluvélin bilaði aðvitað aftur seint í gærkvöldi en sem betur fer var það nú ekki alvarlegt, þurfti nýja keðju.  Þannig að nú er hún búin að ganga í allann dag áfallalaust enda heyjið svo þurrt að vélin getur nú bara ekki kvartað.  Það er búið að rúlla Kertúnið og svo er líka búið að rúlla allt austurtúnið.  Bjössi sló svo niðurtúnið í dag og það verður rúllað á sunnudaginn.  Á morgun verður Bensi svo með matarveislu á ættarmóti þannig að það passar ágætlega að hafa pásu í rúllun á morgun.  Heyjin aldrei verið ein þurr síðan sett var í bagga held ég bara og við ansi ánægð með magnið líka.

       Til stóð að fara í Valhöll í kvöld og hlusta á Helga Björns syngja en það fór nú eins og það fór, Valhöllin bara brann án þess að nokkuð yrði að gert, ansi ömurlegt það.

      Við Sigga stóðum nú eiginlega í stórrræðum í dag en við ákvaðum að baða hann Prins sem er nú ekkert smá mál, en það tókst nú þokkalega og gott ef ekki tókst að greiða í gegnum feldinn líka. 

9. júlí 2009

            Það tókst að koma rúlluvélinni af stað um hádegið en þá var semsagt búið að taka innvolsið úr eitthverri annari vél og púsla því saman og setja í okkar vél.  Það entist nú ekki lengi því eitthver keðja fór þá og ný keðja sett í vélina.  Held að um kaffileitið hafi vélin verið farin að ganga svona þokkalega, og nú er bara að krossa fingur og vona að hún klárin nú dæmið.  En það er allavega búið að klára að rúlla nýræktina og Kjarrtúnið og gott ef Bensi er ekki byrjaður á Kertúninu.

         Fór að kýkja á hryssurnar áðan og á nú ekki von á folaldi í nótt.  Kannski kemur Illingsfolaldið um helgina en er þó ekkert  viss með það, en reikna nú samt með að það verði næsta folald. 

8. júlí 2009

            Heilmikið rennerí í dag, það kom fólk hér í hestaleigu um ellefu leitið, nú Elísa frænka kom hér ásamt 7 öðrum, en hún vinnur hjá ÍTR held ég örugglega og kom semsagt með 4 krakka og svo fylgdi starfsfólk með.  Þá kom hér líka fólk frá USA að skoða hann Prins.  Nú seinnipartinn komu svo fleiri í hestaleigu.

         Af heyskap er ekki nógu gott að frétta, helv...rúlluvélin er mikið biluð, kannski ekki alveg ónýt en ansi margt bilað eða ónýtt í henni, lítur svosem nógu vel útanfrá sér, eins og ný, það er greinilega ekki að skila sér þetta dekur við hana, s.s hafa hana inni og þ.h.  hér liggja hátt í 40 ha flatir og ég ætla nú rétt að vona að hægt verði að redda vél eða laga þessa og helst í gær.

7. júlí 2009

            Hún Þrúða var köstuð um klukkan hálfníu í morgun, veit að hún var ekki köstuð klukkan eitt svo hún hefur verið eitthverntímann þarna í morgun.  Það kom þessi flotti rauðblésótti hestur undan Bjarkari frá Blésastöðum.    Fékk svo dýralækni hér eftir hádegið en Þrúður var þá ekki orðin heil.     

       Hér var svo heilmikið að gera í hestaleigunni í dag en það komu 13 manns held ég, Sigga sagði einmitt rétt fyrir hádegi að það kæmi örugglega enginn í dag þar sem það var aðeins rigning....

          Það var svo ekkert hægt að gera í heyjum í dag þar sem það var rigning svona frameftir degi en veðurspáin er þvílíkt góð og það var farið í að slá meira þannig að ef ekkert klikkar verður þetta langt komið um helgina. 

6. júlí 2009

           Jæja þá eru hrossin komin heim úr eyjum, það var eitthvað slugs á bátnum já eða bara bilað þannig að þetta dróst nú aðeins en samt ekkert rosalega. 

         Hér var byrjað að slá í gær, gleymdi örugglega að minnast á það í gær, nú og svo var verið að snúa í dag og slá meira.  Nýræktin var slegin í gær en Kertúnið og Kjarrtúnið í dag, skilst að það sé nú bara ansi mikið á þessum túnum enda svosem ekki skrýtið miðað við veðrið undanfarið.  Vonandi næst svo að taka þetta saman á morgun og miðvikudag.  Nú ef allar vélar virka eins og þær eiga að gera gæti nú farið ansi langt með heyskap í þessari viku nú er bara að krossa fingur.

         Dóri fór svo austur í Hemlu í dag, alveg búinn að fá nóg af okkur hehe en hann frétti að það væri verið að fara í hestaferð þarna fyrir austan og þar með var hann farinn en það hefði nú svosem ekki þurft hestaferð til, alsæll í sveitinni. 

5. júlí 2009

         Hún Mínúta hans Sigurðar kastaði í nótt, fór um fjögur leitið að kýkja á hana og þá var hún köstuð og orðin heil.  Það kom jörp hryssa og ég held örugglega undan Glaði frá Brattholti, þetta fínasta folald bara.

         Mitt fólk kom svo heim úr Eyjum með Herjólfi um hádegisbilið, eitthvað af fólki kom svo örugglega með seinni ferðinni og restin af mannskapnum kemur svo í fyrramálið með hrossin.

         Nú ég skrapp til hennar Sigríðar á Fossi eftir hádegið, í smá blómadropaspjall, mjög gaman af því. 

        Nú og svo er það varðandi hryssurnar en nú verður Þrúður örugglega næst, fór út seinnipartinn og kýkti á hana og held að ég laumi mér aftur áður en ég fer að sofa, það var nú ekki farið að leka úr henni seinnipartinn en hver veit hvernig staðan er núna. 

4. júlí 2009

          Sé að ég hef gleymt að uppfæra í gær, var nú samt viss um að ég hefði  gert það.  Hvað um það, nú er staðan þannig á hryssunum að það er farið að leka úr hryssu sem heitir Mínúta, og það lekur  bara helling þannig að ég á nú von á að hún kasti í nótt. 

     Aðeins hefur rignt í nótt og morgun en svo er búið að vera rosalega heitt í dag.   Tengdamamma kýkti hér við í dag, Hulda og Ingþór komu líka við og svo komu Páll og Freyja líka þannig að ekki hefur manni nú leiðst í dag.  Reyndar leiðist mér aldrei sem betur fer.

       Nú af Vestmannaeyjarförum er allt gott að frétta, fengu betra veður en á horfðist, en það var víst eitthver þoka sem spillti ústýninu en allir kátir held ég bara, sá svo á netinu að Herjólfur bilaði í morgun en vonandi verður hann kominn í gagnið á morgun. 

2. júlí 2009

           Enn og aftur dett ég næstum út og veit bara ekkert hvað ég gerði í dag, man þó að ég skaust á Selfoss að sækja lyfin mín, nú af hryssunum er það að frétta að það er ekki farið að leka úr þeim en brúna hryssan sem ég held að heiti Mínúta gæti nú verið komin á tíma næstu nótt, verra að átta sig á Þrúði en hún er með svo mikinn stálma að bráðum fera spenarnir að hverfa eins og á Lísu í fyrra.  En þetta kemur allt í ljós. 

1. júlí 2009

           Alveg ágætt veður í dag, engin sól en ansi heitt svosem, en undir kvöld var nú farið að rigna.  Gróa og Toni kýktu hér við í dag en þau eru að klára hringferð í kringum landið á mótorhjólinu sínu, þvílíkur dugnaður.

          Seinnipartinn fóru svo Bjössi og Sigga austur í Hemlu að sækja Dóra en það stendur semsagt til að fara í hestaferð til Vestmannaeyja um helgina allaveg eitthver hluti af mannskapnum.

        Kýkti svo á brúnu hryssurnar í kvöld og enn eykst júgrað undir þeim en þó ekki farið að leka úr þeim spennandi... 

30. júní 2009

            Ansi heitt í dag en ekki mikil sól samt.  Kýkti á Þrúði og brúna hryssu sem er hér í fóðrun og það er nú farið að styttast allverulega í þær, það var þó ekki kominn dropi á spenann á þeim í kvöld.

         Hér kom svo smalahundafólk í kvöld til að kýkja á aðstæður en smalahundafélag Árnessýslu á að sjá um landsmót samlahundafélas Ísland þetta árið og gott ef keppnin verður ekki bara haldin hér í Miðengi.   Nánar um það síðar en þetta verður  bara flott. 

29. júní 2009

         Enn og aftur kvartar maður yfir veðrinu, nú er búið að vera svo rosalega heitt í dag, kannski sem betur fer ekki allt of mikil sól en þá hefði þetta verið skelfilegt allavega fyrir mig en auðvitað er fullt af fólki sem líkar svona hiti svosem.

         Annars bara lítið um að vera held ég bara, Guðni Reynir og Bjössi búnir að vera niður á Hrauni að rífa upp gamlar girðingar, það er meira að segja  búið að fá gám á staðinn til að setja girðingarlufsurnar og ekki einusinni víst að allt komist í gáminn en það kemur í ljós. 

28. júní 2009

             Komum heim úr afmælinu um fjögur leitið í nótt, fór og kýkti á Hæru og það var kominn dropi á spenann á henni.  Það tók því nú alls ekki að fara að sofa því hryssan var jú réttóköstuð, þannig að ég var á vappinu.  Um sex leitið í morgun kýkti ég hér út og fannst ég nú heyra fólk vera að tala saman úti í húsum, var nú viss um að þetta væri eitthver vitleysa, sjá jafnframt að hrossin sem voru í upptúninu og þau sem voru austur í girðinu voru komin heim.  fór vestureftir og viti menn upptúnshrossin voru komin inní gerði og austurgirðingarhrossin vou komin í annað gerði.  Vissi jú að það stóð til að handsama öll þessi hross fyrir hádegið svo ég lokaði bara hliðum og var í raun þá búin að loka öll þau hross inní gerðum sem átti að nota í dag, ótrúlega seig eða þannig en sjálfsagt var nú eitthver annar að verki með reksturinn já eða bara hossin svona skynsöm, allavega var ekki nokkur maður sjáanlegur vesturfrá en átti nú svosem ekki von á því.  Þarna var hryssan ennþá bara rétt óköstuð svo það tók því nú ekki að leggja sig en var að hugsa um að legga mig bara þegar hún væri köstuð svona um átta leitið.  Svona gekk þetta nú allann morguninn  ekki vildi ég missa af þessu og lagði ég mig ekkert.  Folaldið kom svo rétt rúmlega þrjú í dag, ég Sigga og Þóra horfðum á hana kasta, ansi falleg bleik smánösótt hryssa en Bjarni Þorkels á þetta folald.    Þá tók við þetta  venjulega passa að  taka eitthverjar myndir, setja þær í tölvuna og þ.h  athuga hvort hryssan væri nú ekki orðin heil og hvort folaldið væri ekki örugglega komið á spena auðvitað var þetta allt í fínu lagi.   Svo var bara allt í einu komið kvöld og ég á enn eftir að leggja mig.  Ég fór semsagt á fætur uppúr klukkan fimm í gærmorgun (laugardagsmorgun) var semsagt að prufa að taka lyfin inn á öðrum tíma sem er greinilega ekki að virka lagði mig auðvitað ekkert í gær, fór svo í fimmtugsafmæið hans Gumma og mikið var nú gaman.  En er nú orðin ansi þreytt núna enda búin að vaka í um 40 tíma samfellt en var að vona að mér tækist að hanga uppi þar til Monk er búinn í kvöld, mæli ekki með þessu.  Kallast þetta að vera að drepast úr forvitni eða bara að hafa hugann við spari hryssuna sína?  Þær eru reyndar allar spari, vel síðari kostinn enda drepur þetta mig varla Góða nótt 

p.s komnar myndir af gripnum í albúmið en  ekki hvað

27. júní 2009

            Hér var farið í miðnæturreið í gærkvöldi og mannskapurinn ekki kominn heim fyrr en undir morgun, ja eða um miðja nótt allavega.  Þannig að Sigga já og sjálfssagt fleiri á torfunni sváfu frameftir, það var því ekki laust við að Sigga hrikki upp við vondann draum þegar hún heyrði í þyrlu sem lenti næstum á pallinum hjá okkur.  Nú þar sem Sigga er mikill aðdáandi  24 þáttanna þá sá hún nú ekkert annað í stöðunni en að þetta hliti bara að vera hriðjuverkaárás...þú sérð jú varla þyrlu í sjónvarpinu öðruvísi en það skothríð fylgji.  Hvað um það,þetta voru bara nágrannar okkar í Klausturhólum að halda uppá fimmtugsafmæli bóndans, frábær hugmynd hjá þeim að koma karli í þyrluflug og Sigga var nú nokkuð fljót að jafna sig.

        Annars er búin að vera rosalega mikil sól seinnipartinn í dag, og gott ef maður er ekki  búin að ná sér í smá lit.  Fór og kýkti á Hæru, sá nú ekki dropa á spenanum en þegar ég kom við júgrað þá var nú bara fullt af mólk í lúkunni á mér, þannig að í nótt þegar ég kem úr afmælinu hans Gumma þá kýkji ég á hryssuna og sé hvort þá verði ekki örugglega kominn dropi á spenann, já og sjálfsagt verður svo komið folald í fyrramálið... 

26. júní 2009

            Heyrði í Dóra í morgun og hann er alsæll eftir Þórsmerkurferðina, nú og svo er hann víst að fara að keppa um helgina í Pétursey, skildist á honum að hann myndi keppa í A flokk þetta er bara gaman.

            Annars fórum við Sigga á Selfoss í morgun, ná í þetta allra nauðsynlegasta.  Nú svo er aðeins búið að vera að gera í hestaleigu í dag fyrst komu tvær norskar stelpur og núna í kvöld mætti 15 manna hópur og gekk bara ljómandi vel.

            Hæra enn óköstuð og ekkert þessleg svosem þannig að ég verð bara að bíða enda gerir það svsoem ekkert til. 

24. júní 2009

             GR ákvað snemma í morgun að skella sér í smá ferðalag og alveg óvíst í hvaða átt hann færi, við héldum að hann stefndi á Skaftafellssýslu en svo hringdi ég í hann um miðjann dag og þá var hann á Akureyri, aðeins seinna var hann svo á Húsavík og núna í kvöld var hann á Dalvík, hef grun um að hann ætli svo að leggja sig í bílnum reglulega og koma heim í nótt en ég var að benda honum á að fá sér gistingu en það kostar sko rúmar 9 þúsund krónur sagði hann og nógu dýrt fannst honum að þurfa að kaupa sér eitthvað að éta á leiðinni þó hann væri nú ekki að splæsa í gistingu líka.

        Sigga og Bjössi fóru svo að sækja hann Brag frá Túnsbergi en hann verður hér á vegur hrossaræktardeildarinna Goða.  Vona bara að þau hafi tekið réttann hest því það var enginn til að afhenda hestinn en sjálfsagt fréttum við í fyrramálið ef vitlaus hestur hefur verið tekin.....

      Nú Hæra kastar nú líklega ekki í nótt en þetta verður bara að fara að koma svo ég geti komið henni undir Sporð.

       Af Dóra er svo það að frétta að hann fór í Þórsmörk með Skálakotsmönnum í gær og er svo búinn að vera í útreiðum í Þórsmörk í allann dag hef ég grun um og í þessu frábæra veðri, vonandi fá þau svo gott veður á morgun til byggða aftur.  Skilst að hann sé svo að fara austur í Pétursey um helgina að keppa, en Skálakotsbóndinn er víst með eitthvað sem hann ætlar að setja undir strákinn, þetta er bara frábært og minn maður safnar endalaust í reynslubankann. 

23. júní 2009

          Skaust á Selfoss í morgun með bílinn í smurningu, gekk ljómandi vel, nennti svo ekkert að fara inná Selfoss þó ég hefði nú kannski þurft þess en aldrei að gera neitt í dag sem hægt er að láta annann gera á morgun.

         Ingþór kýkti svo við hér í kaffi í dag, nú og GR fór á Selfoss að sækja G.Har og skutla honum heim.  Annars bara rólegheit held ég allavega ekkert sem ég man.  Ja nema ég kýkti á Hæru og nú er farið að styttast í hana, vonandi verður hún köstuð fyrir helgi er eiginlega viss um að það takist hjá henni, það var samt ekki farið að leka úr henni núna í kvöld. 

       Nú og svo var ég að laga eitthvað til á síðunni og í myndaalbúminu.  Frétti svo hjá henni Kollu Gr að það hefði aldeilis gengið vel með Ívar á eitthverju móti, vann A flokk eftir bráðabana og varð önnur með klárinn í gæðingaskeiði, frábært þetta. 

22. júní 2009

           Fórum eftir hádegið að Skíðbakka að skoða folöldin undan Hæring, ótrúlegt hvað hann er sterkur á þessum lit sem er eiginlega ekki litur, mikið ljós og bleikur blær á þeim flestum.  Sá nú ýmislegt sem heillaði mig eins og alltaf.  Setti slatta af myndum í albúmið mitt.  Við fórum semsagt eftir hádegið og stálum Dóra í Hemlu sem gaf sér nú tíma til að fara með okkur, Sigga systir hans spurði hann svo hvort hann kæmi ekkert heim fyrr en í ágúst svona alkomin og hún fékk svarið ja eða í október...þannig að ekki leiðist honum blessuðum karlinum. 

21. júní 2009

          Er nú bara búin að vera heima í dag, ætlaði með GR á Selfoss að kýkja á G.Har sem er á spítalanum en var bara svo ansi léleg en GR dreif sig.  Annars  bara lítið um að vera, jú hér kom á hlaðið stór húsbíll, var úti á tröppum að tala við Eyrúnu, og allt í einu fer bílstjórinn á bílnum að flauta, hundarnir ekki kátir og auðvitað ekki ég heldur, en þá semsagt ætlaðist maðurinn til að ég kæmi hlaupandi til að vita hvað hann vildi, og ég svo kurteis að ég fór, þá var hann að leita að sumarbústað sem ég gat svosem bent honum á en þvílík frekja manninum datt ekki í hug að fara út úr bílnum og auðvitað átti ég bara að fara inn og loka hehe en geri það næst ef það kemur stór gamall blár húsbíll já eða næstum rúta með gömlum frekum karli.

20. júní 2009

           Fór að Ketilvöllum í morgun en hin árlega jónsmessuferð þeirra Traustamanna var skipulögð þaðan.  Bjössi, Jonni og tengdapabbi fóru ríðandi og voru þvílíkt ánægðir með ferðina ekkert smá flott já og eiginlega hrikalega flott landslag skildist mér.  Ég Sigga og tengdamamma fórum í bíltúr um tungurnar, kom í fyrsta sinn að Bræðratungu en tengdamamma hafið mikinn hug á að átta sig á því hvar nýja brúin yfir á flúðir ætti að vera, held að við séum nokkuð klárar á því núna hvar þessi framkvæmd verður.  Rukum svo heim með Siggu en hún þurfti óvænt að hjápa GR en það var von á fólki á hestbak.  Þetta gekk allt saman rosalega vel skildist mér.  Við Inga fórum svo aftur að Ketilvöllum því ekki vildum við nú missa af baunasúpunni sem í boði var eftir reiðtúrinn.  Þetta var frábært í alla staði verð ég að segja og ég segi  bara takk Ketilvallaábúendur fyrir frábærtar mótökur.

19. júní 2009

            Fór snemma á Selfoss í morgun með Siggu en hún ætlaði að fara á Akureyri á bíladaga.  Vorum aðeins búnar að snúast á Selfossi þegar hún ákvað að koma bara heim aftur en hún er greinilega ekki orðin góð af flensunni.

          Skutlaðist svo aftur á Selfoss fyrir hádegi með eina hryssu sem var á leiðinni austur á landi og búin að redda sér fari.

          Eitthvað var svo  verið að snúast í rollum í dag svona eins og gengur.

          Svo kom Lísa í kvöld með sónarinn, byrjaði á að sóna Bóthildi og hún er með fyli við Þórodd, svo var það Hemja sem var sónuð með fyli við Klett frá Hvammi og loks hún Hrypja mín sem er með  fyli við Ágústínus, ekkert smá flott þetta.  Nú svo kýkti hún á Eldingu sem er að byrja í látum, og potaði í kviðinn á brúnni hryssu sem er hér í haga og sú er með fyli sem betur fer en mér fannst hún nú kannski frekar mjó, gat allavega stokkið yfir girðinu um daginn.  Svo voru þrjú folöld örmerkt, heilmikið sem komst í verk í dag. 

18. júní 2009

             Enn og aftur veit ég ekkert hvað ég er búin að vera að gera í dag en líklega er það bara það sama og vant er, semsagt ekki neitt.  Ja kannski aðalega að hugsa um hvort Hæra verði nú köstuð um næstu helgi svo ég geti farið með hana undir hest og ef ekki hvað gera bændur þá....búin að skoða á blaði allar mínar hryssur, eini möguleikinn er þá að fara með eitthvað sem Dóri kemst ekki að fyrr en það verður of seint hehe en reyndar á að sóna hér tvær á morgun og ef Hryðja er tóm þá er þar möguleiki, en gerum bara ráð fyrir að Bóthildur og Hryðja séu með fyli.  Veit meira annað kvöld og man það örugglega þegar ég uppfæri því það er svo stutt frá sónar þar til ég uppfæri heeh

17. júní 2009

            Afmælisdagurinn hans Kidda afa í dag en í dag hefði hann orðið 93 ára held ég örugglega.  Bjössi og Guðni Reynir kýktu upp í kirkjugarð svona í tilefni dagsins.

           Í morgun fóru Jonni og Bjössi með Nös undir Illing, þeir fóru með einn hest á Selfoss í leiðinni sem gleymdist hér þegar hrossin voru sótt heftir Álftavatnsreiðina, og svo fóru tvær hryssur í Hemlu, hryssan hennar Helgu Rósar sem er að fara undir Klæng og svo hún Sunna en Dóri ætlar eitthvað að hreyfa hana í sumar.

           Annars svosem lítið um að vera, GR kýkti aðeins á hátíðarhöldin á Borg en ansi held ég að hann hafi stoppað stutt, rétt til að fá ís í sjoppunni og svo var hann kominn heim aftur, hann kýkti nú kannski aðeins á Borg en sagði að það hefði verið ansi fátt.  Hér einusinni var maður nú duglegur að fara og hitta sveitungana sem var bara mjög gaman en núna undanfarin ár hefur verið svo mikið af fólki sem maður þekkir bara ekkert, þekkir bara einn og einn á stangli og þegar þannig er orðið þá nenni allavega ég ekki að fara.  Það er eiginlega bara hestamannaball og þorrablót já og réttarball ef það er þar sem maður þekkir næstum alla og þangað fer maður að sjálfsögðu.   Meira að segja er þetta orðið svona á skólaslitum, þar þekkti ég nú einusinni alla þegar GR og Sigga voru lítil en nú þekkir maður bara þessa ,,gömlu"  sem eru líkast til orðnir í minnihluta.

       Toni setti svo slatta af myndum inn í gærkvöldi, en ég hef grun um að hann eigi eftir að setja eitthvað inn, þannig að þegar myndirnar hans eru komnar yfir 100 þá eru þær líklega allar komnar hehe 

16. júní 2009

Reynir Már er tvítugur í dag til hamingju með daginn :)

          Vaknaði snemma í morgun en stefnan var tekin norður með Hæring, kýktum svo á folöldin sem komu undan Tintron á Fremri Fitjum en hann á þrjú móvindótt folöld þar.  Tók slatta af myndum af þeim og setti í albúmið.  Nú sá svo að Toni er búinn að setja inn Álftavatnsmyndir í albúmið mitt ekkert smá flottar myndir eins og von var á.

        Bætti svo inn myndum í albúmið af Blakk og Evru en þau voru alveg til í að stilla sér upp fyrir mig. 

        Svo var þessi líka flotta mynd af GR í mogganum í dag, en það var semsagt mynd úr Álftavatninu þar sem GR heldur í tauminn með annari hendi og heldur á Maltdós í hinni, flottur, kannski hann hafi verið valinn úr myndaseríunni þar sem allir hinir vou með bjórdós hehe nei held nú ekki. 

15. júní 2009

          Fór út um hálfsex í morgun að kýkja á Nös og hún var nýköstuð.  Átti þessa líka flottu bleikálóttu hryssu.  Ég sem var svo viss um að þarna kæmi hestur en sem betur fer hafði ég ekki rétt fyrir mér, held að eigendurnir Jonni og Bjössi séu alsælir enda mega þeir vera það ansi flott hryssa.  Þyrfi samt að taka fleiri myndir hvernig sem ég fer að því þar sem hún Nös er ekki sú spakasta hér á bæ.  En það hlítur að þufa að handasama hana áður en hún fer í graðhest.

      Fórum svo að snúast með hryssur í dag, það var semsagt kominn tími á að mæta með hryssu undir Aron og fyrir valinu var Katla sem var að koma úr dómi á Hellu.  Mikið var hún nú kát að komast á græn grös og svo er bara að krossa fingur og vona að hún fyljist.  Svo var það sparimerin mín hún Lísa, tók ákvörðun bara í gærkvöldi og við brunuðum með hana undir Dug, var nú svosem búin að undirstinga umsjónamenn hans um að ég gæti vel hugsað mér að kom með hryssu en ákvað svo að sú útvalda yrði Lísa.  Það eru 50% líkur á að ég fái albínóa eða hvítingja eins og það kallast víst, nú ef ekki þá er það leirljóst eða glóbrúnt.

       Í hrossamálum er næst á dagskrá að sóna Bóthildi, Hryðju og jafnvel Visku, nú og svo auðvitað að bíða eftir folaldinu hans Bjarna Þorkels úr henni Hæru, hún gæti orðið uppúr mánaðarmótum jafnvel fyrr því hún gengur ekki mjög lengi með.

      Er svo búin að setja inn væntanleg folöld 2010 ekki seinna vænna hehe en það er nú alveg óhætt þar sem búið er að sóna eina með fyli og vonandi raðast fleiri inn á næstu dögum. 

        Var svo að fá fréttir að norðan en síðasta folaldið undan Tintron er fætt.  Tintron átti semsagt 1 móvindóttann hest, 2 móvindóttar hryssur og 1 móvindótta skjótta hryssu.  4 folöld og öll vindótt.  Tvær af þessum hryssum sem fóru undir hann fyrir norðan eru rauðar í grunnlit, þannig að enn get ég haldið í vonina að Tintron geti ekki gefið rautt.   Það skýrist kannski næsta vor en hann er í rúmlega 20 hryssum núna og ef ekkert kemur með rauðann grunnlit þá gæti mér orðið að ósk minni. 

14. júní 2009

           Nú þarf ég aldeilis að fara að hugsa hratt, þarf að mæta með eina hryssu undir Aron á morgun, svo fer að koma tími á að halda Lísu.  Ýmislegt spennandi sem manni dettur í hug að nota en læt  vita á morgun í hvaða girðingu hvaða hryssa fór.   Nös enn óköstuð og ég alveg orðin sannfærð um að strákarnir fái hestfolald.  Það hlítur nú að koma í nótt. 

         Fór svo austur í Hemlu í dag með Dóra og Ragga en það þíðir nú ekki að vera að slugsa heilu dagana hehe 

13. júní 2009

          Heilmikið rennerí á fólki hér í dag, verið að sækja hesta síðan í gærkvöldi.  Einn foli kom hér veturgamall seinnipartinn í hagagöngu og verður fram á haust.  Nú ég setti inn helling af myndum úr Álftarvatnseiðinni, tengdamamma var ansi dugleg að taka myndir en myndirnar eru semsagt allar í albúminu mínu.

         Fór svo í kvöld og kýkti á hryssurnar og gott ef það er ekki kominn dropi á spenann á henni Nös þannig að það er alveg að fara að koma folald ;)  Það er nú búið að aukast ansi hratt á henni júgrað bara síðan í fyrradag bíð bara spennt. 

12. júní 2009

          Fór eftir hádegið að sækja Dóra í Hemlu og Ragnar kom með okkur en það er semsagt tekin stefnan á Álftavatnið í kvöld.  Nú það var líkast til um 65 manns sem voru klár niður við vatn en það voru nú ekki allir sem fóru út í eyju enda svosem margir búnir að fara áður.  Nú það gekk svosem á ýmsu í þetta sinn en klárinn hjá Ingþór datt í draugabrekkunni og steig á hann, líkast til er hann rifbeinsbrotinn, nú Sævar Ingi var líka ansi óheppinn en það brotnaði í honum tönn þannig að það gekk svosem á ýmsu. 

11. júní 2009

            Við Sigga skruppum á Selfoss í morgun aðeins að útrétta.  Nú á meðan við vorum að leika okkur á Selfossi sýndi Daníel hana Kötlu í kynbótasýningu á Hellu.  Þetta gekk bara ljómandi velllavega erum við rosalega ánægð.  Katla fékk 7,76 fyrir byggingu en það var nokkurnvegin það sem við áttum von á, það var allavega nokkuð ljós að hún færi ekki mikið hærra og í raun gátum við átt von á mun slakari niðurstöðu í byggingu.  Nú hún fór svo í 7,92 fyrir hæfileika sem er bara dúndurgott, kom út með 7,86 í aðaleinkunn.  Nú svo er yfirlit á laugardagsmorgun en ég á nú ekki von á að hún bæti neitt þá því hún var nú bara ljómandi góð skilst mér en maður veit svosem aldrei á hverju hún og Danni luma.

          Nú svo var farið með hana Mirru í sónar seinnipartinn og ég get bara enn haldið áfram að vera kát því Mirra er með fyli en hún fór undir Möller frá Blesastöðum.  Ansi spennandi finnst mér og ekki leiðinlegt að geta farið að koma hryssunum út í hagann þar sem þær verða í sumar.   Held að það sé svo óhætt að fara með tvær fljótlega eftir helgina svo það er bara að krossa fingur.  Nú það bólar ekkert á næsta folaldi en það er Nös sem er næst,  Nös og Lísa fóru báðar undir Keili og fóru sama dag, svo voru þær sónaðar sama dag og þá var bara Nös komin með það gamal fyl að það sást, þannig að Lísa er ekki að ganga með eins lengi og Nös ef það er eitthvað að marka þennann sónar.   Nú og ef Nös dregur þetta lengi þá kemur klárlega hestfolald, enda hafa þau komið til skiptist hryssurnar og hestarnir og nú er röðin komin að hesti.  Nú og ef þetta magnaða kerfi mitt stenst þá ætti Hæra að koma með hryssu.... en sjáum til vona bara að allir fái það sem þeir óska sér allavega er ég búin að fá öll mín folöld og allt hryssur.

10. júní 2009

          Fyrir 14 árum uppá dag fluttum við inní þetta hús nýbyggt.  Man þessa dagsetningu held ég held af því að þetta var brúðkaupsafmælisdagurinn hjá Kidda afa og Helgu ömmu.  Vona að þetta sé rétt munað með brúðkaupsafmælið, en hef auðvitað ekki hugmynd um hversu mög ár þetta eru í dag.

          Annars bara allt við það sama, verið að finna út hver fer á hvaða hesti í vatnið, og hver fer á hvaða hnakk, held að fjöldinn sé klárlega kominn yfir 50 mann líklega að nálgast 60 ef svo allir mæta sem segjast ætla að mæta, en það er  bara sama regla og vant er en það er að telja hversu margir fara út í vatn og vona að það komi jafnmargir uppúr aftur.

         Fór uppá tún áðan að skoða hryssurnar og það er nú ekki alveg að koma folald, nú það eru fjögur fölöld uppá túni leirljósu hryssurnar eru ótrúlega spakar, brúni folinn hans Dóra svaf nú svo fast að ég gat myndað hann í bak og fyrir já og eins Birtu, gat líka klappað þeim og þau rumskuðu ekki, en fyrir rest vöknuðu þau til að fá sér sopa en það var svo mikil værð yfir þeim að Birta lagðist í sólbað fljótlega aftur.  Leira Lísudóttir aftur var alveg að sofna en lagðist nú samt ekki skonið að sjá hana tæplega halda haus en kippa svo hausnum upp aftur.  Nú svo er það hún Gletta sem er andsk. styggari hvaða sem hún hefur það nú, eins og hún Hryðja mín er prúð, allavega var Hryðja ekkert að pirra sig á því að ég væri á vappi þarna en Gletta var alveg tilbúin að skjótast út í loftið ef ég nálgaðist of mikið.  

9. júní 2009

            Þurfti að skutlast á Selfoss í morgun en Bjössi fór með traktórinn í smurningu og ég þurfti að ná í karlinn.  Kýkti eins og vant er uppá tún og skildi ekki alveg hversu langt hún Birta væri komin frá mömmu sinni, og kýkti í kringum mig hvar Mirra mamma hennar væri og viti menn þá var Birta þar líka... svo ég kýkti betur og þarna uppá túni voru semsagt tvö leiðljós folöld, Lísa semsagt leikið á mig og var köstuð, og ég að verða of sein að sækja karlinn en lét mig nú hafa það að sækja hann, sá jú að folaldið var leirljóst og var nokkuð viss um að þetta hlyti að vera hryssa þar sem Lísa var nú ekki þessleg í gærdag að vera komin að köstun.  Við Bjössi fórum svo að skoða gripinn um leið og við komum heim og þetta stemmdi, leirljós hryssa og svo er hún með blesu líka, ekkert smá montin af þessu folaldi.   Lísa dýralæknir stakk uppá nafninu Leira frá Miðengi og það finnst mér nú bara flott, passar folaldinu mjög vel, nú og svo var nú minn fyrsti reiðhestur hann Leiri gamli sem afi átti.  Og þar sem ég var farin að festa nöfn á folöldin þá var bara sú beljubleika eftir sem skeiðar ekkert smá mikið og hratt, eina sem mér datt í hug á svona vekring er Gletta, þannig að nú er ég búin að setja nöfn á öll folöldin mín sem eru reynda bara þrjú þetta árið, já allavega þrjú fædd mér.  Hef nú oft verið frumlegri í nafngiftum en er bara mjög sátt.

         Annars er lítið að frétta, verið að undirbúa mokstur út úr fjárhúsinu og þess háttar.   Dóri alltaf í Hemlu já og á Hellu þess á milli, ansi stór dagur hjá þeim Hemluhjónum í dag á Hellu því ég gat ekki betur séð en að þau hafi náð þremur hrossum í fyrstu verðlaun í dag og geri aðrir betur, til hamingju með þennann frábæra árangur.

8. júní 2009

            Þetta fína veður í dag, ekki of mikil sól en hefði mátt vera aðeins minni vindur en skipti svosem ekki máli þar sem ég fór nú varla úr húsi.

           Kjartan danski kom við hér í dag að kýkja á hryssuna sína og var bara nokkuð sáttur með þá gömlu.  Ég kýkti á Nös og Lísu í leiðinni og það er nú farið að aukast heilmikið undir Lísu, vona að hún kasti bara um helgina, já eða strax eftir helgi.  Nös aftur vildi nú ekki leifa mér að skoða sig mikið en er nú ekki viss um að hún sé fyrr en í næstu viku en það er samt ómögulegt að segja en samkvæmt sónar fékk Nös nokkrum dögum fyrr en Lísa en það er nú ekki alveg að marka.  Bíð bara spennt. 

         Nú það var farið með hryssu í sónar sem hafið verið hjá Hvata en því miður var hún ekki með fyli og dýralæknirinn sagði að hryssan væri með svo þröngann legháls að það væri útilokað að hún gæti fyljast, ja nema kannski með sæðingu, ekki spennandi það og eina sæðingin sem er í gangi er fyrir norðan held ég þetta árið.  Eigandinn verður því að leggjast undir feld og hugsa málið.  Nú annars er hér leirljós hryssa og önnur móálótt litförótt og þær eru  báðar í látum og vonandi fengnar. 

7. júní 2009

            Gleymdi nú að segja frá því í gær að farið var með Eldingu undir Illing í gær, ekki viss um að það hafi tekist að halda henni en svo fór Askja í Langekru en hún á að vera með Tintron í sumar.

           Í dag kom litförótt hryssa undir hann Hvata og gaman að sjá að ári hvaða litur kemur þar.  Jón Haukur kom svo með veturgamlann fola í geymslu sem verður hér fram á haust.

           Sunnanfólkið er svo búið að vera í sleppitúr í dag, Guðni, Valka og co komu ríðandi næstum alla leið með sína hesta held nú reyndar að aumingja Valka hafi verið skilin eftir heima á sinni hækju?   Svosem ekki gaman að vera með ef maður getur ekki verið með eða þannig.  Nú Lísu og Dóra hestar komu líka austur í dag en þeir hestar komu á kerru enda voru þau svosem búinn í sleppitúr um síðustu helgi.

         Það er svo farið að styttast í að farið verið í Álftavatnið en ég var nú að telja lauslega saman þá sem er nokkurnveginn vitað að komi og þá var ég komin uppí 45.  Veit samt um fleiri sem eiga eftir að staðfesta já og svo bættist við eitthvað í kvöld þannig að það verða lámark 50 manns á hestur hef ég trú á.  Það gæti endað með því að hópurinn næði endann á milli hehe

       Heyrið aðeins í Dóra í dag en það er sko nóg að gera hjá honum, hann er  búinn að vera á Hellu að fylgjast með hrossum og svo var hann á leið heim í Hemlu og ætlaði á hestbak.  Hugsa að hann væri nú orðinn vitlaus hér heima þar sem hestarnir eru ekki heima við og því væri ekkert að gera að hans mati. 

6. júní 2009

             Ekki var Hrefna köstuð í morgun, en hún er búin að vera ansi óróleg í dag og labbað hring eftir hring í girðingunni þar til í kvöld að hún fann rétta blettinn og kastaði.  Það kom brúnn hestur eins og mig grunaði.  Við vorum viðstödd þegar Hrefna kastaði og henni  tókst að verða afvelta á milli þúfna, nokkuð viss um að hún hefði ekki komið sér úr þeirri klípu, en það eru komnar myndir í albúmið mitt.

             Held að Dóri sé  búin að vera á Hellu í allann dag, ekki leiðst það drengnum, en hann var með Vigni að snúast en Klængur var að keppa eitthvað og var fimmti inní úrslit, svo þuldi Dóri upp hross sem voru á eftir Klæng og engin smá hross, þannig að við Klængseigendur getum verið ánægð með klárinn.

            Mér fannst ég nú standa mig ansi vel í dag, tvö lömb höfðu rambað út úr girðinu þar sem þau áttu að vera og viti menn ég náði þeim  báðum og henti yfir girðinguna....gat svosem ekki annað en náð þeim þar sem þau voru búin að festa sig í girðingunni en afrek samt.

          Kría tók svo flugið í dag, eða þannig hún Kersins Kría er semsagt komin norður til Sillu, fékk far með frænku sinni og gekk bara ljómandi vel.  Þannig að nú er það bara hann Kersins Kragi sem á eftir að finna heimili fyrir, það hlítur nú að finnast eitthvað út úr því enda flottur gaur og gæddur ýmsum kostum. 

5. júní 2009

            Við Dóri fórum á skólaslit í morgun, mikið flott, en sakna aðeins að bekkirnir séu kallaðir upp og afhent einkunnarblöð.  Nú er þetta allt afgreitt í foreldraviðtölum.  Rosaflottar veitingar eins og við var að búast og bara mjög gaman.  Hugsa nú að áttundi  bekkurinn eigi eftir að sakna skólans en þau fara í Reykholt næsta vetur, já og ég tala nú ekki um hversu mikið starfsmenn skólans hljóta að eiga eftir að sakna krakkana enda frábær hópur.  Dóri var varla kominn heim þegar hann fékk Siggu og pabba sinn til að skutla sér austur í Hemlu, reyndar komst hann víst ekki alla leið því þau hittu á Vigni á Hellu og þar varð strákur eftir já og Ljómi en hann ákvað að taka klárinn með sér. 

        Jonni, Bjössi og GR fóru svo út í hraun að finna folaldsmerina og koma henni heim.  Mikið held ég að hryssan hafi verið kát að komast heim því okkur sýndist hún nú ekki fá eins mikið næði og hún hefði viljað.  Búin að setja inn myndir af folaldinu í albúmið en þetta er semsagt brúnskjótt hryssa, mikið hvít og kölluð Jonna Braga þar sem þeir eiga þessa hryssu.  Það er ómögulegt að finna nöfn á þessi folöld alveg strax en sum eru nú smat þannig að það fer ekkert á milli mála þegar rétta nafnið dettur inn.  Sjálf búin að skíra hana Birtu en á eftir að skýra beljubleiku hryssuna mína.  Sigga er búin að skíra en Dóri og Bjössi eiga báðir eftir að finna nöfn á sín folöld.

       Finnst Hrefna orðin ansi óróleg en kemst ekki nálægt henni þar sem Viska er svo stygg og Hrefna fylgir henni.  Tvær hryssur komu svo áðan undir Hvata, rauð og leirljós, vonandi koma ekki folöld sem verður rauð í grunninn þar.

      Það eru svo ansi spenandi folöld sem koma næst, tvö undan Keili frá Miðsitju, eitt undan Þórodd sem Bjarni Þorkels á, svo kemur eitt undan Bjarkari frá Blésastöðum en Valka og Guðni eiga það, þá er eftir að koma eitt undan Illing annað undan Klæng frá Skálakoti og eitt undan Aron.  Bara spennandi. 

4. júní 2009

Höddi á afmæli í dag til hamingju með daginn :)

         Byrjaði á því í morgun að fara í lokaviðtal í Ljósuborg en Dóri er semsagt að klára skólann þar og fer næsta haust í Reykholt til hennar Arndísar, það verður nú spennandi að fylgjst með hvernig honum gengur að heilla hana uppúr skónum svo hann komist nú upp með allskonar vesen, ekki viss um að það takist hjá honum.

        Heyrði í Önnu Dóru í dag og hún Hrísla þeirra er köstuð en við fórum með hana undir Kvist 11 júlí fyrir ári síðan.  Nú við fórum með Nös og Lísu undir Keili þann 30 júní þannig að ef þær hafa fengið strax og ganga með eins stutt og Hrísla þá þarf ég nú að fara að fylgjast betur með.  Fór annars uppá tún að kýkja á Nös ot Lísu áðan og þær eru nú ekki að fara að kasta alveg strax en kannski um næstu helgi, hver veit.   Nú reyndi að kýkja á Hrefnu líka en hún er hér fyrir neðan bæinn ásamt Hvata og Visku og Viska er svo stygg að ég gat ómögulega komist nálægt Hrefnu en er nú samt ekki frá því að hún sé að farin að stálma eitthvað en kannski ég fari með kýki næst hehe

       Nú enn eru þessar tvær ær óbornar og eru líkast til bara lagstar í þunglyndi inní járhúsi, gat ekki séð  betur.

       Það eru svo skólaslit hjá Dóra á morgun og eftir þau ætlar hann beint í Hemlu, skildist á Vigni að það hefðu nú verið tekin slatti af hrossum heim í morgun úr mýrinni þannig að það verður nóg að gera hjá þeim og hef nú grun um að Dóra leiðist það ekki. 

3. júní 2009

           Þetta er nú orðið alveg skelfilegt með minnið mitt, man bara ekkert hvað ég var að gera í dag en held að ég hafi samt ekki farið af bæ.  Ennþá tvær ær óbornar.  Nú af hryssum er það að frétta að Askja er köstuð en hún hafði verið sett út í hraun þar sem hún átti ekki að kasta fyrr en seinnipartinn í júní, en hún gengur líkega ekki með í 11 mánuði eins og maður reiknar útfrá.  Hún virðist hafa kastað í nótt og það er brúnskjótt folald sem er mikið hvítt skilst mér, líklega hryssa já vonandi hryssa en hef grun um að eigendurnir sem eru Jonni og Bragi vilji frekar hryssu. 

        Skoðaði hryssurnar sem eru heima í morgun, man það núna tók eitthvað af myndum af folöldunum og sá að það kemur líklega ekki folald undan Hrefnu í nótt en svo styttist í Lísu og Nös en ég á von á þeim um miðjann júní. 

2. júní 2009

            Hér komu hestamenn í kvöld sem voru að ljúka við að ríða frá Hornafirði og á Selfoss held ég og yfir öll þau vötn sem þeir fundu á leiðinni.  Þeir voru að koma hér um eitthvað fyrir ellefu í kvöld og voru komnir yfir vatnið um miðnætti held ég, Gunni Sveins kom á móti hópnum og sá um að koma þeim yfir, sjálfsagt hafa þeir nú eitthvað blotnað en ekkert sem þeir  voru ekki vanir miðað við stórfljótin sem eru búin að vera á vegi þeirra.  Ég tók að gamni mínu tímann hvað það tók langann tíma að ríða úr eyjunni og í land og þeir voru átta mínútur.  Nú og svo held ég að Miðengismenn hafi slegið hraðamet á leiðinni frá vatni og hingað heim en þeir voru um tuttugu mínútur hingað heim.  Þori samt ekki að fullyrða að þeir hafi verið sneggri en Solla var í fyrra, en það má þá vart á milli sjá.

      Nú af fénu er það að frétta að það eru tvær ær óbornar og af hryssunum er það að frétta að það er bara ekkert að frétta.  Hrefna ætti að vera næst en ef ég man rétt gekk hún nú með í næstum ár í fyrra.  Nú og svo eru það Nös og Lísa en ég geri ráð fyrir þeim um miðjann júní en þær fóru  báðar undir Keili og verður spennandi að sjá hvað kemur þar. 

1. júní 2009

           Þá fer nú sauðburður að verða búinn, held að það séu 4 ær óbornar.  Aðeins  búið að vera rennerí á fólki hér í dag, nú og svo er auðvitað hestamennirnir búnir að vera að taka hrossin sín.  Skildist samt á Bjössa að þegar allir voru  búnir að taka sitt þá stóð eftir einn brúnn hestur???  Hummm það hlítur að finnast skýring á því, og kannski komin skýring þó svo að ég hafi ekki heyrt af því.

        Bjössi og Guðni Reynir fóru svo með Tintron í sumarvinnuna en hann verður í Langekru held ég að það heiti í sumar.  Nú það eru komin þrjú af fjórum folöldum undan Tintron sem eiga að koma þetta árið og öll eru þessi þrjú móvindótt, tvær hryssur og einn hestur.  Spennandi að sjá hvort það fjórða verður vindótt.

       Annars er ég búin að vera ansi löt í dag,  rétt druslast við að uppfæra síðan svo ég fái ekki skammir en vonandi nenni ég að setja inn myndir á morgun inní albúmið mitt.

30 og 31 maí 2009

          Fórum í hinn árlega sleppitúr og lagt af stað frá Miðengi á laugardagsmorgun.  Fyrsta stopp var á Minni Borg en þangað mættu Ormsstaðamæðgur og fylgdu Miðengismönnum að Ormsstöðum.  Ekkert smá flottar móttölur sem við fengum á Ormsstöðum,  bara veisluborð, takk fyrir okkur.  Nú þá lá leiðin áfram Sólheimahringinn, en við Bjarnastaði beið Lovísa okkar en hún fór með okkur í sleppitúr.  Stoppuðum svo við Brúará við brúnna en það var nú meira baxið, held að við höfum verið með 70 hross en ekki alveg klár á hversu margir reiðmenn voru með í ferð, kannski svona 20-30.  Hvað um það við Brúará ákvað reksturinn að taka því rólega í smá stund en allt í einu ákvað einn klár að prufa að skella sér í ánna.  Það varð til þess að allur reksturinn skellti sér á sund, bakkinn var svo brattur hinumegin að þau komust ekki upp þar og snéru því við og náðist að koma öllu heilu á höldnu uppá bakkann sem betur fer því þetta var nú ansi óspennandi að sjá.  Þegar við vorum að nágast Laugarás þá allt í einu vorum við bara komin að hólfinu þar sem hestarnir áttu að vera um nóttina.  Mannskapurinn rölti svo í gróðurhúsin til foreldra Herdísar en held að það heiti Hveratún.  Rosalega flott að sjá það og mikið vel tekið á móti okkur.  Þaðan var svo farið á Hótel Hvítá en mikið var nú hópurinn sammála um að þetta væri frábær staður til að vera á.  Kjötsúpan algjört æði og bara allt til fyrirmyndar og einmitt það sem svona hópi hentar.  Nú um kvöldið rambaði svo hópurinn ja allavega flestir á harmonikkuball sem var þarna á efri hæðinni og skemmtu sér  bara vel held ég.

         Nú á sunnudagsmorgninum var svo skellt í sig morgunmat, það vildi svo heppilega til að eftir morgunmatinn fundust tveir harmonikkuleikarar sem hægt var að fá til að spila þarna úti, virtist nú ekki fara illa í mannskapinn.  Nú þá var það hamborgaraát svona áður en lagt yrði af stað heim.  Heimferðin gekk svona og svona, aðeins vesen í kringum Sel en það átti semsagt að fara hringinn í kringum Mosfellið og Gunna frá Bjarnastöðum lóðsaði mannskapinn.  Nú eitthvað klikkaði forreiðin á hliðavörslu og það endaði með því að einn klár tapaðist uppí fjall, klárinn náðist nú sem betur fer.  Næsta stopp var hjá Bjarna á Þóroddsstöðum, sýndist nú vera komin værð yfir mannskapinn og ekki slæmt að geta lagt sig aðeins á móti sól, frábært verður.  Næsta stopp var svo á Borg en það er alveg skelfilegt að fara á milli Svínavatns og Borgar þar sem það er enginn reiðvegur og áttu reiðmenn fullt í fangi með að halda rekstrinum utan vegar, þetta slapp þó allt til sem betur fer.  Síðast kaflinn var svo heim í Miðengi og gekk ansi hratt og vel, og mikið sáttur og sæll hópur sem kom hér í hlað.

29. maí 2009

          Vöknuðum uppúr átta í morgun og fórum að undirbúa heimferð úr Þórsmörk, allskonar  verður búið að vera í boði, haglél, sól og venjulegt rok og rigning í bland.  Vorum komin heim uppúr tólf á hádegi.

        Fór að marka seinnipartinn, það hefur ekkert smá bæst við af lömbum rétt á meðan ég skrapp af bæ, held að nú séu  bara um 14 ær óbornar.  Nú hún Gunnsa mín bar í gær, Gunnsa er semsagt  mórauð frehyrnt ær sem ég fékk hjá henni Gunnu frá Bjarnastöðum.  Veit ekki alveg hvaða gen hún Gunnsa er með, hún gæti verið af gömlum forystuættum, og klárlega er hún af geitarsofnin líka held ég bara því hún getur hoppað yfir rúmlega metershá hlið án þess að taka nokkur tilhlaup. Er bara allt í einu hinumegin við hliðið.  Nú Gunnsa bar semsagt í gær og ég fékk þennann fína svartflekkótta ferhyrnta hrút.

          Nú við Dóri fórum svo austur á Hellu á Klængsfund og fengum að sjá klárinn, við urðum sko aldeilis ekki fyrir vonbrigðum, Klængur er bara flottur já eða flottastur og ég er að tala um rauðann klár athugið það, ekki eitthvað skræpótt.  Rosalega ánægð með klárinn verð ég að segja. 

28. maí 2009

           Guðni Reynir lét mig vita um hálfþrjú í nótt að Elding væri köstuð.  Rauk að sjálfsögðu út í hús að skoða og það var kominn þessi líka rosalega flotti hestur, fallega jarpur líkast til coníaksjarpur ef það er nú til en verður líkast til grár.  Rosalega framfallegur að sjá þó svo að hann væri nú varla kominn á lappir og allsekki orðinn þurr.

      Nú svo í morgun var farið að af stað í Þórsmörk með 8. bekk þetta voru 9 krakka r og 4 fullorðnir, ferðin var alveg rosalega skemmtileg, enda alveg frábærir krakkar þarna á ferð, takk fyrir skemmtilega ferð krakkar, það getur nú engum leiðst í kringum ykkur :)

27. maí 2009

             Svona líka ljómadi veður í dag.  Sauðburður gengur sinn vanagang, nú og Elding óköstuð tókum á það ráð í kvöld að setja hana og Hrefnu inní skemmu þar sem það er spáð roki og rigningu í nótt.  Það var einmitt kominn dropi á spenann á Hrefnu í dag en samt enginn stálmi og lítið júgra þannig að ég veit nú ekki alveg hvað hún er að spá en Elding og Hrefna eru alltaf saman þessa dagana svo þær geta þá haft félagsskap hvor af annari já og af kindunum ef þær nenna ekki að kasta.

        Við Sigga fórum með Bóthildi á Þóroddsstaði en hún á að fara undir Þórodd, Bóthildur er á degi átta en hún var nú greinilega ekki byrjuð í látum ennþá. 

          Sigga hans Valla kom svo hér í dag með litla vinkonu sína að skoða lömbin, hestana já og hvolpana, þeirri stuttu leiddist það nú ekki sýndist mér.

          Nú svo voru tekin hér þrjú hross sem eru búin að vera í vetrarfóðrun. 

          Seinnipartinn var svo farið ríðandi í kringum hraunsgirðinguna en það var verið að fara yfir girðinguna og reka niður staura svo girðingin væri nú fjárheld í sumar. 

26. maí 2009

          Gleymdi alveg í gær að segja frá því að nú er Hryðja farin undir Ágústínus, Dóri fékk hryssuna semsagt í láni og svo  er bara að vona að hann fái óskafolaldið hvað sem það nú er.

           Það er annars bara mikið búið að vera að gera í dag, í morgun kom Árni dýralæknir að gelda já og svo ýmislegt smálegt í leiðinni.  Nú ég búin að vera úti í skóla heilmikið í dag en það var verið að frumsýna myndir sem krakkarnir í 8 bekk höfðu verið að vinna í vetur, þetta voru semsagt teiknimyndir og bara gaman.

        Í kvöld fór ég svo á Selfoss á MS hitting, þetta var  bara ansi gaman, þarna voru tvær manneskjur nýbúnar að fá neitun á Tysabri...ekki gaman það en ekki gott að segja af hverju fólki er hafnað, kannski er maður ekki nógu veikur eða lyfið er kannski ekki eins gott og við ms-ingar höldum, það eru jú alvarlegar aukaverkanir og svo er þetta nú kannski ekki þetta galdralyf sem látið er af, þó svo það virki fyrir suma þá er þetta ekki að lækna neitt bara að halda í skefjun held ég.  Hvað um það ég er alveg róleg yfir þessu og verð bara að gera ráð fyrir því að læknarnir viti hvað þeir eru að gera og ef ég fæ neitun er það örugglega af því að þeir halda að lyfið drepi mig frekar en að það sé kreppa í gangi...

25. maí 2009

           Sauðburður gengur vel, smá saman fækkar þessum óbornu. 

          Fór í bæinn í dag, ætlaði nú að fara í fyrra fallinu og snúast smá en það passaði þegar ég var tilbúin til að fara þá var fast lamb í rollu.  Gekk nú samt vel að ná því.

          Veðrið búið að vera svona sýnishornaveður, haglél, sól, rigning já og vindur aðeins.

         Annars kýkti ég á hryssurnar og ekki á ég nú von á því að Elding kasti í nótt, og ekki Hrefna heldur en kannski verður önnur þeirra köstuð fyrir helgi en þó engu að treysta. 

24. maí 2009

          Ákvað í nótt þegar ég kom heim úr matarklúbb að kýkja í fjárhúsið, ein ær borin og þrjár að byrja, GR kom og setti þessa einu þar sem hún átti að vera og við ákváðum að gefa hinum allavega klukkutíma enn,  mættum aftur eftir klukkutíma og þá var bara ekkert að gerast sem var nú ekki alveg í lagi, byrjuðum á þeirri sem okkur fannst nú lengst komin, þar var fyrra lambið með svo rosalega stór horn að ég hélt nú á tímabili að við næðum bara ekki lambinu, en það hafðist.  Sú næsta veinaði svo mikið að það var ekkert að gera annað en að athuga hvar væri í gangi þar en þá var nú svosem ekkert mikið að nema aulaskapur í kindinni, drógum það lamb úr og síðasta kindin skoðuð en þar var allt í flækju, tveir hausar og fjórar lappir og ekkert ákveðið í hvaða röð kindin ætlaði að koma þessum lömbum frá sér.  Fundum út úr því.  Sáum svo að nú voru aftur þrjár byrjaðar að bera en klukkan orðin fjögur svo ég ákvað að fara að sofa en GR ætlaði að kýkja út um sex leitið, það passaði þá var ein ærin sem var að bera bara komin með haus og allt fast, GR hringdi í mig og ég druslaðist út, við náðum lambinu og þarna voru hinar tvær ærnar bornar líka.  Þannig að ég fór aftur að sofa um hálfsjö í morgun og svaf til níu.  Þær eru svo búnar að vera ansi duglegar að bera í dag en sem betur fer ekkert svona vesen eins og var í nótt.  Helga kom svo hér í dag með krakkana að skoða lömbin, ekki frá því að henni hafi bara þótt alveg jafn gaman og krökkunum á sjá lömbin var jafnvel bara meira spennt :)

       Fór svo út á tún í kvöld að kýkja á hryssurnar og á nú ekki von á folaldi í nótt sem betur fer þar sem veðrið er nú ekki spennandi.  Finnst nú samt eins og að það sé farið að styttast í Eldingu, en ég er nú kannski búin að segja það áður.  

23. maí 2009

         Lítið um að vera í dag, ærnar bara búnar að vera í pásu við burðinn og ekkert bólar á folöldum.

        Bryndís og Ingimundur kýktu hér með krakkana í dag að skoða lömb og hvolpa.  Mundi þá að folaldið mitt undan Mirru, þessi leirljósa blesótta, á að sjálfsögðu að heita Birta eins og fallega frænka mín í Keflavík, passar svo vel á leirljósa flotta hryssu.

        Nú og svo var matarklúbbur í Klausturhólum í kvöld, vorum bara þrenn hjón sem gátum mætt að þessu sinni að gestgjöfunum meðtöldum.  Frábær matur og skemmtilegt kvöld, takk fyrir okkur. 

22. maí 2009

         Skaust á Selfoss í morgun en var komin aftur heim um hádegið.  Nú Sauðburður gengur bara nokkuð vel en þurfti að draga úr rollu í dag, eitt stykki dautt lamb sem var nú frekar fast, fannst það taka klukkutíma en samkvæmt klukku var það nú bara hálftími en lambið dautt og ekkert við því að gera.

         Nú það er ekki laust við að ég sé bara snillingur en við fórum með Mirru undir Möller í kvöld, ég klár á því að hryssan væri á 9. degi, klárnum leist svona ljómandi vel á hryssuna og gekk þetta allt eins og í sögu, Mirra varð svo eftir á Blesastöðum en svo fór ég að velta fyrir mér á leiðinni heim að þetta væri nú eitthavað skrýtið og viti menn hryssan var bara á degi 7, þannig að það var nú bara lán í óláni hversu rulguð ég get nú verið, hryssna hefði alveg getað verið gengin yfir þegar 9. dagur hefði skollið á þó það sé nú ekki líklegt.  Nú og svo er kenning sem segir að því fyrr á gangmáli sem hryssu er haldið því meiri líkur á að það komi merfolald, en hver veit.... 

21. maí 2009

        Skrítið að vera bara með þrjá hvolpa úti á palli núna, en líka agalega þægilegt, allavega svona miðað við að hafa ellefu stykki.

      Sauðburður gengur  bara vel, og ekki fleiri folöld komin og kemur líklega ekki í nótt allavega.   Nú fer að styttast í að það þurfi að fara með hryssurnar í hesta en ætlum að fara með Mirru undir Möller á morgun.

20. maí 2009

        Við Sigga lögðum af stað klukkan tvö í nótt með þrjá hvolpa í flug, tveri voru á leið til USA og áttu að vera mættir uppá völl kl 3:30 og svo hittum við hana Manuellu uppá velli en hún var að fara með einn hvolp til þýskalands.  Vorum konmar heim um hálfátta en þá fórum við uppá tún að athuga með Hryðjum Hryðja var löngu köstuð og auðvitað svo stygg að það var ekki sjens að sjá hvaða kyn folaldið væri en beljubleik var það allavega og getur skeiðað allrosalega.  Fórum svo í kvöld að skoða og þá komumst við að því að þetta er hryssa sem enn getur skeiðað en veit svosem ekki með annað hehe

19. maí 2009

       Rosalega heitt og gott veður í dag, kindurnar búnar að taka því frekar rólega svona miðað við undanfarna daga.  Nú af hryssunum er það að frétta að það er kominn dropi á spenann á Hryðju þannig að það er von á folaldi í nótt en ég þarf að fara með þrjá hvolpa uppá flugvöll í nótt, fer héðan um tvö leitið og kem líkast til ekki heim fyrr en á milli sjö og átta en þá verður Hryðja örugglega köstuð. 

18. maí 2009

Sigga á afmæli í dag til hamingju með 19 árin Sigga okkar :)

Nú en Sigga er ekki sú eina sem við þekkjum sem á afmæli í dag, Hulda og Hulda María eiga afmæli í dag, Íris  á afmæli í dag, Silla á Akureyri á afmæli í dag og hún Harpa Rós frænka okkar á Ormsstöðum á líka afmæli svo þetta telst nú vera merkisdagur ansi víða.

        Nú dagurinn byrjaði snemma eða bara um hálffjögur minnir mig hjá mér, en Bóthildur átti semsagt von á folaldi og þá er nú ekki sofið inní bæ,,,, ónei, fór semsagt út í nótt að athuga með hana og hún var þá nýköstuð og kom með brúnann hest en Dóri á þetta folald en hann ætlaði nú að fá rauðskjótta hryssu en það eru ekki allir svona heppnir eins og ég.

       Fór svo í morgun með þrjá hvolpa í lokaskoðun en tveir eru að fara til USA og einn  til Þýskalands á miðvikudagsmorguninn, það þurfti aðalega að klára pappírsvinnu og það gekk svona ljómandi vel bara.

       Manuella kýkti svo við hér eftir hádegið, ná í pappíra sem fylgja Kappa til Þýskalands svona til að hafa þetta allt klárt. 

       Annars bara allt í góðu, ærnar aðeins búnar að hægja á sér miðað við gærdaginn og það er gott því ekki er endalaust pláss fyrir þær inni. 

17. maí 2009

              Mikið búið að vera að gera í dag, ærnar bera sem aldrei fyrr, en ekkert folald, Bóthildur var nú samt komin með dropa á spenana núna í kvöld þannig að væntanlega verður komið folald í fyrramálið en Dóri á þetta folald en það er undan Tón frá Ólafsberi og spennandi að sjá hvað kemur en efst á óskalistanum hjá Dóra er rauðskjótt hryssa.

         Veðrið búið að vera meiriháttar gott í dag, heitt og ekki svo mikið rok sá gjóla bara. 

16. maí 2009

            Allt gengur sinn vanagang, ærnar bera á fullu en folöldin láta bíða eftir sér.  Lítur ekki út fyrir að það komi Eurovision folald þetta árið en þau hljóta samt að fara að koma.

15. maí 2009

          Fór á röltið um hálfsex í morgun, byrjaði að skoða folaldið sem ég sá að var komið en Mirra var semsagt köstuð og gerði bara eins og ég var búin að hvísla að henni, kom með leirljósablesótta hryssu, rosalega fín finnst mér bara.  Þá var það fjárhúsið en þar var allt í rólegheitum.

       Fór svo í bæinn um hádegið en ég átti að mæta í viðtal á taugadeildinni, þetta viðtal tók einn og hálfann tíma, niðurstaðan var sú að ég kem enn til greina með að fá Tysabri, læknarnir ætla víst að funda eitthvað með mínum taugalækni og svo er bara að sjá hvað þeir finna út.  Skildist að sumir sem fara í þetta viðtal fá strax neitun á lyfið þannig að ég er enn með í leiknum.....

       Nú ekki góðar fréttir hér seinnipartinn en hann Draumur hans Gumma það er brúnskjótta folaldið undan henni Blökk dó bara án þess að spyrja um leyfi.  Hann var reyndar voða daufur alveg frá því að hann fæddist, en samt duglegur að drekka, en svona er þetta bara og lítið við því að gera.

         Buðum svo mömmu og pabba og tendó í mat í kvöld og þeir sem áhuga höfðu horfðu svo á Idolið, var nú alveg á því að Anna Hlín væri málið svona áður en þátturinn byrjaði en eftir að hafa horft á þáttinn þá fannst mér Hrafna bara flott en reyndar voru þær fínar báðar en Hröfnu tókst að heilla mig já og okkur öll.

      Líklega kemur ekkert folald í nótt, allavega ekkert farið að leka úr hryssunum núna undir miðnætti. 

14. maí 2009

          Fór á röltið um hálfsjö í morgun, byrjaði í fjárhúsinu en þar voru tvær ær bornar svo ég ræsti GR þannig að hann gæti nú komið þeim þangað sem honum hentaði.  Fór svo að kýkja á hryssurnar og sá að Blökk var að kasta en var nú samt í eitthverju basli, skellti sér bara á hrygginn með allar lappir uppí loft, fannst þetta nú ekki eins og það átti að vera og hringdi í dýralæknaþjónustuna, en það má svo lítið útaf bera með hryssur í köstun.  Palli kom og dró út folaldið, skildist að þetta hefði nú getað farið illa ef ekki hefði verið gripið inní  en var nú á báðum áttum um tíma hvort ég hefði nokkuð þurft að kalla á dýralækni.  Það kom brúnskjóttur hestur, einmitt það sem Gummi hefði helst viljað. 

        Fór svo og kýkti á hryssurnar í kvöld já og Blökk sem er farin að flóðmjólka, en fékk að fara inní skemmu í nótt.  Nú með hryssurnar þá er ég nokkuð viss um að Mirra kasti í nótt, en það var kominn dropi á spenann í morgun og núna í kvöld var hún næstum orðin sokkótt en það hefur greinilega lekið heilmikið úr henni í dag.  Nú þarna er ekki von í marga liti, rautt eða leirljóst, sem er nú ekki slæmt svosem sérílagi ef það kemur nú leirljóst.  Bíðum spennt. 

12. maí 2009

           Fór í fyrra fallinu af stað suður því ég þurfti að byrja á því að ná í pappír á Selfoss en síðan að vera mætt ekki seinna en 10.15 uppá Reykjarvíkurflugvöll með hana Kersins Mirru sem átti flug á Egilsstaði.  Þetta gekk allt ljómandi vel.  Þá þurfti ég að drepa tímann aðeins því ég átti svo ekki tíma hjá lækni fyrr en kl 14.00 og því var tækifærið notað og verslað inn, fór í Hagkaup sem er nú varla í frásögu færandi en það var svo mikið rok þarna að innkaupakerrurnar fuku fram og til baka og enduðu á bílum, ekki mínum sem betur fer því ég ákvað að forða mér áður en það myndi gerast.  Nú lítið að frétta af læknaheimsókninni nema hvað minn læknir er afskaplega bjartsýnn á að ég komist á Tysabri og jafnvel í sumar skildist mér...en sjáum nú til hvernig það fer því ég á enn eftir að fara í þetta fræga viðtal, þar sem ákvörðunin verður jú tekin.

          Lítið að gerast í sauðburði, næstum bara ekkert og sama sagan með folöldin en hugsa nú að það fara að styttast mikið í Bóthildi en þó ekki farið að leka úr henni þannig að hún hefur enn tíma, ætli það komi ekki bara nokkur eurovision folöld, það væri nú ekki leiðinlegt allavega ef veðrið verður þolanlegt.

         Nú svo var tryppahópnum komið niður á Hraun í dag, keyrðar nokkrar kerrur, 22 stykki í heildina. 

11. maí 2009

          Byrjaði daginn á að kýkja í fjárhúsið og athuga hvort komin væru folöld, en ekkert að gerast og ég sem hélt að það myndi rigna yfir mig folöldunum í dag af því að ég á afmæli, en sem betur fer kom ekkert folald bara búið að vera ömurlegt veður í dag, meira að segja hef ég ekki verið með hvolpana úti í allann dag, meira og minna að setja þá inn aftur útaf veðri.  Fór svo með hann Trölla í dýralæknisskoðun og fá á hann lokapappír en hann er að fara í flug  til NY JFK á miðvikudagsmorguninn, gaman hjá honum.  Nú annars er allt að skýrast með hvenær hvolparnir fara en Mirra á flug á morgun á Egilsstaði.  Cathy fær sínar tíkur út til Ameríku þann 20 maí og eins fer einn rakki til Þýskalands þann 20 maí þannig að þá er nú lítið eftir.  Á í raun tvo hvolpa undan Týru ólfofaða rakka og tík. 

10. maí 2009

        Í morgun var svo hópurinn bara ansi sprækur, vaknaður á fínum tíma og Maggi setti á sig svuntuna og grillaði hamborgara í morgunmat, ekkert smá flott veisluhöld.  Um hádegisbilið var svo farið að huga að heimferð og hestar settir á kerru og rúllað austur fyrir fjall.

        Annars lítið um að vera í búskapnum í dag, það kom held ég bara eitt lamb í gær og ekkert folald komið enn þannig að nú hljóta hryssurnar að fara að riðja úr sér þar sem ég var næstum búin að finna út að það væru ein sex stykki eftir í maí...en sjáum til. 

9. maí 2009

           Fórum af stað í hina langþráðu menningarferð í Hafnarfjörðinn uppúr klukkan tíu í morgun, með í ferð voru ég, Bjössi og Sigga, Jonni og Linda, Inga Dóra og Gummi og Ingþór og Hulda.  Byrjuðum á að koma hrossunum í hesthúsið í Hafnarfirði en þaðan var ekið inní Hafnarfjörð og tekið hús á Magga og Sirrý.  Magnús hafði svo fengið þá hugmynd að bjóða okkur í hljóðverið og ekki bara það heldur vorum við látin syngja....ég er ekki að grínast, það var tekið eitt lag og í þriðju tilraun var hann orðinn nokkuð sáttur, ja annaðhvort vorum við bara svona góð að það þurfti ekki meir eða kannski sá hann að þetta yrði bara ekkert skárra.  Hvað um það lagið ljóðritað og allir komnir með sinn disk, nú er svo bara spruning hvenær þetta fer að hljóma á útvarpi suðurlands...eða ekki.   Eftir þetta ævintýri lá leið okkar uppí hesthús ásamt Magga, Sirry og Björk.  Ragnar dreif sig svo með í ferð þannig að við vorum 13 sem fórum í þennann líka frábæra reiðtúr, vorum ca 4 tíma sem var alveg passlegt, rosaflottar leiðir  þarna og  manni fannst bara eins og við  værum langt frá höfuðborginni, frábær útreiðaleið.   Þegar við komum svo í hús það er hesthúsin aftur hafði eitthver tekið uppá því að baka vöfflur, og gátum við fengið okkur vöfflur og rjóma, rosafínt.   Aftur farið heim á Norðurbraut en þar var byrjað á forrétti, næst aðalréttur og því næst súkkulaðikaka með rjóma, og ég tala nú ekki um Saga Class frúnna sem snérist í kringum okkur og mátti varla vera að því að setjast. Þetta var bara algjörlega frábær dagur og takk æðislega fyrir okkur.

8. maí 2009

           Vaknaði ansi snemma í morgun svona á milli fjögur og fimm held ég bara, dró það nú þar til á milli fimm og sex að kýkja í fjárhúsið og eins rölti ég og kýkti á hryssurnar, rosalega fannst mér nú hvasst og líka kalt, hefði átt að vera með húfu hehe en man það í fyrramálið eða ekki...  Fór svo í bæinn um níu leitið með Tíbrá og Prins í augnskoðun og tók hann Kersins Svarta Pétur með en hann var búin að redda sér fari norður í Kolugil með henni Selmu.  Selma mætti semsagt með Sölku í augnskoðun og allt í fínu lagi þar og eins var Tíbrá í góðu lagi.  Aftur á móti fór nú eins og mig er búið að gruna í eitthvern tíma að hann litli Prins er með arfgengt cataract, hann er rétt rúmlega ársgamall en ég var nú farin að tala um það hér fyrir áramót að ég væri nokkuð viss um að hann væri með cataract og hafði meira að segja vit á að nefna það, en þetta á í raun ekki að sjást en kannski í vissum birtuskilyrðum, en hvað um það, það þíður ekki að fást um það, maður verður bara svosem eins og hingað til að vera eins og köttur í kringum heitann graut í þessum hundaræktunnarmálum, en veit nú samt varla hvað skal varast...

        Eftir hádegið fór ég svo á Selfoss, eitthvað að ganga frá pappírum og þ.h  Á morgun er svo menningarferð í Hafnarfjörðinn en við erum 9 sem ætlum að fara með hesta og ríða út með Magga og Sirrý, spennandi að vita á hvaða slóðir verður farið og í hverju við lendum hehe en það verður klárlega mikið gaman meira að segja ég ætla á hestbak en Sigga ætlar að lána mér Hróa sinn en svo á ég þá tvær reiðfærar hryssur ef allt annað bregst. 

7. maí 2009

        Fyrsta folaldið kom í morgun já eða nótt, hélt nú fyrst að þetta væri móvindóttur hestur en Bjössa tókst að handsama folaldið og þetta er móvindótt hryssa undan Visku sem er undan Hryðju Kolgrímsdóttur og Limma Kjarkssonar, og pabbi folaldsins er hann Tintron sem er undan Hæru Galdursdóttur og Arons.  Folaldið er nú bara nokkuð fallegt og ansi skrefstórt enda Viska svosem ansi skrefstór líka, nú og svo er bara flott fótalyfta í folaldinu og ég er bara búin að sjá tölt.  Þannig að Bjössi getur nú bara verið lukkulegur með folaldið sitt, en ég er búin að setja myndir í albúmið.

     Annars bara ágætis veður í dag en samt ansi hvasst, en ég druslaðist nú samt heilmikið út í dag.

      Af hvolpunum er það að frétta að ég er að bíða eftir að koma þremur hvolpum til USA.  Nú einum lofaði ég til Þýskalands í dag þannig að nú á ég bara ólofaðann hann Kersins Kraga og kannski gulu tíkina sem fékk nafnið Kría í dýralæknisskoðun um daginn.

        Mótinu sem Dóri ætlaði á á laugardaginn er svo búið að aflýsa, þannig að hann er alveg laus  við að keppa um helgina hehe en hann græddi nú smá á þessu samt því Hugrún var með smá áherslur fyrir krakkana á þriðjudagskvöldið en það munar alltaf um að komast á smá námskeið já eða fá tilsögn.

6. maí 2009

Steinar á afmæli í dag til hamingju með daginn gamli.

       Fór snemma á rölitð í morgun að gá að fénu og athuga með folöld en ekkert að gerast í bili.  

       Af hvolpamálum er það að frétta að Kersins Klumpur sem heitir orðið Kersins Kátur III fór á nýtt heimili í dag, mikil ánægja með það held ég bara, ég voða fegin þegar hvolpunum fækkar þar sem ég  veit að þeir fá miklu meiri athygli þegar þeir eru komnir á nýtt heimili heldur en hér þar sem þeir eru svo margir.  Nú og svo kom hún Manuella ásamt sínum manni en þau eru frá Þýskalandi, þau kýktu á hvolpana að sjálfsögðu.

           Annars svosem lítið um að vera, Sigga liggur yfir bókum en það er stærðfræðipróf á föstudaginn en það er síðasta prófið þetta vorið hjá henni.  Dóri ríður grimmt út og er að þjálfa fyrir mótið sem á að vera á laugardaginn en svo kom það í ljós að allar líkur eru á að mótinu verði aflýst vegna þáttökuleysis en þetta er sameiginlegt íþróttamót Trausta, Loga og Smára. Skildist nú samt að Taustamenn hlitu að vera ókrýndir sigurveigarar þar sem enn sem komið er eru flestar skráningar héðan.  En þetta skýrist nú á morgun hvort af mótinu verður.

5. maí 2009

           Við Sigga fórum á Selfoss í morgun, byrjuðum reyndar á að skjótast í Þorlákshöfn að sækja hundafóður en fórum semsagt svo á Selfoss aðeins að snúast.

         Allt í rólegheitum í fjárhúsinu í dag, semsagt ekkert borið síðan á miðnætti í gærkvöldi.

         Bjössi fór svo með Dóra austur á Borg í Hólmarshöllina en þar voru krakkarnir að æfa sig fyrir mótið sem á að vera á laugardaginn og Hugrún kom og sagði þeim til, Ljómi var nú ekkert sérlega hrifinn af því að vera inní í reiðhöll, honum fannst það bara frekar fúlt enda svosem ekki skaplaus klár hehe

       Í fyrramálið förum við svo með hvolpasúpuna það er 7 hvolpa gotið í heilbrigðisskoðun, það verður nú aldeilis færibandavinna að skoða allann þann hóp. 

4. maí 2009

           Ekkert folald komið ennþá, en aðeins að koma lömb.  Nú annars er nú lítið um að vera, ég er aðallega að reyna að gera og græja varðandi hvolpana þessa dagana, ganga frá pappírum og finna út úr flugi í allar áttir, gengur misvel samt. 

3. maí 2009

          Veðrið var alveg frábært í morgun, rölti út í fjárhús en þar var allt í rólegheitum, fór svo einn hring á túninu að spjalla við hryssurnar og ekkert folald komið en er nú ekki frá því að Elding gæti orðið fyrst, bíð spennt eftir því að sjá hvað kemur og eins hver verður fyrst.

         Um hádegisbilið kom svo hér maður að kýkja á Hvata og taka myndir, nú og eins kom fólkið að kýkja á hann Klump hvolp, þannig að það var nú heppilegt að þau skyldu ná að koma áður en fór að rigna en hér rigndi alveg helling seinnipartinn.

          Við fórum svo í fermingarveislu í dag hjá honum Aroni, ekkert smá flott veisla hjá þeim og ekkert smá flottur strákur líka, ætli maður þurfi að borða nokkuð á næstunni, hugsa nú varla.

          Nú og svo kom Danni, Maggi og Bragi seinnipartinn að spá í hrossin, niðurstaðan er sú að ein hryssa verður sýnd í vor en það er hún Katla frá Stóra Hofi,  Þoka bíður til næsta árs en spruning með hann Hæring hvað skal gera en það vantar lyfturnar í hann til þess að hann nái að skora eitthvað að ráði en ansi góður reiðhestur, svo það er spurning hvað skal gera, en það er nú kannski ekki spuring..... 

2. maí 2009

           Lítið að bera í dag í fjárhúsinu, og engin folöld heldur komin.   Adam stórhundaræktandi kýkti hér í kaffi.  Nú Miðengismenn voru svo heilmikið á útreiðum í dag eins og svosem alltaf held ég.

         Nú og svo var það hestamannaárshátíðin, verð nú bara að segja að þó það hafi bara verið um 30 manns sem mættu þá var þetta alveg stórgott, maturinn fínn en það var gúllassúpa, grillaðar pizzusneiðar með ljómandi gott, nú það voru skemmtiatriði sem tókust líka ljómandi vel.  Nú og þegar ballið byrjaði þá voru bara allir úti á gólfi að dansa nema kannski ég.  Og strákarnir sem sáu um matinn komu öður hvoru með glænýjar pizzur, og ég tala nú ekki um konfektið sem var á borðum.  Mæli bara eindregið með svona árshátíðum, og fjöldinn var í raun passlegur þó auðvitað hefði maður viljað sjá fleira fólk úr sveitinni, en dansgólfið nánast alltaf fullt og hvað vill maður meira...

1. maí 2009

           Aðeins rennerí á fólki í dag að skoða hvolpana, sem er bara hið besta mál.  Fyrsti hvolpurinn fór á nýja heimilið sitt í gær en hún Ilmur fékk hana Trýnu, óskum henni til hamingju með hvolpinn :)

         Rólegheit í fjárhúsinu í dag sem er bara ágætt.

          Og ég datt nú aldeilis í lukkupottinn í gærkvöldi, átti semsagt miða í happadrætti Hvammstangahallarinnar en þar voru örugglega nærri 50 folatollar í boði.  Fékk ekki bara eitthvern toll heldur undir einn besta klárinn sem í boði var sem er hann Möller frá Blesastöðum.  Gat ekki verið ánægðari með þetta og nú þarf ég að byrja uppá nýtt að raða merunum mínum í hesta hehe en það er nú bara gaman að því. 

30. apríl 2009

            Veðrið búið að vera ansi misjafnt í dag en hvolparnar voru nú samt látnir hafa það að vera úti, það ringdi í raun ekki mikið og núna seinnipartinn er nú bara  búin að vera blíða.

         Nú fer að styttast í að skólinn verði búinn hjá Siggu en hún þurfti bara að mæta í eitt munnlegt próf í dag og gekk víst  bara vel.  Svo er frí í skólunum á morgun sem er nú ekki slæmt því Dóri tekur sig þurfa að hreyfa svo marga hesta, hann mátti ekkert vera að því að fara með mér á Selfoss í dag til að versla sér í hestabúðinni, svo ég varð að kaupa það sem honum vantaði.  Þegar ég kom svo heim var hann búinn að fara á fimm hesta sem er nú bara ágætt og er svo farinn með Kjartani Gunnari í Ölfushöllina að horfa á hesta.  Það er nú bara full vinna að hafa áhuga á hrossum, því svo þarf þessi ræfill víst að mæta í skóla og jafnvel að læra heima leika, ótrúlegt hvað hægt er að fara fram á að einn drengur geri mikið hehe

       Lömbin eru svo aðeins að byrja að koma úr þeim veturgömlu en þær eru orðnar þrjár veturgamlar sem eru bornar. 

29. apríl 2009

            Rosalega gott veður í morgun, fór á röltið að skoða hryssurnar og ekkert folald komið.  Það fór svo að rigna seinnipartinn og ekkert spennandi veður í gangi.

           Annars bara lítið um að vera en var að bæta inn á forsíðuna ,,á döfinni" og mér sýnist nú vera hellingur sem er um að vera hjá mér á næstunni.

           Nú og svo er árshátið hestamannafélagsins Trausta á laugardagskvöldið, bara gaman vonandi en eins og oft áður ætla Miðengismenn að fara og ég fékk þau svör að ,,allir" ætluðu að fara en veit ekki alveg hverjir þessir allir eru en sjáum til. 

28. apríl 2009

          Ansi mikið rok í dag en sluppum við rigningu.  Þá held ég að þær kindur sem hrúturinn slapp í eina nótt séu allar bornar, sýnist að það hafi verið 14 ær sem hann hefur fundið þessa einu nótt og geri aðrir betur... nú og svo er ein af sex ám borin sem áttu að bera svona snemma og svo er fyrsta veturgamla ærin borin en þær eiga að byrja þessa dagana samt helst ekki fyrr en um helgi.   Nú GR var búinn að útbúa fullt af plási fyrir gimbrarnar sem áttu að bera og allt klárt með það en auðvitað er það allt orðið fullt af ám sem báru eftir þessa nótt sem hrúturinn slapp hehe 

27. apríl 2009

             Frábært veður í dag, heitt og ekki rok, ótrúlegt.  Fór í morgun með hvolarna undan Rögg og Ljóma í dýralæknisskoðun, þeir eru bara fínir og ekkert út á þá að setja :) Trölli reyndar svo þungur að ég held að ég hafi ekki farið með svona rosalega stórann hvolp áður í 7 vikna skoðun en hann var 4200 gr......ansi mikill bolti hehe

          Fór svo í bæinn eftir kaffið á kaffihúsahitting, alltaf gaman að hitta konurnar þar :)

         Það er enn að bera....hrúturinn hefur aldeilis haft nóg að gera þessa einu nótt sem hann slapp, því ekkert bólar svo á að þær ær beri sem áttu að bera það er að segja það voru 6 settar í hrútinn og aðeins ein þeirra borin.  Held að það séu níu ær bornar. 

26. apríl 2009

           Held að það hafi fjögur lömb bæst við í dag, það er svosem ágætt þó það hafi nú ekki alveg verið ráðgert.

          Fórum út á Minni Borg í Hólmarshöllina í dag en þar voru byggingardómar í gangi hjá hrossaræktardeild Goða, Halla Eygló kom og stigaði 10 hryssur og 8 fola, skyldist á henni að þetta væri mun betir hópur svona í heildina en var í fyrra, sem er jú það sem maður vill.  Það var mættur góður hópur af fólki og bara gaman, sjálf var ég nú bara nokkuð sátt með þau hross sem ég á, þau voru reyndar sum hver betri en ég átti von á sem er jú bara gott.  Þoka var nú samt best stiguð af mínum hrossum en hún endaði í 7,98 og sú einkunn miðast við 7,5 fyrir réttleika en það var ekki skoðað og því sett 7,5 á línuna, kannski er hún betri og þá ætti hún nú að detta yfir áttuna en kannski er hún líka slakari hver veit,,,,

         Stefanía kýkti svo við hér í dag, rétt að kýkja á ömmubörnin áður en þau fara að heiman er fyrsti hvolpurinn fer á fimmtudaginn og svo reikna ég með að tveir fara fljótlega eftir helgina til USA, þannig að þeim fer nú aðeins að fækka í kotinu.

        Vakti til um tvö í nótt yfir kosningunum, Dóri hafi nú vit á að fara að sofa eftir fyrstu tölur,  hann hafði líka vit á því að vakna klukkan sex í morgun til að fylgjast með og auðvitað að vekja mig svo ég gæti nú fylgst með hehe, hann var nú frekar fúll þegar hann sá hver staðan var, já og frekar fúll er nú kannski vægt til orða tekið. 

25. apríl 2009

          Aðeins eru kindurnar að svindla því það báru svo tvær í dag, það hefur verið mikið að gera hjá hrútnum nóttina sem hann braut sig út úr stíunni.

         Alveg ágætt veður búið að vera í dag, Brynhildur og Steini kýktu hér við en þau voru í myndatökuleiðangri og komu að við að skoða hvolpana í leiðinni.  Er einmitt búin að setja hvolpamyndir sem Steini tók inní albúmið.   Mamma og pabbi kýktu hér svo við í dag og eins tengdamamma, já og gott ef Hulda og Elvar stungu ekki hér inn nefinu líka.

       Dóri fór svo að keppa í Hrísholti, gekk nú ekki alveg eins vel og síðast en hann fékk nú samt þriðja sætið sem er nú bara nokkuð gott.  Hann fékk líka þriðja sætið í samanlögðu eftir þrjú mót en komst nú samt bara á tvö mót þannig að þetta er nú bara ljómandi.

        Fór svo að kjósa um kaffi leitið, og kaus auðvitað rétt.  Nú svo kom fólk hér að skoða hvolpana, þegar ég kom heim.  Miðengismenn það er þeir sem áttu eftir að kjósa fóru svo ríðandi út að Borg til að kjósa, flestir kusu líka rétt þar hehe 

24. apríl 2009

          Ansi er búið að vera mikið rok í dag en sem betur fer var sól með því en ekki rigning og því gátu hvolparnir verið úti í allann dag, lágu og sóluðu sig svona á milli þess sem þeir voru að leika sér.

          Nú hér niður í Miðborgum brann svo sumarhús í dag, þetta sást ansi vel héðan að heiman en sem betur fer voru slökkviliðið snöggir að slökkva í húsinu þó svo að maður sæi eldinn útum báða gafla á húsinu, þakið stendur nú samt en ég geri nú ráð fyrir að þetta sé ónýtt, allaveg mikið skemmt, en heppilegt í þessu roki að það skildi ekki vera mikil sina sem í boði var fyrir eldinn.

          Nú hér komu svo fleiri lömb í dag, en núna bar kind sem átti nú svosem ekki að bera strax en GR vissi svosem að hann Bergur hafði brotið sig út og í féð eina nótt í byrjun des þannig að þetta kom svosem ekki mikið á óvart.  Held að það hafi komið tveir hrútar núna og líkast til svartur og mórauður, enda kindin mórauð.

          Höddi og Magga komu svo í kvöld og horfðu á Idolið með okkur, en nú er bara komið að því að góða fólkið, ja eða góðu söngvararnir detta líka út, enda ekkert annað fólk eftir svosem.

          Bragi kom svo við hér í dag í hestastússi mikið spá og spöglerað. 

23. apríl 2009

Sumardagurinn fyrsti, Gleðilegt sumar :)

          Ætli klukkan hafi bara ekki verið á rúmlega þrjú í nótt þegar við komum heim úr matarklúbbnum og þá voru 1-2 C° í mínus já og gott ef ekki hafði aðeins snjóða á leiðinni, þannig að sumar og vetur frusu saman sem er víst ansi gott.

        Þegar GR kom svo í fjárhúsið í morgun voru fyrstu lömbin komin, en GR hafði haldið sex kindum eitthvað fyrr en öllum hinum, nú það komu tvö lömb, hrútur og gimbur og bæði mórauð ekki leiðinlegt að og undan Berg sem er einn af sparihrútunum.

        Nú veðrið búið að vera frekar leiðinlegt í dag hef varla haft undan að hlaupa með hvolpana inn og út. en það koma ansi leiðinleg él já og bara rok og rigning sem er ekki spennandi fyrir hvolpana. 

22. apríl 2009

            Síðasti vetrardagur í dag, Bjössi skrapp ásamt Reyni Má í bæinn með Kubb í dýralæknissoðun og fékk klárinn þessa fínu skoðun, ekkert að honum sem betur fer.  Það var nú reyndar eitthvað sem við vorum nokkuð viss um.

           Fórum svo í matarklúbb á Hlemmiskeið til Jóu og Snæbjörns, frábært matur og rosalega gaman, held að við höfum ekki komið heim fyrr en um hálffjögur...Gummi og Leifa og Jonni og Linda voru í samfloti með okkur, Árni og Sigrún stoppuðu ekki eins lengi enda að fara erlendis í fyrramálið.  Birgir og Mæja já og hún Þóra  komust því miður ekki.

21. apríl 2009

          Búin að vera ansi drusluleg í dag en það var nú eitthvað sem ég gat átt von á.  Fór nú samt á Selfoss í morgun með bílinn hans GR í dekkjaskiptingu, þannig að þá er það búið.

       Hér kom svo fólk í dag að skoða hvolpana og Guðný Halla kýkti líka við.  Veðrið var nú ágætt fyrripartinn og ég gat tekið fullt af myndum og sett inná myndasíðuna en seinnipartinn fór svo að rigna og gott ef það kom ekki líka smá hagl, en það er nú ekki gott að vera hvolpur úti í svoleiðis veðri.

20. apríl 2009

            Alveg ágætt veður svona fyrripart dags en ansi leiðinlegt seinnipartinn.  Rok og rigning, hvolparnir voru nú samt úti megnið af deginum enda  búnir að finna sé skáp úti á palli og þeir liggja inní hillunum :) rignir ekki á þá þar, en svo kom þokkalegt veður inná milli en þegar rigningin leit út fyrir að verða slydda þá tók ég þessa ræfla inn. 

         Sigga var hálflasin í morgun og fór ekki í skólann, mígreni og eitthvert hálsbólguvesen en hún var nú orðin skárri seinnipartinn.  Nú og Reynir Már varð eftir í sveitinni í gær en skaust í bæinn undir kvöld en ég á nú von á honum austur aftur á morgun og þá með hundafóður í hvolpana.  Dóri fékk líka frí í skólanum í dag í tilefni gærdagsins, hend að hann hafi farið á fjóra hesta bara fyrir hádegi á nýja hnakknum sínum og eitthvað af hestur voru hreyfðir eftir hádegið líka. 

         Hafdís kýkti svo við hér eftir hádegið, rétt að sjá hvort fermingardrenguinn hefði komist heill í gegnum gærdaginn.

19. apríl 2009

Fermingardagurinn hans Dóra :)

        Dóri var fermdur í dag og var athöfnin í Búrfellskirkju, allt gekk svona ljómandi vel eins og við var að búast.  Veislan var svo á Borg en þar  voru Bensi, Kristín, Höddi og Magga búin að gera allt og græja.  Ekkert smá fín veisla verð ég bara að segja en Bensi og Kristín sáu alveg um þetta held ég bara já og Höddi og Magga hjálpuðu þeim svo í morgun að koma þessu í rétt horf.

      Það var bara alveg ljómandi góð mæting held að það hafi verið um 88 manns sem mættu ef mér telst rétt. Rosa gaman að hitta allt þetta fólk en suma hittir maður nú því miður ansi sjaldan. 

18. apríl 2009

          Fórum í morgun út á Borg að gera og græja.  Jonni, Linda, Steinar, tengdamamma já og svo við hjónakornin og Sigga og Dóri fórum í þetta.  Held að Jonni og Linda hafi bara munað þetta allt síðan Steinar fermdist í fyrra, þetta gekk allavega hratt og vel og takk æðislega fyrir hjálpina.

         Eftir hádegið þá komu hér tvær konur að norðan, að skoða hross og hvolpa.  Nú síðan var farið í fermingar og fjölskyldumyndatökur en Linda og Toni voru búin að útbúa stódíó í bílskúrnum hjá Sverri og Toni tók fullt af myndum, spennandi að sjá afraksturinn eftir helgina.

        Sótti Þóru svo á Selfoss seinnipartinn, nú og svo er bara að bíða eftir morgundeginum, en Bensi er skárri til heilsunnar í dag en undanfarið þannig að þetta rennur sjálfsagt ljúft. 

17. apríl 2009

         Fór á Selfoss í morgun þurfti að snúast ýmislegt.  Nú eftir hádegið ákvað ég svo að fara aftur á Selfoss og klára að versla grænmetið fyrir ferminguna, sá fram á að hafa lítinn tíma á morgun já og kannski enga nennu heldur.  Mæli ekki með að fara í verslunnarferð eftir hádegi á föstudegi allavega ekki ef maður vill bílastæði nærri versluninni.  Fór í marga hringi áður en ég fékk stæði en svosem ekki hvaða stæði sem passar Raminum, en þetta hafðist fyrir rest.

      Í fyrramálið er svo að dekka borðin og eftir hádegið myndataka bara spennandi að sjá hvernig það púslast allt saman en hef nú ekki áhyggjur af því svosem. 

16. apríl 2009

          Við Dóri fórum með Alex í Austurkont í morgun og vorum að skoða hross fram að hádegi.  Þá var brunað í bæinn til að koma Alex á flugrútuna.  Nú við kýktum aðeins í Hagkaup en það vantar alltaf eitthvað smotterí nú og svo fórum við til Önnu Kristínar með fermingarbuxurnar svona til að síddin væri nú rétt á fermingardaginn :)  Þetta gekk allt svona ljómandi vel.

         Annars svosem lítið að frétta, erum að verða nokkuð klár með allt fyrir fermingu, reyndar er Bensi bróðir á spítala aftur núna en eigum nú von á að hann gerði heimavið um helgina og geti þá allavega sagt til, en við höfum nú ekki áhyggur af því strax, hef nú meiri áhyggjur af því hvort doxarnir finni hvað er að angra hann og séu þá sammála um hvað er að, maturinn í fermingunni reddast enda mikið af góðu fólki í kringum mann.  Annars var ég nú að minnast á það við Bensa að það væri nú hægt að sleppa þessum grafna mat sem mér finnst nú bara flókið, en Bensa fannst það nú minnst málið ,,hún Kristín reddar þessu" ekkert flóknara en það :) þannig að það sem átti að vera grafið er orðið grafið eða þannig. 

15. apríl 2009

         Búið að vera vorveður hér í dag.  Fór á Selfoss í morgun að versla fyrir ferminguna, fór svo í bæinn í RV að ná mér í dúk, sótti svo Alex á BSÍ og þaðan var stefnan tekin heim.  Dóri sýndi henni eitthvað af hestum og svo var líka riðið út eins og gengur.

14. apríl 2009

         Ótrúlegt hvað tíminn líður hratt bara kominn fram í miðjann apríl og mars rétt liðinn.  Líkast til verður farið að hausta áður en ég átta mig, það gæti gerst.

         Búið að rigna dálítið í dag og ég gat því ekki haft hvolpana eins mikið úti og í gær, vonandi verður hægt að hafa þá meira úti á morgun. 

         Skaust á Selfoss með Dóra í klippinu í dag og verslaði aðeins inn fyrir ferminguna,  ágætt að gera þetta í nokkrum ferðum en næ nú samt að klára fyrir helgi.

         Nú og svo þarf ég að skjótast í bæinn á morgun, líklega þarf ég líka að fara á fimmtudaginn það er alltaf eitthvað sem mér tekst að finna mér til að snúast.

13. apríl 2009

            Rólegheit í dag eins og svo oft áður, Höddi og Magga kýktu við en þau voru á leið í bæinn, tengdamamma  kom við en hún var á röltinu, nú og mamma og pabbi komu líka við en þau ætluðu að vera hjá Völu og Einari Óla á meðan Bensi og Kristín sáu um matinn í fermingarveislu,  Sigga fór með þeim að snúast með matinn og hafði held ég bara gaman af því, sérstaklega þegar hún vissi að hún þyrfti ekkert að elda þá fannst henni þetta nú lítið mál.

       Bjössi og Dóri fóru með Ljóma í Hólmarshöllina, svona til að athuga hvernig klárnum líkaði að vera í svona reiðhöll, Ljómi var nú nokkuð sáttur fyrir rest held ég, en var held ég ekki alveg að sætta sig við þetta til að byrja með en það er um að gera að æfa klárinn í þessu eins og öðru. 

12. apríl 2009

         Ekki alveg eins gott verður í dag og í gær, vantaði sólina og því dálítið kalt.  Fórum í messu á Úlfljóstvatni í morgun, við Dóri fórum og tengdamamma fór með okkur, þetta  var bara hin fínasta messa.

        Diddi og Kolla kýktu svo við hér í dag en þau voru á ferð um suðurlandið.  Höddi og Magga kýktu líka við í kvöld og við duttum niður í Djöflaeyjuna sem var verið að sýna í sjónvarpinu, ég komst að því að ég hef bara aldrei séð þessa mynd, en myndin var bara skemmtilegt fannst okkur öllum held ég bara.

         Nú og svo er GR á leið heim frá London veit að hann lenti uppúr ellefu í kvöld og því von á honum heim í nótt. 

11. apríl 2009

 Ansi gott verður í dag en reyndar aðeins kalt, en sól og gott þar sem er skjól.  Lísa dýralæknir var hér á ferð í dag og þar sem okkur grunaði að Hildur hefði látið fengum við hana til að skoða hryssuna og eins og okkur var farið að gruna þá er ekkert folald í henni, ekki gott það en svona er þetta bara og nú vill Dóri bara járna hryssuna þannig að hann geti allavega sagst hafa prufað hana.

           Eldri hópurinn af hvolpunum búinn að vera úti í næstum allann dag og una sér mikið vel, mikið leikið sér en líka tími tekinn í að éta já og sofa sem er alveg nauðsynlegt á þessum aldri.  er að hugsa um að laumast til að setja yngri hópinn aðeins út á morgun, svona rétt til að fá ferskt loft.

         Heyrði í GR í dag og hann alsæll í London en það verður nú gott að fá hann heim annað kvöld, nú og Sigga er farin á ball á Selfossi með vinkonu sinni það verður klárlega gaman eins og alltaf. 

         Höddi og Magga eru svo í sveitinni, komu austur í gær. 

       Á morgun er það svo messa á Úlfljótsvatni má ekki gleyma því og svo er það páskaeggjaátið en það gleymist nú klárlega ekki.

10. apríl 2009

Tóta frænka á stórafmæli í dag,  til hamingju með daginn :)

         Hér er  búið að vera æðislegt veður í dag, hvolparnir búnir að vera mikið úti það er að segja eldri hópurinn, sá yngir bíður aðeins ennþá.  Ilmur og fj komu að skoða hana Trýnu sína og leist bara vel á held ég.  GR fór svo til London í dag en það er víst tekin stefnan á Chelsea leik á morgun en hann kemur svo heima á sunnudagskvöld. 

9. apríl 2009

              Fermingin fór fram í Melstaðakirkju og þar sem nægt pláss var í kirkjunni þá drifum við okkur í kirkju.  athöfnin var mjög skemmtileg og gaman að hlusta á prestinn.  Þarna  voru semsagt tvær stúlkur að fermast, Kristín Karen og svo stúlka frá Finnmörk held ég klárlega, rosalega fínar stelpurnar.

          Nú eftir fermingu hitti ég á Helga bónda og lá bara vel á honum en hann er semsagt að syngja í kórnum.

         Nú þá lá leið í veisluna og ekkert smá flott veisla, líklega hefði manni bara ekkert veitt af að gista aðra nótt og liggja á meltunni en við fórum semsagt heim og ekkert seint á ferð.   Ég hitti svosem bara á GR eftir að ég kom heim en mitt fólk hafði farið ríðandi út á Minni Borg en tengdamamma gaf svo mínu fólki að éta, svo ég varð ekki vör við mikið af fólki áður en ég fór að sofa.

8. apríl 2009

          Fékk far hjá mömmu og pabba norður en stefnan var semsagt tekin á Reykjaskóla en hún Kristín Karen fermist á morgun.  Það var  boðið uppá gistinu í skólanum og þessvegna alveg fram á föstudag.  Frábær aðstaða og rosalega gaman að koma þarna. 

7. apríl 2009

              Búið að vera rosalega fínt veður hér í dag, vorið klárlega að koma.  Annars er nú það að frétta að Bensi bróðir er búinn að vera hálfgerður lasarus síðustu daga og fór á spítala í dag, vonandi stoppar hann nú ekki lengi þar.

             Bjössi og Dóri skutluðust í bæinn í dag og sóttu Kötlu sem er semsagt hryssa sem ég á.  Sigga vinkona okkar er semsagt búin að vera að reyna að trimma spikið af hryssunni og gott ef það er ekki bara hægt að sjá árangur.   Nú er stefnan semsagt að spá í hvort kynbótadómur í vor sé ekki bara málið, allavega er hryssan í góðu formi  og ansi flink, spurning hvort aukakílóin sem er nú bara allsekki hægt að ná af dragi aðeins úr byggingareinkunn en sjáum til hvað verður. 

6. apríl 2009

          Það var farið með Kúbb í dýralæknisskoðun í morgun og næstum allt í besta lagi, kannski það hafi slegið hann hestur og smá  bólga en enginn skuggi þannig að hann á að mæta aftur eftir ca 10 daga og fær þá væntanlega vottorðið sitt.  Hann færi nú samt ekki út fyrr en í lok maí í fysta lagi en er allavega seldur hef ég trú á.

        Nú og svo var rafmagnið tekið af hér um klukkan eitt og átti að koma aftur um fimm leitið en kom ekki fyrr en rúmlega sex, frekar ómögulegt að hafa ekki rafmagn finnst manni. 

5. apríl 2009

          Skaust á Selfoss með Cathy í morgun en henni vantaði eitthverjar hestavörur.  Eftir hádegið þá skutluðumst við í bæinn en þar var hún að skoða hest sem hún á held ég.  Nú þegar ég kom svo austur kýkti hér við fólk sem var að skoða hvolpana.  Annars svosem ekki mikið um að vera en samt er ég nú hálfdösuð eftir helgina verð ég að segja.  Á morgun er svo kaffihúsahittingur í bænum en ég var að hugsa um að athuga með dúka og þessháttar í leiðinni fyrir ferminguna, ekki seinna vænna en að fara að huga það því, ja fara að framkvæma búin að huga og huga.... 

4. apríl 2009

           Þokkalegur dagur í dag, veðrið ágætt allavega svona inná milli.  Sigga fór í fjallgöngu í morgun með skólanum, ansi seig finnst mér já og miðað við að hún kom heim af balli um klukkan fimm í morgun.  Ég fór svo með Dóra og Cathy í Austurkot í dag en þar voru hross sem Dóri og Cathy voru að prufa og gekk bara svona ljómandi vel. 

3. apríl 2009

           Sé að ég haf alveg gleymt að uppfæra í gær, og í dag er ég líka búin að gleyma hvað var um að vera í gær, svo það nær nú ekki lengra.

         Nú í dag er svosem lítið að gerast, þó kom hún Cathy hér sem er í hesta og hundastússi á Íslandi, hún fékk að fara á hestbak og alles.  Veðrið er bara  búið að vera ágætt held ég bara.

         Nú og svo var svo mikið um að vera hér síðustu daga að ég gleymdi að segja frá aðalfréttinni en Stjáni og Íris fengu strák þann 31 mars :) Til lukku með það. 

1. apríl 2009

            Hér er búin að vera riging í dag en samt er allur snjórinn ekki farinn en minnkað mikið.  Nú árshátíðin í Ljósuborgarskóla var í dag, tókst svona ljómandi vel og rosalega mikið af fólki, held að ég hafi kannski þekkt tæpann helminginn af fólkinu en það er svo mikið af nýju fólki hér í sveit.  Reyndar var nú eitthvað af fólki sem ég hefði nú haldið að hafði átt að vera þarna en ég sá ekki enda svosem ansi mikið af fólki svosem.

         Annars svosem lítið um að vera, held að Tíbrá sé farin að lóða allavega var Klausturhólahundurinn mættur hér í dag og mínir aðeins farnir að urra hver á annann svo þetta er nú líklega skýringin. 

        Dóri fann svo þessa flottu mynd af honum á Ljóma inná hestafréttum, veit nú ekki alveg hver tók þessa mynd, hef Kristrúnu t.d grunaða en veit það svosem ekki fyrir víst en myndirnar af mótinu voru sendar á hestafréttir og ég ákvað nú bara að laumast til að nota myndina, vonandi er það nú í lagi.

         Guðni Reynir er svo að fara að vinna í SS á morgun en það er semsagt páskaslátrun í gangi, heyrði að það gætu verið um 1200 hausar sem ætti að farga en veit það svosem ekkert og eins veit ég svosem ekkert hvort þetta verður klárað á morgun eða hvort það þarf að setja eitthvað á föstudaginn en það kemur nú bara í ljós. 

31. mars 2009

             Byrjaði daginn á því að skjótast á Selfoss en það var semsagt kominn tími á að velja fermingarsérvétturnar fyrir Dóra.   Eftir hádegið skutlaðist ég svo í Austurkot að ná í hana Cathy sem var að skoða hesta og ætlaði svo að skoða hvolpa hér já og hesta og bara allt sem hægt er að skoða.  Veðrið var nú ekki mikið spennandi.  Nú og svo var aðalfundur Goða í kvöld, fundurinn tókst svona ljómandi vel en Bjarni Þorkels flutti okkur erindið sitt um kosti og galla Sauðárkrókshorssana, þetta var algjör snilld og skemmtilega uppsett.  Ennþá bylur þegar við komum heim, en það hlítur nú að lagast veðrið fyrir rest, allavega væri gott að veðurguðinn áttaði sig á því að það er næstum komið vor og á morgun verður jú kominn apríl þó svo ég vilji nú ekkert gabbveður. 

30. mars 2009

             Rosalega gott veður í dag líka allavega svona gluggaveður.  Ennþá allt hvítt, dálítið frost og svo er búin að vera sól líka.  Nú Guðmundur Rúnar kýkti hér í kaffi í morgun og svo kom hann Loftur fóðureftirlitsmaður hér líka í dag.  Allir gæðastýringarpappírar klárir og allt í góðu.

          Nú og svo stendur víst til að sauðfjárlræktarfélagið Barmur fari í ferð...það er semsagt stefnan að fara í Borgarfjörðinn á laugardaginn, held að það sé opið hús á Hesti, og öllum sveitungum opið að fara með.  Gott ef ekki á að tala við Ingu á Björk eða Hödda í Haga ef áhugi er á frekari upplýsingur já eða að fara með. 

29. mars 2009

              Búið að vera æðislegt veður í dag, sól og allt hvítt yfir.  Núna undir kvöld var nú samt aðeins farið að blása.  Annars svosem lítið að frétta héðan, enn einn letidagurinn hjá mér allavega. 

28. mars 2009

           Dóri fór á vetrarmót Trausta og Loga í dag.  Hann fór með Hæring í unghrossaflokkinn og gekk ágætlega, fékk 5. sætið, var semsagt ekki síðastur.  Nú svo keppti hann í Unglingflokk og gerði sér lítið fyrir og vann þar, hann var á Ljóma sem var að sjálfsögðu Ljómandi fínn.  Það voru svo Traustkrakkar í öðru og þriðja sæti,  gamli hrepparígurinn segir aðeins til sín og alltaf gaman að vinna Tungnamenn, já og svosem Laugdælinga líka ;)

       Það byrjaði að snjóa hér í dag og núna í kvöld er bara kominn hellings snjór.

       Nú og svo var hér matarklúbbur í kvöld, það var rosalega góð mæting en vantaði samt hana Jóu sem var veik heima, vonum bara að henni batni sem allra fyrst.   Ég ákvað að hafa gamalgróinn Íslenskann mat, semsagt hangikjöt, með uppstúf og kartöflum, rauðkál baunir og baunasalat.  Þetta tókst svona ljómandi vel og í eftirrétt var svo skyrterta frá Mjólku en þetta eru nú ekkert smá góðar tertur. 

27. mars 2009

          Skutlaðist á Selfoss í hádeginu, aðeins að versla fyrir helgina.   Annars bara rólegheit á mér í dag.

        Hún Alísa mín fékk snert af hrossasótt seinnipartinn en er nú líklegast að lagast, en Mía kom og sprautaði hana eitthvað.  Hvolparnir dafna vel og Mirra sem er úr gotinu hennar Týru er fyrst til að opna augun og líta á heiminn, hin hljóta að fylgja á eftir.

       Dóri er svo að fara að keppa á Vetrarmóti Trausta og Loga á morgun, fer með Ljóma í unglingaflokkinn og Hæring í unghrossaflokkinn.  Verður vonandi flottur á tveimur gráum Gustssonum.

       Nú og svo er matarklúbbur annað kvöld hér hjá okkur.  Allir búnir  að staðfesta komu  þannig að það veður  bara full mæting sýnist mér.

26. mars 2009

            Búið að vera ágætt veður í dag en samt dálítið kalt, en kannski finnst manni bara kalt af því að maður hélt að það væri komið vor.  En svona miðað við endaðann mars þá þykir þetta nú ekki kalt held ég.

        GR og Bjössi fóru uppí hrepp í dag að sækja fjóra nautkálfa.   Nú og Dóri afrekaði það með bekknum sínum í dag að labba uppá Ingólfsfjall.  Finnst þau nú bara ansi seig að rölta þetta, held að Dóra hafi þótt rosalega gaman en hann var nú dálítið þreyttur þegar hann kom heim, og var fljótur að fá sér smá miðdegislúr. 

25. mars 2009

          GR er búinn að vera að hjálpa afa sínum á Selfossi í dag.   Sigga og Dóri auðvitað í skólanum, Dóri reyndar kom heim um hádegi eins og alltaf á miðvikudögum og fór beint í hesthúsið.  Ég skaust svo á Selfoss í dag, þurfti að fara með ýmislegt í póst já og aðeins að koma við í Bónus.

          Nú af hvolpunum er það að frétta að þessi sem vildi  bara ekki þyngjast var ansi sprækur í morgun, lék sér mikið við hina hvolpana en ákvað svo bara að deyja.  Þannig að nú er Rögg  bara með fjóra hvolpa.  Þetta getur jú alltaf komið fyrir en ég fór aftur með hvolpinn til dýralæknis í gær og í raun ekkert sem fannst að nema kannski magakveisa.  En þannig fór nú það.  

24. mars 2009

          Lítið um að vera hjá mér í dag.  Druslaðist nú samt út í fjós að kýkja á hrossin, held bara að ég hafi þekkt hrossin mín :)  enda eru það bara flottust hehe.  Allavega sá ég að hún Skjálfta Hrina er næstum alveg gengin úr hárum en þau eru svo agalega flott þegar þau eru gengin úr.   

23. mars 2009

            Hér er allt í rólegheitum, eins og vant er, hvolpurinn farinn að þyngjast en svosem ekki gott að segja með hann en allavega er hann ansi sprækur.

       Skaust í bæinn í dag, það var semsagt kaffihúsahittingur og ég náði mér í smá hundafóður í leiðinni.  Veður og færð í besta lagi sem betur fer enda að koma vor er það ekki bara?

      Bætti inn mynd af Hæringi sem Bragi hafði tekið hér í gær en  hann var að taka myndir af hrossum. 

22. mars 2009

           Fór á Selfoss í morgun með einn hvolpinn hennar Raggar, ekki alveg ánægð með hvað hann þyngist lítið.  Ásdís skoðaði gripinn í bak og fyrir og líkast til er þetta eitthver magahveisa eða eitthvað þessháttar.  Fannst í raun ekkert að nema kannski eymsli í maganum.  Hvolpurinn er nú svosem ekkert veiklulegur bara ekki að þyngjast eins og ég hefði viljað, þannig að það er svosem gott að geta gripið inní áður en hann verður veiklulegur. Óg núna í kvöld voru nokkur grömm búin að bætast við en það var reyndar eftir að hann fékk sér sopa hjá Rögg og smá ábót úr pela.

       Við fórum svo á Fló á skinni í Borgarleikhúsinu í kvöld, þetta var líka svona rosalega gaman, Dóri tók bakföll af hlátri honum þótti þetta svo gaman. 

21. mars 2009

            Það var nú ekkert smá gott veður í morgun, logn og engin úrkoma.  Svo eftir hádegið fór nú aðeins að hvessa og svo var líka slydda já og gott ef ekki snjóaði líka smá en ekkert sem festi.   Annars lítið að frétta svosem, allt á fullu í hestunum.  Dóri rauk út þegar hádegismaturinn var að byrja, þurfti að sýna hest.  Ég hélt að hann kæmi svo inn í mat en nei ó nei, minn maður lét næst sjá sig hér um fimm leitið, svo mikið að gera hjá honum í hesthúsinu að hann mátti ekkert vera að því að borða. Ekki gott. 

20. mars 2009

           Bara ansi gott veður í dag líka.  Hér komu í dag rúningsmenn en það var hann Trausti og Þorsteinn Logi með honum.  Þeir voru komnir hér um hádegið og búnir með 280 hausa um kaffileitið.  Ótrúlega snöggir strákarnir finnst mér. 

19. mars 2009

Frumburðurinn hann Guðni Reynir er tvítugur í dag, til hamingju með daginn :)

        Það er  búið að vera ansi gott veður hér í dag, held að það hafi verið um 7 stiga hiti bara og næstum logn.  Það er búið að vera að undirbúa rúninginn sem verður hér eftir hádegið á morgun.  Guðni Reynir afmælisbarn er aðeins búinn að fara út í dag og er allur að koma til þó svo hann verði nú kannski ekki mikið liðtækur í rúning. 

18. mars 2009

         Aðeins gestagangur í morgun, verið að skoða hvolpana eins og gengur.  Nú eftir hádegið fórum við austur í Hemlu að sækja og skoða Hæring, hann er bara svona ljómandi góður, en framfarirnar aðeins farnar að minnka, það er því ráð að senda hann heima og nota hann bara eins og reiðhest í eitthverjar vikur og sjáum hvernig það gengur, ekki það að það er búið að ganga ljómandi vel skildist mér. 

      Nú og svo fórum við Dóri í messu á Mosfelli núna í kvöld en það er svokölluð föstumessa númer 4 af 6 held ég, finnst við nú bara seig að mæta allavega einusinni í svona kvöldmessu, þetta  var bara ljómandi ágætt og mikið fleira fólk en t.d þegar við fóru í Úlfljótsvatnskirkju fyrir jólin, en þá vorum það bara við Dóri og Snæbjörn sem er meðhjálpari þarna, jú og presturinn og organistinn.

17. mars 2009

          Fór á Selfoss í morgun en ég þurfti til tannlæknis, svo fór ég með eitt beisli í viðgerð fyrir Dóra.  Kom svo boðskortunum í ferminguna hans Dóra í póst.  Nú hér er bara  búið að vera rigning í dag, og næstum allur snjórinn farinn sem kom hér um helgina.  Allir hvolpar dafna vel, þeir  bara blása út.  Nú Guðni og Valka kýktu hér við ásamt tveimur stepuskottum, en það var verið að kýkja á  á hana Þrúði sína held að þau hafi nú næstum verið orðlaus á því hversu vel hryssan er búin að ná sér.

16. mars 2009

             Hér gengur allt sinn vanagang, dálítið spurt eftir hvolpum og ég búin að lofa öllum  tíkunum, eigum svo eftir að sjá þegar á reynir hverjir taka hvolp.  Hvolparnir dafna rosalega vel allir saman, blása alveg út.  Guðni Reynir er líka aðeins að lifna en getur þó ekki étið eins mikið og hann vildi en það hlítur nú að koma. 

            Trausi rúningsmaður og co eru svo væntanlegir hér á föstudaginn eftir hádegið, GR verður nú ekki orðinn það brattur að hann geti gert mikið en þó ætti hann nú að geta verið úti og staðið í hliði eða eitthvað þessháttar. 

15. mars 2009

         Kristín á afmæli í dag, til hamingju með daginn :)

        Hvolparnir hennar Týru dafna aldeilis vel.  Átti nú von á að þeir hefðu aðeins léttst svona fyrsta sólahringinn, en þeir hafa allir þyngst, ekki mikið reyndar en af þessum fjölda þykir mér það nú bara stórgott.

        Ingþór, Hulda og Hulda María kýktu svo aðeins við í dag. 

        Fórum suður í fermingarveislu í dag en það var verið að ferma hann Alexander Huga, strákurinn líka svona flottur og þessi líka fína veisla.  Til hamingju með daginn.

        Guðni Reynir er svo aðeins að skríða saman, enda hættur að éta þetta verkjalyf, auðvitað er hann enn slæmur í hálsinum en er þó ekki rænulítill eins og hann er búinn að vera síðustu tvo daga.  Mikið gott verð ég bara að segja. 

14. mars 2009

        Guðni Reynir bara búinn að vera veikur í dag.  Er nú búin að finna það út að líklega hefur hann ofnæmi já eða óþol fyrir verkjalyfjunum sem hann fékk eftir kirtlatökuna en það kom í ljós eftir aðgerð að hann er með óþol fyrir morfíni og fékk svo verkjalyf sem hann átti að taka heima, en þegar ég fór að skoða lyfjabókina þá er morfín í þessu verkjalyfi.  Vona bara að það rjátli af honum núna þegar hann er hættur að taka þetta verkjalyf.

       Nú svo gaut hún Týra í dag.  Gekk rosalega vel hjá henni, hún var enga stund að klára þetta, ég hélt að hún væri búin þegar það voru komnir sex en viti menn það var einn eftir.  Það komu þrjár tíkur og fjórir rakkar, og viti menn hér fæddist einn mórauður rakki, vonum nú bara að hann lifi en maður er nú alltaf aðeins stressaður fyrstu dagana að vita hvort allt sé nú í lagi. 

      Ég, Sigga og Bjössi fórum svo á Selfoss til að vera með í prófkjörinu en aumingja Guðni Reynir var svo veikur að hann komst ekki.  Svo er bara að bíða spenntur og sjá hvernig fer. 

13. mars 2009

         Skutlaði Dóra út að Borg í morgun en hann fór svo í Skálholt og var þar í næstum allann dag.  Sótti hann um hálfsex leitið en þá var nú veðrið aðeins tekið að versna þó ekkert að ráði.  Hann fór svo í afmæli út á Borg en var sóttur um ellefu leitið held ég en þá var nú kominn dálítill bylur. 

12. mars 2009

         Við GR mættu niður á spítala um klukkan átta í morgun eins og um var talað.  Það virtist nú eitthvað ekki alveg vera á hreinu í kerfinu hvort hann hefði nú átt að mæta en hvað um það hann komst í kirtlatöku en svo var bara ekkert rúm á lausu handa honum eða þannig og þegar hann gat ekki lengur verið inná vöknun var honum bara plantað á ganginn, var semsagt fyrir framan vöknun og fæðingarstofuna.  Fór bara vel um hann þar og við urðun næstum vitni að fæðingu því þarna kom kona í fæðingu á meðan við vorum þarna og ég held að það hafi nú ekki liðið nema 20-30 mínútur frá því að konan kom þar til við heyrður barnið gráta.  Ótrúlega seig stelpa þar á ferð og fréttum fram á gang að það hefði fæðst drengur.    Við GR vorum svo komin hér heim rétt á undan skólabílnum sem er hér rétt fyrir fjögur.  GR er bara nokkuð sprækur og Dóri segir honum hvað skal varast og hvenær hann geti nú átt von á því að lagast eitthvað. 

11. mars 2009

          Fór í gærkvöldi á plástrakynningu hjá henni Leifu í Klausturhólum, margt merkilegt þar að sjá.  Annars bara búið að vera rólegt í dag, það var hringt frá Sjúkrahúsinu á Selfossi og það datt inn laus tími í fyrramálið fyrir GR í kirtlatöku.  Illu er best aflokið er það ekki bara þannig að nú fer hann í fyrramálið í kirtlatöku í staðinn fyrir eftir hálfann mánuð.  Held bara að það séu allir mjög sáttir með það. 

9. mars 2009

           Búið að vera þetta fína veður í dag, allavega þegar ég horfi út um gluggann.  Fór svo í bæinn á kaffihúsahitting, en Bjössi, Sigga og Dóri ákváðu að kýkja á Kötlu hjá henni Siggu á meðan ég væri á fundinum,  Sigga fannst svo ekki, hesthúsahverfið fínkemt og enginn kannaðist við þessa konu, það var hring og það hringdi út, fyrir rest var síminn hennar örugglega batteríslaus.  Þannig að fyrir rest var bara ekkert að gera nema fara heim án þessa að hitta á Siggu og sjá hryssuna. 

8. mars 2009

         Búin að vera ansi þreytt þessa helgi, en nú að vona að ég sé að skríða saman.  Hér er  búið að vera ansi hvasst í dag já og bara leiðindarveður.  Aðeins búið að vera rennerí á fólki hér í dag en ég er nú svo rugluð stundum að nú man ég ekkert hverjir komu hér við í gær og hverjir í dag.   Jú Valli og Sigga kýktu hér við í morgun.  Tengdamamma kom við, Hreinn kom líka aðeins við, nú og svo kom fólk hér að kýkja á hvolpana.  Ætli það hafi svo ekki verið í gær sem Ingþór kom við og eins mamma og pabbi, held það allavega.

        Annars svosem lítið að frétta en sá samt áðan á Facebook að Ása Valdís og Ingólfur eru búin að eignast strák, til hamingju með það, vonandi heilsast nú öllum vel. 

7. mars 2009

           Hvolparnir dafna þvílíkt vel blása bara út.  Hér er annars lítið um að vera, Dóri fékk að fara í bíltúr í dag, en það var verið að skutlast með hest eitthvert útí sveit.  Annars bara rólegheit í dag hjá mér enda ekki annað í stöðunni.

        Það var jú farið á hestbak hér í dag eins og aðra daga og farið niður í far en þar er víst þessi rosalega flotti ís sem hægt er að ríða út á, held að það standi til að hafa ,,Ístölt" þarna já og hver veit nema það verði fyrr en síðar allavega betra áður en það vorar mikið. 

6. mars 2009

         Tík og hvolpum heilsast vel, ég er aftur alveg eins og drusla, en svona getur þetta nú bara verið, ég hlít að lagast fyrir rest.  Hvolparnir virðast fór nóg að drekka og heyrist ekki í þeim, vonandi verður þetta bara rólegheit og ekkert vesen.   Búin að taka slatta af myndum og setti á facebook, gengur illa að setja inná myndasíðuna en kannski er ég að gera þetta eitthvað vitlaust en sjáum til hvort þetta dettur ekki inn.  

5. mars 2009

          Fór snemma í bæinn í morgun í sterana.  Gekk ljómandi vel og flýtti mér austur til að taka á móti hvolpunum, Rúna eins og ég kalla hana en hún heitir Rögg, hún var mikið rólegri en ég, þannig að eftir hádegið skutlaðist ég með GR á Selfoss en hann átti semsagt tíma hjá HNE og á víst að fara í kirtlatöku 26 mars.  Sjáum nú hvernig það fer hjá mínum manni.  Ekkert að gerast hjá Rúnu þegar ég kom heim, og hún átti ekki hvolpana fyrr en í kvöld.  Ansi stórir hvolpar og þeir voru mikið fastir í tíkinni.  Það komu fimm stykki, þrjár  tíkur og tveir rakkar.   Öllum heilsast vel ja nema kannski var þetta full mikið fyrir mig eftir sterakúrinn,  átti víst að taka það mjög rólega, en verð bara að gera það á morgun.

4. mars 2009

         Fór í stera í morgun, er hún bara nokkuð spræk, en má víst lítið eða helst ekkert gera í viku, ætti nú að fara létt með það.  Dóri er svo allur að sprækjast, vonandi kemur ekki afturkippur í það.  Nú af Skotlandsferðinni er það að frétta að það er búið að aflýsa henni, svo þessi utanlandsferð er bara í lausu lofti í bili.

       Var að velta fyrir mér þegar við fórum með Dóra á Selfoss þá hringdi ég í Laugarás kl 20.22 og Pétur sagði okkur að fara með hann á Selfoss en kannski þyrftu þeir að senda hann suður.  Við af stað, ég þurfti nú að byrja á að klæða mig og Bjössi að skafa bílinn, svo að koma okkur út í bíl.  Brunuðum á Selfoss þar sem við þurftum fyrst að skrá okkur inn og svo að bíða í smá stund eftir doxa,  þá byrjuðu blæðingarnar aftur og þegar doxi ætlaði að skoða Dóra byrjuðu uppköstin og þá var hring í sjúkrabílinn.  Klukkan 21.12 akkúrat 40 mín seinna vorum við komin í sjúkrabílinn og af stað.  Verð nú að segja að þetta tók ótrúlega stuttann tíma miðað við að þurfa að bíða og koma sér niður á Selfoss, semsagt rosaelga góð þjónusta. 

2 og 3 mars 2009

          Fyrripartur mánudags gekk nú bara vel fyrir sig, Dóri gat svosem verið betri.  Um kvöldmatarleitið hringdi svo taugalæknirinn í mig þar sem ég var búin að vera að reyna að ná í hann og nú er bara sterameðferð framundan.  Um átta hálfníu fór svo að blæða hjá Dóra og hann stóð yfir vasknum og hrækti blóði, mér fannst þetta nú frekar mikið og ég talaði við Pétur sem sagði mér að þetta mundi nú ekki lagast af sjálfu sér og sagði okkur að bruna með drenginn á Selfoss.  Auðvitað hætti alveg að blæða þegar við komum út í bíl en Dóri var nú orðin aðeins slappur.  Þegar við komum svo inná spítala og fórum að bíða eftir doxa fann Dóri þessa fínu ruslafötu og byrjaði aftur....held að doxa hafi verið aðeins brugðið þegar hann kom fram á gang og mætti drengnum með ruslafötuna og blóðið gekk uppúr honum.   Það kom svo smá pása hjá Dóra og þá ætlaði doxi að reyna að skoða hálsinn á mínum manni en þá fyrst byrjuðu uppköstin.  Framhaldið var nú einfalt enda ekki hægt að brenna fyrir þetta á Selfossi og minn maður fékk að fara með sjúkrabíl og á bláum ljósum í bæinn með næringu og sitthvað fleira í æð. Já og gleymum ekki sírenum sem notaðar voru á gatnamótum í Reykjavík.   Læknirinn ákvað svo á síðustu stundu að fara með bílnum suður, heyrði samt að hann var búinn að segja sjúkraflutningarmanninum hvað skildi gera og hvað væri búið að gera en semsagt  hann sá ástæðu til að fara með suður.   Þegar við komum svo uppá bráðamóttöku tók þar við okkur læknir sem heitir Snorri og fór með Dóra uppá HNE deildina þar sem hann í raun ryksugaði hálsinn og brenndi svo fyrir sárið.   Gistum svo á spítalanum í nótt.

        Vöknuðum svo snemma í morgun það er þriðjudagsmorgun, Dóri fór svo aftur inná HNE í skoðun og allt lítur vel út og hann mátti bara fara heim en læknirinn sem skoðaði hann sagði að þetta gæti svosem alveg gerst aftur en við vonum það besta.  Bjössi var svo kominn um ellefu leitið að sækja okkur en þá fékk ég þá flugu í höfuðið að kannski væri nú rétt að kýkja við niður á Taugadeild og sjá hvenær ég ætti að fara í sterana.  Dömurnar á taugadeildinni voru ekkert tilbúnar að sleppa mér út aftur fyrst ég var í bænum, þannig að Bjössi fór með Dóra austur en ég fór í sterameðferð en vissi af pabba í bænum og fékk far með honum austur.  Nú svo eru aftur sterar á morgun og fimmtudag.  Þannig að það er alltaf eitthvað um að vera í sveitinni, þó svo að oft sé bara ekkert að gerast eða þannig.  Dóri allavega orðin eins og hann á að sér, spurði þegar hann útskrifaðist hvort hann fengi ekki verðlaun eins og litlu börnin og það stóð nú ekki á að honum tækist að vefja hjúkkunum um fingur sér. 

            Verð bara að segja að mér fannst læknirinn á Selfossi, sjúkraflutningamennnirnir og allir þeir sem að þessu komu bara frábærir og allt gekk svo rosalega hratt og vel fyrir sig.

1. mars 2009

            Jæja þá er bara kominn mars.  Ótrúlegt hvað tíminn líður og nú er bara að sjá hvort mars verður svona snöggur að líða eins og janúar og febrúar voru.  Á nú eiginlega von á því, því það er svo mikið um að vera alltaf finnst mér.  Von á hvolpum hér í vikunni og svo verður væntalega annað got um miðjann mars eða kannski bara á tvítugsamfælisdaginn hans GR hver veit.

          Það er bara búið að snjóa dálítið hér í dag.  Reyndar er ég nú ekki frá því að nú í kvöld sé það rigning sem er í gangi en allavega er kominn dálítill snjór.   Dóri er nú orðinn aðeins skárri en í gær en sjálfsagt er hann nú ekki slappur miðað við allt og allt, allavega enginn hiti og það sem háir honum helst er að mega ekki fara út í hesthús held ég já og eins að geta ekki borðað eins mikið og hann hefði viljað og þá helst steikur.

        Ég er búin að vera aðeins slöpp í dag, hélt í nótt að ég væri að fá eitthvert kvef og gleypti í mig sólhatt sem ég er búin að vera að  bryðja í dag, en núna seinnipartinn er ég nú farin að halda að kvefið hafi bara gefið eftir og ég nokkuð spræk af því. 

28. feb 2009

          Það er búið að vera rosalega gott veður í dag.  Dóri er búinn að vera hálflélegur í dag, samt ekki með hita en bara hálfdruslulegur.  Nú hlítur þetta að fara að lagast er það ekki bara?

        Nú svo var ég að dunda við að setja inn mögulega liti á folöldunum sem fæðst í vor. það er undir folöld 2009.  Já og setti inn óskaliti og kyn þar sem ég vissi nokkuð hvað við vildum en ekki búin að forvitnast hjá öllum.

27. feb 2009

             Dóri bara búinn að vera þokkalega hress í dag.  Alveg hitalaus og nokkuð duglegur að borða en getur samt varla beðið eftir að fá steik....

         Hér fór svo rafmagnið um tvö leitið í dag, skildist að það hefði loftlína slitnað og gott ef það var ekki vörubílspallur sem tók hana með sér en þori nú ekki að segja til um það, held samt að þetta hafi verið orsök þess að það var ekkert rafmagn.  Held að rafmangið hafi komið á um sjö leitið.  Fór nú svosem ekki illa um okkur Dóra hér, Bjössi, Sigga og GR voru úti á hestbaki meira og minna, eins sem ég virkilega saknaði var að hafa ekki fréttir við hendina.  En viti menn þegar rafmagnið kom þá fundum við það nú út að það var ekkert fréttnæmt þó hér væri rafmagnslaust, líklega ekki farið af víða.  Og sjálfsagt enginn slasað sig í þessum atgangi. 

26. feb 2009

          Fór með Dóra snemma í morgun á Selfoss en hann átti tíma í hálskirtlatöku.  Hann komst nú ekki inn fyrr en um hálfellefu held ég en þetta gekk svona ljómadi vel.  Mér var sagt þegar þetta var búið að þetta hefðu verið rosalega stórir hálskirtlar.  Dóra gekk bara vel að vakna en hann átti nú eiginlega að vera á spítalanum í nótt en hann var svo sprækur og duglegur að borða að hann var nú bara kominn hér heim um fimm leitið.  Ég útbjó svo handa honum fiskibollur í dós í kvöldmat og það var bara ekkert mál hjá honum að borða þetta.  Hann átti í raun auðveldara með að  borða núna í kvöld en þegar hann var sem verstur af hálsbólgunni.  Semsagt þetta gekk svona ljómandi vel og nú er bara að vona að hann fari vel með sig en ég reyni nú að hafa auga með því.

25. feb 2009

           Búið að vera rosalega gott veður í dag, fór reyndar að snjóa eftir hádegið þannig að nú er aðeins föl yfir en það gerir bara bjartara yfir.  Dóri kom svo heim í dag úr kaupamennskunni og í fyrramálið á hann að fara í hálskirtlatöku.

          Þegar Dóri var sóttur þá tóku þeir félagar tvo hesta sem GR er búinn að vera að temja, með sér eitthvert austur í sveit en GR var semsagt að skila af sér.  Í heimleiðinni voru svo Þoka og Kubburr tekin heim já og Dóri.  GR setti mig í verkefni hér heima á meðan hann var af bæ en það var að líta eftir hundunum og svo tók ein rolluskjáta uppá því að verða afvelta í morgun og ég semsagt átti að líta eftir henni.  Og þegar ég segi rolluskjáta þá meina ég það því þessi tiltekna kind virðist komast í gegnum allar girðingar og ef hún er sett í túnið þá vill hún örugglega ekki vera þar heldur alltaf að að sé grænna hinumegin.  En hvað um það held að hún sé bara á góðri leið með að ná sér, svo hún verður klárlega tilbúin í slaginn næsta sumar.

24. feb 2009

          Fór með Dóra í morgun til HNE læknis og það er ekkert verið að  bíða með hlutina.  Dóri á að mæta í hálskirtlatöku á fimmtudaginn.  Það þýðir 7-10 dagar frá skóla sem honum finnst rosaflott.  Hann er samt ekki eins ánægður með að missa af vetrarmótinu á sunnudaginn, en svona er þetta nú bara, ekki hægt að éta pencilín út í eitt.

        Fór svo austur í Hemlu með hann strax eftir tímann hjá doxa og sjálfasagt er hann búinn að vera að ríða út í allann dag. 

23. feb 2009

           Dagurinn byrjaði á að Sigga lenti útaf á leiðinni í skólann, svo mikill krapi í veginum.  En bæði Sigga og bíllinn í góðu lagi sem betur fer.   Seinnipartinn röltum við Sigga svo að kýkja á fylfullu hryssurnar, held að það sé nú folald í þeim flestum en þó eru þær missverar blessaðar og sumar sáum við nú ekki nógu vel.  Bjössi og Sigga fóru svo seinnipartinn austur í Hemlu að sækja Dóra svo ég geti nú farið með hann til læknis í fyrramálið, en held að hann ætli svo beint austur þegar tíminn hjá doxa er búinn.  Annars svosem lítið að frétta það var reyndar mikil snjókoma hér í morgun en var orðin rigning mjög fljótlega. 

22. feb 2009

          Fór í hesthúsið í morgun en Dóri byggingardæmdi Þoku fyrir mig en hann var semsagt ferskur eftir námskeið í gær.   Þetta kom nú ótrúlega vel út fannst mér, en hef grun um að Dóri sé grimmur dómari.  Nú og svo rauk hann af stað austur í Hemlu.   Hann tók Þoku með sér og svo er að sjá hvort vit sé að halda áfram með hana og stefna á sýningu í vor eða bara setja hana í pásu fram á síðsumar eða jafnvel geyma hana þar til eftir ár.  Þarf svo að sækja Dóra annað kvöld svo hann komist til læknis á þriðjudagsmorgun en held að hann farið beint frá lækninum og austur aftur. 

         Annars var bara rólegheit hér í dag, skutlaði Þóru í strætó en nú er semsagt ekki rúta í bæinn.   Bakaði bollur í morgun og allir étið yfir sig af þeim þannig að það verða líklega engar bollur á morgun.   Jú og hann Reynir Már kýkti aðeins við hér í dag, gaman að því.

21. feb 2009

Magga á afmæli í dag, til hamingju með daginn Magga mín.

         Var komin með Dóra í Ölfushöllina um klukkan níu í morgun en hann var á námskeiði í byggingardómum.  Hann var alsæll með þetta námskeið og nú er bara spruning hvort hann dæmir öll mín hross niður og reynir svo að fá þau fyrir lítið...

         Fór í hesthúsið í dag, fór líka út í fjós að kýkja á hrossin þar.  Svona aðalega til að fá mér frískt loft.  Annnars kýktu mamma og pabbi við hér í dag, tengdamamma kom líka við já og svo er hún Þóra okkar hjá okkur.  Nú og svo er búið að vera að bíða eftir brjáluðu veðri hér í dag en það lét ekki mikið fyrir sér fara.   Reyndar þegar ég fór um fjögur leitið að sækja Dóra út í  Ölfushöll þá var nú ansi hvasst en ég fauk nú samt ekki en hélt nú stundum að það myndi fara þannig.

20. feb 2009

           Við Sigga fórum að taka myndir af hestunum í morgun en ég er semsagt búin að vera að reyna að ná þokkalegum myndum af Hvata.  Það semsagt tókst þokkalega held ég bara en ég náði líka ágætri mynd af Mána.  Setti þessar myndir inná síðuna undir Graðhestar.   Tók líka myndir af nautum og hundum ekki bagalegt það.

         Sótti Dóra seinnipartinn út í skóla en hann var í fermingarfræðslu.  Nú og fyrst ég var kominn með hann inní bíl hjá mér og það var ausandi rigning gat ég sannfært hann um að við ættum kannski aðeins að koma við á Selfossi og athuga með fermingarskó.   Fengum þessa líka flottu hvítu skó hjá honum Gísla í Barón.   Skórnir kostuðu næstum eins mikið og fötin en þannig er það nú bara, skórnir rosaflottir og passa vel vil fötin og Dóri alsæll.  Þurfti svo aðeins að kýkja í hestabúðina og þá var nú ekki mikið mál að ná Dóra inní búð...þótt ótrúlegt sé þá vantaði Dóra eitthver alveg spes mél uppí Neista  vorum svo varla komin heim þegar hann var kominn útí hesthús og á bak Neista og klárinn ekkert smá flottur hjá honum.

         Nú og svo var matarklúbbur hjá Jonna og Lindu í kvöld.  Ekkert smá góður matur og rosagaman.  Vantaði bara Birgir en hann var að keyra á Samfés og því löglega afsakaður.  Næsti klúbbur er svo hjá okkur Bjössa og dagsetningin er komin en eini laugardagurinn þar sem allir eru lausir er 28 mars og þá verður semsagt næsti matarklúbbur hjá okkur.

        Kýkti svo á WF í kvöld en er búin að vera að bíða eftir að sjá spattmyndaniðurstöðuna hans Hærings, ekki er nú gott að eyða of miklum tíma og vinnu í klár sem ekki sleppur í gegnum það próf.   Vissi svosem að myndirnar litu vel út en maður getur aldrei verið viss.  Hvað um það nú er komið grænt S hjá Hæring í WF sem segir engar breytingar og það er semsagt gott fyrir þá sem ekki vita.  Ef essið hefði aftur verið rautt væru breytingar og það þykir nú ekki gott ef kynbótahestur á í hlut.  Þannig að það er allavega komið í hús,  næst er bara að sjá þegar nær dregur vori hvort hann er næginlega góður til að fara í sýningu eða hvort hann verið bara seldur ósýndur, ekki gott að segja hvað borgar sig í þeim efnum.  Allavega gengur vel og klárinn er bara ansi flottur hjá Vigni.

         Dóri er svo að fara á námskeið í byggingardómum á morgun og ætlar svo að eyða vetrarfríinu í Hemlu að stússast í hrossum.   Helst vill hann fara strax eftir námskeiðið á morgun en verðurspáin er nú ekki spennandi þannig að líklega fer hann nú ekki fyrr en á sunnudagsmorguninn og tekur þá Þoku með sér til að læra, já og vita hvað sé nú næsta skref með hana.  Verst finnst Dóra nú að þurfa að fara til HNE læknis á þriðjudeginum en held að það verði nú bara skottúr ef hann fær eitthverju ráðið með það.

           Nú og svo eru það fréttir af fermingarferðinni hans Dóra en það semsagt stóð til að fara á Everton leik til Englands en svo datt inn óskaferð sem er mun meira spennandi en það er ferð til Skotlands að sjá landsleikinn Skotland - Ísland farið út 1. apríl og komið heim að kveldi 2. apríl.  Það var nú ekkert smá gaman hjá GR og pabba þegar þeir fóru í svona ferð 2003 og vonandi verður þessi ekki síðri, skotar svo ansi skemmtilegir heim að sækja.  Kannski líka svo vissir um að vinna okkur.

19. feb 2009

         Fór á Selfoss í morgun, þufti að sækja slatta af lyfjum, fara í Ríkið og henda inn pappírum á TR.  Eftir hádegið þá var brunað með bæður til læknis...Fór semsagt með GR og Dóra uppí Laugarás til að láta kýkja á hálsinn á Dóra og og hóstann í GR.  GR fékk semsagt pencilín þar sem hann er með heilmikla hálsbólgu sem hann vissi svosem ekki af, hann á svo að mæta aftur eftir viku.  Dóri sem er aftur að klára sinn pencilín skammt (skammtur númer 2 í febrúar).   Dóri er bara ansi slæmur þrátt fyrir pencilínið en það heldur þessu þó niðri en læknar ekki neitt.  Þannig að það er HNE á þriðjudaginn og allt bendir til að kyrtlarnir verið teknir úr fyrr en síðar.  Held að þetta læknastús og hálsbólga stoppi hann ekkert í hestamennskunni samt.  Dóri semsagt reddaði sér fari á Meistaradeildina í Ölfusshöllinni en hann fór með Bjarka og Kjartani Gunnari.  En KG á afmæli í dag og skrapp til Íslands og auðvitað notar hann afmælisdaginn til að horfa á hesta í góðra vina hóp.

18. feb 2009

          Ég er búin að vera ótrúlega seig í dag finnst mér.  Fór í morgun í foreldraviðtal með Dóra og gekk svona ljómandi vel.  Öfundaði nú Dóra nú aðeins en hann getur komist upp með að mæta á náttfötunum svona snemma dags en ég varð víst að klæða mig en það gerist nú ekki ekki alla daga.   Seinnipartinn var svo brunað austur í Hemlu að kýkja á Hæring og þaðan svo í Pulu að kýkja á Erp.  Þannig að ég var nú ekki komin heim fyrr en um klukkan átta í kvöld.  Ætlaði nú að fara á aðalfund sauðfjárræktarfélagssins Barms en var eiginlega búin að fá nóg.  Strákarnir fóru því á fundinn og komu nú ansi kátir heim með verðlaun fyrir þriðja besta veturgamla hrútinn á svæðinu, ansi flott það og hann Flakkari reyndist vera hæðst dæmi aðkeypti hrúturinn sýndist mér.

17. feb 2009

            Það rignir agalega mikið finnst mér, allavega búið að gera það í dag.  Dóri orðinn þokkalega sprækur.  Bekkurinn hans Dóra fór í bíó í kvöld það hlítur að vera gaman...Nú svo er það foreldraviðtalið á morgun, hann hlítur að vera spenntur yfir því hehe 

16. feb 2009

           Lítið að frétta í dag en fór nú samt í bæinn og hitti taugalækninn minn, hann er semsagt búinn að sækja um Tysabri fyrir mig og næsta skref er bara að bíða eftir að ,,Haukur" hver sem það nú er boði mig í viðtal og ákveði framhaldið, en veit nú svosem ekki hvert það verður ef ég fæ ekki Tysabri...því ekki virðist Avonexið sem ég er að nota virka.  Skilst að ég sé semsagt alveg ,,kandídat"  fyrir þetta lyf en það er víst eitthvað ,,norm" sem maður þarf að passa inní...hver veit nema ég teljist loksins flokkast sem ,,norm"

15. feb 2009

             Búið að vera rok og rigning í dag, já og þoka stundum.  Ferðinni sem átti að fara austur í Pulu og í Hemlu var því frestað,  það er nú ekki eins og síðasti sjens að kýkja, þannig að ég á von á að það verði reynt að fara eitthvern daginn í vikunni.  Annars bara rólegheit og lítið um að vera.

14. feb 2009

          Sævar Ingi er 18 ára í dag og hann Voði er orðinn 12 ára.  til hamingju báðir tveir.

          Sigga var nú aldeilis seig í dag, hún semsagt labbaði á Ingólfsfjall, skildist á henni að það hefði verið alveg logn uppi á toppinum sem er nú líklega dálítið merkilegt allavega finnst mér það.  Þetta gekk víst bara ágætlega en þetta er semsagt á vegum skólans þessar fjallgöngur.  Skildist að Bjarki hefði  bjargað lífi hennar nokkrusinnum því hún átti það víst til að renna alveg óvart á rassinum niður og ekki gott að segja hvar hún hefði endað ef Bjarki hefði ekki náð að stoppa hana.   Þetta er nú líka ansi hátt og bratt finnst mér, skildist að það hefði ein daman neitað að fara niður aftur....og þegar þau hin voru komin niður var kennarinn enn að reyna að tala hana til en held nú að hún hafi komist niður fyrir rest.

         Dóri er allur að koma til eða þannig, er allavega ekki með hita en svo mikla hálsbólgu að hann getur lítið étið og enn minna talað sem þykir nú frekar ólíkt Dóra.  Hann fór nú samt á námskeið varðandi hæfileikadóma á hrossum í dag og kom alsæll heim. 

        Annars bara rólegheit hér í kvöld, horfðum á Evrovision og var ekki sátt með úrslitin, fannst nú bara Ingó langflottastur.

         Á morgun held ég að Miðengismenn taki stefnuna á Pulu að kýkja á Erp sundgarp en hann er semsagt búinn að vera á sundnámskeiði og svo á að kýkja á Hæring í Hemlu.  Spennandi að sjá hvernig gengur með þessa fola tvo.  Vona bara að veðrið verði gott. 

13. feb 2009

          Búið að rigna ansi mikið í dag, samt ekki alveg orðið snjólaust.  Dóri kominn með hálsbólgu og hita og kominn á Pencilin aftur og nýbúinn... ekki gott, talaði við lækninn í morgun og það fyrsta sem hann spurði um var hvort hálskirtlarnir væru enn á sínum stað,  Dóri er nú að vona að hann geti bara látið taka þessa fj....hálskirtla.  En á von á að fara með strákana í Laugarás eftir helgina og láta kýkja á hálsinn á þeim.  Sigga löngu laus við sína kirtla svo hún er í góðum málum.

        Á morgun stendur svo til hjá Siggu að ganga á Ingólfsfjall, vonandi fá þau betra veður en þegar þau fóru á Búrfellið um daginn. 

12. feb 2009

           Það er nú næstum orðið frostlaust en núna í kvöld var nú farið að snjóa slatta.  Dóri fór svo á Galakvöld í skólanum, þriggja rétta máltíð og alles, foreldrarnir sem sáu um þetta eiga aldeilis þakkir skilið, þetta var bara flott hjá þeim.  Dóri var alsæll með þetta en viðurkenndi þegar hann kom heim að hann væri nú kominn með hálsbólguna aftur, mig var nú bara farið að gruna það og var búin að spyrja hann hvort hann væri að fá í hálsinn aftur, en hann hefur ekkert viðurkennt undanfarna daga, svo þegar hann kom heim i kvöld viðurkenndi hann nú að hamm væri að veikjast.... 

11. feb 2009

           Lítið búið að vera í gangi í dag, reyndar farið á hestbak eins og alla aðra daga, já og Adam og Elvar kýktu við í kvöld en annars  bara búið að vera rólegheit. 

10. feb 2009

          Dóri var í fríi í skólanum í dag, en það var starfsdagur hjá kennurunum.  Dóri ákvað að taka daginn snemma og fara í klppingu á Selfoss svo hann gæti nú farið í hesthúsið eftir hádegið.  Við komum svo aðeins við hjá pabba til að fikta í tölvunni hjá þeim.  Orðið ansi kalt aftur, en forstið datt aðeins niður á sunnudaginn já og í gær en semsagt mætti kuldaboli af af fullum krafti hér í morgun.  Annars er nú ansi gott veður bara þó það sé kalt svo er nú líka snjór yfir öllu þannig að það er nú bara nokkuð bjart, það liggur við að ég haldi að það sé alveg að koma vor enda er tíminn nú ekkert smá fljótur að líða þessa dagana.

9. feb 2009

            Fór á Selfoss strax eftir hádegið í dag, það vantaði bara næstum allt.  Kom svo við í apótekinu og ætlaði að sækja lyfin sem halda mér vakandi, átti semsagt eftir eina afgreiðslu af lyfseðlinum og þá þriggja mánaða skammtur.  Komst svo að því að lyfjakortið var útrunnið og ég hefði því þurft að borga 66.000 kr ca fyrir þennann þriggja mánaða skammt.  Sem  betur fer á ég nú slatta ennþá af þessu og taugalæknirinn ætlar að sækja um nýtt lyfjakort þannig að ég sækji bara meiri lyf þegar það kemur.

           Seinnipartinn hringdi svo taugalæknirinn en hann var semsagt búinn að fá niðurstöðuna úr MRI sem ég fór í um daginn, og enn er ég að fá nýjar skellur sem þýðir að Avonex sprauturnar sem ég er að nota virka ekki, allavega ekki næginlega.  Hann var semsagt bara að láta mig vita af því og kanna hvort hann mætti  sækja um Tysabri fyrir mig.   Auðvitað sagði ég bara já takk, það er svosem ekkert annað að gera, enda alveg óvíst að ég fái lyfið þó sótt sé um það og eins getur tekið ansi langann tíma að byrja á því en sjáum til.  Annars á ég tíma hjá lækninum næsta mánudag og fæ þá frekari fréttir en greinilega vildi hann sækja um lyfið strax sem er hið besta mál.  Er ekki alveg búin að ákveða sjálft hvort mér finnst þetta gott eða vont.  Hef nú ágætann tíma til að melta það hehe

8. feb 2009

          Hann Ragnar Þorri sonur Lottu og Vignis fór á honum Kubb í gær á eitthvert vetrarmót eða eitthvað hjá Geysi í gær, gekk svona ljómandi vel hjá þeim félögum og fengu þeir víst annað sætið, ansi duglegir bara báðir tveir.

            Annars er frostið bara næstum farið en samt búin að blása smá í dag og þessvegna aðeins kalt samt ekkert í líkingu við það sem er búið að vera undanfarið.  Rölti út í hesthús en þar var mættur maður með fulla kerru af folöldum, ein sex stykki held ég, ekki slæmt það.  Og enn nokkur folöld á leiðinni.

7. feb 2009

              Held að frostið sé aðeins að minnka allavega í bili.  Já gott ef það er ekki orðið frostlaust en á nú ekki von á að það verði lengi samkvæmt spá.

           Annars er nú lítið um að vera, mitt fólk fór all á hestbak í dag, um að gera að nota blíðuna.   Mamma og pabbi kýktu aðeins við í dag en annars bara lítil umferð af fólki.  Reyndar komu slatti af krökkum hér í kvöld en það var semsagt verið að fara á ball. 

6. feb 2009

           Fórum í fimmtugsafmæli hjá Gumma Þór núna kvöld.  Þetta var bara gaman og allir voða spenntir því Gummi var alveg grunlaus um hvað stæði til.  Hann var líka mjög hissa þegar hann var leiddur inní afmælið sitt, fullur salur af fólki held að það hafi verið um 90 manns allavega.  Semsagt tókst rosalega vel í alla staði, Sigga og Guðni fóru á 800 bar en Sigga og Lovísa kíktu svo við þegar við vorum að fara heim.  Fannst nú á Siggu að þetta væri sko mikið skemmtilegra í afmælinu heldur en á ballinu :-)  Við vorum svo komin heim á milli hálfþrjú og þrjú. 

5. feb 2009

          Búið að vera kalt í dag eins og undanfarna daga, fór nú samt út og reyndi að taka myndir af honum Hvata, gekk nú ekkert allt of vel, var svo kalt á puttunum og svo áttaði ég mig á því þegar ég var búin og komin inn hvað betur mátti fara, en það var nú helst sólin...æ fannst folinn vera í örðum lit á mynd en hann er í raun en hvað um það kannski reyni ég aftur á morgun.

       Komst jú að því á facebook að hún Hugrún sem ég hélt að ætti heima í Svíþjóð er nú bara flutt heim með alla fjölskylduna og er á Húsavík,  svona fylgist maður mun betur með en fyrir facebook .... en hefðu nú svosem komist að þessu á næstu árum hef ég grun um.

4. feb 2009

           Lítið að frétta í dag svosem.  Fór í bæinn og hitti kaffihúsakonurnar, ansi léleg mæting en voða gaman samt.  Búið að vera ansi kalt í dag, það kalt að bíllinn hennar Siggu fór í verkfall,,,það er semsagt búið að geyma hann inní skemmu svona til að velgja honum og þá er hann bara fínn og fer í gang en neitar alveg að fara í gang í þessu frosti ef honum er boðið uppá að vera úti  í þessum kulda, skil hann svosem vel.. 

3. feb 2009

           Fór í bæinn í morgun, átti tíma uppá Borgarspítala í MRI sem er semsagt segulóm, skildist að það yrði nú lesið úr þessu í dag en ég á ekki tíma hjá lækninum mínum fyrr en 16 febrúar og þá fær ég að vita hvort eitthvað nýtt rusl hefur sest að í hausnum á mér já eða í mænunni, spennandi..

        Annars er ég bara  búin að vera heima í dag, ja eftir að ég kom úr bænum.  Rosalega kalt úti en keypti mér þessa fínu skó svo ég geti nú farið út að labba á eitthverju öður en Kroks skónum mínum, þeir virka ekkert sérlega vel í miklum snjó.    Kom því nú samt ekki í verk að fara út, en tók þó skóna úr kassanum og stillti þeim upp þar sem þeir blasa við mér.

        Katla sem er hryssa sem ég á skrapp svo suður til Reykjavíkur í orlof... hef nú samt grun um að hún verði ekki bara látin standa og éta, verður væntanlega brúkuð  hugsa ég. 

2. feb 2009

Kolla og Atli fengu stelpu í dag til hamingju með prinsessuna :-)
ég sem var orðin viss um að þetta væri strákur eftir alla þessa löngu meðgöngu..

           Ansi gott veður í dag en dálítið kalt, var komið í rúmar -12 C° í kvöld.  Dóri orðinn góður af flensunni sem betur fer.  Nú ég er svo að fara í MRI í fyrramálið en verð nú væntanlega komin heim um hádegið aftur, ekki lengi gert að fara í rörið eða þannig.

         Held að mér hafi tekist að setja inn myndirnar í albúmið, fékk svo myndir hjá Tona sem ég setti á forsíðuna en hann tók myndir af liðinu þegar það fór ríðandi út í Far, þarna ætti nú að vera hægt að hafa ístölt svona allaveg þegar ekki eru vakir í Farinu. 

1. feb 2009

          Byrjaði nú sólahringinn á því að fara út um klukkan hálftvö í nótt, sá að það voru komin hross á hlaðið og það er nú ekki gott.  Rölti semsagt út og kom þeim inní gerði.  Held að Miðengismenn hafi verið hálfhissa um morguninn þegar þeir sáu hrossin inní gerðinu því enginn mundi eftir að hafa sett þau þar...hefði kannski ekki átt að kjafta frá hehe

         Annars var þetta bara góður dagur, veðrið alveg frábært þó það væri nú snjókoma mestmegnis en ekkert rok. 

          Er búin að vera að reyna að setja inn myndir en gengur hægt veit ekki hvort talvan er að stríða mér eða hvort það er nettengingin en held nú samt að það sé frekar talvan.

         Það var nú eiginlega ansi skondið hér á laugardagskvöldið. Allir komnir hér inní bæ, stelpurnar í Sing Star og strákarnir að naglalakka sig...já ég er ekki að grínast en þeim var semsagt bent á það á þorrablótinu að til þess að komast áfram í lífinu þyfti maður að vera samkynhneigður...það er jú fólkið sem mest hefur borið á í fjölmiðlum undanfarið.   Hvað um það, kemur Svava inn eins og henni er einni lagið og kallar yfir mannskapinn  eitthvað á þá leið að það sé á leiðinni  full rúta já og væntanlega af fullu fólki austan úr Rangárvallasýslu sem hefði verið boðið hingað og nú skildi fólkið taka sig saman í andlitinu og drífa sig út í hesthús og taka á móti gestunum.   Það var nú dálítil værð yfir mannskapnum sem vildi nú kannski sjá rútunu koma áður en móttökunefndin færi af stað.  Svafa gaf sig nú samt ekki, þið verðið nú að kunna ykkur, og taka á móti gestunum sagði hún, það þýðir ekkert að hringja út um allt og  bjóða fólki í partý og fela sig svo inní bæ. (reyndar held ég að það hafi nú verið um hádegið sem fólk átti að mæta í hafragrautinn). Og með þeim orðum smalaði hún fólkinu út í hesthús ja nema þessum þrem sem földu sig inní  búri þar til þau heyrðu hurðina lokast.   Ég fékk líka að vera heima en þó með því loforði að ég kæmi svo út að líta á þetta rútufólk.  Ekkert bólaði þó á rútunni og þegar ég kýkti hér út um útihurðina sá ég að það var búið að raða öllum mannskapnum upp í hruðinn í hesthúsinu og þar stóð fólkið og beið...og það beið og það beið...það vantaði bara rauða dregilinn. Já og rútuna.  Fyrir rest kom svo fullur  Patrol af fólki, allt fólk sem hefði nú hugsanlega ratað hér um torfuna og hefði kannski ekki þurft þessa fínu móttökunefnd, en það er jú mikið meira gaman að fá fullann Patrol af fólki sem maður þekkir en fulla rútu af fólki sem maður ekki þekkir.   Ég fór auðvitað ekkert út ja fyrr en um nóttina að smala saman hrossunum en þá voru allir farnir.

         Það er nú spurning hvort við þurfum ekki bara námskeið í almennum mannasíðum...Svava þú gætir nú haldið svoleiðs námskeið fyrir okkur ;-) ....  Annars var þetta bara rosalega  gaman allt saman. 

           Anna Dóra og Jón Bjarni áttu svo stelpu á fimmtudaginn, til hamingju með litlu Sól.  Andrea og Árni áttu svo strák á laugardaginn skildst mér.  Þannig að nú eru Jóa og Snæi orðin  amma og afi til hamingju með með alla þessa tiltla öll sömul.  Nú og svo ætlar hún Kolla mín að eiga á morgun en hún er komin líklega komin 42 vikur á morgun þannig að nú bíðum við ekki lengur Kolla mín, gangi þér rosalega vel.

31. jan 2009

          Mikið að snúast í gær og svo var þorrablótið í gærkvöldi.  Þetta var hið besta já kannski bara langbesta blót sem ég man eftir.  Nú svo var semsagt annar í þorrablóti í dag, það var byrjað á hafragraut hjá Jonna og Lindu.  Farið á hestbak og haft rosa gaman.  Fengum svo pizzur sendar seinnipartinn og pizzuveisla úti í fjósi.  Held að það hafi bara allir verið orðnir framlágir um átta leitið og tilbúnir að hafa það rólegt en þá komumst við að því að hópur af fólki sem við áttum hugsanlega von á um hádegið væri nú á leiðinni í rútu....  þegar til kom var þetta nú ekki rúta og ég held bara að fólki hafi bara verið sátt með það en það komu nú samt um sjö manns sem héld víst uppi fjöri eitthvað frameftir ...en veit svosem ekki mikið meira um það. 

29. jan 2009

Anna Dóra og Jón Bjarni eignuðust stelpu í dag til hamingju :-)

           Búin að vera í rólegheitum heima í allann dag.  Sigga reyndar búin að vera í smá basli með  bílinn sinn en í gær dó hann, niðurstaðan var víst bensínlaus með bilaðann bensínmæli, allavega gaf bíllinn í skyn að hann væri tæplega hálfur.  Eyþór fór og bjargaði henni og bensín sett á bílinn og ekkert mál að keyra heim en semsagt í morgun neitaði hann alveg að fara í gang, kannski fannst honum bara alltof mikill snjór... mér fannst allaveg mikill snjór og ástæðulaust að fara út. 

28. jan 2009

           Nú held ég að það sé farið að styttast allverulega í þorrablótið.   Held að það verði ansi góð mæting hjá Miðengismönnum eins og vant er svosem.

         Mía dýralæknir kom í dag og kýkti á Þrúði, hef svo grun um að hún ætli að koma aftur á morgun og skoða hryssuna.  Annars er bara búið að snjóa slatta, snjóaði svosem mest í morgun, en núna í kvöld er nú farið að snjóa ansi drúgt bara.  Gerir svosem lítið til að meðan blæs ekki mikið. 

27. jan 2009

           Búið að vera éljagangur í dag,  Dóri fór í skólann orðinn þokkalega sprækur. Hryssan hans Kjartans var sótt í dag og er á leið út.  Nú eins kom hér járningarmeistari og járnaði hana Þrúði vonandi á þetta eftir að hjálpa henni eitthvað.

        Fann svo lítinn rosaflottann frænda á Facebook, fæddur núna í des, bætti honum inná niðjatalið hennar Ólafíu ömmu. 

26. jan 2009

           Fór í Þorlákshöfn í morgun, var að sækja mér hundafóður, og gekk bara svo ljómandi vel.  Kom svo við á Selfossi á leiðinni heim.  Annars bara rólegheit, hryssan hans Kjartans verður sótt á morgun en hún er á leið til Danmerkur. 

       Nú annars er full vinna að fyljgast með því sem gerist í stjórnmálunum, krakkarnir fylgjast þó í raun meira með en ég og þau eru virkilega með skoðun á þessu öllu saman sem er hið besta mál.  Nenni samt sjálft lítið að ræða þessi mál, finnst svo leiðinlegt þetta endalausa skítkast sem fylgir svo ég er ekkert að setja eitthver comment á facebook eins og sumir nenna að gera.   Reyndar tók ég eftir að það var kona sem var búin að  vera með leiðinlegar athugasemdir út í stjórnina, og virtist ekki geta beðið eftir að stjórnin félli, nú í gærkvöldi sá ég svo comment  ,,Hvað gerum við nú"?   Hélt svona miðað við fyrri ummæli væri þetta allt á hreinu með framhaldið en nei og nei.  

25. jan 2009

            Rosalega gott veður  búið að vera í dag, fór meira að segja út í ,,eftirlitsferð"  skoðaði í fjárhúsið og svo úti í fjósi en þar á ég eitthverja dekurmola sem fengu smá nammi.  Meira að segja Solla Stirða var tilbúin að tala við mig. 

           Annars bara rólegheit eða þannig, Dóri reyndar orðinn veikur eins og mig grunaði í gær, kominn með hita ofaní hálsbólguna þannig að það var nú eins gott að honum var haldið inni í dag þrátt fyrir þetta frábæra veður.

           Aðeins búin að vera að fikta í hestasíðunni, ekki mikið svosem en tókst að setja inn nokkur video sem eru bara á You Tube það er bara hið besta mál, eins í bjartsýniskasti þá raðaði ég upp hryssunum sem eiga að kasta í vor, á nú ekki von á að þær séu í réttri röð en þó gæti það nú verið.  Laga það þá bara jafnóðum og folöldin koma. 

24. jan 2009

              Sigga fór með skólanum í fjallgöngu í morgun, verðrið þokkalegt þegar hún fór héðan en var víst ekki eins þokkalegt þegar komið var uppá Búrfell,  skildist á henni að Bjarki og Helga hefðu þurft að halda í hana svo hún fyki hreinlega ekki,  þetta hafðist allavega, þau komust uppá fjallið reyndar ekki að vatninu en hvað um það og þau komust niður aftur heil á húfi.

            Annars er svosem allt við það sama, Adam kýkti við og eins kom Ingþór, tengdamamma átti líka hér leið um þannig að það var aðeins rennerí á fólki hér en ekkert meira en vant er.

            Held að Dóri sé að verða veikur, hann vill nú samt ekki viðurkenna það, fór heilmikið á hestbak í dag en mér finnst hann hálf druslulegur en ekki með hita samt þannig að kannski er þetta bara eitthver slappleiki sem gengur yfir, vonum það allavega. 

23. jan 2009

               Fór aðeins á Selfoss í morgun, eftir hádegið þurfti ég svo að sækja Dóra út í skóla en nú eru krakkarnir aftur farin að mæta til prestsins í fermingarfræðsluna. 

            Seinnipartinn kýktu svo Valka, Guðni og Eyrún við en það voru að líta á hana Þrúði.  Við fórum svo í þorramat til tengdó í kvöld, rosalega gott og gaman eins og alltaf.

          Sigga er svo að fara að ganga á Búrfellið á morgun með skólanum, vonandi verður veðrið bara gott. 

22. jan 2009

                Í morgun þegar Miðengismenn mættu út í fjárhús voru tveir hrútar búnir að festast saman á hornunum, ekki alveg einfalt að losa þá í sundur sér í lagi þar sem Flakkari er með svo ansi stór og mikið snúin horn, þetta tókst þó án þess að þurfa að saga neitt eða taka nokkurn haus af...Skrúður er nú samt aðeins laskaður, bólgin og þ.h en ekkert sem lagast ekki með tímanum. 

              Ákvað í morgun að fara aðeins út að labba, svo var bara allt í einu komið eftir hádegið svo ég dreif mig uppúr sófanum og ákvað allavega að líta út til öryggis, það var auðvitað alveg ófært að fara út, svo mikið rok og bara glæra hér fyrir utan, þannig að ég hefði klárlega fokið og kannski slasað mig líka, þannig að ég sá semsagt við því og fór bara aftur í sófann minn, ótrúlega seig sem ég er. 

              Annars lítur ekki vel út með hana Þrúði sem er semsagt hryssan hennar Völku, en Þrúður er líkast til með skaddaðann hóflið, hvað sem það nú er en allavega ekki miklar batahrofur því miður. 

        Sigga skaust svo aðeins í bæinn seinnipartinn en hún þurfti semsagt að ná sé í eitthverja flík því ekki getur hún verið fatalaus blessunin. 

21. jan 2009

           Mikið sem ég er búin að afreka í dag.  Byrjaði á að fara í bæinn, Dóri og tengdó fóru með.  Það semsagt stóð til að finna fermingarföt á prinsinn.  Fundum hjá Önnu Kristínu þessi líka rosalega flottu föt á strákinn,  og allir í sæluvímu yfir fötunum það er nú ekki leiðinlegt að vera búin að redda þessu verð ég að segja, reyndar á eftir að finna skó, hvíta eða allavega ljósa.   Fórum svo í Herralagerinn en þar var útsala og þar fékk hann jakkaföt á 15.000 tæpar.  Hann getur jú ekki farið í fermingarfötunum á þorrablót og þ.h, allavega ekki fyrr en eftir að hann er fermdur, kannski á næsta ári.     Fór svo á Amokka og hitti þar nokkrar konur mikið gaman eins og alltaf, þannig að ég kom heilmiklu í verk í dag.  Vorum svo komin heim um átta leiðið, lítil hálka á leiðinni nema á afleggjaranum hér heim, þar var ansi hált.

20. jan 2009

           Lítið lagast hryssan en vonandi kemur eitthvað út úr rannskókninni á henni.  Annars er bara lítið um að vera, jú Sigga þurfti að skjótast í bæinn að skoða eitthverja kjóla...hún kom nú ekki alveg kjólalaus heim blessunin, þannig að hún ætti að vera þorrablótsfær og gott betur.

          Annars er ég bara búin að vera að horfa á lætinn í henni Reykjavík í dag,  já og Obama en fannst það nú mun skemmtilegri atburður verð ég að segja, og ekki orð um það meir.

          Aðeins að laga til í hross til sölu en þarf að gera mun meira hef ég grun um já og finna út hvaða hross eru til sölu svona almennt. 

19. jan 2009

            Eftir hádegið fóru þeir Bjössi og Guðni Reynir á Selfoss með hana Þrúði, Þrúður sem semsagt hryssan hennar Völku og Þrúður er eitthvað hölt, við fundum ekkert út úr því hvað væri að henni svo það var semsagt brunað með hana á Selfoss, fannst jú að það er eitthvað að en ekki alveg klárt hvað er að angra hryssuna, mikið tekið af myndum og nú er bara að bíða og sjá hvað hægt verður að lesa út úr myndunum. 

18. jan 2009

          Helga amma hefði orðið 94 ára í dag.  Blessuð sé minning hennar.

           Rosalega gott veður í dag fannst mér. Rölti aðeins út í hesthúsin, Solla Stirða var tekin inn í dag og ég þurfti nú aðeins að kýkja á hana.  Held að hún hafi bara minnkað síðan í haust,  hefði nú frekar viljað sjá að hún hefði stækkað en hvað um það hún á nú ennþá möguleika á að stækka.

         Bragi var svo hér á rúntinum í dag og tók rauða hestinn sinn, þannig að nú ætti hann að geta farið að ríða út á klárnum.  Adam kom svo í kvöld og tók tvo hesta.   Guðni kom svo hér og kýkti á höltu merina sína ja eða merina hennar Völku, rétt skal vera rétt og ég held að Valka eigi merina,  reikna með að það verði að fá dýralækni til að finna út hvað er að angra hryssuna.

        Annars er nú bara allt gott hér á bæ, vonandi fer lóðastandið á tíkunum að ganga yfir, á nú samt von á því að þegar Týra verður endanlega gengin yfir þá  byrjar örugglega Tíbrá... 

17. jan 2009

           Dóri og Bjössu skutluðust austur í Hemlu eftir hádegið með hann Hæring, nú er bara að sjá hvernig klárinn kemur út þegar fer nú að reyna eitthvað á hann en við gerum nú bara ráð fyrir að hann sé betur þar til annað kemur í ljós.

         Pabbi og mamma kýktu við í dag, Adam og Hafdís kýktu líka við,  já og tengdó kom líka við, heppilegt að mér datt í hug að gera vöfflur en ég átti semsagt rjóma og því eina vitið að gera eitthvað sem hann nýttist á.  Sá líka Bjarka  bregða fyrir hér í kvöld en krakkarnar voru á leið á ball. 

16. jan 2009

              Fór á Selfoss í morgun, aðeins að versla.  Nú annars lítið um að vera, fann nú samt aðeins meira frændfólk á facebook og fékk uppl. um að það vantaði allavega eitt barn í niðjatalið hennar Ólafíu ömmu en hún Melissa átti semsagt dreng í ágúst, og fyrir þá sem ekki vita það þá er Melissa semsagt barnabarn Ingólfs bróður pabba.  Þannig að ég uppfærði aðeins niðjatalið og nýjustu tölur segja að Ólafía amma eigi 137 afkomendur, en þetta er nú ekki alveg örugg tala, þarf að fá fleiri leggi til að uppfæra, nú og þeir sem voru titlaðir námsmenn fyrir tveimur árum eru það kannski ekki lengur, eitthverjir kannski fluttir og mökum skipt út eins og gengur, en hef nú lítið af svoleiðis upplýsingum. 

15. jan 2009

            Það var snjókoma í morgun og svo næstum rigning allavega er flughált hér úti á stétt.  Fór nú samt í bæinn í dag að para Týru og gekk bara vel, fann ekkert fyrir hálku á leiðinni sem betur fer enda kannski búið að salta á þessum tíma dags.

          Annars bara allt við það sama, það lítur út fyrir að það sé að koma helgi einn ganginn enn, veit nú bara varla hvar þetta endar en það er bara alltaf helgi orðið en á móti hlýtur þá að styttast í folönd og lömb. 14 helgar kannski allavega verður orðið stutt í vorið þá.   

14. jan 2009

          Dóri var búinn um hádegi í dag, og fór beint út á hestbak þegar hann kom heim.  Þegar hann kom svo inn um kaffileitið þá var hann búinn að fara á fimm hesta skildist mér.  Annars búið að vera rólegheit í dag, G.Har kýkti aðeins við í kaffi alltaf gaman að fá hann í heimsókn.    Veðrið búið að vera aðeins óákveðið, ekki alveg klárt hvort það var rigning, slydda eða snjókoma já eða bara engin úrkoma, en núna í kvöld var allavega allt hvítt ennþá. 

13. jan 2009

        Letilíf í dag einn ganginn enn, tókst að snúa Siggu allt sem þurfti að snúast á Selfossi en skaust svo í bæinn seinnipartinn, Bjössi skutlaðist með mér í hundastúss.  Það var nú aðeins snjókoma á heiðinni en ekkert sem hægði á okkar að ráði.

       Það stóð til að fara með Hæring í þessa nauðsynlegu spattmyndatöku á Selfoss já og ef það kæmi uppá að hann yrði sýndur í vor þá þarf að vera  búið að taka úr honum blóð líka.  Hélt að það dygði að vera  búin að taka þetta DNA sýni en ó nei, það þarf blóðprufu líka, veit svosem ekki hvort maður hefði þá getað sleppt þessu DNA og látið blóðið bara duga?  Það hlítur líka að þurfa eistnavottorð eins og í hundunum heheh þarf nú að kanna það hehe 

12. jan 2009

             Aðeins farið að kólan aftur, semsagt komið frost.  Dóri og Sigga byrjuð á fullu í skólanum en annars lítið um að vera hér á bæ, allavega á okkar bæ.  

11. jan 2009

              Það var aðeins snjófjúk í morgun, en samt ekkert sem orð er á gerandi.  Ég búin að vera óvenju slöpp í dag, verð þá bara betri á morgun skulum við vona.

            Dóri og Bjössi skruppi í bæinn að sækja hestakaupahest sem ég var víst að eignast. Hugsa að ég hefði ekki þekkt klárinn sem var látinn fara, held samt að hann hafi verið jarpur.  Nú það kom jarpur hestur í staðinn svo ég hefði í raun aldrei þurft að frétta af þessu braski í raun, svona  fyrst ég vissi ekki hvernig sá leit út sem fór.  Held nú samt að þessi sé dálítið yngir, líklega 5 vetra kannski á sjötta veit það ekki alveg, en hann er víst undan Mjölni það er nú eiginlega það eina sem ég veit.  Fékk semsagt rauðann hest fyrir um ári í hestakaupum og vildi láta éta þann klár, fékk nú engu ráðið um það og klárnum skipt fyrir jarpann hest, vildi þá setja þann klár í pottinn en fékk það heldur ekki, sá fór svo fyrir þann jarpa sem fór í dag og aftur kominn jarpur hestur.  Ef þessi virkar ekki vona ég nú bara að það megi fella hann, en ég svosem ræð líkast til engu um það en Dóri er þó gjarn á að segja þegar hann fer á bak að hann þurfi alltaf að þjálfa fyrir mig eitthverja hesta. 

10. jan 2009

           Hér var afmæliskaffi í dag, en Dóri var semsagt 14 ára þann 7. janúar.  Held að það hafi komið um 19 manns í kaffi, nú og svo vorum við heimilisfólkið hér líka þannig að í heildina komu 24 í kaffi og kökur.  Gekk svona ljómandi vel enda svosem ekki von á öðru því þetta var jú allt heimafólk, sem hefði verið hér á torfunni hvort sem var en þá kannski bara frekar úti í hesthúsi. 

        Vala var ótrúlega spræk en hún var í kirtlatöku á fimmtudaginn og mikið gott að kirtlatakan sé nú búin og vonandi alveg laus við alla hálsbólgu og þ.h. 

9. jan 2008

          Skaust á Selfoss í morgun, þurfti að sækja lyf í apótekið.  Nú þegar ég kom heim ákvað ég að baka eins köku því Dóri ætlar jú að hafa afmæli á morgun það er að segja opið hús og rjómatertu fyrir þá sem hér eiga leið um og/eða búa á torfunni.  Fékk svo þá flugu í höfuðið að baka flatkökur, fann uppskrift eftir fáeins símtöl og svo er bara að velja úr já eða finna hvað mér hentar helst.  Bakaði svo fáeinar flatkökur, var ekki alveg ánægð með bragðið, en held að ég viti hvað þarf að laga.  Vona það allavega.  Seinnipartinn setti ég svo á brauðtertur fyrir drenginn en rjómatertan verður að bíða þar til á morgun, já og allt annað sem ég ætla að gera, en svo er auðvitað spurning hvort ég kem öllu því í verk sem ég ætla að  gera en sjáum  til. 

       Svo er hún Týra farin að lóða en ég átti von á að hún byrjaði að lóða eftir mánuð þannig að nú er að hugsa hratt já eða bara að slá til en er nú kominn með hund í sigtið sem gæti passað. 

8. jan 2008

          Rosalega var ég þreytt í morgun, var að reyna að lesa en sofnaði bara í stólnum samt búin að taka lyfin sem eiga að halda mér vakandi, og tvær töflur frekar en eina.  Hresstist aðeins uppúr hádeginu samt.  fór svo á Hraunið með með Raminn í bón og sótti bílinn hans Guðna.  Nú Guðni skutlaði mér svo aftur á Hraunið um hálffimm leitið til að sækja Raminn, þannig að ég er bara búin að vera á Hrauninu í dag, en í bæði skiptin sem ég fór var mér sleppt út aftur já og í gær líka.  Hver hefði nú trúað því.

        Fór aðeins út í hesthús að skoða hann Hvata sem var að koma úr baði, nú er hann bara venjulega móvindóttur og mikið hvítfextur, já og með ótrúlega mikið fax.  Sé nú kannski á morgun hvernig hann lítur úr þegar hann verður orðinn þurr.

         Adam og Elvar kýktu svo aðeins  við hér í kvöld, en  þeir voru að taka út hrossin sín.

          Nú og svo byrjaði skólinn hjá Siggu í dag, og í kvöld var hún strax farin að læra.

7. jan 2009

Dóri á afmæli í dag og er orðinn 14 ára, til hamingju með daginn elsku Dóri.

           Í morgun fór Sigga með bílinn sinn á Hraunið í bón, ég fór svo um hádegið og sótti bílinn en skildi bílinn hans Guðna Reynis eftir í staðinn, á morgun förum við svo með Raminn þannig að þá verða bílarnir nú aldeilis orðnir flottir, allavega var Audiinn hennar Siggu rosalega fínn þegar ég sótti hann.

         Eftir hádegið fór ég svo í bæinn til að hitta kaffihúsakonurnar en þar var full mæting og voðalega gaman eins og alltaf.   Tengdamamma nýtti sér ferðina og fór með í bæinn.    Dálítil rigning og þoka á leiðinni en ekkert sem hægði á okkur. 

        Annars er Sigga búin að vera hálfslöpp í dag með eitthverja ælupest held ég, en var orðin spræk undir kvöld, held að Vala hafi líka verði hálflasinn í dag.  Það er nú svosem ágætt ef þessi pest gegnur yfir á hálfum sólahring. 

6. jan 2008

Snérist aðeins á Selfossi í morgun, en annars bara í leti eins og vant er.  Fórum svo til mömmu og pabba í þrettándaveisluna sem er orðið árlegt.  Þetta var voða notarlegt og allir ja flestir duttu niður í spurningaspil, Völu var reyndar slétt sama.

         Fyrsti skóladagurinn hjá Dóra eftir jólafrí í dag og hann bara sáttu eins og alltaf.  Nú þeir sem heima voru fóru í útreiðar eins og alltaf, og Dóri komst ekkert á bak enda hefur hann nú gott af því að hvíla sig aðeins en hann er nú ekki alveg sammála því, yfirheyrið pabba sinn um leið og hann kom úr skólanum, hver hefði nú farið á hvaða hest og var miskátur með svörin, sumt átti Bjössi nú ekki að hreyfa of mikið allavega heeh

5. jan 2009

            Lítið um að vera hjá mér.  Finnst samt eins og ég sé búin að gera helling í dag, þurfti að hringa eitt og annað, já og klára að fylla út Gæðastýringarpappírana svo allt verði nú klárt þegar Loftur mætir.  Nú annars fóru Sigga og Dóri í Kringluna í morgun á útsöluna og það var keyptur þessi flotti jakki á Dóra í afmælisgjöf, þá er það frá í bili, en Dóri verður 14 ára á miðvikudaginn en ætlar víst að hafa afmæliskaffi á laugardaginn og sjálfsagt rjómatertu ef ég þekki minn mann rétt.

        Talaði við taugalækninn minn í dag og ég er ekki  búin að mynda mótefni gegn Avonex lyfinu, á svo að fara í seglulóm í febrúar og ef ég er samt með eitthverjar breytingar eða nýjar skellur sem þýðir köst þrátt fyrir að vera á lyfinu, þá ætlar hann að sækja um Tisabri fyrir mig, er nú ekki bjartsýn á að fá þetta lyf þó svo að ég mínum taugalækni þyki ástæða til að sækja um lyfið en krossum bara fingur og vonum það besta, veit samt ekki alveg hvort ég á að vona að ég sé með nýjar skellur sem segir ný köst og fæ þá hugsanlega Tisabri.  Eða hvort ég á að vona að það séu engar nýjar skellur sem segir engin köst og ekkert Tisabri,  gæti allavega alveg hugsað mér að vera aðeins betri og ef það er nú rétt að maður losni við þreytuna með  Tisabrþá er nú mikið að vinna.  En sjáum til hvað verður..

4. jan 2009

          Skutlaði Þóru á Selfoss eftir hádegið en nú var það Strætó í bæinn, alveg magnað að vera komin með Strætó á Selfoss.  Nú aðeins var nú rennerí hér í dag, Stefanía og Dagbjört kýktu hér við með hann Leirubakka Ljóma.  Davíð kom svo í kaffi en þau Unnur eru að fara aftur út til Danmerkur í nótt, já og að sjálfsögðu fylgi Adam með. 

3. jan 2009

           Rosalega fínt verður í dag, næstum logn og smá úði telst held ég varla rigning en ég var nú svosem ekki úti til að geta verið viss.

           Sigga, Bjössi og Jonni fóru svo á Pulu með Erp, spennandi að sjá hvað og hvort eitthvað kemur út úr því. 

         Fór á Selfoss seinnipartinn að sækja Þóru sem kom með STRÆTÓ á Selfoss.  Fórum svo á Stokkseyri í fimmtugsafmæli hjá Birgi.  Þetta var rosalega gaman, mjög góður matur, já og svo spilaði hljómsveitin hennar Guðnýar Láru.  Þau voru bara flott fannst mér, spiluðu dálítið hátt reyndar en það hentaði mér voða vel því þá heyrði ég bara í hljómsveitinni, finnst stundum verra að heyra lágværa tónlist og fullt af fólki tala líka, þá fyrst verð ég alveg rugluð.  Þarna heyrði ég bara ekkert í fólki fyrir tónlistinni og það var bara flott, naut þess bara, nú og svo þegar hljómsveitin tók pásur þá gat fólk spjallað, algjör snilld.

2. jan 2009

             Krakkarnir búnir að vera úti á hestbaki meira og minna í dag, og ég að sjálfsögðu á mínum stað í sófanum.  Annars lítið um að vera, nema hvað það tókst að para Rún, þannig að ég er nú bjartsýn á að það komi hvolpar í byrjun mars. 

1. jan 2008

Bjössi minn á afmæli í dag og nú er hann orðinn 46 ára, til hamingju með daginn gamli minn.

   Letidagur á öllum hér í dag held ég bara.  Ótrúlegt hvað maður  getur verið þreyttur eftir að hafa gert akkúrat ekki neitt.  Mamma og pabbi kýktu hér við í dag og eins komu Stefanía og Dagbjört líka.  Annars bara horft á TV og lesið, já og kannski bara sofið dálítið líka allavega sumir hér á bæ.