28. des 2005

          Hér erum við búin að hafa það gott um jólin, mikið étið og allir sælir held ég bara.  Í gær kom hér maður eða menn til að sjóða saman heitavatnsrörin sem á að leggja frá borholunni og hér heim,  þetta er heilmikil útgerð og besta aðstaðan til að sjóða þetta saman er í fjósinu, það er semsagt soðið inni í fjósskemmu og rörin svo dregin í gegnum fóðurganginn og út um fjósið austan megin.  Það var nú ekki að sjá að þetta hefði nein áhrif á mjólkina í kúnum allavega var ekkert minna í þeim í gærkvöldi og morgun en venjulega.  Þó datt hér einn klálfur úr fyrsta kláfls kvígu hér í morgun alveg óbeðin eða þannig en það var svosem komin tími á að hún bæri en hún var samt ekkert burðarleg í gærkvöldi.

      Nú af hundum er það að frétta að Samba er komin á heimili í Reykjavík og gengur bara vel, nú ég var ansi stórtæk í að skrá á sýninguna sem er núna í jan, en ég skráði Tíbrá, Frey og Gosa nú og svo var gamla góða Brella skráð líka og kominn tími til að mæta með þá gömlu enda allir þessir Kersins hundar meira og minna út af henni.

      Við fórum til Reykjavíkur í gær með Guðna Reyni til ofnæmislæknis, heppilegt fyrir Siggu og Freydísi að þessi læknastofa var í Kringlunni heheh, nú Guðni Reynir er ekki með ofnæmi sem betur fer en það er einhver asmi að angra hann, en ekkert alvarlegt samt, en þó nóg til að hann hósti dálítið þegar hann er ekki að taka lyfin sín, en þetta ætti að vera á góðri leið úr þessu.

19. des 2005

        Hér er allt í rólegheitum, hundagirðingin að rísa og jólaverðrið komið, verst er að þessi snjór verður örugglega farinn þegar jólin koma en hvað um það er á meðan er.  Það er svo leiðinlegt þegar þessir umhleypingar eru alltaf hreint.

        Ég er svosem ósköp lítið farin að undirbúa jólin en hugsa að þau komi nú samt, Sigga ætlar að skrifa á jólakortin í dag enda ekki seinna vænna en að drífa í því.

17. des 2005

        Þá er búið að taka folöldin inn, búið að örmerkja og gefa ormalyf á alla súpuna, held að það hafi bara gengið vel, Gráni gamli hans Bjössa var samt ekkert hrifin af því að fá ormalyf lét eins og smátryppi, hoppaði og skoppaði þegar hann loks náðist.

       Ekkert bólar enn á merinni sem ég ætlaði að fá að norðan, en hún er víst upp á heiði ásamt fleiri hrossum, held að nú hljóti að vera kominn tími á að ná þessum hrossum og vona ég að jólafríið fari í það.

16. des 2005

          Við Brella urðum ömmur í dag en það eru komnir hvolpar hjá Sillu undan Urði endilega kýkið á síðuna hennar www.grisara.is bara flottir hvolpar en ekki hvað...

        Hundagirðingin er eiginlega alveg tilbúin en það á í raun bara eftir að raða henni upp, held það allavega, búið að smíða alla skjólveggina og ég held að á mánudaginn eigi að henda þessu upp.

    Það stendur svo til að taka inn folöldin á morgun, vona að Lísa geti komið og örmerkt, jafnvel sónað eina eða tvær hryssur, ekki veitir af eftir svona ,,gelt" sumar eða þannig, á eina hryssu hér ósónaða sem var ásamt 4 öðrum hryssum hjá klár í allt sumar, það er búið að sóna 2 af þessum 5 og báðar geldar svo það er engu að treysta í þessum efnum, en kannski fannst klárnum mín meri bara flottust hver veit..........

       Samba komin til Reykjavíkur til Kollu í von um að það finnist einhvað spennandi fyrir tíkina.

       Dagatalið er komið og bara flott, þó er þar ein mynd sem ég er ekki alveg heilluð af en allt annað rosa fínt. 

14. des 2005

       Jæja karlarnir komnir frá Englandi, þessir tveir yngstu vilja helst fara beint út aftur..... gætu alveg hugsað sé að búa á Chelsea hótelinu held ég bara og éta egg og beikon í morgunmat.

      Hér er annars bara rigning alltaf hreint held ég, alveg snjólaust og ekkert bólar á jólaskapinu, er ekki alveg að trúa því að það séu ekki nema 10 dagar til jóla en vonandi kemur smá föl fyrir jólin ekki gaman að hafa allt svona dimmt.

      Nú Samba er búin að fá mjaðmalosniðurstöðu og er með C, sem gerir það að verkum að ég ætla ekki að rækta frá henni og er að vinna í að finna heimili handa henni, setti reyndar Kollu og Lindu í það, það virkar alltaf.

      Ég er enn að bíða eftir díf dagatalinu ætlaði að senda erlendis fullt af dagatölum en það fer nú að verða í allra síðasta lagi ef það ætti að skila sér fyrir jól.

      Bjössi og Valli eru að slá utanaf sökklinum í hundagirðingunni minni, Bensi búinn að keyra fullt af möl þarna í kring svo þetta er bara að verða flott, hef grun um að skjólveggirnir séu langt komnir í smíðum inni í stóru skemmu, þannig að þetta gerist hratt þegar þessu verður púslað upp.

11. des 2005

      Búin að taka það ansi rólega í dag, dottað yfir sjónvarpinu og datt svo inn í einhverja talnaþraut í Mogganum, þetta er ekkert svo erfitt eða þannig. Það var svo annar kálfur í fjósinu í morgun, núna kom svart naut.

      Það er svo von á öllum körlunum mínum heim í kvöld og Emma kemur líkast til að norðan líka í kvöld.

      Í gær fór ég til Reykjavíkur á aðalfund Arons, það var bara gaman og margt sem kom á óvart.  Nú svo þegar ég ætlaði austur var lokað á milli Selfoss og Hveragerðis þannig að ég ákvað bara að snýkja smá kaffi hjá Selmu, auðvitað var hún ekki heima blessunin en svona getur þetta verið.

        Þegar ég var að fara af stað suður ákvað ég að kýkja aðeins við í fjósinu og viti menn komin kvígukálfur, mig grunaði þetta um morguninn.

        Nú Selfoss menn tóku inn hrossin sín í gær, það fækkaði ábyggilega ansi vel í stóðinu úti við það en við tókum okkar hross inn um síðustu helgi.  Við reynum að taka sem mest inn á þessum tíma til þess að losna við traðkið sem verður úti í kringum rúllurnar á þessum tíma, við eigum enga mýri sem við getum haft útiganginn á þannig að við reynum að legga hart að mönnum að taka inn á þessum tíma, þau hross sem eru hér það er ekkert ljótara en að sjá landið úttraðkað eftir hrossin á þessum tíma og í raun bara algjör óþarfi enda klikka Selfoss menn aldrei á að taka inn þegar þessi tími er kominn.

     Vitið þið að hann Valli er að smíða í kringum hundana mína.  Þetta verður ekkert smá flott girðing með steyptum sökklum og háu timburverki.  Hugsa að Tíbrá og Samba verði einhvað þarna en það er kannski ekki skrítið að þær gelti í bíla greyjin því fólk virkilega heldur að Íslenskur hundur forði sér ef bíllinn flautar á þá...........en það virkar alveg þveröfugt, hundarnir verða bara æstari og eru farnir að þekkja bílana sem flauta á þá, halda að þetta sé einhver leikur, mér finnst alveg ótrúlegt að fólk átti sig ekki á að hundarnir verði enn æstar þegar er flautað, en það virðist ekki duga að tala um þetta við fólk hvernig sem á því stendur.

9. des 2005

          Þá erum við Sigga bara einar í kotinu, karlpeningurinn farinn til London að sjá Chelsesa-Wigan sem er fótboltaleikur sem verður á morgun.  Emma á leið norður í land, en Sigga enn heima en það stendur nú til bóta því þær vinkonur Sigga og Freydís eru víst á leið til Reykjavíkur á morgun. Guðni Reynir var varla farinn úr hlaði þegar hann hringdi í Bensa og bað hann að telja lambhrútana hvort nokkuð vantaði einn, og viti menn það var einn komin í féð og farinn að sinna því einhvað.  Þannig að það verða kannsi fyrirmálslömb í vor, en lambhrútarnir eru búnir að finna út að þeir geta grafið sig undir hliðið skilst mér.

      Nú svo var ég í síðasta prófinu í morgun, gekk nú ekkert sérlega vel enda átti ég ekki von á því svosem.  En þetta er búið í bili að minnsta kosti.

6. des 2005

          Loksins gef ég mér einhvern tíma í að skrifa einhvað, búin að vera á fullu í skólanum, fyrst að klára að skila ullinni minn, svo að koma lokaritgerðinni á blað, nú og að koma henni svo til skila, nú svo var ég í fyrsta og næstsíðast prófinu í morgun, var í hrossarækt og gekk ágætlega held ég.  Svo er það bústjórn á föstudaginn, og þá er komið jólafrí eða þannig, bústjórnin er algjör steypa fyrir mér, er ekki alveg að átta mig á henni. 
          Þarf svo að fara að vinna í vinnubók sem á að skilast í janúar.  En þá byrjar líka síðasta önnin held að það sé alveg kominn tími á að klára þetta.

         Gunni Har kom hér um daginn með fulla poka af ull handa mér og nú er stefnan tekin í Þingborg til að fá ullina þvegna og einhvað unna.

          Guðmundur í Klausturhólum kom hér einhvert kvöldið með fullorðinn hrút frá Gvendi frá Hæðarenda.  Þegar við fórum að spyrja Gvend um hrútinn þá kom nú í ljós að hann var ekki á Hæðarenda í fyrravetur og er því örugglega útigenginn.  Held að það fari ekkert á milli mála því hrúturinn er grár og ferhyrntur og ekkert smá horn.  Eiginlega frekar ótrúlegt að svona skepna hafi gengið úti heilann vetur með þessi rosahorn, því mér hefur nú skilist að þessir ferhyrntu hrútar megi nú bara passa sig að lifa sumarið af með svona rosahorn.

          Nú við vorum að heimta tvílembu í gær, hún var í Búrfellinu með tvo hrúta með sér.  Einhvað frá Klausturhólum en flest frá Efri-Brú. 

30. nóv 2005

         Hér er alltaf verið að vinna við að gera og græja nýja húsið og allt stefnir í að hægt verði að taka féð inn um helgina og eins ætti að vera hægt að taka öll þau hross inn sem inn eiga að fara núna á næstu dögum.

        Hér er bara snjókoma en samt ekki búið að snjóa neitt mikið miðað við að það snjóaði bæði í gær og einhvað í nótt.

       Nú fer að styttast í prófin hjá okkur Guðna Reyni og ég á bara eftir að skila tveimur ritgerðum fyrir helgi.....kannski ráð að fara að byrja.

       Guðni Reynir er alltaf á fullu í boltanum og farinn að mæta á æfingar í meistaraflokk, held að honum hafi tekist að raða inn um 8 mörkum á æfinu í gærkvöldi, það er munur að vera fljótur að hlaupa því annars væri hann líklega í klessu hehe en held að það sé ágætt að venjast þessari baráttu ef hann ætlar að tolla í þessum bolta.

      Jæja þarf að fara að kýkja á ritgerðirnar.....

21. nóv 2005

          Þá er hlöðuballið afstaðið, þetta tókst þvílíkt vel í alla staði held ég bara, nýjustu tölur segja að það hafi verið um 160 manns svona allavega það sem ég kemst næst en kannski og örugglega gleymi ég einhverjum, samt búin að fara yfir einhvað af myndum heheh.
          Þetta var bara stuð Maggi Kjartans kom og hélst uppi fjörinu, en held að hann hafi spilað til hálfþrjú nú síðustu menn fóru svo að sofa um klukkan 5 held ég.
          Það kom svo í ljós í gær að ýmislegt hafði gleymst hér og annað horfið held að það sé kannski einn sími enn ófundinn.
          Það kom fólk allstaðar að, sveitungar vinir og kunningjar, og maður sem þekkti mann, fólk sem býr á Höfn, Færeyingur og Svíi.  Saknaði kannski dálítið að foreldrar kæmu með unglingunum sínum en sendu þá ekki bara.
                    Varð eiginlega að lauma einni mynd inn úr dansinum......og geri aðrir betur.

8. nóv 2005

             Jæja þá erum við komnar frá Dublin en við fórum 4 saman rosa gaman þar og fataskápurinn hennar Siggu ekki alveg eins tómur og áður en við fórum.  Nú á sunnudaginn 6. nóv var bara stór dagur í fjölskyldunni en tengdó áttu 45 ára brúðkaupsafmæli og Sverrir varð 24 ára. Til hamingju með daginn öll sömul, og nú má Sverrir verða leiðbeinandi hjá GR í æfingarakstrinum svona allavega þegar búið er að stimpla alla pappíra sem þarf.

          Jonni, Ingþó og Bjössi eru orðið öll kvöld úti í nýju skemmunni að gera og græja svo allt verði nú klárt þegar hlöðuballið verður þann 19 nóv en það stendur til að halda heljarins ball, með hljómsveit og alles, þetta verður bara gaman hugsa ég.

2. nóv 2005

        Það er búið að vera ansi kalt í dag, og nálægt því að vera snjókoma, og ansi hált.  Ég fór á hreppsnefndarfund í dag, þar var ansi margt spennandi í gangi og alltaf gott með kaffinu,,,,

        Nú það er orðið nokkuð ljóst að hér verður hlöðuball þann 19 nóvember, í tilefni þess að stóra skemman er nú lokst að verða orðin tilbúin, það verður hljómsveit og alles, endalaust stuð svo er bara að voða að veðrið leiki við okkur og að vinir og vandamenn sjái sér fært að mæta í stuðið, er það ekki bara málið, held að sviðaveislan á Borg sé þetta sama kvöld og þetta væri nú ágætt framhald fyrir þá sem nenna að mæta.

        Dóri er ekki heima það er hálfskrítið finnst mér, enginn að rífast yfir því hvaða stöð er verið að horfa á eða ekki horfa á, og enginn heldur sem veit nákvæmlega hvað það er sem mér finnst spennandi í sjónvarpinu í kvöld svo ég missi líkast til af einhverju spennadi.  En hann kemur nú heim á morgun blessaður karlinn enda erum við Sigga, Freydís og Magga hans Hödda að fara til Dublin á föstudaginn og ég er ekki frá því að Dóri þurfi að hugsa um að elda í þá sem heima eru.

         Nú Valli er á fullu við að gera og græja, held að það sé einhvert kofadæmi utan um borholuna svona með ýmsu öðru sem þarf að fara að klára. 

        Emma fór á hestbak í dag eins og alla aðra daga en í dag byrjaði hún á að prufa Brján minn sem er auðvitað alltaf bestur, en svo fór hún á Blésa hans Bjössa, það er semsagt hestur sem við fengum í haust og lýsingin á honum var sú að hann lyftir ekki nóg til að vera sýningarhestur en of viljugur sem barnahestur,hugsa að drengurinn sá sem lét okkur hafa þessar lýsingar selji nú ekki mikið á næstunni því svona er fljótt að fréttast.  Klárinn semsagt rauk og ekki í fyrsta sinn, nema hvað hann rauk að girðingu og stökk svo yfir án þess að hika, held að Emma hafa hlegið svo mikið að þessum vitleysing að hún varð bara ekkert smeik, lét okkur hin um það, ég er nú alveg hissa, en hún á víst hryssu sem er með svipaða takta svo hún er öllu vön greinilega.

     Dagurinn var svo tekin í það að slátra einhverjum lömbum hér heima þannig að nú fer að skýrast hvað vantar og hvað ekki, og auðvitað er alltaf einhvað sem vantar klárlega annað flokkast nú undir afföll hugsa ég.

1. nóv 2005

          Tengdapabbi átti svo afmæli í gær og tengdamamma þann 26 okt til lukku með dagana.

Það er jú löngu kominn tími til að uppfæra og ýmislegt búið að vera að gerast.  Er til kolfallin í þetta ullardæmi, nú er bara spunnið og prjónað og ekkert uppfært.

     Annars ætlaði ég nú alveg að missa mig hér í gær, hversu vitlausir geta menn eiginlega verið hér á bæ? Hvað um það, þar sem ég er á kafi í þessari ullarvinnslu þessa dagana hafið ég orð á því að ég ætlaði á fá ullina af ásetningsbimbrunum og reyna að gera einhvað úr ullinni og ég var nú ekki lítið kát þegar Bjössi sagið mér í gærmorgun að það ætti að koma rúníngsmaður og taka af þessum 36 gimbrum ekkert smá spennandi svo ég rauk nú að kýkja á ullina mína rosa spennt, en viti menn þessir snillingar höfðu spreyjað rautt og ekkert lítið í bakið á hverri einustu gimbur og ullin því ónýt, samt áttu þeir að vita að ég ætlaði að nota þessa ull, svo vísa þeir hver á annann einn segir ég var bara að sprauta lömbin annar var bara að skrifa og sá sem spreyjaði sagði þeir sögðu mér að gera þetta svona......Það er kannski spurning hvort ég get náð mér í nokkra lokka sem ekki hefur úðast á, en það er ótrúlegt hvað svona sprey nær að útast vel sérstaklega þegar svona stendur á.

        Það eru búnir að vera 5 hestar á húsi og Emma að temja á fullu, svo voru teknir inn 7 núna áðan þannig að nú er bara að kaupa skeifur og koma þessum hrossum í stand, það eru komnir inn tveir folar sem á að frumtemja en það eru þeir Kubbur sem er undan Tývar og Bóthildi og svo er það hann Fengur hans Bjössa en hann fékk þennann fola í afmælisgjöf þegar hann varð fertugur og nú er bara að sjá hvort folinn á roð í þann gamla.

        Það styttist í að skemman góða verði komin í gangnið en Valli er mættur á svæði og ætlar að hjálpa okkur að klára þetta.

7. okt. 2005

           Mamma átti afmæli 3 okt, til hamingju með daginn þann. Nú annars er maður endalaust á hlaupum í kringum sjálfann sig og lítið annað gert.  Skólinn er aðeins að komast á skrið hjá mér og ég farin að viða að mér efni í ritgerðina, mjög skemmtileg lesning allavega það sem komið er, en ég ætla að fara einhvað út í hrossaliti, á eftir að staðsetja mig aðeins í því.

         Hvolparnir fóru í heilbrigðisskoðun á miðvikudaginn og allir agalega fínir líka sá litli ekkert að honum, bara smávaxinn.

          Það gerist bara ekkert í boltanum hjá Guðna Reyni, leikur eftir viku og æfingar ekki enn byrjaðar, ekki skrítið þó 2. flokk hafi gengið misvel ef þetta eru vinnubrögðin eða þannig, farin að heyra á mínum að hann nenni ekki þessu rugli og um leið og bílprófið er í höfn í mars þá verður leitað á önnur boltamið ef ekkert verður komið í gagnið af viti.

27. september 2005

           Það er svosem heilmikið búið að vera að gerast hér undanfarið.  Húsið það er nýja stálgrindarkemman er bara öll að kom til og hver veit nema hægt verði að nota hana í vetur.
            Heita vatnið í dýjinu er á leið heim eða þannig það er verið að vinna í að koma því heim og í húsin og þetta lítur úr fyrir að geta gerst á næstunni.
           Held að það hafi borði einar þrjár fyrsta kálfs kvígur í síðustu viku, ein á fimmtudag, ein á föstudag og sú þriðja á laugardagskvöldið, þannig að þetta er allt að gerast.

           Við fórum í Laugskálarétt á laugardaginn var, við byrjuðum á að fara norður að Hofi í Vatnsdal á föstudeginum og gistum þar, þar var nú aldeilis gott að vera og nú þegar er búið að skipuleggja hestaferð næsta sumar og leggja staðinn undir sig hehehe. Það var svo allt á kafi í snjó á laugardagsmorguninn líklega 15-20 ca jafnfallinn snjór, en við vorum svo forsjál að við vorum komin á nagladekk enda værum við líklega enn á leiðinni ef það hefði ekki verið.  Þarna var full rétt af sunnlendingum og nokkur hross. Við keyptum ekkkert og NB það var ekki ég sem var að bjóða í eitthver folöld þarna svo það komi nú skýrt fram.  Það var svo brunað suður seinnipartinn á laugardaginn og mannskapurinn svona flestir skelltu sér á réttarball en Linda tók við af mér að keyra, enda ég búin að fá alveg nóg af þessum langa akstri í frekar leiðinlegu veðri.

         Elsku besta Doppa Dóra lenti undir bíl hér á laugardaginn og dó, hér er búið að gráta út í eitt, en svona er þetta bara og ekkert við þessu að gera.  Ég er búin að fá e-mail allstaðar frá og eitt kom frá konu sem ég þekki ekkert og orðrétt stóð í því:

,,There are folks all over the world that share your grief".

          Þetta var ansi fallega sagt af henni.  En Dóri minn sagði á laugardaginn, hvað gerum við nú í ræktuninni mamma?  En við reddum okkur með góðra manna aðstoð.  En ekki meira um það í bili.

    Í dag er svo von á konu frá Svíþjóð sem heitir Emma og ætlar að hjálpa til hér á búinu með fjósið og svo hrossin.  Maður er farinn að bíða spenntur eftir að fá hrossin inn, og gott ef Brjánn er ekki líka orðinn spenntur en hann kemur að hliðinu og bíður þegar honum finnst orðið kalt.

       Í síðustu viku var ég í skólanum að leysa af og far aftur í dag, vonandi fer þetta nú að lagast þar en það er búið að auglýsa eftir fólki sem kemur vonandi sem fyrst til starfa.

21. september 2005

           Jæja loksins kem ég því í verk að skrifa smá.  Um síðustu helgi var ég á Hvanneyri og þið ættuð bara að vita hvað ég er montin núna, ég var semsagt í ullariðn, og nú kann ég að spinna band, hver hefði trúað þessu og ekki nóg með það heldur spann ég band í heila peysu sem er nú enn ótrúlegra, þá er bara eftir að prjóna peysuna.  Ég er ekki að segja að þetta sé voða flott band en peysan á samt eftir að tolla saman held ég.......vona ég allavega.

        Nú svo þegar ég kom heim á sunnudagskvöld var Geir mættur á svæðið með eitt stykki hreindýr handa mér, og það ekkert smá dýr.  Þannig að nú verður veisla í kotinu ef ég tími þá að elda þetta fína kjöt, hef nú smá áhyggjur varðandi eldamensku á þessu en það hlítur að reddast.

        Svo var ég búin að láta plata mig í afleysingar í skólanum og var á mánudag, þriðjudag og svo í dag að snúast í kringum krakkana, fæ held ég frí á morgun og reyndar held að ég sé ekkert að fara á næstunni enda nóg ógert í mínum skóla.  Þarf eiginlega að fara að koma upp plöntusafninu mínu og að komast af stað í lokaritgerðinni.

10. september 2005

            Lítið um að vera en fórum þó í matarboð upp í Tungur í gær ásamt Jonna og Lindu en það er orðið árvisst að fara í mat eða reiðtúr og mat til Valla og Siggu á þessum tíma, var samt orðið fullseint að fara í reiðtúr að kvöldi til þetta árið.  Rosa fínn matur og heimabakað brauð ekki að spyrja að því.

       Nú við erum farin að reyna ða gera og græja eitthvað á Engjaveginum, voða gaman en samt varla tími í það er komin á eftir með ýmislegt sem viðkemur skólanum en verð að reyna að klára fyrir mánudaginn en þá er Hvanneyrarheimsóknin þetta haustið en ég á reyndar eftir að gera ansi mikið.  Var samt svo heppin að hún Sigríður á Fossi reddaði mér dálítið með plöntusafnið en þetta óx mér nú dálítið í augum en hver veit nema ég eigi eftir að þekkja í sundur gras frá grasi þegar upp verður staðið.

     Nú hvolparnir dafna og myndir sem ég lofaði fyrir löngu voru teknar í dag og komnar inn á síðuna.

6. september 2005
    Í gær 5 sept átti hún Halla Karen afmæli til hamingju með daginn

        Það er örugglega búið að vera heilmikið um að vera en þegar ég gleymi að uppfæra, þá er nú ekki hægt að ætlast til að ég muni hvað hefur verið í gangi.  Hvað um það, man að það var farið að Útey á laugardaginn líklega að sækja tvær hryssur sem voru hjá Sólrík, önnur er hún Hildur Hektorsdóttir, brúnskjótt og hin heitir Rispa og er litförótt, það verður spennandi að sjá hvað þær koma með næsta ár.

      Við erum búin að fá lykla af Engjaveginum, mér finnst þetta hús æði svona gamalt og vinalegt.  Guðni Reynir laumaði sér þarna inn í gær og það fór svo vel um hann að hann steinsofnaði og missti af æfingu......sem var kannski bara ágætt því honum veitir ekki af að slaka aðeins á en hann er á pencilinkúr og ætti auðvitða ekkert að vera í boltanum á meðan.

     Fann þessa mynd á netinu af pilti en hann var að keppa við Aftureldingu á laugardaginn, því miður töpuðu Selfoss, en auðvitað hlaut að koma að því það fór 3-4 fyrir Aftureldingu en auðvitað áttum við að vinna, munaði bara 1000 kalli sagði GR en það væri það sem gleraugu á dómarann hefðu kostað.........

     Sigga of Freydís fóru í lax um helgina með Eddu og Gunna, ég spurði Siggu hvernig hefði gengið og hvort þær hefðu reynt að veiða en fékk þau svör að áin hefði verið svo langt í burtu frá húsinu að þær létu það eiga síg í bili heheheh

31. ágúst 2005

        Jæja það er bara allt að gerast í dag, til að byrja með er HÆRA mín með fyli við Aron frá Strandhöfð, ég er ekkert smá kát með það.  Nú svo erum við orðin húseigendur á Selfossi, en ég sé nú samt ekki hann Guðna minn elda sér eitthvað.......nú og svo í þriðja lagi eru Jonni, Bjössi og Reynir Már að koma baðinnréttingunni upp, ég er nú að reyna að segja þeim eitthvað til en er ekki viss um að það fýti verkinu neitt, en eitthver verður að stjórna heheh

30. ágúst 2005

        Þá er síðasti leikurinn í deildinni hjá Guðna Reyni búinn og bara eitthver úrslit eftir.  Síðasti leikurinn fór 12-2 fyrir Selfoss og þetta passaði alveg 12 markið í leiknum var mark númer 100 hjá strákunum í sumar, ansi flott.

        Nú Rúnar er búinn að vera hér á fullu í gær og í dag, og búinn að setja á veggina á baðinu og hjálpaði okkur af stað með innréttinguna.  Þetta verður bara flott þegar þetta verður loks búið. 

        Hvolparnir blása út, bara flottir, ekki að spyrja að því, þarf að reyna að taka myndir á morgun eða hinn en þeir verða tveggja vikna á morgun held ég.

28. ágúst 2005

         Það er nú ýmislegt sem maður er búin að sýsla síðan síðast, Bjössi búinn að fá sér blésóttann hest sem vonandi virkar, nú og svo á hann orðið hálfa fyrstu verðulauna meri en það er hún Nös  en Bjössi keypti Gumma hlut og á nú merina með Jonna, það verður spennandi að sjá hvað þeir bræður ætla með hana.

       Nú svo var tekin sú ákvörðun að gera kauptilboð í hús á Selfossi í von um að það spari okkur eitthverjar Selfossferðir á dag, bæði í sambandi við boltann og svo skólann en þetta er líkast til fyrsti veturinn af 10 eða eitthvað sem við eigum börn í fjölbraut á Selfossi svona ef allir stefna á stúdent.  Hugsa jafnvel að við gætum leigt út tvö til þrjú herbergi í vetur ef það eru eittherjir sem maður þekkir sem vantar inni.  En meira um það seinna.

      Nú erum við búin að rústa út af baðherberginu hér heima, og von á Rúnari á morgun að setja upp eitthverjar veggplötur sem líta út eins og flísar, og svo á ég von á að baðinnréttingin komi á morgun þannig að seinnipartinn í vikunni ætti baðið að vera orðið fínt.  Þá er það bara gangurinn og eldhúsið sem á eftir að mála og svo herbergið hana GR en það er nú ekki eitthvað sem hann er tilbúinn að samþykkja, þar má aldrei breyta neinu heheh.

22. ágúst 2005

         Klikkaði alveg að uppfæra í gær enda svaf bara næstum allann daginn.  Nú annars er bara allt gott, börnin að fara í skólann, nema Dóri sem er svo heppinn að þurfa ekki að byrja fyrr en eftir viku.

       Nú hvolparnir dafna aldeilis vel, blása bara út en það eru enn 6 hundar og bara ein tík, var eiginlega að vona að þetta hefði verið eitthver vitleysa í mér en svona er þetta bara.

20. ágúst 2005

         Það er hálftómlegt í kotinu núna, Sigga svosem aldrei heima, en nú brá svo við að bæði Guðni Reynir og Reynir Már fóru af bæ á Menningarnótt, það sem bjargar okkur nú eiginlega er að Dóri er heima og svo er Sverrir búinn að vera hér í dag, þannig að þetta er ekki alveg eins tómlegt.

        Hvolpar dafna þvílíkt vel blása bara út, og svo kom ein kvíga hér í gær, þannig að það er allt að gerast, nema kannksi plöntusafinð sem ég á að vera að safna........

18. ágúst 2005

         Við Bjössi fórum að Vorsabæ að sækja brúnskjóttur Galdursdótturina hans Jonna, en hún var hjá Forseta, nú merin er með fyli svo það verður vonandi skjótt næsta sumar handa þeim Jonna og Lindu.

       Hvolparnir dafna vel og gott ef ekki er þarna einn hundur sá númer 1 sem er hreinlega með brúnt pigment, en auðvitað er nefið bleikt á öllum ennþá þannig að það á eftir að koma í ljós en ég er næstum viss um að þetta nef verður brúnt og hver veit nema þarna leynist kannsi eitt brúnt nef enn, en ekki gott að segja.

17. ágúst 2005

          Í dag er afmælisdagur, en bæði Selma og Geir eiga afmæli í dag Til hamingju með daginn bæði tvö.  Nú svo bættist nú aðeins á daginn því Salka gaut í dag og kom með 7 stykki takk fyrir, 1 tík og 6 hunda, hefði mátt vera öfug kynjaröð en svona er þetta, hélt að það væru kannsi í henni 4-5 hámark, en það bar nú ekki mikið á að tíkin ætti von sér og hvað þá 7 stykki.

         Nú hún Nös þeirra Jonna og Gumma var sýnd á Hellu í gær og endaði í 7,97 minnir mig og búin að vera hjá Daníel í 2 dag.......og hver veit nema meri laumi sér í betri einkunn á yfirlitinu en hún á víst betri einkunn fyrir borkk og það ætti að duga.

16. ágúst 2005

         Þessi bragur datt hér inn á borð í dag,

Þau fóru í hestaferð,
Og þvílík var fákamergð,
Að flestir fengu sér þrjá.
Þau fóru um fjallaskörð,
Og feikna var gatan hörð,
En gæðingarnir gerðu það gott.

Í skógarhóla skotist var,
Og skelfing sjálfsagt gaman þar,
En fréttir ei fengust af því.
Að Krínglumýri var komið brátt,
Í kofanum þótti heldur kátt,
Þá forðuðu sumir sér heim.

Meðan knapar í kofanum hrutu,
Komu hestar við hliðið og brutu,
Og í þokuna þutu á braut.
Í gerðinu fundust fákar fimm,
Sem feiknalega þótti þokan dimm,
Það þurfti að koma þeim heim.

Þeir vöknuðu við vondann draum,
En virtust þó gefa þvi gaum,
Að ganga þeir þyrftu senn heim.
Þá kom þar bíll úr byggð,
Og bjargaði af stakri tryggð,
Þau fóru á vélfáki heim.

Þrír lögðu á heiðina,
Sem best þekktu leiðina,
Og voru ei villunum vant.
Þeir sendu heim S.M.S.
Og gættu að geta þess,
Að götuna þekktu þeir vel.

Við erum á leiðinni,
Og villumst ekki á heiðinni,
En vonandi náum brátt heim.
Svo hittum við hrossahóp,
Þá kváðu við köll og hróp,
En síðan við töpuðum tveim,
Loks komust þó hestarnir heim.
                                      V.K.

       Þannig var nú það, en ég fór í bæinn í dag með Siggu í tatú rosa flott.  Magga var svo agalega dugleg að hún flæktist með mér svo ég mundi ekki villast.  Það voru sóttar gardínur í stofuna og alles, Bjössi og Reynir Már búnir að setja þær upp, nú og svo var skoða gólfefni.
       Hvað um það það sem mér þótti merkilegast var að við fórum í eitthverja búsáhaldabúð í Kringlunni þar sem mig vantaði dósaupptakara, fann ekki svoleiðs græju í Nóatúni á Selfossi.  Semsagt í þessari búsáhaldaverslun sá ég líka þessa flottu græju, bæði til í rauðu og bláu, agalega flott, svo ég spurði afgreiðslukonuna hvað þetta væri eiginlega, þvi það var nú ekki alveg ljóst fannst mér og svarið sem ég fékk var að þetta væri eiginlega ekkert........og vitið þið hvað þetta ekkert kostað???  Tæp sextíuþúsund takk, og fyrir ekkert, mjög merkilegt.

15. ágúst 2005

       Jæja nú er ég aldeilis búin að vera löt við að uppfæra, en vonandi er þetta að komast í rétt horf.  Kom heim úr hestaferð í gær og best að byrja á byrjuninni.

Dagur 1
 Fimmtudagur 11 ágúst.

          Það byrjaði ansi illa, en þegar var verið að fara með seinni ferðina af hrossunum til Sólmundar þá þruftir rolluskjáta að hlaupa fyrir bílinn sem varð líkast til, til þess að hliðarhurðin gaf eitthvað eftir við það að bíllinn þurfti að negla niður, nú það var ekki að spyrja að því en hann Grettir féll af bílnum og dó starx, nú rétt á eftir datt Hrói af bílnum en hann slapp með skrámur, en hann lenti á brúarhandriði og algjört kraftaverk að hann skuli vera á lífi.

        Það var svo lagt af stað frá Sólmundi seinnipartinn á fimmtudeginum og farið inn að virkjunnarframkvæmdunum á Hellisheiði, ég sleppti þessum degi þar sem ég fór með Hróa á dýraspítalann í skoðun.  Nú svo var farið niður í Hveragerði á bílum í gistingu en við gistum held ég á gistiheimili sem heitir Fögruskógar, minnir það allavega, frábær aðstaða, borðuðum svo í Kjöt og kúnst held ég, nú mannskapurinn fór svo snemma í bælið en gott ef ekki var eitthver ælupest í gangi en það kom víni ekkert við, bara alvöru pest.

Dagur 2
 Föstudagur 12 ágúst.

        Nú var farið af stað fá Hellisheiðavirkjuninni og stefnan tekin á Maradal, held að þetta sé nokkuð rétt hjá mér, við vildum nú frekar kalla hann Magradal þar sem við löbbuðm upp úr dalnum eitthverstaðar, og engu mátti muna að kalla þyrfti út hjartabílinn þetta var svo ansi bratt og sum okkar kannski ekki í mikilli þjálfun, enda hestaferð en ekki gönguferð.  Hvað um það þetta gekk rosalega vel en þegar átti að fara að bak inn í dal þá var eitthver galsi í klárunum og Inga Dóra fékk að fjúka af baki, en kom nú ótrúlega brött úr byltunni.  Úr Maradalnum var stefnan tekin á Skógarhóla, og gekk svona ljómandi vel, það þurfti reyndar að járna eitthvað, og gott ef ekki heyrðist í Sólmundi eitthverntímann ,,Merinni er alveg sama hvort það er fram eða afturfóta skeifa á henni" og þar með var afturfótaskeifan sett að framan.
        Ferðin gekk svo áfallalaust inn í Skógarhóla eitthvað halt undir Axel en það þykir nú ekki fréttnæmt.

Dagur 3
 Laugardagur 13 ágúst.

               Nú var stefnan tekin á Kringlumýri, fengum frábært veður og reiðleiðin líka æðisleg, enn bættist í höltu hrossin hjá Axel en nú voru 2 af 3 hölt, Sverrir skaut því hesti undir Axel en ekki tókst betur til en Axel datt af baki úr kyrrstöðu var varla sestur í hnakkinn, og klárinn stóð eins og klettur, mjög skrítið en fengum þetta endursýnt hehe.  Nú við stoppuðum svo í aðhaldi við rimlahliðið í Gjábakka og enn tókst Axel að gera rósir en nú datt hann undir sjálfum sér, og draghaltur þá voru orðin 75% afföll í hans flota, 2 hross og karlinn sjálfur, ein brún meri brúkleg en auðvitað slapp það til.  Nú hann var ekki einn um að detta í þessu hólfi en ég sá ekki betur en að Hafís dytti líka en ekki af hestbaki og hún var svo snögg að standa upp að það sá þetta varla nokkur maður en svo heyrðist ,, hvað datt ég?" Hún var svo snögg að koma undir sig fótunum aftur.  Það gekk svo ágætlega niður í Kringlumýri, reyndar sprakk á einu dekki af 4 á trússkerrunni, en það var látið sleppa til.
        Þegar komið var í kofa sáum við að það var búið að stela rúllinni okkar en við áttum þarna eina rúllu sem var merkt í bak og fyrir, Miðengi á ekki taka, nú rúllan var nú samt tekin en ný komin í staðinn en við vissum svosem ekki hvort við vorum að stela frá næst hóp eða hvort þessi átti að koma í staðinn fyrir okkar, hvergi orð um það hvorki á rúllunni né í gestabókinni,  Nú um kvöldið stóð svo til að vatna hrossunum, mikið spáð í hvernig best væri að standa að því, kannski hefði verði einfaldast að taka nokkur hross og reka svo í vatnið en það varð úr að best þótti víst að fara á trússbílnum með hestakerruna niður að vatninu og fylla nokkra dalla og keyra í hrossin, auððvitað festist bíllinn, en hann náðist upp og komst eitthvað nær, það voru víst mjög merkilegar aðfarir við að ná þessu vatni því það varð að taka pott með í ferð til að setja vatnið  í dallana og rúlla svo döllunum upp að kerrunni, nú þetta er mjög þýft og frétti ég að Adam hefði verið lagður á milli þúfna til að hægt væri að rúlla döllunum yfir karlinn svo dallarnir sætu ekki fasti á milli þúfna, jæja það komust allir heilir frá þessu, farið að sofa ekki mjög seint skildist mér og satt best að segja er ég farin að hald að hópurinn sé farinn að eldast.

Dagur 4
 Sunnudagur 14 ágúst.

          Það byrjðai ekki vel Einar trúss þurfti endilega að vakna snemma, og segja frá því að af þssum rúmlega 60 hrossum sem fóru í ferðina væru bara 5 eftir í griðingunni, held nú að þar sem að það var mikil rigning þá hafi þetta svosem ekki verið neitt slæmar fréttir.  Davíð og Solla áttu þessi 5 hross, það var ákveðið þrátt fyrir fyrri reynslu að senda Sverrir, Davíð og Gunnar Sveins yfir heiðina í þokunni og rigningunni, með þessi 5 hross.  Nú 4 hross voru svo komin niður að Kaldárhöfða en Sólmundur átti þau og fór á þeim í átt að Ölfusi ekkert frétt af þeirri ferð meira.  Nú rúmlega 30 hross voru svo komin hingað heim eins og við gerðum ráð fyrir að Miðengishrossin mundu raman nema þegar að var gáð voru þetta allt nema Miðengisrossin og reyndar vantaði hrossin frá Braga og Svövu líka.  Þeirra hross fundust á Björk og voru handsömuð af Bjössa á Björk, Miðengishrossin voru svo fyrir ofan Hallkelshóla, það passaði þegar búið var að finna öll hrossin þá tókst þessum snillingum sem komu ríðandi með 5 hross, að tapa tveimur hrossum, þau fundust svo og um klukkan 20.00 voru öll hross komin í aðhald og bara eftir að ná í hrossin á Björk.

       Nú það sem stendur kannski uppúr er að Solla datt ekkert af baki, hver hefði trúða því allavega ekki Solla sjálf.

26. júlí 2005

       Enn og aftur er bara blíða. Dagurinn fór nú samt mestmegnis í breytingar innandyra og nú er fj.. skápurinn farinn af gangnum og inn í herbergi enda búin að mála okkar herbergi og alles.

       Steini kom í gær með Dorte og Alina, Dorte er frá Danmörku og á hann Kersins Kút, hún kemur svo aftur hér á morgun og ég fer með hana upp á flugvöll á fimmtudag en hún á flug heim þá, var svo sniðug að bóka flugið á hvolpinn sem fer til USA á sama tíma og sama dag þannig að ég slepp með eina ferð, vona bara að allir vegir verði ekki lokaðir.  Alina er svo frá Finnlandi en er að vinna hér á Íslandi í eitthern tíma en fer svo fljótlega út aftur.

        Sáum í kvöldfjósi að ein kusan sem komin var að burði var borin, hún stóð nú samt ekki yfir kálfi þanngi að það var farið að leita og það fannst dauð kvíga ansi litskrúðug, leiðinlegt að fá dauðann klálf en það er ekki við öllu séð.

      Í dag fór svo Kersins Töfra Tíbrá austur með Móniku, hef nú ekki trú á öðru en að tíkin eigi eftir að fá mikla athygli enda á hún svosem ættir til þess að láta taka eftir sér.  Hugsa að það séu bara allir hvolparnir komnir með heimili og vonandi komnir heim til sín fyrir Vesló.

24. júlí 2005

          Það var ansi mikið logn í morgun og væta, en undir hádegi fór að birta til og orðið hávaða rok undir kvöld.

          Það bættist einn kálfur við í dag, rauð kvíga undan Stíg sem er víst voða fínt naut.

          GR fór á Selfoss á keppa í fótbolta og mæting um kl. 1800 svo hringir hann uppúr 1900 en þá átti leikurinn að vera byrjaður mér leist nú ekki alveg á þetta hvort drengurinn væri búinn að tapa sætinu í liðinu en þá var víst leiknum frestað þar sem mótherjinn náði víst ekki að smala saman í lið, þetta er nú ekki hægt okkar menn klárir og fá svo ekki að vita þetta fyrr en leikurinn ætti að fara að byrja.....og þeir sem ætluðu að busta þetta.

       Nú er ég kominn af stað aftur í að mála, nú er það mitt herbergi, það er svosem ekkert stórmál þar sem það var hvítt og verður það áfram og því slepp ég með tvær umferðir sem ég slapp ekki með hjá Siggu því þar var herbergið vínrautt.

         Bjössi og tengdapabbi skutust með Gerplu í graðhest en Selma heldur merinni núna enda er þetta hennar meri og nú er það grár klár sem varð fyrir valinu ætli hún fái ekki gráa hryssu, það kæmi nú ekki á óvart.

23. júlí 2005

          Ég kom engu í verk í dag nema kannski að brenna að eins í sólinni en það er nú full vinna að sóla sig.

         Það kom svo annar kálfur um hádegisbilið nú var það nautkálfur voða fínn líka en tók nú samt ekki myndir af honum.

           Það er búið að vera rosa gott veður í dag, en núna undir kvöld er komin þoka svona svipað og í gærkvöldi, Bjössi, Reynir, Sigga, GR og Halldór fóru ríðandi Búrfellshringinn og ég vað að gjöra svo vel að fara á móti mannskapnum með nesti handa Halldóri en hann fer jú ekki í svona langferð matarlaus og þetta var betri kostur en hnakktaskan sem hann var búin að finna til.

      Var næstum búin að gleyma frétt dagsins en það var víst keyrt yfir Orra minn í dag það er hundinn, hann kom nú samt jafnheill út þessu, vona bara að hann hafi lært aðeins af þessu blessaður karlinn, sá á honum að honum var nú aðeins brugðið heheh

22. júlí 2005

          Veðrið er búið að vera æðislegt í dag, það var reyndar ekki alveg bjart í morgun og tók ekki af fyrr en undir hádegi, en svo kom þvílíkt mikil sól en núna undir klukkan tíu að kveldi er komin þoka og sést varla á milli húsa, ferlega skrítið. 

       Sigga, Sævar og Ási ætla í útilegu út að læk, GR nennir nú ekki með þeim.

       Það bar hér kýr í dag sem er nú kannsi ekki í frásögu færandi en kálfurinn er undan annars kálfs kvígu sem er undan Soldánsdóttur sem er nú ekki slæmt og svo er klálfurinn sjálfur undan Teini, en bæði Soldán og Teinn þykja voða fínir, nema hvað kýrin hún Brella bar bara út á túni og þegar hún var sótt kom í ljós að kálfurinn sem er kvíga er rauðhryggjótt, bara flott, hugsa að Sigríður á Fossi geti öfundað mig af þessum kálfi heheh reyni að taka mynd á morgun og setja ínn.

21. júlí 2005

          Hann pabbi á afmæli í dag, til hamingju með daginn.  Ég hringdi í gamla og viti menn þau voru bara að flækjast í kringum Mývatn í dag og bara gott veður þar, en hér er líka rosa gott veður.

       Það var klárað að rúlla í Ásgarði held að þetta sé í síðast sinn sem við heyjum þar því það er víst búið að skipuleggja túnin þar undir sumarhúsabyggð, og þá þýðir lítið að heyja það.  Nú svo voru túnin á Búrfelli slegin og væntanlega verða þau rúlluð upp á morgun og þá er bara eftir að keyra heim, en fyrr er ekki heyskapur búinn.

      Bjössi og tengdapabbi sóttu Bóthildi í dag en hún er búin að vera hjá Núma frá Þóroddsstöðum, vonandi er hún fylfull.  Nú Hæra mín var sótt í leiðinni, ætli ég fari ekki bara með hana í graðhest fljótlega.

20. júlí 2005

         Í gær var þvílíkt gott veður bara steik, í dag var líka ansi heitt en ekki eins mikil sól.  Bára frænka kom í heimsókn til Siggu og verður fram á morgundag.

          Í gær var rosa spennandi æfing hjá Guðna Reyni en Selfossstrákarnir fengu Sænskt lið í heimsókn og mér fannst nú á mínum manni að þessir Sænsku væru bara ekkert mikið betri en þeir Selfossstrákarnir sem við vissum nú alltaf svosem.

18. júlí 2005

          Það er bara búið að vera gott veður í dag en samt dálítið hvasst sem er jú bara betra fyrir bændur, því þá þorna heyjin.  Það var klárað að slá Kertúnið í gær og byrjað að rúlla eitthvað af því í kvöld og svo var niðurtúnið slegið í dag og auðvitað búið að snúa.  Við höfum varla undan að bruna á Selfoss að sækja ,,rauða" olíu sem ég svo sá í dag að er græn en ekki rauð ég hef eitthvað mikilið þetta allt saman.  Við erum semsagt að bíða eftir olíutank til að setja traktóraolíuna á það er þessa lituðu en vonani fer það að koma því bar í dag erum við búin að sækja tvær ferði og ég held að magnið hafi verið um 330 lítrar.

17. júlí 2005

       Ég rauk í bæinn á föstudaginn, en Sigga og Freydís þurftu nauðsynlega að kaupa sér föt, nú fimmtudagskvöldið hafði farið í að leita að nýja debit kortinu hennar Siggu og hún gekk svo langt að fara upp á gámasvæði og gramsa í ruslinu en ekki var kortið þar, þannig að á föstudeginum fór hún á Selfoss lét ógilda kortið og pantaði nýtt.  Hvað um það farið í bæinn og nú átti að vesla þær þurftu að fara í bæði Kringluna og svo Smáralindina og þar sem við ætluðum í útilegu upp að Flúðum um helgina þá urðu þær að taka rútu alla leið þangað.  Þegar ég var á leið austur, að nálgast Hveragerði þá hringdi Bjössi og nú skildi lagt af stað og skipti engu þó ég ætti eftir að snúast á Selfossi, þannig að ég fór bara beint heim og af stað, í þeim fötum sem ég stóð í og mátti ekkert vera að því að taka aukaföt, Jonni og Linda voru jú farin og alveg óvíst að við fengjum stæði ef ég flýtti mér ekki.   Nú það ringdi þvílíkt á laugardeginum ég fór varla út úr húsi, enda ekki einusinni með föt til skiptana hehe, annars var bara gaman og nú erum við Halldór búin að finna út hvað vantar og hvernig er nú best að græja sig fyrir Galtalæk, ætli ég byrji ekki að pakka með viku fyrirvara svo ég verði nú klár þegar á að fara af stað.  Nú í morgun þegar var við vorum að leggja af stað heim þá var komið þetta fína veður og líklega hafa menn náð þurru.  Nú tekur bara við enn önnur vikan sem ég þarf að mála  en nú er það mitt herbergi sem er næst á dagskrá.

         Reynir Már og Bensi eru svo farnir að slá en þeir voru búnir að taka saman allar rúllurnar sem við áttum út á túni.  Það er Kertúnið sem á að slá núna, en mér sýnist spáin var þurrkur eins langt og spáin nær.

         Held að hvolparnir hafi hreinlega stækkað um helgina engir smá boltar, finnst aftur að DD sé orðin ansi mjó, líklega ganga þeir full nærri henni þessir vargar.

      Nú Guðni Reynir fór svo að keppa í fótbolta við Hauka, Selfoss var á heimavelli og vann 7-1 GÓÐIR.... GR tókst að pota inn marki en þetta er fjórði leikurinn í röð þar sem honum tekst að skora

13. júlí 2005

       Ansi er ég orðin léleg að uppfæra og það er ekki eins og ekkert gerist í Miðengi, ó nei það er sko nóg að gera.  er búin að mála Sigguherbergi og er að klára að mála inni hjá Dóra, en hann er harður húsbóndi og rekur mikið á eftir mér, vona að ég geti komið herberginu alveg í standi ekki seinna en í fyrramálið og þá er það bara næsta herbergi sem fer í málingu.

    Hvað um það, Gerpla kastaði alveg óvænt á laugardaginn var, líkst til um nóttina og þar kom brúnn hestur enda ekki von á öðru en rauðu eða brúnu því Jonni og Linda eiga gripinn hehe en svo er bara von á einu folaldi enn og það er frá Bensa þar þarf ekki að spyrja um litinn en rautt skal það vera.

        Guðni Reynir fékk að keppa með öðrum flokk á sunnudagskvöldið en þeir voru að keppa á móti Keflavík og ekki var nú verra að Kiddi frændi okkar er að þjálfa annann flokk í Keflavík svo það var til mikils að vinna fyrir minn mann, í fyrsta lagi að vera með í hópnum því hann spilar jú með þriðja flokk, og svo var markið bara sett á að vinna en ekki hvað, skilst að Keflavíkur liðið sé efst eða ofarlega í deildinni og Selfoss neðst, ekki unnið leik síðan ???, jæja minn maður kom ansi kátur heim um kvöldið því þeim tókst að vinna Keflavík 0-1 en Keflavík var á heimavelli.

       Nú Sigga var svo á Eiríksstaðahátíð um helgina með Báru frænku og ca. skilst að það hafi verið rosalega gaman, en ekki hvað í rigninu og alles, mín kom allavega heim í lopapeysu en það er fatnaður sem var alveg vita ómögulegt að koma henni í áður en hún fór, það þótti ekki inn, en hvað um það hún semsagt keypti sér lopapeysu af "Báruömmu"  og ekkert smá flott peysa, þyrfti að ná í eins svoleiðis með rennilás og alles.

      Það er verið að reyna að heyja eitthvað hér á bæ, það er svosem ekki nokkur þurrkur en spáð góðu á morgun en svo á að fara að rigna en upphaflega stóð til að byrja á morgun og klára á föstudag en svo er þetta nú er spáð rigningu á föstudag þannig að það var byrjað seinnipartinn að rúlla.

7. júlí 2005

        Jæja þá er ég byrjuð að mála, byrjaði á herberginu hennar Siggu af því að hún er ekki heima og getur þá ekki skipt sér af litnum hehe, hvað um það hrímhvítt skal það vera, en Sigga er að fá nýtt rúm rosa stórt og flott rúm en það er svona þegar afi og amma eru að flytja  þá er ýmislegt sem ekki passar í nýja húsið og við græðum á því.

        Nú það voru gerð stórkaup í dag en það var ákveðið að kaupa bíl handa GR en hann er kominn með æfingarleifi og BÍLINN það er sá gamli hvíti með grindina sem allir þekkja, er ekki alveg að henta nú bílinn sem varð fyrir valinu er Ford Mont...einhvað, ekki alveg viss en flottur bíll set inn mynd þegar hættir að rigna.

       Nú Bensi var að rúlla í gærkvöldi og klárið undir klukkan 4 í morgun skilst mér, og sem betur fer því að í morgun var ekki þurkurinn sem mér fannst að okkur hefði verið lofað, allavega fram að hádegi, en svona er þetta maður á ekki að trúa öllu sem maður sér í sjónvarpinu...én semsagt nýræktinn svokallaða sem er um 20 ára náðist.

6. júlí 2005

       Vorum eitthvað að reyna að heyja í gær gekk ekki vel, við semsagt keyptum í fyrrahaust nýja samstæðu sem bæði rúllar og pakkar, nú þegar við Halldór vorum í Eyjum þá var slegið um einn ha og vélin gekk bara eins og smurð, nú í gær átti svo að taka saman fullt af heyji en vélin gerði ekkert annað en að bila og í dag er sama staðan búin að vera í gangi, þetta er bara ömurlegt og svo á að rigna á morgun.

       Nú veðrið er búið að vera æðislegt í dag og ég auðvitað ekkert heima, eða þannig, og á svo eftir að fara á Selfoss í kvöld að sækja GR en hann er að keppa með öðrum flokk í fótbolta.

       Bóthildur var köstuð í morgun og átti hryssu, hún er svona endaskjótt og fékk nafnið Þoka en það var svo mikil þoka í gærkvöldi og nótt.

4. júlí 2005

       Jæja Dóri svaf í hjólhýsinu í nótt og var bara alsæll, Bjössi hafði nú smá áhyggjur af honum og laumaði sér út til hans.

       Nú er búið að vera mikið um að vera í dag í lóðunum, held að það hafi verið ca 14 lóðir teknar frá í dag, það gerðist voða lítið síðustu helgi en allt í einu í dag gerist allt í einu, en hvað um það þetta kemur í misstórum skömmtum.  Suma daga gerist ekkert hvort sem það er í þessu eða eitthverju öðru og aðra daga gerist bara allt í einu.

      Guðni Reynir fór á æfinu í kvöld sem er ekki í frásögu færandi nema hvað hann var settur upp í annann flokk og látinn keppa með þeim, leikurinn fór 2-2 þetta var einskonar æfingarleikur og minn maður skoraði bæði mörkin fyrir Selfossliðið, held að þetta hafi verið eitthver blanda af leik og æfingur....en minn maður seigur.

3. júlí 2005

        Það er búið að vera aðeins rennirí á fólki hér í dag, eins og vant er.  Búin að lofa einum karlhundi hér innanlands og á þá tvo stráka eftir en líkast til búin að selja annann þeirra út.

     Sigga búin að lifa eins og Prinssessa úti í hjólhýsi en fer í Ártanga í kvöld og þá ætlar Dóri að flytja út, mikið sport það.

      Nú eitthvað er verið að skoða sumarhúsalóðirnar, þrátt fyrir að verðir sé nú ekkert spes.

2. júlí 2005

        Sigga er bara flutt út í hjólhýsi og ætlar að búa þar um helgar en Halldór ætlar að búa þar í miðri viku.

        Guðni Reynir er búinn að vera á Höfn í Hornafirði í allann dag, eða þannig, hann fór semsagt austur í morgun en 3. flokkur Selfoss átti leik við Sindra í fótbolta í dag, nú Selfoss vann 4-2 og Guðna Reyni tókst að skora, hann var eiginlega mest hissa á því hvað leikurinn var vel auglýstur á Höfn og mikið af áhorfendum, þetta er líkst til skot á okkur stuðningsmenn Selfoss.......eða hvað.

       Nú Bjössi er búinn að snúast hér í hringi í allann dag, þurrkur eða ekki þurrkur, snúa eða ekki snúa, veðurspáin skiptir um skoðun á klukkutíma fresti og ekki gott að átta sig á þessu.

1. júlí 2005

       Jæja þá er fyrsta fylið staðfest, en Bjössi og Guðni Reynir fóru með hana Spólu í sónar í dag og það er þetta stærðar fyl í henni, hún hefur líkast til haldið um miðjan maí.  Spóla fór undir Galdur frá Laugarvatni í þetta sinn, þetta er sama blanda og í honum Hrekkja Brún sem heitir reyndar Neisti, og fannst okkur alveg ástæða til að prufa þessa blöndu aftur, því klárinn er bara flottur.

        Nú Vignir er byrjaður á Hæru minni, það er semsagt þessi bleikvindótta sem er hér í vinstra horninu á síðunni,  það gengur bara vel skilst mér og nú er bara að sjá hvort eitthvað vit verður í að sýna hana í ágúst.

       Halldór er búinn að vera á fullu í að kanna hjólhýsið, hringdi svo í Ingu ömmu sína til að fá upplýsingar um hvernig þetta og hitt virkar, nú Inga og Reynir eru á leið austur og minn maður er alvetg óvinnufær því ekki ætlar hann að missa af því að sýna ömmu sinni gripinn og læra á klósettið sem er víst aðalmálið.

29. júní 2005

       Það er búið að vera á dagskránni að fá sér hjólhýsi eða fellihýsi eða eitthvað, hjólhýsi er auðvitða besti kosturinn þar sem það er nú ekki mín sterka hlið að pakka saman og laga eitthvað til, þannig að Hreinn var settur í að fylgjast með hvort eitthvað spennandi dytti inn á sölurnar í höfuðborginni og viti menn seinnipartinn hringi hann og búinn að finna eitthvað spennandi svo það var bara brunað í bæinn, þvi ekki vill maður missa af þessu því svona gripir stoppa ekki lengi á sölunum, við vissum svosem að fyrst Hreini leist á gripinn væri þetta pottþétt og við komum heim með hjólhýsið, hugsa að Sigga flytji bara út og kannsi Dóri líka, held samt að Guðna Reyni þyki þetta nú ekki merkilegt það þarf nú meira til að raska hans ró.

28. júní 2005

      Jæja ég er ekki alveg dauð en við Halldór erum búin að vera í Vestmannaeyjum í næstum viku á Shell móti, semsagt í fótbolta.  Er að reyna að koma lagi á þessa síðu en er búin að vera ansi löt að uppfæra en vonandi fer þetta að koma og það stendur til á morgun að taka myndir af hvolpunum.

13. júní 2005

     Það er búið að vera svo gott veður í dag að það er bara varla verandi úti eða þannig, var auðvitað samt úti í sólinni.

    Nú ég ræddi við óköstuðu merarnar og þær eru bara ekkert á því að fara að kasta skilst mér, allavega ekkert sem þær vilja segja mér, en auðviðað kemur þetta þegar ég er í Vestmannaeyjum á fótboltamótinu með Dóra, hvað um það það eru til myndavélasímar og alles svo ég missi nú ekki alveg af þessu.

12. júní 2005

      Endalaust flakk búið að vera á mér í dag, fyrst var það Stokkseyri, en þar var Halldór að spila fótbolta.  Ég notaði tækifærið og kýkti á Stefaníu og hvolpana hennar, leist bara vel á og gaman að sá svona hvolpa sem eru fæddir sama dag og DD hvolparnir.

  Nú svo var farið í bæinn með Orra á æfingu, en ,,sumum" finnst hann þurfa að æfa sig smá fyrir sýninguna hehe

11. júní 2005

      Það var matarlúbbur haldin af Jóu, Snæbirni, Mæju og Bigga í gærkvöldi, matarklúbburinn var haldinn í nýja húsin Hæðarendafólksins á Selfossi.  Þetta tókst rosalega vel og full mæting en það hefur nú bara ekki gerst síðan elstu menn muna eða jafnvel lengra síðan.

     Í dag er búið að vera frábært veður, sól og hlýtt, ég náði mér í smá roða þegar ég bar pallaolíu á skjólvegginn.

     Það kom reyndar kálfur í gærmorgun og ekkert nema gott um að það segja en auðvitað naut, ekki það að við höfum þurft að kvarta held að það hafi komið um 4 kvígur í röð um daginn.  Nú svo þurfti endilega ein fyrstakálfskvígan á ná sér í hita en hún er líkast til númer 3 í þessari vikur sem ríkur upp í hita, ekki gott.  Nú svo held ég að kvígan sem var eiginlega komin að burði í febrúar sé kannski að fara að bera, þori þó ekki að lofa neinu svona af fenginni reynslu.

       Hvolparnir dafna og dafna, þeir bara blása út og eiga örugglega eftir að verða eittherjar orkusprengjur heheh það verður gaman að sjá þá á nýjum heimilum eftir um 6-7 vikur að endurhanna húsin,,, nei ég segi nú bara svona.

9. júní 2005

       Allt í rólegheitum hér, ekkert bólar á folaldi en það eru þrjú sem eiga eftir að koma.  Ég er nú farin að halda að Bóthildur verði kannsi á undan Gerplu en sjáum til.

      Það kom hér bíll fullur af girðingarefni þannig að nú á að fara að girða þetta er endalaust alveg sama hvað er mikið girt alltaf er eitthvað eftir, en nú á að reyna að ganga frá í kringum nýja húsið sem er ekki enn búið að klára.  Verktakinn segist ælta að koma og klára húsið eftir eina til tvær vikur.... vonandi stendur það en er nú ekki bjartsýn miðað við það sem á undan er gengið.

8. júní 2005

       Dagurinn fór í skólaslit hjá Guðna Reyni og Siggu en Guðni Reynir er semsagt búinn með grunnskólann og fer í Fjölbrautarskóla Suðurlands næst vetur.  Þetta gekk ljómandi vel og við erum agalega sátt með árangurinn, sér í lagi miðað við ástundun, nema kannski með sundið hjá henni Siggu ekki gott, en hún átti að taka sig á eftir áramót og ég vissi ekki betur en hún hefði gert það því það kom ekki orð um það hér heim að þetta væri ekki í lagi, samt er hún lækkuð um tvo heila, frekar ósátt og á kannsi bara eftir að fá betri skýringar á þessu frá skólanum.

7. júní 2005

       Jæja nú er ég loksins búin að ná sjálfri mér með þessar uppfærslur, það er búið að vera rosalega mikil rigning hér í dag og þoka.  En undir kvöld hætti að rigna og sólin laumaði sér í gegn.

     Guðni Reynir fékk merkilegt bréf í dag en það var boðskort í brúðkaup, við erum búin að liggja yfir þessu sjá myndir af væntanlegum brúðhjónum og nöfn á foreldrum, og ekkert kveikir á perunni, aldrei heyrt af þessu fólki og aldrei séð þessi andlit áður.  Ég hringdi í Valla Siggu en hafði grun um að hún þekkti til og hún var sett í málið og ætlar að rannsaka þetta dularfulla mál.

6. júní 2005

       Dagurinn í dag fór í að fara í bekkjarferð til Reykjarvíkur með Halldór og félaga, byrjuðum í húsdýragarðinum, rosa gaman, sumir fóru í parísarhjólið, aðrir eins og ég vorum svo heppin að eitthverjir vildu ekki fara og ég var fljót að grípa það að passa þá drengi heheh.  Nú næst var það bíó fyrir helminginn sem það vildi og keila fyrir hina, við Dóri fórum í bíó á Svamp Sveinsson rosalega gaman og svo pizza hut á eftir.  Í heimleiðinni hirtum við Guðna Reyni upp sem hafði verið að keppa á Selfossi í fótbolta og viti menn enn og aftur unnu Selfossstrákarnir 17-0 og geri aðrir betur.

4. júní 2005

     Guðni Reynir mætti svo klálfi í morgun þegar hann mætti í halftíu fjósið.  Rautt naut, okkur líst nú illa á júgrað á kúnni því það lítur út fyrir að það sé komið drep í það, en sjáum til hvað verður.

     Tryppin voru rekin upp í hólf á Búrfelli, gekk þokkalega held ég bara.

3. júní 2005

     Kominn langþráður föstudagur og síðasti dagurinn í skólanum hjá Halldóri, loksins búinn í bili.  Það var mæting á slólaslit kl 1600 og það mátti ekki miklu muna að ég næði þessu ekki en þannig var að hún Mýsla sem er kýr í fjósinu fékk doðavellu en sem betur fer áttaði Bjössi sig á því í tíma, Sveinn dýralæknir kom á staðinn og náði að koma eitthverju í hana draga úr henni þennann fína klálf og viti menn sú gamla fór á fætur, rosalega falleg kvíga undan Teini sem er víst voða fínt naut.

    Nú á meðan við Dóri vorum á skólaslitunum þá fór Bjössi, Sigga og Guðni Reynir með hana Hryðju mín í sónar og hún var tóm svo nú var bara að finna annann hest gott að geta skipt svona um skoðun, hvað um það fyrir valinu varð Forni frá Horni fer með merina í girðingu í næstu viku.

2. júní 2005

     Meiri fótbolti nú var það Keflavík sem keppt var við og gekk ekki alveg eins vel, unnu semsagt ekki en GR skorðai þó mark.  Nú var hann að keppa við Keflavík, við vorum svo heppin að hann er í frí á morgun og getur bara gist á Selfossi hjá afa sínum og ömmu og verður sóttur í fyrramálið.

1. júní 2005

      Girðingin umtalaða var girt og nú er möguleiki á að fara að sleppa tittunum.

     Ég keyrði svo Guðna Reyni og co í bæinn en þeir Selfossliðsstrákar áttu að keppa við Hauka í fótboltanum í 3. flokk og auðvitað unnu mínir menn ekki spurning.

31. maí 2005

      Áburður borinn á Ásgarðstúnin og svo fóru þeir og báru eitthvað á, á Búrfelli, girðingarmál rædd og stefnan tekin á að fara að klára að loka girðingum á milli Miðengis og Búrfells svo hægt sé að reka tryppin uppeftir, eins á að reyna að klára svokallað tittahólf en allir eiga nú graðhestaefni sem ekki má gelda.

     Sveinn á Bssl kom í dag og dæmdi um 20 kýr og kvígur held ég bara, ansi stór hópur þetta árið.  Ég þurftir að rjúka upp í Laugarás að sækja Guðna Reyni en hann var eitthvað að vinna þar.

30. maí 2005

       Mishressir Miðengismenn í dag en auðvitað var áburðurinn drifinn á túnin enda ekki seinna vænna en það er búið að vera svo þurrt í vor að það hefur bara ekki verið hægt að bera á nú lítur út fyrir að þetta fari aðeins að lagast.

29. maí 2005

       Ég fór snemma heim úr Efstadal, Guðni Reynir hringdi og hafði áhyggjur að einni ánni og svo varð ég nú að kíkja eftir börnum og hvolpunum.  Nú það var fast fyrsta lambið í ánni, eitthvernveginn hélt lambið að herðarnar ættu að koma fyrst, en þegar ég náði svo lambinu þá var það dautt og svo komu tvö dauð til viðbótar en enn áttum við aukalamb handa henni og hún var bara alsæl og fékk eitt móflekkótt í staðin.

      Ég fór svo aftur uppeftir og fylgdi mannskapnum í gegnum Laugarvatn en fór þá heim að mjólka, ég vorkenndi nú fólkinu dálítið sem kom  með reksturinn heim því gott ef ekki snjóaði bara á mannskapinn upp í Lyngdalsheiði, hér voru svo allir komnir heim undir miðnætti og enginn sem viltist enda Sverrrir með í ferð og alvanur og rataði.  Keyrið svo þá sem áttu bíl upp í Efstadal og var komin heim um eitt leitið.

28 maí 2005

       Við Bjössi áttum morgunfjós í morgun, og Bjössi byrjaði á því að mæta kálfi, nú ég kýkti í fjárhúsið og eitthvað hafði borið um nóttina en ekkert vandamál þar.  Nú Gloría kastaði svo um morgunin og það kom jarpskjóttur hestur.  Það var svo farið upp í Efstadal um hádegið en það áttu helst allir að vera komnir í hnakkinn um klukkan 1400.   Það passaði þegar búið var að handsama Hróa fyrir mig þá hringdi Sigga og Doppa Dóra var að gjóta, auðvitað rauk ég heim en svo var líka kind sem virtist ekki geta borið.  Byrjaði á að draga dautt lamb úr kindinni, eitt rosalega stórt lamb, og þar sem það var dautt þá notuðum við tækifærið og vöndum lamb sem enginn virtist vilja undir ána, það gekk svo glimrandi vel.  Ég rauk svo heim í bæ og þá var fyrsti hvolpurinn kominn, og þegar ég fór í fjósið um kl 1700 þá voru hvolparnir orðnir fimm, það bættist svo ein tík við þegar ég var í fjósinu.  Nú þá var kominn tími til að fara af stað upp í Efstadal og þetta var það sem mætti mér (Gróa og Toni tóku þessa mynd).

     Vissir reyndar ekki hvort þetta var tekið fyrir eða eftir að Prinsinn fór í pottinn... Nú og svo var matur og alles bara flott..þarna var frábært að vera og gott ef Miðengismenn verði ekki þarna árvisst og þá auðvitað með allt hótelið, það er nú ekki öllum bjóðandi að vera í svona merkishóp.
 

27 maí 2005

      Tókum því rólega hér í dag, veðrið við það sama, sól og enginn rigning ekki gott.  Fór eitthverjar ferðir á Selfoss, fótboltinn er víst í forgang.

      Halla Karen útskrifaðist sem stúdent í dag, til hamingju með daginn Halla Karen, fórum svo í veislu til hennar um kvöldið, rosalega flott.

     Gróa, Toni, Stefán og Bára komu hér svo um kvöldið frá Búðardal en Gróa og Toni ætla með í hestaferðina á morgun, Bára verðu að bralla eitthvað með Siggu þær fóru í bíó á Selfoss, höldum við allavega, jú hugsa það nú og Stefán var svo liðlegur að keyra þær.

   Nú Reynir Már er svo mættur í sveitina það stendur til að reyna ða þræla honum eitthvað út hér í sumar.

    26. maí 2005

      Enn er þurrt og úrkomulaust.  Það á að fara í hestaferð á laugardaginn og verður riðið frá Efstadal og í átt að Brúarárskörðum, þetta verður um 30 manna hópur held ég og 50 hross.  Það var farið með rekstur upp í Efstadal í kvöld og það gekk nú bara frekar illa eiginlega.  Hrossin rákust ansi illa og ekkert nema vesenið, við Borg voru eitthver hross sem ákváðu að beygja Sólheimaveginn og það var víst ekkert smá strau á þeim, sem betur fer hittu hrossin á Hjálparsveitina sem bjargaði málunum.  Nú svo hafðist þetta upp að Þóroddsstöðum en þar var stoppað hjá Bjarna.   Næst var farið að Útey og þar í gegn upp að Ketilvöllum, en Kiddi á Ketilvöllum slóst í för með Mieðngismönnum þar og lóðsaði.  Þetta gekk rosalega vel með reksturinn og allt nema þessa tvo sem áttu að loka hliðunum en eitthvað kom uppá því þeir misstu af lestinni, hvort þeir voru svona illa ríðandi eða hvað, því venjulega hefur það ekki orðið til þess að menn tapi af rekstrinum þó þeir þurfi að loka tveimur hliðum.  Hvað um það þetta er svo lýgilegt að það er varla segjandi frá því, en semsagt Bensi og Ingþór villtust fyrir utan eldhúsgluggann á Ketilvöllum, það er jú þekkt að menn tapi áttum uppí í fjalli í skóginum en í björtu veðri á jafnsléttu og næstum innan túngirðingar er bara ótrúlegt, þeir sáust allann tímann frá bænum og var leiðbeint í gegnum síma en það dugði bara ekki til, 50 hrossa rekstur skildi eftir sig slóð á moldargötum en það dugði ekki heldur til, það var ekki fyrr en Kiddi fór á Bronkónum sínum niður í mýri að hægt var að koma þeim heim á bæ, en svei mér þá ef honum Ingþóri hafi ekki tekist að villast inni í bæ líka þegar hann kom í kaffið.  Hvað um það við fengum frábærar mótökur, kaffi og með því á Ketilvöllum, takk fyrir okkur.  Nú þá var haldið af stað að Efstadal og gekk rosavel, heimkomu uppúr klukkan eitt um nóttina hér að Miðengi.

25. maí 2005

      Það er búið að vera ágætt veður í dag, logn og dálítið skýjað en engin úrkoma því miður.

      Guðni Reynir er búinn með fyrri hlutann af bóklega dæminu í ökukennslunni, og voða feginn að það er búið því ekki má hann nú missa af fleiri æfingum..... Boltinn er víst númer eitt, tvö og þrjú.

    Sigga auðvitað aldrei heima, fór til Freydísar í gær og er víst farin í bíó núna, og af Dóra er það að frétta að hann er búinn að vera slæmur í maganum síðann á mánudaginn en ætlar að fara í skólann á morgun.

24. maí 2005

      Hér gengur allt sinn vana gang, það bólar ekkert á rigningu eða hlýindum, svo ekki er hægt að vera á og lítið hægt að sleppa fé, þó sumum sé nú laumað út vegna plássleysis.

     Doppa Dóra (tík) og Gloría (hryssa) eru báðar alveg rólegar enn en hver veit nema það fjölgi um helgina.

      Sauðburður tosast og aldrei komið svona mikið af botnóttum lömbum enda var botnóttur hrútur svosem í fénu.  Næst er það golsótt sem verður sett á.

23. maí 2005

     Held endilega að Særún eigi afmæli í dag, til hamingju með daginn Særún mín og ef dagurinn var í gær eða fyrradag jæja þá þíðir ekkert að tala um að.

    Hér gengur allt sinn vanagang, aumingja Guðni Reynir er að fara í ökuskóla í kvöld og næstu tvö kvöld og missir af tveimur fótboltaæfingum, sem honum finnst alveg skelfilegt en það er líkast til best að drífa þetta af fyrir sumarið ef það kemur þá nokkuð því hér er ekki enn farið að vora, bara skítakuldi en reyndar sól og þá er auðvitað vindur líka.

    Nú er ég búin að búa um hana Doppu Dóru í stofunni það má nú ekkert minna en stofan fyrir litla ljósið hehe, en það er vona á hvolpum á næstu dögum, eigum við að segja föstudag kannsi en svo getur þetta dregist fram yfir helgi.

22. maí 2005

       Ég er búin að vera ansi löt að skrifa en það er enn sami skítakuldinn og varla hægt að setja ærnar út með lömbin. 

       Guðni Reynir er fainn að fara í ökutíma þó hann megi varla vera að því vegna anna heheh, en þetta er nú allt að smella saman hjá honum og skipulag að komast á æfingarakstur, sauðburð, skóla og fótbolta....

      Það er búið að klára að setja vegina í hnit í Farengi en það er nýja sumarhúsahverfið, þannig að þetta er allt að skýrast held ég bara.

18. maí 2005

Hún Sigga á afmæli í dag og er 15 ára, og svo á hún Hulda líka afmæli, til hamingju með daginn báðar tvær.

          Veðrið búið að vera æðislegt í dag, en samt ekkert mjög hlýtt, Bjössi og Bensi búnir að vera úti í hrauni að setja vegi og lóðir í hnit ásamt Kristjáni og þetta er allt að gerast held ég bara.

     Guðni Reynir er búinn í samræmdu prófunum og gekk þokkalega og er mættur á fullu í sauðburð fram yfir helgi en þá þarf víst eitthvað að klára skólann.

      Það virðist vera stanslaus umferð inn í Farengi kannsi eru menn að skoða aftur.

17. maí 2005

        Það var ekki fyrr en undir kvöld sem ærnar tóku við sér en í dag báru 4 kindur, tvær tvílembur og tvær þrílembur.  Þetta er alveg ótrúlegt með þessar þrílembur hvað þær eru margar því ég hélt nú að féð hefði ekki fengið það góðann aðbúnað í vetur, en við vorum alltaf að bíða eftir að húsið yrði tilbúið og kindurnar úti á meðan, nú húsið er ekki enn tilbúið en við erum farin að nota það undir ærnar.

   Við Bjössi fórum með Spólu í sónar í dag en í fyrra þá var hún geld og ástæðan var víst vökvi í leginu eða eitthvað, nú Sveinn dýralæknir komst að því að merin væri í látum og við ákváðum að reyna að koma henni bara undir hest núna og sjá hvort hún héldi, fara með hana aftur í sónar eftir ca 3 vikur og athuga hvort hún hafi haldi og ef ekki þá þarf að gera eitthvað joð eitthvað.  Nú við fundum auðvitað girðingu þar sem hún mátti fara og það bara strax, og það er enginn smá hestur eða hann Galdur frá Laugarvatni sem er búinn að vera í miklu uppáhaldi hjá okkur hér, nú Bjössi skaust með merina og Galdur var mikið kátur að sjá hana, fannst hún bara flott.

16. maí 2005

       Það er búið að vera ansi rólegt í dag, kindurnar báru eiginlega bara ekkert, þó bara ein um miðjann dag og átti tvö móflekkótt lömb, hrút og gimbur.  Veðrið búið að vera gott og hálfgert letilíf.

15 maí 2005

         Sauðburður farinn að ganga ljómandi vel, verra að það eru að detta inn eitthverjar þrílembur sem mér finnst nú ekki mikið spennandi.

        Það er búið að vera stanslaus umferð inn í nýja sumarhúsahverfið það er Farengi, en þar verða lóðir til sölu í sumar, ótrúlega margir sem virðast vita af þessu og farnir að velja sér blett.

      Nú folaldið litla er bara sprækt, hann virðist ætla að verða ljósmoldóttur en Bragi og Svava komu og tóku eitthvað af myndum og vonandi er eitthver sem hægt er að setja á netið.

     Veðrið er búið að vera sumarblíða og ég er meira að segja byrjuð að bera á skjólvegginn en við bárum vel á hann í fyrrasumar en það virðist ekki veita af að smussa eitthverju á hann aftur.

14 maí 2005

       Klukkan er orðin 22.30 og Drottning átti moldóttann hest, myndir á morgun

      Það gengur frekar hægt að fá folaldið úr henni Drottningu, var alveg viss í gærkvöldi að það væri að koma og er reyndar viss ennþá en það bólar bara ekkert á því, hélt í morgun að fyrst það var ekki komið um 6.00 þegar við fórum í fjós þá kæmi pottétt hestfolald, nú er ég farin að halda að það séu kannsi tvö hestfolöld fyrst ég þarf að bíða svona lengi en það var farið að leka úr henni mjólk í gærkvöldi og gerir enn, en þetta hlítur að koma í nótt.

   Nú það er enn eitthvert vesen í sauðburði en ég dró úr kind í dag lamb sem var bara sprækt en svo bara allt í einu drapst það, en hún átti annað sem lifði sem betur fer, nú og svo undir kvöld þurfti ég að draga úr tvævetlu sem var að bera í fyrsta sinn en fyrsta lambið hennar ætlaði að fæðast með dindilinn fyrst og lamb númer tvö gat bara ekki beðið eftir þessu veseni, nú þetta hafðist allt en þá þurfti lamb númer þrjú að bætast við, allt gráir hrútar, og leit út fyrir að þeir mundi lifa en sá fyrsti var ansi smár.

13. maí 2005

     þannig er nú það en við Bjössi eigum 16 ára brúðkaupsafmæli í dag, þvílík elja í aumingja karlinum.  Guðni Reynir á líka 16 ára skírnarafmæli í dag....

     Það kom að því að það kom lifandi lamb á bænum, það semsagt það bar ein kind í dag og átti eitt lifandi lamb, hún átti víst þrjú í fyrra blessunin svo henni er alveg fyrirgefið að koma bara með þetta eina.

      Og svo er það nú aðalfréttin en Drottning er að kasta, núna er klukkan að verða 2100 og hún búin að ganga í hringi og krafsa mikið í allt kvöld, ég var að vona að ég fengi meri jafnvel glóbrúna en leirljós hestur er líka í stöðunni og þá verður hann skírður Jaki en ekki hvað.

12. maí 2005

       Það var samræmt próf í stærðfræði hjá Guðna Reyni í morgun, og þetta er alveg ótrúlegt með hann en í gærkvöldi bilaði vasareiknirinn hans og ég rauk á Selfoss og ætlaði að kaupa eins græju, sem var auðvitað ekki til svo ég keypti eitthvað annað sem ég vonaði að hann gæti lært á en viti menn þá var það bara batteríið sem var farið svo ég gat sett batterí í gamla reiknirinn, og sendi drenginn svo alsæl í skólann, en viti menn auðvitað gleymdi hann reikninum heima.... þetta hefði enginn nema Guðni Reynir getað, en skólinn gat lánað honum reikni og þetta hafðist allt saman þó svo að hluti prófsins hafi litið út eins og danska á hvolfi var mér sagt.

     Nú það er enn að drepast í fjárhúsinu en í dag kom fyrsta einlemban með eitt dautt lamb.

11. maí 2005

          Það er ekki alveg að ganga upp hér sauðburður enda nokkrir dagar í sauðburð samkvæmt bókinni, það eru semsagt 4 ær bornar, allar tvílembdar en bara eitt lamb á lífi.  Það semsagt bar ein í dag sem átti fyrst eitt hálfdautt sem var allt snúið og darpst svo auðvitað nú hitt lambið hennar var svo ekkert lamb, bara byrjun á lambi eða bara got.

        Það er betra ástand í fjósinu, en þar kom ein kvíga núna undir kvöld, Guðni Reynir á þessa kvígu eða átti en þar sem ég á afmæli í dag gaf hann mér gripinn, takk fyrir það Guðni Reynir.

      Nú samræmdu prófin tosast áfram hjá Guðna Reyni, Sigga og Dóri eru líka í prófum, held að við séum ekkert að stressa okkur á þessum prófum, annaðhvort er þetta að ganga eða ekki, samt vakti Sigga hér í alla nótt og var að lesa, hún sullaði í sig kaffi og hélt sér vakandi þannig á meðan við hin sváfum á okkar græna.

8. maí 2005

        Bjössi og Jonni fóru með Hryðju undir hest í kvöld og fyrir valinu varð Hrói frá Skeiðháholti, en hann er bleikálóttur og ansi fallegur.

        Það er svo verið að keyra í Bústjórabrautina, var nú búin að var þá við að velta ekki niður í Fari og þeir tóku mig svo alvarlega að þeir byrjuðu að velta sturtuvagninum í Kúakrók held ég bara, hugsa að þeir sleppi samt ekki við brekkuna í Farinu en líklega héldu þeir að ef þeir kláruðu að velta strax þá væru þeir sloppnir heheh.

     Steini kom og tók fullt af myndum af hundunum og gott ef ekki eru bara fínar myndir þarna.

7. maí 2005

       Það er búið að vera mikið að gera í Miðengi í dag, búið að loka nýja húsinu en það voru nú bara heimamenn sem gerðu það því ekkert bólar á mönnum á vegum verktakans. En þetta gengur bara ekki lengur því við verðum bara að koma fénu inn og undir kvöld var allt féð sett inn og ekki seinna vænna, þetta var gert á betri búum síðasta haust, en auðvitað stóð það svosem til hér líka ef allt hefði nú staðist eins og til stóð.

6. maí 2005

     Þetta var síðasti prófdagurinn og gekk ekkert allt of vel, var í markaðsfræði og auðvitað kom þarna allavega ein spurning sem ég var búin að liggja yfir hér heima á þess að finna svar í bókunum en hvað um það maður annað hvort lifir eða deyr eheh þannig að við sjáum bara til, nú og seinniparturinn af deginum fór í að keyra fram og til baka,,,, sækja Guðna Reyni í Reykholt og svo var fótboltamót á Hvolsvelli hjá Dóra og co.

      Það var farið út í hraun í dag að hnita út lóðir, gekk nú ekki nógu vel það var svo hvasst að það heyrðist ekkert í talstöðvunum nú og svo lítur allt útfyrir að vegirnir fari yfir fallegustu blettina þannig að eitthvað þarf að hnika því til.  Framhald vonandi í næstu viku.

5. maí 2005

     Búin að sitja inni í bæ meira og minna í allann dag og glugga í markaðsfærði en það er próf í fyrramálið en það er síðasta prófið núna í vor.

     Guðni Reynir, Bjössi og Kristján búnir að vera úti í hrauni í allann dag að hnita út vegi og lóðir og gengið vel.

4. maí 2005

      Byrjaði daginn á að fara í próf í sauðfjárrækt 2, svona þegar ég var búin að mjólka og smúla.  Þetta gekk ágætlega og rólegheit fram að kaffi en ég þurftir að vera komin í Reykholt að sækja Guðna Reyni klukkann 15.45 fara með hann heim og sækja Dóra sem þurfti að vera kominn á Selfoss kl 16.30 á fótboltaæfinu, skildi Guðna Reyni eftir þar líka.  Nú svo var að drífa sig aftur heim í kvöldfjós, fundur aftur á Selfossi klukkan 18.00, Sækja strákana klukkan 19.00 koma þeim heim og vera svo komin í Ölfushöllina klukkan 20.00 til að sjá ungfolasýningu.  Nú það er alveg ótrúlegt en þetta hafðist allt og hvergi mjög sein kannsi aðeins.  Á ungfolasýningunni voru tveir þriggja vetra folar sem ég man sérstaklega eftir ennþá, það var Kjartanstaða Töfrasonur frá Blesastöðum sem Magnús Trausti á, folinn var bara alveg eins og pabbi sinn, nú og svo var þarna Arons sonur sem var frá Strönd ansi fimur.  Folarnir voru næstum allir nýjárnaðir, fæddir 2002 og 2003 og ansi flottar og vissu varla hvað þeir átti að gera við lappirnar en saknaði dálítið að sjá þá ekki á flottu tölti, þeir brokkuðu meira og minna, þó svo það væri augljóst hjá sumum allavega að þeir væru góðgengir.

3. maí 2005

       Það er lítið búið að vera hér í gangi í dag, engir smiðir og líklega ekki von á þeim meira, held reyndar að Guðni Reynir hafi verið ánægður með það núna í kvöld þar sem einn smiðurinn heldur með Liverpool og hefur komið hér heim á bæ að horfa á boltann, ekki meira um það.

      Ég fór í fyrsta prófið núna í morgun og gekk bara ágætlega held ég, þetta vera heimilisgarðrækt.

     Nú þeir feðgar Guðni Reynir og Bjössi fundu eina dauða rollu í dag og aðra í fyrradag, veit nú ekki alveg hvað varð þeim að aldurstila en þó hafði annari tekist að troða hausnum undir rúlluna, nú hin var ferhyrnt það dugar sem skýring hér á bæ held ég bara, þessar ferhyrntu ná ekki að verða tveggja vetra.  Nú og svo hefur ein ær látið eða borði fyrirmálslömbum.

     Í gær lenti ég í dálitlu sniðugu því Guðni Reynir fór til læknis fyrir helgi og eitthvert sýni tekið úr hálsinum á honum þar sem hann hóstar eins og rolla.  Nú svo kom niðurstaða úr sýninu og hann er fullur af eitthverjum sýklum eða bakteríum og átti að fá símsent lyf á Selfoss, nú svo fór ég að sækja umrætt lyf, en þá vildi lyfsalinn ekki afhenda mér lyfið sem hafði verið skrifað upp á því það var víst dýralyf,  og þrátt fyrir að drengurinn hóstar eins og rolla fékk hann ekki dýralyf heldur var hringt í lækninn og þessi mistök leiðrétt og nú er hann farinn að éta eitthvert mannalyf en hóstar enn eins og rolla.

1. maí 2005

       Við Bjössi ásamt Siggu og Dóra fórum í Búðardal í gær að heimsækja Gróu og Anton, það var rosalega gaman og við skoðuðum mjólkurbúið þarna í Búðardal, reyndar var Sigga ekki með í þeirri skoðunnarferð en Dóri var ekkert smá hrifinn.  Sigga var eitthvað að flækjast með Báru frænku sinni sem er jú mun meira spennandi en við fullorðan fólkið.  Nú svo í morgun þá fórum við að skoða fjósið og kýrnar hjá honum Unnsteini á Leiðólfsstöðum, þetta er ekkert smá flott hjá honum og örugglega ansi mikil vinna að vera með svona stórt kúabú. 

    Nú við vorum svo komin hér heim um klukkan tvö held ég bara og ég fór auðvitað beint út að mynda folaldið mitt, hann er nú ekkert svo ljótur blessaður.

     Haldið þið að núna undir kvöld sé svo ekki bara farið að snjóa, vona að það verði nú ekkert að viti svo folanum mínum verði ekki kalt.

30. apríl 2005

       Hryðja kastaði núna um kl ellefu og það kom á síðustu metrunum varð folaldið hestur og ég sem vildi svo mikið hryssu.  Hvað um það hann kemur til með að verða grár hugsa ég en í augnablikinu er hann eiginlega grájarpbrúnskjóttur eitthvernveginn, en hann er eiginlega höttóttur og svo er annað lærið í lit ásamt taglinu.  Það koma vonandi myndir inn á morgun en ég þarf að byðja Lindu um að mynda, enn er stolna vélin mín ekki komin í leitirnar.

29. apríl 2005

       Jæja nú er komið undir kvöld og það er bara kominn mjólkurdropi á spenann á Hryðju sem segir mér að það verður komið folald í fyrramálið, nú ef ekki þá er ég smeik um að ég fái hest en það er samt betra að fá fallegann lifandi hesta en ljóta dauð meri eða þannig....

     Nú eru smiðirnir mínir alveg farnir hef ég grun um og ekki er húsið búið enn, ætla rétt að vona að það finnist eitthver lausn á þessu, frekar leiðinlegt að þurfa að standa í svona vitleysu.

       Haldið þið ekki að Vignir hafi hringt í morgun og Gjóska mín hefur látið í vetur þannig að ég fæ ekkert folald undan Orra í afmælisgjöf.

     Hvað um það kíkti á Hryðju í morgun og enn styttist í folald enda getur það svo sem ekki annað, það er samt ekki farið að leka úr henni mjólk en sjáum til í kvöld hvað hún segir blessunin.

     Það eru fjórir smiðir hér í dag þetta smá tosast, en ekki sjást gluggarnir sem verktakinn fékk aur fyrir um daginn,,,,

28. apríl 2005

       Það er búið að vera allskonar veður í dag, rok, kalt rigning, sól, logn, skúrir en í augnablikinu undir kvöld er sól og aðeins gola og farið að kólna.

       Kíkti á Drottningu og Hryðju áðan, það hefur bara stóraukist undir Drottningu, ætli það komi ekki leirljós hestur af því að Jonna langar í leirljósann hest en ég sagði honum að þarna kæmi albínói svo hann þorði ekki að halda merinni undir Axel heheh, en mig langar í albínóa meri.  Nú Hryðja er komin á síðustu metrana held ég bara, ef það verður komið folald í fyrramálið er þetta pottþétt meri en það jaðrar við að það sé farið að leka úr henni en samt ekki alveg, bíð spennt.  Eins gott að Sverrir verið búin að skila vélinni minni svo ég geti nú tekið mynd annars verður Linda kölluð út í myndatöku sem er örugglega mikið minna mál.

     Nú þarf ég að fara að huga að dagbók og vinnubók í fjarnáminu mínu, held að það verði ekkert stórmál allavega ekkert miðað við það þurfa að taka plöntusafn,,,, kvíð því nú dálítið,  nú og svo eru prófin að byrja hjá mér á þriðjudaginn en þetta tekur fljótt af síðast próf á föstudag.

27. apríl 2005

       Fór að mynda Drottningu og  Hryðju og ekki von á folaldi í dag hugsa ég.

    Kýkti svo á þær undir kvöld og hver veit nema Hryðja verði köstuð allavega fyrir helgi ekki í nótt samt.  Ég geri auðvitað ráð fyrir því að fá hryssu, kannski skjótta en það skiptir minna máli með litinn á orðið svo marga liti að rautt, brúnt og jarft væri næstum nýr litur í litaflóruna á mínum hrossum.

26. apríl 2005

       Í dag var bara gott veður, ég er farin að tína saman merarnar mína og reyna að átta mig á hvenær er von á folöldum, Hryðja kastar jafnvel fyrir helgi eða kannsi um helgina fyrst við ætlum vestur.  Nú Gjóska sem er hjá Vigni ætti að kasta á afmælisdaginn minn og gott ef ekki Gloría, Drottning og Gerpla velji allar þann dag.  Þannig að nú er bara að velja hesta á þessar merar almennt.

25. apríl 2005

        Nú smiðirnir eru mættir og það stendur til að vinna alla þessa viku og klára í þeirri næstu þó er eitthvað óljóst með hurðirnar hvenær þær koma og hvaðan, þannig að þetta verður hurðarlaust helv... kannski eitthvað fram á sumar.

     Guðni Reynir keppti svo í fótbolta fyrir Selfoss á móti Aftureldingu, og kom ansi fúll heim en það kom að því að Selfoss tapaði og geðvonskan eftir því.

      Ég kláraði siðustu verkefnin í bili í skólanum í dag, og svo eru það bara próf í næstu viku.

23. apríl 2005

         Það var matarklúbbur hér í gærkvöldi, tókst rosalega vel allir mættir nema Snæbjörn sem þurfti að fara á sjóinn.  Nú síðasti maður úr húsi sem ekki gisti fór um hálfsjö undir morgun, þannig að eitthvert hefur stuðið verið en ég svaf þetta nú af mér, enda komin með mígreni þarna um nóttina,  þoli svo rosalega illa reykingar og svo að vaka líka fram yfir miðnætti það er bara ávísun á mígrenikast.

       Nú dagurinn fór svo í að leggja sig og keyra á fótboltaæfinu.

22. apríl 2005

        Það er farið að nálgast hádegi og gengur bara vel að rýja.  Gengur ekki eins vel að laga til hjá mér og að skila verkefnum en það er síðasti skiladagur í dag á 4 verkefnum og ég bara búin að skila tveimur, fæ kannski smá frest á hin tvö ef þetta er ekki að gera sig.

      Nú og svo er matarkúbbur hér í kvödl svo það er ekki seinna vænna en að fara að gera eitthvað en við Leifa erum þó búnar að ákveða hvað á að vera í matinn.

       Veðrið er rosalega gott og í gær sá ég að það er komið dálítið júgur undir hana Hryðju mína þannig að það styttist í folöld hjá mér.... vona bara að Hryðja eignist hryssu undan honum Klett frá Hvammi.

21. apríl 2005

        Folöldin sem sett voru í niðurtúnið er bara kát þarna en þó eru þarna tvö sem tolla ekki innan girðingar, þarna foli sem heitir Pakki, hann stökk nú bara á griðinguna og vildi vera hjá fylfullu merunum en hann rak augun í mömmu sína þar, nú svo Þristsdóttirin, hún bara sveif yfir girðinguna án þess að skammast sína og svo til baka aftur.  Vona nú að þetta fari að tolla innan girðingar.

     Féð var allt sett inn í sandgerði í dag, og reynda undir kvöld þurftur að setja þær inn því það er jú von á rúningsmanni á morgun til að rýja þær, ég fékk meira að segja þá flugu í kollinn að kannsi væri nú vit að gera þeim ormalyf svona einsusinni.

     Guðni Reynir fór svo til Grindavíkur að keppa og viti menn Selfoss vann 1-2 skildist nú að heimamenn í Grindavík hafi ekki verið kátir með þetta.   

20. apríl 2005   

        Jæja ég er nú búin að vera frekar löt að uppfæra, hef eiginlega ekkert mátt vera að því en á síðast vetrardag, fórum við á Borg um kvöldið en þar var hagyrðingarkvöld, það var bara gaman og allir hagyrðingarnir bændaksólagengnir frá Hvanneyri.  Þarna var einn Skagfirðingur hann Jói í Stapa, svo var hann Guðmundur í Hraungerði, eini sunnlendingurinn og svo voru tveir Borgfirðingar en konan heitir Þórdís og svo var þarna Dagbjartur nokkur, semsagt voða gamanþ

19. apríl 2005

        Þá held ég bara að sumarið sé að koma allavega vorið, hér held ég hreinlega að hafi verið hátt í 17 stiga hiti ýkjulaust í dag, og þó dálítill vindur líka. 

      Smiðirnir halda sínu striki og voru 6 í dag. Þetta ætti að smá tosast nema hvað það er komið í ljós að hurðirnar sem búið var að segja að væru í smíðum, eru líkast til ekki í smíðum og okkar heimildir segja að það sé ekki enn farið að finna eitthvern til að smíða þær, þetta er alveg ótrúlegt.

     Við setttum ormalyf í folöldin í kvöld og settum þau svo út í tún, það gekk ágætlega, en svo þegar gripirnir voru farnir að hlaupa um túnið voru þarna tvær merar sem hægðu ekki einu sinni á sér þegar kom að girðingu, þannig að það var bara hlaupið á griðingarnar, og slatti af staurum brotnir, nú svo fóru þær bara aftur á girðinguna á öðrum stað til að komast inn í tún aftur, við nefnum engin nöfn en önnur er undan Þrist og hin undan Þórodd, skilst svo að hryssan sem á Þóroddsdótturina eigi jafnvel að fara undir Þrist í sumar......það verður eitthvað skrautlegt og Selma mína að venja það folald við rafmagn strax nýfætt eheheh í garðinum í hveró neiiiiii ætli hún reddi því ekki eitthvernvegin öðruvísi hugsa ég.

18. apríl 2005

       Hér mættu slatti af smiðum í morgun og húsið mjakast áfram þó ég sjái nú ekki mikinn árangur en þeir eru víst að klæða húsið að innan, en það sést ekki úr glugganum hjá mér.

      Það er svosem búið að vera rólegt í dag, en ég er að slást við eitthver verkefni sem þurfa að klárast fyrir 22 apríl.  Nú en þann dag verður hér matarklúbbur þannig að ég vona að ég geti klárða þessi verkefni fyrir þann tíma.

      Ég er aðeins farin að velta fyrir mér hvaða stórhesta skal nota þetta árið en hugsa að það verði allavega ein undur Foresta og gott ef Jonni og Linda ætla ekki með aðra, ég er nú ekki búin að ákveða með hvaða meri ég fer en það er örugglega af nógu að taka, er allavega búin að panta fyrir tvær í seinna gangmál.  En ég finn eitthverja með flottann lit því ég á bara flotta liti hehe enga rauða, brúna eða jarpa þetta árið held ég, kannski eina rauðglófexta...en annars bara skjóttar, ein leirljós og hver veit hvað ég geri með þá litföróttu og jafnvel albínóann en tími nú tæplega að halda albínóanum mínum strax, það er jú landsmót næsta sumar og ætlum við ekki að fara með allt sem hreyfist þangað???  Nei ætli það, hugsa að það veri bara frétt til næsta bæjar ef maður durslaðist sjálfur hvað þá ef maður færi nú með hross....

17. apríl 2005

     Það er bara búið að vera letilíf á manni í dag, mjólka fara á selfoss með Dóra í fótbolta, heim aftur fara með Guðna Reyni í fótbolta og á eftir að sækja hann en hann var að keppa við Aftureldingu áðan, heyrði í honum aðan og A liðið vann 1-4 og Guðni Reynir náði að pota inn tveimur af þessum 4 mörkum, gamli seigur...en B liðið var enn að keppa.

16. apríl 2005

      Það stóð nú aldreilis til ferðalag í dag, löngu skipulagt og Patrolinn keyptur bara til þess að við kæmumst öll sex í þessa menningarferð.  Jæja það átti semsagt að fara héðan af stað um klukkan 1400 við Bjössi og Jonni og Linda og taka Huldu og Ingþór með á Selfossi.  Nú við vorum búin að koma krökkunum vel inn í mjaltir og mamma og pabbi komu og hjálpuðu þeim, en þetta ætlaði ekki að byrja vel því þegar átti að fara að hafa sig til þurftir helv....kvígan sem átti að bera í janúar, allt í einu að velja þennann dag og þennann tíma til að bera.  Það var því ekkert annað að gera en að fara í fjósið og kanna málið, auðvitað fannst bara haus á þessum kálfi, og loks þegar ég fann lappirnar þá týndi ég hausnum.  Það var þá bara eina vitið að hringja í Gunnlaug dýralæknir en hann var í Reykjavík, þá reyndum við við Sigurð Inga sem var á leið upp í Gnúpverjahrepp að draga úr kálf.  Nú voru góð ráð dýr og við máttum ekkert vera að því að bíða eftir þessu svo það endaði með að ég fann út hvernig best væri að snúa kálfinum sem gekk nú eiginlega ekki en hann kom eitthvað undinn úr kvígunni, og auðvitað dauð, rauð kvíga. Þetta er svosem alveg eins og að snúa lömbunum nema hvað það dugar lítið að vera svona handleggjastutt og ekki mjög sterk þegar kýrnar eru annarsvegar.  Jæja hvað um það eitthvernveginn tókst þetta því Bjössi, Jonni og Guðni Reynir voru svo allir kárir í að toga og þetta hafðist semsagt allt held samt að ég hafi verið komin með rauðar strípur í hárið eftir aðgerðina heheheh

       Þá var semsagt hægt að leggja af stað, og stefnan tekin á Ármót til Hafliða að skoða hesthúsið og alles, þetta er alveg ótrúlega flott, mikið af hrossum og frábær aðstaða.  Þá var stefana tekin á Hestheima en þar áttum við pantað í kvöldmat, ég hef nú bara varla farið svo flott að borað þetta var algjört æði, maturinn æðislegur og frábært að koma í heimahús og fá að borða æðislegan mat og hjónin sungu svo fyrir okkur eftir matinn.  Í einu orði sagt FRÁBÆRT.  Þá var það næsta stop eða Hótel Neðra Sel, held bara að þar hafið verið fleiri börn á hlaupum en eru hér þegar flest er, og svo mikið af fólki líka, aumingja Guðbjörg, vona þeirra vegna að þetta sé ekki alltaf svona, fór nú samt að rifa upp hvernig þetta var hér fyrir nokkrum árum, maður vissi varla hver var að koma og hver var að fara.  Hvað um það það var rosa gaman að koma til þeirra Guðbjargar og Daníles og Braga og Svövu, við kýktum í hesthúsið og ég var nú bara ansi roggin, sá þar Foresta frá Vorsabæ, nú og ég að vona á folaldi undan honum og svo var Klettur þarna frá Hvammi og ætli það sé ekki bara rétt ókomið folald hér undan honum líka, nú svo var auðvitða húsið fullt af flottum hestum, þarna voru þeir Aron og Axel, og fleiri og fleiri ég var nú ekki alveg að ná að fylgjast með þessu öllu.  Vorum svo komin hér heim rétt undir klukkann eitt í nótt held ég bara.

15. apríl 2005

       Búin að vera ansi löt við að skrifa en það er svosem nóg annað að gera, eitthvernveginn hellast allt í einu verkefnin yfir mann í skólanum, en um daginn fannst mér ekkert í gangi eða kannski bara svo langt í skiladag heheh

        Þakið er komið á húsið, þarf endilega að reyna að taka myndir en núna eru búnir að vera um 7-8 smiðir hér.

       Ingólfur bróðir hann pabba verður svo jarðaður í dag og ég ætlaði nú að fara í jarðaförnin en hef eiginlega ekki tíma þar sem það hittist þannig á að það er klukkan 13.00 sem er jarðað.  En ég sendi bara bestu kveðjur.

     Ég fór til Ingu á Björk í gær en eitt af verkefnunum sem ég þarf að skila er stöðumat í sauðfjárrækt og þá er auðvitað best að finna eitthvern sem nennir að filla út skýslurnar sínar þannig að mér fannst þetta nú aldeilis fínn kostur enda var mikið prentað út og ég er margs vísari og orðin nokkuð viss um að minn metnaður í sauðfjárrækt er ekki það mikill að ég farin að skella mér í skýsluhald. 

    Mér finnst eins og maður hafi verið eins og jójó Miðengi Selfoss alla vikuna og núna í dag loks þegar Guðni Reynir þarf ekki á æfingu þá þarf Sigga alveg nauðsynlega að fara til Reykjavíkur enda fataskápurinn alveg tómur.

11. apríl 2005

        Hér eru mættir 8 smiðir og nú skal víst taka á því hehe en vonandi klárast þetta fyrr en síðar, þeir eru semsagt farnir að raða plötunum á þakið.

       Nú Bensi, Kristín og Einar Óli eru svo að fara til Portúgals í fyrramálið ég ætla rétt að vona að þau komi svo með smá sól heima í Miðengi en mér finnst  nú að það mætti fara að vora smá.

      Held bara að það hafi nærri því verið kveiknað í húsinu í gær en hér var þvílíkt skrítin lykt og þegar við fórum að kanna málið þá var kló og innstunga farið að bráðna bak við búrið hennar Doppu Dóra og hún bara steinhélt kjafti ekki verið að láta mann vita.

      Annars er svosem ekki mikið um að vera hér Guðni Reynir og Dóri alltaf í boltanum og Sigga alltaf á flakki.  Nú ég flakka líka aðeins á nýja bílnum ekksert smá gott að keyra hann.

8. apríl 2005

      Lítið búið að vera að gerast í dag en í morgun var eiginlega slydda en þegar ég fór á Selfoss uppúr háldegi var snjóinn farið að tala dálítið upp allavega á malbikinu og þegar ég kom uppúr aftur um hálffjögur var malbikið að verða autt.  Nú ég kýkti með fína nýja bílinn til Orra en auðvitað er það eitt af því fyrsta sem maður gerir, held bara að honum hafi litist ágætlega á gripinn, þorði kannski ekki að segja annað hehe

     Setti mynd af blómunum á síðuna rosa flott, en þarf að fara að venja mig á að taka myndir með videóvélinni því ekkert bólar enn á digital vélinni minni.

     Sigga þurfti alveg nauðsynlega að fara til Freydísar í dag en ég held að það verði ekkert af jöklaferðinni í bili.

     Það er ekkert hægt að fara á hestbak þessa dagana því hér er flest ef ekki allt komið á sumarskeifur, en það hlítur að fara að vora.

     Búin að láta Sverri fá folann hann Amor enda sá ég stórmun á hvað folinn var ekki eins fallegur daginn sem Sverrir fékk hann, mun flottari þegar ég átti hann heheh eða þannig.

    Kýkti á hana Hryðju mína í morgun en henni var haldið frekar snemma í fyrra og gæti kastað undir mánaðarmótin en sem betur fer er ekkert júgur enn farið að myndast það bíður eftir sólinni.  Var annars að skoða blaðið hestar og þar sá ég að Daníel er með tvo klára sem ég á von á folöldum undan en það er Klettur frá Hvammi og svo hann Forseti frá Vorsabæ sem Daníel lætur nú ansi vel af allavega vil ég hafa það alveg á hreinu að ég á Forsetafolaldið alein og reynar Klettsfolaldið líka og ekki nóg með það heldur er Forestafolaldið í skjóttir meri sem er ekki svo slæmt held ég.

7. apríl 2005

Hún Kolla á afmæli í dag til hamingju með daginn og það er sko SkelluKolla
tuttugu og eitthvað mjög lítið, innan við fimm held ég örugglega.

      Það er búið að vera rosa fallegt veður í dag en rosalega kalt. Og hér er allt hvítt og núna undir kvöld er 10 stiga frost og það var byrjað að snjóa og ég sem hélt að það væri komið vor.

       Nýji bíllinn okkar kom austur í dag og erum við semsagt komin á nýjann grænan jeppa, myndir á forsíðunni, rosa flottur hugsa að ég verið dálítinn tíma að læra á alla takkana, hef samt mestar áhyggjur af þvi hvernig ég á að ná græna ljósinu af, þegar ég fer í Nóatún, en það er semsagt ljósið sem segir mér að bíllinn sé í fjórhjóladrifinu og það þykir ekki gott á upphituðu bílaplani, en ég vona að Bjössi viti þetta allavega.  Hvað um það haldið þið að ég hafi ekki bara fengið þvílíkt stórann blómvönd með bílnum, og ég er að tala um risastórann blómvönd, hugsa að ég kaupi aldrei annað en Nissan hér eftir hehehe við Bjössi eigum sko bílinn en ég fékk blómin, þannig segi ég frá því og er bara kát með það.

       Smiðirnir fóru suður í gærmorgun eftir að hafa verið fasti í snjó hehe en ætluðu allavega þá að koma aftur á morgun föstudag, ætla að vona að þeir komi og setji þakið á húsið á morgun og laugardag og vonandi verður veðrið gott því annars verður ekki hægt að setja þakið á, það þarf víst eitthvað alveg spes veður í þessar löngu járnplötur, svo enginn slasi sig og járnið fjúki ekki bara eitthvað út í loftið.

5. apríl 2005

      Það var þokkalegt veður í morgun, samt allt hvít þegar ég vaknaði, nú svo hefur veðrið bara vesnað og núna um kvöldmatarleiti er bara blindbylur, hélt að ég yrið meira að segja úti á leið í fjós áðan en það var svo blint og mikil snjókoma að ég vissi ekki fyrr en ég var afvelta úti í móa hafði semsagt tapað veginum sem ég ætlað að labba eftir og var held ég bara á leið út í hesthús, það er alveg ótrúlegt hvað maður getur orðið ruglaður og ekki á það bætandi.

    Smiðirnir gáfust upp um hádegi og hafa ekki sést hér síðan, létu auðvitað ekkert vita að þeir yrðu ekki í kaffi og kvöldmat en það er svosem ekkert nýtt.

     Nú við Bjössi erum að fá nýjann bíl 7 manna það dugar ekkert minna, enda alltaf með eitthvað af aukabörnum og þegar maður er einusinni  búin að komast á lagið með 7 manna bíl er ekki aftur snúið.  Nú er það Nissan Patrol framsóknargrænn og með DO númeri skilst mér svona til að vera örugglega ríkisstjórnarmegin hehe.

    Skilst að Sigga sé á leið upp á Vatnajökul um helgina það hlítur að vera gaman en það koma fréttir af því ef það verður af ferðinni hjá þeim stöllum.

     Guðni Reynir var að keppa í fótbolta á laugardaginn, við Gróttu og hans lið vann 14-2 það er nú alveg ágætt og Guðni Reynir var svo heppinn eða klár að hann skoraði 4 mörk og lagði upp hin 10 ekki slæmt.  Hann ætlaði eiginlega með okkur í afmælið til Gunna Har um kvöldið en Gunni varð sjötugur, en Guðni Reynir kom svo seint heim að það tók því ekki.

4. apríl 2005

       Búin að vera léleg við að uppfæra en ætlaði að taka myndir af skemmunni en auðvitað fannst ekki myndavélin, og er farin að halda að henni hafi hreinlega verið stolið en vélin var við tölvuna mína á föstudaginn langa en ekki sést siðan, það hvarf reyndar eitthvað fleira hér um páskana en ég er semsagt eiginlega búin að gefa upp alla von um að finna þetta og ég er ekki sú eina sem er búin að leita hér, þannig að kannski var vélinni bara stolið það er eiginleg engin önnur skýring, held samt í vonina um að hún finnist eitthver daginn en er ekki bjartsýn úr þessu.

   Kannsi ég geti samt tekið mynd á vídeótökuvélina mína veit að það er hægt og er kannski ekki svo flókið þegar á reynir en sjáum hvort ég redda því ekki það er alveg ómögulegt að geta ekki sett inn myndir.

   Hvað um að veðrið er alveg yndislegt í dag og vorverður en það var samt 8 stiga frost í morgun þegar ég fór í fjós klukkan 6 í morgun.

   Það eru mættir einir 6 smiðir held ég veit samt ekki hvort þeir ætla að setja meira járn á húsið eða hvort á að skipta um járn á göflunum, held samt að það gæti bara verið sniðugt að hafa sitthvort járnið á hliðunum annarsvega og göflunum hinsvegar þannig að þegar menn eru að flækjast í myrkri við hesthúsið ættu þeir að geta áttað sig á hvar þeir eru staddir við húsið ef þeir eru að leita að innganginum hehe

      Það var farið út í hraun í morgun að mæla út hvar nýtt sumarhúsahverfi á að vera staðsett en eitthvernveginn þarf víst að fjármagana borholuframkvæmdir.

      Sævar Ingi fermdist svo í gær, þetta var rosalega vel lukkaður dagur fannst mér, strákurinn svo fínn, og ég held bara að allir hafi verið glaðir og sælir með daginn, til hamingju með daginn aftur Sævar okkar.

31. mars 2005

       Jæja haldið þið að ég hafi ekki farið með Mözduna í skoðun í morgun, en Doppa Dóra fór með mér og gerði auðvitað gæfumuninn og heillaði skoðunarmanninn....reynar er bíllinn ekki nema ársgamall þannig að auðvitað flaug hann í gegnum skoðun.

       Nú af húsinu er margt og mikið að frétta, nú það tók ekki nema hálfann dag held ég að setja járnið á hliðarnar, allt nema eitthverjar 4-5 plötur, sem ekki finnast en svo eru eitthverjar 80 plötur sem ekki er nú alveg ljóst hvar eiga að fara.  Nú í morgun var svo sett járn á gaflinn sem snýr í suður, rosa fínt nema hvað það er ekki sami litur og á hliðunum og allt annað munstur á járninu.......verð eiginlega að fara út á morgun og taka mynd ef ekki rignir allt of mikið en þetta er magnað á að líta, og alveg ómögulegt að átta sig á því hvernig hægt er að klúðar jafn miklu, eins og að hafa ekki sömu gerð af járni allann hringinn en við eigum eftir að sjá hvernig járn fer svo á norðurgaflinn mjög spennandi að sjá, en okkur er ekki ætlað að byggja skemmu áfallalaust en eins og kannski sumir muna þá var byggð hér skemma um 1990 og ekki tókst betur til með járnið en að fína járnið sem fór á þá skemmu var sett öfugt á, það er hliðin sem var voða fínt máluð, og veðurþolin var sett inn, og óvarða hliðin sneri út, og gerir enn, var bara máluð þegar mistökun uppgvötuðust.

28. mars 2005

       Það er búið að vera gott veður í dag líka held að það styttist allavega verulega í það.

       Stjáni frændi kom í dag og sótti síðasta hrossið sitt, ekki seinna vænna áður en þarf að sleppa aftur en þetta er meri á fjórða vetur sem hann ætlar að byrja að temja.

        Ég þurfti bara eina ferð á Selfoss í dag, eða reynda tvær eina ferð með Guðna Reyni á æfinu og svo fóru Sigga og Freydís með, nú og svo fór ég aftur til að sækja hann en stelpurnar ákváðu að fá vin sinn til að skutla sér uppeftir í kvöld, mun nær en að nota ferðina hjá mér, enda er hann væntanlega voða spennandi heheh

27. mars 2005

       Það gekk ótrúlega vel til byggða í páskareiðtúrnum, eignlega vonum framar og tímasetningar stóðust meira að segja, hver hefði trúað því.....

   Það ringdi ansi mikið í gær en er svo búið að vera gott veður í dag, meira að segja ég er búin að fara út að viðra mig, afutr hefur Halldór varla sést hér inni eftir hádegi en fyrir hádegi var tekinn skurkur á páskaeggjunum en svo bara bara farið út og þar er hann ennþá og klukkan að verða hálfsjö.

     Ég er búin að finna út úr þvi hvernig vídeótökuvélin virkar þannig að maður geti tekið vídeó af hrossum sem á að selja og valið besta skotið og sett sem ljósmynd á netið, þetta uppgvötvaði ég eftir að hafa átt vélina í meira en ár en það er semsagt fjarstýringin sem máli skiptir í þessu dæmi, þannig að hver veit nema ég reyni að setja inn link sem er ,,hestar til sölu" en stundum er ég að hugsa um að selja litföróttu hryssuna mína sem er bara að verða þriggja vetra í vor, en ég tími auðvitað ekki að láta hana nema á þeim árstíma sem hún er í raun brún, þá finnst mér þetta nú ekki fallegur litur en svo lagast hún ótrúlega þegar hún er í raun litförótt.  Nú svo þarf ég að drustlast austur í Hemlu og taka vídeó af henni Hæru minni og ef vel tekst til þá set ég inn mynd en hún er ekki til sölu...

    Nú og svo paraði ég Doppu Dóru í morgun en það er nánar undir Kersins Kennel...

25. mars 2005

       Veðrið er alveg frábært og komið vor í mann eða þannig,  Miðengismenn eru lagðir af stað í páskareiðtúr, og það á að ríða út að Borg og fá ,,KAFFI" hjá Böðvari og Lísu á Gömlu Borg.  Ég hugsa að ég nenni ekkert að flækjast þangað, bara að hafa það gott heima.

       Nú þegar við Bjössi mættum í fjós í morgun þá lá nýbæran sem bar í gærkvöldi í doða og gott betur því legið lá allt í flórnum, það var lítið annað að gera en að lóga kúnni, því hún var það langt leidd greyið.

        Annars er ekki mikið búið að vera í gangi hér síðustu daga, smiðirnir fóru í páskafrí seinnipartinn á miðvikudaginn og mæta svo helmingi fleiri skilst mér á þriðjudag, en þá er kominn tími á að klæða húsið held ég bara, þannig að þetta verður ekki lengi að klárast sérstaklega ef mennirnir verða hátt í 10.

22. mars 2005

       Veðrið er alveg frábært í dag logn og blíða eða þannig allaveg held ég bara að það sé að koma vor.

       Hann Loftur fóðureftirlitsmaður kom í dag, ég held bara að þetta hafi allt verið í góðu lagi hjá okkur, allar skeppnur vel fóðraðar og nægur heyforði.  Hann sá reyndar ekki Doppu Dóru og Voða en held að þeim veitti ekki af aðhaldi.

      Það mættu smiðir hér í morgun, og gott ef þeir eru ekki 5 núna þannig að væntanlega er nægt efni handa þeim og þetta er bara að gera sig, ég get samt ekki sagt að ég sjái neinn mund en það er ekkert sem segir að þetta gangi samt ekki vel, allavegana get ég ekki betur séð en að þeir séu alltaf að vinna eitthvað.

    Það lítur út fyrir að það sé að bera fyrsta kálfs kvíga hér í fjósinu en við erum örugglega búin að mjólka hana í viku 10 daga enda ekkert annað að gera frekar en að láta mjólkina leka úr henni, annast sendi ég sýni úr henni í gærmogun þar sem mér leist ekki alveg á þetta, setti í sér glas fyrir hvern spena, í neinu glasi var hvít mjólk, nokkuð réttur litur, í öðru var gult...ekki gott í því þriðja var ljósbeikt....blóð semsagt og í þvi fjórað var meira bleikt, það er meira blóð, það var samt búið að setja pencilinn kúr í hana þar sem það var starx útsérð með að það væri mest blóð í henni en það hefur ekki dugað til svo nú er bara að sjá hvað setur.

21. mars 2005

        Það er búið að vera ágætt veður í dag, samt er búið að rigna dálítið en hálfgert vorveður.  Nú það var svo von smiðum í morgun, og vit menn þeir mættu klukkan fjögur í dag, gaman að hafa svona menn í mat.  Hvað um það þeir vinna vel þegar þeir hafa efni þannig að við verðum bara að vona að það klikki ekki.

        Nú Sigga er í túlípanavinnu hehe hjá Freydísi, það er ágætt á meðan þær standa sig og eru ekki of uppteknar af því að spjalla.

       Svo er að stittast í páskareiðtúrinn en í ár verður farið á föstudaginn langa, veitir ekki af að hafa aðeins lengri dag í þennann reiðtúr, svona ef miðað er við hvernig gekk í fyrra.  Nú stefnan er tekin á Gömlu Borg til Böðvars, og svo heim aftur, hvernig sem það svo gengur, en ef skyggnið er gott hlítur þetta að rokganga eða hvað?

20. mars 2005

       Ég dreif mig í morgun með Halldór á fótboltaæfingu en við erum búin að vera ansi löt undanfarið við að mæta.  Nú svo sótti ég Siggu og Sævar en þau voru hjá Ragnheiði og Aðalsteini um helgina, mikið stuð hjá Ingu að Palla að passa unglingana.

      Svo var farið í fermigarveislu á Borg en hann Elvar Ingþósson var að fermast, þetta gekk voða vel fyrir sig og maturinn góður.  Svo er næsta ferming hjá Sævari Inga en það sunnudagur eftir páska.

       Nú svo þegar ég var búin að mólka þá þurfti ég að skutla Siggu til Freydísar en þær ætla að túlípanast eitthvað annaðhvort eru þær að skera eða pakka túlípönum, þær eru víst bara duglegar og um að gera að láta þær vinna aðeins stelpuskjáturnar.

19. mars 2005

       Hann Guðni Reynir frumburðurinn er 16 ára í dag, til hamingu með daginn Guðni minn en hann er í Damörku þessa stundina ásamt 10. bekk í Reykholtsskóla.

       Það er búið að vera ágætt veður í dag, þokkalega hlítt og úði, ég held nú samt að ég sé nú bara búin að sofa meira og minna í dag.....en ekki að það séu neinar fréttir, en það telst öruggleg til frétta að ég fór í hesthúsið í dag að kýkja á hann Hæring minn, ég var bara rosa ánægð með hann,, hann er til dæmis ekki eins mikið minni og hin folöldin, eins og hann var í haust, nú og ég gat klappað honum og alles, náði svo aðeins að pota í Amor hann er líka ansi fínn, grannbyggður og ansi frekur og leiðinlegur við hin tryppin...en hann er jú flottur á litinn, bleikálóttskjóttur og svo hann Hæringur sem ég er ekki alveg búin að finna út úr hvort hann sé grávindóttur eða bleikálóttvindóttur, það getur brugðið til beggja vona með það enn.

     Það var svo komin kvígukálfur í fjósinu þegar við fórum að mjólka kvöldmjaltirnar, ansi fínn kálfur sem vonandi veður eitthvert úrval þegar það að kemur en það er ómögulegt að segja.

18. mars 2005

      Árshátíðin gekk bara ansi vel í gær hjá krökkunum, held að eldri krakkarnir Guðni Reynir, Sigga og Freydís hafi bara verið hálfspæld að hafa ekki verið með.  Halldór var forsetinn í tískusýningu, hann hafði jú þetta líka flotta hár en mættu svo með fléttur......

hann var því kynntur sem Ólafur Ragnar með nýja hárgreiðslu, og vakti mikla lukku.

     Það gengur bara ekkert með bygginguna, aumingja smiðirnir gáfust upp um hádegi í gær en þeir voru að bíða eftir efni sem átti að hafa lagt af stað úr Keflavík ca seinnipart þann 16 í síðsta lagi snemma morguns þann 17, og við erum að tala um mars 2005.  Hvað um það þeir semsagt fóru þar sem það var ekkert efni til að vinna með, en við áttum nú von á þeim í morgun en hér bólaði ekkert á efni og ekkert á smiðum heldur enda kannsi ekki von þar sem þeir hafa líklega frétt að það væri ekkert efni komið.  Veit svosem ekki alveg hvað varð um efnið tel víst að það hafi bara ekki lagt af stað, en ef það hefur lagt af stað væri kannski ráð að fara og auglýsa eftir vörubíl með efni.....

       Í dag er svo búið að vera ansi ágætt veður reyndar dálítið hvasst en maður hefur séð einhverja vísbendingar um að kannski sé að koma vor,,,,einhverntímann bráðum allavega.

       Sigga ætlar að vera á Selfossi um helgina hjá Ragneiði vinkonu sinni, það er ágætt aðeins að fara að flakk hehehe en Sigga fer svosem ekki oft á Selfoss til að vera yfir helgi þannig að nú er aumingja Ingveldur í stresskasti að passa tvær stelpur, nú og svo veður einhver formúla í nótt held ég þannig að sú má hafa sterkt hjarta ehehe en þetta eru svo þægar stelpur.  Hann Bjartur tók auðvitað á móti mér þegar ég fór með Siggu, sá er roðinn stór og fallegur og þessi litur á honum er alveg frábær.

     Hann Guðni Reynir er að fara til Danmerkur í fyrramálið á 16 ára afmælisdaginn,  það er alveg ótrúlegt að maður eigi orðið 16 ára ungling, og ég áttaði mig á þvi að við Bjössi veðum ein heima í kotinu með Halldór þannig að það verður ekkert rifridi, og rólegheit hjá Halldóri en það er jú hann sem yfirleitt þarf að rífast og þá helst í systur sinni sem lætur nú ekki alveg nógu vel að stórn finnst honum.  Guðni Reynir kemur svo heim á miðvikudaginn þann 23 mars þannig að þetta er svosem ekki löng ferð, Sigga kemur svo á sunnudagsmorguninn en við erum að fara í fermingaveisluna hans Elvars, sonur Ingþórs og Huldu, verið að ferma restina...
 

17. mars 2005

      Það gengur frekar hægt með húsið það vantar á bita, eða spýtu og allt eftir þessu, mikið vesen semsagt en vonandi fer þetta að gera sig.

      Það er Árshátið hjá Ljósafossskóla í dag, Halldór fékk Siggu systur sína til að flétta sig í gærkvöldi, það tók nú ekkert smá langann tíma en flétturnar eru komnar og stáksi voða fínn, veit þó ekki hvort þetta passar inn í hlutverkin sem hann á að leika á árshátíðinni.

15. mars 2005

      Hálf var húsið nú tómlegt í gær en það var bara Halldór sem kom heim úr skólanum, Guðni Reynir og Sigga fóru upp í Laguarás og ætluðu að gista hjá vinum sínum þar.

     Það gekk ekkert með húsið í gær eða þannig það mætti enginn austur en mennirnir voru víst að vinna við húsið þó þeir kæmu ekki austur, en núna eru tveir mættir og vonandi finnst einhvað út úr þessum teikningum og því sem ekki er að passa, þori nú ekki að útlista það hér því ég botna lítið í þessu öllu saman en einhvað passaði ekki það er nokkuð ljóst.

      Annars er lítið um að vera bara skítakuldi vægst sagt hélt bara að ég mundi ekki ná að komast inn úr fjósi í morgun það var svo kalt og vindur það að auki, en núna er sól og æðislegt gluggaveður þó ég þoli nú ekki að standa lengi útivið til að kalla á hundana.

     Var að velta fyrir mér hvort ekki væri ráð að setja inn myndirnar sem eru á forsíðunni inn á milli hér í fréttir, en ég kem því kannski í verk í von um að þær verið ekki allt of þungar svo fréttasíðan opnist nú ekki allt of seint.

     Nú Brella gamla er byrjuð að lóða, hún er alveg eins og klukka, svo er bara að vona að Doppa Dóra fylgi á eftir, og helst Samba og Urður svo þetta verði bara allt í sama pakkanum.  Það þurfa allir að eiga eins svona Brellu sem eru að rækta, tík sem lóðar á 6 mán fresti og ekkert vesen.  Það er svo fúlt að þurfa að bíða í 8-9 mánuði eftir þeim og stundum kannski 11 mán aldrei hægt að ganga að neinu vísu.  En Brella gamla klikkar sko ekki.

    Held endilega að Kristín eigi afmæli í dag fekar en í gær, allavega til hamingju með daginn ef ég skildi nú vera búin að gleyma því aftur í kvöld í fjósi heheh.

13. mars 2005

     Það er búið að ganga ljómandi vel með húsið þar til í gær, þá stóðu smiðirnir bara og snéru teikningunum í hringi og fóru fyrir rest, vonandi er þetta einhvað sem hægt verður að laga.

Í gær laugardag var rosa gott veður en frekar kalt og í dag er enn kaldara og vindur líka, það er kannski full mikil bjartsýni að vona að það sé að vora en það hlítur að koma að því hér líður vikan bara á tveim þrem dögum finnst mér þannig að það verður farið að hausta fyrr en varir.

    Guðni Reynir er að fara til Danmerkur eftir tæpa viku, með skólanum og verður í ca 3-4 daga minnir mig, en hann fer á afmælisdaginn sinn þann 19 mars en þá verður frumburðurinn 16 ára og Selma þarf að fara að tryggja bílinn enn betur hehe, nei varla drengurinn hlítur að vera rosa flínkur að keyra eins og hann á ættir til.

     Urður er að átta sig á því að ef hún étur ekki þurrmatinn þá fær hún ekkert heheh hún reynir samt og um daginn át hún gúrku, og fannst rosa gott, hún er samt að fá sama fóður hér og heima hjá sér en auðvitað er um að gera að reyna hehehe

    Þegar Guðni Reynir fór út í fjós seinnipartinn í gær var þar fæddur þessi flotti boli og auðvitað undan Baulu hans Guðna, þetta átti aðuvitað að vera kvíga samkvæmt öllum mínum útreikningum en svona getur þetta verið.

     Dóra frænka í Keflavík átti sextugsafmæli þann 11 held ég örugglega það er allavega einhver sem á afmæli þann 11 á því heimili og það er veisla í dag.  Bensi og fj fara sem fulltrúar okkar en einhver verður að mjólka kýrnar, það gerir sig ekki sjálft.

9. mars 2005

     Ég hélt bara í gærkvöldi að hún Urður, tíkin hennar Sillu væri bara að deyja úr hræðslu, aumingja tíkin skalf og nötraði og var meira að segja með uppköst með þessu, bara aldrei séð hund svona mikið hræddan, og út af hverju....jú Guðni Reynir var að horfa á Chelsea leik og í hvert sinn sem Chelsea skoraði var bara eins og þakið væri að fara af húsinu hann galaði svo mikið og aumingja Urður var bara alveg að missa sig.........hvernig er þetta þarna á Akureyri er ekki horft á Enska boltann með tilheyrandi látum??????  En með þessu framhaldi fær annað hvort tíkin hjartaáfall eða fer að halda með Chelsea.

      Það eru þrír menn búnir að vera á fullu í dag að reisa stálgrindina á húsinu og ég gat nú ekki betur séð í kvöld að þeir væru að klára að setja upp síðasta rammann eða hvað það er nú kallað, svo maður er bara farin að sjá hvernig þetta á eftir að líta út og eins á hvað fjall eða fjöll húsið á eftir að skyggja á svona frá mínu húsi séð allavega.  Ég ætla að reyna að druslast til að fara út á morgun og taka mynd, svona til að setja á síðuna.

8. mars 2005

     Það var bara ansi ágætt að vera í Stykkishólmi um helgina, á laugardeginum fór ég að Bergi til Önnu Dóru að skoða hunda og hesta og fólkið auðvitað líka.  Auðvitað sá ég ansi flotta hesta og hunda líka.

      Í dag er bara rok og rigning, ekki mikið spennandi veður og varla hundi út sigandi, en þó reyna Brella og Glampi að þrjóskast við að vera úti, hin voru öll voða kát þegar ég setti þau inn.

      Urður er komin í pössun en Silla er farin á Crofts hundasýninguna, gaman hjá henni en við Urður erum bara kátar að vera ekkert á einhverju flakki.

      Bjössi er farinn í bæinn með Fordinn og kemur aftur svo heim á nýja tarktórnum var það ekki New Holand held það allavega er það blár traktór.

     Það er von á sláturbíl á eftir sem tekur tvær kýr, auðvitað væri réttast að losa sig við kýrnar og kaupa mjólk í Bónus og setja í tankinn hehehe en það er nú kannski ekki gott framtíðarplan.

     Það mættu tveir smiðir í gær, þeir voru á fullu allann daginn en en auðvitað sé ég ekki nokkurn mun þar sem ég verð víst að fara út úr húsi til á sjá árangaur en þegar þeir fara að reisa húsið þá sé ég þetta út um gluggann og fer kannki og tek mynd..

4. mars 2005

    Þá á að fara að leggja í hann í Stykkishólm, við Bjössi mjólkuðum í morgun og þá var hún Bót að bera, hún átti svo skjöldótt naut sem varð að draga úr henni, en hann er lifandi og það er jú fyrir mestu.  Ég uppfæri þá ekkert fyrr en á sunnudag eða mánudag, það er alveg agalegt að komast ekki á netið í 2 daga heheh

3. mars 2005

     Það eru komnir smiðir..........hver veit nema þetta sé bara að gera sig, og vonandi getum við notað húsið einhvað í vor í sauðburðinum.  Nú og kannski á láta tryppin hlaupa þarna um og monta sig, ekki má nú blása á þessi grey eða kannski ekki á mig þegar ég fer að skoða....

     Í gær voru sóttir tveir gámar þannig að núna er bara einn eftir, og nú fer þetta allt að gerast.

     Það var mokað undan lömbunum í gær og Bensi fékk þá flugu í höfuðið að rýja lambgimbrarnar, það voru rúnar 4 í gær, þetta tekur viku ca svona ef ekkert bak gefur sig.

   Hörður var svo liðlegur við mig í gær eins og alltaf og tók fyrir mig hundafóður, ekki þíðir að fara í helgarfrí og skilja hundana eftir matarlausa.

    Nú og svo mættu Ræktó menn, mér skilst að það eigi að dæla 20 l/s í fjórar vikur og finna út úr því hvernig vatnið er þegar á reynir og eins hversu heitt það er við þessa notkun, nú og hvernig best verður að nýta það.

1. mars 2005

    Jæja nú er ég kát, það bara mættu menn í morgun til að tæma gámana og gott ef ekki er líka búið að ráða smiði til að reisa húsið, skilst að það verið byrjað á fimmtudag, svo mæta þeir aftur á mánudaginn og fara bara ekkert fyrr en húsið er risið.... ég ætla að vona að þetta gangi eftir því þá náum við að taka ullina af fénu fyrir sauðburð, það væri nú ekki leiðinlegt, það er svo mikið betra líka í sauðburðinum að eiga við féð, nema kannski að ná þeim....

      Ræktó er samt ekki mætt til að gera það sem þeir áttu að gera, hvað sem það nú er, er annars komin með lista frá Kristjáni Sæm, hvað það er  sem þarf að kanna, sýnist að þetta ferli taki um 4 vikur svo það er ágætt að fara að koma einhverju í verk.  Það verður nefninlega farið að styttast í apríl þá svo það er bara farið að styttast í vorið held ég bara.

28. feb. 2005

     Það er búið að vera rólegt í dag, engir smiðir og enginn kom heldur frá Ræktó... hvað um það veðrið er búið að vera ansi gott, í dag og nú er farið að styttast í að við förum í Stykkishólm en Dóri er búin að sitja við í dag og skipuleggja hvað hann ætlar að gera í bílnum á leiðinni vestur, og hvað hann ætlar að borða og hvenær...búinn að liggja yfir mbf síðunni og spá í hvað safa best sé að taka með.

    Fyrsta fréttabréf ársins á vegum hestamannafélagsins Trausta fór í póst í dag, ég var nú farin að halda að þetta félag væri bara að deyja hreinlega en það er greinilega einhvað að gerast, punktamót og svo árshátíðin sem verður í apríl ef henni verður ekki aflýst.....

27. feb. 2005

    Hér er nú ekki mikið um að vera, gámarnir standa óhreyfðir hér í hlaðinu og ekki búið að ráða smið til að reisa húsið, mér fer nú að verða skapi næst að tala við lögfræðing og athuga hvað er hægt að gera, okkur var lofað að húsið yrði klárt um miðjann mars og það var miðað við að það næði þessu ákveðna skipi, það stóðst með skipið í þetta sinn, en að það skuli ekki vera hægt að ráða menn til að reisa húsið er alveg með ólíkndum og þó skilst mér að það séu til smiðir á lausu sem mega vera að þessu það er ekki málið.

    Það er vona á mönnum frá Ræktó á morgun til þess að finna einhvað út út þessu heita vatni, mæla einhvað og svoleiðis svo hægt sé að fara að vinna einhvað í þessum málum, lítið gagn í þessu vatni á meðan það er enn neðanjarðar.

     Það fæddust tvær kvígur á föstudaginn minnir mig önnur rauð og hin dauð.....sú dauða var aðuvitað hvít og einhvað snúin, við urðum að fá Gunnlaug til þess að ná kálfinum, en kálfurinn var nú ekkert rosa stór bara snúinn, nú og svo varð Gunnlaugur að koma aftur á laugardagskvöldið því kýrin var komin með doða, og önnur með júgurbólgu og hita, alltaf einhvert vesen en það fylgir svosem, við erum samt frekar heppin held ég með ástandið í fjósinu svona almennt.

24. feb. 2005

    Held að það sé ekki búið að finna smiði til að reisa húsið......þetta er nú ekki gott og ég ekki mjög kát en ætla rétt að vona að þetta skýrist um helgina.

    Það er búið að vera voða gott veður í dag, kannski að það fara bara að vora en þó held ég nú að það sé full mikil bjartsýni. 

    Er búin að liggja yfir einhverri markaðsfærði í dag, þetta lítur voða vel út og auðskiljanlegt þar til maður þarf að finna út úr einhverju sjálfur, það er svo lítið mál að smaþykkja það sem maður les og þykjast skilja það en verra þegar á reynir með þessi verkefni.

   Við Sigga vorum að ræða allskonar skólamál, hvað er gaman og hvað ekki, skylst að sund sé til dæmis ekki gaman, skil það svosem vel.  Svo sagði Sigga allt í einu ,,ég sé það alltaf betur og betur hún Ingveldur var langbest".  Þannig að hún saknar nú gamla kennarans dálítið enda var Ingveldur ekki bara kennarinn þeirra heldur vinur þeirra líka og svo mikil ungamamma ef á þurfti að halda.  En það er ekki á allt kosið, einhver börn á Selfossi græða bara á því að fá hana núna.

  Annars var Sigga að taka þátt í einhverri stærðfræðikeppni í gær, hún og Hjörtur Freyr sem býr í Laugarási fóru úr níunda bekk, veit nú ekki hverjir fóru úr tíunda bekk, allavega ekki Guðni Reynir heheh ef þetta hefði verið fótbolta keppni hefði hann örugglega átt sjens á að fara en kannski ekki stærðfræði.

   Dóri átti að fara til tannlæknis í dag, en fullyrti að hann væri alveg útskrifaður og harðneitaði að fara en Sigga átti eftir að fara og fór í hans tíma, held að Sigga sé ósköp fegin að bera búinn en Dóri fékk tíma í mars en þá átti Sigga að fara þannig að hann situr í súpunni með það.

23. feb. 2005

    Nú eru gámarnir komnir með húsið okkar, þetta eru þrír gámar og nú bíður maður bara spenntur eftir að einhvað meira gerist.  Það þarf fyrst að finna smið...vona að verktakinn sem er með þetta hús okkar á sinni könnu verið snöggur að finna einhvern til að reisa húsið, hefði auðvitað átt að vera löngu búinn að ganga frá því en það er lítið gagn í húsinu í gámunum.

    Það var farið með tvær kýr í sláturhús í dag, báðar einhverjar júgurbólgu kýr.

    Nú og það hefur verið ákveðið að kaupa traktórinn sem um ræddi þarna um daginn, það er semsagt New Holand traktór sem verður 135 hestöfl þegar búið verður að setja í hann túrbínu.  Við setjum Fordinn upp í, það vekur mismikla lukku því Halldór er alveg öskuillur yfir þvi að það eigi að selja traktórinn ,,hans" þegar ég sagið honum svo að ég væri að fara í fjós í kvöld sagði hann bara ,,ef það verðu ekki búið að selja allar beljurnar líka...." mjög fúll semsagt.

22. feb. 2005

     Ef það var vorveður í gær þá er bara sumar í dag held ég bara, veðrið búið að vera æðislegt og engin þoka eins og í Reykjavík skist mér.

     Guðni Reynir ákvað að fara á hestbak með Dóra frekar en að fara á fótboltaæfingu, en æfingin átti að  vera inni.  Nú ekki gekk reiðtúrinn eins vel og tíl stóð því folinn hans Dóra, hann Skjóni var ekki alveg sammála þeim bræðrum um ferðahraðann og það endaði með því að Dóri labbaði heim og Guðni Reynir varð líka að labba því Sjóni var ekki á því að fara einhvað rólega í taumi.  Bjössi fór svo á Skjóna í kvöld og einhvað fékk aumingja Skjóni að hreyfa sig.

   Nú Sigga og Freydís sáu fram á að geta snýkt sér far á Selfoss, bara til að slæpast þar held ég.

21. feb. 2005

    Það er búið að vera rosa gott veður í dag, manni finnst eins og það gæti hugsanlega farið að vora bráðum.

    Bjössi og Bensi fóru í bæinn í morgun að skoða traktór sem er verið að velta fyrir sér að kaupa, held að þetta sé New Holand rosa stór og fínn ekki að spyrja að því en það þarf eða er æskilegt að fá sér stærri vél við nýju samstæðuna, svo þetta virki nú allt það er ekki nóg að kaupa stóra rúllusamstæðu ef það er ekki tíl traktór sem ræður við gripinn.

     Í dag komu smiðirnir eða allavega einhverjir á þeirra vegum og tóku allt dótið sem fylgdi þeim sem unnu sökklana.  Nú er þá komið pláss fyrir gámana sem húsið er í, hugsa að þeir komi á morgun og vonandi er búið að finna einhverja sem setja svo húsið upp, auðvitað væri best að fá sömu menn og gerðu sökklana, en þetta breytist dag frá degi allavega þær uppl. sem ég fæ, en það kemur í ljós vonandi þegar varið verður að setja húsið upp.

   Magga á afmæli í dag, þetta er einn af fáum dögum sem ég man yfirleitt eftir, til hamingju með daginn Magga mín.

20. feb. 2005

     Maður er bara alveg hættur að nenna að skrifa nokkurn skapaðann hlut hér, en samt er nú alltaf einhvað að gerast.

    Í dag er búið að vera hálfgert letilíf en þó erum við Dóri búin að fara á Selfoss, en bara eina ferð í dag, en á sunnudagsmorgnum er æfing klukkan 10 á morgnana, þetta er svosem ágætur tími.

   Annars er daginn farinn að lengja alveg ótrúlega, það er bara orðið ansi bjart ansi lengi, það er svo skrítið að það er bara myrkur finnst manni og svo bara einn daginn orðið bjart, það er ekki eins og þetta hafi verið að smá gerast.

       Við Halldór fórum á Selfoss í gær,en 6. fl í fótboltanum var með kökubasar til að safa fyrir Vestmannaeyjarferðinni í sumar, nú þetta gekk vonum framar og þegar það voru rétt um 10 tertur eftir og þá er ég að tala um alvöru hnallþórur, þá duttu þarna inn jakkafatamenn úr stórborginni sem höfði augastað á plássinu sem við vorum að nota og viti enn þeir keyptu bara upp allar kökurnar.....rosa heppnar við, held að þetta hafi bara verið búið um 15.00 ekki seinna.

    Á meðan var Guðni Reynir og co. í 3 fl. í fótboltanum á Selfossi að keppa á Íslandsmóti innanhús held ég örugglega og þeir fengu 4 sæti sem er nú ansi góður árangur, bíðið bara þar til þessir drengir komast út í rok og rigningu þá fara þeir að raða inn titlum.

    Sigga, Bjössi, Jonni og Sævar fóru líka á Selfoss en krakkarnir tóku með sér hesta en gömlu mennirnir fengu lánaða hesta á Selfossi, og það var farið í Þorrareiðtúrinn á Selfossi, þetta var víst rosa gaman.  Allt þetta Selfossstúss í gær kostaði mig fjórar ferðir á Selfoss... ekki mjög gaman fannst mér.

16. feb. 2005

     Held bara að við séum að ná heilsu, ég fór allavega í fjós í kvöld og við Bjössi förum í morgunfjós í fyrramálið, nú og Dóri fer í skólann á morgun.  Sigga er enn spræk, reyndar eru þær vinkonur Sigga og Freydís í singstar núna......er nú hreinlega ekki viss um að það sé í lagi með þær..

   Hvað um það haldið þið ekki að húsið fína sé bara komið til landsins og búið að borga svo hægt sé að ná gámunum úr tolli, þannig að það er bara von á 3 tuttugu feta gámum hér á morgun eða hinn allavega fyrir helgi skilst mér, svo nú þar að klára að fylla inn í sökklana en ég held nú að Gummi í Hólum sé langt komin með það.  Þá er bara að vona að verktakinn sé búinn að ráða menn til að reisa húsið, svei mér þá ef þetta er ekki bara að gerast.

     Nú Guðni Reynir hafði það af að komast á fótboltaæfingu í kvöld en þessi æfinga er jú alveg nauðsynleg það er bara þannig, valið í einhvað lið og allt að gerast, og aumingja Guðni Reynir búinn að liggja í flensu og fótboltaferillinn í molum....en vonandi er hann það sprækur að hann tolli í liðinu, en það er svosem gott að menn þurfi að keppast við að vera í liðinu ekki gott að vera sjálfkrafa þar það getur ekki verið gott.

15. feb. 2005

     Það gengur frekar hægt að ná heilsu þó held ég að við Dóri séum á endasprettinum, er ekki eins viss um að Bjössi sé nokkuð að skána, en reyndar ekki að vesna heldur en sjáum hvort við lifum ekki fram að helgi úr þessu.

14. feb. 2005

     Hér liggjum við bara í hita og flensudruslu, það er Bjössi, Halldór og ég, sjálf held ég að ég hafi bara ekki fengið hita síðan ég var krakki, en hvað um það þetta hlítur að líða hjá fyrir rest.

     Sævar Ingi á afmæli í dag og er líkast til 14 ár og svo er það hann Voði sem á líka afmæli held að hann sé 8 ára.  Til hamingju með daginn báður tveir.

13. feb. 2005

    Guðni Reynir loksins að komast á skrið eftir flensuna en nú er Bjössi orðinn veikur og Halldór líka, sjálf er ég hálf slöpp en þetta bítur ekkert á Siggu ennþá.

    Við fórum á Selfoss til mömmu og pabba í matarboð, Bjössi var heima með hita en Dóri fór með, var ekki komin með hita um hádegið.  Það er alveg merkilegt að þeir sem eiga lengst að eins og Halldóra frænka sem býr í Húnavatnssýslunni, hún mætir alltaf en hinir sem búa nær er voða uppteknir og er ég svosem engin undartekning þar.  Annars kom Líney reyndar ekki en hún býr í Bandaríkjunum.

10. feb. 2005

    Það var frí í skólanum í dag og foreldraviðtöl, Guðni Reynir er enn veikur og með hita, held þó að það hafi ekki verið veikur af áhyggjum heheh þetta kom ágætlega út hjá krökkunum öllum, eru bestu skinn og gengur bara vel.

    Það snjóaði ekkert smá í gærkvöldi og er orðið ansi mikill snjór hér, það snjóaði reynda aðeins í dag líka, Orri minn, það er hvolpurinn var voða kátur með þetta en það var nú ekki meira en svo að það rétt sæist í trýnið á honum up úr snjónum, það var alveg mesta furða hvað hann komst um í svona miklum snjó.

   Bjössi og Sigga eru búin að vera dugleg að fara á hestbak í dag, búin að hreyfa slatta af hrossum og gott ef ekki er búið að járna Hrekkja Brún upp líka.  Nú Gráni gamli er kominn á járn og er óhaltur skilst mér svo þetta stendur allt til bóta, samt alveg agalegt að reiðhöllin skuli nú ekki vera tilbúin.  Við vorum samt heppin að það var ekki í skiptinu sem fórst um daginn en það voru víst gluggar og hurðir frá Guðmundi Rúnari og Særúnu, sem átti að fara í nýja húsið sem þau eru að byggja, þannig að það tefst líklega einhvað að húsið þeirra verið fokhelt.

9. feb. 2005

   Þá er það öskudagurinn, ég fór á Selfoss, en Dóri og Ingþór á Bíldsfelli ætluðu að hittast þar og vera með í öskudagsstemmingunni þar.  Það var bara rosalega gaman, og þreyttir drengir sem komu heim með verki í fótum þrátt fyrir að vera keyrðir á milli staða meira og minn, held að þeir hafi bara komið við í næstum hverju einasta fyrirtæki á Selfossi.

   Það fór ekki svo að flensuskömmin næði okkur ekki en í morgun þegar stóru krakkarnir ætluðu í skólann þá var Guðni Reynir með mikið af beinverkjum og 39 stiga hita, karlræfillinn veit varla hvað það er að vera veikur og veit bara ekkert hverng hann á að vera. 

8. feb.2005

    Það er bara snjókoma í augnablikinu hér, en annars voða gott veður.  Halldór er búinn að ákveða að fara á Selfoss á morgun Öskudag og ganga á milli búða og syngja....það gengur samt ekki alveg að fá frí í skólanum fyrir hann en þar á að vera kennsla fyrir hádegi og svo einhver samkoma eftir hádegi á Borg sem mínum manni finnst nú ekki spennandi miðað við að hafa farið á Selfoss undanfarin ár.  Nú og ekki þýðir að fara eftir klukkan 15.00 á Selfoss en þá veður búið að loka á alla krakkana með að fá nammi í poka, sjálfsagt allir búnir að fá nóg þannig að það er annað hvort fyrir háldegi eða ekkert skilst mér.  Hef grun um að það séu fleiri sem ætla sér á Selfoss þannig að það er dálítil pressa á skólastjórann með þetta en ég skil svosem bæði sjónarmiðin en þegar maður er komin á tvítugsaldurinn er ekki mikið spennandi að slá köttinn úr tunnunni ásamt leikskólakrökkunum....en þetta skýrist vonandi í dag hvað verður, en mér skilst að minn maður sitji frekar heima en að fara í skólann, búinn að fá að fara á Selfoss í nokkur ár í röð minnir mig.

    Ég er aðeins farin að velta fyrir mér hvaða stóðhestar eru INN í sumar og eins hvort ég ætti að halda merunum mínum sem eru að verða þriggja vetra í vor þær mundu þá kasta fjögra vetra, en ég prufaði þetta í fyrra með Hæru og nú er verið að temja hana og ég get ekki séð annað en að hún sé bara vel stór og ansi öflug.  En í augnarblikinu held ég að ég eigi tvær hryssur á þessum aldri það er hún Rispa sem er litförótt og svo hún Lísa sem er albínói.  Við eigum hér fola sem verður tveggja vetra í vor og er ógeltur, hann er reyndar staðsettur í Hemlu núna hjá Lottu og Vigni, hann er úti og á að veita folanum þeirra félagsskap í vetur... þetta er jarpur foli undan Gerplu frá Hofi sem er Kolfinnsdóttir og svo er hann undan Hrym frá Hofi. 

   Nú ætti að fara að styttast í að húsið okkar komi til landsins en eftir því sem ég best veit er það í skipi núna og ætti að koma í höfn í næstu viku, held að ég hafi einhverntímann heyrt talað um 12 feb.

  Svo erum við farin að velta fyrir okkur hitaveituframkvæmdunum, það þarf að fara að finna út úr því á hvaða enda er best að byrja þannig að þetta verði nú allt eftir settum reglum og að þessi hitaveituframkvæmd komi til með að virka þannig að þeir sem fá vatn fái þá nóg af því maður hefur heyrt um nóg af klúðir í svona framkvæmdum, svo það er bara að vona að við hittum á að gera þetta rétt.

5. feb. 2005

  Það var rosalega kalt í morgun þegar ég fór í fjós, en í gærdag var nokkuð hlítt.  Smiðirnir sem eru að smíða sökklana á stálgrindarhúsinu kláruðu í gær og eru farnir, nú er bara að bíða eftur húsinu sjálfu en það er komið í skip skilst mér og von á því á hafnarbakknann eftur um viku.  Þá fer nú allverulega að stittast í að húsið komist upp en við erum með loforð um að það verði klárt um miðjann mars, vonandi ekki seinna en 1 apríl 2005, en sjáum til kannski verður það bara klárt fyrir páska það væri nú ekki leiðinlegt.

   Það kom eitt stykki nautkálfur í gær, hann fer til Guðmundar og Stínu á Bíldsfelli. 

   Ég er nú ansi lítið farin að glugga í skólabækur held að ég hafi bara tekið allt of fáa áfanga, en í raun er ég með 6 áfanga en tveir þeirra eruð aðalega unnir í sumar, og einn dreifist á heilt ár þannig að í raun eru bara þrjú fög sem ég er að glugga í núna og er bara varla farin að líta í bók þar sem ég þarf ekki að skila neinu verkefni fyrr en 11 feb. held ég.  En það er svosem ekki ástæða til að líta á þetta fyrr en á síðustu stundu hehe.

   Jonni og Bjössi reyndu að fara á hestbak í gær og ætluðu margar ferðir en gáfust upp eftir eina ferð út af kulda, veit svosem ekki hvort Bensi fór með þeim en hann ætlaði ekki þar sem hann er núbúinn að vera í einhverri pest og ekkert vit að fara á bak, en auðvitað er ómöguelgt að segja hvað mönnum dettur svo í hug.

2. feb. 2005

     Nú er maður að verða sprækur aftur eftir þorrablót allavegana ég, Bensi bróðir reyndar lagstur í bælið með flensu held það komi þorrablótinu ekkert við.

   Það er búið að vera ansi leiðinlegt veður í dag, rok og rigning, ég druslaðist samt á hreppsnefndarfund og fór svo á Selfoss með Guðna Reyni á fótboltaæfingu og hundana í dýralæknisskoðun, Orri og Doppa Dóra fóru í parvó allir auðvitað við hestaheilsu hittum meira að segja litla kútinn hennar Stefaníu hann var bara svo sprækur, litli kraftaverkahvolpurinn.

   Ég var alveg orðin fóðurlaus í hundana í gær og auðvitað hringdi ég í Hörð, það er alveg með ólíkindum hvað hann nennir að snúast í kringum okkur kerlingarnar og ætti að fá orðu fyrir, en hann semsagt sótti fóðrið og ég kýkti svo í kaffi í gærkvöldi, fór með Orra með mér hann var aðeins feiminn við Kát en ekkert agalega, fljótur að átta sig.

31. jan. 2005

    Á föstudagskvöldið var stormað hér á þorrablót, það var bara ansi vel lukkað, við Bjössi búin að undirbúa okkur undir að lenda í þorrablótsnefndinni enda ekki verið þar síðan þorrablótið 1991 minnir mig, Bjössi var jafnvel búinn að ráða hljómsveit og alles, en viti menn, einn ganginn enn sluppum við og ekki laust við að manni hafi létt aðeins.
    Skemmtiatriðin voru bara ansi góð og ágætis matur sjálf hefði ég viljað að súri maturinn þessi eina sneið af slátirnu sem ég smakkaði hefði mátt vera aðeins súrari en þetta var bara fínt.

   Hér hefur tíðkast undnafarin ár að hafa annann í þorrablóti, sem er alveg bráðsniðugt, það vaknar jú ekki nokkur maður þunnur hér eftir þorrablót og því er upplagt að hafa hesthúsveislu og fara á bak.  Í einhverju ölæði lofaði ég Jonna og Bjössa því að nú skildi ég fara á hestbak með þeim á laugardeginum og þegar svoleiðs ákvarðanir eru teknar þá er nú ekki aftur snúið.  Ég komst nú á bak en það var svo hvasst og mikil rigning að ég hélt á tímabili að húddið á merinni myndi fjúka upp enda ekki stætt hér á laugardaginn út af roki.  En það var dágóður hópur sem dreif sig af stað, annar hópur þurfti svo að sinna gestum sem voru mættir í hesthúsið en það voru Birgir og Guðmundur Friðmar á Hæðarenda, það stóð hélt ég til að þeir færu með á bak eins og í fyrra en vegna veðurofsans var því fresta, en koma tímar Birgir minn...

    Nú Magnús nætti svo en hann átti eftir að taka síðustu hrossin sín á hús, hef svosem ekki heyrt um jeppa með kerru sem fauk þann dag svo við gerum ráð fyrir að hann hafi komist suður með klárana.

   Það var svo mikið vatnsveður hér og rok að húsið hjá mér fór að leka, og viti menn það lak vatn niður um eitt ljósastæðið, veit ekki alveg hvernig það gat gerst, og skil heldur ekki alveg af hverju rafmagninu sló ekki út, en það er svo sem ekki gott að segja, reyndar var hér hópur manna á laugardaginn sem ætluðu að ganga í að kanna þetta en kannski sem betur fer gleymdist það.

   Sunnudagurinn hjá mér fór svo í að leggja mig hehe en 24 byrjuðu jú í gærkvöldi og því rík ástæða til að  leggja sig aðeins til þess að geta nú vakað yfir sjónvarpinu til ellefu...

27. jan. 2005

    Það er verið að steypa einhvað í nýja stálgridarhúsinu sjálfsagt sökklana skulum við ætla, þannig að nú er bara að bíða og sjá hvort húsið sjálft fari svo ekki í skip á tilsettum tíma þarna í útlöndunum annast líst mér illa á.

    Nú er búin að vera hláka í nokkra daga, við Bjössi notuðum tækifærið í gær og fengum lánaða hestakerru á Selfossi til þess að koma henni Hæru austur í Hemlu en það á að stefna á að koma henni í sýningu í vor.  Nú hestakerran okkar er enn í viðgerð eftir að hún valt í haust en vonandi fer hún að komast að gagnið, það er ómögulegt að vera svona kerrulaust og ekki gott  að þurfa að hendast á stóra bílnum en við eigum 8-9 hesta bíl sem meira að segja ég má keyra.....

   Nú að styttist í Þorrablótið það er bara á morgun takk fyrir og svo annar í þorrablóti sem verður hér í hesthúsinu á laugardaginn, hugsa að það verði kannski bara skemmtilegra en þetta sem verður annað kvöld en það er þó ekki gott að segja hvernig það verður.  Bjössi og Bensi eru svo að moka út úr hesthúsinu, væntanlega svo það verði fínt í því á laugardaginn.

24. jan. 2005

    Mér finnst ég bara búin að fera á ferðinni alla helgina, að keyra á æfingu eða sækja af æfingu nú og sækja Siggu.

   Nú tengdó virðast vera að ná sér af flensunni og farin að huga að þorrablóti en mamma og pabbi mæta ekki en pabbi var í aðgerð á hné og eins og honum einum er lagið fékk hann sýkingu og allt sem því fylgir, en er að skríða saman og kom heim af spítalanum í dag, fannst nú ekki árennilegt að koma karli heim í þessari líka hálku en Bensi fór og sótti hann og allt gekk bara vel.

    Annars er  búið að vera rigning í dag og þvílík hálka að það hefur bara varla verið fært út í fjós, en kýrnar fengu samt þá hugmynd hvort ekki væri nú ráð að kýkja út en leist ekki á blikuna þegar framlappirnar komu á klakann og ákváðu að vera bara inni enda áttu þær ekkert að vera að þessu veseni, en þær fundu út í nótt hvernig ætti að opna hliðið og sáu að rétt væri að æfa þetta aðeins í dag.

   Ég varð dálítið hissa í dag þegar pósturinn kom með risa pakka handa mér í póstkröfu, en svo rifjaðist upp að eitthverntímann fyrir jól hafði ég sent haus af ferhyrntum lambhrút í uppstoppun og hér var hann kominn, og viti menn hann lítur mikið betur út svona en á meðann hann var á fæti, þetta er rosa flott en Stefán frá Gilhaga sem er staðsttur í Varmahlíð gerði þetta svona listavel.

   Nú þorrablótið verður svo á föstudagskvöldið, og ég er alvarlega farin að velta fyrir mér að fara bara með rútunni, og taka sjens á að vaka þar til ballið verður búið, þó er nú engu að treysta í þeim málum.

22. jan. 2005

     Það er ansi lítið búið að vera í gangi hér, bara kalt og meira kalt, annars fór Dóri á æfingu í gærkvöldi og kom heim með frekar slæmar fréttir en það stefnir allt í að þjálfarinn hans sé að hætta sem er jú alveg agalegt fyrir þá sem þekkja Dóra þjálfara, það verður ekki auðvelt að fá annann þjálfara sem kemst í hálfkvist við Dóra, en mér hefur fundist bæði strákarnir og foreldrar vera alsæl, en svona er þetta bara og vonandi fá strákarnir góðann þjálfara þegar þar að kemur.

    Annars eru strákarnir á hestbaki, Sigga ekki heima.....úps erum við hissa, ég held ekki hehe.

19. jan. 2005

     Það var ansi leiðinlegt veður hér í dag en spáinn sagði víst að það ætti að vesna þegar liði á daginn allavegana hélt ég það og fór á Selfoss í morgun og skrapp svo aðeins á Stokkseyri, þegar ég var svo komin þangað og rétt farin að smakka kaffið þá skall bara á leiðindarveður svo ég flýtti mér bara heim og var komin hér heim rétt fyrir hádegi.

      Það var svo eitt stykki kálfur í fjósinu í morgun þegar Bensi og Kristín fóru í fjós en hún Gosa átti kvígu í þetta sinn.  Nú og í gær fæddist nautkálfur undan fyrsta kálfs kvígu og gekk bara vel.

      Annars er maður bara búin að gera ekki neitt í dag, það getur alveg verið full vinna stundum.

   Nú tengdaforeldar mínir eru bæði búin að liggja í flensu, og pabbi var í aðgerð á hné og er bara alls ekki búinn að vera nógu góður, fékk sýkingu og er með sýklalyf í æð, fær skammt á sex tíma fresti, annars var honum farið að líða eitthvað skárr í dag, og allar líkur á að það hafi verið hægt að komast fyrir þessa sýkingu sem betur fer.

18. jan. 2005

     Ég var á Hvanneyri allann gærdaginn, ég fór ásamt Hildi Maríu á Spóastöðum og Halldóru á Fossi, hálf var maður nú stressaður yfir veðrinu en við þorðum ekki annað en að fara þar sem við vissum að Rósa sem býr að Fjarðarhorni í Hrútafirði mundi komast og jafnvel þó Holtavörðuheiðin og Brattabrekka væru ófærar þá kom Rósa samt, svo við sunnlendingarnir sáum nú ekki hvernig við gætum fóðrað það að vera veðurtepptar.

     Nú það er komin skýring á því af hverju mér var ekki boðið í afmælið hans Stjána en viti menn það er ekki fyrr en í febrúar,svo það er enn möguleiki á afmæliskaffi.

16. jan. 2005

     Nú er ég búin að finna út að ég get haft sér fréttasíðu fyrir hundana og ætla að gera það, það er þá bara undir kersins kennel, rosalega er ég nú klár og svo get ég kannski haft þetta svona fyrir krakkana líka.

    Ég var búin að lofa einhverju upp í ermina á mér með þessa borholu, svo breytist þetta svo hratt að ég næ varla að fylgjast með en aðalatriðin eru þau að það er fullt af vatni ca. 35 sekúndulítrar og 58 gráður heitt þegar það er komið upp úr honunni en það lekur ekki sjálfkrafa upp en þó gæti farið svo eftir nokkra daga.  Nú efnagreiningin kom ekkert rosa vel út en svo þarf víst að dæla upp úr honunni í ca 2 daga og taka þá sýni til að vera viss.

    Það er búið að vera mikið hundastand á mér síðustu daga og allt um það sent ég bara inn á Kersins kennel síðuna.

   Annars er leiðindar veður núna snjókoma og lélegt skyggni.

   Gott ef hann Stjáni frændi á ekki afmæli í dag en ég hef nú ekki fengið boð um að mæta í afmæliskaffi...til hamingju með daginn.

11. jan. 2005

    Ég fór á Selfoss í dag og ætlaði að fara að ganga frá tryggingunum á hvolpana, en þetta var nú ekki eins einfalt og ég hélt, ég get í raun ekki keypt trygginguna og selt hvolpana með tryggingu þvi að hundseigandinn verður að vera tryggingartaki... ég þarf að finna eitthvað út úr þessu.

      Nú það er ansi mikill snjór hér, og farið að draga í skafla hér á afleggjarnanum.

      Af borholunni eru nú bara heilmiklar fréttir en ég ætlað ekkert að segja ykkur frá því hvernig þetta er fyrr en á morgun því ég á eftir að fá betri upplýsingar.

10. jan. 2005

      Bjössi og Guðni Reynir fréttu af lambhrút í sumarbústaðgirðingunni hans Gvendar Ben og fóru og sóttu gripinn sem reyndist vera frá Vaðnesi, það er lengi von á einu lambi... svona á milli bæja.

      Það vour fjórir hvolpar sem komu sem er bara ágætt fyrir Stássu, þetta eru bara ansi snotrir hvolpar finnst mér og líkast til flestir ef ekki allir seldir.

      Það var nú ekki spennandi veður í morgun snjókoma og rok en það er eitthvað skárra núna, Stássa er að gjóta og gengur bara vel þetta hefst allt saman fyrir rest. 

8. jan. 2005

        Það er búið að vera rosalega kalt í dag finnst mér.  Ég mætti einum nýfæddum kálfi í morgun þegar ég fór í fjós, þetta var kvíga sem var bara komin á röltið og virtist burðurinn hafa gegnið vel, en þetta ver fyrsta kálfs kvíga sem bar.

      Við héldum upp á afmælið hans Dóra í dag, Sigga bakaði pönnukökur og alles.

       Nú hún Stássa er búin að vera alveg róleg en svo í kvöld ákvað hún að reyna að laga aðeins til í gotkassanum, fannst nú að ég hefði líkast til raða haldklæðunum upp í vitlausri röð eða einhvað en svo fór hún bara út í horn að sofa en í dag er hún á degi 61.

7. jan. 2005

Halldór á afmæli í dag og er orðinn 10 ára, hann tilkynnti það svo þegar hann kom heim úr skólanum að hann væri kominn á tvítugsaldurinn....rosalega er maður orðin gamall þegar yngsta barnið er komið á tvítugaldur,,en það veru víst skiptar skoðanir á því hvenær maður kemst á þann aldur, daginn þegar maður veruð 10 eða 11 ára?

        Í morgun vaknaði ég með mígreni, og lá fram að hádegi, en þá druslaðist ég suður á flugvöll með hann Spurðann í flug til Boltemore.  Ég var svo heppin að Bjössi gat komið með og keyrt, nú flugið gekk svo bara ágætlega frétti ég og Spurðann bara hress og skíturgur þegar hann kom til Álfhildar sem tók á móti honum í Boltimore.

5. jan. 2005

       Ég hitti borararana áðan, og náði mér í uppl. fyrir heimasíðuna.  Þeir eru komnir niður í 206 metra, hitinn er 53 C° og ca 20 sekúndulítrar, mér skildist svo að allar þessar tölur ættu eftir að hækka ef allt fer sem horfir.

     Annars er búið að vera ágætt veður hér í morgun allavegana svona gluggaveður en núna um hádegið þá er bara þreifandi bylur.

4. jan. 2005

       Í dag fór ég með restina af hvolpunum í dýralæknisskoðun og það fundust örmerki í allann hópinn ég var nú ósköp fegin.  Það var allt í lagi með alla en ég var aðeins farin að hafa áhuggjur þar sem ég fann ekki alveg öll eistun en Ásdís fann þetta allt saman það sem mér fannst vanta er bara að detta niður svo ég þarf ekki að hafa áhyggjur af þessu.  Nú þá fara þeir að tínast á nýju heimilin, Lukka sem var einusinni Krafla er komin til síns heima og er bara alsæl, eins heimilsbúar, menn hundar og köttur.  Nú svo er það hann Klútur sem heitir núna Bjartur, mér skilst að hann hafi náð að heilla alla á sínu heimili, nú þá hann bara eftir að taka Ecco skóna hans Palla heheh.

          Hér er borðað eftir vatni og smíðað á fullu ég veit svosem lítið hvernig gengur en reynið að komast að því og læt ykkur vita.

3. jan. 2005

    Það er búið að vera ömurlegt veður í dag, fyrst var rok og snjókoma og svo rok og rigning, en núna undir kvöld var farið að ligna.

    Það var svo vont veður að ég ákvað að sleppa því að fara á Selfoss með strákana til tannlæknis en þrátt fyrir þetta veður komst fröken Sigríður til Reykjavíkur en mjög áríðandi virtist að komast í bæinn með Freydísi.

    Nú þrátt fyrir þetta vonda veður, þá komu smiðir hér í dag og svo komu borararnir líka, svo er bara að sjá hvort þeir hafi getað gert eitthvað, en smiðirnir eru búinir að vera að moka með gröfunni í allann dag, til þess að finna það sem þeir voru að gera síðast.

2. jan. 2005

    Það er búið að vera rosa kalt í dag, fór niður í -15 C° í morgun, en sem betur fer er búið að vera logn þannig að það hefur bjargað deginum.

    Ég er búin að sofa megnið af deginum heheh, það kemur engum á óvart sem þekkja til.

     Ég er enn að finna út hvernig þessi síða virkar en ég held bara að þetta eigi eftir að kom hjá mér, ég er semsagt búin að setja fréttirnar hér til hliðar, en þarf að finna út úr því hvernig ég linka gömlu fréttirnar inn, semsagt set svona undirdálk fyrir þær.

       Nú við fórum á brennu og flugeldasýningu í gærkvöldi, það var bara flott en rosalega var kalt jafnvel inn í upphituðum bíl var skítakuldi, svo mannskapurinn stoppaði ekki lengi við.

1. jan. 2005

       Bjössi á afmæli í dag, til hamingju með daginn og árin 42 held ég bara.

   Nú byrja vandræðin með síðuna, hvað skal gera við gamla árið... er nú ekki alveg búin að átta mig á því en ekki hendir maður því sisvona í ruslið eða hvað????

  Jæja nú er bara komið nýtt ár þetta er nú ótrúlegt hvað þetta líður orðið hratt þessi tími þetta var ekki svona í denn...

  Við fjölskyldan fórum í gærkvöldi til Ingu Dóru og Gumma á Selfoss, það var rosa gaman, ég var að vísu orðin dálítið sibbin og hef nú sterkann grun um að ég hafi verið farin að dotta í stólnum, en hvað um það, við komum heim um kllukkan 4 í morgun sumir þreyttari en aðrir, Dóri var þó á því að athuga hvort ekki væri eitthvað í sjónvarpinu sem hann gæti horft á .... hann var ekki kátur þegar ég kom og slökkti.

  Nú það stendur svo til að fara út á Borg á brennu í kvöld skilst mér og sjá flugeldasýningu hjá Hjálparsveitinni Tindron.