|
31 des 2003
Ég fékk sms frá Írisi í dag og viti menn Edda er
farin að lóða en
það er í fyrra fallinu en síðast var nærri ár á
milli lóðaría en núna
eru ,,bara " 8 mánuðir á milli þannig að ef hún
verður pöruð næst
koma jólahvolpar 2004. Þá er bara að finna
hundinn, en við
hljótum að detta niður á einhvað spennandi ef
maður bara skoðar
málið í tíma en ekki daginn sem hún er hálóða...
Þennann bakgrunn fann ég á síðunni hans
Hrings
30 des 2003
Það fór aftur að
snjóa í nótt og aftur orðið ófært en Bjössi er
búinn
að moka afleggjarann aftur, nú svo fór hann niður
í Vaðnes
að moka einhvað sumarhúsafólk út en það hafði
lokast inni.
29 des 2003
Í dag er búið að vera vitlaust veður og
hundarnir neita bara
að fara út, hvað þá aumingja ég. Það snjóði,
og var líka bylur
og núna undir kvöld þá var komið rok og rigning og
allt orðið
ófært en Bjössi er búinn að moka svo að
mjólkurbíllinn
komist í fyrramálið.
Ég er voðalega óróleg út af merunum mínu, bíð
bara eftir að
sú næsta fari, líkast til verð ég að fá miðil í
málið eða bara
draugabana ef þeir eru starfandi hér.
Ég fæ skjóttu merina mína ekkert bætta úr
tryggingunum, en
það dugar víst ekki að vera með búfjártryggingu,
þó svo þetta
hafi verið slys, merin hefðu þurft að brenna inni
eða einhver
keyrt á hana og stungið af til að hún fengist
bætt, þannig að
það sem við bændur kaupun sem búfjártrygging er
ekki
búfjártrygging heldur brunatrygging búfjár.
Manni dettur stundum í hug að réttast væri að
vera bara alveg
ótryggður og ef einhvað kemur uppá þá virðast
alltaf fara af
stað einhverjir hópar sem safna yfir aumingjans
fólkið sem
ekki tryggði sig, og fær þá enn meiri ,,bætur" en
þeir sem eru
að borga tryggingar.
28 des 2003
Við fórum í jólaboð til Kötu frænku og
fengum frábærann
mat enda ekki von á öðru þar á
bæ, mætingin var verulega
góð, það mættu bara allir held ég og Líney frænka
kom heim
frá Ameríkunni.
26 des 2003
Ég missti eina af mínum uppáhalds hryssu í
gær, hún var sett
ásamt öllum hinum húshrossunum út á tún svona til að teygja úr
sér, en hún hljóp ofaní rimlahlið og fótbraut sig, þó var búið að
leggja jeppa
yfir hliðið til að fyrirbyggja að hrossin færu á hliðið,
en feigum verður ekki
forðað. Þetta er önnur brúnskjótta hryssan
sem ég missi á árinu og ég hef
nú svosem skýringar á því sem er
kannski of langt að telja hér.
25 des 2003
Ég fékk stóru hundabókina í jólagjöf og hef
bara varla verið til
viðtals síðan.
24 des 2003
Guðni Reynir elsti sonurinn á bænum ákvað að
það skildi hleypt
til að aðfangadag og þar sem hann hefur nú mestann áhuga á
sauðfrárræktinni það fékk hann að ráða þessu. Ég fann líka
fjárbók sem
Kiddi afi hafði sitt sauðfjárbókhald í árin 1960-1962 og
þetta er mikið skoðað.
23 des 2003
Stássi komst á leiðarenda í gær og var víst
alsæll og heillaði alla
en ekki hvað. Nú Skellir er þá einn eftir úr þessu
goti og hann fékk
að fara í fjósið í morgun, það var alveg sama hvort voru
kýr á hans
leið eða ekki hann var alltaf jafn yfirvegaður og rólegur, hann fór
bara þangað sem hann þurfti og ef það var kýr á hans leið fór hann
bara undir
hana eða framhjá, hann minnir mig mikið á Glampa á
þessu aldri, en hann var og
er svona yfirvegaður líka og það bítur
ekkert á þá og þá heyrist varla í þeim.
Guðni Reynir tók daginn í gær í að skipta
niður fénu en það er jú
ekki sama hvaða kindur fara undir hvaða hrúta, hann var
einn að
ragast í þessu og dró þessar rollur fram og til baka, þannig að nú
ætti
að vera klárt að fara að hleypa til.
22 des 2003
Ég notaði ferðina í bæinn í morgun og fór í
Royal Canin til að ná
í starter hvolpamat en nú er tími kominn á að fara að gefa
litlu
hvolpunum með, þeir voru alsælir en tík no 6 missti sig alveg og ef
ég
hefði ekki fylgst vel með hefði hún étið diskinn líka þvílíkur
gleypigangur, hún
á eftir að verða eins og mamma sín en mamman
étur allt sem að kjafti kemur erum
við vön að segja, og þá eru
kústsköft og gsm símar ekki undanskildir...
Jæja ég er búin að fara með Stássa í bæinn,
þar tók við honum
yndislegt fólk sem ætlaði að ferja hann í Grundafjörð,
Stássi var
dauðfeginn að losna úr búrinu í mínum bíl þrátt fyrir að Skellir
hafi
fengið að fara með í bíltúr, en Stássi var svo heppinn að fá að
vera afturí hjá
tveimur börnum, ekkert smá stuð, svo er bara að
vona að ferðin hafi gengið vel,
en ég fæ væntanlega fréttir af honum
í kvöld.
Í gær var hér 16 stiga frost og svo snjóaði í
nótt þannig að það er
varla hudni út sigandi þeir þurfa allavegana að stökkva
áfram eins
og mýs til að komast yfir skalfana í dag.
Stássi er á leið í Grundarfjörð og ég ætla með
hann í bæinn í dag
en hann er búinn að redda sér fari vestur það er svo vondandi
að
hann eigi eftir að ská í gegn þar en það verður varla spurning svona
sjarmerandi hundur.
18 des 2003
Ég var að fá HD niðurstöðu fyrir Kersins
Stássu og hún er
HD fri B.
17 des 2003
Ég held að tík númer 2 sé komin með nafn en
hún fær nafn frá
ömmu sinni og ég held að það passi henni vel en það er Kersins
Lubba kannski bæti ég einhverju aftan við nú og svo er það hundur
no 1 er ég
kalla hann ,,Hömmerinn" ætli hann verið ekki Kersins
Haukur Hömmer
15 des 2003
Ég fór í síðasta prófið í dag allavegna ef ég
hef náð prófunum þá
er komið jólfrí og nú fer ég að snúa mér að einhverju öðru,
baka
eða einhvað hahah
14 des 2003
Það var svona tveggja tíma prógram að taka
myndir af þessum
elskum, það er hvolpunum, en Sigga er búin að dunda við þetta í
dag og staðið sig með prýði. Vandamálið er
að rugla þessu ekki
öllu saman þegar loks nást góðar myndir. Nú
svo voru gripirnir
viktaðir, Bondinn er búinn að ná sér á strik og no
5 er aftur orðin
minnst en einhver verður að vera minstur og svo er
það bollan no 2
sem er þyngst. En no 3 (Sá með Batman grímuna)
fylgir henni fast á
eftir.
Hundur no 3 sá með batmangrímuna er aðeins
komin með rifu á
augun en tík no. 6 er búin að opna.
Haldið þið að ég hafi ekki gleymt í
upptalningunni í gær
folaldinu sem hann Sverrir á von á undan Galdri frá
Laugarvatni
og henni Gloríu minni sem ég á en hún er jarpskjótt. Gloría
var
veik um daginn en er hin hressasta í dag og vonandi er folaldið í
henni
ennþá.
13 des 2003
Það fæddist eitt stykki kvíga hér í dag og
ekki veitir af að fá
stundum kvígur.
Nú er búið að taka inn alla þá hesta sem verða inni í vetur þetta
gera 33 hestar
á járnum, frá reiðhestum og niður í
tamningartryppi. Nú svo er hún Lísa
mín inni en hún er fædd 2002
og mætti alveg bæta á sig, verst með litinn á henni
en hún er albínói
en verður varla hvít í allann vetur, nú og svo eru folöldin
komin inn
en þau eru 6 og svo er hann Trausti úti með mömmu sinni en Einar
Óli á
Trausta sem er brúnskjóttur foli en Bóthildur mamma
Trausta fór undir Andvara
frá Ey og kom geld úr girðingunni svo
henni er engin vorkun að hugsa um Trausta
úti í vetur. Trausti er
undan $.
Folöldin sem eru annars inni eru Kleópatra,
bleik eða ljósrauð
hryssa undan Hyllingu og $, og Viska sem er bleikálótt undan
Hryðju og Limma mínum, en þessi tvö folöld á ég. Bjössi á svo
jarpann fola
sem er skráður sem Gustur en kallaður Gráni (átti að
verða grár) hann er undan
Hrym frá Hofi og Gerplu hennar
Selmu. Bensi bróðir á svo rauða hryssu sem
heitir Henríetta en
hún er undan Sörlu hans og Limma svo á hann
rauðtvístjörnótta
hryssu sem heitir Hemja en hún er undan Ham frá Þóroddsstöðum
og Spólu en Spóla er meri frá mér. Þá er bara eitt folald enn en
hann Adam
á Selfossi á það, það er leirljós hestur undan
Drottningu hans og Roða frá Múla,
það er enn verið að reyna að
finna nafn á hann en hann verður kallaður Adam þar
til viðunandi
nafn finnst.
Nú það er von á einhvað af folöldum hér næsta
vor, ef allt fer að
vonum það koma líkast til 3 undan Linda sem er jarpskjóttur
foli
sem er fæddur 2001 og ættaður héðan. Nú það á að koma eitt
undan Gust
frá Hóli og Hæru sem er bleikvindótt, þar vonast ég
eftir vindóttur og helst
ekki grávindóttu, eitt undan Aron frá
Strandhöfða og Spólu, eitt
undan Kjalari frá Skagaströnd en hann
er brúnskjóttur undan Hilmi og Hryðju en
Hryðja er bleikálótt og
ég er að vona að þar komi bleikálótt skjótt. Svo er von
á einu undan
Sjóla frá Dalbæ og Sörlu en Bensi bróðir á Sörlu og hann fær aldrei
neitt nema rautt, með mismargar stjörnur og kannski blésu ef hann
er heppinn.
Nú og svo á hún Selma vinkona mín hér hryssu með fyli
við Þóroddi sem er nú ekki
slæmur kostur.
12 des 2003
Nú er hádegi og hér er bara snjókoma, hélt að
það ætti bara að
rigna í dag, en það var rigning í morgun.
Hvolparnir eru hinir sprækustu og nú eru 4 í
viðbót búnir að
opna augun, það eru bara hundur númer 3 og tík númer 6 sem eru
einhvað að draga þetta.
10 des 2003
Hvolparnir dafna og stækka ég held mikið upp
tík no 2, og ætla
kannski að eiga hana sjálf og er að reyna að finna nafn á
hana, hún
er eini hvolpurinn sem er farinn að opna augun.
7
des 2003
Hvolparnir dafna vel. No 7 er farinn að
þyngjast, og ég er búinn
að uppfæra þyngdina á þeim inn á síðunna þeirra.
Fékk ábendingu
um að það yrði nú að fara að koma nafn á þá það væri ekki hægt að
kalla hvolpinn No 7 svo mér datt í hug að James Bond mundi henta
honum.
Annars á ég að vera í próflestri þessa dagana
en ég er í fjarnámi
við Bændaskólann á Hvanneyri en eigum við ekki að flokkað
það að
vigta hvolpa falli undir líffæra, lífeðlis og fóðurfræði búfjár????
4
des 2003
Hvolparnir dafna vel þó er einn sem ekki
virðist ekki þyngjast
nóg en vonandi kemst hann fljótlega á skrið en það er
hvolpur no 7.
Ég verð bara að passa upp á hinar afæturnar gefi honum sjens
en
hann er samt mjög sprækur.
1 des 2003
Nú er klukkan að verða 16,00 og tíkin hlítur
að vera hætt það
eru komnir 7 hvolpar 4 flekkóttir og 3 gulkolóttir. Þetta
eru 4
tíkur og 3 hundar.
Klukkan er að verða 14,00 og það eru
komnir 5 hvolpar,2
hundar og 3 tíkur búin að fá bæði flekóttann hund og
flekkótta tík
er ekki viss hvort það koma fleiri
Klukkan 12,20 kom fyrsti hvolpurnn, hundur
og svo kom tík 10
mín. seinna.
30 nóv 2003
Klukkan er að verða 20,00 og gott ef
Brenda mín er ekki komin
með sóttina, hún er allavegana farinn að finna sér stað
til að gjóta á
og grefur mikið, það er þó næsta víst að það koma ekki hvolpar
fyrr
en í nótt en ég man bara varla eftir tík hér hjá mér sem hefur gotið
að
degi til. En hver veit nema það verði fjölgað í fyrramálið, fylgist
með....
Nú það var tekið inn einhvað af hrossum hér í
gær og folöldin
voru líka tekin inn, þetta haustið á ég víst ekki
fallegast folaldið
sem er inni og átti það ekki í fyrra heldur en það stendur
til bóta
því ég hlít þá að eiga flottasta folaldið næsta ár, en þá á ég von á
folaldi undan Kjalari frá Skagaströnd, Gust frá Hóli og honum
Linda sem er
graddinn á bænum.
29 nóv 2003
Klukkan 6 í morgun kýkti ég á Gloríu og
viti menn hún var bara
eldhress og við hestheilsu, nú er bara að vona að
folaldið í henni sé
á lífi en ef það hefur drepist held ég að það geti tekið
einhvern tíma
þar til hún losar sig við það en vonum það besta.
Það stendur svo til að taka inn einhvað af
hestum í viðbót í dag.
Brenda mín er ekkert að hugsa um að gjóta en
hún er komin 59
daga en síðast þegar hún gaut voru fyrstu einkenni lystarleysi
og
það bólar ekkert á því hjá henni ennþá.
28 nóv 2003
Klukkan
er orðin 21,40 og merin lítið að skána en er þó ekki
með hrossasótt, en er farin
að svitna þannig að kannski er hitinn að
lækka einhvað og nú er bara að sjá til.
Hún Gloría er veik, hún er 13 vetra jarpskjótt
hryssa sem ég á og
hún er með fyli við Galdur frá Laugarvatni en hann Sverrir á
væntanlegt folald. Gloría er semsagt með hita og vill bara liggja,
hún er
kominn inn og vonandi hressist hún en ansi er ég hrædd um
að hún sé með
hestapestina sem gekk hér um árið, en þá var hún
fyrir norðan og ég veit ekki
hvort pestin gekk yfir í hennar sveit.
Vorum að taka inn féð en það er búið að vera
-10-12 C° frost í
gær og í dag og svo er snjór yfir öllu.
Er að reyna að setja inn teikningu af
sumarbústaðarlöndunum
en hefur gengið hálf illa. Hringdi í Kristján
tölvukall fyrir rest og
er að vona að þetta sé farið að virka.
Brenda
er komin 58 daga, síðast gekk hún með 59 daga þannig
að hver veit nema fjölgi á morgun.
27 nóv 2003.
Ný mynd af Kersins Stássu
Vorum á fá heimta kindur í gær
|
