31. des 2008

            Jæja þá fer þetta árið að verða búið, við erum svosem búin að hafa það gott þetta árið og það stendur ekkert til að breyta því, þýðir ekkert vol og væl.

                Stefanía kýkti við hér í dag og eins kom Adam svona rétt til að fá hestalykt, já eða kannski að forða sér úr matseldinni heima, allavega kom það sér vel fyrir mig því ég gat nýtt ferðina niður á Selfoss.  Annars eru öll hross komin í aðhald og vonandi verða þau nokkuð róleg í kvöld.

           Við elduðum þennann fína sterakjúkling já eða kalkún og gerðum sósu og fórum svo með herlegheitin til tengdó og borðuðum þar áttum alveg rosalega notalegt kvöld, fórum svo á brennuna á Borg, flott flugeldasýningin hjá Tintron eins og alltaf takk fyrir það.   Þá var það bara að fara heim og horfa á skaupið sem var bara nokkuð gott fanns mér.  GR og Sigga fóru svo á ball en við hin fórum að sofa sjálfsagt á milli tvö og þrjú.  Ótrúlegt hvað ég get vakið lengi ef ég gleymi ekki að taka lyfin mín hehe.

30. des 2008

         Linda og Kristinn kýktu við í dag gaman að sjá þau en þau búa jú í Danaveldi og eru í skóla en skruppu heim í jólafrí.  Annars er búið að vera rólegt hér í dag, jú Daddi stakk aðeins inn nefinu en Daddi og Magga eru búin að vera í sveitinni hjá Bensa og Kristínu. 

29. des 2008

           Fór á Selfoss eftir hádegið, og vonandi búin að versla fyrir þetta árið þó ekki víst  hehe það vantar alltaf eitthvað smotterí þegar á reynir.

            Seinnipartinn kýkti svo Stefanía við en það er semsagt eitthvert hundastand í gangi eins og svo oft áður, en við þetta hundafólk þekkjum þetta svosem. 

28. des 2008

         Held að það sé bara sunnudagur í dag eins og alla undanfarna daga, það verður voða gott að fá mánudag á morgun, en ég verð nú fljót að ruglast aftur í þessum dögum um áramótin.

          Fór út í hesthús í dag, þekkti nú minnst af hrossunum jafnvel ekki einusinni mín hross.  Svo mikið af brúnskjóttu að ég botnaði bara ekkert í þessu, fannst þetta allt fara í hringi í hausnum á mér, ekki gott það.

             Annars bara rólegheit, reyndar kýkti Kjartan hér við og tengdamamma kom aðeins við og eins komu Stefanía og Dagbjört líka við, þannig að það var nú kannski eitthvað rennerí hér inní bæ í dag svona þegar maður fer að hugsa.

27. des 2008

        Bensi á afmæli í dag, til hamingju með daginn.

         Fórum í matarboð hjá mömmu og pabba í dag, það var ótrúlega góð mæting, mjög gaman af því og ótrúlegt hvað krakkarnir stækka já og eru orðin mörg, er semsagt að tala um kynslóð krakkana minna, við hin í minni kynslóð stækkum sem beturfer ekki mikið allavega ekkert sem orð er á gerandi.

            Komum við sið á heimleiðinni í Spóarimanum og náðum okkur í eitt stykki hund en það stendur til að reyna að para hana Stjörnuljósa Rögg.  Ofboðslega er hann Vinur nú fallegur og prúður hundur verð ég að segja.

        Held að það hafi komin ein fjögur hross í dag í fóðrun, hryssa, tryppi og tvö folöld, Jonni sá um að taka á móti þessum hrossum þar sem við vorum öll á Selfossi.  Þegar við komum heim fóru Dóri, Bjössi og Sigga á hestbak, veit ekki alveg hvort GR fór líka á bak.  Nú það kom svo maður hér í morgun sem á tvö hross í tamningu hjá GR og var bara mikið ánægður skildist mér, enda fallegir og meðfærilegir folar.

26. des 2008

            Búin að vera í rólegheitum hér í dag og horfa mikið á dvd með Siggu.  Karlarnir eru aftur búnir að vera að vasast í hrossum í allann dag, gefa ormalyf og eitthvað var af rakstri undan faxi í gangi já og farið á bak held ég líka.  á morgun er svo matarboð hjá mömmu og pabba.  Nú og ef ég held áfram að telja þá er gamlársdagskvöld, afmæli hjá Bigga,  þrettándinn, og svo Þorrablót, þetta er allavega það sem ég man í augnablikinu.

         Kersins Kani er svo komin til Þýskalands og bara kátur skildist mér, gekk allt vel, og nú er enginn hvolpur eftir hér í bili. 

25. des 2008

         Við erum bara búin að hafa það gott um jólin og allir sáttir og sælir.  Mikið búið að vera að gera í dag, mamma og pabbi komu í hangikjöt í hádeginu, var svo heppin að þau tóku Dóra svo með sér í messu á Búrfelli en mér skildist á Dóra að hann hefði verið eina fermingarbarnið sem mætti þar í jólamessu.  Fórum svo í heitt súkkulaði já og fullt af kökum til tengdó.  Svo var hangikjöt hjá Jonna og Lindu í kvöld.  Náðum að skutlast á milli mata með Kersins Kana áleiðis til Reykjavíkur en hann er semsagt búinn að húkka sér far til Þýskalands í fyrramálið.  Þannig að nóg búið að vera að gera í dag og gott að fá rólegheitadag á morgun, á allavega von á svoleiðs dag en sjáum til.

24. des 2008

Gleðileg Jól

23. des 2008

         Hafði skötu í hádeginu, ekki slæmt að.  Við vorum 7 sem borðuðum skötuna, en pabbi kom í skötu (mamma að vinna) tengdamamma kom í skötu, Bensi og Vala komu í skötu, Vala var svo dugleg að borða skötuna, stappaða með kartöflum og hamsatólg og tómatsósu út á, nú og svo vorum það við Bjössi og Sigga sem borðuðum skötu líka, okkur finnst þetta líka rosalega gott verð ég að segja og skatan í gær var rosalega fín.

          Það var svo verið að hleypa til í morgun, og gekk bara vel.  Þegar GR vaknaði í morgun var hann rosalega flekkóttur á höndunum og ég hélt að þetta væri kannski ofnæmi fyrir jólakettinum sem er hér á flækingi, en þetta var víst komið áður en GR fór að klappa kisu.  Hann er jú enn með kvef eða eitthverja flensu svo ég fór með hann í Laugarás og viti menn þetta var ekki ofnæmi heldur svokölluð gin og klaufaveiki, þetta er semsagt eitthver veirusýking sem herjar á börn, en GR greinilega barn ennþá allaveg fékk hann pencilín og nú er bara að vona að þetta gangi hratt yfir.

        Nú jólasveinninn kom svo hér í kvöld með kartöflupoka á bakinu, ekki slæmt það og það er ekki það að ég sé búin að vera neitt óþekk, þetta eru semsagt jólakartöflurnar komnar í hús.  Takk fyrir það Igþór og Hulda.  Adam kýkti svo líka hér i kaffi í kvöld þannig að það er aðeins búið að vera rennerí hér í dag. 

22. des 2008

          Fór í morgun á Selfoss með Kana í seinni sprautu og að klára eittherja pappíra, þannig að nú er hann alveg klár til að fara út og hefur tíma til 2. jan með vottorðið sem ég fékk en sjáum til hvernig þetta fer nú allt.

          Fór svo strax aftur á Selfoss með Siggu og Dóra, en Dóri fór í klippingu og við Sigga að klára að versla á meðan.  Held að nú séu allar jólagjafir klárar já og allt sem á að borða líka held ég bara.

         Fór svo þriðju ferðina seinnipartinn en þá fór Bjössi með mér en við skutluðumst niður á Olís að ná í hana Stjörnuljósa Rögg, held að ég muni þetta rétt en það semsagt stendur til að para hana og líklega verður það um jólin...

         Erum svo að vandræðast með einn jólakött sem er hér á flækingi, mikið spakur, get ekki fundið örmerki í honum/henni en setti mynd á forsíðuna ef eitthver kannast við gripinn, hann/hún er ekki hrifin af hvolpinum en hefur lag á að reka aumingja hvolpinn út matnum ef ég gef honum úti svo nú verð ég bara að gefa Kana að borða inni svo kisi éti ekki allt frá honum. 

21. des 2008

           Snjórinn ekkert að minnka, og bara dálítill skafrenningur í dag.  Tókst að gera akkúrat ekkert í dag af því sem ég ætlaði að gera en viti menn þetta stúss hleypur svosem ekkert frá mér svo ég get alveg verið róleg.   

20. des 2008

         Fór aðeins á Selfoss í morgun, aðeins að reyna að klára að jólagjafirnar og næstum allt komið.  Vantar samt að klára smá.

          Adam og krakkarnir kýktu við hér í dag.  Stefanía kom líka hér aðeins í hundastúss.  Mamma og pabbi kýktu líka við í dag. Ingþór var örugglega líka hér í bílastússi hef ég grun um.   Annars bara verið í hrossastandi í dag hef ég grun um en ég fór nú ekki út frekar en vant er.  

19. des 2008

         Ætlaði á Selfoss í morgun en kom því ekki í verk, tókst að fresta því þar til að það var eiginlega of seint að fara.  Bjössi, Sigga og GR fóru samt niðureftir með Kötlu í dýralæknisskoðun og fola í röspun.  Katla fékk fulla skoðun en folinn varð eftir niðurfrá þar sem rasparnir voru í vitjun eða eitthvað.  Allavega verður folinn bara sóttur á morgun.

           Annars  búið að vera þokkalegt verður í dag, samt aðeins renningur og aðeins ofankoma en ekkert mikið samt. 

18. des 2008

         Finnst ég búin að vera í símanum í allann dag og finnst líka eins og ég sé búin að redda næstum öllu sem ég ætlaði að redda í bili.  Man samt ekkert hverju ég þóttist vera búin að redda en hvað um það, það rifjast upp þegar þeir atburðir skella á hehe eða hvað það nú var.   Greinilega aðeins meira rugluð í dag en vant er svo ég læt þetta duga í bili.

17. des 2008

             Við Sigga og tengdamamma skutumst á Selfoss eftir hádegið.  Það var nú bara ansi mikill snjór og reyndar snjóaði mikið hér í morgun.

             Nú af hvolpunum er það að frétta að Kersins Frakki er kominn með heimili á Selfossi og fór í dag.  Kersins Kani er svo að bíða eftir fari til Þýskalands,  vonandi finnst eitthver sem er á ferðinni og getur kippt honum með fyrir jólin.  Annars bara allt í rólegheitum hér. 

16. des 2008

             Búin að  vera ansi þreytt í dag en reyndar búin að gera ansi mikið líka.  Fór í klippingu í morgun og svo fór ég á Snyrtistofuna að eins að lappa uppá lúkkið.  Snérist svo fram og til bara til að snúsast í bankamálum fyrir hrossaræktarfélagið Goða.  Nú þegar þetta var allt saman að baki þá fór í í bæinn með mömmu og pabba.  Svo kannski er skýring á því hvað ég er léleg núna í kvöld... en á eftir að græja ýmislegt á morgun svo kannski ég fari bara snemma að sofa.

           annars eru báðir hvolparnir seldir, það er rakkarnir sem voru eftir hér heima.  Kani fer til Þýskalands og Frakki á Selfoss. 

15. des 2008

           Jæja þá er ég búin að skrifa á jólakortin allavega í bili,  Svo bæti ég örugglega  við ef það rifjast upp eitthvað sem ég hef nú gleymt.  Annars  bara ekkert að frétta, allskonar verður í dag, slydda, snjókoma og kannski smá rigning og örugglega ekki í þessari röð. 

       Guðni Reynir búinn að vera hálfslappur í dag, eitthver pest kannski í gangi.  Nú og Sigga gat kýkt á einkunnirnar sínar í dag og fór út að borða í kvöld með vinkonu sinni, svona til að halda uppá að allt náðist og gott betur.  Rosa flottar einkunnir sá þarna níur og tíu... ekki slæmt það.

13. des 2008

          Fórum í jarðaför í dag, mjög falleg athöfn og rosalega mikið af fólki sem von var.

           Annars er búið að vera rosalega kalt í dag, mælirinn slegið uppí einar 14 gráður í frosti en núna í kvöld er ,,bara" um 11  gráður í frosti.  Það vill til að það er logn.

           Í morgun sást að hér á bæ hafði óboðinn gestur  verið á ferð í nótt, í þetta sinn er það rebbi sem er á ferð og förin eftir hann alveg heim að íbúðarhúsunum hér, kannski rebbi hafi verið svangur.  Dettur allt í einu í hug að kannski er þetta skýringin á því af hverju kindurnar inní fjárhúsi voru snælduvitlausar seinnipartinn á fimmtudaginn????  Gæti verið  

12. des 2008

        Dagatalið kom í hús í morgun rosalega flott finnst mér bara, nú og þeir sem ekki vita um hvaða dagatal ég er að tala þá er það dagatal með Íslenska fjárhundinum sem kemur út árlega og gefið út af Íslensku deildinni.  Fékk líka sent dagtal frá Finlandi en þar er ég amma einnar tíkur, tík undan Kersins Kötlu.  Þetta er bara fínt dagatal hjá þeim nema hvað það er algjörlega ómögulegt að skilja daga og mánuði... allt á finsku að sjálfsögðu.  Svo kom líka með póstinum í dag dagatal frá Danmörku, þar eru tveir Kersins hundar, Kersins Kútur og Kersins Linda, kúra svo sæt saman.

       Fór út í hesthús í morgun og tók eitthvað af myndum, já og smá videó líka.  Tók myndir af Hvata, Tintron og báðum Aronsdætrunum, jú og einum rauðum fola sem hann Flemming á í Danmörku.  Fór nú út til að taka myndir af þeim fola en bætti hinum við þar til mér var orðið kalt en vantar svosem myndir inná síðuna af fleiri hrossum, bæði graðhestunum og eins eitthverju sem er til sölu en sjáum til hvort ég get tekið fleiri myndir seinna. 

       Á morgun er svo aðalfundur í Aronsfélaginu og jarðaför.  Það er nú alveg á mörkunum að ég nái að fara á báða staði, þannig að ég mæti bara á Aronsfund að ári og læt jarðaförina ganga fyrir að sjálfsögðu. 

11. des 2008

         Fór á Selfoss í morgun, og bara komin heilmikil snjókoma þegar ég var á leiðinni heim aftur en svo lagaðist þetta nú sem betur fer.  Heimasíðan lá svo niðri í gærkvöldi og morgun þannig að ég uppfærði ekkert.  Ekki að það hafi verið mikið um að vera og ef svo var þá er ég  búin að gleyma því núna.  Gleymdum alveg að fara á Búnaðarfélagsfundinn en vorum svosem ekki mikið að spá í það.  Nú svo er fundur á Borg í kvöld um skólamál, sem ég hefði nú átt að druslast á en nenni því nú bara ekki, vont veður og letin alveg að drepa mig, svo ég læt bara eftir mér að vera heima í kvöld. 

9. des 2008

            Svosem lítið um að vera þessa dagana.  Stefanía kýkti við í dag ásamt dætur, Sigríður Pála svaf nú bara en Dagbjört lét sig nú ekki vanta. Aðallega verið að spá í hunda en ekki hvað hehe 

8. des 2008

          Fórum út á flugvöll í nótt vorum komin þangaðu um klukkan sex í morgun með hana Kersins Dúnu sem var á leið til Danmerkur, gekk svona ljómandi vel og skildist að hún hefði verið mikið klát þegar hún kom til Danmerkur og var hleypt út úr búrinu og fékk að hitta hina hundana á staðnum.

            Það er enn snjór og dálítið kalt, Sigga skutlaðist á Selfoss fyrir mig, aðeins að versla.  GR alltaf að vasast í hrossum sem hann er með í tamningu, já og sínum hrossum líka.  Eins með Dóra hann hugsar næstum bara um hross.

7. des 2008

          Það var bara kominn slatti af snjó í morgun.  Fórum svo austur í Hemlu strax eftir hádegið en þar  var enn meiri snjór.  Vorum semsagt að ná í Dóra, Hæring og Ófeig.  Vignir sýndi okkur Hæring í reið og þetta er nú bara ekkert smá flottur hestur og mikið gerst á þessum rúma mánuði.  Dóri var líka alsæll með dvölin og margs fróðari.  Hæringur á svo að vera í léttu trimmi fram yfir áramót en þá verður hann sendur aftur austur.  Var alveg komin á að selja folann í vetur en núna var ég nú komin á þá skoðun að láta bara sýna hann en við sjáum bara til, ef við dettum niður á sölu þá er það bara hið besta mál og ef ekki þá er það ekki slæmt heldur.  Allavega í bili. Ófeigur var nú líka bara flottur en fyrir þá sem ekki vita þá er hann folald sem ég á undan Gjósku og Klæng.  Hann átti nú að verða grá hryssa en var rauður hestur í vor, er nú svosem ekki búin athuga það neitt en maður veit aldrei, en er nú samt mjög sátt við rauðann hest, hann er nú líka bara flottur.   Nú þegar við komum svo heim var nú bara kominn slatti af snjó. 

6. des 2008

         Hrossin voru tekin inn í dag, allavega eitthver slatti.  Held að það hafi bara gengið þokkalega en mér fannst nú veðrið ekki spennandi að sjá út um gluggann, mikil úrkoma stundum og él líka held ég bara.

          Fórum svo í matarklúbb á Bíldsfell, rosalega gaman en vantaði aðeins í hópinn.  Mikið gott að borða bæði aðalréttur og eftirréttur.  Takk fyrir okkur.  Nú og svo var dregið út hver á að hafa matarklúbb hvenær og við fáum mars þetta árið. 

5. des 2008

        Fór á Selfoss í morgun með Kersins Dúnu en það þurfti að klára pappíra en Dúna á flug út til Danmerkur á mánudagsmorguninn og betra að hafa allt klár.  Er meira að segja búin að gera allt klárt, pappírar og búrið, allt bara tilbúið.

         Dóri fór svo austur í Hemlu í dag, í tamningu væntanlega en hann fór semsagt í dag og ég reikna með að hann og Hæringur verið sóttir á sunnudaginn.  Bjössi, Jonni og Reynir fóru með honum austur en þeir þurftu heilmikið að snúast skildist mér.  Ná í hest sem náðist ekki, fara í Pulu en þeir tóku Erp heim sem á að fara í fitun, erfitt að eiga við þetta, hann var allt of feitur í vor og nú er hann í fitun.  Nú svo þurftu þeir að fara aftur og ná í hestinn sem náðist ekki eða þannig allavega voru tvær ferðir skildist mér að Strönd en held allavega að þeir hafi verið að sækja hest þangað sem er nú komin hingað held ég örugglega.

         Sigga fór svo í síðustu prófin í dg og gekk bara þokkalega skildist mér, og nú er bara jólafrí í mánuð hef ég grun um.  Dóri svosem ekki kátur með það en hann veður örugglega framyfir 20 des en ég man það nú svosem ekki alveg. 

4. des 2008

          Heilmikið búið að vera í gangi í dag. Bragi og Svava komu hér í morgun og kýktu í kaffi.   Hér komu svo rúningsmenn og rúðu 245 kindur.  Nú Magga Bára og Freyja kýktu líka hér við en þær voru að skoða hvolpana.  Lovísa kom svo og þær Sigga voru að læra fyrir próf á morgun en þær eru að fara í Íslenskupróf á morgun.  Held að þær séu í síðustu prófunum á morgun.  Þannig að það er búið að vera dálítið rennerí hér í dag.

        Kersins Dúna fer svo til Danmerkur á sunnudagsmorguninn, held að vélin fari um klukkan 8 þannig að ég verð að vera komin uppá völl um 6 leitið um morguninn. 

3. des 2008

         Skaust aðeins á Selfoss í morgun, en eftir hádegið fór ég svo í bæinn.  Tengdó skellti sér með. Fór á Amokka kaffi og hitti þar ,,kaffihúsakonurnar" það mættu fimm af sjö, en við hittumst næst eftir áramótin og vonandi komast allar þá. 

        Það stóð til að rýja féð hér í dag en verður ekki fyrr en á morgun sem kemur sér bara ágætlega held ég allavega fyrir mig, ekki það að ég geri neitt gang en kannski gef ég rúningsmönnunum mat á morgun ef þeir eru heppnir já það er að segja ef þeir eru á matmálstíma á staðnum.

2. des 2008

         Bjössi og Jonnu skutust með Erp austur í Pulu í morgun en það verður spennandi að vita hvernig það gengur en á nú svosem ekki von á öðru en að klárinn standi sig vel.

          Ég er að fyllast af eitthverju leiðindar kvefi, en þá er bara spurning um að éta nóg af sólhatt og setja fótakrem á nefið, allra meina bót held ég, sjáum allavega hvort ég verð ekki sprækari á morgun.

          Tengdamamma kom frá Þýskalandi í nótt en hún fór með saumaklubbnum sínum í bændaferð til Þýskalands, skildist að það hefði bara verið gaman en kannski dálítið kalt en veit svosem ekki á hverju var von, en þær fengu örugglega slyddu þarna úti í Berlín.

          Mamma og Pabbi eru svo komin í sveitina og verða eitthverja daga en Bensi og Kristín eru að fara til Danmerkur í fyrramlálið og verða framá sunnudag, og gamla settið verður hér heima hjá krökkunum.

          Fer svo í bæinn á morgun en ætla að hitta kaffihúsakonurnar sem ég hitti orðið reglulega, þetta verður örugglega mikið gaman eins og alltaf. 

1. des 2008

           Það voru tveir hvolpar  sem voru sóttir í morgun, annar fór til Danmerkur og hinn austur á Höfn.  Nú eftir hádegið kom svo hún Halla Eygló og tók slatta af DNA sýnum.  ég fór svo um kaffileitið og hitti á Rósu og Jón í Gljúfri en þau eiga hann Arnarstaða Bersa sem er pabbi hvolpana.  Finnst þetta  búinn að vara ansi langur dagur verð ég að segja.
         Það er eitthvernveginn þannig að það er svo mikið sem mér finnst ég eiga eftir að gera stundum, og í dag er svona dagur þar sem mér fannst eins og nú væri ég loksins búin að gera allt, afskaplega góð tilfinning.  En svo þegar ég hugsa til baka þá var einmitt ekki svo langt síðan ég upplifið svona dag, loksins búin að gera allt sem mér finnst ég þurfa að gera, en svo kemur bara eitthvað nýtt sem ég þarf að gera eheh

30. nóv 2008

            Þá ætti hvolpunum eitthvað að fara að fækka en á von á að það fari ein tík til Danmerkur á morgun og önnur austur á Höfn.  Þriðja tíkin fer svo líka til Danmerkur en ekki fyrr en eitthverjir pappírar þarna úti eru klárir.  Þá á ég í raun bara rakkana eftir en hef svosem ekki áhyggjur af þeim strax.

           Skaust með Dóra austur í Þingborg í dag og ætlaði að fá á hann innanhússkó, en ekkert til, nú kýktum svo í Nóatún og ekkert heldur til þar í hans stærð. 

29. nóv 2008

         Lísa kom í dag og örmerkti ein þrettán stykki, bólusetti um 70 lömb við garnaveiki og sónarskoðaði 6 hryssur.  Hryssurnar voru allar með fyli þannig að það var nú ekki leiðinlegt, eins og hryssurnar héldu illa til að byrja með í vor þá er þetta nú bara frábært.

        Annars er bara rosalega kalt finnst mér úti.  Ég gat nú bara varla verið úti fannst mér.   Nú Adam kom svo hér í vist í dag og verður fram til morguns.  Gott að það var nú búið að útbúa gestaherbergið.

28. nóv 2008

            Það er svo kalt finnst mér, kannski er það nú aðallega af því að það er svo mikill vindur.  Hvað um það Sævar kom í dag og kláraði að setja borðplöturnar í eldhúsið.  Ekkert sá fínt sem þetta er orðið og þrátt fyrir að nú sé sjónvarpskrókurinn orðinn að herbergi þá er hefur eldhúsið stækkað til muna finnst mér, já og allir sammála um það held ég bara.

           Hér komu þrjú hross í tamningu til GR í dag, honum líst bara vel á þau held ég, prúð og góð.  Nú það er svo verið að hantera eitthvað kjöt og alveg ótrúlegt hvað hægt er að troða í kisturnar, en maður stendur sig svosem að því að taka upp fyrirferðamikla bita í matinn til að rímka til. 

           Síðasti dagurinn hjá Siggu í skólanum fyrir próf en svo eru prófin í næstu viku, held að það verði bara næsta vika sem hún er í prófum og svo er komið jólafrí hjá henni.

            Svo er von á Lísu á morgun en hún ætlar að sóna eins og sex hryssur, örmerkja ca 12 hross og svo þarf að bólusetja við garnaveiki öll lömbin held að það geti verið um 72-73 stykki. 

27. nóv 2008

            Þá er maður enn og aftur að snúa eldhúsinu við en á morgun kemur Sævar og setur borðplötuna á, já og vaskinn í og eldavélina.  Mikið verður nú gott þegar þetta verður búið og vonandi dettur mér ekki eitthver önnur vitleysa í hug. 

             Annars bara allt eins og vant er held ég, rosalega kalt vegna þess að það er svo hvasst úti.  Hvolparnir láta það nú samt ekki á sig fá ótrúlega duglegir að vera úti. 

26. nóv 2008

           Get ekki betur séð en að það hafi dottið heill dagur út hjá mér.  Finnst ég nú samt muna að ég uppfærði í gærkvöldi, en man samt ekkert hvað ég gerði í gær, sjálfsagt það sama og vant er ,,ekki neitt".

           Veit þó að ég fór á Selfoss í hádeginu, Bjössi dreif sig með mér, sóttum borðplöturnar komnar hér heim í hús og næstum allt klárt fyrir smiðinn á föstudaginn.  Vona allavega að hann komi þá.  

24. nóv 2008

          Fórum á Selfoss með hvolpana í dýralæknisskoðun í morgun,  gekk bara ljómandi vel, hefði nú samt viljað hafa aðeins fleiri kúlur í rökkunum en Svafa sagði að þetta væri klárlega ekkert til að hafa áhyggjur af, en auðvitað vill maður hafa þetta í lagi í 7 vikna skoðun.  Annars var bara allt í góðu lagi.

         Gunni Har kom svo við hér í dag, eitthvað að hjálpa GR með smálömbin hef ég grun um.   Hreinn kom svo líka við en þau hafa nú ekki verið fyrir austan í nokkra dag held ég bara.  Annars bara allt við það sama held ég bara. 

23. nóv 2008

         Skaust á Selfoss eftir hádegið, var nú ekki lengi enda vantaði bara smotterí.  Nú Adam og Hafdís kýktu hér í kaffi, mamma og pabbi litu líka inn, þau komu líka við í gær.  Tengdamamma leit inn og Ingþór og Hulda kýktu líka við, alltaf gaman að fá gesti. 

22. nóv 2008

Hún Vala á afmæli í dag og orðin þriggja ára, til hamingju með daginn elsku frænka.

          Fórum seinnipartinn til Hödda og Möggu í mat, við fórum semsagt sjö en tengdó fóru með okkur.  Þetta tókst svona ljómandi vel, og ansi flottar breytingarnar bæði á neðri og efri hæðinni.  Takk kærlega fyrir okkur.  Vorðum svo komin heim uppúr eitt í nótt held ég, urðum ekki vör við neina hálku en held nú samt að hún hafi verið á leiðinni. 

21. nóv 2008

          Þá er búið að mála eldhúsið, reikna svo með að eftir viku verði þetta endanlega komið í lag.

           Folöldin voru tekin inn í dag og nú er hún Alísa mín víst að verða grá eða ljós aftur.... mjög skrítið en ætlað að reyna að druslast út á morgun og kýkja á hana og kannski að taka myndir líka.

           Það er svo búin að vera snjóföl hér yfir en núna í kvöld fór svo að snjóa en er nú ekki viss um að það sé neitt af viti.

           Sá svo að Gullhestar eru komnir með heimasíðu og´hún er bara flott. Búin að setja hana inná linkar hjá mér.   Bragi nú er bara að halda henni við og uppfæra....þú klikkar  varla á því er það? 

20. nóv 2008

          Þá er Bjössi búinn að mála fyrstu umferðina á eldhúsið, ég ætlaði að vera agalega dugleg og fara uppí tröppu og mála sem gekk bara vel, en eitthvað misreiknaði ég mig þegar ég fór niður úr tröppunni, því mér tókst að stíga ofaní málingarbakkann, en hvað um það, var bara sagt að ég þyrfti ekkert að vera að þessu, verð kannski betir í málarahlutverkinu á morgun og hugsa þá kannski aðeins um hvað ég er að gera.

         Nú hvolparnir eru bara flottir, eru orðið heilmikið úti enda ekki svo kalt og fljótlegt að henda þeim inn en þó eru þeir nú aðeins misduglegir að vera úti, sumir vilja bara strax inn aftur og aðrir bara alls ekki inn.  Þeir eru að verða 7 vikna og ég á enn tvo ólofaða sem er nú bara nokkuð í lagi held ég, á jafnvel von á fólki um helgina að skoða en það væri nú gaman ef það yrði eitthver hvolpur hér heima, en ég  er semsagt búið að lofa rakka til Frakklands og tvær tíkur fara til Danmerkur. 

         Sigga og Bjössi settu svo jólaséríuna á húsið í dag, ekkert smá flott held ég en GR hefði nú frekar viljað bláa séríu en rauða því rautt er ekki gott finnst honum, hvort sem er í fótbolta eða pólítík.  Blátt er best finnst honum hvað sem á gengur,  enda Chelsea í bláu.

19. nóv 2008

         Fór í bæinn eftir hádegið, held að nú sé ég búin að gera allt sem gera þarf í henni Reykjavík, en ég hélt það nú örugglega líka fyrir viku.  Annars svosem lítið að frétta held ég. 

18. nóv 2008

           Fór á Selfoss í morgun, búin að velja borðplötu í eldhúsið, kaupa rauð jólaljós á húsið fyrir Siggu og Bjössa, verslaði ýmislegt, fór í hestabúðina, og fatahreinsunina, og ég bara veit ekki hvað, enda mikið uppgefin þegar ég kom heim og bara varla gert nokkuð síðan ég koma heim.   

17. nóv 2008

           Lítið sem ég er  búin að gera í dag, en það var vesen á tölvunni og það var sko ekki mér að kenna.  Semsagt fast mail í út boxinu sem vildi bara hvergi fara hvorki út né í ruslið, sem varð þá til þess að ég gat ekki sent póst sem er jú neyðarástand.  Mundi þá alltíeinu að hann Diddi hefur verið að grúska í svona tölvum og hringdi í hann, hann var kominn um hæl og gat bjargað þessu fyrir mig, en þetta er allt hið undarlegasta mál.  Hvað um það þetta virkar semsagt núna.  Skaust svo á Selfoss að sækja lyfin mín.

          Það var svo bara hið besta veður í dag og ég setti hvolpana út á pall, þeim fannst það nú ekkert smá gaman, en fannst nú samt kalt fljótlega svo þeir fóru nú aftur inn, en þeir endast nú ekki lengi í einu svosem til að byrja með. 

16. nóv 2008

          Steini kom í dag og tók fullt af myndum af hvolpunum, er búin að setja þær í albúmið.  Annars gengur bara vel með hvolpana óskaplega þægir og góðir.

         Annars bara lítið að frétta héðan, bara leti í gangi og aðeins verið að koma standi á húsið en breytingarnar eru nú svosem ekki alveg búnar, ja allt þetta stórvægilega en samt ýmislegt smálegt eftir. 

15. nóv 2008

         Jæja orðin svo rugluð að ég man varla hvað var um að vera í dag, hvað þá hvaða dagur er, en krakkarnir voru allavega heima, svo það hlítur að vera helgi.   Það smásaman rímkast til hér í húsinu.  Eldhúsborðið komið inní eldhús og sjónvarpið komið í hið verðandi sjónvarpsherbergi, nú og ekki má geyma að Sigga flutti inní nútt herbergi í gær og Dóri kominn í sitt nýja herbergi, og allir bara sáttir, sérlega GR sem er alsæll með að sleppa við breytingar inni hjá sér.

          Bjössi og krakkarnir fóru svo á hestbak í dag, aðallega á folana sem er verið að byrja að temja, þannig að þetta er allt að gerast, eitthvað járnað í gær held ég en er ekki viss um að það hafið verið járnað mikið í dag.

         Það snjóaði dálítið í gær og nótt þannig að hér er komin föl yfir allt sem er nú bara ágætt það birtir allavega upp.

         Setti svo inn myndir í hvolpamyndaalbúmið, engar sparimyndir en kannski betri en engar en er þó stundum ekki viss. 

14. nóv 2008

       Allt að gerast í eldhúsinu hjá mér og fann þá ofaní skúffu nokkrar  vísur sem Gísli Ásgeirsson sem var kennarinn okkar í Ljósafossskóla orti um alla krakkana í  bekknum mínu og gaf mér þar sem ég hafði svo gaman af vísum.  Nú svo ég glati þessu nú ekki þá ákvað ég að setja þetta hér inn því þó svo mér hafi tekist að geyma þetta í nærri 30 ár hugsa ég þá er samt engu að treysta og læt ég þetta þá bara flakka. 

Þessi vísa er semsagt um hana Áslaugu sem er frá Ásgarði.

Áslaug hefur ýmislegt,
öðrum stúlkum fremur.
Aldrei er um tungu tregt,
tónlistina nemur.

Þá er það hann Svenni sem er frá Brjánstöðum og býr þar enn.

Allt er gott að segja um Svein,
-sérlegur er maginn.
Finnst hann sé á grænni grein,
glaður allann daginn.

Þá er það hann Björn Þór en hann bjó við Fossana, hann er alltaf að vasast í hrossum  með Snæbirni bróður sínum á Úlfljótsvatni.

Bubbi heilann brýtur lítt,
basl er margt á snáða.
Honum finnst það heldur skítt,
ef hann fær ekki að ráða.

Þá er það hann Hannes sem bjó á Kringlu.

Situr kyrr og segir fátt,
sifjulegur piltur.
Aldrei gaular Hannes hátt,
hrikalega stilltur.

Þá er það hann Geir sem bjó á Seli.

Geiri situr beinn við borð,
blóðið slettist víða.
Í dönsku segir ekki orð,
ef hann á að þýða.

Þá er það ég sjálf.

Helga ljós á brún og brá,
blíðleg er í fasi.
Hún er klók að kveðast á,
í kröppu ljóðaþrasi.

Heimir var svo næsta fórnarlamb en hann er frá Vaðnesi.

Heimir sýnir brosið breytt,
blikkar allar meyjar.
Ennþá hefur ekkert veitt,
Áslaug bara sveiar.

Þá er það hún Karen en hún er frá Þórisstöðum.

Mikið er hún Karen kát,
kitlar mann í rifin.
Ungur Sveinn er alveg mát,
og af henni hrifinn.

Svo er það hann Ingólfur en hann er frá Miðfelli en er orðin bóndi á Villingarvatni.

Ingólfur er öllum kær,
er í mörgu að baksa.
Bráðum hann til himins nær,
ef hættir ekki að vaxa.

         Þannig var nú það.  Við vorum semsagt níu í bekknum oftast nær.  Mér sýnist að þrjú af okkur það er ég, Svenni og Ingólfur séum enn hér í sveitinni.Heimir er í Svíþjóð en restin það er Áslaug, Karen, Geir, Björn Þór og Hannes eru í borg óttans það er á stórreykjavíkursvæðinu eftir því sem ég best veit.

13. nóv 2008

          Fór á Selfoss í morgun svona þegar við vorum búin að mála síðustu umferðina í nýja herberginu hennar Siggu.  Fór semsagt að sækja hurðina í húsasmiðjuna og svo kom ég við í Krás en þangað hafði ég farið um daginn með hryggi í léttreykingu og svo tvo framparta líka í léttreykingu, ætli þetta heiti ekki lambahamborgararhryggur og londonlamb eða já eða hver veit hvað.  Lítur allavega rosalega vel út og allt komst fyrir í fyrsti, en kæmi líklega ekki einu brauði fyrir en það er nú fljótt að lækka aðeins í kistunum sérstaklega ef ég nenni að elda.

         Kláruðum að gera herbergið hennar Siggu klárt, vantar eiginlega bara að setja hurðina upp.  Nú og svo er það eldhúsið á morgun þetta verður vonandi agalega fínt, lítur allavega út fyrir að verða það.  

12. nóv 2008

          Ansi mikið um að vera í dag já eða þannig.  Byrjuð að mála, gunnaði það sem grunna þurfti fyrir hádegi, byrjaði svo að mála eftir hádegið og tókst að klára fyrir kaffi, Bjössi dró mig nú að landi með það, hugsa að þetta hefði tekið um klukkutíma hér einusinni en mér tókst að láta þetta endast í nærri fjóra tíma.  Bjössi og Sigga máluðu svo umferð númer tvö núna í kvöld og við sjáum í fyrramálið hvort þarf eina umferð í viðbót.  Þannig að annað kvöld ætti þetta herbergi að vera orðið klárt fyrir utan það að hurðina vantar en hún verður sett upp á föstudaginn.  Vona að það verði aðeins farið að rímkast hér um helgina en nú er semsagt matarborðið eiginlega fram á gangi, en það gerir svosem ekkert til í smá tíma.

        Svo kom hann Nonni á Ormsstöðum hér við í dag með svínakjötið sem við pöntuðum, kom öllu í fyrsti ja nema einum bita sem var hafður í kvöldmat, sykursaltaður biti man nú ekki hvaða biti en rosalega var þetta gott, það fylgdi sem betur fer uppskriftabæklingur með kjötinu sem er nú alveg frábært því ég var nú ekki alveg klár á hvað þetta sykursaltaða dæmi væri, allavega var þetta rosalega gott og mæli algjörlega með þessu.  Endilega kýkið á síðuna þeirra á Ormstöðum.  Mamma og pabbi komu svo seinnipartinn og sóttu sitt svínakjöt en þau pöntuðu sér líka hálfann skrokk.

        Svo eru tamningar komnar í gang, Sigga fór á Jaka sinn, Dóri fór á folann hans Braga og á Fjölnir sem er moldóttur foli.  Gekk þokkalega held ég en Jaki er nú efnilegastur held ég í bili.

11. nóv 2008

           Fór í bæinn í dag,  hittumst nokkrar konur á Amokka sem er kaffihús í henni Reykjavík.  Þetta var bara ljómandi gaman og stefnan tekin á Kaffi Mílanó næsta miðvikudag.  Nú annars bara allt gott að frétta, hugsa að ég reyni að mála dálítið á morgun, tókst að spasla í dag og hefði auðvitað þurft að grunna í dag en held bara að það sé nóg komið í dag, er ekki máltæki sem segir: ,,Aldrei að gera neitt í dag sem þú getur látið annann gera á morgun"  held að það sé bara málið. 

10. nóv 2008

            Lítið búið að vera að gerast hjá mér í dag.  GR fór ekkert í sláturhúsið í dag, verður bara á miðvikudögum það sem eftir er í nóv held ég, þannig að hann Voði sem er alltaf inni hjá mér, hefur  bara stungið mig af og ekki látið sjá sig.  Svo afskaplega lúinn aumingja karlinn en um leið og GR er heima þá sést hundurinn ekki inni hjá mér....

          Var nú að benda fólki á að setja inn athugasemd á flottustu lopapeysuna á Sviðaveilsumyndunum og viti menn það er  bara einn búinn að setja inn athugasemd og það er hann Bjarki, þið hin standið ykkur nú ekki alveg en kannski bara flestir hlutdrægir en það gerir ekkert til, og setja svo inn athugasemd takk fyrir.

9. nóv 2008

              Hann Maggi Kjartans las fyrir okkur brag í Sviðaveilsunni og ég lofaði honum að setja þetta inn á Miðengissíðuna.  Þetta er eftir Inga Gunnlaugsson og samið 1995 en Linda staðfærði þetta.  Þetta er semsagt um það þegar Jonni, Bjössi og Maggi fóru út á lífið.

Goldfingerbragur

Það er svo skrítið að það líkist galdri
að allt í einu við erum á miðjum aldri.
Strákarnir sætu sem þær elskuðu allar
erum nú orðnir stútungskarlar.
Gráir í vöngum með þykkari miðju
þó stelpurnar okkar séu enn algjörar gyðju.

Á þessum aldri finnur maður fyrir allskonar kenndum
sérstaklega á svæðinu frá nafla að lendum.
En það að upplifa fiðringinn gráa
hendir víst bæði háa sem lága.
Og í fyrrakvöld við fórum þrír út á lífið
á Goldfinger að skoða nakið vífið.
Ég, Jonni og Bjössi bóndi
sem vottar að hér er sögð sagan sönn
þarna fækka fötum dömur í röðum
gellur eins og í dónablöðum.

Er inn var komið og tollurinn greiddur
var boðin bjór og þú til sætis leiddur.
Staðurinn fullur af stynjandi körlum
og skein tilhlökkun og spenna frá þeim öllum.
Að sjá Danskar skvísur og dillibossa
skaka á sér kroppinn og senda kossa
í allar áttir svo menn verða stjarfir
stífir sumpart og í hugsunum djarfir.

Kom þá inn sú fyrsta daman
magnaðist þá spennan og nú varð gaman
íðifögur með vöxtinn í lagi
í eggjandi samfellu af besta tagi.
Við dúndur músík hún af sér tíndi
spjarirnar rösklega og okkur sýndi.

Brjóstin, lærin og dýrðina alla
það lá við að liði yfir nokkra kalla
eins og mig þegar hún virtist ætla að lokka
augun alla leið upp í eggjastokka.
Ég fann að þó ég væri öllu vanur
þá var ég ei maður alveg samur.

Með hita í kroppnum og rjóðar kinnar
reyndi ég að komast aðeins innar
þar sem Bjössi stóð og starði á skoru
sem dillandi dáleiddi þá sem þar voru.
Já heiðursmenn urðu að lostatröllum
svei mér ef það bara stóð ekki á okkur öllum.
Þá blíðlega hún sagði ,,Oh de dejlige drenge
jeg kunne godt lide fa nogle peng“.
Og sexý gellan á milli manna gekk
óðar hún fullt af peningum fékk.

Þá sagði Jonni; ,,Það væri gaman
að vita hvað kostar að leigja hana saman“.
Ekki svo að slíkt kæmi nokkuð til greina
bara að forvitnast um prísinn fyrir eina.
Hann þjóninn spurði sem augnablik þagði
en svaraði svo að augabragði.
Að allt væri mögulegt í þessum bransa
og meyjan kynni sko fleira en að dansa!
Vinur minn kom og barnslega brosti
,,Ég held að ég viti hvað hún kosti“
Fyrir einn þrjátíu og fimm þúsund kalla
en rúmlega hundrað fyrir oss alla.

Guð minn góður ég svaraði að bragði
og alla hugaróra til hliðar ég lagði.
Hvurslags okur, bófar og bísar
þetta er eins og verstu hljómsveitaprísar.
Ég föðurlega sagði við Bjössa dóna
,,Við skuldum frúnum okkar miljónir króna“
og munum ætíð að heima er best
þar við líka fáum fyrir peningana mest.
Enginn hætta á að fá slæmsku í vininn
því heilbrigð skal vera ástarsinin
laus við clamidíu, siffa eða gonnan
það væri hryllingur að fá illt í sponnann.

Í snatri hélt ég heim á leið
og undir heita sæng hjá elskunni skreið.
Er fimum höndum ég fór um frúna
hún spurði ,,hvað voða ertu horný núna
þú sem ert vanur að hrjóta um nætur
ert nú bæði hress og sætur.
Og sprellinn vakandi þrútinn og rauður
hann sem er venjulega eins og sofandi sauður.
Heyrðu elskan, mig grunar svosem
að þið hafið verið á ,,Goldfinger“.

Hjá mér færðu allt frítt og professinonal
en í staðinn þú aðeins lofa skalt
að sjá um kortin um mánaðarmótin næstu
og ekki tuða þó þetta séu þeir hæstu
sem þú hefur séð í langann tíma
hún kurrandi hvíslaði í ástarbríma.
Ef þú bara  borgar þetta smotterý fyrir mig
þá geri ég hvað sem er fyrir þig.

Því skulum við rækta ástina heima
og því aðalatriði aldrei að gleyma
að góð kona í heimaranni
er demantur og djásn með sanni.

Þannig fór nú það hjá þeim félögum.

         Skaust á Selfoss í morgun og viti menn, ég sá  þennann líka ,,einusinni" flotti jeppi  á hliðinni rétt neðan við Vaðnesafleggjarann, þetta leit nú út fyrir að vera bíll á alltof stórum dekkjum og líklega svona aðeins stærri en jeppi, kannski bara bíll sem tekur 11-13 manns í sæti.  Hvað um það hann var semsagt alveg á hliðinni en þegar ég kom til baka var nú búið að rétta hann við en hliðin sem hann lenti á var ekki mjög flott og framdekki leit út yfir að vera brotið af.  Allt er nú hægt og enginn hálka.

       Fórum svo seinnipartinn í kaffi til mömmu og pabba, við fórum þrjú úr þessu húsi en Bjössi og GR voru heima.  Þarna mættu svo Dóra, Tóta og Kata.  Nú auðvitað voru spilin dregin upp og spáð í spil.  Það er alltaf gaman að því og hægt að sjá ýmislegt út úr þessu, og auðvitað helst að sjá það sem maður vill sjá, ég geri það allavega.  En allavega bara gama og takk fyrir okkur, já og karlana sem sátu heima því heim var auðvitað sent slatti af afgöngum.

8. nóv 2008

          Búin að vera eitthvað undarleg í kollinum í dag já og svona meira en vanter, en er kannski bara þreytt, vakti jú til allavega að verða tvö í nótt því ég setti inn myndirnar úr Sviðaveislunni og setti svo texta í morgun.   Held nú að þá sé það upptalið sem ég kom í verk í dag, jú reyndar eldaði ég kvöldmat, en meira ekki gert. 

7. nóv 2008

Sviðaveisludagur!

         Upp er runninn sviðaveisludagur... en hvað um það dagurinn byrjaði á því að Sævar kom og smíðaði eins og einn vegg, þannig að nú hef ég viku til að grunna, spasla og mála.  Þetta verður bara flott.

         Sviðaveislan var svo haldin hér í kvöld og mikið gaman.  Nú ég minntist á eitthvað óvænt og viti menn Magnús Kjartansson kom með óvæntann glaðning fyrir okkur, eitt stykki Sigga Beinteins, þau voru alveg frábær og mikið stuð en skoðið bara myndirnar í albúminu á reyndar eftir að setja inn texta en hjá mér er komin nótt og nóg gert í bili. 

6. nóv 20008

Sverrir á afmæli í dag, til hamingju með daginn.

          Fór í skólann í morgun, í foreldraviðtal, alveg með ólíkindum hvað hann Dóri er þægur, en kannski ekki við öðru að búast, jú og svo tekur maður eftir því jákvæða en sér hitt ekki, sem í Þessu tilfelli var ekkert, bara þægur.

          Er svo búin að vera að færa ýmislegt til hér í dag en á von á Sævari á morgun að smíða vegginn góða já og breyta ýmislegur.

          Ég fór svo á Selfoss í kvöld en þar var Sverrir Bergmann að segja okkur MS fólki ja bara ýmislegt, það voru örugglega á milli 15 og 20 manns sem mættu hugsa ég, þetta var ansi fróðlegt og mikið spáð í nýja MS lyfið, held að þetta sé einmitt það sem ég þarf, ja og við öll hugsa ég.   En ég missti af því að fara í afmæliskaffi til Sverris en það hefði nú verið gaman að kýkja en get svosem alltaf kýkt bara spurning um að koma því í verk, hef enga trú á öðru en að þar á bæ hljóti alltaf að vera nýbakað eins og allstaðar.

          Nú og svo er Sviðaveislan á morgun, held að þetta verði ansi gaman og gott ef við eigum ekki von á eitthverju óvæntu en sjáum til. 

5. nóv 2008

           Tók aðeins af myndum í dag af hvolpunum, þeir eru bara sprækir og fer lítið fyrir þeim ennþá. 

             Var nú svo á báðum áttum með gamlann skáp frá honum afa, ákvað fyrst að pússa hann og bæsa, var svo búin að kaupa allt sem til þurfti og tæma skápinn og fann þá út að ég nennti þessu eiginlega ekki og kannski væri nú réttast að henda skápnum,  en auðvitað gat ég ekki hent skápnum, hendi aldrei neinu svo ég prufaði að pússa smá og viti menn, áður en ég vissi var ég búin að bæsa hann og allt klárt og skápurinn orðinn rosaflottur, nú er bara spurning hvar ég ætla að koma honum fyrir en auðvitað finn ég alltaf pláss. 

4. nóv 2008

            Búin að snúast aðeins í dag.  Fór semsagt á Selfoss í morgun og svo í bæinn eftir hádegið.  Fannst nú verðri frekar leiðinlegt á leiðinni suður en á leiðinni austur sá ég að það hafði nú bara verið ágætt veður á leiðinni suður.  Mikið rok og rosamikil rigning á leiðinni, eins gott að þetta var rigning en ekki snjór...

         Það er nú að tosast ansi vel í sviðaveisluna, en veit að það er eitthvað af fólki sem ætlar að koma en er ekki búið að láta vita þannig að þetta verður bara gaman. 

3. nóv 2008

           Allt í rólegheitunum hér í dag, búið að rigna þó dálítið og allt að verða autt.  Fór á Selfoss í morgun að sækja heimtekna kjötið okkar, en sá í dag að það hefur nú eitthvað ruglast á vigtaseðlinum.  Við sendum semsagt 11 veturgömul í sláturhús og ætluðum að taka allt heim, sá svo á vigtaseðlinum  sem GR kom með heim á föstudeginum strax eftir slátrun að einn af sauðunum hafði verið lagður inn, sem mér fannst nú dálítið skrítið því GR raðaði sjálfur í rennuna og 13 síðustu gripirnir áttu að vera heimteknir en þessi sem var lagður inn var inn í miðri röðinni.  Ekkert við því að segja svosem, sótti bara kjötið og vissi svosem að þessi svarti sauður væri glataður eða þannig, hann fæst nú samt borgaður.  Hvað um það fékk svo vigtaseðil í e-mail og þar er hann heimtekinn, búið að skoða þetta fram og til bara og ekki er sá sauður heimtekinn þannig að það voru bara 10 veturgömul sem skiluðu sér.  Skrýtið en fæ vonandi skýringar frá SS á morgun.  

2. nóv 2008

            Letidagur í dag, við Dóri fórum reyndar í messu að Úlfljótsvatni í morgun, þetta var bara hin ágætasta messa, þarna var jú presturinn, organistinn, meðhjálparinn og við Dóri.  Fimm í heildina, fámennt en góðmennt. Annars bara rólegheit í dag, Adam kýkti við og karlarnir á bænum bara búnir að vera að vasast í hrossum í dag.

1. nóv 2008

           Í morgun  var hrossunum sem eru búin að vera niður á Hrauni smalað heim.  Sverrir og Jonni fóru á fjórhjólum, Bjössi og Dóri á hestum og svo vorum við Adam á bíl og eins tengdapabbi og GR já og Hreinn fór líka á bíl.  Þetta gekk alvega ágætlega allavega þegar hrossin fengust loksins útaf túninu.  Það sem mér fannst annars merkilegast var að hann Rauður minn sem fæddist í vor lenti í því happi að hlaupa utaní girðinu og rúlla hring yfir girðinguna með þeim afleiðingum að líkast til hefur komið ein rifa á hann og eittvað horfið undan honum líka því þegar hann var kominn heim í gerði var hann orðin að hryssu.  Mun líklegri skýring en að ég hafið klikkað á kyngreiningunni í vor því ég lyfti jú upp taglinu á honum í vor og þá var hann hestur.  Hvað um það er bara ánægð með þetta og vona bara að þetta breytist ekki aftur.

            Svenni frændi og Kristbjörg kýktu við í dag með hana Elísabetu sína, Elísabet er þriggja ára og komst aldeilis í feitt þar sem hér eru hvolpar í stofunni.

            Gauja á Arnarstöðum kýkti líka við ásamt þýskri konu, en þær voru að skoða hunda hér í kring og litu á hvolpana í leiðinni, en Gauja er eiginlega amma hvolpana en hún ræktaði Arnarstaða Bersa sem er jú pabbi hvolpana.

           Fórum svo í afmælið til Braga og Svövu, þetta var alveg rosalega gaman eins og það er jú alltaf þegar þessi hópur hittist, það er að segja Gandar og Gúbbar en það var jú fullt af fleira fólki.  Maturinn alveg rosalega góður og hljómsveitin Raflost sjá um að halda uppi stuðinu.  Hafði nú heyrt utanaf mér að Bragi mundi nú kannski taka 2-3 lög, en held að hann hafi bara tekið öll lögin hehe langflottastur.  Til hamingju með afmælin hjónakorn þetta var glæsilegt veisla hjá ykkur og takk fyir okkur. 

31. okt 2008

        Tengdapabbi á afmæli í dag, til hamingju með daginn. 

            Hér kom sláturbíll í morgun, þannig að nú á bara eftir að fara í gegnum kindurnar, hvað er á vetur setjandi.  GR getur nú ekki betur séð en að það vanti svotil ekki neitt, ekkert fullorðið eða veturgamalt, en það vantar líklega tvo lambhrúta sem fóru inná afrétt,  ja og svo kannski þennann eina sem kom aldrei í fyrra en hann kemur nú klárlega ekki úr þessu og tæplega þessir tveir sem vantar en þó er aldrei að vita.

        Nú svo kom hún Viðja og sótti skjóttann graðhest, en það var hann Bliki sem var hér hjá deildinni í sumar. 

        Svo kýkti hann Sævar Sverris á það sem ég var að hugsa um að láta smíða og gott ef þetta gengur ekki bara allt saman upp, allavega verður byrjað á þessu næsta föstudag, lýst agalega vel á það.

        Sótti svo Dóra út á Borg en hann var í spurningum hjá prestinum í dag, þetta kallast kannski fræðsla núna, eða hvað?  Er kannski enn talað um spurningar?  Veit ekki. 

        Það er nú aðeins farið að minnka á forsíðunni hjá mér það sem kallast ,,Á döfinni" enda kominn tími til að sjá aðeins fram á rólegheit, fannst þetta nú orðið ansi mikill þeytingur, en  það verður nú örugglega ekki lengi gert að finna eitthvað sem ég verð alveg nauðsynlega að gera, eða þeytast.

30. okt 2008

         Fór í síðasta jógatímann í morgun.  Reyndar mikið að gera í dag, byrjaði á að hakka allar lifrarnar sem ég ætlaði að setja í lifrapylsu, nú þegar það var búið þá fór ég semsagt í jóga, þetta var síðasti tíminn á námskeiðinu en ég gæti nú kannski farið í staka tíma þegar hentar.  Fór í kaffi og kökur til Huldu svo var aðeins verslað á Selfossi og svo brunað heim til að kára að gera slátrið.  Gerði úr 15 lifrum og 2 lítrum af blóði, þó dálítil viðbót við það sem ég gerði um daginn.
       Daddi kom svo eftir hádegið til að stússa í fénum en þegar GR var kominn heim voru sláturlömbin tekin frá, síðgotungarnir settir sér með rollunum sem þau eiga og gimbrar settar á.  Það voru 63 gimbrar bólusettar, en líklega um 27 gimbrar sem fara í sláturhús.  Þannig að þetta gekk bara vel.  Þegar allir hrútar voru komnir í sláturdilkin þá var farið að skoða gimbrarnar.  Sumar settar á, aðrar strax í slátur og svo var svona ,,kannski" dilkur.  Þegar um 50 gimbrar  voru komnar á þá voru bara 20 eftir í ,,kannski" dilknum, þar  voru svo 13 valdar í ásetning.  Nú hann Bergur sem er nú dálítið uppáhald hjá mér hann átti 20 fæddar gimbrar í vor, tveim var slátrað um daginn en viti menn 18 settar á í dag, semsagt allar sem eftir voru og enginn þeirra sett í ,,kannski" dilkinn, virkilega fallegar gimbrar, reyndar voru bara ansi margar gimbrar fallegar fannst mér.
        G. Har kom svo og kýkti á okkur, nú og svo er bara að fá endanlega tölu úr þessu öllu og sjá hvað vantar, allavega er mætt ein gimbur sem við héldum að væri kannski inná afrétt, svo þetta er nú ágætt, enda ekki spennandi að vera inná afrétt í þessum snjó.  

29. okt 2008

          Fórum strax eftir hádegið, þegar Dóri var kominn heim úr skólanum, að flytja hross.  Byrjuðum að fara með Kötlu í Austurkot en það stendur jafnvel til að selja hana.  Nú og svo var ferðinni heitið í Hemlu með Hæring.  Spennandi að vita hvernig það gengur en á nú svosem ekki von á örðu en að það gangi vel.  Nú þegar heim var komið var fénu smalað saman og á morgun á að taka sláturlömbin úr og bólusetja restina það er að segja ásetninginn og þessi 7 lömb sem fæddust í sumar.  Við GR vorum ekki komin inn frá þessu stússi fyrr en um hálf átta leitið held ég bara. 

        Heyrðist nú á Dóra að hann og Bragi væru eitthvað að plotta hehe gaman að því allavega var Dóri mikið kátur. 

28. okt 2008

       Jóga í morgun og svo Reykjavík eftir hádegið.  Náði mér í smávegis gólfefni, og snérist aðeins í bænum.  Kýkti svo á hana Berglindi og fór svo á námskeiðið í MS heimilinu.  Var svo komin heim uppúr átta í kvöld og snjókoman sem ég hélt að yrði á leiðinni austur var eiginlega ekki byrjuð, gott mál það. 

27. okt 2008

        Í dag var farið með hann Ljóma  til tannlæknis en Ljómi er hestur, það voru tvær útlfstennur sem voru að angra hann og eitthvað var hann allur skakkur í kjaftinum en vonandi lagast hann eitthvað við tanntökuna, Dóri er nú samt búin að vara á honum heilmikið í haust og gengið svona þokkalega allavega þegar þeir eru sammála um hver þeir eru að fara.
      Nú og svo er Þoka komin aðeins af stað í tamningu og gengur örugglega vel en ég látin handa að þetta sé nú hálfómöguleg meri og Dóri segist svosem geta hirt hana af mér svo ég þurfi nú ekki að eiga svona hross.

        Á morgun er svo jóga, og svo er það Reykjarvíkurferð, alveg ótrúlegt hvað ég get fundið margt að snúast fyrst ég er á ferðinni, mikið af því sjálfsagt eitthvað sem ég mundi annars bara láta eiga sig.

26. okt 2008

Tengdamamma á afmæli í dag, til hamingju með daginn.

       Hér er enn allt hvítt og lítur eiginlega ekki út fyrir að snjórinn sé neitt að fara.   Valli kýkti hér aðeins í dag en ég er með eitthverjar hugmyndir um ,,smá" breytingar hér innandyra,  þetta virðist jú allt vera framkvæmanlegt og bara spurning með tíma, vona að það verði auðvitað sem fyrst.

        Fórum í afmæliskaffi til tengdó í dag, agalegt gott og heitt súkkulaði með rjóma var líka í boði, ekekrt smá flott og takk fyrir okkur.

      Hvolparnir stækka og dafna og kannski bara kominn tími á að prufa að gefa þeim smá mat með, hugsa allavega að þeim lítist vel á það. 

25. okt 2008

           Allt hvítt ennþá og kindin sem okkur vantaði úr hruninu kom labbandi heim með lambið sitt.  Þannig að nú eru líklega allar ærnar komnar heim og bara eftir að sjá hvað vantar af lömbum en held að GR hafi fengið sláturdag seinnipartinn í næstu viku og þá fer þetta nú allt að skýrast.

          Tók svo myndir af hvolpunum í dag og setti inná kersinsmyndaalbúmið.  Þeir voru nú misduglegir að láta taka af sér myndir eins og gengur.

          Annars er ég búin að vera löt í dag en það er svosem ekki frétt. Það er svo  búið að ganga frá öllu kjötinu og allar kistur orðnar fullar, ja ég kæmi nú smá kjöti í kistuna í viðbót enda þarf ég svosem að koma svínakjötinu fyrir sem ég er búin að panta. 

24. okt 2008

         GR bara búin óvenju snemma í dag ja eða uppúr kaffi.  Held að þeir séu hættir að slátra á laugardögum og þá þarf jú enginn að vera í réttinni fram á kvöld á föstudegi.  Sigga var svo í vetrarfríi í dag og verður líka í fríi á mánudaginn.  Dóri verður svo líka í fríi á mánudaginn, líklega starfsdagur hjá kennurum held ég.

        Annars er bara kominn heilmikill snjór og dálítið frost líka.  Dóri og Bjössi fóru á hestbak í dag, gekk vel með Kötlu enda á sköflum og alles.  Gekk ekki alveg eins vel með graðhestana fyrr en þeir föttuðu að klárarnir eru ekki á sköflum,,,, þannig að graðhestarnir voru bara í bóklegu í dag ja eða innivinnu.  Þoka mín var svo járnuð í dag.  En Þoka er brúnskjótt hryssa undan Forseta og Bóthildi, held að þetta sé ansi efnilegt tryppi, sá hana meira að segja taka brokkspor úti á túni um daginn hversu vel sem hún passar svo uppá  brokkið. 

23. okt 2008

       Í dag tók GR inn nautin sín, þeim var farið að leiðast úti held ég.  Nú svo var kindunum gefin ein rúlla úti í túni en þar eru restin af sláturlömbunum og já ásetningarnir og smálömbin, en vona að GR fái sláturdag í næstu viku. 

22. okt 2008

         Það var bara komin dálítill snjór í morgun og bætti svo bara í, í dag.  Annars var slátrað slatta af lömbum hér heima í dag, það gekk bara vel.  Annars bara lítið að frétta.  Jú tók slatta af myndum af hvolpunum og setti í Kersinsalbúmið en núna tók ég myndir af þeim öllum í hrúgu eða þannig. 

21. okt 2008

       Fyrst var það jóga í morgun, nú svo skotist heim og svo í bæinn.  Passaði að taka tengdamömmu með en hún var semsagt í saumakúbb í bænum í dag.  Fór til taugalæknisins og gekk bara vel, fannst nú samt að hann væri ekki alveg ánægður og sendi mig í blóðprufu niður á Landsspítala, blóðprufan verður svo send til Svíþjóðar en það á semsagt að athuga hvort ég hef myndað mótefni við Avonexinu en það er semsagt MS sprautulyfið sem ég er að nota.  Nú þetta tekur nokkrar  vikur, en ég á svo að fara aftur í rörið í febrúar, bara fjórir mánuðir í það, en hef venjulega farið á sexmánaða fresti.  Þetta fer að verða spennandi hehe.

      Fór svo að sækja hundafóður, kom líka við í rekstrarvörum og fór líka í rúmfatalagerinn og Hagkaup og allt á milli klukkan tvö og fjögur, á mínum stóra fjallajeppa og það var svosem ekkert mál að snúast á honum í bænum, tókst meira að segja að fá bílastæði niður á Lansa.  Endaði svo í MS heimilinu á námskeið, finnst það alltaf jafngaman.  Síðan bara brunað austur, agalega gott að komast heim. 

20. okt 2008

          Lítið gert í dag, allavega gerði ég lítið í dag, ja eiginelga bara ekki neitt.  Á morgun verður svo agalega mikið að gera hjá mér.  Jóga í fyrramálið og svo þarf ég að fara í bæinn, en reikna nú með að hafa svosem nóg að snúast en ég á að mæta hjá taugasérfræðingnum klukkan 13.00, nú svo er það námskeiðið í MS heimilinu og það byrjar klukkan 17.00 er nú nokkuð viss um að tíminn þar á milli líður ansi hratt, ná í hundafóður og eitthvað meira.  Verð örugglega ansi kát að komast heim annað kvöld.

19. okt 2008

        Skutlaði mínum mönnum inní Kringlumýri í morgun en það fóru semsagt fimm ríðandi menn frá okkur og yfir heiðina.  Bensi endaði á Efri Brú en Bjössi, Dóri, Jonni og tengdapabbi komu niður á Hæðarenda.  Engar kindur komu með þeim en eitthvað kom að á Efri Brú.  Nú við fengum tvær kindur á Efri Brú, þá sem vantaði úr Skjaldbreið og svo kind sem GR átti von á að kæmi úr heiðinni.  Hin kindin sem okkur vantaði úr heiðinni kom svo að á Efra Apavatni held ég örugglega þannig að allt féð sem var keyrt innúr er komið, klárlega allar kindurnar gætu verið tvö lömb sem vantar en þó er það nú ekki víst en það ætti að koma í ljós þegar búið verður að fara betur yfir það sem er í túninu og klára að slátra já og setja á.

        Annars var nú aðeins snjófjúk hér í dag, ekkert sem festi samt en snjófjúk samt. 

18. okt 2008

          Eftir hádegið var folaldasýningin í Hólmarshöllinni, þetta gekk bara ljómandi vel og allir sátti held ég bara.  Auður og Siggi á Hömrum fengu fyrsta sætið að þessu sinni og Snæbjörn á Úlfljótsvatni fékk annað og þriðja sætið.  Magnús í Kjarnholtum kom svo í gestaflokkinn og eins og alltaf var hann með ansi falleg folöld.

       Nú svo var reynt að smala Búrfellið í dag, eitthvað smalaðist já og sjálfsagt meiriparturinn af fénu en þó alltaf talað meira um þessar sem sluppu.  Það semsagt slapp örugglega eitthvað en það gerir það nú alltaf.  Við fengum einn lambhrút sem við vorum nú að vona að færi að koma en hann er semsagt undan kindinni sem drapst á veröndinni á sumarbústaðnum við Ásgarð hér um daginn.  Þetta er ansi myndarlegur hrútur og lækkar klárlega ekki meðalvigtina, kannski full feitur en þó er það nú ekki víst.

       Tók svo eftir því í dag að það eru þrír hvolpar búnir að opna augun, tíminn er svo fljótur að líða að maður áttar sig bara ekkert á þessu en þeir eru semsagt orðnir tveggja vikna.  Tók eitthvað af myndum og setti í Kersins albúmið. 

17. okt 2008

           Margt merkilegt að gerast í Miðengi í dag.  Sigga fór um hálfsex í morgun á Selfoss, er í eitthverju hoppi.  Nú þegar hún kom hér út sá hún mann út við hesthús,  hann sást víst mjög vel þar sem hann gekk undir ljósið en hvarf svo í skuggann.  Nú þegar Sigga kom svo heim frá Selfossi í morgun fór hún að segja okkur frá þessu og öll vorum við sammála um að þetta væri líklega heimilisdraugurinn.  Þegar svo Bjössi og Reynir fóru að litast um í hesthúsinu þá leit nú út fyrir að eitthver hefði sofið í kaffistofunni.  Enginn af Miðengismönnum kannaðist við að hafa sofið í hesthúsinu svo þetta er nú dálítið dularfullt.  Kunni nú betur við að hafa bara draug þarna.

         Seinnipartinn fóru svo Bjössi, Dóri og Reynir út í hraun að sækja eftirlegukind, semsagt eina kind með lambi, þeir komu heim með tvær ær, tvær veturgamlar ær og þrjú lömb.  Nú svo var farið út í Gíslagirðingu en þar vissi GR um allavega eina kind með hrútlambi.  Kindin fannst en var með þrjú lömb með sér.  Þannig að lausafé Miðengismanna er núna ein grá kind í hrauninu, tvær kindur uppí heiði og ein sem gæti verið í Skjaldbreið, ja eða á leið heim þaðan.  Það er semsagt allar kindurnar sem vantar.  Nú það er svo ómögulegt að vita hvað vantar af lömbum fyrr en búið er að slátra. 

         Lovísa kom svo hér að sækja Siggu en þær þóttust vera að fara á fótboltaæfingu á Borg.  Þegar þær voru að fara ráku þær augun í heimilisuglunar já og takið eftir uglunar í fleirtölu.  Þær voru hér í ljósinu við hundagirðinguna og gaman að sjá að að var eins og þær væru að leika sér.  Ég sá nú samt minnst af þeim en það virtist ekkert styggja þær þó ég væri að kallast á við Siggu sem var komin aðeins frá húsinu hér.  Og talandi um uglur þá sást nú til þeirra hér um síðustu helgi í smalamennskunni en þá sást líka Snæugla, heita þær annars ekki Snæuglur þessar hvítu? 

      Þannig að það er allt að gerast,,, 

16. okt 2008

          Skrópaði í jóga í morgun, fór í staðinn inn á Gjábakkaveg með Miðengismenn en það var semsagt þriðja leit í gangi.  Skildi Dóra, Bjössa og Bensa eftir þarna innfrá í slyddu, og fór svo heim.  Nú þegar heim var komið þá mætti Daníel að sækja mertryppið sem hestaflutningabílstjórinn gat ekki tekið í gær og viti menn þetta gekk bara svona ljómandi vel.   Þegar þetta var svo búið var aftur kominn tími til að sækja smalana en tengdapabbi fór með mér því við ætluðum að koma bílnum hans Kolla í Kringlumýri.  Nú þegar við komum inná Gjábakkaveg þá þurftir bara að fara með bílinn að Dímonsafleggjaranum en vesturleitin smalaði inní Kringluymýri en austurleitin endað þarna uppvið veg en ömurlegt veður og engar kindur á þessum slóðum.  Held að ég fari með nokkuð rétt mál en það voru líklega tvö lömb sem náðust frá Apavatni en þau voru á Hlöðuvöllum held ég örugglega nú og tveir gripir úr Borgarfirði voru svo við Kerlingu held nú samt að annar þeirra hafi tapast.  Vesturleitin hafði aðeins meira uppúr deginum en Auður á Hömrum átti þrjú stykki, Björk átti tvö lömb, Klausturhólar eitt lamb og Jói í Mjóanesi átti tvær veturgamlar og líkast til útigengnar kindur.  Næst er þá að smala heiðina og ég held að hún verði smöluð á sunnudaginn.  Hugsanlegar verður smalað í kringum Efri Brú og Kaldárhöfða á laugardag en það er nú svosem ekki klárt.  Allavega leit úr fyrir að það væri fullt af kindum þar.

          Held að ég hafi verið komin hér heim uppúr hálffjögur með mitt fólk sem er nú óvenju góður tími en veðrið var nú ekki spennandi þarna innfrá, mikið blautt og kalt. 

15. okt 2008

            Fór til tannlæknis í morgun og ætlaði bara að láta laga smá brot, auðvitað var þetta meira en smá brot, og það sem ég hélt að tæki hálftíma tók einn og hálfann tíma.  Semsagt eitthvað sem þarf að rótfylla...gat verið.

          Eftir hádegið komu Auður á Hömrum og Gunnar Birgir, við fórum svo á Raminum með kerru inn í Ingólfshólf að kýkja á smalana.  Nú við áttum eitt lamb innfrá Jói tvö og Auður rest.  Á heimleiðinni náðu þau svo einni kind frá Gumma í Hólum og kind og lambi frá okkur þannig að þetta var nú svosem ágætt.  á morgun fara svo Bjössi, Bensi og Dóri héðan og smala niður í Kringlumýri vona bara að það verði gott veður.

         Hér var svo hryssa já og er hryssa sem á að fara til Danmerkur í vikunni og það kom bíll að ná í hana.  Það gekk bara alls ekki neitt.  Merin stökk fyrir allt og endaði úti á túni.  áður en að því kom að hryssa stakk af spurði tengdpabbi hvort bílstjórinn vildi ekki setja á merina múl en fékk þau svör að það væri ekki í hans verkahring...þetta er semsagt veturgamalt tryppi og allir Miðengismenn inná afrétt, og tengdapabbi bara heima.  Hvað um það, það á að reyna að nálgast gripinn aftur í fyrramálið og sjá hvort ekki er hægt að koma henni í flug. 

14. okt 2008

Einar Óli á afmæli í dag og orðinn 14 ára, til hamingju með daginn frændi ;-)

          Fór í jóga í morgun,  fór á Borunni og lét setja undir hann nagladekk á meðan en plataði Huldu til að kippa mér með úr Sólningu.  Þegar ég var svo búin í jóga og búin að sækja bílinn þá brunaði ég út í skóla og tók Dóra upp en hann átti semsagt tíma hjá lækni.  Aðeins tognaður en samt nokkuð heill miðað við aldur og uppruna.

        Bjössi á Björk kom svo hér um miðjann dag með kind og lamb sem hafði komið í Laugardalshólum.  

         Fór svo í bæinn seinnipartinn á námskeið hjá MS félaginu, gekk bara vel en snjóaði dálítið á mig á leiðinni suður.

         Á morgun stendur svo til að fara í þriðjuleit og smala eitthvað inná afrétt, héðan fara Sverrir, Bjössi og Bensi. 

13. okt 2008

Það er komin lítil frænka í Noregi, Mæja orðin amma, til hamingju með þetta Alexandra og fj.  Litla daman fæddist 8 okt og ég er búin að uppfæra niðjatalið, allavega að hluta.

           Það var mikið kátur Guðni Reynir sem kom heim úr sláturhúsinu í dag, en við vorum að slátara fyrstu umferð.  Fengum meðalvigt 16,07 sem er nú ansi ágætt, gerðin var 7,31 og fitan 6,41.  Fitueinkuninn hefur aðeins hækkað síðan í fyrra en þetta er samt engin fita.  Nú gerðin aftur hefur hækkað um heila tvo sem er bara frábært.  Nú við áttum von á að eitthvað mundi falla fyrir fitu því það leit nú þannig út en það var eitt lamb sem fór í 4 og 5 lömb sem fóru í 3+ sem er nú bara ansi ágætt.  Nú restin sem á eftir að fara í sláturhús verður nú ekki eins góð en samt erum við tveimur stigum fyrir ofan gerðina sem við fengu á fysta bíl í fyrra og líka tveimur kílóum sem þetta er bara frábært.

         Annars bara allt í rólegheitum, Dóri ansi beyglaður eftir smalamennskuna, datt aðeins af baki, hann var semsagt að reiða lamb og rúllaði af baki yfirvigtin líklega aðeins og mikil,  en samt alveg óbrotin og fer alveg jafnmikið fyrir honum og vant er.

12 okt 2008

              Var smá þreytt í morgun, enda svaf svosem lítið í nótt, byrjuðum að eiga  við féð um 10 leitið í morgun en pabbi og mamma mættu, Daddi var auðvitað á sínum stað og Gunni Har klikkaði ekki.  GR var að sjálfsögðu að vasast í kindunum sínum og Bensi kom líka.  Vorum búin að þessu um hádegi, komin með 130 sláturlömb sem litu bara  vel út fannst okkur.  Spennandi að sjá á morgun hver meðalviktin verður og eins hvort gerðin er að tosast upp, er nokkuð viss um að fitan hefur hækkað dálítið.  En fita er holl er það ekki bara?  Sláturbíllinn kom svo um fjögur leitið held ég, gekk vel að setja á bílinn enda slatti af mannskap sem hjálpaði til.

            Nú það var svo aðeins rennerí hér heima í dag, mamma og pabbi byrjuðu á að mæta og svo Gunni Har.  Eftir hádegið kýkti svo Selma og Bjartmar í kaffi en fengu samt ekkert kaffi.  Tengdamamma droppaði líklega tvisvar inn nú og Ingþór kom aðeins við.  Nú Geir vinur okkar kom í gærkvöldi og gisti en fór svo uppúr hádeginu.  Seinnipartinn fóru svo Bjössi, GR, Sigga og Dóri að fá sér hamborgara, ég hreinlega nennti bara ekki að fara af bæ, enda hefði ég þá þurft að klæði mig en er búin að sá út að það er ekkert mál að vera í náttfötunum undir útigallanum, finnst það bara hafa virkað ansi vel, en er kannski ekki flott að fara í útigalla út að borða. 

11. okt 2008

              Í dag var heimasmalamennska í Miðengi.  Fyrir hálfum mánuði var austurgirðingin smöluð þannig að núna var það bara hraunið sem var eftir og því var hægt að setja alla smalana í hraunið í staðinn fyrir að skipta smölunum í tvennt.  Nú semsagt helmingi fleiri smalar en vant er... ja svona ca tuttuguog eitthvað...  veðrið var eins og best verður á komið, þannig að þetta gat ekki klikkað.  Það klikkaði nú næstum samt, var uppá hól þegar féð átti bara eftir síðasta spölinn.   Þetta  var nú eiginlega bara orðið fyndið meira að segja pabbi var farin að glotta og þá er nú mikið sagt.  Sáum fullt af smölum leit út fyrir að hver og einn væri bara með eina já eða tvær kindur, þetta tosaðist áfram en þó meira aftur á bak.  Fyrir hverja kind sem fór aðeins áfram spruttu upp tvær sem voru allt í einu fyrir aftan smalana og  voru sko ekki á leiðinni heim.  Þess á milli hringdi síminn og það þurfti að sækja kindur hingað og þangað, eitthvað sem hafði gefist upp eða svo þrjóskt að þær fóru bara ekki heim.  Eins og mér skildist að þetta hefði gengið vel til að byrja með.

           Og þá hringdi Auður, hún semsagt að smala inná afrétt með Gunnari pabba sínum, þau búin að setja 17 kindur frá okkur inn í hesthúsið í Gatfelli og voru á Hoffmannaflöt með yfirfullakerru, en vantaði að setja einn hest í kerruna og þrjú lömb líka, já og kerran var svo full að það var ekki hægt að loka henni.  Miðengismenn næstum allir úti í hrauni að smala, svo ég ákvað að fara af stað og sjá hvort ég gæti gert eitthvað gagn.  Auður spurði hvort ég ætti ekki eitthvern ungann og sprækann sem ég gæti nú tekið með í rollustússið, sagði henni að Gunni Har væri hér við hliðina á mér og ég gæti örugglega tekið hann með,  við af stað og vorum svo heppin að hitta á GR og hundana og tókum þá með.   Þegar við komum inná flöt þá sáum við Gunnar þar með hest, kerran og bíllinn voru svo þarna líka.  Gunnar skellti sér á bak klárnum og reið af stað í átt að bílnum og við á eftir.  Þarna voru svo þrír lambhrútar sem biðu við bílinn,  Auður hafði líklega hlaupið uppá fjall þannig að þegar við komum sáum við hana ekki, þá var farið í að reyna að handsama hrútana sem hafðist.  Settir á kerru og ég bakkaði kerrunni okkar að kerrunni  þeirra og féð látið hlaupa á milli.  Auður og Gunnar þurfti semsagt að koma hestinum fyrir líka, þannig að það var vel pakkað á kerruna og hesturinn settur aftast .  Þá brunuðum við í Gatfell, þar voru settar á kerruna okkar 17 kindur og farið með þær heim.  Við  vorum komin heim um klukkan 22.00., þreytt og þvæld.  af okkar kerru voru svo taldar 26 kindur og af Hamrakerrunni 21 kind og einn hestur.  Þannig að Gunnar á Hömrum og Auður smöluðu 47 kindum inni á afrétti í dag.  Ótrúlega seig verð ég að segja.

10. okt 2008

            Tók eitthvað af myndum af hvolpunum og setti á Kersinsmyndaalbúmið.  Gengur alveg ljómandi vel með hvolpana, stækka og fitna eins og þeir eiga jú að gera.

              Fórum svo á tónleika í kvöld í Laugardalshöllinni, þetta voru svokallaðir Villatónleikar og voru bara frábærir.  Nú Dóri benti svo á að við skildum athuga það að það væri sami tónlistarstjóri á þessum tónleikum og yrið í sviðaveislunni... og toppið það.. 

           Svo á semsagt að smala hér heima á morgun, spáin bara fín þannig að það ættu ekki að verða neinar kindur eftir hugsa ég,,bara að vona að náist að koma þeim inní gerðið, en það hefur í gegnum árin strandað eitthvað hér heima við hús. 

           Fengum svo þær fréttir frá ferðaskrifstofunni sem við ætluðum með til Barcelona að það væri búið að blása ferðina af.  Okkur stendur til boða að fara viku fyrr já eða þarna í endann á okt.  Held að við Bjössi já og Þóra æltum bara að hætta við þetta allt saman í bili, það kemur klárlega fín ferð seinna þannig að það verður engin utanlandsferð þetta haustið, enda gerir það svosem bara ekkert til.  Verðum bara heima og étum okkar lambakjöt já og kartöflur úr Birtingarholti,  það kostar ekki evrur.. 

9. okt 2008

            Fór í jóga í morgun, nú strax og ég var búin þar fór ég í plokkun og litun, þaðan í klippingu og strípur já og litun held ég bara líka.  Pósthúsið og ríkið urðu svo á vegi mínu, og ég var í ríkinu í hádeginu á fimmtudegi og það var bara ekkert að gera, skrítið það því þó það sé svokölluð kreppa þá hélt ég að ríkið væri ekki fyrsti staðurinn sem fólk hætti að fara á.  Var  svo komin heim uppúr hádeginu og bara búin að eiga letidag síðan.

         Nú og svo er það Villi annaðkvöld, það verður örugglega mikið gaman, gerum allavega ráð fyrir því.  Hún Þóra okkar ætlar að koma með okkur, svona rétt nær þessu því hún kom frá Grikklandi í gær.  Munar ekkert um að mæta svo á Villa. 

8. okt 2008

           Dagurinn  byrjaði á því að GR hringdi fljótlega eftir að hann fór af stað í vinnu í morgun og kominn útaf.  Við brunuðum af stað með spotta, ætluðum að draga bílinn uppá veg, en þetta leit nú bara ekki eins vel út og við vorum að vona.  Bíllinn kominn frekar langt útaf, fljúgandi hálka, og ég er ekki að grínast það  var ekki stætt á malbikinu þó svo það liti út eins og það væri nú eiginlega engin hálka,  nú og bíllinn hans GR var í frekar miklum halla, ég hélt að hann mundi nú bara velta þá og þegar.  Jonni og Bjössi hleyptu úr dekkjunum en það leit bara lítið betur út, kannski aðeins.   Þannig að það var gripið til þess ráðs að hringja í Gunnar sem á svona bíl til að draga upp bíla,  Það endaði svo með því að Gunnar hringdi í lögguna til að fá hana til að passa uppá að það yrði nú ekki keyrt á dráttarbílinn á meðan hann var að redda þessu.  Tók svo enga stund að koma bílnum uppá malbik þegar umferðin var ekki að trufla.  Þannig að þetta gekk ótrúlega vel og nóg að gera fyrir dráttarbílinn skildist mér, líklega innan við kílómeter í næsta bíl sem var víst alveg á toppnum.  Nú ég skutlaði GR bara í vinnuna enda ekkert að gera við að bíða eftir dráttarbílnum, vorum komin heim um níu leitið í morgun.  Bara ótrúlegt heppni að ekki skyldi fara verr.

            Kristín rak svo augun í það seinnipartinn að sauðurinn sem er búinn að vera að rolast hér fyrir sunnan bæinn var alveg hættur að hreyfast.  Hann hafði orðið viðskila við hinar kindurnar og líklega einn þarna að flækjast.  Við nánari athugun kom nú í ljós að hann var nýdauður, og lá bara eðlilega, held kannski að skýringin hafi verið að hann dó bara úr leiðindum, liggur alveg ljóst fyrir finnst mér en gengur illa að fá fólk til að trúa þvi.  Fór svo hring á túninu og allt í góðu þar.

          Sigga skutlaði svo Dóra og Steinari uppá Laugarvatn í kvöld en þeir fóru á eitthverskonar kynningu á Hjálparsveitarstörfum.  Mikið er ég nú kát með það, finnst alveg nauðsynlegt að krakkarnir kynnist þessu já og ekki væri verra að halda bara áfram og taka þátt, þá geta þeir kannski bjargað mér ef og þegar þarf.  Skilst á Dóra að þetta er eitthvað sem hann er að finna sig í.  Aftur hefur ég aldrei getað fengið GR til að skoða þetta en Sigga er nú ekki alveg viss og má reyndar bara ekki vera að þessu hef ég grun um, en sé allavega framá að eiga einn hjálparsveitargaur ef Dóri missir ekki áhugann.

          Heyrið þið,  svo var það Bragi sem átti þessar myndir sem búið var að setja í Gúbbaalbúmið, sem segir okkur að ónefnd kona á enn eftir að setja inn myndir.... og ekki orð um það meira.  Bíðum samt spennt eftir fleiri myndum.

          Setti svo fáeinar myndir inn sem ég tók í opna húsinu, þær eru í Miðengisalbúminu.

          Bætti svo inn einum link held ég og búin að uppfæra eitthvað um krakkana.  Já og svo er rauða hryssan hans Bensa hún Sóley loksins komin með fyl, þannig að Bensi ætti að fá folald næsta sumar undan Aron, geri svo alveg ráð fyrir því að það komi rautt, kannski spurning hvort það verður hestur eða meri.  En Bensi fær alltaf rautt hvort sem það eru litlar eða miklar líkur á því. 

7. okt 2008

          Gæti verið að ég ætti frænda í Keflavík sem er alveg að ná mér...til hamingju með daginn Kiddi.... 

          Fór í jógað í morgun, gekk ágætlega en er þó að velta því fyrir mér hvort það séu erfiðari æfingar á þriðjudögum en fimmtudögum....held það bara því ég trúi því að sjálfsögðu ekki að ég sé lélegri í skrokknum á þriðjudögum.

         Fór svo í bæinn seinnipartinn á námskeið í MS heimilinu, líkar þetta bara vel.

         Annars er svosem ekki mikið um að vera, Bjössi og Bensi alltaf í vegagerð þessa dagana, eru að hækka Bústjórabrautina, en sá vegur var nú eiginlega að verða niðurgrafinn, enda eru engir smá flutningar þarna niðureftir.  Eins og menn átti sig ekki á því að þegar það er ákveðinn öxulþungi uppá malbiki, þá halda menn að það sama gildi á sumarhúsavegi í leysingum, og alveg hissa þegar vegurinn gefur sig.  Held nú samt að það sé komin regla allavega í öðru hverfinu þarna niðurfrá að ef eitthver skemmir veginn þá skal hinn sami sjá um að laga hann.  Vona að það virki eitthvað en samt er ég ekki viss. 

      Komnar fleiri afmælismyndir í albúmið, en Gróa er búin að setja inn myndir úr afmælinu hans Gumma.  Nú og svo eru komnar myndir inní Gúbbaalbúmið en það eru myndir úr Þórsmerkurferðinni, líklega myndir frá Dísu, hún er helst grunuð, reynda ætlaði Bragi að setja inn myndir líka en hann er á svo mörgum myndum þarna að ég veðja frekar á Dísu, sá líka að það var  búið að setja inn comment um hina ógurlegu KROSSÁ, þannig að öll spjót beinast að Dísu.

6. okt 2008

          Fór snemma í bæinn í morgun, átti tíma í MRI klukkan 8.40.  Það var ekkert smá leiðinlegt veðrið í bænum í morgun, var ca 40 mín í MRI og fór bara beint austur aftur, var búin að spá í að versla smá en ákvað að það væri mikið nær að versla á Selfossi, engin rigning þar allavega ekki miðað við í Reykjavík.  Fæ svo ekki niðurstöðu úr þessu fyrr en ég fer til taugalæknisins næst.

          Finnst nú eins og hvolparnir mættu fara að þyngjast aftur en þeir eru svosem hættir að léttast, en svona til öryggis bað ég Gunnu að koma við á heimleiðinni úr vinnunni, með smá hvolpamjólk, allavega betra að eiga þetta klárt, gaf hvolpunum svo smá sopa fyrir nóttina ekki það að þeir drykkju neitt að ráði bara svona rétt til að subba þá út já og þá er nóg að gera hjá tíkinni að þrífa hehe.

        Valli og Sigga kýktu svo við seinnipartinn, gaman að sjá þau en það er nú dálítið síðan þau komu síðast, skulum nú ekki tala um hversu langt er síðan við höfum kýkt..... 

5. okt 2008

           Letidagur í dag.  GR fór samt að kanna hvar væru kindur og Daddi fór með honum.  Held að þeir hafi bara keyrt alla vegi sem þeim datt í hug og sáu ekkert spennandi.

          Við Dóri fórum reyndar í messu í morgun að Stóru Borg en nú er fermingarundirbúningurinn að byrja.  Dóri kemur til með að fermast á Búrfelli 19 apríl, sem var akkúrat það sem við óskuðum eftir.   Það verðru svo önnur ferming á Búrfelli 13 apríl en restin af krökkunum í Mosfellsprestakalli ætla svo að fermast um Hvítasunnu í Skálholti, það er að segja þau sem eru búsett í sveitinni,  jú ein fermist í Hafnarfirði minnir mig.  Nú veit ekki hvenær börnin úr Þingvallasveit fermast en það verður örugglega í Þingvallakirkju. 

4. okt 2008

           Dagurinn byrjaði á því að Tíbrá átti hvolpana sem ég var að bíða eftir.  Það komu 2 rakkar, og 3 tíkur, allt voða fínir hvolpar og ég alsæl með þetta.  Það eru svo myndir í myndaalbúminu á www.kersins.is.  Nú þegar allar hvolparnir voru komnir um 10 leitið í morgun fórum við Sigga á Selfoss að redda því sem vantaði fyrir opna húsið.

         Opna húsið tóks svo bara ljómandi vel,  vorum með þrjár folaldsmerar inni til að byrja með en svo allt í einu fór hún Alísa sem er eitt folaldið að hósta svo mikið og það gekk uppúr henni svo mikill vökvi og eins og hor.  Leist nú bara ekki á þetta og það var farið með hana út í hesthús.  Fékk svo uppl. hjá dýralækni um að líkast til væri þetta ofnæmi og þá líklega sagið sem var í stíunni, ja eða ryk úr heyjinu.  Skrítið en allavega virtist hún alveg góð þegar hún kom út í hesthús en þar var ekkert sag.  Spurning hvað gerist svo í vetur þegar tekið veður inn, en þá verður maður allavega vel vakandi en hef nú bara ekki heyrt um svona lagað áður.   Annars eru komnir ansi miklir hnúskar í folanna sem eru komnir inn, allavega þá sem voru það spakir að hægt væri að skoða þá.  Er ekki viss um að þeir fari mikið út aftur.

        Nú svo kom hún Auður á Hömrum með glaðning handa GR, en það voru semsagt tveir sauðir sem hún fann líkast til í þjóðgarðinum, meira flakkið á þessum skepnum,  nú Klaustarhólafólkið smalað slatta í dag og sá líka slatta sem ekki náðist en skildist að enn væru hrútarnir ókomnir og væru í já eða á Búrfellinu.  Allavega held ég að sveitunginn hafi smalað góðann slatta í dag og líka séð góðann slatta sem ekki náðist.  Held að Miðengismenn fari af stað á morgun og reyni að ná eitthverju af fé af fjöllum.

3. okt 2008

Mamma á afmæli í dag, til hamingu með daginn.

            Agalega mikið að gera hjá mér í dag.  Byrjaði á að smala en Dóri hafið gleymt að loka einu hliði í gær og kindurnar sem átti að smala um næstu helgi voru bara komnar heim á hlað, kannski ekki allar en góður slatti, nú þær voru semsagt reknar út í hraun aftur.  En skýringin á þessari hegðun þeirra er að sjálfsögðu sú að hér er bara kominn slatti af snjó..

        Eftir hádegið gerði ég svo slátur, úr ca 2 lítrum af blóði og 12 lifrum, ansi góður slatti það og allt komið ofaní kistu.

        Nú innan um sláturgerðina fór ég í fyrirstöður en það var semsagt verið að reka hross fram og til baka.  Nú eru semsagt þau hross sem eiga að vera inni á morgun komin í hús.

        Þegar GR kom svo heim úr sláturhúsinu þá fóru þeir feðgar já og Dóri líka að kýkja á fé, fundu Brjáluðu  Flekku en hún var semsagt á leið heim úr heiðinni, er viss um að hún snéri við þegar hún sá þá hehe,  slatti af fé var svo í Búrfellinu sem náðist að handsama en Klausturhólabændur voru jú á þessum slóðum að smala og þau sjálfsagt búin að vera í allann dag.  Held að það hafi semsagt náðst slatti af fé og slatti er líka eftir, hef grun um að það verði eitthvað kýkt á það á morgun.

      Nú og svo er það hún Tíbrá en hún er búin að vera ansi óróleg í kvöld, klárlega komin með sóttina eins og sagt er, allavega um okkur konurnar já og kýrnar, þannig að þetta hlítur að virka allt eins.  Hef trú á því að það verði komnir hvolpar í fyrramálið. 

2. okt 2008

           Fór í joga í morgun og gekk bara vel, var í aðeins meira sambandi við sjálfa mig en á þriðjudaginn var.  Keyrði svo um túnið þegar ég kom heim og allt í góðu.  Sigga rak svo augun í kind sem var afvelta um hádegið og viti menn þetta var sama gimbrin og var afvelta í gær, þannig að það þarf greinilega að fylgjast vel með henni.  Gr kýkti svo seinnipartinn og þá var hún uppistandandi.

             Stefanía kýkti svo við í dag, aðeins að kýkja á Prins Junior, hann er svo agalega fínn blessaður karlinn.

             Dóri hreyfði svo graðhestana , setti þá nú bara aftaní fjórhjólið og fór á rúntinn hehe nennti ekki á bak.

            Sigga, Bjössi og Dóri fóru svo niður á Skeið að sækja brúnu hryssuna hans Kjartans sem hafði verið hjá Möller frá Blésastöðum, brúnka með stóru fyli þannig að allir ættu nú að vera kátir,-.

             Annars fannst mér nú eins og það væri smá snjófjúk hér í kvöld, og það fyrsta sem okkur GR datt í hug var hvort hrútarnir okkar inná afrétt mundu nú ekki hugsa sinn gang og koma sér heimleiðs, vonum það allavega. 

1. okt 2008

            Fórum að kýkja á hrossin niður á Hrauni í morgun og allt í góðu standi þar, feit og falleg og nóg af grasi.  Í heimleiðinni kýkum við um túnið svona að athuga með kindurnar og fundum afvelta lambgimbur sem við gátum nú komið á fætur, en fundum svo eina afvelta veturgamla kind sem var nú bara dauð, ekki gott það.  Fórum svo aftur seinnipartinn að skoða en þá var gimbrin enn á fótum svo hún er nú líklega sloppin í bili og ekkert annað afvelta.  Reikna með að við þurfum að fara tvisvar á dag hér eftir.

          Nú Tíbrá er enn bara nokkuð róleg svona miðað við hana, hún er á degi 59 þannig að það geta komið hvolpar hvenær sem er.  Eitthverntímann var nú talað um að tíkur misstu matarlystina 2-3 dögum fyrir got, og ef það er rétt þá er hún nú ekki alveg komin að goti en reyndar held ég að Tíbrá missi aldrei matarlyst en það verður spennandi að fylgjast með því, hún allavega fékk sér popp hér í dag eins og það væri ekkert til betra, reyndar er ég alveg á því að popp er rosalega gott en vissi semsagt ekki að þetta þætti hundum gott, en hún er nú svosem einstök.   Fannst hún svo agalega skynsöm þegar hún kom með vatnsdallinn til mín, hélt að þar sem vatnið væri búið þá væri hún að láta mig vita, ég auðvitað fyllti dallinn og setti á sinn stað, hún mætti með það sama tók dallinn, hellti úr honum og fór að naga hann.  Þar fór nú skynsemin fyrir lítið.

       Var svo agalega dugleg í kvöld og lagaði aðeins til á graðhestasíðunni, komnir inn 5 hestar vantar auðvitað fleiri og betri myndir en það hlítur að koma. 

30. sept 2008

          Mikið að gera hjá mér í dag.  Byrjaði á því að fara í jóga í morgun og gekk þokkalega fannst ég nú ekki alveg vera í bandi alltaf en hvenær er ég það svosem?  Nú þegar jógað var búið brunaði ég heim og sótti tengdamömmu, en hún átti tíma hjá lækni í bænum og við þangað.  Vorum komnar austur aftur uppúr þrjú og þá passaði fyrir mig að rjúka aftur suður en ég var semsagt á námskeiði fyrir nýgreinda.  Þetta námskeið er semsagt fyrir fólk sem hefur nýlega greinst með MS.  Fannst þetta bara rosalega spennandi, og gaman að hitta fólk í svipaðri stöðu. 

29. sept 2008

             Ansi gott veður búið að vera í dag, allavega stundum held nú samt að það hafi ekki þornað á pallinum hér, en hvað um það.  Bjössi er búin að koma með gotkassann inn og nú fer að styttast í hvolpa, eigum við að veðja á ca fimmtudag, það er fínn dagur. 

28. sept 2008

           Lítið um að vera í dag, bara búin að vera heima að gera ekki neitt.  Adam kýkti hér við seinnipartinn aðeins  verið að spá í hross og hnúska....aðeins erum við farin að hafa áhyggjur af því.

            Dóri fór svo á hestbak á bæði Hæring og Erp og gekk bara vel. 

             Nú ég nennti svo ekki á hundasýninguna í morgun en frétti að Prins hafi gengið vel, hann þótti víst útskeifur á síðustu sýningu sem hann fór á en nú innskeifður hehe 

27. sept 2008

         Það var smalað aðeins hér í dag, Austurgirðingin var smöluð, ég verð nú bara að segja að mikið fannst okkur lömbin falleg, nú og af því fé sem GR setti í Austurgirðinguna í vor, vantaði bara þrjár, ein af þeim kom sér inní tún í sumar, aðra sá GR úti í Hrauni í sumar og sú þriðja slapp.  Aðeins hafði bæst við í Austurgirðinguna en það var allt fé sem hafði komið úr heiðinni og var rekið inní Austurgirðinuna um síðustu helgi, þannig að þetta var nú bara ansi ágætt.  Þetta fé var svo sett í Austurtúnið og verður næst rekið saman þegar það verður smalað um aðra helgi.

        Folarnir voru svo reknir saman í dag, en Lísa kom til þess að gelda sinn fola og til stóð að gelda fola sem kom hér í vor sem eineistungur en það var bara eitt eista ennþá í folanum þannig að það var bara einn foli geltur. 

26. sept 2008

       Jæja nú er bara þó dálítið að frétta og þá í hrossamálum.  Nú eins og þeir muna sem fylgjast með síðunni, þá sendi ég nokkur hár úr Lísu og Hvata til Freyju sem er í Uppsölum í Svíþjóð í skóla.  Það átti semsagt að finna út með Lísu hvort hún væri vindótt og hvort hún væri rauð eða brún í grunninn.  Hún er ekki vindótt og ekki komin niðurstaða í grunnlitinn.  Aftur varðandi Hvata þá hafði Freyju dottið í hug að hann gæti verið arfhreinn vindóttur og vildu menn í skólanum endilega finna út úr þvi og viti menn Freyja hafði rétt fyrir sér, Hvati er arfhreinn vindóttur, semsagt gefur alltaf vindótt, gaman gaman.  Skildist á Freyju að hún vissi um einn klár í Svíþjóð sem væri arfhreinn vindóttur en það er geldingur.  Auðvitað hljóta að leynast arfhrein vindótt hross einhverstaðar og gaman að frétta af því.   Hvað um það það er semsagt til DNA staðfesting á þessi úti í Svíþjóð.

        Nú svo heyrði ég í Bjarna Þorkels, en hann fékk Hæru mína lánaða undir Þórodd, Hæra var semsagt sónuð með fyli í dag og nú er bara að vona að Bjarni fái vindótt.   Hæra kom svo heim í kvöld og  var ég voða ánægð að sjá hana Skjálfta-Hrinu sem fæddist í vor en hún er bleikálótt vindótt eins og Hæra og er undan Adam frá Ásmundarstöðum.  Fannst hún bara flott.

        Nú annars er bara búið að rigna helling í dag, þó meira fyrripartinn, fengum bara rok seinnipartinn þegar rigningin minnkaði, en hvað um það, svosem ekkert við því að gera. 

25. sept 2008

          Fór í jóga í morgun og gekk bara þokkalega.  Fór svo að versla inn eins og gengur en var nú samt komin heim um ellefu leitið.

       Seinniparinn fórum við Dóri svo með veturgömlu hrútana okkar að Hömrum en þar vera verið að dæma, aðallega gimbrar þó en samt fáeina hrúta líka.  Hrútarnir lækkuðu allir síðan í fyrra en þó mismikið.  Bergur mest fór úr 84,5 í 81,5 hann hækkaði aðeins í óminu og hefur eiginlega ekkert bætt á sig í fitunni.  Skrúður fór úr 84,5 í 83 stig, ómmælingin fór úr 34 í 32 og fitan hækkaði úr 3,3 í 8 sem er nú bara alls ekki gott.  Þessir tveir hrútar voru 90 kíló stykkið, ekki slæmt það.  Nú þá er það hann Flakkari hann var í 85 stigum sem lamb en fór niður í 84, þar aftur snarhækkaði hann í ómmælingunni, var í 32 sem lamb en er komin í 38 og fór úr 2,1 í fitu uppí 3 sem er nú bara allt í lagi.  Hann var aftur bara 73 kg.  Held nú að við getum verið nokkuð sátt við þetta, nema hvað það er nú óþarfi hjá Skrúð að bæta svona á sig í fitunni, en fita er holl er það ekki bara.  Annars lentu þau í smá vandræðum með Flakkara en það var nú ekki meira en svo að hægt væri að koma honum í vigtina en með því að skáskjóta honum hafðist það, aðeins höfðum við áhyggjur af því hvort hann næðst aftur út úr vigtinnni en það hafðist, þannig að þó mér hafi fundist þetta flott horn í morgun er ég ekki alveg eins viss núna.  Hugsa að það verði ekki hægt að vigta hann aftur nema saga af hornunum en það er nú svosem ástæðulaust að setja hann á vigt aftur.

      Aðeins var nú verið að ýta  við GR með að hafa gimbraskoðun, og þá er það 16 okt sem það yrði.  Það væri svosem gaman en veit ekki alveg hvernig það fer með sláturhúsið hjá GR, skilst að það mætti alveg bæta við mannskap í réttina en kannski sleppur þetta allt til.  Nú ef af þessari gimbraskoðun yrði þá gætum við svosem látið líta á fáeina lambhrúta þeir þurfa ekki allir að fara í sláturhúsið á sunnudeginum.  Veit um tvo golsótta sem sáust síðast á Þingvallaafrétt á leið heim þannig að hver veit nema þeir verið komnir. 

24. sept 2008

          Rarik búið að vera að fikta hér eitthvað í rafmagni í dag svona eins og gengur en verst var að netið dó fyrir rest, ekki gott það.  Nú annars lítið um að vera nema hvað til stendur að fara með þrjá veturgamla hrúta á Hrútasýningu að Hömrum á morgun, spennandi það.

          GR var ansi lengi að vinna í dag, fór héðan í morgun um hálfsjö og var ekki komin heim fyrr en um átta í kvöld, frekar þreyttur held ég bara en hann hefur svosem gott af þessu. 

23. sept 2008

              Fór í bæinn í morgun, átti tíma hjá lækni.  Voða er nú mikil rigning alltaf hreint, en maður er svosem aldrei ánægður með verðrið.

           Guðni Reynir kom ekkert sérlega kátur heim úr sláturhúsinu en þar hafði hann hitt eina af sínum kindum sem var með eitt hrútlamb, hún var semsagt línubrjótur og kom fram á Brúsastöðum.  Þessi kind hafði verið keyrð innfyrir Dímon skildist mér þannig að hún hefur tekið eitthvað vitlausa stefnu. 

         Annars er alltaf verið að vinna í ,,fjósinu" núna er það mjaltargrifjan sem er verið að taka í gegn og breyta henni í kaffistofu, þetta verður bara flott hef ég trú á og spruning hvort maður tímir nokkuð að taka inn ja eða vill taka inn helst í gær. 

22. sept 2008

            Mér finnst ég búin að vera rosalega dugleg í dag.  Búin að laga allar myndirnar í Ganda og Gúbba albúminu  og kominn texti við allar myndir, þannig að nú er bara að athuga hvort það eru ekki fleiri sem eiga myndir sem mega fara þarna inn.

        Fór svo á fund í skólanum seinnipartinn, allt voða fínu standi þar.  Annars bara allt í rólegheitunum hér.

21. sept 2008

          Enn rignir og rignir.  Nú held að við höfum bara ekkert fengið af fé í dag ja nema eina og það var nú bara af því að löggan kom hér því kindin hafði fundist dauð á verönd í sumarhúsi í Ásgarði.  Nú kindin var sótt og kom í ljós að þetta er ein af kindunum sem voru keyrðar á fjall.  Dánarorsökin virtinst nokkuð ljós en það lítur út fyrir að skjólveggur hafi fokið á hana þannig að hún fékk nagla í hausinn og ráfað uppá veröndina og drepist þar.  Aumingja fólkið sem á sumarhúsið að koma svona að rollunni, en það þýðir ekkert að fást um það.  Lambið sem á að fylgja henni er nú líklgast á þessum slóðum.

          Nú GR þurfti svo að fara að vinna í dag, mætti klukkan 16.00 ca í réttina að taka á móti fé.

         Krakkarnir fóru svo á réttarballið í gærkvöldi og skemmtu sér bara vel held ég. 

20. sept 2008

           Mikið var nú gaman í afmælinu í gærkvöldi, og maturinn var líka frábær.  Allt tókst svona rosalega vel fannst mér.  Enn og aftur frábært og takk fyrir okkur.  Já og ég er búin að setja inn myndir, svosem ekki góðar myndir en myndir samt.  Bjössi fann reyndar eitt stykki myndavél hér úti við skemmu í dag svona ef eitthver kannast  við það.

           Nú í dag er svo búið að vera leiðindarveður svona þess á milli sem var skárra veður.  Það kom í raun haglél, þannig að það sást snjór á veröndinni hér.  Set mynd á forsíðuna af því til staðfestingar.

        Bjössi, Sverrir, GR og Dóri fóru svo að smala en það var ákveðið að reyna að safna saman eitthverju af fénu sem er hér í heiðinni já og mýrunum við fyrir ofan Hæðarenda og Búrfell.  Held að þetta hafi bara gengið nokkuð vel, jú og auðvitað var smalað saman í kringum Klausturhóla.  Held að það komi í ljós á morgun hvað náðist en þetta leit allavega vel út.  Gunni Har kýkti svo hér við,  hann var auðvitað drifinn í bíltúr með GR til þess að standa fyrir fé, sem var svo rekið hér inn í austurgirðingu, en þetta var allt Miðengisfé sem greinilega var að koma úr heiðinni en þetta fé hafði verið keyrt á fjall.  Sumt af þessu fé var nú reyndar komið niður 2-3 vikum eftir að það var keyrt á fjall.

      Nú og svo er réttaball í kvöld, veit nú ekki alveg hvað mikið af Miðengismönnum nenna að mæta, en sjáum til. 

19. sept 2008

            Fór á Selfoss í morgun, ýmislegt sem ég átti eftir að gera fannst mér.  Nú svo fórum við Bjössi seinnipartinn að sækja hana Þoku sem var hjá honum Kvist frá Skagaströnd, nú Þoka var ekki með fyli því miður en samt er það nú ekkert agalega spælandi því ég sé þá fram á að merin verði  bara tamin í vetur og vonandi hægt að koma henni í dóm næsta vor.

        Nú svo erum við að fara í afmælið hans Gumma núna á eftir, mikið held ég að verða gaman... 

18. sept 2008

          Mikið að gera hjá mér í dag, byrjaði á að fara í jóga í morgun, gekk bara vel.  Nú svo fór ég heim en stoppaði stutt, því nú var ferðinni heitið að Hemlu að sækja hana Örnu, gekk bara ljómandi vel og folaldið hennar Örnu orðið svo fínt, nú þaðan var svo farið að Stóra Hofi en þar var hún Þokkadís hjá Illing og tókum svo hryssu fyrir Unnstein og Guðrúnu í leiðinni.  Næsta stop var svo að skila Unnsteini hryssunni í Nýjabæ.  Þá var nú ráð að koma aðeins við á Stuðlum og sjá sjá hvort sónarinn væri laus já og dýralæknir að sjálfsögðu til að sóna.  Lars var á lausu, Arna var á gráu svæði ekki hægt að segja til um hvort hún væri með fyli eða ekki, aftur var 22 daga gamalt fyl í Þokkadísi, bara frábært.  Þá var semsagt haldið heim og hryssurnar settar á sinn stað.  Og aftur var farið af stað og nú var Dóri tekin með og stefnan tekin í Fellskot að skoða hryssu sem hún Helga Rós hefur augastað á.  Þetta  var hin fínasta hryssa og nú er bara að sjá hvort hún kaupir hryssuna, bíð spennt eftir að frétta af því.   Meira gerði ég nú ekki í kvöld ja nema auðvitað að horfa á sjónvarpið og liggja í tölvunni hehe 

      Nú svo er jú afmælið hans Gumma annaðkvöld, verður mikið gaman er ég viss um.  Jú og á morgun þarf að sækja hana Þoku sem er hjá Kvist frá Skagaströnd, vonandi er hún með fyli.  Þá fer nú að fækka hryssunum sem eru ekki heima, líklega verður bara Hæra ókomin heim þegar Þoka verður komin, jú og kannski ein hryssa frá Bensa held ég.

17. sept 2008

          Fór í réttir í morgun, aldrei held ég að það hafi verið svona fátt fé, og mikið af börnum.  Fyrir rest vissi maður ekkert hvor það væru fleiri kindur eftir í almenningnum því ég sá bara fólk... en hvað um það, það tók um hálftíma held ég að kára að rétta, við áttum 35 hausa en okkur vantar líklega um 50 hausa sem fóru á fjall þannig að það er nóg eftir til að smala og spruning hvort við getum ekki átt fé í kringum Búrfellið held að það hafi ekki gengið neitt sérlega vel að smala þar á mánudaginn.  En þetta skilar sér sjálfsagt fyrir hrútadag.

       Förum svo í fyrramálið að Stóra Hofi að sækja hryssu sem er hjá Illing og tökum svo hana Örnu líka sem er hjá Klæng svona allavega ef hún næst en ég á nú ekki von á öðru.  Held að svo eigi að sóna frá Kvist frá Skagaströnd á föstudaginn en þá verða nú flestar hryssur komnar heim, nema Hæra sem er á Þóroddsstöðum.

       Nú hér var frekar leiðinlegt verður í nótt en held nú að það hafi ekkert fokið að ráði, nú og veðrið í dag er búið að vera rok og rigning en þess á milli aðeins minna rok og minni rigning hehe. 

16. sept 2008

         Fór í jóga í morgun og bara ansi ágætt, Hulda plataði mig svo til að kýkja í kaffi til Dísu sem var nú bara alveg ágætt, hefði nú aldrei druslast til að koma við neinstaðar eiginlega án þess að það væri ýtt við mér. 

         Annars er bara rigning og svosem ekkert lítið af henni, nú og spáin segir bara meiri rigning, verst er að það er spáð leiðinlegur í fyrramálið á réttardaginn en vonum bara að veðrið verði gengið niður þó svo að það standi víst ekki til... 

15. sept 2008

          Gekk þokkalega að reka yfir heiðina held ég.  Var nú samt rigning og þoka skildist mér til að byrja með en lagaðist nú aðeins held ég eftir hádegið.  Fannst nú ekki mikið af kindum sem komu en það er nú kannski af því að þær kindur sem komu í Kringlumýri verða keyrðar heim líklega á morgun þannig að það verður kannski slatti af kindum í réttunum á miðvikudaginn. 

14. sept 2008

           Í gær var ég alveg viss um að það gæti nú ekki rignt meira í dag en í gær, jæja ég hafði rangt fyrir mér.  Það í raun komu ekki regndropar hér eftir hádegið heldur bara eins og hellt væri úr fötu.  Hafði nú aðeins áhyggjur af körlunum á fjalli og heyrði í Bjössa öðru hvoru, þeim var nú frekar kalt, reyndar er Dóri alveg ótrúlega heitfengur og varð nú ekki eins kalt og Bjössa skildist mér, Dóri kannski bara sungið í sig hita.  Heyrði svo frá GR í kvöld en þá var hann í Mjóanesi að hjálpa til við að taka Grímsnesféð ásamt Dadda og líklega hefur það verið Gunnar á Hömrum sem sá um að keyra.  Nú Sigga fór svo inní Kringlumýri seinnipartinn með heitann mat sem Kristín var búin að útbúa handa körlunum.  Þannig að nú er ég semsagt ein í kotinum með alla mína hunda en á nú von á GR í kvöld, held nú samt að hann eigi eftir að fara inní Kringlumýri þegar hann er búinn í Mjóanesi, en veit ekki með Siggu hvort hún gistir innfrá eða kemur heim með GR.

        Aðiens búin að vera að glugga í hestalitum í dag, og laga smá hnökra varðandi litina í folöldunum sem voru fædd í vor.  Það er jú ekki alltaf alveg ljóst hvaða litur er á þessum hrossum, eða hvaða arfgerð þau hafa, sumt sést nú bara ekki og kemur ekki í ljós fyrr en viðkomandi hross er búið að eignast slatta af afkvæmum. 

13. sept 2008

         Hér fóru fjallmenn af stað eldsnemma í morgun, í slagveðursrigningu.  Reyndar held ég að það hafi rignt ansi mikið í dag á þá.  Fórum svo seinnipartinn inn í Gatfell, ég, Sigga og Reynir Már, tókum jú með okkur það sem hafið gleymst heima en einn smalinn hafði gleymt símanum sínum sem kannski slapp til í dag, þar sem það var lítið eða ekkert símasamband en sá hinn sami hafði líka gleymt báðum beislunum sínum sem var nú aðeins verra en var víst bjargað en hver þarf svosem beisli á svona vel tamda gæðina.... fannst nú annars eins og allir væri nokkuð kátir og enginn blautur, ja kannski fáeinir aumir rassar en þó held ég að þeir hafi ekki tilheyrt Miðegnismönnum.  Vorum svo komin hér heim um hálfellefu, aðeins minnkað rigningin en komið þetta líka fína rok, vona bara að það verði ekki bæði rok og rigning á morgun á mannskapinn. 

         Búin að bæta við í linkana hjá mér stóðhestunum ,,mínum" það er þeim sem ég á hlut í, annarsvegar er það Aron frá Strandarhöfði og hinsvegar er það Klængur frá Skálakoti.  Á hlut númer 44 í Aron, fékk svo hluthafaskrána hans Klæng í dag og hver hefði trúað því en þar á ég líka hlut númer 44, algjör tilviljun, og spurning hvort ég ætti ekki að bæta 44 á lottómiðann hehe 

12. sept 2008

            Svosem ekki mikið sem ég gerði í dag, eiginlega bara ekkert, jú reyndar fór ég með Bjössa að skutla Steinar í Þrándarholt, sá fullt af flottum kindum en við semsagt mættum Skeiðamönnum já og sjálfsagt fleirum að reka féð úr Skaptholtsrétt í Reykjarétt á Skeiðum, gaman að sjá að eins og í fyrra voru örugglega forystukindur sem leiddu hópinn, léttar á sér, og vissu alveg hvert þær voru að fara, ansi margar voru flekkóttar og skemmtilega hyrntar.  Kannski maður ætti að verða sér úti um forystugrip og sjá hvernig gengur þá að reka síðasta spölinn hér á haustinn, það getur varla gengið verr hehe

       Sigga var ótrúlega heppin í dag eða þannig, þurfti ekkert að fara í skólann, allir kennararnir voru veikir í dag, sem áttu að kenna henni, þannig að hún var bara hér heima að snúast og undirbúa  fjallverð með Dóra og pabba sínum. 

11. sept 2008

            Fór í jóga í morgun og gekk bara vel en var samt frekar rugluð á eftir svona meira en vant er, fór nú samt í bæinn að sækja hundafóður en það hvarlaði nú samt að mér að snúa bara við í Hveragerði og fara heim en þetta slapp allt til, kom aðeins við í Nóatúni á heimleiðinni þar sem Bónus í Hveró var ekki opið þegar ég var á ferðinni.

           Lét nú svo bara fara vel um mig það sem eftir var dags, en það er svosem ekkert nýtt. 

           Fékk samt e-mail frá Svíþjóð frá henni Freyju sem er að skoða litina í Hvata og Lísu, hárin sem ég semsagt sendi út eru komin til skila og nægar rætur á bæði Hvata og Lísu hárum þannig að nú er bara að bíða og sjá hvað DNA segir okkur um litina og hvort Hvati sé arfreinn vindóttur en það gæti svosem alveg verið já og kannski álóttur líka sem mér finnst nú kannski ekki eins líklegt.  Nú eins með Lísu en þar er spruning hvaða grunnlit hún er með, rauð eða brún, ég veðja á brún, já og hún er hugsanlega vindótt líka en auðvitað sést það ekki nema í afkvæmum auðvitað, já og DNA.

        Enn er verið að smíða í kringum mig, pallurinn í raun fullkláraður en núna á semsagt  bara eftir að ganga frá á milli skálarinnar en það er pallur sem er niðurgrafinn fyrir framan stofuna, og svo nýja pallsins.  Þar verður settur blómakassi, já eða trékassi hehe, verða örugglega frekar sett tré þar en blóm, fleiri rósir kannski eða bara rifs, hver veit hvað mér dettur í hug.  

10. sept 2008

           Kýkti eina ferð í fjósið í morgun, Bensi, Bjössi og tengdapabbi voru að vinna þar, já og með hin ýmsustu verkfæri, þetta er allt að klárast allavega þar sem hrossin eiga að vera, næst er það bara að útbúa viðveru fyrir mannskapinn.

           Eftir hádegið var svo járnað, allavega kýkt undir fjallhestana sjálfsagt þarf að kýkja aftur undir þá á föstudagskvöldið svona til öryggis.  Nú pabbi kýkti svo við með eitthvað af spítum en GR hafði augastað á efni til að hægt væri nú að gera fjárgrind á pallinn á bílnum hans, nú grindin er komin og setti ég mynd af herlegheitunum á forsíðuna.  Mikið sáttur GR með þetta allt saman já og svo gaf Sverrir honum cover á sætin á bílnum og ekki verra að þau eru blá, eins og Chelsea og Sjálfstæðisflokkurinn, en það er víst toppurinn.

        Nú og seinnipartinn var svo haldið áfram í pallasmíði, nú er kominn skjólveggur og hlið, þá vantar bara að tengja saman á einum stað og útbúa blómakassa á milli palla, þetta verður ekkert smá flott og engin sjá vinna búin að vera í þessu öllu saman. 

9. sept 2008

            Fór í jóga í morgun og gekk bara vel, gekk ekki eins vel að fá skjólveggi í Húsasmiðjunni allavega var ekkert til sem mér hentaði, fór þá í Byko og viti menn, þar var til næstum það sem ég vildi, hefði viljað aðeins annað munstur á skjólveggina en er nú ekki að láta eitthver smáatriði trufla mig, keypti semsagt skjólveggi þar sem voru líka mikið ódýrari sem er nú hið besta mál.  Nú skjólveggirnir flestir komnir upp og komið vatn í pottinn og allt virkar svona ljómandi vel. 

      Hér var svo eitthver draugur í netinu í gærkvöldi, netið búið að vera ansi latt á kvöldin, en viti menn hér komu menn í hádeginu frá Emax, og auðvitað snarvirkaði netið þá eins og það gerir oftast fyrripart dags, en þeir létu það nú ekki plata sig og færðu dolluna sem er utan á húsinu þannig að nú er það sendir á Torfastöðum í Grafningi sem við erum að nota en ekki Seiðishóllinn, enda skildist mér á mönnunum sem komu að það gæti nú varla verið mikið samband í gegnum öll tréin í garðinum.  Hvað um það netið allavega búið að snarvirka í dag og kvöld þannig að allavega Sigga ætti að geta skilað verkefnum, held nú að Dóri þurfi ekki enn að skila verkefnum í gegnum netið en það kemur sjálfsagt að því. 

8. sept 2008

            Enn eru þeir að smíða í hesthúsinu, en komu svo seinnipartinn í pallinn hér.  Held að pallurinn verið bara flottur.  Annars er bara lítið sem ekkert að frétta í dag.  Rigning allavega svona öður hvoru.  Jú við GR fórum með eitt stykki hrút í sláturhús, reyndar á þetta að vera sauður, meira að segja svartur sauður, en ég er nú dálítið smeik um að hann sé þá bara hálfur  sauður eða þannig, held allaveg að annað eistað sé til staðar, hvað um það sjáum til hvort það verður hrútalykt af gripnum. 

7. sept 2008

          Hér voru menn mættir í pallasmíði uppúr níu í morgun, þetta gekk bara ágætlega en því miður komu dálítið af skúrum, já og það var ansi hvasst líka en menn létu það ekki á sig fá.  Var svo send á Selfoss eftir hádegið að sækja skrúfur.

           Lísa mín ásamt þeim hrossum sem eru austur í túni voru rekin heim, náði mér í nokkur hár af Lísu og setti í poka, síðan voru folarnir reknir heim, gerði tilraun tvö að taka hár úr Hvata, er nokkuð viss um að hafa náð slatta af hárum með rótum úr honum en hárin úr Lísu voru samt mun betri held ég.  Hvað um það Bjössi kýkti eftir því hvort það væru ekki örugglega tvö eistu í Hvata og sem betur fer er hann með tvær kúlur.  Nú svo tók ég slatta af myndum af hófunum á honum, sem ég set inní albúmið undir hestalitir.

         Eftir kaffið kýkti svo Siggi og Sigga frá Kringlu í heimsókn, ekki séð þau lengi, nú svo kýktu Solla og Davíð líka við með stelpurnar, styttra síðan ég sá þau en alltaf gaman að fá skemmtilegt fólk í heimsókn.

6. sept 2008

          Var nú ég nú aldeilis kát með hann Klæng frá Skálakoti já og Vignir sem sat hann en þeir voru semsagt að keppa á móti í Andvara og voru fimmtu inní úrslit með 8.64 í B flokk.  Sjá frétt.  Nú og svo eru úrslitin eftir en þau eru á morgun held ég.

         Fór í bæinn í morgun á opið hús hjá MS félaginu, það voru nú ekki margir mættir  en hentar mér vel að hitta ekki of margt fólk í einu, líst bara vel á þetta og hver veit nema ég eigi eftir að kýkja aftur.

       Nú hér heima á bæ er búið að vera heilmikið að gera, það er búið að mála fjósið, ja eða næstum því held að það eigi eftir að mála gluggana en svo á líka að taka svæðið þar sem mjaltargrifjan var, í geng en þar á að gera þessa líka folttu kaffistofu.  Nú svo var líka allt á fullu í pallasmíði það gengur bara ótrúlega vel finnst mér, enda svosem margir að hjálpa til, takk fyrir það.

        Nú Dóri og Sigga lítið búin að vera heima í dag, Dóri fór með strákunum í paintball og þaðan haldið í sumarbústað á Minni Borg en strákarnir sem voru að keppa með Hvöt í fótbolta í sumar ætluðu að grilla saman þar í kvöld.  Held að Sigga hafi nú bara verið að koma heim af ballinu sem hún fór á í gær, um fimmleitið í kvöld og stoppaði réttaðeins til að skipta um föt og fara í sturtu en fór svo með GR og Sævari í bústaðinn á Minni Borg, held svo að stóru krakkarnir ætli á Skótamóralsball á Selfossi í kvöld og ætla rétt að vona að þau skili Dóra og Steinari heim áður en þau fara á ballið hehe. 

5. sept 2008

         Mikið flakk á mér í dag, finnst eins og ég hafi bara farið margar ferðir á Selfoss en fór nú bara tvær.  Það er alltaf eitthvað sem vantar þegar verið er að smíða og ég tala nú ekki um að tengja pottinn.  Bjössi, tengdapabbi og Hreinn eru búnir að vera að smíða í allann dag, Dóri kýkti svo um leið og hann kom heim úr skólanum.   Sigga þurfti að skjótast í bæinn og náið í miðana okkar á Vilhjálm en það verður klárlega mikið gaman.  Dóri og Bjössi fóru svo á hestbak seinnipartinn, aðeins að hreyfa fjallhestana en nú er bara vika í fjallferð. 

4. sept 2008

         Allskonar snúningar á Selfossi í morgun, eftir hádegið voru svo Bjössi og tengdapabbi á fullu í að koma pottinum á sinn stað og gekk bara svona ljómandi vel.   Þegar Dóri kom svo heim úr skólanum var hann svo spenntur að fara að gera eitthvað að hann rétt skóflaði í sig samloku og var svo farinn út.  Reyndar var hann eiginlega útum allt, það var verið að sækja hross hingað og þar var Dóri, hann samlaði saman hrossunum ásamt GR.  Nú svo var farið að mála úti í fjósi og þar vildi Dóri endilega vera, hann er reyndar svo litblindur að hann fékk ekki að mála núna, en bara að vera með finnst honum svo gaman.

       Hann Prins Junior sem er hundur rétt rúmlega átta mánaða er aldeilis búinn að finna uppá ósið, hann er búinn að fatta það hvernig hægt er að taka lyklana úr fjórhjólinu.... sem betur fer kann hann ekki að setja í gang en samt ekki gott að hann skuli stela lyklunum, Dóri verður líklega annaðhvort að hafa hjólið lengra frá húsinu já eða bara að taka lyklana úr annars gætum við mætt hundi á fjórhjóli sem er nú ekki gott. 

3. sept 2008

         Ofsalega gott veður fannst mér í dag, reyndar orðið dálítið heitt eftir hádegið en við Voði fórum í hressingargöngu allaleið út í fjós í morgun, verðum að fara að kalla þetta eitthvað annað en fjós, þarna eru jú aðallega og nær eingöngu hross.  Hvað um það Bjössi og tengdapabbi voru að mála og gengur alveg ljómandi.  Ég ákvað svo eftir hádegið að fara aðra verð með Voða en þá rétt náði ég að fá hann til að fara út en hann neitaði alveg að fara frá húsi, enda svosem alltof heitt til að hreifa sig að ráði.   Nú og svo í kvöld fóru allir krakkarnir út að mála ásamt Bjössa, Jonni og Sverrir voru líka úti að mál og eins Bensi og tengdapabbi, þannig að þegar ég kýkti út þá voru þau sjö að mála, þetta getur ekki annað en gengið hratt og vel með allann þennann mannskap.

         Pallaframkvæmdir ganga bara ekki neitt en átti upphaflega von á efni í gær en svo var víst hringt og eitthvað vantaði víst en það var til í Hafnarfirði og því átti efnið að koma í dag.  Um kaffileitið var ekkert efni komið svo ég hringi og viti menn þetta sem var til í Hafnarfirði var bara brot af því sem vantaði en restina er víst hægt að fá í Keflavík og á Akureyri.  Held að Keflarvíkur efnið já og Hafnarfjarðarefnið komi á morgun ásamt öllu öðru en það sem á vantar og kemur frá Akureyri kemur vonandi fyrir helgi.  En potturinn kom á Selfoss í dag og við Bjössi búin að sækja hann, lítur svona ljómandi vel út nú er bara að vona að pallaefnið verði komið á morgun eins og lofað var, þannig að það verði hægt að byrja, kannski fer þetta langt um helgina, allavega á meðan gott er veður.

2. sept 2008

         Byrjaði daginn á að fara í rope joga og gekk bara ljómandi vel.  Rétt náði að skjótast inní Nóatún setti hrosshárin í póst og verslaði smá, rauk svo heim og þaðan uppí Laugarás en átti tíma hjá doktor Pétri, verð nú sett eitthvað á fram á haust vona ég.  Nú ég fór svo aftur heim, stoppaði í 10 mín kannski og aftur farið af stað og nú uppað Stærri Bæ en þar voru hryssurnar sem eru hjá honum Blika frá Nýjabæ sónaðar.  Auður og Siggi smöluðu þetta allt saman ótrúlega seig.  Mía kom svo og sónaði en í girðingunni voru 14 hryssur, ein líklega tóm , tvær svona á gráu svæði og hinar 11 allar með fyli og frekar gömlum, þannig að ég held að allir geti nú verið sáttir.  Ég var svo komin heim aftur um hálfþrjú, finnst ég eiginlega hafa verið ótrúlega seig í dag.  Reyndar svosem eki gert mikið síðan. 

1. sept 2008

          Við Voði röltum okkur út á tún í dag, svona rétt til að hjálpa GR að reka hrútana til.  Nú það minnsta sem maður getur gert er að vera ekki fyrir og mér tókst að vera ekki fyrir, Voði gamli var nú mun sprækari og gerði gagn.  Nú þegar ég rölti svo heim þá voru graddarnir við girðinguna svo það var nú um að gera að kýkja á þá.  Fannst þeir allir voða fínir og rak augun í að hann Hvati sem er móvindóttur reyndar mikið ljós er með hvíta hófa.... hélt að hvítir hófar væru bara á skjóttu já og sokkóttu og þ.h. og Lísu hehe hvað um það velti þessu mikið fyrir mér og niðurstaðan varð sú að eitthver háskóli í Svíþjóð vill líka vita þetta líka og þessvegna eru komin nokkur hár vonandi með rót, í umslag og fara í póst á morgun, nú mér skilst að ég geti þá fengið að vita hvort Hvati er arfhreinn vindóttur já og kannski ýmislegt fleira sem er nú kannski aðeins flóknara, en það væri nú dálítið spennandi finnst mér sérílagi þar sem Hvati er ógeltur og verður það áfram.

       Annars er nú bara heilmikið búið að spá í pallinn og pottinn, búin að panta pottinn og mér var lofað að ég yrði látin vita þegar potturinn væri klár eitthverntímann í vikunni.  Það leið ekki klukkutími en þá var hringt og mér boðinn annar pottur hjá sama fyrirtæki, flottari og mun dýrari pottur, en gat fengið þann pott á sama verði og fengið far á Selfoss fyrir pottinn á morgun, auðvitað skellti maður sér á þetta en ekki hvað. 

31. ágúst 2008

         Ég er búin að vera ansi þreytt í dag, held að það eigi samt ekki við um alla hina hér á bænum.  Bjössi og Dóri voru meira og minna í allann dag að undirbúa nýja pallinn og nú þarf líklega að fara að ná í pott því held að potturinn verið að setjast niður fyrst.  Nú Sigga og GR fóru svo í bíltúr inná afrétt, þau komu við í Gatfelli Sigga fór að kýkja á ber og GR á kindur, held að hvorugt hafi nú fundið neitt spennandi,  Siggu fannst berin komin með haustbragð og held að GR hafi ekki séð neina kind sem hann þekkti. 

      Nú svo er bara skóli hjá Siggu og Dóra á morgun og sláturhúsið hjá GR. 

30. ágúst 2008

        Fórum í brúðkaup í dag, Sjöfn og Sólmundur voru að gifta sig.  Byrjuðum á að fara með hesta í Ingólfshöllina, þaðan var svo riðið til kirkju en þau giftu sig á Kotströnd, held að það hafi örugglega verið um 30 manns á hestum ef ekki fleiri.  Athöfnin var mjög skemmtileg og tókst rosalega vel.  Nú svo var riðið aftur út í Ingólfshöll en þar var veislan og engin smá veisla rosa flott og takk fyrir okkur. Fengum rosa gott verður, biðum af okkur eina skúr áður en farið var í kirkju en eins og Sólmundur sagið ,,hún Sjöfn er búin að bíða í átta og og munar varla um að bíða eina skúr"  Krakkarnir komu svo og sóttu Raminn og hestana þetta voru 10 hestar og því tvær ferðir, ekki slæmt að Sigga skildi drífa sig í minnameiraprófið.   Við Bjössi vorum svo komin heim um hálftólf held ég.

28. ágúst 2008

        Lítið um að vera í dag, eða þannig.  Bjössi og GR eru búnir að þrífa fjósið, tengdapabbi búinn að þrífa hesthúsið og Dóri að myndast við að spekja dönsku hryssurnar.   Held að það sé nú samt ýmislegt eftir að gera í fjósinu áður en hross verða tekin inn, held að það eigi jafnvel að mála já og smíða eitthvað.

    27. ágúst 2008

         Nú er stefnan tekin á að stækka pallinn hér fyrir sunnan húsið og setja pott á nýjann stað, hafa hann ekki inní horninu þar sem potturinn hefur verið.  Gamli potturinn var orðinn ansi lélegur og nú er hafin leit að nýjum potti og þá skel höfum ekkert við rafmagnspott að gera.  Plast X er nú eiginlega það ódýrasta og einfaldasta sem ég hef fundið, en eins og GR sagði þá þarf ekkert landslag í þessa potta.  Bjössi og Dóri  voru í allt gærkvöld að ýta til hér fyrir framan húsið og nú er bara að fara að klóra sér í hausnum og átta sig á því hvernig er nú best að hafa þetta.

26. ágúst 2008

        Tók myndir af henni Alísu í dag og setti bæði á forsíðuna og svo í albúmið.  Nú er hún bara orðin mórauð, ferlega skrýtið en rosa flottur litur finnst mér.  Erfaðrfræðin segir Glóbrún en þekki ekki alveg hvar þessi litur liggur þessi mórauði eða hvort hann er bara afbrigði af þeim glóbrúna en hvað um það finnst þessi litur rosalega flottur.

       Setti svo líka myndir inn í Ganda og Gúbbaalbúmið en tengdamamma tók eitthvað af myndum sem ég er  búin að setja inn veit svo að það eru myndir frá fleirum á leiðinni vona það allavega.

       Jú og GR keypti sér bíl í dag, Toyota Hilux, grænn, með húsi aftaná en hugsa að hann vilji nú frekar fá rollugrind svo hann geti nú farið á rúntinn með kindurnar sínar já og hundana.

      Nú svo eru komnar 3 hryssur inn sem á að temja eitthvað.  Sverrir á eina og sú er nú eitthvað taminn, en Dóri og GR ætla að temja hinar tvær og fá þá aðstoð hugsa ég nú, en Dóri búinn að fara tvær ferðir að spekja í dag. 

25. ágúst 2008

         Fórum strax eftir hádegið og sóttum hana Lísu en hún er búin að vera hjá Keili frá Miðsitju, Lísa var sónuð með 40 daga gamalt fyl og það er þá  bara innan við viku yngra en fylið í Nös.  Nú folaldið hennar Lísu er enn skrítið á litinn en þó er þetta nú eitthvað farið að skýrast, ennþá slatti af ljósum folaldahárum á henni en þar sem þau eru farin kemur mórauður litur, hún er eiginlega eins og Gjósta amma hennar semsagt mamma Lísu nema hvað mamma Lísu var vindótt en þetta folald er það nú öruggelga ekki en maður veit svosem aldrei, þetta folald var móálótt fyrir nokkrum vikum svo hver veit.

        Fórum svo seinnipartinn niður á Hraun að sækja hross, þetta gekk bara ljómandi vel, komum heim með þrjár hryssur en það á að fara að temja aðeins.  Spennandi að sjá hvernig strákunum gengur með það en hryssurnar frekar feitar en það lagast nú vonandi fljótt, ætluðum að vera löngu byrjuð á þessu en það er bara alltaf svo mikið að gera hjá öllum. 

         Nú svo ákvað ég að prufa að fara í rope jóga, búin að skrá mig á námskeið og byrja næsta þriðjudag, hef hyrt MS fólk láta mjög vel af þessu, svo er bara að sjá hvort ég sprækist ekki eitthvað, versna klárlega ekki hef ég trú á, bíð bara spennt.

24. ágúst 2008

        Hann Prins hans Sverris týndist í gær, og fannst ekki fyrr en um kaffileitið í dag, mikið búið að leita í dag, keyra um alla sveit og hringja út um allt, en það fréttist svo af honum á Borg en þar hafði eitthver tekið hundinn og fóstrað svo hann færi nú ekki enn lengra.  Það var nefninlega hér í vikunni sem eitthverjir útlendingar tóku bara hundinn og fóru með hann út á Borg sem óskilahund en hundurinn var nú bara hér útvið veg, og fólki dettur ekki í hug að koma hér heim á bæ og spyrja fyrst það er á annað borð að skipta sér af heldur keyra hundinn í næstu sjoppu.  Man nú reyndar eftir því hér fyrir mörgum árum að þá var tekinn hér hundur og keyrður til Reykjavíkur sem óskilahundur....Hvað um það allavega er Prinsinn kominn heim til Sverris.

         Annars bara rigning í dag svosem ekkert hægt að kvarta yfir því eins og sumarið er búið að vera.  Held að það eigi að vera rigning bara út alla vikuna kannski fáum við sjá sól á laugardaginn þegar Sjöfn og Sólmundur gifta sig, vona það allavega en það á að fara ríðandi til kirkju rosalega gaman held ég. 

23. ágúst 2008

         Fórum í morgun með hana Örnu undir hann Klæng frá Skálakoti en hann er nýjasta uppáhaldið mitt hehe, nú Klængur er í Hemlu þannig að þetta passaði alveg því við tókum svo stefnuna á Landbúnaðarsýninguna á Hellu, þetta var ansi mikið gaman fannst mér en líka ansi mikið af fólki og ég hálf lost fannst mér.   Hitti samt mikið af hundafólki og svo hitti ég líka allar sunnlensku stelpurnar sem útskrifuðust með mér frá Hvanneyri, gaman að hitta þær aftur samt hitti ég bara eina í einu hefði nú verið mikið stuð ef allar hefðu nú náð að hittast í einu ehhe.

        Sá þarna töltkeppni hjá Geysi, mjög skrítið, þannig var að tvær manneskjur fengu 1 og annað sætið semsagt sömu einkunn, þau ákvaðu að ríða ekki  bráðabana heldur frá dómarana til að velja í sæti.  Fyrst var gefið fyrir Ísleif og hann fékk tvisvar sinnum annað sætið og þrisvar sinnum fyrsta sætið, semsagt fimm dómarar, nú þá gerði maður ráð fyrir að Birna fengi akkúrat öfugt það er tvisvar sinnum fyrsta sæti og þrisvar sinnum annað sætið en það var nú aldeilis ekki hún fékk fimm sinnum fyrsta sæti?????  Ég svosem þekki ekki þessar reglur en sá þetta gert á landsmóti og þá var hver og einn dómari ákveðinn í hvort viðkomandi fengi fyrst eða annað sæti en setti ekki báða í fyrsta sæti.  Hvað um það, það stóðu bara allir á gati held ég og mest hissa var Birna sú sem lenti í fyrsta sætinu svo er spruning hvort það verða eitthverjir eftirmálar af þessu.

     Nú annars skoðuðum við bara helling þarna, og hænurnar voru nú ansi flottar verð ég að segja.  Vorum komin heim á milli sex og sjö minnir mig, lentum reyndar í að þurfa að komast framhjá árekstri, gott ef ekki voru 4 bílar þarna klesstir og löggan ekki komin en þetta var við bóndabæ þarna og gott ef bóndinn ja allavega eitthver allavega stóð niður á vegi og stjórnaði umferðinni þannig að allir komust leiðar sinnar, sjálfsagt hefur löggan svo tekið við en það komu þarna tveir löggubílar og tveir sjúkrabílar en held nú að það hafi ekki neinn verið alvarlega slasaður vona það allavega.

          Talandi um slys þá fór þyrlan hér framjá í morgun rétt við eldhúsgluggann, og ég get svo svarið að þær voru tvær, klárlega sá ég í rassinn á annari og svo kom hin nokkrum mínútum seinna, en samkvæmt fréttunum þá var þetta bara ein þyrla og við Bjössi því annað hvort bæði rugluð eða sem mér finnst nú kannski líklegra að þyrlan hafi bara villst og farið í hringi því það var svo mikil þoka og þessar sem ég sá fóru báðar í austur þannig að ekki var þyrlan að fara til baka.  Mjög dularfullt.

         Nú og úr einu í annað strákarnir fóru svo á Hellu núna í kvöld, en Ingó veðurguð átti að vera þarna í kvöld og svo Árni Jonsen með brekkusöng, hefði nú gjarnan viljað vera þarna í kvöld en maður hefur nú ekki orku í þetta allt, svo það er bara TV í kvöld og sjálfsagt sofna ég yfir því snemma enda þarf ég að vakna til að horfa á Íslendinga verða Ólempíumeista´já og þá við fáum annað sætið þá á maður nú tæplega eftir að upplifa þetta aftur eða hvað....

22. ágúst 2008

          Ákvað í morgun að taka daginn snemma og fór á Selfoss, nú það sem ég ætlaði helst að kaupa var ekki til á Selfossi og svo löng biðröð ú skoðun á bílnum að ég bara fór heim aftur.  nú þar sögðu bæði Sigga og GR mér hvað ég hefði nú þurft að kaupa fyrir helgina svo ég fór bara aftur, og í þetta sinn gat ég reddað öllu sem ég ætlaði og komin með skoðun á Raminn, vantar reyndar eina peru í þokuljósið, ég held að það skipti nú ekki neinu máli þar sem ég gat ekki fundi hvar á að kveikja á því hvort sem er en hvað um það, Bjössi vill örugglega koma því í lag.

            Annars voru  bæði Dóri og Sigga sem þurftu að fara í skóla í dag, GR hættur í skóla allavega í bili.  Nú svo var horft á handboltaleik hér í dag, mikið gaman og ég er nokkuð viss um að eitthver hefur þurft að taka aukaskammt af hjartalyfinu sínu.

           Á morgun er svo stefnan að fara með Örnu undir Klæng og þar sem Klængur er í Rangárvallasýslunni þá er jú eina vitið að kýkja á Landbúnaðarsýninguna á Hellu en ekki hvað, skoða hunda og hænsn já og aðalega fólk hugsa ég. 

21. ágúst 2008

           Fór með Dóra á skólasetninguna í dag, líst bara  vel á þetta svo er bara að vona að minn maður nenni eitthvað að læra í vetur en gerum ráð fyrir því þar til annað kemur í ljós.

             Það var alveg ágætt verður hér í morgun en um kaffileitið var komin ausandi rigning og rignir enn held ég.  Undir kvöld kom svo eitthver hjólreiðamaður hér og fékk að tjalda inní stóru hlöðu held ég, það er ýmislegt sem fólki dettur í hug, en þetta hlítur að vera útlendingur annars geta nú Íslendingar verið skrítnir stundum en þó ekki svona held ég. 

          Nú svo kom hann Hæringur í heim í dag, folarnir tóku vel á móti honum Erpur reyndar er svo upptekinn við að horfa á folaldsmerina að hann mátti ekkert vera að því að heilsa uppá Hæring æskufélagas sinn, en ég voða kát að sjá hann.  Skildist að hann væri bara búinn að vera prúður, nú og Rútur fór víst útí stóð í dag með brauðpoka og náði klárnum og teymdi hann heim til sín, finnst það nú bara frábært.  

          Nú GR búinn að vera í sláturhúsinu í allann dag, held að það hafi verið slátrað ca 1092 minnir allavega að hann hafi sagt það, og Sigga búin að gera sig og græja fyrir skólann, og á sjálfsagt eftir að gera helling ef ég þekki hana rétt. 

20. ágúst 2008

          Við Dóri fórum á Selfoss í morgun, við erum búin að versla inn allt fyrir skólann fyrir hann, sem er nú ágætt því það var bara lítið að gera í Nóatúni í skólabókadeildinni í morgun.  Sigga  búin að merkja allt fyrir hann og nú er bara að sjá hversu lengi honum helst á þessu öll saman, ef hann tekur þetta ekkert uppúr töskunni ætti þetta að vera á vísum stað fram á vor en held að hann komist nú ekki upp með það.  Skólasetningin er svo á morgun hjá honum en ekki fyrr en á föstudaginn hjá Siggu.

        Guðni Reynir mætti klukkan sjö í morgun í vinnuna í sláturhúsið, fysti dagurinn, en hann verður í réttinni í sláturtíðinni í haust held að það eigi vel við hann.

         Nú svo var klárað að keyra heim rúllurnar sem voru rúllaðar í gær, þannig að nú er heyskapur endanlega búinn þetta árið.  Held að þetta hafi verið um 80 rúllur sem er nú bara alveg ágætt.

19. ágúst 2008

         Arna var köstuð í morgun og komin grá hryssa undan Aron.  Ekki leiðinlegt það verð ég að segja. 

         Nú það er búið að rúlla allt sem var slegið þannig að nú er bara eftir að taka saman rúllurnar og koma þeim heim.  Annars er veðrið búið að vera ansi mikið gott í dag og á víst að vera eins á morgun þannig að nú er bara að nýta síðustu daga sumarsins, verð nú að segja að mér finnst orðið dálítið haustlegt á morgnana þegar ég set hundana út, en haustið er líka skemmtilegt, er alltaf að bíða eftir næstu árstíð allt svo spennandi finnst mér. 

18. ágúst 2008

         Setti slatta af myndum frá Ingu, af Vallamótinu inná albúmið í gærkvöldi. 

         Anna Dóra og Jón Bjarni komu svo í gærkvöldi og gistu í nótt en þau voru í merarflutningum.  Þú tóku svo Hríslu í morgun og fóru vestur.  Nú Helga Rós kom svo líka hér við í morgun, Níels pabbi hennar var með í ferð já og eitt stykki strákur líka en þau voru á leið á Hellu að kýkja á hryssu sem átti að vera í yfirliti í morgun.  Var svo ansi heppin að þau komu með hann Tintron með sér þannig að nú er Tintron kominn heim, feitur og fallegur já og kominn í vetrarhárin já eða hvort hann fór nokkur ú þeim, hvað um það hann lítur út eins og mórauð rolla núna, ja allavega liturinn en folinn er bara ansi fallegur finnst mér, og meira fax á honum en þegar hann fór norður, hefur greinilega haft það gott í sumar. 

            Nú af veðrinu er það að frétta að það er búið að vera ansi heitt í dag og sól.  Bjössi og Dóri búnir að vera að slá í allann dag, já og fram á kvöld en þá held ég nú að Bensi hafi tekið við af Dóra.  Nú GR og tengdapabbi búnir að vera að girða held ég örugglega og Bensi að laga eitthverjar vélar svo hægt verði nú að taka saman hánna sem var verið að slá en hef grun um að það hafi verið hátt í 20 ha. sem voru slegnir.

17. ágúst 2008

         Plataði Bjössa til að fara með mér út á tún í dag svona rétt til að kýkja á Örnu og það er nú farið að styttast í hana held ég, kastar klárlega í ágúst, enda eins gott fyrir folaldið, ekki gott að fá folöld svona seint.

         Kýktum líka niður á tún á graðfolana, afskaplega forvitnir og fínir já og skrítinn litur á honum Hvata sem er líkast til mó já og kannski álóttur og örugglega vindóttur en lítur nú bara út fyrir að vera skollitaður hvað sem það nú er.  Nú svo heyrði ég í henni Helgu Rós í morgun og hún verður á ferðinni á morgun og ætlar að kippa Tintron með heim, það verður nú gaman að sjá hann.

          Nú svo hefur aðeins dottið inn e-mail í dag og frá fleirum en einum um það hvort ég vilji nú ekki kaupa hluti í stóðhestum.  Já og allavega tveir hestar í boði og annar skjóttur.  Féll nú ekki alveg fyrir þeim skjótta en svo er það hann Klængur frá Skálakoti sem ég hef nú  verið agalega hrifin af, síðan ég  bara vissi að hann væri til og takið eftir hann er rauður,,,,segið svo að ég sé alltaf að eltast við liti... málið er bara það að ég er með svo litskrúðugar hryssur að ég get alveg leyft mér að falla fyrir rauðum hesti sem er NB með mikið fax og svona ljósrauður, rosa flottur litur að því ógleymdu að hann er með rosa góða dóma og á þeim stöðum sem mér finnst skipta máli.  Það er ekki oft sem maður finnur hesta sem hafa flotta frambyggingur, gott samræmi og fax þar að auki, nú hæfileikarnir verða nú varla mikið betri 9 á línuna nema skeiðlaus, en það er nú fyrirgefið.  Held að það liggji nú að honum ágætir skeiðarar.

16. ágúst 2008

Vallamótið var í dag...

          Fóum snemma af stað með fulla kerru af  hrossum á mótið.  Dóri kom aftur ríðandi á mót eins og sannur hestamaður, en hann hafði ásamt fleira fólki gist í Kringlumýri.  Nú það var byrjað á barnaflokki og Dóri seigur á Kubbi sínum, fékk 8,23 í einkunn og fyrsta sætið, nú svo fékk hann ásetubikar líka fyrir barnaflokkinn.  Linda Dögg í Efsta Dal vann svo unglingaflokkinn, Ragnheiður á Þóroddsstöðum var í ungmannaflokk og fékk dollurnar þar, en sýndi sinn hest í B flokknum, passaði víst betur að hafa það svoleiðis.

       Dóri keppti því næst í B flokki og gekk bara ágætlega en vissi ekki fyrr en hann var að fara inná að hann mátti ekki hafa písk sem var nú ekki gott, hefði líklega tekið annað hross ef hann hefði vitað það en það gerir ekkert til, hann stóð sig bara vel og mjög sáttur enda annað ekki hægt.  B flokkinn vann svo hann Snæbjörn á Úlfljótsvatni en hann var með hana Sunnu Rós.  Þá var það A flokkurinn en þar var Dóri líka, gekk ótrúlega vel fannst mér nema hvað Spóla skeiðaði ekki neitt að ráði, en hvað um það slakasta gangtegundin hennar Spólu er brokk hélt ég og þar fékk hún 8,1.  Nú þarna vann Snæbjörn líka á Dynfara frá Úlfljóstvatni.  Þá voru það kappreiðar, Dóri tók þátt í 300 m brokki og fékk annað sætið þar, Snæbjörn vann.. nú skeiðið, þar tók Dóri líka þátt og í 250 m skeiði þá hljóp Gráni upp í fyrri sprettinum já og missti skeifu, Bjössa tókst að henda undir klárinn skeifu fyrir seinni sprettinn og þá lá klárinn sem er nú bara flott fyrir 13 ára krakka.  Get svosem sagt frá því að í bæði 150 og 250 m skeiðinu vann Snæbjörn líka en talandi um það þá vann hann ekki bjórreiðina en þar átti að fara einn hring á vellinum með fulla krús af bjór og sá sem mundi tapa minnstum bjór úr glasinu ynni.  Snæbjörn og Jonni voru fyrstir í mark en á kostnað bjórmagnsins, keppnisskapið svo mikið að þeim fann örugglega meira mál að vera fyrstir en síðastir í mark hvað sem yrði um bjórinn í glasinu.
          Hvað um það Til hamingu Snæbjörn og þú áttir þetta alveg skilið rosa flott hross og Sunna Rós átti alveg skilið að vera hestur mótsins. Bara flott.

        Nú við keyrðum svo okkar hross heim, já og tókum tvo aukabíla þar sem bílstjórarnir ákváðu að fara á hesti heim, frétti svo að það hafi verið í svartamyrkri sem hópurinn kom að Hömrum en það gerir ekkert til því það var örugglega gaman. 

15. ágúst 2008

Gróa er búin að bæta inn myndum í albúmið úr Kúakrók 2008

            Dóri fór ríðandi frá Bjarnastöðum og uppí Kringlumýri ásamt krökkunum sem voru búin að vera á reiðnámskeiðinu.  Ég hringdi í hann um kvöldmatarleitið og minn maður nýkominn uppeftir og greinilega mikið kátur, svo er bara að vona að það takist að vekja liðið þegar kemur að því að fara ríðandi á vellina í fyrramálið.

             Aðeins búið að vera rennerí á fólki hér í dag, Stefanía kýkti við ásamt Dagbrörtu og tveimur konum frá Þýskalandi önnur þeirra er hún Susanne sem er að rækta Íslenska fjárhundinn í Þýskalandi og gott ef hin er ekki bara dóttir hennar já eða vinkona.  Hreinn kýkti svo við í kaffi en hef nú bara ekki séð hann lengi held ég bara. 

           Annars bara allt í rólegheitum, Bjössi Guðni og co búnir að vera að girða, skildist að það væru mikið af krækiberjum þar sem þeir voru og Sigga alveg ákveðin í að fara að girða með þeim næst þegar þeir fara, annars er bara stefnan tekin á Vallamótið á morgun já og ef ég man rétt er mikið af krækiberjum þar svo Siggu ætti ekki að leiðast. 

14. ágúst 2008

          Ekkert smá kátur strákur hann Dóri þegar hann kom heim að reiðnámskeiðinu í kvöld, alltaf að læra eitthvað nýtt og Spóla flugskeiðaði með hann, nú svo er hún farin að brokka eins og herforingi líka nú og töltið hefur aldrei verið vandamál.  Nú Jonni er búinn að vera að nota hryssuna í allt sumar þannig að Dóri þurfti nú bara að finna brokktakkann á hryssunni og að læra að leggja á skeið en við vissum jú að skeiðið var til staðar.

         Það var svo sónað frá Kvíst frá Skagaströnd í kvöld, Bjössi, Sigga og Dóri fóru og sóttu Hríslu sem Anna Dóra og Jón Bjarni eiga en Þoka var á gráu svæði enn klárt hvort hún væri með fyli svo hún verður vonandi sónuð með fyli næst. 

13. ágúst 2008

          Fór út á tún í morgun að skoða hana Örnu, en hún er  sú eina sem er óköstuð, á von á að hún kasti samt í ágúst en hugsa að það sé nú ekki alveg strax.  Þegar hún svo er köstuð þá ætlum við með hana undir Glym frá Skeljabrekku, verst að öll þessi vindóttu hross sem okkur eru farin að fæðast enda svo grá og sjálfsagt verður það eins ef það skyldi nú koma vindótt undan Örnu, en hún er  fædd brúnskjótt og orðin grá.

         Annars bara einn letidagurinn enn, það er nú svosem alveg hellingur sem ég er alveg að fara að gera allt skipulagt ehhe en ekkert sem ég kem í verk, en svona er þetta bara og vonandi gengur þetta yfir fyrir rest.  

         Dóri er svo á reiðnámskeiði á vegum hestamannafélagsins, hún Hugrún í Austurkoti er að kenna krökkunum já og fullorðnum líka held ég bara. Allavega er Dóri alsæll, sagði mér að það væri sko hellingur sem hann lærði og bara í gærkvöldi, það var þá helst um hvernig á að skeiðleggja því það var jú það sem hann langaði mest að læra, er ekkert að spá í barnaflokkinn sem hann ætlar að keppa í, mikið meira spáð í A flokk já og held bara að hann ætli að keppa í skeiði líka.  Nú hann segist ætla að keppa í B flokk líka, reyndar á alhliða hryssu en eitt hross í næstum hverjum flokki finnst honum passa. 

          Bragi á Ökrum kýkti svo við í kaffi í kvöld, langt síðan við höfum séð hann, næstum bara ekki síðan á Þorrablóti... jú annars kannski eitthvað skólatengt.

12. ágúst 2008

          Held bara að það sé ekkert að frétta úr Miðengi í dag, reyndar eru Bjössi og tengdapabbi búnir að taka pallhýsin af bílunum þannig að Það er ekki tekin stefna á fleiri útlegur þetta árið nú annars eru hýsin bara sett á aftur. 

          Týra litla kom svo heim í gær en það gekk ekkert að para hana þannig að hún verður bara pöruð næst enda stutt á milli lóðaría hjá henni. 

11. ágúst 2008

         Bjössi og Dóri búnir að vera á rúntinum í dag að flytja hross heim, veit nú ekki alveg hvort Dóri mátti fara en það er jú 18 ára aldurstakmark í þessum hóp, og því ekki víst að allir séu sáttir með að hann skildi fá að vera með í dag að keyra hrossin heim, allavega var víst mikil óánægja hjá einum eða tveimur með að hann skildi fá að fara með síðasta daginn í fyrra en þá var í raun endað á Brjánstöðum á Skeiðum, en þaðan riðu Miðengismenn heim, nú aðrir keyrðu heim til sín já eða fóru ríðandi í hina áttina þar sem þeirra hross voru í sumarbeit. Það eru reyndar fleiri reglur sem settar voru í upphafi í Göndum og Gúbbum en þær hafa nú aldrei verið virtar.   Þetta er reyndar eini hestaferðin sem Miðengismenn fara í þar sem hefur verið sett aldurstakmark en held nú að það fari frekar eftir því hvort menn eigi nóg af hrossum og unglingarnir hafi áhuga á að fara í hestaferð  eður ei. 

        Nú hann Óli Róbert kom hér í heimsókn í morgun með alla fjölskylduna, þannig að ég er búin að sjá yngstu frænku mína, alveg pínulítil en hún er jú næstum bara nýfædd svo það er nú eins og það á að vera.  Rosalega gaman að fá þau öll í heimsókn.

         Nú svo eru slæmar fréttir, en hann Björgvin á Torfastöðum lenti í bílsslysi í morgun, við verðum bara að biðja fyrir honum og fjölskyldunni hans.  Skelfileg þessi bílsslys alltaf, maður veit eiginlega bara ekkert hvað skal segja.

10. ágúst 2008

          Jæja þá fer þetta að styttast, var orðin ansi uppgefin og Guðni Reynir sótti mig í morgun þannig að ég var komin heim um hádegið.  Það var reyndar orðið vindlaust á Raminum í morgun þannig að það þurfti að byrja á að fá loft en nóg af því á Skíðbakka skildist mér.  Stefnan tekin á Pulu, en tókst nú ekki alveg, en endað á Odda en þangað verða hrossin sótt á kerru á morgun, allir búnir að fá nóg í bili.  .

         Ég fór svo með Dóra á reiðnámskeið í Hólmarshöll en nú fer að styttast í Vallamótið, en það verður á laugardaginn.  Held að Dóri ætli að keppa í öllu sem hægt er hreinlega, hann hefur svosem gott af því.  Allavega kom Bjössi hér heim um klukkan 22.00 eða á sama tíma og við Dóri komum af námskeiðinu

9. ágúst 2008

Jonni á afmæli í dag, til hamingju með daginn gamli.

          Í dag átti að ríða áleiðs í Pulu og keyra svo aftur í Gunnarshólma í gistingu, en svo var stefnan tekin á að fara bara í reiðtúr um Skíðbakkalandið, og enginn sá nú eftir því skildist mér, bara frábært að fara þarna og skildist að það hefið bara verið örstutt til Eyja, nú Sólmundur vatnamaður  var komin með í ferð þarna og eins gott að missa hann ekki á haf út miðað við sögurnar sem af honum fara, hann hefur meira að segja næstum mætt Herjólfi á þessum ferðum sínum.  Hvað um það allir komu heilir heim og enginn datt af baki í dag, tölum ekkert um fimmtudaginn.  Aftur haldið heim í Gunnarshólma og mikið grín og mikið gaman, fengum núna að sjá dansatriði sem lengi verður í minnum haft.

8. ágúst 2008

            Allir fóru nú frekar snemma í morgunmat, en svo var farið af stað um hádegi, reyndar voru nú hestarnir ekki þar sem þeim var sleppt í gær en ekki tapaðir samt.  Í dag var semsagt riðið frá Hellishólum og að Skíðbakka,  stoppuðum hjá henni Berthu en ég þóttist nú aldeilis góð og ætlaði að kýkja á hana en viti menn þá var mín bara í útlöndum kannski að sóla sig, eins og það sé nú ekki næg sól hér uppá landi. Vorum svo heppin að Sara konan hans Ella í Skíðbakka fylgdi okkur svo við værum nú alltaf á réttir leið en veit ekki hvort nokkrar fréttir af villuráfandi Göndum og Gúbbum hafa borist í Landeyjarnar en held bara að við höfum lítið sem ekkert villst í gegnum árin.

             Strákarnir sóttu svo Siggu að Skíðbakka en það stendur víst til eitthvert djamm á Selfossi um helgina.

            Við gistum svo í Gunnarshólma, en það er félagsheimilið þarna niðurfrá, þetta er nú dálítið annað að gista þarna með þennann líka stóra sal já og svið fyrir þá sem vilja koma fram.  Enda vantaði ekkert uppá það fengum eftirhermur og hinar ýmsustu sögur, mikið hlegið allavega. 

7. ágúst 2008

          Fór snemma í morgun til tannlæknis en þurfti að láta laga brotna tönn.  Var svo passlega komin heim til að fara af stað í hestaferð.

         Lagt af stað frá Pulu og endað á Hellishólum, en þar gistum við.  Þar voru heitir pottar en engin hitaveita þannig að pottarnir voru rafmagnskynntir og voru því í raun kaldir 26 gráður sá sem enginn var í og 36 sá sem var fullur af útlendingum.  Maturinn var aftur agalega góður, en það sem okkur fannst helst vanta var að hópurinn gæti verið meira saman því húsin voru svo rosalega langt frá hvert öðru og enginn staður í raun sem hægt var að koma saman á.  Man þegar við fórum á Minni Borg til hans Hólmars þar var hægt að vera í svona litlum húsum sem voru í hring utan um pottana og allir á sama blettinum.  Fannst semsagt alltof langt á milli húsa þarna til þess að hópur gæti notið sín en sjálfsagt frábært ef þú vilt vera í friði.   Ég var nú bara í bílnum og með þennann fína einkabílstjóra en Adam sá um að keyra.

6. ágúst 2008

        Fór í bæinn í dag, þurfti að sækja tölvuna hans Dóra niður á Vitastíg, ansi seig ég að rata þangað reyndar með GPS, nú svo var það rúmfatalagerinn en fékk mér yfirdýnu í pallhýsið svona til að hafa aðeins mýkra undir botninum á mér.  Fór svo með hana Týru að heimsækja hann Kersins Garp, aumingja Týra var agalega feimin, held reynda að hún hafi ekki alveg verið tilbúin en það mátti reyna.  Nú það semsagt tókst ekki að para en Agnes og Árni buðu henni bara að vera í heimsókn sem kom sér agalega vel fyrir mig þar sem ég er að fara í hestaferð á morgun, ekki það að maður hefði reynt að skutlast úr hestaferðinni til að para tíkina en samt er þetta heilmikill léttir og ég vona  bara að tíkin verði orðin hvolpafull þegar hestaferðinni er lokið.

        Nú Miðengismenn eru byrjaðir að selflytja hross í Pulu fyrir hestaferðina, eitthvað höfðu þeir Jonni og Sverrir hug á að láta sýna Spólu og Möndlu báðar frá Miðengi.  Nú Jonni heyrði svo í Danna í dag og hann líkast til  búinn að prufa þær og sagði víst að þessar hryssur væru ekki að fara í hestaferð,  vill til að Miðengismenn eru svo agalega vel ríðandi að það munar ekkert um tvær merar.  Auðvitað er ég agalega kát ef tekst að sýna Spólu en er nú smá smeik við bygginguna á henni, reyndar á hún gamlann byggingardóm uppá 7.83 en held að það hafi nú ekki hækkað en sjáum til ef hún verður í standi til að fara í dóm.

5. ágúst 2008

          Svosem lítið að frétta í dag, hrossin sem eiga að fara í hestaferðina á fimmtudaginn eru komin heim, en það þarf klárlega að járna slatta já og sumt aftur og jafnvel aftur.  Annars bara lítið um að vera, ja Sigga dreif sig í berjamó held nú að Dóri hafi næstum klárað berin áður en þau komu hér inn til mín en það gerir lítið til svosem.

4. ágúst 2008

Linda á afmæli í dag til hamingju með daginn.

        Jæja þá er þessi helgi á enda, allt gekk svona ljómandi vel og þeir sem ekki eru búnir að fatta það þá eru komnar myndir í albúmið og hvaða myndir ætli hafi nú komið fyrstar inn??  Auðvitað myndir frá Gróu og Tona enda svo stutt að skutlast heim í Búðardal og hlaða inn myndum....en endilega ef þið eruð með myndir væri nú gaman að setja þær inn held reyndar að það séu bara myndir frá Tona komnar og bara kannski hluti en Gróu myndir eiga eftir að skila sér.

         Fór svo með Tíbrá að hitta Bersa og gekk svona ljómandi vel þannig að nú ætti að vera klárt að það koma hvolpar í byrjun október. 

3. ágúst 2008

           Ég verð nú bara að segja að ég var ótrúlega seig að vera í Króknum í kvöld.  Mætti reyndar ekki fyrr en um kvöldmatarleitið en entist bara fram á nótt.  Fékk nú aldeilis skemmtilega heimsókn í Krókinn en þarna kom frændi minn í heimsókn en hann hef ég bara ekki séð í 30 ár eða meira.  Þetta var semsagt Ragnar Haraldsson, sonur Dollu frænku.  Barnabarn Halldórs Ben, Ragnar og fj búa í Danaveldi og hafa búið þar í fjölda ára og ekkert á leiðinni heim held ég.  Ragnar og hans kona eiga einmitt einn Haldór sem er líklega ári eldir en Dóri, mér skildist að það fylgdi kannski bara nafninu að vera ansi líflegur þó svo að danski Hallór hefði verið ansi prúður þessa stuttu stund sem þau stoppuðu.  Ragnar er semsagt verkfræðingur í Danmörku og konan hans prestur.

          Bjössi og Guðni Reynir fóru svo út að læk svona rétt að sjá hvort Spóla væri hölt hún var eins og hún átti að sér, andskotaunum styggari, sá aftur í gærkvöldi að Jonni var nú dálítið haltur.

           Sýndist nú að það hefði verið ansi gaman hjá yngstu kynslóðinni í gær, mikið dansað og sungið rosa gaman hvað það var gaman hjá krökkunum, já og okkur hinum líka.

2. ágúst 2008

          Fór í morgun og paraði Tíbrá við hann Arnarstaða Bersa, sem er rosa fellegur finnst mér.  Þetta gekk bara ljómandi vel og nú er bara að fara aftur á mánudaginn.  Nú það er ekki alveg kominn tími á Týru ennþá held ég en það hlítur að skella á eftir helgina.

          Búið að vera ansi gaman í Kúakrók, ég er nú samt ekki búin að vera dugleg að vera niðurfrá en fór samt í grill seinnipartinn og var svo fram að brennu.  Ratleikurinn fór þannig að strákarnir unnu þetta árið en stelpurnar unnu samt leikrit sem var liður í ratleiknum.  Nú af hestamótinu er það að frétta að Sverrir varð Miðengismeistarinn,  Séra Bragi vann fyrir besta búninginn og bestu tilþrifin fengu þeir frændur Dóri og Sverrir saman.  Þetta gekk allt ljómandi vel nema hvað að Jonni var með eitthverjar fimleikaæfingar sem reynda gengu vel en svo þegar átti að endurtaka atriðið fyrir þá sem vildu mynda tók hryssan smá kipp og eitthvernveginn tóks þeim saman að rífa aftanálærvöðvann á Jonna allavega var hann mikið slæmur, frosið hakk sett við lærið og svo var hann vafinn líka, Spóla aftur flýtti sér svo mikið með karlinn heim að hún greip á sig  og leit ekki vel út þegar hún kom heim, krem sett á hryssuna og henni svo sleppt útí haga.  Spurning hvort þau tvö komast í hestaferð á fimmtudaginn,,,, en það kemur í ljós annað þeirra fer klárlega á þrjóskunni veit ekki með Spólu.  Hélt að það væri kannski best að fá dýralæknir til að líta á þau bæði jafnvel að skella á þau bláspreyi sem læknar allt, en sjáum til hvernig staðan verður á morgun.

1. ágúst 2008

          Fullt af fólki komið í krókinn og veðrið bara skelfilega gott, mikill hiti en sem betur fer ekki mikil sól allavega finnst mér það.  Gleymdi alveg að fara með myndavél í kvöld og mynda mannskapinn en það verður örugglega hægt að mynda á morgun.   Linda búin að útbúa þessa fínu dagskrá þannig að það verður nóg að gera.

          Bjössi, Dóri og Guðni Reynir fóru svo niður á Hraunborgir í dag að handsama eitt stykki rollu sem var komin inn í girðinguna þar en þeir fóru yfir girðinguna í vor og allt svo fínt en það fannst nú skýring á því hvar kindin fór inn en það er semsagt verið að samtengja kaldavatnsveituna og þá er girðingin bara klippt í sundur þar sem á að fara í gegn, þetta er svosem ekkert nýtt en samt alveg ótrúlegt að menn skuli leifa sér að skilja svona við....

31. júlí 2008

          Jæja þá er Kúakrókur 2008 að skella á, komið slatti af tjöldum já eða hýsum frekar.  Nú búið að setja upp stórt tjald sem var leigt og allt stendur til að það fjúki ekki eins og einnota tjaldið sem var sett upp þarna í fyrra.  Skilst að það sé búið að skipuleggja ratkeik, sem vel á minnst var dálítið skondinn í fyrra.  Þá voru strákar á móti stelpum ég var hér heima og sá aðfarirnar, konurnar hópuðust utan um  stelpurnar til að leysa þrautir aftur í strákaliðinu var það þannig að karlarnir voru svo æstir að þeir ýttu strákunum í burtu svo þeir gæti nú sjálfir séð betur, vona að þeir hafi lært af þessu og leifi krökkunum að njóta sín því þeir strákarnir töpuðu heheheh 
        Hvað um það held að það sé bara komin heljarinnar dagskrá en á laugardeginum verður svo hin árlega hestakeppni sem ég er nú ekki alveg klár á um hvað snýst en allavega er aðalatriðið að vera í flottasta búningnum gangtegundir skipta minna máli ja nema kannski eitthver taki fíflagang og hugsanlega getur verið betra að detta af baki ef þú vilt fá verðlaun.

         Tíkurnar mínar eru svo að lóða þannig að ég á nú von á að reyna að para um helgina ansi smeik um að þetta sé nú farið að styttast í þær allavega eru hundarnir á því en þó er Voði furðurólegur ennþá en hann er nú samt snillingur í að plata mig.  

30. júlí 2008

         Búið að vera ansi heitt í dag, eiginlega allt of heitt en það er svosem erfitt að gera manni til hæfis.  Annars fórum við Bjössi já og Dóri á Selfoss í morgun, Dóri orðinn nýklipptur og flottur eins og alltaf og engar strípur.

          Bjössi fór á Ganda og Gúbba fund í kvöld held að þetta sé allt að gerast bara. Búið að skipulegga og alles.

         Búin að uppfæra niðjatalið hennar Ólafíu ömmu en bætti henni Unu Bergþóru Ólafsdóttur inn, dóttir Óla Róberts en sá einmitt á síðunni þeirra hvað daman heitir og eins að Óli dreif í að gifta sig til hamingju með það.  Tókst samt ekki að uppfæra prentvænu útgáfuna verð að vinna betur í því.  Var líka að spá í að setja inn þær heimsíður sem ég rata inná, og eru í eigu afkomenda Ólafíu ömmu, fer að vinna í því næst þegar ég nenni. 

29. júlí 2008

           Ekki efast um það í allann dag að það væri mánudagur en svo er bara kominn þriðjudagur, hvað um það, það er ekki eins og ég sé eitthvað tímabundin.  Búin að spá eitthvað í hundamál í dag, en það er kominn tími á kersins hvolpa held ég bara, búin að velja hund á Týru og langt komin með að ákveða mig varðandi hund á Tíbrá........spennandi.

           Annars bara  búið að vera ólíft hér í dag vegna hita og á víst að vera meiri hiti á morgun, spurning hvort ég hleypi í mig kjark og fer í sólbað á mogun en er nú ekki viss um að þola hitann á morgun fyrst ég gerði það ekki í dag. 

            Mamma og pabbi kýktu svo við í dag en þau eru semsagt komin að  vestan og mamma byrjuð að vinna. 

28. júlí 2008

        Miðengismenn farnir að undirbúa Kúakrók 2008 en að sjálfsögðu er það okkar eigin útihátið sem haldin er í Kúakrók, tókst agalega vel í fyrra og veðurspáin virðist lofa góðu þannig að við erum bara spennt.

       Sigga og Dóri klár með búninga á allt liðið í þessu húsi allavega en það er semsagt ætlaðst til að þeir sem keppa á hestum í eitthverju óljósu verði í búningum, bíð bara spennt eftir að sjá. 

      Dorte kýkti svo í heimsókn í dag en hún er á Íslandi þessa dagana.  Já og Helgi frændi kom við og ætlaði að komast á netið en þá þurfit endilega að vera eitthver draugur í netinu hjá mér.

27. júlí 2008

          Held bara að það sé ekkert um að vera.  Allavega letidagur í dag, finnst nú ansi heitt úti já og inni líka á ekki alveg við mig þessi hiti verð ég að segja. 

26. júlí 2008

          Fór á Selfoss í morgun að kaupa næstum allt sem ég er búin að gleyma að kaupa alla vikuna en þó aðalega að sækja lyfin mín.

        Um kaffileitið fór fékk svo Sigga þann heiður að keyra eitt stykki brúði á fína bílnum sínum en Guðjón í Vaðnesi og frú giftu sig í dag, til hamingju með daginn.    Sigga sagði nú bara þegar hún kom heim að brúðurin hefði verði svo falleg og í svo fallegum kjól,  en þau hafa örugglega átt frábærann dag og veðrið svona gott líka.

        Fórum svo í grill til Jonna og Lindu en fyrst var grillaður humar og svo bæði naut og hrefna, frábær matur allt saman, takk fyrir okkur.  Sigga aftur var boðin í mat til Karítasar en þar var stelpukvöld.  Nú það var svo farið á hestbak eftir matinn, en það þarf jú að þjálfa fyrir hestaferðina í ágúst.  Dóri fór reyndar á Ljóma í morgun og gekk bara vel, þeir nokkuð sáttir í hvaða átt skyldi fara en þó var klárinn nú ekki alveg á því að fara frá húsi en það hafðist nú allt og báðir sáttir.  

25. júlí 2008

         Fórum austur í Hemlu eftir hádegið að sækja hann Ljóma, en nú á hann að fara að stunda hestaferðir og alles, sáum líka folaldið mitt undan henni Gjósku og Klæng, viti menn gott ef það voru ekki tvö til þrjú grá hár fyrir ofan augun, en hann var nú aldeilis búinn að lenda í ævintýri en hann hefur líkast til gloprast ofaní skurð, en var svo heppinn að Vignir fann hann þar og náði honum á þurrt nú Gjóska hafði víst elt ofaní skurðinn en komst nú sjálf uppúr.  Nú mér skilst að vinnuheitið á folanum sér Ófeigur og ég held að það verði nú bara að vera hans nafn.

     Í bakaleiðinni þá komum við í Árbæ en þar vorum við að vona að hryssan hans Bensa hefði verið sónuð með fyli en því miður var það ekki og hún í látum, í staðinn vorum við svo heppin að fá hana Nös heim, en það var verið að sóna frá Keili og Nös semsagt með fyli.  Þá sáum við að folaldið hennar er að verða grátt þannig að Hæringur getur ekki svarið það af sér.  Nú eins sá ég Lísu en hún er víst í látum núna og hennar folald er líkast til búið að átta sig á erfðarfræðinni og verður líkast til orðið glóbrúnt í haust, allavega er það að missa ljósu hárin. 

        Nú það var varla búið að taka Ljóma af kerrunni þegar hann var járnaður og Dóri kominn á bak með það sama, gekk bara ,,ljómandi" vel þannig að nú er bara að koma klárnum í trimm því hann hefur líkast til fengið eitthvað að éta í Hemlu blessaður karlinn.

24. júlí 2008

           Elísa frænka kýkti við í dag með krökkum úr vinnunni sinni, verið að skoða sveitina en verst að það voru svo lítið af skepnum heimavið.

            Sissel kom svo á hestbak eins Valka og Guðni.  Ingþór kýkti líka við eitthvað að gjóa augum á hvíta kassabílinn en aldrei þessu vant þá er eitthvað bilað hehe

          Nú Begga frænka sendi mér svo link en þar eru tvær myndir af Ólafíu ömmu síðan í denn, rosagaman að þessu.  Amma er semsagt á mynd 24 og 41, endilega kýkið á þetta, þið þekkið kannski fleiri ömmur þarna.  

23. júlí 2008

        Inga Dóra og Svava kýktu við í dag en þær komu með hana Sissel en Guðni Reynir og Dóri fóru með hana á hestbak, gekk bara ljómandi vel held ég.

         Begga frænka kom svo með Steinar Dúa og Óla og Runa og Súsönnu, gaman að sjá þau öll sömul.

          Bjössi er svo búinn að vera að moka út úr fjárhúsinu í dag, og Bensi að keyra möl þannig að það er nóg að gera hjá öllum held ég bara. 

22. júlí 2008

        Kominn tími á að fara heim en við lögðum af stað rétt fyrir tíu í morgun og vorum komin heim um fimm leitið ca. stoppuðum í einni sjoppu og svo í Bónus í Borgarnesi svona til að eiga mjólk í kaffið.  Búin að vera frábær ferð og allir sáttir og sælir. 

21. júlí 2008

Pabbi á afmæli í dag til hamingju með daginn.

           Guðni Reynir fór suður í morgun en skildi Dóra eftir, Sigga kom aftur með flugi á Bíldudal í morgun þannig að nú eru allir krakkarnir búnir að koma á Tálknarfjörð.  Flugið var víst bara skelfilegt fannst Siggu en samt var næstum logn og lítill sem enginn hristingur Sigga er bara frekar flughrædd þannig að mér fannst nú bara frábært að hún skildi leggja í þetta og sem betur fer var ekki ókyrrð það hefði nú alveg farið með hana.

        Létum bara fara vel um okkur í dag, Sigga og Inga fóru að kanna með ber og viti menn bara komið slatti af berjum.

         Það var svo grillaður silungur í kvöld og ekkert smá góður held að maður verði að byrgja sig upp af svona fisk áður en við förum suður.  

20. júlí 2008

Gústi Bjarki á afmæli í dag, verð nú að segja frá því þar sem hann mætti á Tálknafjörð.  Til hamingju með daginn.

         Alveg ágætis veður hér fyrir vestan næstum logn og smá úði undir kvöld.  Guðni Reynir og Dóri mættu hér um miðjann dag svona til að koma afa sínum og ömmu á óvart, það tókst alveg ágætlega held ég bara. 

          Nú svo komu gestir, Viddi og Gústi Bjarki sem eru synir Óla heitins bróður pabba og Kidda, þeir semsagt komu í kaffi ásamt fjölskyldum svona stórum pari af þeim allavega og Dúa kom líka með þeim.  Ég held að ég hafi ekki séð Vidda og fj ansi lengi en ekkert breyst svosem, nema hvað nú fylgdi þeim stelpuskott orðin kannski 10-12 ára.

19. júlí 2008

        Laugardagur og stefnan tekin á Tálknarfjörð, fórum af stað um hálfeitt leitið, fórum Kjósaskarðið og svo Hvalfjörðinn.  Við vorum fjögur sem fórum ég og Bjössi og svo tengdó.    Vorum komin vestur um sjöleitið og allt gekk svona ljómandi vel, þar beið okkar grill og alles, mikið gaman og gott að koma vestur en mamma og pabbi voru fyrir vestan ásamt Kidda frænda.  Nú úr Tálknafirði var ýmislegt að frétta og aðalega í kringum Kidda frænda en karlinn komst á blöð sögunnar þegar hann ásamt Sæla skipstjóra veiddu makríl, það er semsagt í frásögu færandi, en landkrabbi eins og ég veit lítið um þetta.  Þetta var semsagt hið besta mál en verra fannst Kidda þegar kom svo í mogganum að menn á áttræðisaldri hefðu verðið þarna á ferð, Kiddi semsagt ekki orðin sjötugur og þó svo hefði verið var nú alveg óþarfi að aldursgreina karlinn hehe

       Kiddi fór svo á sjóinn í kvöld á bátnum sínum svona jónfrúarferð og gekk ljómandi vel, reyndar var víst reynt að fara í gær en báturinn fór alltaf á afturábak þannig að það gekk ekki í það skiptið en gekk semsagt vel í kvöld.

18. júlí 2008

         þá held ég að öll hross sem eiga að fara niður á Hraun séu komin þangað allavega í bili, Hryðja fór í dag og verður bara sónuð í haust, það er örugglega folald í henni.  Nú allar kvígur eru líka farnar þannig að nú eru bara kálfarnir hans GR eftir hér úti á túni og kannski eitt stykki naut inni í fjósi en það verður nú ekki lengi.   Nú eins er búið að sækja öll hrossin sem voru hér í hestaferð og allt í kerru, Það vill nú til hvað olían er ódýr eða þannig, það hefði örugglega tekið styttri tíma og verið eitthvað ódýrara að ríða þeim bara til baka en til þess þarf jú að vera mannskapur þetta gerir sig ekki sjálft.

          Einusinni þá var ég í sjúkraþjálfun sem er nú í frásögu færandi, nú ég átti að labba á göngubretti sem var nú ekki svo slæmt en ég er voða gjörn á að leiða skrattann.  Nú sjúkraþjálfarinn bannaði mér alveg að leiða skrattann allavega á göngubretti.  Hvað um það ég auðvitað búin að segja frá því að þetta væri nú ekki inn.  Fór svo að skoða merarnar mínar í vor og leiddi skrattann, heyrðist þá í Dóra ,,Mamma var ekki bannað að draga djöfulinn?"  Þannig var nú það. 

       Nú svo er stefnan tekin á Tálknafjörð á næstu dögum síðasta lagi á mánudag er það var svosem búið að dagsetja ferðina ég man bara ekki hvort það er sunnudagur eða mánudagur en það er klárlega eitthver sem man þetta, ég fylgi svo bara. 

17. júlí 2008

       Dreif mig á Selfoss í morgun og fannst eins og ég hefði bara klárað allt sem þurfti að gera hehe allavega vona ég það svona í bili, rosa gott veður og réttast hefði verið að vera í sólbaði í dag allavega þar til kom skýfall.  En er nú ekki mikil sólbaðskona því miður.  Nú seinnipartinn var svo farið af stað í reiðtúr og farið inní Kringlumýri þaðan niður að Þóroddsstöðum og svo komið hér heim, held að það hafi nú verið um tvö í nótt eða ca. þegar mannskapurinn kom heim, allavega ekki seinna.

       Nú það kláraðist að rúlla niðurtúnið í morgun og um kaffileitið voru allar rúllur komnar heim.  Bensi fór uppá Efri Brú að rúlla og held að hann hafi náð að klára og ekki komið skýfall en vissi að hann átti ca klukkutíma eftir þegar skýfallið kom hér. 

16. júlí 2008

       Nú af  heyskap er það að frétta að það er næstum því  búið að rúlla niðurtúni, auðvitað bilaði vélin undir kvöld en þeir eru búnir að finna út að það er eitthver glussaslanga sem er biluð og því verður ekki klárað fyrr en á morgun. 

       Nú það er búið að vera mikil hestakerruumferð hér í dag, en ég hugsa að það séu um 60 aukahestar hér sem eru á leið hingað og þangað held ég. 

       Má nú samt til með að monta mig aðeins en mér var sagt að í þessari hestaferð hafi verið merkisskeiðhestur sem á víst einhver íslandsmet og alles, og viti menn hún Spóla mín gömul stóðmeri SPÓLAÐI hreinlega yfir íslandsmeistarann hehe við nefnum engin nöfn en allavega var Jonni á Spólu, og leiddist held ég bara ekkert.  Nú þeir sem ekki vita hver Spóla er þá er það hryssa sem átti að eiga folald í vor og hefur ekki verið á járnum í eitthver ár, nú þar sem ekkert folald kom þá grátbað ég um að hryssan yrði nú járnuð, enda ástæðulaust að hafa tamda hryssu ónotaða og Jonni sá aumur á mér og tók að sér að brúka hryssuna sem var járnuð í byrjun maí orðin 12 vetra gömul semsagt á besta aldri, þetta var semsagt ekki leiðinlegur skeiðsprettur, og ekki nóg með það heldur kann Spóla líka að tölta en hún kann svosem að brokka en finnst það ekkert gaman, svo er hún nú ansi lítil blessunin svo það er lítið mál að komast á bak eða þannig. 

15. júlí 2008

              Við Sigga fórum í bæinn í morgun, sóttum hundafóður, filter í kaffikönnuna sem ætti að endast í ca 1000 daga hehe nú og fórum svo í Kringluna, ætluðum líka með tölvuna hans Dóra í viðgerð en þar sem GPS tækið virkaði bara ekki í bílnum og heilsan mín virkaði eiginlega ekki heldur þá slepptum við því, það er jú ekki gaman að finna Vitastíg eða þannig, allavega ekki að finna götu sem er ekki einstefna og þá í hina áttina....

        Nú þegar við komum heim þá vorum við drifnar af stað uppað Efsta Dal en þar var hestahópur sem var á leið í Miðengi og Miðengismenn já og kona (SIGGA VAR MEÐ) fóru með hópnum og allir hestar komnir hér heim um kvöldið en ekki eins góðar heimtur á knöpum en skildist á krökkunum að knaparnir hafi laumað sér í bíla margir hverjir í von um að hrossin skiluðu sér. 

14. júlí 2008

         Else og Kurt komu hér í dag og sóttu hann Kersins Kóng en hann er á leið til Danmerkur, fer með Norrænu vona bara að það gangi allt saman vel á svosem ekki von á öðru, allir pappírara klári svo ég vona bara að þetta gangi vel.

        Bjössi og Sigga fóru svo með eitt stykki brúna hryssu frá honum Kjartani sem býr í Danaveldi, undir hann Möller frá Blésastöðum, vonum bara að það komi fyl í hryssuna enda ekki ástæða til að ætla annað.

        Dóri svo búinn að vera á útreiðum hér um allt í dag, að reka til hross fram og til baka held ég, en Dóri er alveg ómögulegur ef hann getur ekki verið á hestbaki. 

13. júlí 2008

      Letidagur í dag allavega hjá mér, hafði það þó af að rölta útí hesthús en það var búið að smala saman hryssunum og Bjarni Þorkels kom og sótti Hæru mína spennandi að frétta undir hvaða klár hún fór en hún var sett á kerru og svo átti að keyra af stað spurning hvar hún endar.

         Dóri voðamikið á útreiðum í dag, enda aðeins minni rigning en í gær, en nú á að keppa á vallarmótinu og helst í öllum greinum held ég bara hehe vill nú samt helst ríða einhesta inneftir þannig að ég veit nú ekki alveg hvernig hann ætlar að fara að þessu en sjálfsagt fær hann nú eitthverja aðstoð.

12. júlí 2008

         Ausandi rigning í dag, sem betur fer var klárað að rúlla austurtúnið í gær, og svo tókst þeim að keyra heim allar rúllurnar í dag, þannig að nú er bara að bíða eftir næsta þurrki og taka niðurtúnið. 

11. júlí 2008

         Aðeins snúist með hross í dag, fórum með Bóthildi í sónar og viti menn hún var með 24 daga gömlu fyli, til hamingju Dóri en þetta er semsagt folald sem hann og á þeir Bragi eru búnir að spá mikið í.  Nú svo fórum við með Þoku og Hríslu hennar Önnu Dóru undir Kvist frá Skagaströnd, fáum vonandi flott folöld að ári já og hryssur að sjálfsögðu.

10. Júlí 2008

       Dóri kláraði að slá Austurtúnið í morgun og nú er búið að snúa því öllu líka og eitthvað búið að rasta.  Held samt að það sé búið að vera eitthvert bilerý á vélum í dag, en nú undir kvöld gengur allt eins og það á að gera allavega í bili en sjáum til hvað verður á morgun, vonandi klárast þetta þá og þá er bara niðurtúnið eftir sem veður tekið í næsta þurrki sem verður líkast til undir næstu helgi.

        Ég búin að vera róleg heima í dag, druslaðist samt til læknis og fékk að vita að ég má víst alls ekki gleyma að taka lyfin mín,,,, jæja verra gætið það svosem verið.

       Haldið Þið ekki að það sé mynd að Siggu og Karítas í Sunnlenska í dag, búið að plata þær til að taka þátt í sumarstúlkukeppni sem verður víst á laugardagskvöldið í Hvíta húsinu, spennandi bara og áfram stelpur.

      nú og svo er ég búin að setja inn myndir í albúmið, bæði af Hæringsbörnum fyrir norðan og svo slatta af myndum sem Linda tók af heimafolöldunum en ég setti það bara í sér albúm, var nú ekki alltaf viss um að þekkja heimafolöldin í sundur á mynd þessi ljósu, Skjálfta-Hrinu og Dagmar.

       Nú svo var Dóri að horfa á hrossin hér út um gluggann í kvöld og folinn sem hafður er hér í einni meri var að reyna að hoppa eitthvað uppá hryssuna en það tókst ekki betur til en að hann datt og ekki nóg með það heldur lá afvelta eftir, Dóri hló mikið en var svo sendur af stað með Bjössa að bjarga klárnum en sem betur fer náði hann nú að standa upp sjálfur, held að hann verið að vanda sig meira næst. 

9. júlí 2008

          Fórum norður í gærmorgun, byrjuðum á að skoða folöldin hans Hærings sem eru á Stóru Borg syðri þarna í Húnavatnssýslunni, ég verð nú bara að segja að ég er ansi montinn amma.  Folöldin ótrúlega falleg og litirnir alveg út í hött hehe liltir sem erfitt er að átta sig á en hvað um það folöldin voru líka ansi falleg í laginu og gegnu fallega.  Tók slatta af myndum og set þær inn á myndasíðuna hans Hærings fljótlega.

       Fórum svo að Fremri Fitjum, sáum slatta af hrossum þar hjá henni Helgu Rós og svo var stefnana tekin til Helga bónda í Huppahlíð en við gistum þar.  Ansi þægilegt að vera með svona pallhýsi og í raun engum háður nema hvað gott að hafa aðgang að klóstetti.  Nú tengdó fóru með okkur norður á sínum bíl með sitt pallhýsi.  Já og Guðni Reynir fór líka með okkur.  Sigga og Dóri voru svo heima að hugsa um búið.  Nú mitt fólk var ansi duglegt að labba um og skoða gamlar slóðir ég aftur frekar löt.  Í morgun fóru þau svo og skoðuðu stóðið sem var heimundir í Huppahlíð, finnst nú eins og skjóttu hrossunum hafi fækkað en nú er komið moldótt og álótt innanum sem maður sá ekki hér einusinni.  Rosagaman að koma í Huppahlíðina aftur og allt of langt síða við komum síðast.

        Nú við fórum í gegnum Búðardal á heimleiðinni, en það var nú dálítið skondið að í mollinu á Búðardal, rákumst við á Bensa og Kristínu en þau voru búin að vera á Vestfjörðunum.  Við drifum okkur svo heim en Bjössi var farin að huga að slætti, Bensi og Kristín voru svo komin heim rétt á eftir okkur.  Inga og Reynir ákváðu að fara aðeins um Snæfellsnesið og síðast fréttist af þeim á Arnarstapa í logni og 23 stiga hita.  Ég var nú agalega kát með að koma heim, gleymdi eitthverjum pillum heima sem eiga að halda púlsinum niðri og var bara ekki alveg í lagi, en hvenær hef ég svosem verið í lagi....

        Annars var mér sagt um daginn að það er er trúarflokkur eða þjóðflokkur eða eitthvað sem heldur því fram að þegar við fæðumst þá er okkur úthlutað ákveðnum fjölda af hjartslögum.  Þannig að ef eðlilegur púsl væri kannsi 60-70 slög á mínútu í hvíld þá væri maður að tapa kannski heilum degi af sínu lífi með því að vera með púls uppá 130-140 í heilann dag.  Finnst þetta skemmtileg kenning.  Tapaði samt heilum degi í gær en það gerir ekkert til því ég verð hvort sem er nærri 100 ára því það lifir lengst sem lýðnum er leiðast ehehe

7. júlí 2008

         Þá er ég komin heim af landsmóti, kom reyndar í gær en löt við að uppfæra.  Lítið svosem að frétta nema hvað mér fannst agalega gaman á mótinu og var rosaduglega fannst mér að horfa á hrossin.  Nú aðallandsmótsfréttin er auðvitað að Sverrir og Sigga kepptu fyrir okkar félag í þolreiðinni og fengu þriðja sætið og dollu.  Held að þau megi vera agalega ánægð með það.

       Í fyrramálið er svo stefnan tekin á norðurlandið en vorum að spá í að skoða afkvæmi Hærings en hann á slatta af folöldum fyrir norðan. 

1. júlí 2008

         jæja þá er Dóri búinn að keppa á landsmótinu, hann sagði nú að takmarkið hefið verið að vera ekki undir 7 í einkunn, hann ætlaði greinilega ekki að gera sér of miklar vonir hehe en hvað um það, hann fékk 8,01 en þegar það var ljóst viðurkenndi hann nú að ef hann næði áttunni þá yrði hann alsæll en átti nú svosem ekki von á því.  Hvað um að þetta gekk ljómandi vel og allir sáttir.  Þegar við svo ákváðum að lauma okkur heim seinnipartinn sá Dóri að best væri að koma sér vel við Davíð og Sollu og vera bara hjá þeim sem varð úr.  Heyrði svo í honum áðan eða um hálfellefu og hann kominn á Selfoss og búið að taka mikið af tjöldum saman útaf rokinu.  Hann sagði nú samt að hjólhýsið haggaðist ekki, hann var alveg klár á því þannig að nú er bara að krossa fingur og vona að það verði í heilu lagi í fyrramálið.

30. júní 2008

       Við Sigga drifum okkur í morgun með Nös og Lísu undir Keili frá Miðsitju, þannig að úr þessu skipti ég ekki um skoðun hehe.  Annars dálítið rennirí á fólki í dag, hér kom Hollensk stelpa ásamt mömmu sinni en hún hafið verið hér fyrir ca 2 árum og kýkti við,  nú svo kom Anna Dóra og fj við á leið á landsmót en það passar að geyma eitt stykki hryssu hér framyfir landsmóti en hún fer í graðhesta þá og svo skemmtilega vill til að það er sami hestur og ég ætla með Þoku undir en það er Kvistur frá Skagaströnd.

      Nú svo er bara landsmót í fyrramálið.   já og það var klárða að rúlla nýræktina í kvöld og komin smá pása í heyskap.

29. júní 2008

        Loksins er ég komin á niðurstöðu með allar hryssurnar mínar já og jafnvel annara og hlutirnir farnir að skýrast hvað fer nú undir hvað.   Já og hvað er með fyli, en set þessar uppl. bara inná folaldasíðuna.  Semsagt Hildur sem fór undir Aron var sónuð með fyli, sem er bara æðislegt og Mirra sem fór undir Heiðar frá Austurkoti er líka með fyli. 
        Nú Doktor Lísa tók svo blóð úr Nös og Sprett svona til að sannreyna faðernið á Sprett  og svo var líka tekið úr Lísu og Alísu en líkst til er eitthvað gruggugt í móðurættinni hennar Álísu nema hún sé bara glóbrún en svo rosalega ljós en þeir sem til þekkja vilja nú meina að þetta sé bara móálótt og þá væri nú gaman að finna út hvar liturinn liggur grafinn.

       Annars kom hér í dag svona rothaglél, það var nú bara þannig og í raun ekki hægt að fara út einusinni ja nema bíða af sér élið.  Annars var slegið hér í dag og vonandi næst að rúlla annaðkvöld já eða á þriðjudaginn.

28. júní 2008

       Hestamannafélagið Trausti fór í sína árlegu jónsmessuferð í dag.  Farið var um Miðengislandið og endað á því að fara út í eyju úti í Álftavatni, þetta tókst alveg rosalega vel held ég bara, sumir duttu aðeins en það fylgir bara.  Það fóru 44 hér úr hlaði í gær og gott ef ekki komu bara jafn margir heim allavega ekki færri.  Nú svo var grillað og allir bara mikið sáttir held ég. 

26. júní 2008

       Bjössi búinn að vera ansi órólegur í dag, gat ekki fundið út hvort hann ætti að snúa heyjinu uppi á Kertúni eða ekki, manni fannst eins og það væri alltaf alveg að fara að rigna.  Hvað um það undir kaffið ákvað hann að fara og snúa, hér heima ringdi slatta en uppá Kertúni kom ekki dropi, á Selfossi aftur var skýfall, þannig að þetta slapp til og nú er bara að krossa fingur og vona að þetta náist á morgun, spurning hvort það þarf svo nokkuð að slá meira fyrr en eftir landsmót en það er nú spáð skúrum í næstu viku eins og það sé nú eitthvað að marka það.

      Dóri á svo að vera mættur klukkan 9.00 í fyrramálið á Hellu til þess að æfa sig fyrir landsmótið, skildist að Einar Öder ætli að fara eitthvað yfir þetta með krökkunum sem er hið besta mál. 

25. júní 2008

Óli Róbert frændi eignaðist stelpu í gærkvöldi til hamingju með það!!!

         Loksins kastaði Fríða reyndar var svosem ekki kominn tími á hana fyrr en núna en maður er jú alltaf dálítið óþolinmóður verið ég nú að segja.  Þá er bara Arna eftir og hún er örugglega ekki fyrr en í ágúst-sept en ég verð nú örugglega farin að bíða í lok júlí.

          Fórum svo í grill til Magga og Sirrýar en þau voru í búðstað uppí Tungum, við vorum sex sem drifum okkur ég og Bjössi, Jonni og Linda og Dóri og Sigga.  Ekkert smá flott, humar og steik, algjör flottheit verð ég að segja.  Takk fyrir okkur.  Nú það var mikið spáð í hestaferðir og ekki seinna vænna en að fara að taka frá helgar næsta ár.  Allavega er stefnan tekin á Hafnarfjarðarferð fyrstu helgina í maí 2009.  En það er nú lagt í það, allaveg finnst manni það núna.   Það veitir allavega ekki af að fara að taka frá helgar fyrir sumarið 2009.  Vorum  við ekki líka að spá í sleppitúr, Búðardal, vatnið, já og kannski jónsmessureiðtúr, (þá eru komnar 4 helgar) og allt í júní hef ég trú á þannig að 2009 er vel skipulagt og ekki seinna vænna en að fara að taka frá þá daga sem fara í þetta allt.

24. júní 2008

Steini er þrítugur í dag til hamingju með daginn!!

          Karlarnir eru búnið að vera að gera og græja vélar í dag, slátturvélin klár já og líkast til allar vélar því eftir því sem ég kemst næst þá á að byrja að slá í fyrramálið, allavega ef verðurspáin um kvöldmatarleitið stenst.
        
        Aðeins  búið að vera rennerí á fólki hér í dag, sem er hið besta mál.  Nú ég er búin að vera að útbúa aulýsingu fyrir hrossaræktardeildina Goða, Sigga fór svo með auglýsinguna í póst í dag, ákvað að senda bara á Goðafélaga og auglýsingu í sjoppuna en það er semsagt komin dagsetning á folann sem verður settur hér í girðingu í sumar, klárinn heitir Bliki og er frá Nýjabæ, ansi fallegur rauðskjóttur Illingssonur.  Hryssunum verður safnað saman á sunnudaginn og folinn fer út á mánudaginn held ég bara.  Svo er bara að sjá hvort maður á hryssur undir hann en ég er enn óráðin með þetta allt saman enda verða örugglega flottustu folöldin þau sem maður er ekki búin að spá hvað passar við hvað allann veturinn, betri svona skyndiákvarðanir, eða þannig.

        Hér er svo kominn hann Kersins Kóngur og ætlar að vera þar til hann flytur til Danaveldis, hann er reyndar svo afskaplega rólegur að ég er nú ekki alltaf viss um að hann sé hér enn.

        Tókst svo að setja inn myndirnar hennar Dísu úr Álftavatnsferðinni og eins myndir af folaldinu honum Rauða Ísbirni. 

23. júní 2008

        Lítið um að vera nema hvað netið er eitthvað lint við að leifa mér að uppfæra en vonandi lagast það.  Er með myndir af nýja folaldinu sem ég var að spá í að reyna að setja inn og eins kom Hafdís með myndir sem hún  tók úr Álftavatnsferðinni fer í að setja þær inn um leið og netið vill þýðast mig. 

22. júní 2008

        Lítið um að vera í dag, ég búin að vera ansi þreytt enda vakti ég nú bara óvenjumikið í fyrrinótt enda að bíða eftir folaldinu hennar Lísu.  Bætti inn myndum í albúmið mitt í gær af þessu merkisfolaldi sem virðist vera móálótt en ætti ekki að geta það miðað við ættir en sjáum til í haust hvernig hún lítur út blessunin. 

21. júní 2008

        Jæja þá er Lísa köstuð og ég fékk hryssu alveg eins og ég óskaði mér.  Varðandi litinn þá er það allt mjög skrítið, en samkvæmt erfðarfræðinni er þetta glóbrúnt en það er nú ekki að sjá.  Moldótt getur ekki staðist nema ef mamma Lísu væri jarpvíndótt en ekki móvindótt,,,,þannig að nú er bara að velja eigum að að ætla að Gjósta mamma Lísu hafi verið móvindótt eins og hún kannski lítur út fyrir að vera og folaldið því glóbrúnt?  Eða eigum við kannski frekar að veðja á að folaldið sé moldótt sem það lítur nú kannski frekar út fyrir að vera, og Gjósta hefur því þurft að vera jarpvindótt..... það leggst nú frekar illa í mig að þurfa að bíða fram á haust kannski með að sjá folaldið komið úr folaldahárunum en kannski er bara ekkert annað í boði.  Held samt að það sé alveg útilokað miðað við ættirnar að hún sé móálótt....þannig að moldótt eða glóbrún er í boði, sá folaldið fæðast þannig að þetta er örugglega undan Lísu og klárlega er það undan Aron því það er alveg passað og gott betur, þannig að eitthverjar gamlar syndir eru kannski í dæminu ekki gott að segja.
      Annars heildgaðist Lísa ekki strax svo Doktor Lísa var kölluð út til að sinna nöfnu sinni sem gekk hratt og vel.

       Glampi er nú aldeilis búinn að vera að hrekkja okkur í dag en hann hvarf bara um miðjann dag, nú allir fóru að leita og ekki sást  tangur né tetur hundinum, sáum hann fyrir okkur dauðann eða slasaðinn en fannst nú samt skrítið að þar sem Guðni Reynir var heima hefði hundurinn ekki átt að fara frá húsi.  Hvað um það Bjössi fann hundinn svo um kvöldmatarleitið úti í hrauni alveg uppgefinn á ekki neinu held ég bara.  Það urðu allavega miklir fagnaðarfundir hjá Guðna Reyni og Glampa þegar sá síðarnefndi kom heim.

     Nú svo ákváðu Miðengismenn að kýkja á Gömlu Borg í kvöld og fóru að sjálfsögðu ríðandi en ekki hvað.

      Jú og á meðan ég man, hún Dadda frá Kringlu kom hér aðeins við í gærkvöldi með Traustajakka handa Dóra svo minn maður gæti nú mætt á Landsmót þannig að nú er það allavega klárt.  Takk fyrir þetta Dadda. 

20. júní 2008

          Seinnipartinn í dag fór að tínast til fólkið sem fór í vatnið.  Það voru svo 43 sem fóru ríðandi af stað úr hlaðinu í Miðengi, og niður að vatni.  Þar biðu svo tveir en ég hef nú ekki alveg töluna á því hversu margir fóru úti þegar upp var staðið en allavega  góður meirihluti.   Þetta gekk alveg ljómandi vel og Solla tók að sér þetta árið að detta í vatnið.

    Fullt af myndum svo komnar í myndaalbúmið.

     Nú svo er farið að leka úr Lísu minni þannig að það kemur  vonandi folald í nótt. 

19. júní 2008

        Hér voru nú bara rólegheit fyrrpart dags.  Bragi og Svava kýktu svo í kaffi, komu með eitt stykki slátturvél sem við vorum eiginlega búin að gleyma já og allir bara hehe en semsagt ágætt að geta slegið á tveimur.

        Eftir kaffið var svo farið með enn eina hryssuna í sónar og viti menn hún var líka tóm, þetta er nú bara ekki í lagi.  Á morgun verður brunað á Selfoss og keypt bætiefnafata hvort sem það virkar nú eitthvað.  Nú Hryðja sem var tóm í sónar fékk að standa á kerrunni í smá tíma á meðan ég spáði í hvað skildu nú gera já og hún að hugsa sinn gang blessunin.  Úr varð að fylfullu hryssurnar voru settar aftur í upptúnið og Hryðja sett í Fjósadalinn og klárinn sem varð fyrir valinu þessu sinni  beið nú bara við girðinuna og búinn að standa þarna í viku og bíða, held að hann hafi ekki einusinni mátt vera að því að éta hehe en það var semsagt Erpur sem var settur þarna með henni, svo er bara að vona að hryssan fyljist svo ég fái þá allavega eitt folald næsta vor, ein rauð hryssa er jú betra en ekki neitt verð ég að segja.

       Sigríður á Fossi kýkti svo við í kvöldkaffi, ja fékk nú bara vatn en hvað um það ansi gaman að sjá hana, en hún var eitthvað að skóræktast niður á Snæfoksstöðum. 

18. júní 2008

       Haldið þið ekki að hryssan hennar Lísu hún Tvíbaka sé ekki bara köstuð, hélt nú ekki að það væri svona stutt í hana í gær en hún hefur nú alltaf verið ansi snögg að þessu hún Tvíbaka.  Allavega var ég ekkert að kýkja í morgun en uppúr hádegi fór ég nú að spá í að hún væri eina hryssan sem ég var ekki búin að sjá, gleymdi því svo strax aftur en viti menn allt í einu stóð hún bara fyrir utan eldhúsgluggann með þetta fína folald.  Nú það kom rauð hryssa undan honum Erp.  Alveg sami rauð litur og á hinum rauðu folöldunum held ég bara.

           Annars svosem ekki mikið um að vera í dag, við Sigga fórum aðeins á Selfoss, Dóri og Sigga fóru svo á hestbak eftir hádegið, Sigga og Guðni Reynir skutust svo í ,,borg óttans" að slækja eitthverja bíla með Sverri.  Bjössi er svo aftur búinn að vera að tæta undir girðingu í dag þannig að það er svo sem ýmislegt að gerast.  Ég aftur búin að sofa held ég meira og minna þannig að nú er kannski spurning að auka aðeins lyfin ekki hægt að sofa af sér alla sólina í sumar gerir minna með að sofa af sér rokið, en finnst alltaf vera eitthver blástur í gangi.  

17. júní 2008

        Bjössi, Sigga og Guðni Reynir kýktu á Borg í dag, skildist á krökkunum að þau hefðu nú þekkt frekar fátt fólk.  á heimleiðinni kýktu þau svo uppí kirkjugarð en í dag er afmælisdagurinn hans Kidda afa.

        Jonni og Linda fóru svo uppað Bíldsfelli í dag og sóttu slatta af öspum sem þeir bræður settu niður hér á milli húsa, svo er bara að vona að þær lifi betur er Hornarfjarðaraspirnar sem voru settar niður þarna í fyrra.  En þetta eru mun stærri aspir og með rótum ogalles þannig að þær ættu nú að lifa.

       Dóri orðinn mikið betri í löppinni og stefnir ótrauður á að ríða út í vatn á föstudagskvöldið, enda þyrfti löppin að detta af svo hann færi ekki.

       Kýkti svo á hryssurnar í dag og það er farið að styttast í hryssuna hennar Lísu held ég, nú svo bind ég vonir við að það komi bráðu, folald í Hemlu undan Gjósku og Klæng.  Búin að bæta inn í folöldin 2008 mynd af Gjósku.

      Nú svo er Toni  búinn að bæta við myndum í albúmið síðan í gær þannig að þið sem skoðuðuð í gær þurfið aftur að skoða í dag.

16. júní 2008

Reynir Már á afmæli í dag til hamingju með daginn gamli minn.

       Dóri ansi haltur í dag en samt ekki eins slæmur og í gær, finnur svosem ekkert til þegar hann er að horfa á DVD þannig að ég held að hann verði ekkert svo slæmur þegar nær dregur næstu helgi en þá á að fara ríðandi í vatnið svona að kanna það fyrir Jónsmessureiðtúr.  Veit nú svosem ekkert hversu margir fara en eins og oft áður er ég nú ekki alveg að fylgjast með því.  Sé það bara á föstudagskvöldið, kannski ég reyni að telja útí vatn og uppúr aftur svona til öryggis.

      Nös fór í sónar í dag, og ekkert fyl, það eru semsagt bara 20% af þeim sem eiga að vera með fyl komnar með staðfest fyl, ansi slappt það.  Þyrfti að fara með Hryðju í vikunni kannski lagar hún aðeins hlutfallið.  Nös fór því aftur undir Illing svo er bara að krossa fingur og vona það besta. 

15. júní 2008

         Þá var haldið heim, fórum af stað uppúr tvö minnir mig og vorum komin heim á milli fimm og sex.  Gekk bara glimrandi vel og allir mikið sáttir og sælir.

       Dóra tókst nú samt í gærkvöldi að prufa hvernig væri að rúlla sér niður fjall, það virkaði bara vel þar til hann lenti á steini með legginn og er ansi aumur, með sár og mikið bólginn og stígur varla í löppina en sjáum hvernig hann verður á morgun, held að þetta sé bara vont en kannski ekkert svo slæmt. 

14. júní 2008

Freydís á afmæli í dag til hamingu með daginn elsku Freydís mín.

        Hestafólkið dreif sig á hestbak eftir hádegið í dag og fór eitthvað út í loftið eða þannig, Óli og Kristín pössuðu uppá að allir kæmust nú í hýsi aftur því ekki er gott að vita nema þau hafi kannski frétt af ratvísi hópsins, allavega skiluðu sér allir.  Ég fór nú ekki á bak frekar en vanter en veit þó að það var farið í réttina og gömlu réttina líka,,,, allavega allir mikið kátir þegar komið var aftur að Leirskálum.  Nú þegar allir voru svo komnir að Stóra Vatnshorni á tjaldstæðið var farið labbandi að Eiríksstöðum þar sem Gróa lóðsaði okkur um svæði, það var ekkert smá gaman að hlusta á hana segja frá staðnum og allir mikið ánægðir með þá fer.  Takk æðislega fyrir þetta Gróa.

       Ég laumaði mér aftur aðeins á Búðardal með tengdamömmu sem kýkti á foreldara Óla en hún þekkir þau síðan hún var að vinna í Furugerði.  Ég aftur notaðið tækifærið og hringdi í Siggu sem var á bíladögum á Akureyri ásamt Sævari, Herdísi og fleirum og allt í góðu þar.  Hrindi líka í Guðna Reyni svona til að athuga hvernig gengi.  Mátti nú vita að allt væri í góðum gír hjá krökkunum en maðru vill jú vera viss. 

13. júní 2008

          Í dag var stefnan tekin vestur í átt að Búðardal, fórum með hesta og hin ýmsustu hýsi.  Fundum Gróu og Tona og fórum að bæ sem heitir Kringla, en þaðan fór Gróa með hestafólkið á hestum að bæ sem heitir Leirskálar en Óli og Kristín dóttir hans komu ríðandi að Kringlu og fylgdu okkar fólki að Leirskálum.  Nú við sem ekki fórum á bak tókum bílana og það sem aftaní þeim var og fórum að Stóra Vatnshorni en þar er tjaldstæði sem við vorum svo á.  Óli og Kristín komu svo mannsakpnum niður í Haukadal og að Leirskálum það sem hrossin voru svo geymd.  Fólkið svo ferjað á tjaldstæði en Gróa var búin að útbúa þessa fínu súpu og heimabakað brauð sem allir voru kátir með.  Held að maturinn hafi verðið étinn um eða uppúr miðnætti sem var nú bara góður tími enda ekkert sem beið nema bara að hafa gaman.

       Í för voru Gummi og Inga Dóra með tvíburana, Guðrún með sína stelpu, Davíð og Solla með fjórar stelpur en þau áttu bara tvær síðast þegar ég vissi hehe ekki lengi að hlutunum hún Solla okkar, Hulda og Axel voru með Selmu litlu, Bragi og Svava með Aron, Jonni og Linda með Steinar og við Bjössi með Dóra.  Nú tengdó voru líka með og auðvitað með áðurtalda Jonna og Bjössa ekki voru þau barnlaus allavega í ferðinni.  Nú og svo voru Gróa og Toni og Óli og Kristín á Leirskálum, frábær hópur og leiðinlegt fyrir ykkur sem ekki komust með..... 

       Við tókum svo Tintron með en hann fékk vinnu á Fremri Fitjum við að hugsa um hryssur, sjálfsagt finnst honum það ekki leiðinlegt.  Skildum hann eftir við Borgarnes en þangað sótti Helga Rós hann. 

12. júní 2008

          Loksins fór hún Sigga í meiraprófið í dag já eða minnameiraprófið.  Hún hefur þurft að bíða dálítið eftir þessu en fyrst þurfti hún að bíða eftir að verða 18 ára og fá nýtt skirteini, og þegar það var klárt þá var bara að bíða eftir að það væri prófdómari á staðnum, og þetta var semsagt í dag, hún náði þessu verklega prófi með glans já og kerrupróf líka, gamla seig, til hamingju með þetta Sigga okkar.  Þannig að nú má Sigga keyra Raminn og litlar rútur já og vera með kerru aftaní....það er nú meira en sumir sem ég þekki hehe 

11. júní 2008

         Guðni Reynir fór ásamt afa sínum og ömmu í bíltúr í morgun, en þau fóru Gjábakkaveginn svona til að skoða hvort þarna væri komið fé og gróður.  Held að þau hafi bæði séð strá og kindur.

        Dóri hennar Lísu kom svo hér með hest í morgun sem var settur austur í girðinu, um kvöldmatarleitið var svo hringt og klárinn bara kominn út á malbik, hann hafði labbað yfir tvö rimlahlið og var bara á leið burt en sem betur fer náðist hann, og var bara settur í hús, spurning hvort hann tollir hér ef honum verður svo sleppt út á aðfallinu... hef reyndar ekki athugað hvort honum var sleppt á útfallinu.

10. júní 2008

       Þá eru ellefu dagar síðan síðasta folald kom og nú finnst mér alveg í lagi að fara að fá folald...ekki það að það er nú líklega ekki kominn tími á hryssurnar nema kannski Gjósku sem er í Hemlu þarf nú að fara að forvitnast hvort Lotta er með kýkirinn á henni.

      Fórum annars með slatta af hryssum í sónar í dag, ein pottþétt með fyli, önnur líklega með fyli sú þriðja ekki með fyli já og svo var þarna ein sem var ekki búið að halda og hún var að byrja í hestalátum.  brunuðum með hana í Austurkot en þar er hann Heiðar frá Austurkoti, leirljós blésóttur foli sem er ansi fallegur og ekki bara liturinn heldur fór hann ansi fallega um úti í gerði, nú þarna ætla ég að fá leirljósablésótta hryssu, og ekki verra ef hún væri svona dökkleirljós eins og klárinn.

      Annars vorum við Sigga að snúast á Selfossi í morgun, komum við í Tryggingarstofnun, svo var það dekkjaskipti á bílnum hennar Siggu, sækja Raminn til Gests og skilja Siggu bíl eftir en hið langþráða útvarp er komið og var sett í bílinn í dag.  Svo þurfti að sjálfsögðu að versla eitthvað líka.

    Valka og Guðni kýktu svo við, Fríða þeirra er nú aðeins nær því að kast en í gær...eins og svosem allar hryssur, þetta verður bara spennandi held ég.  

9. júní 2008

          Rólegheit á mér í dag svona eins og vant er.  Við Sigga fórum aðeins á Selfoss að súast í kringum bíla eða þannig.  Förum svo aftur á morgun í snúninga reikna ég með. 

         Linda sú sem býr núna í Danaveldi er búin að útbúa nýja Kersins síðu og nú dettur maður bara beint inná hana ef maður velur linkinn á aðalsíðunni sem heitir Kersins kennel 

8. júní 2008

        Komnar myndir úr vorferðinni í albúmið bæði myndirnar hennar Lindu og myndirnar hans Tona, bara flottar myndir.

         Annars er nú lítið um að vera held ég bara hryssurnar ekkert að hugsa um að kasta, enda eiga þær svosem ekki að kasta fyrr en seinnipartinn í júní þær næstu en það breytir því ekki að ég hef ekki þolinmæði í að bíða verð ég að segja.

        Búin að finna slatta af jarðskjálfum í dag og núna seint í kvöld var einn ansi myndarlegur sá á netinu að hann var 3,5 sem hefði nú þótt fréttnæmt fyrir hálfum mánuði en tekur því varla að segja frá núna. 

7. júní 2008

         Rólegheit fyrripart dag en fórum svo í matarklúbb til Þóru upp á Akranes.  Gummi sá um aksturinn en við fengum far ásamt Jonna og Lindu og Árna og Sigrúnu.  Ferðin gekk ljómandi vel og þar sem við vorum öll ferkar ókunnug á Akranesi vorum við viss um að þarna væru hámark tvær götur og ekki mikið mál að rata.  Þóra á jú heima í blokk og það geta nú ekki verið margar blokkir þarna töldum við víst.  Við vorum svo klár á þessu að okkur datt ekki í hug að skoða götukort sem hefði kannski ekkert þýtt þar sem ekkert okkar muni götuheiti eða húsnúmer.  Þegar við svo loks eftir eitthverjar leiðbeiningar frá Þóru finum blokkina og allir komnir út, í háfaðaroki með blóm og alles sáum við að það stóð nú hvergi Þóra á bjöllunum í blokkinni, svo aftur var hringt í Þóru sem sá þann kost vænstann að senda Snæbjörn að sækja okkur en við áttuðum okkur á hvar íþórttahöllin er og þangað vorum við sótt.  Við höfðum semsagt verið við smarvitlausa blokk.  Snæbjörn kom okkur svo til Þóru þar sem beið okkar rosaflott steik, takk æðislega fyrir okkur.
      Vorum svo ekki komin heim fyrr en hálffjögur í morgun, en tókum sá aukarúnt um Bíldsfellsland og skoðuðum svo hvernig partur af Öllfussinu hafði bara runnið út í Sog, ótrúlegt hvað þetta var magnað og spennandi að sjá hvað verður um allann þennann jarðveg sem rann þarna fram, en eitthvernveginn heldur maður að þetta hljóti að fljóta burt allavega hverfa en ekki gott að segja.

        Tvær ær báru svo í dag þannig að nú eru bara ca ein og hálf eftir klárlega ein en er ekki klár á hvort hin er með lambi.

        Tolli kom svo með pallhýsið í dag og það er komið á bílinn á bara eftir að fínpússa þetta allt. 

6. júní 2008

         Finnst nú eiginlega ekkert um að vera í dag en samt búið að gera helling eða þannig.  Dóri fór í Hafnarfjörðinn með Sverri að á kynbótasýninguna.. Nú þegar þeir voru komnir heim þá brunuðu Jonni, Bjössi og Dóri í Pulu og Nös og Bóthildur voru sóttar, svo er bara að fara með þær í sónar á mánudaginn.   Efriskáparnir í innréttinguna inná baði komu líka í dag og búið að setja þetta allt saman upp, voða flott.

          Annars engin folöld og engin lömb í dag. 

5. júní 2008

         Mikið um að vera í dag, byrjuðum á að fara suður með sjó að skoða pallhýsi og sjáum ýmislegt spennandi, vorum eiginlega búin að pikka út hýsið sem okkur leist best á.  Rak svo augun í auglýsingu í sunnlenska þegar ég kom heim og ákvað að hringja svona til að forvitnast.  Þá vera þetta pallhýsið hjá Helgu og Tolla, við uppí Tungur að skoða og bara búin að kaupa gripinn.  Þá verður næsta mál líklega eftir landsmót að selja hjólhýsið allavega að sjá hvort það selst ekki en það kemur bara í ljós.

        Tvær ær báru í dag og því bara fjórar eftir, önnur af þessum tveimur er gráflekkótt vinkona Guðna Reynis, sú var víst eitthvað treg að skila sér heim síðasta haust, og þurfti endilega að eiga tvo hrúta núna.  Skildist á GR að þessi kind færi ekki inná afrétt eða uppí heiði í sumar.  Nú þessar fjórar ær sem eru eftir verða svo skoðaðar betur því það gæti nú verið ein geld já eða bera seint svo við sjáum til hvenær GR sleppir restinni út. 

4. júní 2008

Höddi á afmæli í dag til hamingju með daginn.

        Lítið um að vera í dag svosem, reyndar fór Bjössi, Dóri og Sigga með Hildi í sónar í dag og því miður er ekki folald í henni ennþá svo það var brunað með hana austur í Árbæ svo er bara að krossa fingur að þetta sleppi nú allt til.

      Búið að setja upp innréttingu inná baði, bara flott og enn hellingspláss á baðinu ótrúlegt verð ég að segja.  Takk fyrir hjálpina Jonni, Reynir Már og tengdapabbi.  Þetta gekk ótrúlega vel, ég reyndi að vera ekki mikið fyrir en ekki viss um að það hafi alveg tekist en þetta semsagt hafðist.

       Held að það séu bara sex eða sjö ær óbornar þannig að maður er farinn að sjá fyrir endann á þessari törn. 

       Í gær voru svo skólaslit hjá Dóra og hann loks kominn í langþráða sumarfríið sem hann er jú búinn að bíða eftir síðan í haust held ég bara.

2. júní 2008

        Þá er hún Kersins Linda komin í Danaveldi, ferðin gekk bara vel út og tíkin eins og hún hafi alltaf verið í hundahópnum hennar Dorthe, sem er nú aldeilis gott verð ég að segja.

         Annars bara lítið um að vera, kindurnar enn að bera og gengur bara vel, held að það séu allaveg fimm bornar síðan í gærkvöldi þannig að þær fara nú alveg að verða búnar. 

1. júní 2008

        Lítið um að vera í dag, dálítið rennirý á fólki eins og gengur.  Kindurnar eru nú ekkert að flýta sér að klára að bera, báru tvær í dag og þá eru 5 hvítar eftir og 13 mislitar ansi merkilegt finnst mér því þetta er jú ekki í réttu hlutfalli við litina.

        Guðni Reynir dreif sig á fótboltaæfingu hjá Selfossi og bað kindurnar að bíða rétt á meðan sem þær og gerðu.

        Dóri og Gestur fór svo með Glóð niður á Hraun í dag þannig að nú eru tvær folaldsmerar þar.  Og hestafókið sem kom úr sleppitúr í gær sótti þá hesta sem ekki eiga að vera hér í sumar þannig að þetta er allt að komast í sumarhorfið. 

        Held að það sé nú ekki alveg að koma folald nennti reyndar ekki að skoða hryssurnar þvi það var svo hvasst.  Mundi samt veðja á hryssuna hennar Lísu dýralæknis næst en það er svosem ekkert víst, Lísa albínói eða Fríða gætu líka orðið næsta en örugglega ekki Arna því hún á ekki tal fyrr en í september held ég bara.    Annars gæti líka hún Gjóska sem er í Hemlu líka orðið næst en hana hef ég ekki séð, en á nú von á að hún Lovísa hafi annað augað já ef ekki bæði augun á óköstuðu hryssunum þar, en undan Gjósku var ég að spá í að fá hryssu, get fengið rauða eða gráa, hún mætti alveg vera eins og pabbinn hann Klængur frá Skálakot sem er frekar ljósrauður og ljósfextur allavega á myndum.  En allavega væri hryssa vel þegin eins og alltaf og allstaðar.

31. maí 2008

       Dagurinn byrjaði ansi snemma en við Bjössi drifum okkur á Selfoss með Dóra í úrtöku fyrir landsmót, Hreinn kom með hestinn þetta gekk alveg þokkalega klikkað smá en hvað um það þetta er góð reynsla og Dóri kominn inná landsmót þannig að nú er bara að taka á því og koma manni og hesti í gott stand.  Þegar við komum svo aftur í Nesbúð þá voru ekki einusinni allir vaknaðir og við náðum í morgunmat og alles.   Held að klukkan hafi verið um þrjúleitið þegar farið var af stað og hópurinn kominn heim um átta leitið um kvöldið.  Held að það hafi ekki margir dottið  af baki ja allavega ein, en allavega eru allir nokkuð heilir.  Sigga er enn ósköp léleg, þurfti meira að segja að reisa hana við í nótt svo hún kæmist á klóstettið, hún samt kemst vel um þegar hún er búin að ná að setjast upp en á voða erfitt eða að hreifa sig á jafnvel erfitt með að teygja sig í símann og þá er nú mikið sagt.  Samt alveg hitalaust og rólfær eða þannig.  Held að þetta sé svipuð pest og Ingþór fékk en hann var viku að ná sér á pencilíni en Sigga er laus við að hafa hita og vill helst ekki pencilín þannig að við sjáum bara hvort hún verður ekki orðin góð eftir helgina.

30. maí 2008

        Nú léku hryssurnar alveg á mig.  Ég kýkti í gærkvöldi og ekkert farið að leka úr þeim.  í morgun frétti ég svo að það væru tvö folöld komin....vissi nú nokkuð hverjar væru kastaðar það er Hæra og Glóð en það er alveg ómögulegt að vita hvor var á undan, sá samt að staðirnir þar sem þær höfðu kastað voru næstum alveg hlið við hlið, þrír metrar á milli.  Hvað um það ég fékk bleikálótta vindótta hryssu undan Adam frá Ásmundarstöðum og Hæru og Gestur fékk fagurjarpa hryssu undan Erp og Glóð, til hamingju við tvö, og við gefum ekki með okkur allavega ekki ég.  Komin nöfn á gripina hryssan hans Gests heitir Embla og Toni stakk uppá því að mín yrði að heita Hrina sem er bara flott, Hæra átti samt systir sem hét Hrina svo mér finnst við hæfi að skýra hana
Skjálfta-Hrina.

       Um hádegið var svo farið af stað í hinn fræga sleppitúr gekk rosalega vel held ég bara. Held að það sé reiknað með 34 í gistingu á Nesbúð og sjálfssagt tuttuguog eitthvað á baki.  Aumingja Sigga svo lasin er með eitthverja flensu sem virkar þannig að hún er ekki með hita en svo mikla beinverki að hún getur sig varla hreift, getur ekki reist sig upp úr rúminu vegna verkja þannig að ég verð að toga hana upp.  Ég sá fram á að það væri bara tvennt í stöðunni annaðhvort yrði ég heima hjá henni eða hún kæmi bara með sem hún og gerði.  Held að hún hafi bara haft gott af því nokkuð sama hvar hún liggur fyrir, á meðan hún fer vel með sig.       

29. maí 2008

         Jæja þá er það búið eða hvað, ætli þetta hafi ekki verið suðurlandsskjálftinn og kannski er hann búinn þessa öldina.  Hér hristist allt ansi duglega, en ég gat nú varla séð mun varðandi það sem var á gólfinu hjá mér svona fyrir og eftir skjálfta.  Fannst menn og skepnur bara alveg halda ró sinni.  Verð nú að segja að það er betra að fá svona skjálfta um miðjann dag heldur en hér um árið að vakna við þetta.  Reyndar var ég á keyrslu og svo heppin að vera líka í símanum svo ég keyrði mun hægar en ég hefði annars gert, var á bílnum hennar Siggu þannig að ég fór enn meira varlega þar sem ég hef bara næstum aldrei keyrt bílinn hennar Siggu.  Hélt að það hefði nú bara sprungið á hægri fram hélt svo að það væri kannski vinstir fram líka, sá svo að ég var nú ekki ein um að fara út í kant og mætti Pétri póst sem benti mér á að horfa á fjallið sem var bara í moldarmekki og þá áttaði ég mig nú á að þetta var líklega jarðskjálfti.   Var nú að reyna að segja siggu minni hvað hún væri rosaheppin að hafa upplifað svona stórann jarðskjálfta án þess að verða meint af, held að hún hafi ekki verið sammála en hún lá veik uppí rúmi og gat sig varla hreyft.

     Kindurnar halda áfram að bera, nú og varðandi folöld þá held ég bara að Hæra sé farin að draga á hryssuna hans Gests, spennandi hver verður á undan.

        Má nú svo til með að minnast á að þrátt fyrir jarðskjálfta og að gemsinn dytti út þá datt netið aldrei út á meðan á þessu stóð, frábært verð ég að segja.

        Smá uppfærsla en hér varð jarðskjálfti en allt í lagi með alla hér.  Meira síðar. 

28. maí 2008

        Held að það hafi verið 25 hross keyrð niður á Hraun í dag, þannig að nú var hægt að setja eitthverja titti hér út og á morgun verða fylfullu hryssurnar færðar eitthvað til svo ég sjái þær nú alltaf.

       Veðrið ansi gott og kindurnar aðeins að taka við sér í burðinum.

      Foreldraviðtöl í skólanum hjá Dóra í dag, alveg með ólíkindum hvað minn maður hefur lag á að koma sér vel allsstaðar, ekkert nema þægur og duglegur og stendur sig með stakri prýði en gæti þó gert betur svona allavega miðað við hvað hann er agalega klár hehe 

27. maí 2008

         Jæja það tókst að setja inn nýja mynd inná folaldasiðuna.  Henti slatta af myndum út af síðunni og þá datt þessi mynd inn þannig að þetta hefur eitthvað með plássið að gera þátt fyrir að mér væri sagt að ég hefði óendanlegt pláss á síðunni.  Veit samt varla hvaða myndum ég henti allavega held ég að það hafi verið slatti af hundamyndum en þær eiga hvort sem er að vera á kersins síðunni en hún er nú orðin nokkuð klár held ég bara. 

        Kindurnar farnar að taka smá kipp í burði ekki mikið samt, nú held svo að hryssan hans Gests kasti næst já eða jafnvel Hæra en Hæra á það til að kasta alveg óvænt.

        Svo var öllum tryppunum smalað saman hér í kvöld en það stendur til að koma þeim niður á Hraun en þar erum við búin að fá land fyrir hross. 

26. maí 2008

Gulla frænka á afmæli í dag einn af fáum dögum sem ég man eftir og  hún er ennþá ári eldir en ég.
Til hamingju með daginn frænka. 

        Hrefna kastaði um klukkan hálffjögur í morgun, var nú fyrst á því að þetta væri móálótt eða brúnt, nú svo þegar það var komin dagur sá ég að það var nú ansi mikið bleik í því til að vera með brúnann grunn svo núna veðja ég á jarpa grunninn + álótt sem gerir þá bleikálótt, er alveg viss um að hún verður grá.  Við þurftim svo að fá dýralækni hér eftir hádegið því merin heilgaðist ekki en Mía var nú ekki lengi að redda því.  Hryssu og folaldi heilsast vel...(er það ekki sagt svoleiðs?)

        Annars lítið um að vera, það báru reyndar þrjár kindur í nótt en ekkert svo í dag.  Nú vefalbúmið er enn bilað vonandi lagast það nú sem fyrst en ekki nóg með það heldur get ég ekki uppfært myndir á þessa síðu, eins gott að ég setti strax í nótt myndir af folaldinu hennar Hrefnu, já og ekki gott að geta ekki sett inn mynd af folaldinu þegar það er orðið þurrt og bleikálótt, en það verður bara að hafa það, þetta hlítur að lagst og ef eitthver getur ekki beðið eftir að þetta komist í lag þá er Hrefna heimavið ásamt folaldinu. 

25. maí 2008

         Rosa gott verður í dag hlýtt og gott.  Eitthver slatti af karlpeningnum á bænum fór á Selfoss í morgun en Dóri og Sverrir ákváðu að æfa sig dálítið á vellinum.  Dóri var svo ansi heppin að Einar Öder var þarna að segja krökkum til og lærði slatta á því, en Dóri er semsagt að fara í úrtöku fyrir landsmót á laugardaginn og betra að kunna reglurnar.

         Eftir  hádegið var svo aftur farið að stað með kerru og núna í Pulu að sækja hryssur sem voru í graðhestum, þær höfðu víst laumað sér út á tún blessaðar og þar sem búið var að halda þeim þá verða þær bara sóttar seinna, allavega virtust þær ekki vera fyrir.

        Nú svo er semsagt farið að leka mjólk úr Hrefnu loksins þannig að það er vonandi von á folaldi í nótt. 

24. maí 2008

          Bara ansi gott verður í dag, allavega ekki rok.  Held að það hafi bara borið þrjár kindur í dag og ekkert folald ennþá, líklega koma samt eitt eða tvö fyrir mánaðarmót....vonandi.

         Það eru komin nöfn á öll folöldin held ég bara, samt ekki alveg viss hvort ég á að skýra brúnu merina Brúnka eða Bara Brúnka það á eftir að koma í ljós hvað festist á henni.

       Nú við unnum eiginlega Evrovision eins og ég spáði fyrir um, allavega norðurlöndin ef maður telur Noreg ekki með, geri aðrir betur.  Sjálf var ég agalega skotin í Danska laginu og svo því Franska en það bara nú bara púað á mig þegar ég hafi orð á því hvað Franska lagið var flott....en ég hef nú líklega ekki verið ein um að finnast það flott hér á Íslandi því við gáfum því 8 stig, og púið þið svo ...... 

       Nú mamma og pabbi kýktu svo hér í dag, eins kom Jósep og fj. við hér í dag, gaman að því.

23. maí 2008

        Kannski er það í dag sem er afmælisdagurinn sem ég hélt að hefði verð 21 maí, ekki alveg viss.

         Annars lítið um að vera, sauðburður gengur frekar hægt núna enda ágætt að fá sá pásu.  En þetta hlítur að fara á fullt aftur fyrr en varir held að það séu ca 60 óbornar.  

        Dóri fór á námskeið hjá Einari Öder í dag, gekk svona ljómadi vel, skildist á Bjössa að Einar hefði sagt stráknum til og það hefði verið alveg ótrúlegt að sjá hvað Dóri var fljótur að átta sig og klárinn breyttist bara á þessum klukkutíma eða hvað það nú var.  Svo er bara að vona að Dóri muni þetta allt þegar hann fer í úrtökuna um næstu helgi.  Þetta er jú bara gaman.

        Dóri henti í mig tvennum náttbuxum í gær og sagði ,,getur þú beðið ömmu að laga þetta"  ég hélt að það væri nú lítið mál og fór að skoða saumspretturnar, aðrar voru með saumsprettu eins og buxnaklauf, sjálfsagt hægt að laga það, skoðaði svo hinar náttbuxurnar, og viti menn, hann Dóri er bara snillingur, það var ekki saumspretta ó nei heldur hafði honum tekist að rífa aðra skrálmina af, alveg þvert yfir og uppvið klof.  Það sem mér fannst þetta fyndið fékk svo útskýringar á því hvernig þetta gerðist og þá hafið hann verið að fara úr náttbuxunum og það er að sjálfsögðu gert með því að stíga á aðra skrálmina og hún rifnaði bara af.  Allavega tók tengdamamma náttbuxurnar og við bíðum bara spennt að sjá hversu lengi þetta verður í lagi hjá mínum manni.

           Fór svo aðeins út á tún í dag að slóðadraga, gekk bara ágætlega svona þegar ég var búin að hringja í Dóra og fá að vita hvar handolíugjöfin væri, þetta er semsagt ekki undir stýrinu eins og það var í denn en ég fann þetta og gekk bara vel.

       Nú svo eru fréttir frá Danaveli af honum Kersins Orra, hann fór semsagt á sýningu þarna úti í dag og viti menn, hann orðinn Danskur meistari blessaður karlinn.  Til hamingju Linda og Orri þetta hefur verið ansi gaman og ekki verra að fólkið þitt skildi komast út og horfa á herlegheitin. 

22. maí 2008

        Lítið um að vera í sauðburði já og folaldseign í dag.  Guðni Reynir þurfti svo að fara til Grindavíkur að keppa í fótbolta held bara að hann hafi gott af því að líta uppúr sauðburði, held að Gauji þjálfara hafi þurft að hafa dálítið fyrir því að ná í pilt því menn eru nú ekki mikið að svara í síma á sauðburði. 

       Bekkjarfélagar Dóra komu svo í dag og fóru á hestbak, gekk að mestu leiti ágætlega en þó datt einn af baki en þetta fylgir bara.

      Magga frænka kom svo að horfa á Eurovision með Siggu, mikil gleði þar þegar við komumst áfram og stelpurnar farnar á rúntinn á Selfoss ekki að spyrja að því. 

        Hringdi svo í þá sem eru með myndaalbúmin mín á netinu og það er víst eitthver uppfærsla í gangi þannig að vonandi opnast þetta aftur á morgun, þarf að setja nýjar myndir inn af hryssunni hennar Hryðju. 

21. maí 2008

Það á eitthver afmæli í dag, Særún eða Stefanía man það ekki alveg og kannski báðar allavega til hamingju með daginn má eða næstu daga, ef þetta er ekki í dag þá er það klárlega næstu daga.

          Hryðja kastaði um hádegið í dag, þetta er held ég í fyrsta sinn sem mér fæðist brún hryssa og brúnt eini liturinn sem í boði var sem ég hef ekki fengið á hryssu enda er ég alsæl þó svo að allir skilji það nú ekki.  Þetta folald er allavega ansi stórt en ég er búin að taka myndir eftir að hún stóð upp en ég virðist ekki komas inn á myndaalbúmið mitt, síðan opnast bara ekki þannig að það verur bara að bíða aðeins að setja fleiri myndir þar inn.

        Var svo óskaplega heppin í dag að Kolla Gr var á ferðinni á suðurlandinu í dag og tók Perlu sem er hryssa vestur til Önnu Dóru og svo tók hún líka hana Skrámu sem Anna Dóra ætlar líka að taka.  Gott mál það.

       Karlpeningurinn á torfunni fór svo austur í Pulu með Nös undir Illing og Bóthildi undir eitthvern eðalhest en það er eitthvað sem Dóri og Bragi eru að bralla.  Bóthildi verður samt ekki haldið fyrr en á föstudaginn held ég.  Svo er  bara að vona að þetta virki.

       Skráði svo Erp í kynbótadóm í Hafnafirðinum held ég, Bensi búinn að skrá Sóley á sömu sýningu og Sverrir búinn að skrá Möndlu þannig að það eru þrjú hross skráð frá Miðengi á þessari sýningu, spennandi að sjá hvernig það fer allt saman.  Finnst nú ekki nógu spennandi dómarnir sem maður er að skoða í WF en kannski eru hrossin bara ekki betri ekki gott að segja.

       Nú af sauðburði er það að frétta að það hafa held ég bara þrjár ær borið síðan í gærkvöldi, eitthver pása í þessu sem er svosem allt í lagi, reyndar er nú að koma alveg þokkalegur gróður þannig að það er hægt að fara að sleppa.  En held að Guðna Reyni veiti ekki af pásunni því ekki vill hann leifa okkur hinum að leysa sig af á vöktunum.  Tók samt smá pásu rétt á meðan Chelsea leikurinn var í gangi. 

20. maí 2008

     Sóttum Hildi til Arons í dag og nú er bara að vona að hún sé með fyli, hægt að sóna eftir ca 18 daga held ég.  Í sömu ferð fórum við með Hæring að Skíðbakka og vonandi reynist hann vel þar.

       Fór annars í Laugarás í morgun, þurfti hin ýmsustu vottorð handa TR sem var lítið mál, eins vantaði mig uppl varðandi alltof háann púls og fékk eitthver lyf við því en þetta fylgir víst sterunum.  Reyndar er víst ráð við allt of háum púls að halda niður í sér andanum en það dugar bara rétt á meðan maður getur haldið níður í sér andanum....en getur samt aðeins slegið á svona vesen. 

       næstum búin að gleyma aðalfréttinni en um miðjann dag var ekkert smá stórir dorpar á spenunum á Hryðju, og núna kl 22.45 er hún að reyna að stinga hingar hryssurnar af, svona á milli þess sem hún er alveg hætt við og étur bara, þannig að við skulum vona að hér verði komið folald í fyrramálið en mig minnir nú að Goggi Mega hafi fæðst rétt um miðnætti í fyrra þannig að hver veit nema folaldið sé rétt ókomið.  Nú þeir litir sem von er í eru rautt, brúnt og jarpt, bleikálótt, móálótt og bleikt,  rautt og bleikt er víst sterkast í þessu tilfelli en aðalmálið er nú að fá hryssu, já og ekki verra að fá álótta litinn líka kannski bara móálótta eða bleikálótta, á bleika hryssu undan Hryðju, hana Sollu Stirðu en bíðum spennt kannski kemur bara rauður hestur sem fær á nafnið Glanni  Glæpur, glæpur stæði þá fyrir rauða litinn já eða bara Rauður annar heheh en vonun nú folaldsins vegna að þetta verði ekki rauður hestur.

19. maí 2008

         Hér er búið að bera áburð á öll tún held ég bara, líklega vika síðan og nú er allt á fullu að keyra út skít, það gengur svona ágætlega á milli ferða á Selfoss með sprungin dekk finnst mér.  Annars lítið að frétta, sauðburður gengur vel.  Nú fer reyndar að skella á snúningar með hross.  Ein komin undir Aron og á eftir að sækja hana, tvær fara líklega undir hesta í vikunni, Nös sem Jonni og Bjössi eiga og Bóthildur sem Dóri er búin að fá lánaða.  Nú svo reikna ég mað að koma Hæring í Landeyrjarnar á morgun, þannig að þetta er allt að gerast.  Vona bara að hægt sé að sameina eitthvað af þessum ferðum því ekki er nú olían ókeypis.

       Það eru svo farin að tínast inn nöfn á folaldasíðuna,  Jonni og Bjössi eiga samt eftir að finna nafn á hann Úps og Hreinn á sitt folald.  Ja kannski eru komin nöfn en ekkert sem ég hef frétt. 

18. maí 20008

Í dag er stóri afmælisdagurinn
Sigga er 18 ára í dag til hamingju með það Siggan okkar,
En það er ekki bara Sigga sem á afmæli í dag, Huldurnar báðar það er Hulda María er eins árs og amma hennar hún Hulda eiga báðar afmæli í dag, Silla á Akureyri á líka afmæli og Íris hans Stjána, til hamingju allar saman.

        Sauðburður enn á fullu búin að marka 160 lömb sem er nú nokkuð gott finnst mér.  Nú af folöldum er það að frétta að það er ekkert að frétta.....bíð enn eftir Hryðju og Hrefnu þær geta nú varla gengið endalaust með en Hrefna fer nú að nálgast árið. 

17. maí 2008

       Lítið um að vera í dag, reyndar suðburður á fullu ennþá ekkert lát á því.  Nú folöldin sem eru ókomin virðast ætla að láta bíða eitthvað eftir sér en það er nú kannski  bara Hryðja sem ég á von á að kasti í maí, veit ekki alveg með hryssuna hans Gests og eins Hrefnu gömlu, held að Gests meri gæti verið í maí já og ef Hrefna ætla að ekki að ganga  í meira en ár hlítur þetta að koma í maí.  Tintron var svo aftur settur Visku í dag vona bara að Bjössi fái folald undan þeim að ári.

      Maggi Lár og Svanhildur komu svo í kvöld að sækja eins og eina kerru af folum.  Gekk glimrandi vel folarnir greinilega minnugir þess að eitthverntímann hefur verðið sett á þá band, og þeir voru teymdir uppá kerru. 

16. maí 2008

      Mikið að gera í dag, byrjaði á að sækja Siggu á Hraunið....hún fór semsagt með bílinn sinn í bón á Litla Hraun, þegar við vorum komnar heim þá tókum við okkur til og mörkuðum slatta af lömbum.  Eftir hádegið var svo farið aftur á Selfoss núna þurfti að sækja bílinn.  Og aðeins að versla.  Þegar ég kom svo heim drifum við Bjössi okkur með Hildi í sónar en hún á að fara undir Aron og betra að hafa mernar á réttu róli þegar þær mæta.  Nú staðan á Hildi var sú að það var bara óhætt að fara með hana núna svo við skutluðum henni austur til Arons svo er bara spurning hvenær við sækjum hana, vonandi fyljast hún og ég var að spá í að fá brúnskjótta hryssu. 

15. maí 2008

      Búin að vera að drepast í endajaxli í nótt, reyndar búin að finna fyrir honum síðan fyrir helgi.  Nú eins og allir vita fær maður víst endajaxla um 25 ára aldur og enginn efast um það.  Hross eru jú aldursgeind eftir tönnum og því skildi það vera eitthvað öðruvísi með mig....  Hvað um það fór í morgun til Jóns tannlæknis og hann dró úr mér endajaxlinn, þetta var nú svosem heilmikil aðgerð en þó betra en að vera með jaxlinn og finna til í honum.

      Eftir hádegið fór ég svo með Dóra á Selfoss en nú var semsagt síðustu leifarnar af fæðingarblettinum teknar og saumuð 12 spor,  þetta veldur því að sjálfsögðu að Dóri kemst ekki í sund og segist heldur ekki geta skrifað, sér í lagi ekki dönsku og stærðfræði.  Þrátt fyrir þessa annmarka á hreyfigetu hans gat hann farið á hestbak í gærkvöldi á Grána sem var ansi viljugur, og á hrekkjótta meri þannig að hann gat tekið vel á en samkvæmt því sem læknirinn sagði átti hann nú helst að ríða út á feti fyrstu tvo dagana.....ég semsagt ræð ekkert við drenginn frekar en vant er.

       Aðeins pása í lömbum í dag en samt báru slatti af kindum bara ekki eins rosalega margar og í gær.

     Af folöldum er það að frétta að ég kýkti á Hryðju í kvöld og nú er ég virkilega farin að sjá mun á henni, kannski bíður hún fram á sunnudaginn en þá á Sigga afmæli og verður 18.  En kannski verður komið folald áður, ekki gott að segja.  Nú úr henni Hryðju vil ég gjarnan fá hryssu með fax, litur aukaatriði en ekki verra ef álótti liturinn skilar sér.  Þetta folald er svo undan Goða frá Þóroddsstöðum, verð nú að segja að þó þetta folald eigi ættir til að verða ansi fallegt má það nú aldeilis vera það ef það æltar að slá út folaldinu hennar Nasar sem er jú bara flottast allavega ennþá.  Og varðandi það folald er ég nú farin að efast um móvindótt en bleikálótt vindótt eða jarpvindótt kemur sterkt inn, áttaði mig á því alltíeinu að bleikálótt vindótt þarf ekki endilega að vera s vona rosalega ljóst eins og Hæra, getur verið mun dekkra en það er allavega einn svoleiðis stóðhestur hér í geymslu.  En sjáum til.  

14. maí 2008

        Kindurnar búnar að riðja úr sér lömbum í dag, annars bara lítið annað í gangi.  Jú nema hvað netið er að stríða mér og erfitt að uppfæra. 

13. maí 2008

       Tvö merfolöld voru fædd í morgun undan Erp, rauð og brún.  Það er nú alveg merkilegt með þessi folöld undan Erp sem hafa fæðst hér hvað þau eru í raun dökk vantar alveg þennann ljósa lit á lappirnar og undir kviðinn eins og rauð og brún folöld eru oft með.  Þetta brúna er nú bara í raun svart.  En allt falleg folöld og ágætt að fá ekki alltaf svona ,,venjulegann" rauðann og brúnann lit.

       Nú annars er sauðburður kominn á fullt, komin jafnmörg lömb í dag og voru komin 17 maí í fyrra en þó var hleypt til á sama degi, held að það hljóti að hafa verið settir fleiri en einn hlaupársdagur inn í dagatalið þetta árið.  Gengur annars ljómandi vel hefði reyndar viljað sjá mislit lömb en af 40 lömbum er kannski eitt golsótt og eitt flekkótt, ekki gott það en það á nú vonandi eftir að lagast.  En mikið af tvílembum held að það séu 2 eða 3 einlembur og ein einlembd lambgimbur svo þetta er bara gott. 

12. maí 2008

         Takk fyrir allar afmæliskveðjurnar, í gestabókinni já og svo er msn og sms bara gaman semsagt takk æðislega.

          Lítið um að vera í dag, Kata frænka kom aðeins við svona rétt til að sjá hvort ég hefði nú stækkað, já og að færa mér nammi svo ég horfalli nú ekki því ekki má það nú.

        Aðeins tosast nú lömb úr ánum, finnst þetta nú vera aðeins of snemma en fann svo allavega einn dag sem getur skýrt þetta því það er víst hlaupár þannig að nú eru einum fleiri dagar á milli 23 des og 13 maí heldur en var í fyrra þannig að þegar sauðburður er að byrja degi fyrr er þetta fín skýring.

        Finnst nú samt að hryssurnar hafi ekki fattað þetta, þær áttu nú að vera fyrri til en þær eru finnst mér, en kannski er það bara af því að ég hef litla þolinmæði.  Nös kastaði jú í gær, og ég get nú bara ekki betur séð en að folaldið sé móvindótt en þá á Roði frá Múla ekki folaldið.  Þannig var nefninlega að Nös átti að kasta í fyrra og ég man ekki hvernig stóð á því en Hæringur var settur með fylfullu hryssunum, og þegar Nös var allt í einu í látum sáum við að lílega væri hún ekki með þessu úrvalsfyli sem hún átti að vera með.  Hvað um það Hæringur tekin inn og Nös keyrð í sónar, þar var þeim sagt að halda henni eftir ca 5 daga og hún hefði nú mjög ólíklega fyljast þarna.  Við trúðum því, Nös fór undir Roða frá Múla þessum 5 dögum seinna, sónuð svo með fyli eitthvað enn seinna eins og lög gera ráð fyrir,  og miðað við hversu gamalt það var uppá dag, 21 dagur minnir mig þá passaði þetta við þessa 5 daga sem um var talað svo hér var von á folaldi undan Roða frá Múla.  En folaldið semsagt móvindótt er ég næstum alveg viss um allavega eitthver vindóttur litur þannig Roða getur nú ekki átt það.  Ekkert smá sem strákarnir eru heppnir finnst mér, að fá undan Hæring og þeir eiga eftir að sjá það betur sjálfir hversu rosalega heppnir þeir eru hehe allavega er folaldið alveg rosalega fallegt, það hefði ekki verið gaman ef það hefði verið algjör kútur en semsagt hálslangt og getur skeiðað ansi vel.

       Annars er svo farið að leka mjólk úr Bóthildi og hún búin að vera ansi óróleg í kvöld það verður örugglega komið folald í fyrramálið vona bara að það verði ekki rautt. En ennþá er 100% rautt hér í Miðengi undan Erp,( Valli og Sigga eiga reyndar álótt síðan í fyrra en teljum það ekki með), en 100% vindótt undan Hæring.....og sama úrtak tvö folöld á hest, nú erum við semsagt að tala saman eheheh, en ég verð nú aðeins að monta mig, það gerir það enginn fyrir mig allavega svo ég viti. 

11. maí 2008

        Jæja þá er ég loks orðin fertug og komin í fullorðinna manna tölu.

         Það var haldin þessi rosa afmælisveisla í skemmunni í gærkvöldi, bauð bara því allrar nánasta, fólkinu á torfunni, hestahópnum og matarklúbbnum en eitthvernveginn náði þetta nú sjötíu manns.  Bensi bróðir var með matinn að sjálfsögðu, þetta var svona pinnamatur og rosalega góður, allavega held ég að flestir hafi kunnað vel við matinn, jafnvel heyrði ég að eitthver sem aldrei borðar saltfisk smakkaði saltfisk og fannst þetta æði.  Hvað um það maturinn frábær takk fyrir það Bensi.  Linda, Inga Dóra og Sigga sáu svo um að skreyta skemmuna voru nú með fullt af aðstorðarfólki í því og þetta tókst nú ekkert smá vel, takk fyrir það öll sömul.
      Nú svo var bara djammað til fjögur í morgun.  Og vitið þið svo hvað hún Sigga mín gerði alveg ótrúleg, ég semsagt er búin að hlusta hér á eitthvert Bahama lag daginn út og inn þar sem Dóri lætur þetta ganga allann sólahringinn, ég semsagt bað hana nú að redda þessu á diski svo hægt væri að spila það þarna úti í skemmu.  Sigga gerði nú gott betur en það, ég fékk semsagt að hlusta á þetta frábæra lag live....Ingó og co mættu semsagt þarna um hálftvö og spiluðu til allaveg þrjú held ég.  Ég lærði nú ýmislegt skal ég segja ykkur, þessi hljómsveit heitir semsagt Veðurguðirnir en ekki Sólstrandagæjarnir, sem mér skildist að væri nú kannski hljómsveit sem var til fyrir 10 árum eða eitthvað.  Fékk nú samt ekki alveg botn í þetta því þarna var vist strákur sem er að spila með Klaufunum þannig að þetta var eitthver kokteill, nú og auðvitað voru bæði Solla og Sævar komin í bandið sýndist mér.  Þetta tókst semsagt alveg frábærlega og allir mikið sáttir held ég bara já nema kannski þeir sem tóku vitlausa stefnu í afmælið og enduðu á Ísafirði og í Danaveldi það er meira að segja spurnig hvort þið ættuð nokkuð að skoða myndirnar og sjá hvað var gaman.

     Ég fór semsagt að sofa um fimm leitið og aftur á ról um hálf sjö.  Þá fór ég einn rúnt að skoða merarnar og kindurnar, það var ein kind borin með tvö lömb og önnur að bera.  Nú af hryssunum var það að frétta að þrátt fyrir að það væri komið lítið júgur undir Nös var farið að leka mjólk úr henni, já eða komin dropi á spenann, ekkert folald samt komið núna um miðnætti, en það er líka farið að leka úr Bóthildi þannig að ég sé nú ekki að ég sofi mikið alveg í bráð en það gerir svosem ekkert til. 

10. maí 2008

       Jæja þá kom að því að ég hélt uppá fertugsafmælið, eða þannig, ég er svosem minnst að gera fullt af fólki sem sér um allt fyrir mig ég mæti bara út í skemmu í kvöld og brosi ehhe meiri fréttir af því á morgun hvernig veislan fór fram, myndir og alles. 

9. maí 2008

         Lítið um að vera í dag, fór reyndar á Selfoss að klára að versla fyrir helgina, held bara að við höfum fundi allt sem vantaði allavega þar til Bensi hringir....en kannski er þetta bara allt komið, já nema blá vínber sem ég fann nú bara ekki á Selfossi það voru bara rauð vínber í Nóatúni en hvað um það.

        Ekkert folald á leiðinni í nótt held ég, en reikna með að Bóthildur verði næst. 

        Nú svo verðið þið endilega að skoða hann Ívar frá Miðengi en það er klár sem hún Kolla fékk hjá mér, hér er linkur inná myndir af honum. 

8. maí 2008

        Jæja haldið þið ekki að Drottning hafi átt rauðann hest, ekki stjarna og ekki einusinni strik, bara alveg eins og rauða hryssan sem kom undan Erp í fyrra, hefði nú viljað moldótta hryssu en þó er betra að fá rauðann hest en dauðann hest og ekki sakar nú að hann er ansk flottur á reyndar eftir að sjá hann hreyfa sig en það ætti nú að sjást á morgun hugsa ég.

       Búið að klára að ganga frá sturtuklefanum, á í raun bara eftir að tengja hann við rafmagnið sem verður gert í fyrramálið og svo að læra á hann en allavega virkar vatnið inní klefann og út aftur og það er nú fyrir öllu.  Annað getur beðið, þó það sé nú spennandi að sjá hvernig þetta virkar allt, gufan og kannski aðalega viftan því mér fannst á Siggu að það væri nú ansi heitt þarna inni í lokuðum klefanum. 

7. maí 2008

      Folaldið undan Hildi var komið í morgun eða um hálffimm var það allavega komið og hryssan orðin heil.  Það kom bleikálóttvindóttskjótt hryssa sem verður grá.  Fékk semsagt allt sem í boði var, verst að hún verður grá því þá sér maður ekki alla litina sem hún ber en hvað um það Dóri á þetta folald og er alsæll held ég með hana.  Ég var svo viss um að þetta yrði hestur, svo nú þegar Drottning er enn ekki köstuð held ég enn í vonina að fá moldótta hryssu en ætli það komi ekki brúnn eða rauður hestur, það væri nú eftir því.  En sjáum til núna undir kvöld er hún enn óköstuð en ég á klárlega eftir að fara eitthverjar ferðir út í nótt held að ég hafi farið þrjár eða fjórar ferði síðustu nótt og munar nú ekki um að fara aftur í nótt.  Búin að setja myndir í albúmið undir folöldin 2008, bæti svo við þegar fjölgar meira já og eins þegar ég næ fleiri myndum af litlu hryssunni sem er með alla litina, það er að segja mynd þar sem sést hvernig skjótt hún er en hún er það ljós já og skítug í rigningunni að þetta sést illa hvað er hvítt og hvar eru bleikálóttar skellur.

      Annars fórum við á Selfoss já og í Bónus í Hveró í dag, ég Sigga og tengdamamma, aðeins að versla.  Kýkti líka í Árverkjann til að skoða innréttingar utanum þvottavélina og þurrkarann en erum að spá í að fá okkur svoleiðs inná bað nóg er nú plássið þar.

     Það fæddist svo eitt lamb í dag, undan gemsa og ekkert smá stórt lamb það, gemsinn var bara borin í morgun og alsæl þannig að þrátt fyrir að lambið væri stórt þá gekk þetta svona ljómandi vel. 

6. maí 2008

Steinar á afmæli í dag, til hamingju með 14 árin.

        Jæja ég er vakin og sofin já eða bara vakin yfir merinni og ekkert gerist, svei mér þá, nú er sólarhingur síðan fór að leka úr henni og ekkert kemur, nú mín kenning segir að þetta hljóti að vera hestur, já kannski bara tveir ...........nei vonandi bara einn, og ekki nóg með það þá er kominn dropi á spenann á Drottningu líka svo nú fer að verða spennandi hver verður á undan, var nú farin að halda að Drottning yrði á undan er veit svosem ekkert um það.  Bíðum spennt eftir fréttum á morgun, er alveg vís með að vera á röltinu í nótt líka enda hver þarf svosem að sofa þegar maður er á sterum, vona nú reyndar að ég geti sofið dálítið, en hvað um það.

      Nú Ingþór og Jonnu komu svo hér að púsla saman sturtuklefa, voru nú ótrúlega snöggir að því enda fylgdi ekkert blað um samsetningu þannig að það fór nú ekki tími í að átta sig á því, nú og ég var nú bara nokkuð til friðs, held að ég hafi ekkert verið að skipta mér of mikið af, dálítið samt enda er það jú alveg nauðsyn, kannski meira nauðsynlegt fyrir mig en þá en þeir kvörtuðu ekkert.  Nú er bara eftir að tengja allann pakkann, rafmagnið já og vatnið inn á gripinn og svo niðurfallið, það er líklegast einfaldast með rafmagnið því ég á von á rafvirkja á morgun og búið að leggja fyrir þessu, kannski meira mál með niðurfallið og vatnið en það þarf víst að minnka eða stækka eitthver rör, jú og svo þarf víst að fjarlægja gamla klefann og renna þessum inn í staðinn.  Allavega takk fyrir þetta drengir.

5. maí 2008

         Keisaraskurðslömbin voru bæði dauð í morgun, sjálfsagt hefði verið betra ef kindin hefði getað gengið legur með en þá hefði hún drepist svo þetta var nú eiginlega það eina í stöðunni en hvað um það. 

       Rosa fínt veður í dag, fór með Kersins Lindu á Selfoss í morgun í hundaæðisbólusetninguna þannig að nú má hún fara út eftir 21 dag, en held að hún eigi flug út 2 júní svo þetta er allt á góðu róli.

       Þá held ég að hún Hildur gæti farið að kasta, allavega var kominn dropi á spenann á henni núna undir kvöld þannig að hún kastar á innanvið sólahring mundi ég ætla en á nú von á að hún kasti í nótt, þær eru svo gjarnar á það að kasta á nóttunni já eða undir morgun en sjáum til.  Við Dóri erum voða spennt að sjá litinn sem kemur en það eru jú 48 möguleikar held ég af lit.

     Guðni Reynir fór í fyrsta já og síðasta prófið í dag þannig að nú er hann bara kominn heim til að vinna, hann sagðist nú verða lítið heima á morgun svo ég þurfti nú að vita hvað hann væri að fara, jú hann sagðist þurfa að girða á morgun, innan landareignar væntanlega, en semsagt verður ekki alveg heimavið.  Sigga fór líka í próf í dag og er búin að sitja við að læra í allann dag fyrir próf sem er á morgun, en þá á hún eftir tvö  próf á föstudaginn held ég og þá er þetta bara búið í bili.

4. maí 2008

       Strákarnir fóru með Erp í Pulu í dag, og fóru svo á Strönd og sóttu hann Fjölni sem er nú bara ansi fínn fínst mér.

       Adam og Hafdís kýktu svo í kaffi í dag gaman að hitta þau en þau eru svo að stinga af til Danmerkur í vikunnu og missa af afmæli aldarinnar.

     Nú svo mæli ég með að þið skoðið myndaalbúmið mitt, en varúð það er ekki fyrir viðkvæma en þarna eru myndir af gibbunni sem hefur verið með legvesen en er það vonandi ekki lengur. 

3. maí 2008

        Vorveður í dag, og ansi mikið um skúrir já eða bara skýfall sem er nú bara frábært enda sér maður bara grænka hér úti.

       Goggi Mega var sóttur í dag og er á leið vestur á morgun, held að hann ætli aðeins í bóklegt hjá Siguroddi, vonandi verður Goggi Mega okkur til sóma allavega var hann ansi prúður þegar hann fór í kerruna, bara eins og hann hefði aldrei gert annað.  Til hamingju með folann Ingi og Brynja, vonandi verður folinn bara eins góður og hann er fallegur.

      Talandi um Gogga Mega nú fer að styttast í að Hryðja mamma hans kasti og í þetta sinn er það Goði frá Þóroddsstöðum sem er hinn verðandi faðir, ég er strax farin að spá í nöfn og er nú á því að það séu flottari hestanöfn í boði, Nenni Níski og Glanni Glæpur, man nú ekki í augnablikinu eftir kvennkynsnöfnum, ja kannski Stína Símalína hehe það var jú reyndar ein þarna sem ég man ekki hvað heitir en ég treysti á að hann Júlían Máni muni þetta.

     Annast skoðaði ég hluta af hryssunum áðan, Bóthildur, Hildur og Drottning eru nú farnar að nálgast köstun, kapp hver fær fysta folaldið, já og kannski Hryðja en hún vildi ekki tala við mig.  Það kemur nú samt ekkert í nótt held ég en þetta styttist óðfluga.   

2. maí 2008

        Bar gemlingur í dag og átti tvö spræk lömb.  Nú svo var hryssunum samalað saman og 5 settar hér fyrir utan eldhúsgluggann minn, en það eru þær Nös, Hrefna, Drottning, Hildur og Bóthildur, var nú að spá í hvort ég ætti ekki að rölta eftir Hryðju minni líka svona þegar vel liggur á mér. 

       Annars bara allt í rólegheitum, búin að vera löt í dag en það er nú bara eins og það er.

      Dóri fékk víst að prufa Spólu mína í dag og var alsæll þegar hann kom heim, veit ekki hvort það var af því að merin væri svona góð eða bara montinn á fá að prufa hana. 

     Enn eitt ráðið fyrir gibbu sem er með legið út um allt var prufað í gærkvöldi en Svenni dýralæknir benti okkur á að þvo það uppúr köldu vatni og bera svo á það gyllinæðiskerm, og svei mér þá ef þetta er ekki að virka allavega á legið það til að vera á sínum stað svona stundum þó það sér nú ekki alltaf en settum meira krem á það í kvöld og nú er bara að sjá hvað setur.

1. maí 2008

Tengdó flutt í sveitina og núna er það endanlegt, ekkert stress að koma sér í bæinn í vinnu eftir helgar.
Til hamingju með að vera komin hingað í fríríkið okkar í Miðengi.

          Annars svosem lítið um að vera, enn vesen með gibbu og legið, bíðum bara eftir að hún beri, sem verður vonandi sem fyrst og þá vonum við að þetta verði í lagi fram á haust.

         Kýkti svo á hryssurnar í morgun og nú er ég alveg á því að Hildur verði fyrst, en það er nú svosem ekki gott að segja.

        Búin að vera ótrúlega spræk í dag, meira að segja bæði bakaði og skúraði sem er nú bara nokkuð gott, spruning hvort ég ætti ekki bara að nota tækifærði og gera jólahreingerninguna núna fyrst ég er sprækari en vant er.  Það er jú ekkert sem segir að jólahreingerningin miðist við að byrja ekki of snemma, bara spurning um að vera búin fyrir jól er það ekki???

      Gaman að sjá hvað þið eruð dugleg að kvitta í gestabókina þetta er bara gaman, takk fyrir það. 

30. apríl 2008

        Hringdi í Fossraf í gær og bað um eitt stykki rafvirkja því mig vantað að láta tengja eina innstungu eða svo....viti menn hér var mættur eitt stykki rafvikji í morgun, þetta var svosem ekki eins einfalt og þeir héldu, sem ég svosem vissi er fyrst þeir voru mættir á staðinn urðu þeir að sjálfsögðu að gera þetta, og ný lögn allaleið úr töflunni og inn á bað, það á semsagt að setja upp þennann fína sturtuklefa og í leiðinni sá ég að rétt væri nú að fá innstungur fyrir þvottavél og þurrkara en nóg er plássið og um að gera að reyna að nýta það.  Hélt nú að maðuir þyrfti að bíða í marga daga eftir rafvikjum en þarna var ég aldeilis heppin og reyndar er þjónustan í Fossraf bara æðisleg.

      Sigga fékk nú aldeilis fínann pakka með póstinum í dag, ,,Til hamingju með 18 ára afmælið.  Bakaðu og bjóddu vinum þínum til veislu!" undirkrifað Glitnir  Í þessum pakka var svo Betty Crocker  kökuduft....  Finnst ykkur þetta í lagi??  Þetta gekk nú meira að segja fram af mér, karlrembunni, hann Guðni Reynir varð 18 ára fyrir ári og ekki fékk hann Betty Crocker  kökuduft.

        Það var svo eitthvert vesen á einni kindinni en legið var á eitthverju flakki, setti það á sinn stað eftir uppskrift frá Gunna Har og nú undir kvöld var það enn á sínum stað.  Hún Lísa á líka eitthverja  sykur uppskrift sem ég þarf að komast yfir, en það er um að gera að safna að sér aðferðum til að bjarga sínum kindum. 

29. apríl 2008

Linda setti inn fyrir mig gestabók á forsíðuna endilega að kvitta.

       Það er eitthvernveginn allt að gerast í dag.  Fór á Selfoss í klippingu, voða fín.  Fékk svo þá hugmynd að kaupa nýjar gardínur í eldhúsið sem ég og gerði.  Sá svo þegar ég kom heim að jólagardínan var enn uppi en ég hafið semsagt sett um eina af tveimur jólagardínum fyrir jólin 2006, átti svo alltaf eftir að setja hina upp, ætlaði nú eiginlega að gera það fyrir jólin 2007 en hvað um það, allavega jólagardínan 2006 farin niður og komnar þvílíkt flottar gardínur segi nú ekki meir.

       Það eru komin lömb, fyrst lét reyndar ein kind í morgun tvö dauð lömb en svo komu fyrstu lömbin undir kvöld, ein tvílemba en Guðni Reynir hafði sett ca 3 ær í hann Berg eitthvað fyrr en sett var í allt féð.  Veit nú ekki hvort fleiri héldu en allavega gekk ein upp þannig að kannski ber önnur ær fljótlega.  Nú það var svo heypt semma til í ca 5 lambgimbrara þannig að nú gæti allt farið að gerast. Rólega þó vona ég.

       Nú hún Kersins Linda á orðið bókað far til Danmerkur en Dorthe ætlar að koma og sækja hana og fara þær út mánudaginn 2. júní og fljúga til Billund. 

       Svo er hann Hæringur búinn að ráðstafa sér í sumar en hann ætlar að vera í Landeyjunum hjá Rút og fj. að Skíðbakka.  Það verður nú ansi spennandi að sjá litaflóruna að ári þar á  bæ en eitt árið man ég að þau voru með albínóa og því heill árgangur með lýsingargenið, glóbrúnt, moldótt og leirljóst, nú og fá svo álótt, grátt og vindótt í  bland það verður bara spennandi.  Nú svo verður stefnan tekin á að sýna hann vorðið 2009, en ég bíð enn eftir að fyrsta folaldið komi hér en það verður undan Hrefnu já eða Hildi.

28. apríl 2008

      Jæja allt að gerast og samt ekkert.  Samt dugleg að henda rusli þessa dagana og samt sér ekki högg á vatni.  Hvað er maður að safna þessu dóti endalaust og fattar ekki einusinni að það var til fyrr en maður kýkir í kassa sem hefur ekki verið opnaður í mörg ár.  Hvað um það. 

     Nú stendur til að Kersins Linda fari til Dorthe í Danaveldi, verði að finna út hvenær best að að taka flugið og þá hvert því Billund gæti komið sterkt inn ef enginn er að fara til Köben þegar hentar best.  En sjáum til hvort við dettum ekki niður á eitthvað spennandi.

      Ekkert folald komið enn, finnst nú samt Elding hans Hreins var þóþarflega stygg, sama á svosem við um Hrefnu og Nös, Hildi er ekkert mál að fá að skoða já og Drottning fer nú ekki langt enda orðin svo stirð og hálf hölt að hún kæmist líklega ekki langt.  Það gæti komið folald um helgina hugsa ég eða kannski bara vona ég það.  Það er nú samt ekki spurning að slatti af merum kastar á afmælisdaginn minn og þí eignast ég klárlega sjálfkrafa þau folöld. 

27. apríl 2008

         Rosa gott verður í dag, fór uppá tún að kýkja á ólétturnar og gott ef það er nú ekki farið að styttast í Hildi allavega, Elding og Hrefna eru svo styggar að erfitt er að sjá þær nógu vel, nú og Drottning er orðin ansi stirð, getur varla gengið ræfilstuskan,.

      Það var svo ákveðið að setja  Tindron út í eins og eina hryssu  hann var ekkert smá kátur að fá að vera úti, setti inn mynd á forsíðuna.

       Svo kýkti hún Guðrún S í heimsókn í morgun, sá að við höfum bara ekkert breyst, ekki einusinni elst síðan í Mentó.  Nú svo kýktu Valli og Sigga ásamt börnum í kaffi, gaman að því.   

26. apríl 2008

       Dóri og Sverrir fóru á í Hrísholt í dag að keppa á hrossum.  Stóðu sig báðir með prýði held ég bara og Dóri kom með fyrsta sætið heim, þetta voru þrjú mót í heildina en Dóri semsagt vann í dag en þetta var eina mótið sem hann mætti á og því varð hann í níunda sæti yfir þjú mót sem er nú bara gott.  Best var að sjálfsögðu að hann skyldi vinna Tungnamenn en það er jú alltaf gamli góðir rígurinn. 

       Steini kýkti svo í dag, kom með blóm og mynd af Doppu Dóru en þau Linda  voru víst búin að fatta að ég ætti fertugsafmæli núna í vor, takk æðislega fyrir þetta. 

24. apríl 2008

Sumardagurinn fyrsti gleðilegt sumar öll sömul.

         Dálítill vindur í dag, annars svosem ekkert að frétta.  Fylfullu hryssunum var smalað saman það er nú ekki að koma folald fyrir helgi held ég.  Spóla var tekin inn og járnuð.  Þýðir ekkert að bjóða henni uppá að vera svona geld eða láta reglulega folöldum, Sverrir fór skeifnasprettinn á henni og ótrúlegt hvað hryssan var seig engu gleymt og spurning hvort hún verður bara notuð sem reiðhestur.  Svona allavega ef eitthver hefur getu og nennu til að nota hana.  En árið 2004 fæddist Erpur, 2005 hélt hún ekki, 2006 kom dautt folald í byrjun mars, 2007 kom Hylling og núna 2008 kemur bara ekki neitt þó svo hún hafi verið sónuð með fyli síðasta sumar.  Þannig að það er nú óþarfi að splæsa á hana spari meðferð eins og þær fylfullu fá.  Feit úti í stóði og skilar engu, ekki í boði held ég bara en sjáum til hvernig þetta á eftir að ganga.

        Annars er ég búin að vera ansi léleg í dag, held kannski að það sé útaf sterunum, sjálfsagt púls og þ.h uppúr öllu valdi en þá er bara að fara vel með sig skilst mér.

23. apríl 2008

       Búin að vera agalega dugleg í dag að fera vel með mig, labbaði samt uppá tún að kýkja á hryssurnar allt í rólegheitum þar.  Ætla svo að drífa mig á Hagyrðingarkvöld á Borg í kvöld, búin að plata mömmu og pabba til að taka mig með, verður öruglega gaman. 

22. apríl 2008

          Fór í síðust sterainngjöfina í morgun, þarna liggur maður upp í loft reindar í þessum flotta hægindastól og er eins og doðabelja með í æð.  Doðabeljurnar sprækjast næstum um leið já eða drepast en þetta virkaði ekki svona en á þó frekar von í að spræklast em hitt.

       Hér mætti svo rúningsmenn klukkan sjö í morgun og tóku af öllu fénu, mikið létti Guðna Reyni þegar hann sjá að júdókappinn hann Sævar Inga gat komið og hjálpað til, eru þetta ekki sömu tökin að snúa niðu rollu og júdókall, held það og hovrki júdókarlarnir né rollurnar eiga roð í stákinn hef ég grun um kannski gamlir hrútar aðeins snúnari hvort sem við erum að tala um saðufé eð mannfólk en þetta gekk semsagt rosavel.  Dóri fékk líka frí í skólanum og kom allur blár og marinn inn eftir atið, en held að það sé nú ,,kúl".  Daddi kom svo austur og í morgun til að vera með þannig að að var nægur mannskapur og ,,gömlu mennirnr" gátu gengið í þau verk sem þarf jú alltaf að sinna.

        Guðni Reynir skrapp svo á leiki til Mancester um helgina já eða leiki sá held ég báða leikina  Blackburn á móti Mancester U. og Mancester C á móti Portsmouth  Þetta var víst voða gaman en Guðni hafði nú samt smá áhyggjur af afa sínum hovrt hann næði að haga sér á útileik Mancester U. en viti menn gamli var bara rólegur en þá var það Jósep sem ekki kunni sig, aumingja Guðni Reynir reyndi jafnvel að stökkva á Jósep til að halda honum niðri því þeir voru víst innan um Blackburn áhorfendur en þetta dugði tæplega til hjá Guðna en á endunum gátu öryggisverðir náð að stoppa Blackburn bulluna áður en þeir náðu Jósep, þannig að allir komu óbarði heim sem betur fer og spruning ef þeir fara næst hvort Guðni reynir ekki að hafa eitthvað til að sprauta Jósep niður ef allt stefnir í vandræði.

21. apríl 2008

         Fór í bæinn í morgun og fékk sterana, fer svo aftur í fyrramálið í síðast sinn í bili, vona bara að þetta virki eitthvað á mig.  Annars ekki mikið að frétta nema hvað rýja á féð á morgun ekki slæmt það.  Rúningskapparnir ætla að mæta um klukkan sjö í fyrramálið og verða tveir skilst mér, þeir verða vonandi enga stund að þessu.

        Fór svo og kýkti á hryssurnar, Spóla mín sú gelda var agalega móðguð að ég skildi ekki ætla að skoða hana sérstakelga en hún er nú ekki spök blessunin en ákvað núna að koma hlaupandi og rölta svo á eftir mér, skrítin hryssa þetta finnst mér.

        Mamma kýkti hér aðeins við í dag og Gunni Har kom í kaffi, gaman að því. 

20. apríl 2008

      Búin að hafa það gott í dag, eins og svo oft áður.  Skoðaði nú ekki hryssurnar í dag en veit að það er engin köstuð.  Aðeins búið að vera gestagangur í dag, sem er bara gaman. 
      Hann Kjartan sem býr í danaveldi kýti á tvö tryppi sem hann á hér en við sóttum þau í landeyjarnar í vikunni. Annað mertryppið var með hvítar skellur hér og þar ein stór á hryggnum og önnur á lendinni.  Aldrei séð svona áður en þegar betur var að gáð þá var sár í þessari á hryggnum og þetta eru kalsár hvernig sem tryppið hefur náð í það.  Hlítur að hafa festst á milli þúfna eða eitthvað. 

     Aðalfundur Goða var svo í kvöld, góð mæting og ansi mikið gert já eða ákveðið að gera.  Búið að velja stóðhest í girðinguna en hann heitir Bliki frá Nýjabæ en það er ósýndur foli sem lofar ansi góðu og er rauðskjóttur.  Ég pantaði að sjálfsögðu undir folann en fór svo að hafa áhyggjur þegar ég kom heim, ætli ég eigi bara skjóttar hryssur eða hvað....jæja hvað um það ég finn örugglega eitthvað sem passar. 

19. apríl 2008

        Finnst ég búin að vera agalega dugleg í dag, fór og tók myndir af öllum fylfullu hryssunum sem eru hér heima vantar bara mynd af Gjóstu sem er í Hemlu.  Á nú kannski mynd af henni en ekki svona óléttuvormynd held ég.  Búin að setja allar þessar myndir inná folöldin 2008 og nú er bara að bíða eftir folöldunum og taka þá myndir af þeim og setja inn.

      Veðrið búið að vera alveg æðislegt í dag, ég gat meira að sejga farið út án þess að vera í útigalla og þá er nú mikið sagt.  Lotta og Vignir kýktu svo við hér í dag, gaman að því ýmislegt spáð og spurlerað.

      Sigga fór svo á hestamannaball með Jonna og Bjössa örugglega gaman að því hjá þeim. 

18. apríl 2008

        Talaði við lækninn minn sem er í Hveró á heilsunni og hún taldi best að ég  yrði útskrifuð í dag þar sem ég ætti að sjálfsögðu að láta sterameðferðina ganga fyrir.  Það passaði að þegar ég var útskrifuð og búin að pakka var hringt frá dagdeildinni og ég beðin um að mæta NÚNA í stera. Nú ég mætti að sjálfsögðu geri jú næstum alltaf það sem mér er sagt.  Á svo að mæta aftur á mánudag og þriðjudag, en þetta eru ca tveir tíma þar sem ég fæ stera í æð.  Nú svo á víst að setja mig í sjónhrif líka svona allavega ef græjan er í lagi.  Nú þetta þýðir að ég er komin heim sem er bara gott og nú vona ég að ég geti uppfært reglulega aftur.  Ég tala nú ekki um að geta sjórnað hér heima en það fer jú að styttast í hvolpa, skráð 30 apríl.

     Dóri skrapp svo með Sverri frænda sínum á Hvanneyri já eða á Miðfossa en Sverrir er að fara á námskeið þar og dóri ætlar að hafa gott af því.  Sverrir fer svo aftur á morgun og sunnudag held ég. 

17. apríl 2008

       Fór til Alberts Páls taugalæknis í dag, en hann var búinn að lesa út úr þeim rannsóknum sem ég var í í rörinu (MRI) held ég að það sé kallað.  Er semsagt með 4 bletti á mænunni og samkvæmt þeirri mynd er ég greinilega að sigla inní MS kast sem skýrir linkuna í mér þessa dagana.  Á víst að fara inná dagdeild og fá stera í æð strax eftir helgi.  Nú skanninn af hausnum hafið lítið breyst sem eru góðar fréttir svo spurði ég hversu margar skellur ég væri með á heila (búin að heyra um að fólk er með 3 eða 5 eða eitthvað og var því voða spennt hvort ég gæti nú ekki slegið eitthverjum út, nú Albert Páll fletti því upp fyrir mig og fann það út að það eru tugir skellna hvoru megin og geri aðrir betur....

16. apríl 2008

       Dóri og Sverrir fóru í Ölfusshöllina að keppa í tölti og gekk bara vel, tolldu inná brautinni og voru alltaf á tölti.  Hélt að þetta ætti að vera svoleiðs en hross sem tolldu ekki á nokkrum gangi stiguðust samt hærra í fullorðinsflokk.  Ég hélt líka að því hægar sem hægt væri að lát klárana tölta því betra en það var ekki heldur þannig.  Virtist vera tölt hraðabreytingar og hratt tölt ekkert hægt tölt sem var dæmt fyrir en við vitum það bara næst,  ef því verður þá ekki breytt aftur, en hvað um það Dóra vantaði tvær kommur til að komast í úrslit.  Þegar hann var svo kominn heim hrindi Svava en hún bjargaði Dóra fyrir horn og tók við dollu þar sem hann fékk sæti fyrir Hestamannafélagið Trausta, frétti nú vonandi fjótlega hvaða sæti hann fékk og tek þá kannski mynd af Dóra á Kubb með dolluna.

14. apríl 2008

         Netið var eitthvað leiðinlegt við mig um helgina og þessvegna hef ég verið léleg við að uppfæra en hér er nú ekki mikið að frétta verð ég að segja.  Ég er alltaf á heilsunni í Hveró og hef það bara gott.  Bjössi og krakkarnir eru svo heima já Guðni Reynir lítið reyndar heima meira og minna í London held ég að leika sér.

      Fór með Týru og Lindu í augnskoðun á laugardagsmorguninn og báðar fríar sem er hið besta mál.

     Enn á báðum áttum með Spólu, yrði hissa ef gelda merin mín mundi kasta en samt er hún svo kvíðsíð þannig að það er ekki gott að segja hvað er í gangi en líkast til tóm.  Held að það komi dýralæknir í vikunni og hann kýkir á þessar vafa hryssur vona ég.

       Fórum í matarklúbb á laugardaginn í Klausturhólum maturinn klikkar ekki frekar en vant er.  Hinir víðfrægu fermingarbræður mættu líka á svæðið en til stendur að fara til Barcelona í haust held ég allavega en við vorum reyndar farin þegar já og ef ákvörðun var tekin en fæ vonandi að frétta af því. 

6. apríl 2008

         Fór út að skoða hryssurnar mínar í dag já og annara manna hryssur.  Allar agalega bústnar og slællegar er nú samt á því núna að Spóla sé fyllaus en sjáum til, held að Það gætu verið þrjár hryssur með henni sem gætu kastað í lok apríl, og um miðjann maí gætu verið um átta sem væru kastaðar en það er jú miðað við ellefu mánaða meðgöngu, þetta er agalega spennandi.

           Eftir hádegið fórum við svo í Hveragerði í fermingarveilsuna hans Emils en Emil er bróðir hans Samma, rosa flott veisla það.  Takk fyrir okkur.

       Er svo að fara í Hveró á morgun, þarf fyrst að fara uppá spítala í MRI held ég að það sé kallast en enda svo í Hveró.  Er nú alveg að renna á rassinn með að taka með mér tölvu til að uppfæra síðuna, uppfæri bara næst þegar ég kem heim en ég var að hugsa um að skjótast heim á fimmtudag til að kveðja Guðna Reyni og passa uppá að hann gleymi nú engu heima en hann og Reynir Már eru að fara til London og koma ekki heim fyrr en á þriðjudaginn eftir viku. 

5. apríl 2008

            Hér var svo öllu sauðfé gefið ormalyf í dag, Daddi kom úr bænum að hjálpa Guðna Reyni við þetta já og svo var heimilsilsfólkið í þessu líka.  Næst verður þar rúningur sem er stefnt að. 

          Jæja þá eru byggingardómar og folaldasýning afstaðið.   Auður á Hömrum sá eiginlega alveg um þetta, og Hólmar og co sáu um veitingarnar.  Magnús í Kjarnholtum mætti með 3 folöld í gestaflokk og ég hugsa að þegar upp var staðið hafi mætt um 20 folöld hér úr sveit.  10 voru skráð önnur 10 voru skráð á staðnum.  Ég var nú orðin ansi uppgefin eftir daginn þó svo að ég gerði nú ekkert, stjórnaði ekki einusinni, Auður lenti í því.  Tókst þó að stjórnast í því hér heima að Jonni færi með Tind og fékk bronsið fyrir vikið, gott mál það.

            Sigga er svo byrjuð í meiraprófinu dugleg stelpa þar á ferð.   

4. apríl 2008

        Kom heim í dag í helgarfrí.  Nú það sem er helst að frétta að það er folaldasýning í Hólmarshöll á morgun klukkan 16.00 en áður en folaldasýningin byrjar verður Halla Eygló að byggingardæma okkar upprennandi stórstjörnur, hryssur og graðhesta fædd 2005 og eldra.  Spennandi að sjá hvað kemur.   

3. apríl 2008

          Jæja þá er ég  byrjuð á heilsunni í Hveró.  Finnst nú eins og dagskráin sem ég fæ sé að borða fimm sinnum á dag og lítið annað hehe ekki alveg en það á víst að fara rólega af stað með mi.  Maður fær þessa fínu stundaskrá og sem er næstum tóm en svo er fyllt út í hana smá saman.  Vona að það verði komið eitthvað inná hana af ráði eftir helgi en það tekur næstum vikuna að koma réttu róli á þetta allt.  Bíð spennt eftir að mæta í þetta allt, en verð komin heim um miðjann dag á morgun. 

2. apríl 2008

Fékk þetta sent í pósti í morgun og í staðinn fyrir að áframsenda þá set ég bara spakmæli vikunnar hér:

Ég gerði merkilega uppgötvun í dag. Ég uppgötvaði að bros er jafnsmitandi og
flensa.
Það brosti til mín alókunnugur maður og ég brosti á móti og hélt svo bara áfram
að brosa.
Ég labbaði fyrir næsta horn þar sem ég mætti öðrum ókunnugum manni.
Þegar hann sá mig brosa, brosti hann á móti og gekk svo brosandi í burtu. Þá
laust niður hjá mér þessari staðreynd, ég hafði smitað hann.
Guð veit hvað hann hitti marga og smitaði þá. Ég fór að hugsa um þetta bros og
skildi þá hversu mikils virði það er.
Eitt lítið bros eins og mitt, gæti breiðst út um heimsbyggðina.
Svo ef þú finnur að þú ert að bresta í bros, ekki halda aftur af því. Komum af
stað faraldri sem fyrst, stefnan er að smita allann heiminn.


BROSTU  ; )

       Annars er ég að fara á heilsuna í Hveragerði í dag, veit ekki alveg ennþá hvernig verður með uppfærslur en ég finn út úr því klárlega. 

1. apríl 2008

        Kýkti á stóðmerarnar í dag, er nú ekki alveg sannfærð um að Spóla sé geld en kannski er það bara óskhyggja. 

        Haldið þið að ég hefi ekki bara heyrt í gæsum í gærmorgun þannig að ég sannfærðist alveg um að það væri að koma vor,allavega þangað til ég fór út og fann hvað var kalt.

        Þurfti að fara á Selfoss í dag, en nennti svo bara ekki, endalaust hægt að fresta því já og svo þarf ég kannski bara ekkert að fara, því ég er svo gleymin að ég man ekkert hvað ég þurfti  að gera svo það hefur varla verið merkilegt. 

31 mars 2008

        Ágætt verður fyrripartinn en mér fannst vera farið að blása dálítið seinnipartinn.  Ætlaði að fara út og skoða Spólu mína og sjá endanlega hvort hún væri með fyli eða ekki.  Þurfti nú ekki að fara langt því ég Bjössi var nýbúin að sjá hana og í bullandi látum, þannig fór nú það en hún var sónuð með fyli við Hæring.  Spóla gerði þetta líka í hittífyrra það er lét folaldinu en átti svo folald í fyrra.  Spurning hvort ekki er kannski ráð að halda henni seinnipart sumars en ekki á húsi eins og ég hef verið að gera, en kannski skiptir það ekki máli.  Var nú að horfa í kringum mig hér heima og lét mér detta í hug hvort ekki væri bara ráð að setja járn undir hryssuna og brúka hana því þetta er jú hið besta reiðhross ef hún tollir í holdum.  Skildist nú að allir hefðu nóg með sitt, svo það er spurning hvort maður er eitthvað að standa í þessu en á nú eftir að herja á fleiri,,,, ekki að það skipti svosem máli að hafa hana gelda úti , eða hvað?  Er nú ekki búin að gefa upp alla von en nokkuð ljóst að ég á ekki eftir að nota hana í vor maður  verður jú að segja hlutina eins og þeir eru. 

30. mars 2008

        Steinar var fermdur í dag til hamingju með daginn.  Mér fannst þetta takast rosalega vel allt saman.  Athöfnin í kirkjunni var alveg æðisleg og veislan á eftir tókst líka rosalega vel.  Maður var ansi saddur og sæll þegar við komum heim.  Sumir fóru svo á hestbak svona aðeins til að jafna sig eftir átið, aðrir lögðust bara á meltuna, nefni engin nöfn en þetta var mjög fínn dagur. 

29. mars 2008

         Það er ekkert smá kalt í dag finnst mér.  Fór samt út í gamla fjós og tók slatta af myndum sem ég setti í myndaalbúmið mitt.  Til dæmis myndir af fola sem heitir Hvati og er mjög undarlega vindóttur, er nú eiginlega bara silfurgrár finnst mér.  Tók svo myndir af Erp og Hæring úti að leika sér.

        Fór svo á Selfoss seinnipartinn að sækja Þóru á rútuna en það er ferming og fermingarveisla á morgun en hann Steinar á að fermast í Búrfellskirkju í fyrramálið klukkan 11.00 og svo er stórveisla á Borg að hætti Bensa en maturinn byrjar klukkan eitt.  Þetta verður bara flott hef ég trú á.

28. mars 2008

          Lítið um að vera í dag, eitthver aummingjaskapur í mér held að ég sé kannski bara enn með flensu eða eitthvað.

           Annars er eitthver draugur að stríða mér núna, hef verið að reyna að horfa á sjónvarpið í stofunni í dag og viti menn þetta er sjónvarp með skoðun, bæði búin að reyna að horfa á stöð eitt og sky og hvað gerist, jú sjónvarpið slekkur á sér og kveikir svo aftur á sér eftir ca hálfa til eina mínútu og þá er búið að setja á stöð 2. 

27. mars 2008

      Bjössi skutlaðist með mér í bæinn í dag en síðustu tveir hvolparnir fóru með flugi á Akureyri, annar er hjá Sillu á Grísará og hinn fór að Syðri Haga sem er rétt hjá Dalvík held ég örugglega.  Þetta gekk allt ljómandi vel nema hvað ég var hálflasinn, drekk líklega ekki nóg skilst mér.

       Nú svo fóru strákarnir með Hæring og Erp í prufu í Pulu til Daníels, Dóri fór sem fulltrúi minn og Hærings auðvitað.  Skilst að strákunum hafi verið sett fyrir 2-3 vikna prógram og að því loknu verður aftur úttekt.  Skildist á Dóra að beislisvinna væri prógramið fyrir Erp og Hæringur er komin á það stig að fá próf á fjórhjól....spennandi.

      Nú það er eins og það sé alltaf eitthver draugur í heimasíðunni minni, hún er bara dáin öðruhvoru en þeir hjá emax koma henni alltaf í gang aftur sem betur fer. 

26. mars 2008

         Minn æskuvinur Gunnar Odds mætti hér í morgunkaffi, mikið spáð og spjallað, og gott ef ekki var búið að byggja hér heila höll við eldhúsborðið, spennandi að sjá hvað verður byggt í Miðengi næst og ef þetta verður reiðhöll þarf hún að sjálfsögðu að vera einum meter lengri eða breiðari en höllin hans Hólmars eheh

        Nú svo kom fóðureftirlitsmaðurinn í hádeginu og allt gott um það að segja.  Eftir hádegið skrapp ég svo á Kaffi Krús og hitti hana Hildi sem er líka með MS, ýmislegt spjallað um hunda, hesta, börnin og já um MS líka.

      Undir kvöld mætti svo Steindór með fulla kerru af folöldum var búin að heyra töluna sjö svo ég held mig bara við það en hef svosem ekki fengið neinar nánari uppl. þegar talið var af kerrunni en þetta hlítur að vera nokkuð rétt.

        Já og svo er stefnan tekin í bæinn á morgun en ég var að hugsa um að reyna að koma hvolpum í flug norður í land, en þá verða þeir allir farnir blessaðir og smá pása þar til næstu koma. 

25. mars 2008

           Leiðindar slyddudrulla í dag, ég, Sigga og Sammi fórum með bílana á Litla Hraun í bón og ekkert smá flottir bílar sem við sóttum, ekki alveg eins fínir eftir að við komum heim, var eiginlega allt á móti Siggu í gær, hún fór að láta lita rótina í hárinu, það mistókst og í staðinn fyrir að vera þarna í rúmann klukkutíma þá endaði hún á tveimur og hálfum tíma.   Þegar við sóttum svo bílana þá þurfti eitthver vörubíll að sletta yfir nýbónaða bílinn hennar, ekki gott.  Nú hún var rétt komin á Selfoss þegar löggan stoppaði hana og að henni fannst bara til að spjalla, hvað hún hefði verið að gera á Hrauninu og hvaðan hún væri.  Hún gat útskýrt þetta allt og þá var það aðalmálið hvernig hún tengdist Sverri, systir, frænka eða kærasta...  hvað um það þetta var ekkert mál svosem.

      Svo kom hann Steindór hér með fjögur graðhestaefni í fóðrun held að þeir séu að verða þriggja vetra.  Endalaust pláss hér eða þannig allavega ekki farið að þrengja að neinu. 

24. mars 2008

        Aðeins er nú heilsan að koma til baka en gengur samt hægt.  Annars bara ekkert að frétta, liggur við að það sé snjókoma stundum en ekki alltaf.  Búið að fara mikið á hestbak í dag og bæði Erp og Hæring kennt að teymast með fjórhjóli, það gekk víst bara ljómandi vel skildist mér. 

23. mars 2008

        Búin að vera ansi léleg í dag og reyndar alla páskana.  Hósti og kvef, en sem betur fer ekki hiti.  Nú svo er ég gengi í barndóm held ég bara því endajaxl er búinn að vera að hjá mig um helgina en ég hélt að þessir endajaxlar ættu að koma um 25 ára aldur, jú kannski passar það bara við mig.  Nú og svo er ég búin að liggja fyrir í dag með svima og flökurleika.  Ekki gaman hjá mér í dag, en þetta hlítur að ganga yfir eins og alltaf. 

22. mars 2008

        Alveg ljómadi gott verður í dag, var reyndar dálítið hráslagalegt í morgun en það lagaðist mjög fljótt.

         Kersins Lappi fór á sitt nýja heimili í dag, sá á nú eftir að hafa það gott, eini hundurinn og svo köttur til að leika við, ekki amarlegt það.

         Kýkti aðeins í hesthúsið, allt í sómanum þar eins og vera ber, en reyndar er aðeins farið að bera á múkk í hestunum, en Hreinn rak augun í múkk á Neista en Dóri var  búinn að vera að baða Neista í allann dag held ég bara. 

        Nú svo var humarveisla í Miðengi, nýttum okkur að tengdó eru flutt í nýja húsið og settumst upp þar, ætlaði nú aldeilis að sjá hvering Vesturbæjarfólkið matreiddi humar svona til að læra en auðvitað leit ég ekki einusinni upp, enda mikið þægilegra að kaupa bara humar og fá annann til að elda eheh

        Nú og svo komu hvolpar á Selfossi í dag, ég semsagt orðin amma eða þannig, Kersins Lukka átti 4 hvolpa, þrjár tíkur og einn rakka, tvö svört og tvær gular tíkur, næstum alveg einlit held ég bara eins og gotin hans Orra,  enda veitir svosem ekki af að fá aðeins heillitt innan um þessa snarflekkóttu hvolpa sem koma alltaf öðru hvoru.  Til hamingu með þetta Lukka og fj. 

21. mars 2008

        Rosalega gott verður í dag, kannski aðeins kalt en samt ekkert til að væla yfir.

         Hér var farið á hestbak fyrir hádegið svona til að hreyfa graðhestana, eftir hádegið var svo farið ríðandi til Hólmars, flottar mótökur eins og við var að búast á Minni Borg.  Held að mannskapurinn hafi verið kominn heim um hálfsjö í kvöld og þá passaði að fara aftur á bak og fara ríðandi uppí bústað til Hödda og Möggu, en þá voru þeir hestar teknir sem átti eftir að hreyfa.  Held að þetta hafi bara tekist með ágætum og allir sælir eins og svosem alltaf í Miðengi.

20. mars 2008

           Það er svo kalt og svo mikið rok, skírdagsreiðin sem venjulega er farin á skírdag var hún hálfléleg eða þannig, bara riðið hér út í hraun en þar var ekki alveg eins hvasst.  Nú og í raun var ákveðið að fresta skírdegi þangað til á morgun enda langur föstudagur og því örugglega hægt að að koma því við að fara ríðandi út að Borg og kýkja á Hólmar en Hólmar átti ekki von á að Coníakið mundi skemmast þar til á morgun.  Þannig að það er stefnana að fara til Hólmars á morgun.

       Annars kom Ingþór við hjá mér í dag með kartöflur og sveppi, eins komu Adam og Hafdís og að sjálfsögðu fylgdi Elvar, nú Höddi og Magga komu ásamt Reyni Má, tengdapabbi kýkti rétt inn fyrir dyrnar og Sverrir og Jonni komu líka við.  Linda og Kristinn kýktur aðeins við í dag.  Þannig að líkast til hef ég ekki verið alein heima í dag, gaman að því. 

19. mars 2008

Guðni Reynir er 19 ára í dag já og hann Gutti er tveggja  ára í dag til hamingju með daginn snillingar.

        Guðmundur Rúnar kýkti í morgukaffi í morgun, gaman að sjá hann á ferðinni. 

         Snjórinn er ansi mikið farinn og mikið af dökkum dílum komið uppúr, reyndar eru bara hvítir dílar eftir.  Þannig að manni dettur í hug að hugsanlega  gæti verið vor í vændum en páskahretið hlítur að eiga eftir að koma þó það verið kannski ekki fyrr en í apríl.

         Sigga er ekkert að lagast komst ekki í vinnu í morgun og ekki á ball í kvöld og allt stefnir í að hún komist ekki heldur í skírdagsreiðtúrinn á morgun.  Hún sá samt í verðurfréttum að þeir sem ætla að ferðast á morgun ættu að fresta því og henni finnst jú alveg sjálfsagt að fresta skrírdagsreiðtúrnum, það fylgdi nú samt ekki sögunni í hvaða landshluta fólk ætti að fresta ferðalögum en þetta hlítur að eiga við um Grímsnesið.

       Nú svo eru allir hvolparnir komnir með framtíðarheimili  Salka Brá fór í bæinn áðan, Lappi fer á laugardaginn, nú svo vantar mig far fyrir Lása norður í land ef eitthver er á ferðinni og svo er spurning hvert Baldur fer heheh

18. mars 2008

         Lítið um að vera í dag.  Þó kom hér maður með þrjá graðhesta en það var búið að tala um það fyrir viku hvort það væri pláss, ég var nú eiginlega farin að halda að þeir kæmu bara ekki neitt en svo voru þeir  bara allt í einu komnir en það gerir ekkert til því það var jú til pláss fyrir þá.  Spurði svo Bjössa um ættirnar á klárunum og eins hver ætti þá en hann vissi ekkert um það þannig að ég verð bara að komast það því.  Veit þó litina en einn er grár, annar brúnn og sá þriðji rauðblésóttur.

      Sigga er enn veik sem er ekki gott, leiðindar hósti og hitavella, vona bara að hún fari að lagst en Guðni Reynir ætlaði að verða orðinn góður árður en hann yrði 19 ára en það er nú bara á morgun, held nú samt að það gæti tekist hjá honum.

17. mars 2008

          Jón og Eline á Hofi kýktu hér í morgunkaffi með stelpurnar sínar, gaman að fá þau í heimssókn.

        Eftir hádegið fór ég svo á Selfoss með Prins í seinni parvó sprautuna já og að versla aðeins.  Kveikti á perunni þegar ég  var eiginlega búin að versla að líklega væru að koma páskar og ég ætti alveg eftir að huga að því.  Hamborgarahryggurinn og páskaeggin, það má nú ekki klikka.

       Guðni Reynir er aðeins að sprækjast, Sigga aftur er svo fúl yfir því að vera veik að hún veit  bara ekkert hvernig hún á að vera, ég er svo komin með eitthverja slæmsku í hálsinn en vonandi dugar það bara og ég verð orðin skárri á morgun.

16. mars 2008

           Fórum í bæinn í dag í fermingarveislu og ekkert smá flott með kaffinu takk fyrir okkur Silla, Halli og fj.

          Sigga er lögst í eitthverja pest og Guðni Reynir kom frekar fúll heim úr fjárhúsinu í hádeginu en hann sagðist hafa verið rekinn heim úr sínu eigin fjárhúsi, en Guðni Reynir er búinn að vera slappur í tvo daga held ég.   Svo er bara að vona að við hin sleppum við lasleika.

15. mars 2008

         Rosa fínt veður í dag, kannski aðeins kalt en logn og sól, fór í hesthúsið að skoða enn og aftur hrossin ekkert breyst síðan í fyrradag held ég.

       Annars er svosem ekkert um að vera, reyndar fermingarveisla í Reykjavík á morgun en það á að ferma hann Ívar Örn er hann er systursonur tengdapabba, sonur Halla og Sillu, en Ívar er yngsti sonur þeirra.

14. mars 2008

        Fór með hvolpana í dýralæknisskoðun í dag, gekk svona ljómandi vel og allir fengu fulla skoðun eins og það stendur.  Voru meira að segja nokkuð þægir svona miðað við Kersins hvolpa.  Nú það er svo komin nöfn á þá inná hvolpasíðunni. 

13. mars 2008

       Mía dýralæknir kom hér í dag og raspaði Hæring og Erp, svosem ekkert mikið sem þurfti að gera en það þurfti að gera þetta samt.  Nú svo voru tveir geldingar skaufaskolaðir.

      Annars svosem ekkert um að vera í dag, geri allt til að sleppa við að fara  af bæ og hringi hægri, vinstri til að sleppa við að fara af bæ.   Verð nú samt að fara á morgun en þá eiga hvolparnir að mæta í dýralæknisskoðun.

12. mars 2008

       Aðeins að prufa mig áfram með uppfærsluna vona bara að þetta virki hjá mér. 

        Fór á árshátið í dag í Ljósuborgarskóla, þetta var ekkert smá flott hjá krökkunum og reyndar kaffið líka hjá foreldrunum þetta var bara eins og í fermingarveislu, og gott betur, rosalega flott og mjög gaman.  Reyndar fullt af fólki sem ég þekkti ekki og það voru svo margri bílar þarna að þetta sló út þorrablótin, en á móti kemur að skaflarnir tóku smá af bílastæðum og fullorðna fólkið þurfti ekki rútu til að koma sér á og af stað.

11. mars 2008

       Fór í fjósið í morgun en þar eru aðalega hross núna, var að skoða Tintron en ég frétti að hann væri nýbaðaður, ekkert smá sem hann er orðinn fínn.

       Fór svo á Selfoss í dag með Dóra en hann áttir erindi í hestabúðina, ýmislegt sem honum vantaði alveg nauðsynlega.  Nú annars er bara allt í rólegheitum.

      Jú mér tókst að skila skattaskýslu fyrir Guðna Reyni og Siggu, ótrúlegt en satt.  Og svo kom Ingþór hér við í kvöld með kartöflur, einmitt búin að vera á leiðinni að hringa og væla út kartöflur en þá kom karlinn bara eins og kallaður.

    Setti inn nýjar myndir af hvolpunum sem Steini tók á föstudaginn.  Svo stendur til að fara með þá í dýralæknisskoðun á föstudaginn en þeir verða sjö vikna á laugardaginn og fer að styttast í að þeir komist á ný heimili.

10. mars 2008

Í gær var litla stelpan hennar Bryndísar frænku skírð og hún heitir Halldóra Björt.

        Það er ekki mikið um að vera þessa dagana, hvolparnir dafna vel og mikið að gera í hrossum, reyndar mikið að gera í að smíða utanum hross en það er heilmikið hring og beðið fyrir pláss fyrir graðhesta, ekki samt allir sem mæta en það er svosem ekki verið að halda eftir plássum handa þeim sem ekki koma.

      Sigga fékk nýjann bíl í dag, og ekkert smá flottur bíll það,  ,,hann er rosalega flottur ....hún og bíllinn passa vel saman" þetta er semsagt comment sem ég fékk um bílinn og þá Siggu, allavega mikið sátt stúlka þar á ferð og verður mikið blönk á næstunni hef ég trú á.

8. mars 2008

       Matarklúbbsdagur í dag, matarkúbburinn var hjá Jonna og Lindu og tókst ljómandi vel, vantaði bara Bigga og Mæju en þau standa víst í flensustandi þessa dagana.

     Fylfullu hryssunum var smalað saman í dag, og allt sorterað.  Held hreinlega að hún Spóla mín sem ég var viss um að hefði látið þar sem hún var já og er svo mjó, hún er nú kannski bara enn með fyli, hún er nú svosem ekki sver en vonandi er enn fyl í henni en hún ætti að kasta í byrjun maí, nú allar hinar hryssurnar eru vel feitar og ábyggilega fyl í þeim.

7. mars 2008

      Dreif mig á Selfoss í morgun að versla eða eiginlega dreif Bjössi mig ég var nú ekki alveg að nenna að fara.  Það er nú svosem ekki í frásögu færandi nema hvað ég aðeins utanvið mig eins og svo oft áður og rölti allaleið úr Bónus úti apótek, og viti menn ég var næstum búin að labba á blinda konu, sá  bara allt í einu hvítann staf við lappirnar á mér, en þetta rétt slapp, labbaði ekki konuna niður sem betur fer en spurnig hvort ég ætti ekki bara frekar að fara á bílnum á milli húsa hehe já eða ekki.

    Seinnipartinn eða klukkan 17.00 var svo von á Steindóri til að járna Hæring og Erp, og haldið þið ekki að hann hafi bara mætt á réttum tíma og réttum degi en þetta er eitthvað sem maður þekkir bara varla hjá hestamönnum, þeir mæta nú sjaldan á réttum tíma hugsanlega ekki á umtöluðum degi og já hver er munurinn á byrjun ferbrúar eða  byrjun mars...

     Jæja setti allavega járningmynd í albúmið.

5. mars 2008

        Það var ekkert smá gott veður í dag.  Rölti aðeins út í morgun, sá að það var verið að draga bilaðann traktór, ekki veit ég nú af hverju hann virkaði ekki.  Fór svo út í fjós og þar fyrir utan stóð stóri sturtuvagninn og sprungið á honum, kannski búið að vera lengi ég veit það svosem ekki.   Fór svo aftur út eftir hádegið að taka myndir af Hæring, hugsa að ég verði að setja bara sér myndasíðu fyrir hann, tek fullt af myndum en kannski ekki margar nothæfar en eitthvað samt.

     Bætti svo inn link á Holtakot en hún Brynja er svo ansi dugleg í hrossunum.

4. mars 2008

      Búin að setja inn uppl um Hæring minn á síðuna.  Bjössi og Dóri fóru svo út til að taka myndir af honum handa mér til að bæta á síðuna.  Nú þeir komu inn með 7 myndir af Hæring en 15 af Erp.... gat nú eiginlega ekki notað neitt af myndunum af Hæring eina hausmynd kannski ,þar sem það glampaði svo rosalega á endurskinið á gallanum hans Dóra.  En hvað um það ef það verður gott veður á morgun þá kannski reyni ég að ná myndum af honum.  Ætla svo að setja hann inná stóðhestavef hestafrétta, en þar verður þetta bara á netinu og hægt að uppfæra jafnóðum þegar maður veit eitthvað meira nú og eins að kippa klárnum út ef allt fer nú á versta veg.

     Annars er búið að vera leiðindarveður í dag, fyrst hálfgerð snjókoma og svo slyddurigning.  Frekar leiðinlegt.

3. mars 2008

         Fór í bæinn í morgun, sjá læknavesen en ekkert stórmál, sótti svo hundafóður en það var alveg kominn tími á það.

        Nú svo var það heimsókn í tryggingarstofnun og sem betur fer er útibú á Selfossi og alveg með ólíkindum hvað konurnar þar eru liðlegar, allt þetta pappírsvesen sem maður var  búin að kvíða fyrir er bara næstum martreitt ofaní mann og ég þarf bara næstum ekkert að hugsa bara kunna kennitöluna mína heeh

    Nú næst lá leiðin á Stokkseyri en það var í raun löngu kominn tími á að sækja nýja hundinn minn sem fékk það frábæra nafn Stefsstells Prins í Miðengi, alveg eins og gamli Prins afi sinn í útliti næstum og líka svo ótrúlega prúður.  Set inn mynd þegar mér tekst að ná góðri mynd.

2. mars 2008

      Ansi kalt í dag og svo líka skafrenningur þannig að færðin er farin að þyngjast svona allavega fyrir fólksbíla, en hvað um það ég kemst á mínum Ram nú og ekki þá verð ég bara heima.  Annars þarf ég að fara suður á morgun í smá læknastand, ekkert sem drepur mig eða allavega vona ég ekki.

       Bragi og Svava mættu svo hér ásamt Daníel í dag að taka út folana eða þannig og þeir bræður fengu leiðsögn, það er Jonni og Bjössi um hvert næsta skref væri, góðu fréttirnar eru svo þær að við þurfum ekki að fjárfesta í geldingartöng strax allavega, var nú að sá í að setja Hæring í stóðhestablaðið eða á hestafréttir, veit ekki alveg hvað þeir bræður ætla með Erp.    Nú og ef ég kem því í verk að setja klárinn í blaðið eða á vefinn þarf ég líkast til að taka mynd, það getur nú varla verið flókið tek bara mynd af honum í kyrrstöðu þá ætti það að takast hjá mér.

      Tók nokkrar myndir af hvolpunum áðan og setti eina inn á forsíðuna en þessi hundur er bara fyndinn og er greinilega að blikka eitthvern svo er bara að sjá hvort eitthver falli fyrir því hjá honum.

1. mars 2008

       Kýkti í bæinn í morgun á hundasýninguna, entist nú ekki lengi, og búin að vera agalega þreytt í dag, er nú samt búin að afreka að setja inn Kanarímyndir í albúmið.  Já og taka smá myndir af hestum og hlusta á diskinn hans Bjarna Trygga sem er trúbador og var á kanarí að spila, hann er örugglega frændi hennar Maríu Svövu já eða ekki.  Allavega rosalega flottur trúbador og mikið af fottum lögum.  Já og netið jafnaði sig greinilega í nótt og búið að svínvirka í dag nú og er bara krossa fingur og vona það besta.

29. feb 2008

Ragga átti stelpu í gær, til hamingju Ragga og Steinar.

        Það kom semsagt maður í hádeginu í dag og lagaði netið, og var ekki lengi að því, en mitt net var víst stillt á eitthvern vitlausann sendi eða bilaðann sendi veit svosem ekki hvað.  Netið virkaði rosa fínt í smá tíma en var svo orðið leiðinlegt í kvöld vonandi jafnar það sig í nótt og allir verða  glaðir.

      Annars er bara lítið að frétta, alltaf verið að temja graðhestana og gengur víst bara svo ljómandi vel en nú þarf maður að fara að vita framhald, hvort það er stefnan að sýna þá í vor eða bara að ári já og kannski ekki neitt, það er ekki gott að segja og viðmiðið á þessa 4. vetra fola er eitthvað sem maður bara þekkir ekki.

28. feb 2008

     Enn ekkert net komið, en reyni að uppfæra í gegnum símalínuna þannig að það verður ekki mikið sagt...

    Hvað um það allavega var mér lofað að það yrði komið á morgun og þetta lagað, ætla bara rétt að vona að það standist því þó ég geti uppfært í gegnum símalínuna þá get ég ekki svarað pósti sem er jú bara agalegt.  En svona getur þetta bara verið stundum.

24. feb 2008

        Ekkert net komið enn, vonandi lagast þetta á morgun en ég blogga bara þó svo ég geti ekki uppfært neitt.  Steini kýkti í dag og tók myndir af hvolpunum og ætlar að senda á Lindu og setja á díf síðuna þannig að þetta ætti allt að vera að gerast. 

     Annars bara allt í góðu nema hvað tíkurnar sem eru að lóða eru líka að slást blessaðar, eins og verstu hundar hreinlega en vonandi fer Týra að verða búin og þá er það bara Tíbrá sem þarf að passa þar til Linda  byrjar ....

23. feb 2008

         Komin heim  frá Kanarí sólbrún og sæl.  Nema hvað netið er ekki inni, sem er jú agalegt.  Hringdi auðvitað strax og kvartaði en var sagt að Seyðishóllinn væri úti en kæmi inn fyrir helgi og auðvitað trúði ég.  Nú er kominn laugardagur og ekkert net ennþá og ekki nóg með það heldur er  víst net í næstu húsum þannig að ég hef klárlega verið plötuð.  Geng í þetta strax eftir helgi eins og svo ýmislegt annað sem ég þarf að koma í verk.

    Man ekki hvort ég var búin að segja frá því en ég er  búin að fá mjaðmalosniðurstöðu á Kersins Lindu sem er A og svo Týra sem er C.

    Týra  er svo að klára að lóða en Tíbrá er byrjuð að lóða.  Þannig að ég get ekki einslaust dregið að velja hund en þetta fer nú að skýrast vonandi.

6. feb 2008

Þá erum við bara farin til Kanarí og næsta uppfærsla ekki fyrr en eftir ca 2 vikur.

3. feb 2008

      Letidagur í dag,  ekki eins rosakalt og í gær sem betur fer.  Myndaðist við að baka bollur,  tók ekkert smá langann tíma, var alltaf að gleyma mér eitthvað,  byrjaði á að gleyma ða  byrja eða þannig, allt í einu kveikti ég á perunni og setti vatn og smjöerlíki í pott og gleymdi að kveikja undir, hvað um að gleymdi  bollunum aldrei í ofninum og það er fyrir mestu.

2. feb 2008

Ekki dugar að drepast...

      Allir komnir heilir heim af þorrablóti og held bara að allir hafi verið nokkuð sáttir. Í dag var svo annar í þorrablóti hjá Lindu og Jonna, ég missti nú af fyrripartinum eitthað léleg í dag en svona er þetta bara.  Nú hér kom svo fólk að skoða hvolpana og tók frá hund númer 4 ansi fallegann strák held ég bara.  Seinnipartinn var svo pizza hjá Sverri og Karítas, en ég fór í matarboð að Spóastöðum, en Hildur var svo spræk að bjóða okkur sunnlensku búfræðingunum í mat, Hulda komst ekki úr Borgarfiðinum en þarna vorum við fjórar mættar, Sigríður, Bertha Hildur og ég, þetta  var nú ekkert smá gaman og maturinn rosagóður.  Gott að hittast svona aftur og geta misst sig í að hlæja að eigin vitleysu, og viti menn það er sko af mörgu að taka.  Ekki ein vitleysan stök eða þannig.

30. jan 2008

       Það virðist vera agalega mikið að gera þessa dagana.  Fór á Selfoss í morgun með Bjössa, þurftum að kaupa smá bjór fyrir þorrablótið, ekki mikið samt hehe.  Nú var varla komin heim þegar ég rauk í bæinn að sækja kjólana.  Voða fengin að þeir eru komnir í hús, og sé fram á að vera kannski mestmegnis heima á morgun það verður nú bara ágætt.

      Nú hvolparnir blása alveg út, dafna einstaklega vel sem betur fer.  Virðist ætla að losna við þá alla hér heima en er líklega búin að lofa 3 af fjórum svona ef allt fer eins og vonir standa til, en sjáum til hvað veður.

29. jan 2008

       Það stittist óðum í þorrablótið og ekki virðist snjórinn neitt minnka og ég sem hélt að vorið væri handan við hornið EN fer á Kanarý eftir helgi og athuga hvort þetta er nú ekki allt á leiðinni.

     Fór á Selfoss í morgun í klippinu og strípur, ekki í frásögu færandi jú eða kannski bara þetta gerist nú ekki oft, fór svo heim og aftur á Selfoss eftir hádegið en við Sigga fórum aftur í bæinn í kjólavesen, fer svo á morgun eða hinn að sækja kjólana og hundafóður í leiðinni, sem minnir mig á að hvolparnir dafna nú aldeilis vel, bara blása út.

     Og eitt sem ég gleymdi alveg að segja frá í gær já eða fyrradag, fór á Selfoss og mér sem finnst ég aldrei fara orðið af bæ, jæja hvað um það haldið þið ekki að ég hafi ,,mætt" já eða séð löpp af hrossi á hringtorginu á Selfossi, hrafninn virtist hafa misst þetta þarna því ekki trúi ég að þetta hafi gengið af á Selfossþorrablótinu, og ekki datt mér að taka þetta upp og greinilega engum öðurm svona næstum því ég fór þarna aftur framhjá tveimur tímur seinna og viti menn en var löppin þarna, en seinna um daginn var löppin farin, þannig að sá sem hefur tekið við af Matta heilbrigða hefur líkast til komið þessu burt eða þannig, já nema krummi hafi bara sótt þetta sljálfur.

28. jan 2008

     Hér gengur allt sinn vanagang, nema kannski netið sem er stundum ansi leiðinlegt við mig, en í góðu lagi með það í dag.  Fór á Stokkseyri að skoða hvolpana hjá Stefaníu enda er nú ástæða til, rosaflottir hvolpar og gamli Prins minn nú afinn.  Þarna er líka einn sem heitir Prins og er alveg eins og sá gamli.

    Fór að skoða hrossin mín úti í fjósi í dag, ansi gaman að sjá að það er allt að fyllast þar.  Heyrði reyndar í konu í gær sem var í vandræðum með nýkastaða hryssu, hryssa sem var víst í fullir þjálfum en svo átti víst að fara uppí hesthús og taka myndir af henni til að setja á sölusíðu en þá var hún bara köstuð öllum að óvörum.  Hvað um það konan ætlaði að fá að koma með hryssuna ef hún fengi hvergi pláss nær sér en hef svo ekkert heyrt meira.

    Bjössi fór á bak í dag, hann fór á báða graðhestana, Hæringur var alveg stjörnuvitlaus í vilja,  Erpur eitthvað rólegri, ekki gott að segja hvernig þetta fer.

    Sá líka að stían sem Hæringur er í passar alveg fyrir hvolpana þegar þeir fara að stækka, algjör snilld.

26. jan 2008

      Þegar ég vaknaði í morgun sá ég að Skráma var aðeins óróleg ekki mikið samt en passaði vel uppá mig.  Nú þegar ég sá svo að hún fylgdi mér eins og skugginn þá vissi ég að eitthvað var í gangi.  Hún vildi líka allt í einu vera í gotkassanum sínum, nú og svo um klukkan 10.00 í morgun þá allt í einu tók hún alla skóna mína og setti þá í kassann sinn og setti svo teppi yfir, hún reyndi að taka sængina mína en það gekk nú ekki alveg.  Nú um klukkan 11.00 í morgun kom svo fyrsti hvolpurinn og sá síðast af 4 um fjögur leitið minnir mig.  Ein tík og þrír rakkar, tveir rakkar með svart nef og tíkin og rakki með brúnt nef.  Þetta er nú dálítið skondið með þessa liti en ég var nú að vonast eftir mórauðu en átti nú samt alls ekki von á því, átti aftur á móti von á flekkóttu var nokkuð viss en ekkert flekkótt já og ekkert mórautt heldur.  Nú var nú nokkuð viss um að fá brún nef og það gekk nú eftir.Búin að setja þá inná hvolpasíðuna mína.

     Tík og hvolpum heilsast vel en ég er dálítið uppgefin. 

     Slatti af hrossum tekin inn í dag og útigangurinn allur settur á sama stað svona til öryggis, verra ef þau fenna í kaf.  Vona bara að ég geti farið út í fjós að skoða sem fyrst, þetta er nú ekki veður fyrir fullfrískt fólk að fara útí.

25. jan 2008

       Allt á kafi í snjó í morgun, skólabíllinn komst bara að fjósabrekkunni þannig að strákarnir fóru ekki í skólann og fjölbrautaskólagengið komst ekki neitt.  Nú næstum í fyrsta sinn í sögunni komst Jonni ekki í vinnuna í morgun og þá er mikið sagt, vanur að setja upp lambhúshettuna, hleypa úr dekkjunum og fara bara í vinnuna, en það dugði ekki til í dag.
      Annars kannski ekki verið mikil ofankoma í dag en dálítill blástur.  Tengdó komust svo austur í kvöld enda eins gott, því tengdamamma er jú með árlegt "bóndadagsnammi,,  látum veðrið nú ekki spilla því. 

      Ekkert að frétta af skrámu heldur allt ennþá í rólegheitum.

      Bætti inn á linkasíðuna nýjum linkum.

24. jan 2008

          Það var kominn ansi mikill snjór um daginn, svo minnkaði hann smá en nú er líkast til kominn enn meiri snjór, allt á kafi og spáin gerir nú ekki ráð fyrir að snjórinn minnki í bráð.

        Sigga fór nú samt í bæinn í dag, þurfti alveg endilega að skoða kjólinn sem hún ætlar að vera í á þorrablótinu, já og kaupa ýmisleg hef ég grun um, gekk nú samt vel allt saman þrátt  fyrir veðrið.

        Skráma er komin 60 daga í dag, alveg róleg ennþá.

        Nú annars er bara allt í rólegheitum, jú Linda kom í dag að sækja Hökka sinn, Berglind og Egill komu með henni.  Stutt stop hjá þeim núna enda mikil snjókoma og betra að komast nú suður aftur.

23. jan 2008

         Það var enginn skóli í gær, Dóri dansaði stríðsdans hér þegar hann heyrði þetta og fannst eiginlega verst að hann skildi hafa verið kominn á fætur og ekki nóg með það heldur búin að splæsa geli í hárið, þvílík sóun á geli fannst honum.

        Nú annars get ég sagt frá því að fyrir viku rúmri kom fólk í sumarbústaðinn sinn sem er nú kannski ekki í frásögu færandi nema hvað það ætluðu að vera að vinna alla vikuna í húsinu.  Og þá kom snjór....þau sáu nú ekki fram á að komast til byggða en endirinn var sá að á sunnudaginn var þá kom fólkið þeirra labbandi með gönguskíði handa þeim og þannig komust þau til byggða.  Örugglega verið ansi erfitt labb en rosagaman svona eftirá sjálfsagt mikið ævintýri.  Fékk myndir senda frá Hraunsbúanum frá ferðalaginu góða.  Og gott ef það er svo ekki örn sem sést á myndinni þarna.  Veit að það eru Ernir í Ingólfsfjallinu og sjálfsagt í Búrfellinu en ekki svona sýnilegir.  Og hvað ætli hafi þá orðið af uglunum?

    Annaras bara búið að snjóa í dag, svona með köflum.

22. jan 2008

         Búið að vera netsambandslaust síðan um hádegi í gær, ekki gott það allavega ekki fyrir mig.  Annars svosem ekkert um að vera, rok og rigning já og rok og slydda þess á milli ekki gott veður og rok er kannski dálítið vægt til orða tekið miðað við stöðuna í morgun.

20. jan 2008

       Þessi helgi búin og ansi mikið búið að vera að gerast.  Hundasýning aftur í dag og gekk aftur mjög vel og Orri kominn með Íslenska meistarastigið númer 3 og því orðinn Íslenskur meistari.  Besti rakki tengundar var Kersins Orri, Kersins Tíbrá og Katla urðu svo bestur tíkur tegundar númer 3 og 4.  Fékk annað sætið í ræktunnarhóp en Stefstells fékk fyrsta sætið enda mjög svo einsleitur hópur hjá henni, og það er jú það sem er verið að leita að.  Hún virkilega átti þetta skilið.  Kersins Máni mætti í dag í hvolpaflokk og hann og Trítla systir hans fóru með dollur heim.  Held að þetta hafi bara tekist í alla staði vel en enn og aftur var ég agalega uppgefin þegar ég kom heim, og mikið gott að Bjössi nennti að koma með og koma mér og hundunum heim hehe

    Annars  bara fullt af snjó ennþá sem er ágætt því það er svo bjart, það styttir jú veturinn heilmikið.  Já og svo styttist líka í þorrablótið, annann í þorra og svo Kanarý allt að gerast.

19. jan 2008

       Jæja þá er önnur hundasýningin að baki þessa helgina en fyrir þá sem ekki vita þá eru tvær aðskildar sýningar þessa helgina fyrir Íslenska hundinn, önnur í dag og hin á morgun og skráð sér á hvora fyrir sig og sitthvor dómarinn Kenneth Edh sem er sænskur dæmir í dag og Sigríður Pétursdóttir á morgun. 
     

Fann þetta á HRFÍ

VII. Skýring einkunna

Í gæðadómi er hundur dæmdur til einkunnar út frá útliti sínu og skapgerð og miðað við staðal hundakynsins, án samanburðar við aðra hunda sem skráðir eru í sama flokk.  Þannig geta margir hundar í sama flokki, fengið sömu einkunn.

1.einkunn (Excellent) / 1. sæti: rauður borði
2.einkunn (Very good) / 2. sæti: blár borði    

      Nú ég fór með Kersins Hökka og það gekk þokkalega, sett út á að hann væri með of stuttann feld..... en það er svosem allt í lagi þó ég sé alls ekki sammála því.  Kersins Linda fékk semsagt rauðann borða og fjórða sætið í sínum flokk en ekki samt að fara og keppa við meistarana.  Og þá var það Kersins Tíbrá Töfradís hún keppti í opna flokknum og fékk rauðann borða og fyrsta sætið og allskonar borða og fékk semsagt að keppa í meistaraflokki.  Þar fékk hún þriðja sætið sem er nú bara gott.

   Nú af öðurm Kersins hundum þá var þarna hún Kersins Trítla sem var í sama flokki og Hökki, sá ekki dóminn hennar en það var eitthvað svipað og Hökki þau fengu ekki framhald í besti eldir hvolpur.  Kersins Garpur og Vinur fengu báðir bláann borða, og báðir þá umsögn að þeir mættu hafa kröftugra höfuð.  Nú svo var hann Kersins Skellir þarna og hann fékk rauðann borða og þriðja sæti í opna flokknum og meistaraefni þannig að hann keppti við meistarana en komst ekki í röðun þar og að lokum Kersins Orri sem fékk líka rautt og annað sætið.  Hann fékk svo röðun í meistara flokknum og mig minnir að hann hafi orðið númer 2.  Svo var auðvitað hún Kersins Katla þarna í meistaraflokknum og fékk 4 sætið á eftir Tíbrá.  Var orðin ansi ringluð á þessu öllu já og er enn.  Þá var nú slegið í púkk og þeir sem fengu rautt sem voru Orri og Skellir af hundunum og Linda Tíbrá og Katla og nú skildi farið með Kersins ræktunnarhóp, átti að hafa 3-5 hunda í hópnum og ég þurfti enn og aftur að hugsa enda það eina sem ég gerði fyrir utan að skipta fyrir og benda.  Ég ákvað svo fyrir rest að sleppa Kersins Lindu enda hún ekki nema rétt rúmlega ársgömul og þetta sjálfsagt nóg í bili já og svo á að fara aftur á morgun.  Á þessu stigi var farið að rjúka úr eyrunum á mér út af öllu þessu veseni sem var nú svosem bara á mér heheh en mikill léttir að þetta var allt ákveðið.  Kemur þá ekki Linda yfirsýnandi og spyr bara eins og ....  ,,í hvað röð eigum við að fara með þau inná?"    Eins og ég vissi eitthvað um það eða væri fær um að ákveða Það heldur.  Fór bara uppí stúku eins og fín frú já og eins og alltaf og horfði bara á.    Jæja hvað um það Kersins ræktunin fékk fyrsta sætið ég voða ánægð með það, og fór þá bara heim alveg uppgefin.  Tók ekki einusinni dómablaðið með eða neitt, veit ekki einusinni hvort það fylgdi rósetta með en það gerir nú minnst til þetta skilar sér allt, nema já kannski Hökki hundur hann varð eftir í henni Reykjavík og ef ég er rosaklár á morgun þá get ég alveg óvart gleymt honum lengur þar til eitthver kolfellur .....hum hver gæti það nú verið???

   Þetta var semsagt rosaglóður dagur hjá mér, (reyndar finnst mér eins og ég sé rifbrotin hreinlega en veit að það er ég ekki, þetta er bara eitthvað sem hlítur að lagast) og mínum takk æðislega Linda mín, ég færi ekki á hundasýningar án þín og alls ekki hundarnir mínir það er nokkuð ljóst, nú og Ásta María, takk æðislega fyrir allt og eins Berglind, þið eruð bara bestar, já og fjölskyldan hennar Lindu stendur vel við bakið okkur.  Þetta er að verða eins og eitthver edduverðlaunahátíðarræða  eða eitthvað hjá mér en það er sko sýning aftur á morgun og ég verð að koma mér vel því þetta lendir allt aftur á ykkur. 

     Held að nú sé ég alveg að verða búin á því þoli illa svona mikið umstang, en það er nú ekki það oft hundasýning.  Sleppti reyndar að mæta í millisýningarkvöldverð á vegum díf, var nú alveg búin á því þegar ég kom heim og hálf smeik við veðrið, Dóri minn sauð bara pylsur handa mér hehe það toppar það ekkert.  Bjössi ætlar svo að fara með mér á morgun, aðeins að létta á mér og örugglega að passa að það komi nú ekki fleiri hundar heim en fóru og helst færri....

 

18. jan 2008 

       Ýmislegt búið að vera að gera í dag enda styttist óðum í hundasýninguna.  Við Tíbrá erum báðar búnar að fara í baðið fyrir sýninguna, ótrúlegt hvað hægt er að gera með blásara og og vinnu þið ættuð bara að vita hvað ég er fín hehe nei Tíbrá er semsagt búin að fá sýningarbaðið og agalega fín bara hefði eiginlega átt að taka mynd fyrir og eftir...

       Linda og Berglind vinkona hennar komu austur að gera og græja fyrir sýninguna.  Tóku svo Kersins Lindu og Kersins Hökka bara með sér suður, veit ekkert hvort ég sé Hökka meir, nema rétt inní sýningarhringnum, Linda mín komfallinn fyrir stráknum ekki annað hægt þannig að þó ég findi heimili yrði Linda líklega að fylgja með.  Að öllu bulli slepptu þá er hundurinn svo líkur Orra í háttum að það er ekki einusinni fyndið og svo er hann líka bara næstum alveg eins í útliti.

      Við Tíbrá fórum svo snemma að sofa til að vera klárar í morgundaginn, hugsa að Lindurnar hafi nú verið eitthvað að dúlla sér frameftir í feldi og eitthvað ekki það að Kersins Linda er bara nokkuð fín í feldi já og Linda sýningardama líka svosem.

     Skutlaði GR í skólann í morgun og verslaði smá í bónus var komin rétt fyrir háldegi heim.

     Steini og Dorthe komu svo hér í dag.

     Nú svo er bara að vona að ég komist suður á morgun vegna veðurs, en spáin er nú svosem ekki slæm.

17. jan 2008

       Og enn snjóar og snjór þetta er nú ekkert smá finnst mér.  Nú og ekki má svo gleyma í öllum snjónum að það er hundasýning um helgina.  Frá 10.00 - ég veit ekki hvað bæði á laugardag og sunnudag.  Hugsanlega búið um  kl 16.00 vonandi ekki seinna á laugardeginum, þá er líkast til vit að rjúka austur með Tíbrá og koma sér aftur í bæinn í agalega spennandi kvöldmat og svo aftur austur, nú og aftur í bæinn á sunnudagsmorgun, og liggja svo fyrir fram að næstu helgi já eða fram að þorrablóti bara eða þannig.

16. jan 2008

       Það bara snjóar og snjóar, lítið að frétta svosem, setti inn nýjar myndir í albúmið, svona snjómyndir, já og af höfðingunum sem ekki láta bjóða sér að fara út í svona veður hehe

      Nú svo er hún Linda  búin að opna Kersins síðuna, bara frábært finnst mér, takk fyrir þetta Linda mín.

15. jan 2008

         Já ég veit það, maður á víst að fara varlega í að óska sér.  Það er nú samt aðeins munur á fannfergi og smá snjó og ef eitthver heldur að þetta fannfergi sé mér að kenna þá er það misskilingur.  Það stendur ,,smá sjókomu og kannski byl bara í einn dag." (Þetta skrifaði ég semsagt í gær)  Þetta var ekki smá það er alveg klárt, og núna þegar klukkan er að verða hálfellefur að kveldi á skólabíllinn enn eftir að skila af sér einu barni, ekki Miðengisbarni samt, ég meira að segja heyrði sagt áðan að ef það ætti að vera skóli á morgun væri nú gott að fara að komast heim að læra.  Hef bara ekki trú á að það verði skóli á morgun því það er aftur spáð leiðindum á morgun.  Og takið eftir ,,bara í einn dag" skrifaði ég í gær þannig að þetta er klárlega ekki mér að kenna.  Setti mynd á forsíðuna af snjónum reyndar tekin í myrkri, kannski verður meiri snjór á morgun sem ég get tekið myndir af og þá í björtu já og betri myndir.

    Það var svo keyrt aftan á Siggu í dag á Selfossi, og í annað sinn sem er keyrt aftan á bílinn hennar í vetur og í báðum tilfellum var hennar bíll kyrrstæður,  það á nú eiginlega eftir að skoðast betur hvort sér á bílnum þegar ekki er svona mikill bylur.

14. jan 2008

      Búin að bíða í allann dag eftir snjókomunni sem átti að kom í gærkvöldi eða nótt og ekkert gerist.  Smá fjúk sem sést varla en engin sjókoma.  Vonandi á þetta nú eftir að lagast og við fáum nú smá snjókomu og kannski byl bara í einn dag.

       Annars ekkert um að vera held ég bara. 

13. jan 2008

         Bjössi kom inn með gotkassann í dag og allt klárt fyrir hvolpa, reynda ekki von á þeim fyrr en eftir tvær vikur en á gætt að tíkin aðeins átti sig á kassanum og svoleiðs áður en þetta skellur á.

        Sigríður og Hjölli á Fossi komu svo við í dag, kýktu í ,,fjósið" sem er alveg að verða að hesthúsi, já og í kaffisopa.

12. jan 2008

         Ýmislegt snúist í dag, karlarnir  byrjuðu á að fara að Pulu og sækja eina hryssu, komu svo við í Austurkoti að sækja aðra.  Eftir hádegið þá voru graddarnir settir niður í tún og þeim leift að hlaupa og enginn smá sperttur á þeim.  Ansi var nú Erpur svo flottur þegar hann kom heim af túninu.

      Rölti svo í morgunkaffi til tengdó, húsið aðveg orðið klárt og þau búin að koma sér ótrúlega vel fyrir.

     Sigga bara orðin ansi veik, kom snemma heim úr vinnunni en þarf ekki að fara á morgun, vonandi nær hún þessu úr sér fljótt, en hún er eins og leikskólakrakkarnir, um leið og skólinn byrjar verður hún veik.

     Fórum svo í matarklúbb að Bíldsfelli, mætingin eitthvað ekki alveg nógu góð en hvað um það rosa gaman og held bara að það hafi verið spjallað til hálfþrjú allavega.  Maturinn rosalega góður ekki að spyrja að því.

11. jan 2008

       Lítið að frétta í dag, þeir bræður skelltu sér samt á hestbak á Erp og Hæring og héldu að þeir gætu farið í samreið, gekk þokkalega með Erp en Hæringur var nú ekki alveg að fíla þetta, fannst full hægt farið hehe

     Heyrði í Lúlú frænku og held bara að hún sé að spá í að skella sér í sömu ferð og við til Kanarý svona allavega ef hún finnur sér ferð út.

10. jan 2008

       Við Sigga fórum í bæinn í dag, svona að skoða kjóla fyrir þorrablótið.  Fundum líka þess flottu kjóla hjá henni Önnu Kristínu   ekkert smá flott og svo eru kjólarnir bara lagaðir að okkur, víkka eða þrengja eftir hentugleikum. 

    Annars er bara lítið að frétta, Bjössi alltaf á hestbaki á meðan hann er ekki bundinn í smíðum eða eitthverju öðru.  Hæringur er eitthvað erfiður við hann, vill bara hlaupa hratt, rosalega viljugur en góður á feti ehhe kannski Miðengismenn þurfi bara að læra að ríða hægt úr???  Gæti það verið?

9. jan 2008

      Fór á Selfoss í morgun með Týru og Kersins Lindu í mjaðmamyndatöku, þetta gekk bara ljómandi vel og lítur bara vel út skildist mér en svo er bara að bíða eftir niðurstöðu en það getur nú tekið sinn  tíma en myndirnar eru sendar til Noregs held ég og þar fengin niðurstaða.

     Fór svo með Dóra á Selfoss en það þarf nýtt vegabréf fyrir drenginn svo hann komist nú heim með okkur frá Kanarý en gamla vegabréfið hans rennur út á meðan við erum úti.   Var svo heppin að geta prentað út eitthvað blað á netinu þannig að Bjössi gat skrifað undir hér heima já og ég líka.  Þá vantað bara votta og eins og vanta er kom ég við á Olis hjá mömmu til að fá vott og viti menn var svo heppin að Helga í Vaðnesi var þarna og tilbúin til að votta líka að við Bjössi værum í lagi, ekki alveg gefið að fólk vilji votta það.  Allavega gekk þetta svona ljómandi, myndin af Dóra tekin á Sýsló þannig að við þurftum ekkert að snúast mikið.

8. jan 2008

      Lítið um að vera í dag, kom mér samt út eftir hádegið og sjá Bjössa á Hæring, klárinn er svo viljugur og hefur endalaust þol, Bjössi var alveg uppgefinn þegar hann kom heim, klárinn hefði alveg getað haldið áfram.  Nú er bara að finna í að hemja folann og sjá hvað setur.

     Nú svo er von á Kanarýförum heim á morgun, örugglega sólbrún og sæl.

     Amor hans Sverris ansi haltur ennþá, ætla að fá bólgueyðandi handa honum á morgun ef hann er lítið að lagast en hann er enn á pencilíni.

7. jan 2008

Dóri á afmæli í dag orðinn 13 ára til hamingju með daginn Dóri okkar.

     Fórum í morgun að Pulu að sækja Erp, það gengur bara rosavel með hann og Daníel vill fá hann aftur eftir mánuð.  Greinilega mikið að gera þar á bæ, allt á fullu þegar við komum, enda svosem ekki skrítið.

    Fórum svo með Tíbrá, Lindu og Hökka í bæinn rétt að æfa þau í að taka sporin fyrir sýninguna.  Tíbrá kann þetta nú allt saman agalega fín en full feit held ég, Linda aftur var að vísu voða fín en aðeins hissa á Reykjavík, nú og Hökki lét nú eins og hann hefði bara aldrei gert annað en að æfa fyrir sýningu.  Þegar við svo vorum að fara heim var eitthver í henni Reykjavík að skjóta upp flugeldum, Tíbrá var ein í búri og vildi greinilega aðeins fyljgast með þessu vissi ekki hvort hún ætti að vera smeik, Linda aftur var skíthrædd, hljóp hring eftir hring í búrinu en Hökki sem var með henni í búri svaf bara þrátt fyrir að Linda væri að grölta yfir hann aftur og aftur.  Það þarf greinilega meira til að raska ró hans.

6. jan 2008

       Rosalega gott veður í dag.  Fór að kýkja á folana mína Hæring og Tintron, báðir fengu bað og eru þvílíkt fínir allavega í smá stund þar til þeir eru settir inní stíu og velta sér.   Amor hans Sverris er líka kominn í fjósið, sleginn svo illa að hann er  bara varla göngufær.  Tók eftir að þau  voru bara þrjú í þrem stíum í röð systkinin, Amor, Solla Stirða og Lindi, jú og svo er Goggi Mega þarna líka, og ekkert rautt brúnt eða jarpt.

     Hökki hundur fékk nú aldeilis heppilega heimsókn í dag, en Ellen og Þorgeir komu og fengu hann lánaðann til að fara út að labba, þannig að hann er búinn að læra að ganga í bandi sem er hið besta því hann á víst að mæta á sýningarþjálfun annað kvöld og betra að hann kunni að ganga í bandi þá.  Reyndar sýndist mér það nú frekar virka þannig að Hökki réð ferð en hvað um það þetta gekk allt vel sýndist mér.

    Fórum svo í mat til mömmu og pabba á Selfoss, rosafínn matur eins og alltaf, man nú ekki alveg hvaða kjöt þetta var en það var allavega eitthvert dýr með stór horn, elgur eða eitthvað svoleiðs.  Allavega rosalega gott kjöt.  Mikið sprengt á Selfossi vona bara að það hafi ekki heyrst hingað uppí sveit því það var éljagangur hér þegar við fórum og líka Þegar við komum heim, en rosa bjart og flott veður á Selfossi,  en við sjáum til á morgun hvort hrossin séu horfin og eins hvort Prins hans Sverris hafi nokkuð fengið hjartaáfall.  Skildist allavega á gamlárskvöld að þá hafi Prins verið ansi smeikur og reynt að fela sig á bakvið jólatréð, en þá leið bara yfir tréð eheh aumingja Prins honum hlítur að hafa brugðið.

5. jan 2008

        Höfðum smá afmæliskaffi fyrir Dóra í dag, hann á reyndar ekki afmæli fyrr en 7. janúar en hvað um það, var hvort sem er gestagangur í dag og því upplagt að nota tækifærið, fannst nú á Dóra að það hentaði honum bara betur að hafa kaffi handa heimilisfólkinu heldur en að halda eitthvað skólaafmæli.

      Jósep kýkti meira að segja í kaffi með fjöslkylduna, og ótrúlegt en satt það hittist þannig á að það var einmitt Man. United leikur í gangi í beinni, hver hefði nú trúað að það hittist einmitt þannig á en Jobbi heppinn þar, nú barnið sem er von á er rétt ókomið, átti víst að koma í gær eða fyrradag samkvæmt tali en kemur örugglega fljótlega, bíðum bara spennt.

4. jan 2008

      Undur og stórmerki gerðust hér í dag, það kom veghefill, sem væri nú ekki í frásögu færandi nema hvað hann kom ekki bara heim að fjósi eins og þeir gera alltaf, þeir eiga nefninlega að fara langleiðina heim til Jonna og Lindu, ca heim að gömlu réttinni held ég, nema hvað þessi hefill kom hér alveg heim í hlað hjá okkur Bjössa og í gegnum hlaðið hér og flóttamannaleiðina til Jonna og Lindu, gerði svosem ekkert til en það hefði verið sniðugt ef hann hefði fattað að fara allann hringinn en bílstjórinn virtist ekki átta sig á því að það væri hægt eða ekki náð beygjunni sem mér finnst nú hæpið og þurfti því að bakka alla leið hingað aftur, en hvað um það, það var svo löngutímabært að hefla hér heim og eins að vegagerðin áttaði sig á því að þessir ca 50 metrar frá húsi gilda ekki um fyrsta húsið á hlaðinu heldur endahúsið hefði ég haldið.  Held meira að segja að hefillinn hafi farið áleiðis til Sverris sem var líka alveg kominn tími á fyrir löngu.

     Var svo að snúast með Siggu og Samma í morgun en þeim datt í hug að fara með bílana í þrif á Litla Hraun, notaði tækifærið og verslaði dálítið á Selfossi og gat því látið krakkana bera út í bíl.

     Efitr hádegið var svo dálítið rennerí á fólki, Kjartan ,,danski" kom hér að líta á hrossin sem hann á hér, það kom nú svo í ljós að ein brún hryssa sem hafði verið send hingað er bara allsekki hryssan hans og því vantar honum tvö brún tryppi og eitt bleikt.  Reyndar var okkur og hann farið að gruna þetta því hans hross eru öll örmerkt en ekkert fannst í þessari hryssu.  Óli Pétur kom hér með honum og staðfesti þetta allt saman,
     Þá kom Gunni Har hér við í dag, hitti hann því miður ansi lítið, en þurfti svo aftur að rjúka á Hraunið en það þurfti jú að sækja bíla krakkana. 

3. jan 2008

      Enn og aftur rigning, svo var bara blíða hjá Sigríði á Fossi.......kannski er bara alltaf logn þarna í fjöllunum uppí Hrunamannahrepp, allavega getur varla verið verra en hér í dag eða þannig nema kannski eins og Guðni Reynir segir á Tjörnesi og á Melrakkasléttunni, þar er þetta  víst verst og óbyggilegt með öllu, kannski hann verið að kýkja þarna norður að sumri til.

     Fórum með eina hryssu í Austurkot í morgun vonandi selst hún þar nú og svo fórum við með gráa klárinn þeirra Magga og Sirrýar á Kríukránna en sá á nú eftir að hafa það gott á barnum, það er klárinn.

     Ætlaði svo að taka videómynd af hrossi hér heima og þá dó vélin mín, var nú búin að hafa vélina grunaða síðan í sviðaveislunni um að vera á síðasta snúning, en hélt nú ekki að hún mundi bara hreinlega hrökkva uppaf strax, ekki það að það er vel hægt að taka myndir og videó en þær eru bara svartar.

     Svo var víst eitthvað rennerí í fjósinu, kvígukaupmenn að skoða sér kvígur, 10 stykkjum var held ég lofað, þeim hlítur nú að fara að fækka eða hvað?

     Var svo að færa til búrin inni í þvottahúsi sem er nú ekki í frásögu færandi, nema hvað Tíbrá, Linda og Hökki voru færð um herbergi eða inná litla klósett, þannig að nú eru eftir frammi í þvottahúsi, dekurdýrin hans GR, Glampi, Týra, Gutti og Voði gamli, þetta fór frekar illa í Gutta þó var hans búr varla hreift eða þannig fékk annað búr alveg eins og það gamla, lá betur við að færa hans búr, nú og svo var því víst snúið um nokkrar tommur, það var ekkert smá grátið og gólað heheh en hann er nú búinn að jafna sig held ég í bili en þarf að græja þetta  betur á morgun veit ekki alveg hvað hann segir við því en það kemur bara í ljós.

2. jan 2008

      Rólegheit í dag,  Sigga  var að vinna í dag við að telja í sjoppunni, öruggelga að telja kúlur.  Annars bara ekkert í fréttum held ég, Dóri með eitthvað stelpustand en það flokkast nú ekki undir fréttir eheh.

1. jan 2008

Í dag á Bjössi minn afmæli og orðin 45 ára, hver hefði trúað því. Til hamingju með daginn.

     Þeir sem vilja sjá 2007 fréttir geta skoðað þær hér til hliðar.

      Loksins kom að því, Sigga á Ólafsvöllum fékk loksins Fálkaorðuna og löngu kominn tími til. Til hamingju með það Sigga okkar allra í díf.

     Það lítur út fyrir að allt hafi farið vel fram hér heima á bæ þrátt fyrir að við værum í henni Reykjavík.  Reyndar þegar við komum heim var Voði hér inni í svefnherberginu okkar Bjössa en þangað fer hann aldrei og átti að vera lokaður inni í þvottahúsi, aumingja karlinn.  Öll hross voru á sínum stað, en það var ákveðið að taka tvær veturgamlar hryssur inn.  Sollu Stirðu svona af því að ég held alltaf að hún sé ekki nógu feit en það er nú bara misskilingur í mér, hún er bara alltaf í svo fallegum hárum þessvegna held ég að hún sé mjó, semsagt ekki mikið úfinn hehe, nú og svo á hann Kjartan í Danmörku nokkur hross hér og það var ákveðið að taka inn rautt mertryppi sem er ekki í nógu góðu  standi fannst okkur.

    Aðeins gestagangur í dag sem er nú bara gaman, okkur Dóra grunuðum þetta og vorum því búin að skella í tertur en ekki hvað.  Ingþór og Hulda kýktu, Bensi, Kristín, Einar Óli og Vala komu líka í kaffi og svo komu Adam, Hafdís og Elvar líka við takk fyrir komum rosa gaman að sjá ykkur öll.